Gezuar Festen e Fiter Bajramit!

[Llapi]

Besimtareve te fese Islame ju uroi Fiter Bajramin!

[jeton ismajli]

Te gjithe besimtareve te besimit islam ju uroj festene e fiter bajrami me prorosine paqja dhe meshira jone qofte mbi profetin ton Muhamedi alihei selam
Shpresoj ky bajram te na pranoj ibadetet tona

[Fejzi]

Ju uroj të gjithve fitër bajramin urime të gjithve muslimanëve kado që janë

[altin55]

Gezuar Bajramin

[Erlehta]

Nje urim te perzemert dhe nga ana ime per te gjithe myslimanet shqiptare dhe te tere botes. Gezuar!

[Nanushja]

Urime festen e Fiter Bajramit duke ju deshiruar shendet se pari dhe mbaresi ne familje ..per te gjithe muslimanet ne bote.

[Drini_i_Zi]

I njoftoj gjith muslimanet se Ramazan Bajrami do te jet me 30 shtator ( e mart) , agjerimi perfundon me 29 shtator.
30 shtatori do te jet dit jo pune ne Kosov dhe Maqedoni me siguri edhe ne Shqiperi.

[Drini_i_Zi]

Dita e parë e Fitër Bajramit të martën më 30 shtator 2008


Manifestimi qendror kushtuar festës së Fitër Bajramit mbahet në Xhaminë "Sulltan Murat" (Xhamia e Çarshisë) në Prishtinë.

Kryesia e Bashkësisë Islame të Kosovës njofton opinionin e gjerë se muaji i madhëruar i Ramazanit përfundon ditën e hënë më 29 shtator 2008.

Dita e parë e festës së Fitër - Bajramit është të martën më 30 shtator 2008.
Manifestimi qendror kushtuar festës së Fitër- Bajramit për Republikën e Kosovës mbahet në Xhaminë "Sulltan Murat" (Xhamia e Çarshisë) në Prishtinë.

Manifestimi fillon në ora 5:50 me faljen e namazit të sabahut, pas të cilit do të jenë dy ligjërata tematike kushtuar kësaj feste. Ligjëratën e parë do ta mbajë H. Resul ef. Rexhepi ndërsa të dytën H. Kasim ef. Gërguri.

Në ora 7:08, faljes së namazit të bajramit do t'i prijë kryeimami i Kosovës, Sabri ef. Bajgora, ndërsa hytben do ta mbajë Myftiu i Kosovës mr. Naim Tërnava i cili do t'u drejtohet opinionit të gjerë me mesazh për këtë festë.

Me rastin e festës së Fitër – Bajramit, ditën e parë, më 30 shtator 2008, Myftiu i Kosovës si tradicionalisht organizon pritje përurimi në selinë e Kryesisë së BI të Kosovës nga ora 9-12.

Kryesia e Bashkësisë Islame të Kosovës të gjithë besimtarëve dhe opinionit të gjerë ua uron festën e Fitër- Bajramit duke e lutur Zotin që t'i ketë pranuar agjërimin, lutje dhe ibadetet tona.

Me fat festa e Fitër-Bajramit

Bashkësia Islame e Kosovës

[Drini_i_Zi]

Shoqata “Bereqeti” ndihmon nevojtarët për Bajram

"Në pako janë përfshirë gjërat themelore për përgatitjen e drekës së Bajramit..."


Në prag të festës së Fitër Bajramit, Shoqata humanitare "Bereqeti" ka ndihmuar me artikuj ushqimor 24 familje që janë të vendosura në kontinjer në Fushën e Pajtimit në Prishtinë.

"Në pako janë përfshirë gjërat themelore për përgatitjen e drekës së Bajramit, kjo është ndihmë simbolike që sado-kudo këtyre familjeve në nevojë t'u dalim në ndihmë që edhe këta ta festojnë Fitër Bajramin.

Përmes Shoqatës "Bereqeti" me rastin e festës së Fitër Bajramit, Banka Ekonomike ka vendosur që të ndihmoi 114 familje në nevojë."- na tha kryetari i shoqatës, Fitim Flugaj.

