Kronikë nga Iraku:Ushtarët shqiptarë
Irak: Fatmirësisht asnjë nga ushtarët shqiptarë nuk ka pësuar dëmtime
14nentor2004.
TIRANË- Terroristët irakenë sulmojnë bazën ku ndodhen komandot shqiptare në Mosul. Për një javë resht baza ku ndodhen komandot shqiptare ka qenë pre e sulmeve të shumta terroriste dhe fatmirësisht asnjë nga ushtarët shqiptarë nuk ka pësuar dëmtime. Ata kanë pasur provokime të ndryshme gjatë patrullimit të tyre në Mosul por kanë ditur që t’i zgjidhin më së miri sutuatat që u kanë dalë. Gjatë këtyre sulmeve kanë mbetur të vdekur tre ushtarë dhe një toger amerikan.
Ndërkohë dje guerilasit vendas kanë arritur që të marrin pozicione të tjerë shumë të rëndësishme në qytetin e Mosulit, ku patrullojnë edhe forcat tona. Ata kanë marrë një stacion policie si dhe disa pika strategjike të qytetit. Lajmi është pohuar dje nga zyrtarët e Ministrisë së Mbrojtjes që kanë lidhje telefonike të përditshme me komandën tonë në Irak. Sipas tyre, situata është e rëndë por jo alarmante.
“Ditët e fundit, baza ku ndodhen forcat amerikane dhe ato shqiptare ka pësuar sulme të fuqishme nga ana e grupeve terroriste irakene. Ato janë pozicionuar rreth bazës dhe herë pas here ndërmarrin sulme të befasishme guerile”, -tha dje një zyrtar i Ministrisë së Mbrojtjes. Një zyrë e veçantë në ministri ka lidhje të përditshme telefonike me komandën tonë në Mosul, e cila raporton për gjendjen. Sipas njërit nga zyrtarët që ka biseduar me komandot shqiptare në Irak, gjendja është përkeqësuar shumë gjatë ditëve të fundit. Guerrilasit vendas kanë kryer sulme në të gjithë qytetin. Ata kanë arritur që të pushtojnë përkohësisht nëntë rajone policie, të cilat i kanë grabitur dhe më pas i kanë lënë. Edhe dje është sulmuar një rajon policie në zonën e “Sheikh Fatih”, i cili ndodhet në anën veriore të qytetit të Mosulit. Si pasojë e këtyre sulmeve guerile, kanë gjetur vdekjen tre ushtarë dhe një kapterr amerikan. Forcat tona që ndodhen të dislokuara në Mosul i kanë raportuar epërorëve të tyre në Tiranë se gjëndja është relativisht e qetë. Gjatë ditëve të mëparshme, ata kanë hasur probleme teksa patrullonin rrugët e qytetit. “Kemi pasur provokime të shumta nga vendasit por kemi ditur që t’i kalojmë këto situata të vështira. Patrullat tona janë provokuar shpesh por deri tani nuk kemi pasur asnjë problem konkret. Gjatë ditës ka sulme sporadike me bomba ose me murtaja por pa probleme”,- mesohet t’i ketë thënë komanda jonë në Irak, Ministrisë së Mbrojtjes. Ndërkohë ajo ka përmendur edhe një sulm shumë të fuqishëm nga ana e terroristëve irakenë. “Natën e Kadrit, ditën e premte, ka qenë sulmi më i fuqishëm. Terroristët irakenë kishin rrethuar bazën ku ndodhemi ne dhe për gjashtë ose shtatë orë janë zhvilluar luftime të ashpra. Ata ishin të pajisur me murtaja dhe na sulmonin nga larg ndërsa ne përpiqeshim që të mbroheshim. Kemi luftuar për gjashtë ose shtatë orë pa ndërprerje dhe më në fund forcat irakene u tërhoqën”,- kanë raportuar komandot tona në Irak. Sipas tyre, sulmi më i fundit ka qenë dje rreth orës 19.00, me orën tonë. “Një turmë e madhe njerëzish pasi ka dalë nga xhamia ku kishin kryer ritet e zakonshme, kanë sulmuar bazën ku ndodhemi ne dhe forcat amerikane. Sulmi është përballuar më së miri nga ana e ushtarëve që ruajnë bazën dhe situata ka kaluar pa probleme. Duke e krahasuar me ditët e mëparshme situata është më e qetë”, kanë thënë komandot tona në linjë telefonike për Ministrinë e Mbrojtjes. Forcat irakene në Mosul kanë marrë zemër edhe më shumë për faktin se një pjesë e madhe e trupave amerikane që ndodhen në këtë qytet kanë shkuar në Falluxha ku luftimet janë edhe më të zjarrta.
Shekulli
Përgjigju Duke Cituar
Postuar më parë nga ice_storm
Krijoni Kontakt