Mbi Universitetin e Prishtines.

[RTP]

UNMIK-u do të ndërhyjë në zgjidhjen e mosmarrëveshjeve ndërmjet MASHT-it dhe Rektoratit Kosovë

Administrata e UNMIK-ut së shpejti do të ndërhyjë në zgjidhjen e mosmarrëveshjeve ndërmjet Ministrisë së Arsimit dhe Rektoratit të Universitetit të Prishtinës. Hua Xhing, shefe e Divizonit për Informim të UNMIK-ut citohet të ketë thënë se do të bisedohet me të gjitha palët që të gjejnë zgjidhje dhe pikërisht këtë gjë ka filluar ta bëjë shefi i UNMIK-ut.

Ajo tha se tash për tash nuk mund të japë detaje të tjera rreth planit që ata kanë në këtë aspekt.

------------------------------------------------------------------------------------------


UP kërkon nga PSSP qëndrim të paanshëm në rast të ndërhyrjes në universitet
Këshilli Drejtues i Universitetit të Prishtinës kërkon nga Qeveria e Kosovës të ushtrojë përgjegjësitë e veta ligjore dhe kushtetuese dhe të sigurojë funksionimin normal të UP, ndërsa nga shefi i UNMIK-ut kërkon qëndrim neutral, të paanshëm, dhe të pamotivuar politikisht në arritjen e marrëveshjes së dyanshme në mes të MASHT-it dhe UP-së.

[dardani8]

driniM postoi :
Kosava nga jeniçerët është duke u kthyer në OtomanLand .

Është e vërtetë se Arsim Bajrami është i ,,mençur '' ( se të ishte i mençur dhe i edukuar nuk do mbinte në rektorat si farë hithri ), prandaj kërkundi deri sot nuk ka treguar meçurinë dhe Atdhetarinë .
Kur Arsim Bajrami nuk mundi të bindën ( edukon të ) vëllanë e vet :- që të mos vret ,mos pret ,mos mos djeg , mos persekuton Shqiptarët sëbashku ( në mos më keq ) me forcat e arkanit dhe sheshelit në vitet 1998-99 ,Arsim Bajrami për Kosovë është i vdekur .


Këta forca jeniçere për të vrarë, vranë ata Shqiptarë KOKA ,që nuk mundi ti vret sërbia,shkatruan e po shkatrojnë prona çka i mbetën sërbisë pa shkatruar ,e në këtë platformë politike të shkatrimit është edhe okupimi i Rektoratit të UP-së nga forcat jeniçere të kosovës ( LPK-së me bishatat e saj ) ,shkatrimin deri në themel të UP-së - ( pasi sërbia nuk mundi ta shpartallon ) .

Turp për Arsim Bajramin si njeri akademik dhe më turp forcave poltike që iu shërben ky miop._____________________________________________ ___________

zoteri na e sjell ti nje deshmi per ate qe thua perndryshe mos merr neper goje njerzit keshtu se kur te thuash diqka se ky apo ai e ka ber ket duhet ta vertetosh me fakte.
jo vetem ti por edhe te tjeret ketu qe ia futin si kau......

andaj edhe moderatoret i kisha lutur qe ketu te lejojn te flasin njerzit vetem me fakte ejo me thash e theme se nuk jemi ne treg .

pershendetje

[RTP]

Qeveria shkarkoi rektorin Bajrami
26.07.2005 16:21 ET Prishtinë (KosovaLive)

Qeveria e Kosovës, të martën, shkarkoi nga posti i rektorit të Universitetit të Prishtinës, Arsim Bajramin, shpërndau Senatin e UP-së dhe shkarkoi nga detyra të gjithë dekanët e fakulteteve dhe shkollave të larta të emëruar në zgjedhjet e fundit universitare.

[Nice_Boy]

Qeveria e Kosovës, sot shkarkoi nga posti i rektorit të Universitetit të Prishtinës, Arsim Bajramin, shpërndau Senatin e Universitetit të Prishtinës dhe shkarkoi nga detyra të gjithë dekanët e fakulteteve dhe shkollave të larta të emëruar në zgjedhjet e fundit universitare.


Qeveria, sipas ministrit të Arsimit Shkencës dhe Teknologjisë, Agim Veliu, pas këtyre shkarkimeve, vendosi për rikthimin e qeverisjes së ligjshme në UP. Deri në zgjedhjet e ardhshme, UP-në do ta udhëheqë një këshill i përbërë prej sekretarit të përgjithshëm të rektoratit, një përfaqësuesi të universitetit dhe një përfaqësuesi të Ministrisë së Arsimit. Nga ana tjetër Arsim Bajrami e ka quajtur këtë vendim të Qeverisë të ngjashëm me atë të qeverisë së dhunshme të Beogradit në vitet e 90 –ta . Bajrami tha se do të pranojë vetëm vendimet e atyre që e kanë zgjedhur duke aluduar kështu në Senatin e UP-s.

