Gezuar Festen e Fiter Bajramit!

[LaCosTa]

Te gjithve muslimanve kudo qe jan urime festa e madhe e Fiter Bajramit.

[Milkway]

Per gjith besimtar musliman urime festa bajramit te madh .
Ishalla zoti gjith atyre qe kan agjeruar zoti ja befte kabull e atyre qe skan mundur ishalla ja leton per vitin tjeter .

[100% MERENGUES]

Te gjithe besimtareve musliman,vellezerve dhe motrave muslimane perzemersisht ua uroj Festen e Fiter Bajramit

Solidarizimi,Paqja,Harmonia,dashuria qofshin mbi te gjithe besimtaret musliman

[Amles]

[Drini_i_Zi]

Telegrame urimi me rastin festës së Fitër Bajramit

Me rastin Festës së Fitër Bajrami, telegrame urimi kanë dërguar Presidenti i vendit Branko Cërvenkovski dhe liderët e partive politike shqiptare.

Duke e afirmuar dhe kultivuar pasurinë shpirtërore të njerëzve, duke respektuar dhe ndihmuar njëri –tjetrin, të gjithë bashkërisht kontribuojmë për një të ardhme më të mirë, ka shkruar në telegramin e tij të urimit Presidenti Cërvenkovski. Në këtë ditë të shënuar për myslimanët, të përkujtojmë edhe sakrificën e invalidëve të luftës, familjeve të dëshmorëve, familjeve të të burgosurve dhe të gjithë atyre që kanë dhënë kontribut për çështjen kombëtare, ka thënë lideri i BDI-së Ali Ahmeti. Në këtë ditë të madhe, le të mbisundojë toleranca dhe mirëkuptimi sepse vetëm në këtë mënyrë ky Bajram do të jetë kuptimplotë, thuhet në telegramin e urimit të kryetarit të Demokracisë së Re Imer Selmani. Ndërsa kryetari i Bashkimit Demokratik Shqiptar Bardhyl Mahmuti ka uruar që ky të jetë Bajrami i fundit në të cilin shqiptarët sakrifikojmë për realizimin e të drejtave kombëtare. Në emër të Bashkimi Demiokratik Kombëtar urimet për festën e Bajramit i ka përcjellur kreu i saj Hysni Shaqiri. Kjo festë e madhe fetare, të jetë dita që do ta shënojë fillimin e mbarë si në raportet ndërnjerëzore ashtu edhe në ato kombëtare, ka thënë Shaqiri.

alsat-m

[Drini_i_Zi]

Treni me dhuratat e Bajramit, kaloi nëpër Shkup


Me rastin e festës së Ramazan Bajramit edhe këtë vit Shoqata qytetare kulturore "Vizioni M" organizoi manifestimin "Kandilat e Bajramit".

Treni me dhurata për fëmijët kaloi nëpër shumë shkolla dhe çerdhe të Çairit. Ndërsa fëmijët të gëzuar për dhuratat që i morën, shprehën falënderime ndaj organizatorëve.
"Faleminderit që na keni dhënë dhurata për Bajram, nesër kemi mi ngrënë. Jemi gëzuar shumë", thanë disa nga fëmijët.
Organizatorët njoftuan se manifestimi do të vazhdojë edhe në ditën e dytë të Bajramit me një ekspozitë që do të mbahet në lokalet e Shoqatës "Vizion M" në Shkup.

"Projekti vazhdon ditën e dytë të Bajramit. Atë ditë do ta organizojmë një koktej për mysafirët prezent dhe gjithashtu do ta realizojmë edhe një ekspozitë në të cilën do të ekspozohen disa piktura dhe disa punime të dorës të cilat ne anëtarët e Vizionit i kemi realizuar", deklaroi Sara Musliu, përfaqësuese e SHQK "Vizioni-M".
Parakalimin e trenit të fëmijëve e shoqëruan edhe anëtarët e Ansamblit të këngëve dhe valleve "Emin Duraku" nga Shkupi, të cilët në çdo takim me fëmijët vallëzuan valle të ndryshme nga repertori i tyre.

Melihate Rustemi

[Drini_i_Zi]

Udhëheqësit e vendit urojnë besimtarët myslimanë dhe Myftiun Tërnava me rastin e Fitër Bajramit


Me rastin e Festës së Fitër Bajramit, e cila sivjet po kremtohet për herë të parë në Republikën e pavarur dhe sovrane të Kosovës, Presidenti i Kosovës, Fatmir Sejdiu dhe Kryeministri Hashim Thaçi, si edhe ata të partive politikekanë përgëzuar sot besimtarët myslimanë dhe Myftiun Naim Tërnava, në nderim për të gjithë ata që me agjërim kanë kaluar një muaj nën shenjën e adhurimit të Zotit, nën shenjën e mirësisë dhe të përulësisë, të sakrificës e të gjendjes pranë njëri-tjetrit.


Mesazh urimi i Presidentit Sejdiu me rastin e Bajramit të Madh

Presidenti i Republikës së Kosovës, dr. Fatmir Sejdiu u ka dërguar një mesazh urimi të gjithë qytetarëve dhe besimtarëve të besimit islam me rastin e festës së Bajramit të Madh. Në mesazhin e Presidentit thuhet:

Qytetarë të dashur të Republikës së Kosovës,

Festën e Bajramit të Madh po e kremtojmë për herë të parë në Republikën e pavarur dhe sovrane të Kosovës. Në këtë ditë feste, shprehim nderimin tonë për të gjithë ata që me agjërim kanë kaluar një muaj nën shenjën e adhurimit të Zotit, nën shenjën e mirësisë dhe të përulësisë, të sakrificës e të gjendjes pranë njëri-tjetrit.

