Sëmundja e kancerit

[biligoa]

Qeliza imunitare të "armatosura" kundër tumorit, kanë rezultuar efikase mbi 17 pacientë me melanomë, të një stadi të avancuar, dy nga të cilët u shëruan plotësisht pas më shumë se një vit e gjysmë kurimi. Lajmi i publikuar në revistën "Sciese" është fryt i punës së ekipit të Steven Rosenberg në "National Cancer Institute" në Nju Xhersi, i cili deklaroi se është hera e parë që rezultate të tilla u vëzhguan te pacientët dhe se kjo lloj terapie, me qeliza imunitare të modifikuara me inxhinieri gjenetike, prezanton të ardhmen në fushën e onkologjisë.

Limfocidet T janë qeliza imunitare të afta për të njohur dhe për të vrarë qelizat e huaja që futen në trup. Kështu, ekspertët nxorën limfocitet T17 nga trupi i 17 pacientëve me melanomë në gjendje të përparuar, i modifikuan gjenetikisht këto qeliza në mënyrë që të ishin në gjendje të sulmonin kancerin dhe i injektuan sërish te pacientët. Në këtë mënyrë, ka shpjeguar Rosenberg, pacientët e trajtuar kishin në trup një përqindje diskrete të "limfociteve T antimelanomë", të afta për të sulmuar tumorin. Te dy pacientë trajtimi eksperimental rezultoi i aftë t‘i bënte klinikisht të lirë nga sëmundja. Në çdo rast, për të gjithë pacientët u vëzhgua se limfocitet antimelanomë ishin të pranishme në trupin e tyre për një periudhë të gjatë pas injektimit. "Kjo teknikë mund të jetë vërtet një hap revolucionar për të kuruar kancerin", përfundoi Rosenberg.

[Qendi]

Lajme inkurajuese për trajtimin e kancerit
Kohët e fundit po dëgjojmë njoftime inkurajuese në lidhje me kancerin - sëmundja e dytë më e rrezikshme në Shtetet e Bashkuara. Sëmundjet e zemrës zenë vendin e parë.

Në New Orleans të shtetit Luiziana, sapo përfundoi takimi vjetor i specialistëve më të mirë amerikanë të kancerit. Studiuesit paraqitën prova për disa zhvillime premtuese në trajtimin dhe parandalimin e kancerit.

Ndër kanceret më të vështirë për t’u trajtuar janë ato të veshkave, mushkërive, të kokës dhe të qafës. Tani një gjeneratë e re ilaçesh premton si kurrë më parë në suksesin kundër këtyre kancereve. ”Jetojmë në një kohë të jashtëzakonshme, pasi jemi marrë me biologji molekulare për 20 vjet me radhë dhe më në fund po i shohim përfitimet e kësaj pune në klinikë”, thotë eksperti Roy Herbst.

Ilaçet e reja, përfshirë Taceva-n, Erbitux-in dhe Avastin-in, bllokojnë lëndët kimike apo enët e gjakut që ushqejnë indet e kancerit. Rezultatet e paraqitura në konferencën mbi kancerin tregojnë se pacientët me tumore të avancuara, të cilët nuk përmirësoheshin nga format e tjera të trajtimit, arritën të jetonin mesatarisht më gjatë duke përdorur ilaçet e reja.

”Këto barna në përgjithësi i ndihmojnë mjaft pacientët të jetojnë për vite të tëra, por kuptohet se ka pacientë që nuk shohin ndonjë përmirësim,” thotë eksperti.

Faza e ardhshme e kërkimeve është përcaktimi i ilaçeve me efekt më të madh tek pacientë të kategorive të caktuara apo edhe i kombinimit të barnave të ndryshme në mënyrë që të arrihet efekti maksimal.

Studiuesit parqitën gjithashtu prova të reja për parandalimin e kancerit duke treguar se ilaçet e përdorura gjerësisht për të pakësuar kolesterolin, mund të ulin rrezikun e kancerit.