[RTP]

Qeveria e Kosovës shkarkoi rektorin e Universitetit të Prishtinës Arsim Bajrami

Prishtinë, 27 korrik - Qeveria e Kosovës në mbledhjen e djeshme ka marrë vendim për shkarkimin nga posti të rektorit të Universitetit të Prishtinës Arsim Bajramin. Ministri i Arsimit, Shkencës dhe Teknologjisë Agim Veliu tha se vendimi është marrë me qëllim të rivendosjes së qeverisjes së ligjshme në Universitetin e Prishtinës. Ai ka shtuar se udhëzimi administrativ në pika të shkurtëra përmban klauzolën se procesi i implementimit të statusit në Universitetin e Prishtinës kthehet prapa në datën 1 dhjetor 2004. Zgjedhjet e kryera pas kësaj date shpallen të pavlefshme.
Ministri Veliu tha se detyrën e rektorit të Universitetit të Prishtinë do ta kryejë një ekip prej tre vetësh: kryesuesi i Bordit të Universitetit, zëvendësi i tij dhe sekretari i Përgjithshëm i UP-së.
Mirëpo, Arsim Bajrami ka pohuar se nuk do t'i nënshtrohet këtij vendimi meqë konsideron se në këtë post nuk e ka zgjedhur Qeveria por autoritetet legjitime të Universitetit
Ndërkohë që ministri Veliu ka pohuar se rektori Bajrami do të pranojë vendimin e Qeverisë pasi që sipas tij ky vendim është mbështetur në kompromis me administratën e UNMIK-ut.
Ministri Veliu ka thënë se po ashtu është arritur pëlqimi që të formohet një grup i ekspertëve, i cili do ta bëjë monitorimin dhe verifikimin e të gjitha shkeljeve që janë bërë gjatë procesit të implementimit të statutit të Universitetit.
Mbrëmë vonë Ministria e Arsimit nëpërmjet një kumtese ka sqaruar se me Udhëzimin Administrativ të MASHT as me vendimin e Qeverisë së Kosovës nuk trajtohet çështja e dekanëve dhe as që ka qenë pjesë e konsultimeve intensive të këtyre ditëve, në kuadër të përgatitjeve për kthimin e ligjshmërisë në UP, si është njoftuar në disa media.

[Brari]

nuk e kam hapur kot kte temen per universitetin e Prishtines..

E dija qe nje dite aty do behet dicka.. nje dicka ne stilin enveristo qose-demaqoisto-kurto-albino-thaqist.. pra dicka anti-Kombetare.. tip Vlor 97-te apo "mars kosovar"..

Dhe kto dite do ja degjojm krismen punes se ndyre te minjve te gjirizit.. veglave te mafies ..

Pra enveroistet Kosovare e kidnapuan universitetin menjihere mbas Nderhyrjes Shpetimtare-Clirimtare te Natos duke futur dhunshem aty ne universitet "qlirimtaret" e vet.. te llojit lpk-isto -PDK-ist sikurse ky arsim e kelmend e compani..

Ne ditet qe vijne falangat thaqo-qoseiste ne universitet do bejne provokime.. qe mund ti sjellin shum ngatrresa Kosoves por Populli i Prishtines besoj do dije te izoloje mu.tsihanet e PDk-s qe do dalin si shoqata apo unione studentore etj.. me qellimin qe tashma ja dime.. per te sabotue rrjedhat pozitive ne Kosove..


Mafia e din se me Vota nuk e ka popullin me vete.. prandaj sherret mbi universitetin.. do ti shfrytzoje si "shi ne kallamoq" te vet..

Kudo ne Kosove duhet vendosur me vendosmeri autoriteti i Shtetit dhe Qeverise qe ka dale nga VOTA..demokratike..

Universiteti, RTK e TMK e SHPK duhen vendosmerisht te kalojne nen Kontrollin e atyre qe gezojne besimin e popullit qe u shpreh me Vote..

Jashte nga keto institucione sabotatoret, ngatrrestaret e demagoget !

[prishtinasig]

Ndodhi ajo qe eshte dashur te ndodhe shume kohe me pare qe te shpetohet Universiteti i Prishtines.Si koinçidence ne kete momente kanali "arte" eshte duke dhene filmin "Sloganet".Shiqone po te keni mundesi ...