Duke e përsëritur falënderimin tonë të gjithmonshëm për miqtë tanë, që na u gjetën në orët më të liga të historisë, ritheksojmë vendosmërinë tonë për forcimin dhe sundimin e rendit dhe të ligjit në shtetit tonë, për krijimin e një mjedisi të qetë e stabil, në mënyrë që brezave të ardhshëm t’u krijojmë kushte më të mira për jetë dhe prosperitet në atdheun tonë të shtrenjtë.

Me rastin e festës së Bajramit të Madh, Presidenti Sejdiu po ashtu ka përgëzuar edhe Kryetarin e Bashkësisë Islame të Kosovës, mr. Naim Tërnava, duke i shprehur urimet më të përzemërta, për këtë festë e cila sivjet është më e veçantë se asnjëherë më parë, meqë kremtohet në shtetin tonë të pavarur e sovran, të njohur e të bekuar nga miqtë tanë anekënd botës.

Në këtë ditë të shënuar, ne shprehim sërish vlerësimin tonë të lartë për fjalën Tuaj të urtë dhe angazhimin e përhershëm për paqe, tolerancë dhe stabilitet në Kosovë, thuhet mes tjerash në urimin e Presidentit të Republikës së Kosovës, Dr. Fatmir Sejdiu


Përgëzimi i Kryeministrit të Republikës së Kosovës, Hashim Thaçi, me rastin e Fitër Bajramit

Kryeministri Hashim Thaçi ka përgëzuar Kryetarin e Bashkësisë Islame të Kosovës, Naim Tërrnava dhe të gjithë qytetarët e fesë islame të Kosovës me rastin e Fitër Bajramit, e cila sivjet po kremtohet për herë të parë në Kosovën e lirë, shtet të pavarur, sovran dhe demokratik. Kjo është e arritura jonë e madhe, për të cilën janë përpjekur gjenerata të tëra, thuhet mes tjerash në telegramin e urimit të kryeministrit Hashim Thaçi, dërguar qytetarëve të fesë islame të Kosovës me rastin e Fitër Bajramit.

Po ashtu me rastin e festës së Fitër Bajramit, Kryeministri i Kosovës ka
Përgëzuar edhe Myftiun e Kosovës, Naim Tërnava. Festën e Fitër Bajramit, e cila kremtohet për herë të parë në Kosovën e lirë, shtet të pavarur, sovran dhe demokratik, që sipas kryeministrit Thaçi është e arritura jonë e madhe, për të cilën janë përpjekur gjenerata të tëra.

Qytetarët e Kosovës gjithmonë janë shquar për vlera humane, vëllazërore dhe tolerancë ndërfetare, duke u dëshmuar si shoqëri që respekton të arriturat më të mira të civilizimit, thuhet në urimin e kryeministrit Thaçi, duke shtuar se në Kosovën e lirë dhe të pavarur këto vlera do të kultivohen edhe më shumë. Uniteti qytetar, harmonia, toleranca ndërfetare dhe ndëretnike është pasuri e Kosovës, garanci e perspektivës sonë të mirë.

Institucionet e Kosovës me përgjegjësinë më të lartë do të punojnë që Kosova të zhvillohet në të gjitha fushat e jetës, që sa më shpejt të bëhemi pjesë e institucioneve euroatlantike.

Kam besimin e plotë, se Ju dhe Bashkësia Islame e Kosovës, ashtu si në të kaluarën, edhe sot dhe në të ardhmen do të kontribuoni për forcimin e imazhit të Kosovës, si vend i lirë dhe demokratik.

Duke shprehur bindjen se gjatë këtyre ditëve do të shpalosen edhe më shumë mirësia, lumturia dhe dashuria njerëzore, edhe një herë urime Festa e Fitër Bajramit!, thuhet mes tjerash në përgëzimin e Kryeministrit të Republikës së Kosovës Hashim Thaçi, me rastin e Fitër Bajramit.


| s.b & RTK staff |

[Drini_i_Zi]

Në Prishtinë ndihmohen rreth 40 familje për festën e Fitër Bajramit

Rreth 40 familje me kushte të rënda ekonomike në komunën e Prishtinës, kanë përfituar sot ndihma në ushqim dhe detergjent për festën e madhe të Fitër Bajramit.
Ndihmat janë mbledhur nga rreth 40 vullnetarë të rinj nga Qendra Rinore e Prishtinës, në bashkëpunim me Organizatën joqeveritare "Front" në Prishtinë, Këshilli i Nxënësve të Prishtinës dhe Zona e Pestë e Trupave Mbrojtëse të Kosovës.
| s.b & RTK staff |

[TDSL]

Te gjithe Muslimaneve anembane botes jua urroj Feste madheshtore Diten e Fiter Bajramit. Zoti jua befte kabull agjerimin.Le te jete kjo nje dit e gezimit dhe e paqes, tolerances me njeri-jetrin, dite e mirekuptimit dhe e kujtimit te nevojtareve ,zeqati e sadakaja si dhe solidariteti me keta njerez nevojtar posaqerisht nuk duhet te mungoj.

[faruk_01]

Te gjithe ju besimtare te nderuar urime Fiter Bajrami, uroj te keni shendet, suksese, paqe, tolerance ndernjerzore dhe njeherit Zoti ju pranoft agjerimin dhe ibadetet Tuaja gjate Muajit te Shenjte Ramazanit...