Një anketë publike me gati 3 mijë e 500 individë zbuloi se ata që merrnin ilaçe për uljen e kolesterolit, si Lipitor-i, Zocor-i apo Pravachol-i për të paktën 5 vjet, ishin 50 për qind më pak të rrezikuar të prekeshin nga kanceri i zorrës së trashë. ”Ndër shpjegimet e mundshme mund të përmendet çaktivizimi i gjeneve kanceroze nga efektet e këtyre barnave dhe zbutja e pezmatimit që shkakton kanceri në zorrën e trashë” thotë mjeku Stephen Gruber.

Barnat për uljen e kolesterolit pakësojnë rrezikun e kancereve të gjirit dhe të prostatës. Por meqenëse, këto ilaçe mund të shkaktojnë probleme në muskuj dhe mëlçi, në raste të rralla, studiuesit thonë se nuk janë ende të gatshëm t’i rekomandojnë vetëm për trajtimin e kancerit.

[biligoa]

Historia e një burri, i cili u diagnostikua me kancer dhe duke provuar forma të ndryshme kurimi, arriti në përfundimin se duhet të kishte një mënyrë më të mirë për të trajtuar sëmundjen, sesa kimioterapia.

Xhon Kansas jeton me gruan e tij në ishullin Sanibel në Florida. Pesë vjet më parë ai u diagnostikua me kancer, por ajo që e tronditi më shumë ishin pamjet e fëmijëve që i nënshtroheshin kimioterapisë. "I shihja fëmijët tek humbisnin buzëqeshjen e tyre, humbnin flokët... kështu që i thashë vetes: kimioterapia e sotme është e tmerrshme dhe duhet të ketë patjetër një mënyrë më të mirë për të trajtuar kancerin".

Kansas nuk kishte njohuri nga fusha e mjekësisë. Ai ishte inxhinier elektronik dhe mendoi se valët e radios mund të përdoren për të shkatërruar tumoret. Ai përdori pjesë të radios dhe enët e gatimit që përdorte gruaja e tij Marianne për të ndërtuar këtë pajisje. "Më zgjoi nga gjumi në mes të natës nga zhurma që bënte në kuzhinë". Pajisja përdor valët e radios në vend të radioaktivitetit për të shkatërruar qelizat kanceroze.

Doktor Steven Curley, i specializuar në trajtimin e kancerit përmes frekuencave të radios tani është i përfshirë në eksperimentin e Kansasit. "Është një arritje e paparë. Një qytetari të thjeshtë i erdhi në mend ideja dhe kishte mundësitë dhe aftësitë të krijonte këtë pajisje". Doktor Curley thotë se trajtimi ka potencialin të shkatërrojë kancerin pa operacion.

Teknika e Kansasit me valët e radios shkatërroi tumoret kanceroze në mëlçinë e lepujve. Arritja e tij do të botohet në numrin e dhjetorit të revistës mjekësore Kanceri. "E kuptova rëndësinë e asaj që kisha krijuar, vetëm pasi lexova tekste e botuara për të", thotë Kansas.

Ekspertët theksojnë se studimet janë ende në fazat paraprake. Onkologu Robert Young. "Do të parashikoja, bazuar në ato që dimë tani, se ndoshta do të duhen 5 vjet nga prova e parë klinike tek njerëzit. Ndoshta edhe më shpejt". Kanceri i Kansasit është pakësuar, por për sa kohë do të zgjasë kjo gjendje nuk dihet. "Dëshira ime e vetme është të jetojë aq gjatë sa të shohë provën e parë klinike të eksperimentit tim tek njerëzit

[biligoa]

Puna natën mund të shtojë rrezikun e prekjes nga kanceri

Një njoftim shqetësues për ata që punojnë gjatë turnit të natës: një studim i ri thekson se ata janë nën një rrezik të shtuar për t’u prekur nga kanceri. Pas shpalljes së rezultateve të studimit që arriti në këtë përfundim, Agjencia ndërkombëtare për kërkime në fushën e kancerit, degë e Organizatës Botërore të Shëndetësisë tha se së shpejti do ta klasifikojë punën natën si një ndër shkaktarët e mundshëm të kancerit. Dhe ka gjasa që një hap të ngjashëm të ndërmarrë edhe shoqata amerikane kundër kancerit, e cila në të kaluarën i ka parë me dyshim pretendime të tilla të ngjashme.