[Nice_Boy]

UNMIK-u dhe OSBE-ja përkrahin vendimin e Qeverisë së Kosovës për UP-në

Zëdhënësi i UNMIK-ut, Nirazh Sing, ka njoftuar të mërkurën se UNMIK- ku e përgëzon, Qevrinë e Kosovës për hapin e marrë në vendosje të ligjshmërisë në Universitetin e Prishtinës. Zëvendës shefi i UNMIK-ut, Lari Rosin, vendimin e vlerëson të drejt dhe që për Universitetin të Prishtinës do të jetë hap i parë drejt inkuadrimit të tij në Bashkësinë e Universiteteve Evropiane, ka sqaruar Sing.


Edhe OSBE-ja, po ashtu mirëpret vendimin e Qeverisë së Kosovës rreth UP-së. Kështu u tha ndër të tjera në konferencën e sotme për gazetarë të UNMIK-ut dhe OSBE-së në Prishtinë. Rosin tha se vendosja e ligjeve në universitet është një hap me rëndësi sepse mundëson vendosjen e ligjit dhe njëherit është nismë e shtrimit të rrugës për zbatim të reformave të reja, të cilat janë të domosdoshme për integrim të tij në familjen e madhe të universiteteve evropiane. Sing duke u opërgjigjur në pyetjen se a është ndihmuar qeveria nga UNMIK-u në marrjen e këtij vendimi, ka thënë se UNMIK-u e përgzon qeverinë për këtë vendim dhe premton se do ta përkrah në zbatimin e këtij vendimi. Ndërkaq, edhe zëdhënsi i OSEB-së Sven Lindholm tha se OSBE-ja e përkrah gjithashtu këtë vendim i cili sipas tij i mundëson universitetit zhvillim më të shpejt.

[Nice_Boy]

UPS i UP-së reagon ndaj vendimit për shkarkimin e Bajramit Kosovë

Drejtuesit e Unionit të Pavarur të Studentëve gjatë një konference me gazetarë reaguan ashpër ndaj vendimit të qeverisë për shkarkimin e Arsim Bajramit nga pozita e Rektorit të Universitetit.


Ata e vlerësuar këtë si vendim kryekëput të njëanshëm dhe të dhunshëm, ndërkohë që nesër studentet kanë paralajmëruar mbajtjen e një proteste për të shprehur mospajtimin me vendimin e qeverisë.

[RTP]

Çfarë përmban Udhëzimi Administrativ për rivendosjen e qeverisjes së ligjshme në Universitetin e Prishtinës?


--------------------------------------------------------------------------------

Prishtinë, 27 korrik 2005 /TN /QIK - Për rivendosjen e qeverisjes së ligjshme në Universitetin e Prishtinës, Ministri i Arsimit, Shkencës dhe Teknologjisë, në përputhje me autorizimet që i janë dhënë nga Qeveria e Kosovës për të krijuar një gjendje të rregullt ligjore në Universitetin e Prishtinës, në mbledhjen e datës 26 korrik 2OO5, nëpërmjet një Udhëzimi Administrativ vendos si më poshtë:

Procesi i implementimit të Statutit të Universitetit të Prishtinës kthehet prapa në datën 1 dhjetor 2004; Zgjedhjet e kryera pas kësaj date në UP shpallen të pavlefshme; Këshilli Drejtues i Universitetit (më tutje në këtë dokument "Këshilli") do të plotësohet me katër anëtarë të emëruar nga MASHT brenda tri ditësh nga data e hyrjes në fuqi të këtij udhëzimi;

Këshilli do të konstituohet pa vonesë, do të zgjedh kryetarin dhe zëvendësin e kryetarit, si dhe do të miratojë rregulloren e punës në pajtim me dispozitat e Statutit.

Mbledhjen konstitutive të Këshillit e thërret Sekretari i Përgjithshëm i UP së.

Kompetencat administrative të Rektorit, do t'i barten përkohësisht, deri në zgjedhjen e rektorit të ri, një ekipi të përbërë prej tre zyrtarëve të lartë të Universitetit të Prishtinës: kryetarit të Këshillit Drejtues, Zëvendësit të Kryetarit të Këshillit Drejtues dhe Sekretarit të përgjithshëm të UP së.

Zyrtari më i lartë i Universitetit, deri në zgjedhjen e rektorit të ri, do të jetë Kryetari i Këshillit; Zëvendëskryetari i Këshillit dhe Sekretari i përgjithshëm do të jenë zëvendës të Zyrtarit të Lartë të Universitetit.