Po ashtu "Bereqeti" ka ndihmuar edhe 20 familje në lagjen Hani i Dilit dhe 30 të tjera në Hajvali. /bislame/

[Drini_i_Zi]

Mbyllet muaji i Ramazanit


Evis HALILI
Shkup, 28 shtator - Manifestimi qendror për kremtimin e festës fetare të Fitër Bjaramit, të martën, më 2 tetor organizohet në xhaminë Sulltan Murati në Shkup. Ceremonia që do të transmetohet drejtpërsëdrejti në kanalin shqip të televizionit publik do të nisë në orët e hershme të mëngjesit, ndërsa riti i faljes së Bajramit drejtohet nga kreu i Bashkësisë Fetare Islame të Maqedonisë, haxhi Suleman Ef. Rexhepi. Mesazhi i Bajramit do të transmetohet nga kori i nxënësve të medresesë "Isa Beu", në katër gjuhë. Festa e Fitër Bajramit që zgjat tre ditë do të pasohet edhe me një sërë aktivitetesh të tjera, në vijim, që do të zhvendosen në qytete të ndryshme në vend. Fitër Bajrami është festa e cila kremtohet nga besimtarët myslimanë, menjëherë pas mbarimit të muajit të Ramazanit. Emri Fitër Bajram vjen nga akti që kryhet para ditës së bajramit, shpërndarja e lëmoshës, solidarizimi me të varfrit.

Shtohen ndihmat
Edhe këtë vit, organizatat e ndryshme humanitare në vend, janë angazhuar për të siguruar mbështetje për familjet ekonomikisht të dobëta. Dhe Filantropia ka shënuar shifra rekord këtë vit. Në vigjilje të festës fetare, Bajramit, organizatat humanitare e kanë pasur më të lehtë këtë vit të donojnë për shtresat më të varfra të shoqërisë. Dhe kjo falë donatorëve vendas të cilët këtë vit si asnjëherë më parë kanë dhuruar sasi të konsiderueshme donacionesh, në të holla, por edhe në artikuj industrialë, tekstile dhe ushqimore. Nga anonimë, këtë vit, ata kanë asistuar vetë në ndarjen e ndihmave. Nga disa organizata humanitare të cilat kanë përfunduar me ndarjen e paketave për festën, pohojnë se shumë familje në gjendje të vështirë ekonomike do të kenë mundësi që të presin si duhet kremtimin tradicional. Duke filluar nga dita e enjte e deri në fund të javës, nga "Kalliri i Mirësisë", janë ndarë 600 pako me ushqime, veshmbathje e këpucë. "Karakteristike është numri i madh i donacioneve, nëse vjet është dhuruar maksimum deri në 100 palë këpucë nga një individ, këtë vit, numri ka arritur deri në 800 palë", thotë Muhamet Ismaili nga "Kalliri i Mirësisë".

"Skajshmërisht në skamje"
Edhe në organizatën "El Hilal" pranojnë se fluksi i donacioneve është rritur tej mase. Ndoshta edhe për shkak të sensibilizimit të vazhdueshëm të opinionit. "Dikur donatorët vendas kanë preferuar të jenë anonimë dhe indiferentë, dhuronin një sasi të caktuar dhe aq, këtë vit, kanë marrë pjesë edhe në sofrat e iftarit, por edhe në shpërndarjen e ndihmave", thotë Behixhudin Shehapi nga El Hilal. Shtirja gjeografike e ndihmave ka përfshirë edhe këtë vit, zona të populluara me shqiptarë, të apostrofuara si "skajshmërisht në skamje". Në Shkup kryeson lagjja Dizhon, e quajtur ndryshe "geto shqiptare", Cerava, Gazi Baba, mëhalla e teneqeve, Malësia e Karadakut dhe Sharrit. Po ashtu El Hilal përmes degëve të saj dhe në bashkëpunim edhe Organizatën e Veteranëve të Luftës u ka ardhur në ndihmë edhe 100 jetimëve, Brodec e të tjera. Edhe fshatrat shqiptare të Velesit dhe Manastirit, Tetova dhe Gostivari janë disa nga bastionet ku janë stacionuar donacionet për Bajram. Tipike për familjet që jetojnë në komunën Çair janë edhe mosha e re e tyre.
Asistenca sociale u akordohet çifteve nga mosha 25 deri në 40 vjeç, me tre deri në pesë fëmijë. Ata janë të papunësuar dhe nuk marrin asnjë lloj ndihme sociale nga shteti. Sipas statistikave të huaja më shumë se 22 për qind e popullsisë jetojnë në skamje, varfëria dhe papunësia mbeten ndër shqetësimet kryesore të qytetarëve, të pasqyruara në të gjitha sondazhet dhe raportet e organizatave joqeveritare.