Dihet se qëndrimi në diell, pa masa mbrojtëse, mund të shkaktojë kancer në lëkurë. Tani thuhet se edhe qëndrimi nën dritë artificiale mund të shkaktojë kancer, jo në lëkurë, por në organizëm. Agjencia për kërkime në fushën e kancerit, thotë se së shpejti ka në plan të shpallë zyrtarisht se njerëzit që punojnë në turnet e natës, mund të përballen me një shkallë më të lartë rreziku nga kanceri. Edhe Shoqata amerikane kundër kancerit thotë se ka të ngjarë të ndërmarrë të njëjtin hap. Dhe ky hap për këtë shoqatë mund të quhet i madh, pasi prej kohësh ajo i ka parë me dyshim të dhënat që e lidhin punës e natës me kancerin, duke i quajtur, si të pabaza, kundërthënëse ose të pavërtetuara. Hapi i tanishëm bazohet në rezultatet e kërkimeve shkencore, sipas të cilave mes njerëzve që punojnë në turnet e natës, rastet e kancerit të gjirit tek gratë dhe rastet e kancerit të prostatës tek burrrat janë më të larta sesa tek ata që punojnë ditën. Por vetëm kjo nuk provon se puna natën mund të shkaktojë kancer. Për të vërtetuar një gjë të tillë duhet që njerëzit që punojnë natën të kenë të përbashkët edhe faktorë të tjerë që i bën ata më të pambrojtur ndaj kancerit. Shkencëtarët shpesh kanë thënë se puna e natës është e rrezikëshme, pasi ajo prek orën biologjike të trupit. Ata thonë se organizmi i njeriut prodhon një lloj hormoni, i quajtur Melatonin i cili pengon zhvillimin e kancerit, dhe është vërtetuar se prodhimi i këtij hormoni gjatë natës pakësohet. Gjithashtu, njerëzit që punojnë nën dritë artificiale ka gjasa të kenë nivele të ulta të hormonit melatonin. Megjithatë ka shumë njerëz që dyshojnë nëse puna natën ka lidhje me kancerin. Por në qoftëse provohet se të punuarit natën mund të bëhet shkak për kancer, kjo do të ndikojë tek miliona vetë në mbarë botën. Llogaritet se afro 20 përqind e fuqisë punëtore në vendet e zhvilluara punojnë natën.

Skanimet e panevojshme mjekësore shkaktojnë sëmundje

Shkencëtarët thonë se aparatet mjekësorë të skanimit mund të sjellin dëm për shëndetin kur përdoren në raste të panevojshme. Kjo për arsye se këto aparate përdorin rrezatim të lartë.

Xhei Sutfin ka kryer një numër skanimesh. Ky fëmijë 5 vjeçar ka 7 tumore në tru. Tani e nëna e tij ka zgjedhur midis dy alternativave; të vazhdojë skanimet apo të besojë rezultatet e një studimi të ri ku thuhet se skanimet janë të dëmshëm për fëmijët si Xhei Sutfind.

Nëpërmjet skanimit, mjekët mund të shohin se çfarë ndodh brenda trupit të njeriut. Ata marrin imazhe 3 dimensionale që ndihmojnë më mirë për zbulimin e kancerit. Por studimi i botuar në revistën mjekësore të Nju Englandid, paralajmëron se skanimet mund të shkaktojnë kancer dhe se në çdo 3 skanime që kryehen, një është i panevojshëm. Doktor David Brener është një nga autorët e studimit.

Ai thotë se kur një njeri vjen në qëndrën e urgjencës me dhimbje në stomak ose dhimbje kronike në kokë, personi dërgohet menjëherë për skanim, para se të vizitohet nga mjeku. Por kjo procedurë tani vihet në pikëpyetje nga ana e studimit.

Në studimin e doktor Brenerit thuhet se rezatimi radioaktiv që rrjedh nga skanimi do të bëhet shkak për afro 2 përqind të të gjithë kancereve në 20 vjetët e ardhshëm.

Autorët i bazojnë këto shifra tek mbijetuesit e bombës atomike në Japoni, tek të cilët u vu re shtimi i rrezikut të kancerit pasi ata morrën të njëtën dozë rezatimi më atë që pacientët marrin kur kryejnë disa skanimeve. Aparatet e skanimit përdorin doza më të larta rezatimi radioaktiv sesa përdoret nga aparatet me reze Rongen apo X. Por gjatë studimit u vu re se në çdo 4 mjekë, tre prej tyre e nënvlerësojnë këtë dozë dhe se nuk janë të vetdijshëm se shtimi i rrezatimit radioaktiv shton rrezikun e kancerit.

Dhe më shumë në rrezik janë fëmijët si Xhei, organizmi i të cilëve është më i ndjeshëm ndaj rrezeve. Doktor Raimond Ze, është shef i radiologjisë në spitalin e fëmijëve në Uashington.

Ai thotë se fëmijët janë ndryshe. Janë më të vegjël dhe disa organe të tyre janë më të ndjeshëm. Prandaj mjekët synojnë uljen e dozave dhe terapi që t’u përshtatet fëmijëve.

Për të marrë këto pamje duhet më pak se një sekondë dhe kjo mënyrë eleminon nevojën për anestezi, pasi fëmija nuk duhet të lëvizë. Kjo është arsyeja përse numri i skanimeve për fëmijët është rritur dukshëm. Në studim thuhet se një milionë skanime pediatrike në vit nuk janë të nevojëshme, dhe për këtë arsye këta fëmijë përballen me rrezikun e kancerit. Por nëna e Xheit, Kathy Sutfin thotë se në rastin e djalit të saj, të mirat nga skanimi janë më të shumta sesa rreziqet.

Ajo thotë se pa skanim, mjekët nuk do të dinin se çfarë ndodh brenda trupit të pacientit, apo në çfarë gjendje është tumori për të përcaktuar sesi të luftohet ai.

Autorët e studimit janë të një mendimi se skanimet janë një mjet i vlefshëm mjekësor, por mjekët dhe pacientët duhet të sigurohen që kalimi në aparatin e skanimit të bëhet vetëm kur një mënyrë e tillë diagnostikimi është e nevojëshme dhe rrezatimi radioaktiv në nivelin e përshtatshëm.

[arjeta3]

Po ne qe rrime ketu gjithe naten para kompjuterit, me drite artificiale, se edhe ne i bije qe turni trete te punojme. aman moj se na fute tmerrin.
O miq fikni kompjuterat dhe shkoni flini gjume se larg qofte......na gje ndonje gje

[biligoa]

Pas vitaminës C dhe antioksiduesve, zbulimet e fundit për të parandaluar kancerin e vënë theksin te glikopeni, përbërësi kryesor i domates.

Për të luftuar plakjen, për të parandaluar kancerin, apo për të pasur një lëkurë të bukur, asgjë nuk do të ishte më e çmuar se sa marrja gjatë vakteve të ditës të një "ilaçi" me emrin domate.



Të "gjalla", në salcë, gjellë, sallata, makarona, rizoto, supa, kokteil (keni dëgjuar ndonjëherë për kokteilin e famshëm “Bloody Mary” që përgatitet me lëngun e domates) apo gatime të ndryshme, nuk është e nevojshme të konsultohesh me ndonjë mjek apo të kesh recetë për t‘i blerë. Është vërtetuar se domatet kanë veti magjike, janë të shijshme, ekonomike, por mbi të gjithë aleate të çmuara për shëndetin. Prania e madhe e antioksiduesve që shkatërrojnë radikalet e lira, cilësohet nga shumë ekspertë si dhurata e natyrës, që kanë domatet për të luftuar sëmundjet. Është zbuluar se këto substanca arrijnë rezultate të shkëlqyera, madje mund të krahasohen edhe me ilaçet tradicionale të dëmshme dhe aspak të këshillueshme. Janë të pasura me betakaroten, likopen (substanca që u jep atyre edhe ngjyrën e kuqe) e vitaminat më të mira dhe më efikase se çdo gjë tjetër në luftën kundër plakjes. Jo më kot është cilësuar si fryti më i përhapur në botë pas mollëve, bananeve, rrushit dhe portokallieve. Në të vërtetë, nuk ka këshillë më të mirë se sa të hash ushqime që jo vetëm nuk na sëmurin, por mbi të gjitha na mbrojnë. E kush nuk do ta donte një gjë të tillë?

Laboratori i artë i natyrës është në gjendje të na ofrojë gjithçka, sidomos kur shkenca ka zbuluar me kujdes virtytet e produkteve të saj. Kërkimet mjekësore që shtohen vit pas viti kanë treguar se domatet dhe produktet e tjera ku ato përdoren, kanë aftësinë që të jenë antikanceroze dhe të ulin rrezikun e zhvillimit të kancerit. Sipas ekspertëve, konsumi i rregullt i saj ul pothuajse me tre herë mundësinë për t‘u prekur nga kanceri i prostatës, zorrës së trashë, mushkërive apo pankreasit dhe se efekti "mbrojtës" i detyrohet tërësisht likopenit, përbërës që gjendet me shumicë te domatja dhe është një armë e fortë në luftën kundër kancerit. Fillimisht diçka e tillë dukej e pamundur, por faktet tregojnë se likopeni dhe antioksiduesit e domates mund të parandalojnë dhe reduktojnë zhvillimin e llojeve të ndryshme të kancerit, sidomos atij të prostatës te meshkujt, ndaj konsumi është i rëndësishëm për organizmin.Dhjetë kokrra të tilla në javë, të "gjalla", të gatuara apo produkte të saj, mund të ulin rrezikun e prekjes nga sëmundjet me 60 për qind. Sigurisht që mjekët duan t‘i bindim njerëzit të hanë domate dhe produktet që rrjedhin prej saj, pasi mund të reduktojnë rrezikun e përhapjes së shumë llojeve të kancerit, por kjo nuk do të thotë se ato duhet të hanë vetëm domate. Ato duhet të jenë shoqërueset e para të një diete të pasur ushqimore me fruta dhe perime. Nga ana tjetër, ajo mund të ndihmojë edhe në uljen e kolesterolit të keq në gjak.

Vetëm para dy ditësh, mjekët finlandezë zbuluan se salca e kuqe e quajtur ndryshe "ketch up" largon kolesterolin e keq në organizëm. Ky është në fakt përfundimi i një kërkimi finlandez sipas të cilit salca e kuqe, aq e dashur për anglezët dhe jo vetëm për ta, është një minierë e artë për zemrën dhe mjafton një sasi e vogël në ditë për të mbajtur tërësisht nën kontroll vlerat e LDL, të ashtuquajturin "kolesteroli i keq". Jo më kot Hipokrati e kishte si rregull që çdo pacienti të tij i thoshte: Ushqimet që hamë janë në gjendje të influencojnë në "nxehtësinë" e organizmit dhe gjenezën e sëmundjeve. Shumë mjekësi tradicionale, mes të cilave edhe ajo indiane dhe kineze, mbështesin se nuk ka ushqime 100 për qind të shëndetshme për organizmin, por ka ushqime që janë të përshtatshme për çdo njeri dhe kjo është, domatja.

[dardajan]

Historia e një burri, i cili u diagnostikua me kancer dhe duke provuar forma të ndryshme kurimi, arriti në përfundimin se duhet të kishte një mënyrë më të mirë për të trajtuar sëmundjen, sesa kimioterapia.

Xhon Kansas jeton me gruan e tij në ishullin Sanibel në Florida. Pesë vjet më parë ai u diagnostikua me kancer, por ajo që e tronditi më shumë ishin pamjet e fëmijëve që i nënshtroheshin kimioterapisë. "I shihja fëmijët tek humbisnin buzëqeshjen e tyre, humbnin flokët... kështu që i thashë vetes: kimioterapia e sotme është e tmerrshme dhe duhet të ketë patjetër një mënyrë më të mirë për të trajtuar kancerin".

Kansas nuk kishte njohuri nga fusha e mjekësisë. Ai ishte inxhinier elektronik dhe mendoi se valët e radios mund të përdoren për të shkatërruar tumoret. Ai përdori pjesë të radios dhe enët e gatimit që përdorte gruaja e tij Marianne për të ndërtuar këtë pajisje. "Më zgjoi nga gjumi në mes të natës nga zhurma që bënte në kuzhinë". Pajisja përdor valët e radios në vend të radioaktivitetit për të shkatërruar qelizat kanceroze.

Doktor Steven Curley, i specializuar në trajtimin e kancerit përmes frekuencave të radios tani është i përfshirë në eksperimentin e Kansasit. "Është një arritje e paparë. Një qytetari të thjeshtë i erdhi në mend ideja dhe kishte mundësitë dhe aftësitë të krijonte këtë pajisje". Doktor Curley thotë se trajtimi ka potencialin të shkatërrojë kancerin pa operacion.

Teknika e Kansasit me valët e radios shkatërroi tumoret kanceroze në mëlçinë e lepujve. Arritja e tij do të botohet në numrin e dhjetorit të revistës mjekësore Kanceri. "E kuptova rëndësinë e asaj që kisha krijuar, vetëm pasi lexova tekste e botuara për të", thotë Kansas.

Ekspertët theksojnë se studimet janë ende në fazat paraprake. Onkologu Robert Young. "Do të parashikoja, bazuar në ato që dimë tani, se ndoshta do të duhen 5 vjet nga prova e parë klinike tek njerëzit. Ndoshta edhe më shpejt". Kanceri i Kansasit është pakësuar, por për sa kohë do të zgjasë kjo gjendje nuk dihet. "Dëshira ime e vetme është të jetojë aq gjatë sa të shohë provën e parë klinike të eksperimentit tim tek njerëzit

Mos u bej merak thuaj atij inginierit se kjo lloj makine perdoret ne Japoni Kine dhe ka dy muaj qe perdoret edhe ne Itali ne spitalin europian te onkologjise nen drejtimin e dott. Veronesi terepine e pare e beri falas nje grua me tumorr ne gji dhe doli me sukses.
Kjo teknologji ju dhurua nga Kina ketij spitali, para disa muajsh, dhe po punohet per tu permiresuar dhe saktesuar edhe per tumorret ne zona me profonde.

Megjithate mendimi im eshte se Kanceri duhet luftuar para se te lind , dhe se cdo semundje e njeriut eshte nje dificit energjie e organizmit qe ben te mundur shperthimin e semundjeve te ndryshme.

[TikTak]

kur jetojsha ny kisha i familje albanezash i kat ma nolt. jetojshin i kshu garumull. vjera vjeri goca beqare djali ene nusja me 2 kalamoj. si se pash i her ate nusen me qesh. shum e pezmatume ene nigjojsha gjithmon zimje

kur i dite e shof ket nusen me kok te qethme ene shall nkok. care ka nodh mi i them. kom tha at semunjen e keqe mgjoks. vallaj shum ka prit sa tka dal se me gjith kto halle ene tzonme vallaj i dit do dilte. sa keq me ka ardh.

pranaj robt e zotit mos u zini ene grini po jetoni per qefin tuj ene mos jetoni garumull. secili mhesap te vet

[DI_ANA]

Parandaloni kancerin me spinaq, vaj e limon

Kanceri është një nga sëmundjet më të rënda, që rrezikojnë jetën e njeriut. Përveç operacioneve dhe kimioterapisë, një ndihmesë të dukshme në moszhvillimin e kësaj sëmundjeje, japin kurat e përgatitura me metoda popullore. Një kurë, që ka dhënë rezultate në ngadalësimin e përhapjes së sëmundjes, është përzierja me alkoolin e bimës së brokulës. Një litër alkool 60 gradë ose raki e fortë rrushi hidhet në 100 gramë kalendule.
Kjo masë hidhet në një shishe, e cila mbyllet mirë dhe lihet në një vend të ngrohtë, por që të mos e zërë dielli. Pas 10 ditësh kjo masë kullohet. Merren 50 deri në 60 pika nga kjo përzierje dhe hidhen në 200 mililitra ujë. Ky lëng pihet nga pak gjatë gjithë ditës. Gjatë kohës që përdoret kjo kurë rekomandohet dhe ngrënia e tre karrotave çdo ditë.

Gjithashtu, mund të përdoren rrënjët e bimës, të cilat pasi të thahen, duhet të bluhen dhe pluhuri i përftuar hidhet në një gotë me lëng frutash ose çaj. Kura me pluhurin e brokulës përdoret 3 herë në ditë. Po për këtë qëllim përdoret edhe bima e Aloe Verës. Lëngu i nxjerrë nga kjo bimë përzihet me mjaltë. Ky mjekim ka dhënë efekte të përkryera në përmirësimin e të sëmurëve. Spinaqi është një nga ushqimet më të rëndësishme në luftën kundër kancerit, si dhe të sëmundjeve të tjera të rënda.

Të sëmurët, që vuajnë nga sëmundja e kancerit, duhet të hanë spinaq me oriz dhe vaj ullri, duke i shtuar dhe lëng limoni. Prandaj, për parandalimin e kancerit ky ushqim duhet të konsumohet sa më shpesh. Edhe kokë-lakra është vërtetuar se ka dhënë efekte pozitive në parandalimin e kancerit. Përqëndrimi i lartë i indolit te lakra bën që sëmundja të mos përparojë më tej.

Një studim i kryer nga shkencëtarë amerikanë ka treguar se te personat që konsumonin më tepër lakër, të paktën 2 deri 3 herë në javë, zhvillimi i sëmundjes ka qenë më i ngadaltë se te ata që nuk e përdorin këtë ushqim. Edhe salca e domates ka dhënë rezultate mjaft të mira në sëmundjen e kancerit. Konsumimi i shpeshtë i salcës e frenon atë deri në një farë mase. Të sëmurëve me kancer, mjeku u këshillon të pinë sa më tepër qumësht.

Qumështi në përbërje të tij ka vitaminën D, armikun numër një ndaj kësaj sëmundjeje. Studimet kanë treguar se njerëzit që konsumojnë çdo ditë qumësht kanë më pak mundësi për t’u prekur nga kanceri. Gjithashtu, të sëmurëve me kancer, mjeku ju këshillon konsumimin sa më të shpeshtë të frutave dhe perimeve në veçanti të frutave, që mbështillen me lëkurë të trashë si portokalli, limoni, shega.

E merkure 31 janar 2007

Vaji i ullirit lufton kancerin e gjirit

Shkencëtarët në Shtetet e Bashkuara mund të kenë zbuluar se dieta mesdhetare ku përdoret shumë vaji i ullirit mbron nga kanceri i gjirit.
Studiuesit që i botuan rezultatet e punës së tyre në revistën Analet e Onkologjisë thonë se acidi oleik që gjendet në vajin e ullirit mund të ndihmojë në kurimin e sëmundjes

Studimet e mëparshme kanë treguar se për gratë që jetojnë në vendet ku përdoret një dietë e pasur në proteina, rreziku nga kanceri i gjirit është pesë herë më i lartë se në ato vende ku kultura e të ushqyerit është për një dietë me më pak kalori.

Megjithatë gratë që ushqehen me vaj ulliri duket se janë të mbrojtura nga ky lloj kanceri.

Studiuesit në Spanjë dhe në SHBA gjetën se një prej përbërësve të vajit të ullirit ul me gjysmën e tyre nivelin e substancave që shkaktojnë kancerin e gjirit.

Testet laboratorike mbi qelizat kanceroze të gjirit treguan se acidi oleik e bënte më të efektshëm medikamentin që përdoret kundër kancerit dhe rriste prodhimin e proteinave që lufton tumoret.

Tani shkencëtarët do të shohin nëse teoria e tyre provohet gjatë eksperimenteve me kaviet.




Jonida Gashi

[Adriatik plaku]

pershendetje te gjitheve . Me then te drejten une nuk marr vesh nga semundje. Per fat ( te mire dhe te keq ) deri me sot arsyet qe une kam shkuar ne spital ndo nje here ka qen per te vizituaer te afermit. Dhe asnje here nuk i pata kushtuar rendesi semundjeve dhe llojet e tyre. Por kur bohet fjal per kancer . . . . . . . . vet emri thot shum gera. Me pak fjal te nderuar forumist.A mundet kush disa te dhena per-sa i perket k . . . . . . . te mushkrive. Falemindrit te gjitheve.