Zyrtari më i Lartë i Universitetit dhe zëvendësit e tij do të vendosin me vendime unanime; Në të gjitha rastet kur ka konflikt të kompetencave ndërmjet obligimeve të "zyrtarëve të lartë ngarkuar" dhe obligimeve të Këshillit, do të mbizotërojë qëndrimi i Sekretarit të përgjithshëm.

"Zyrtarët e lartë të ngarkuar" nuk do të involvohen në masa të natyrës strategjike të lidhura me funksionin e Rektorit, përkitazi me funksionimin e Universitetit në tërësi apo të ndonjë njësie të caktuar akademike. MASHT në afat prej tri javësh do të formojë një grup ekspertësh me pjesmarrje ndërkombëtare, i cili do të monitorojë dhe do të këshillojë "zyrtarët e lartë të ngarkuar" në udhëheqjen e procesit të paraqitur në këtë dokument

Ky grup do të zgjedh një kryesues nga anëtarët e vet. Raporte të rregullta për procesin e implementimit do t'i dorëzohen Qeverisës së Kosovës, MASHT it, PSSP së, AEU së, Këshillit të Evropës dhe grupit të donatorëve.

Grupi i ekspertëve do të përbëhet prej: një ekspert i emëruar nga MASHT; një ekspert i emëruar nga Këshilli i Universitetit dhe një ekspert i emëruar nga AUE; Një ekspert i emëruar nga një OJQ vendore arsimore; një ekspert i emëruar nga OSBE.

Sekretari i përgjithshëm do të shërbejë si lidhje e këtij grupi nga "zyrtarët e lartë të ngarkuar". Rëndësi e veçantë do t'i kushtohet rekomandimeve të grupit ndërkombëtar të ekspertëve lidhur me ri zgjedhjet. Të gjitha vendimet paraprake të Këshillit prej pesë anëtarëve do të shqyrtohen dhe konfirmohen sërish nga Këshilli i Universitetit.

Senati do të zgjedhë një Kryesues të Përkohshëm në përputhje me Statutin, i cili do të kryesojë punën e Senatit deri në zgjedhjen e Rektorit të ri. Të gjitha vendimet e Senatit dhe të Këshillave të Fakulteteve, të cilat janë miratuar para datës 1 dhjetor 2004, mbesin në fuqi si të vlefshme.

Të gjitha vendimet unanime të Senatit dhe të këshillave të fakulteteve, të cilët janë miratuar pas datës 1 dhjetor 2004, mbesin në fuqi si të vlefshme. Të gjitha vendimet e kontestuara të Senatit dhe të këshillave të fakulteteve pas datës 1 dhjetor 2004, duhet të hyjnë në procedurë të shqyrtimit dhe miratimit të sërishëm.

Rizgjedhjet do të organizohen nga "zyrtarët e lartë të ngarkuar" dhe do të zhvillohen në të gjitha rastet kur është vërtetuar mospërputhja me kornizën ligjore në fuqi, pa vonesë dhe menjëherë pas kthimit të studentëve, do të monitorohen dhe do të përfundohen në afat prej 12 javësh në përputhje me procesin e mëtejmë të implementimit të Statutit të UP së.

Posti i Rektorit do të shpallet nga ana e "zyrtarëve të lartë të ngarkuar" në bashkërenditje me Senatin dhe duke u bazuar në tekstin e parë të shpallur në mediat e shkruara; kërkesat e mëparme do të mbesin të vlefshme dhe do t'i shtohen listës së kërkesave të reja për postin e rektorit.

Këshilli do të ndërmarrë të gjitha masat e domosdoshme për të zhvilluar zgjedhje të përgjithshme studentore në pajtim me dispozitat e Statutit dhe në afat prej tre muajsh nga data e hyrjes në fuqi të këtij udhëzimi. Rezultatet e këtyre zgjedhjeve studentore do të implementohen në procedurën e rizgjedhjeve të dekretuara nga "zyrtarët e lartë të ngarkuar".

Rektori dhe prorektorët do të zgjedhen nga Këshilli në pajtim me procedurat e përshkruara në Statut. Mandati i "zyrtarëve të lartë të ngarkuar" do të përfundojë ditën e zgjedhjes së Rektorit të ri. I tërë procesi i parparë me këtë rregullore duhet të përfundojë brenda një periudhe jo më të gjatë se gjashtë muaj prej datës së hyrjes në fuqi të këtij udhëzimi. Në rast se disa procedura mbesin të papërfunduara pas kësaj date, MASHT do të nxjerr një udhëzim tjetër administrativ, i cili do të parashoh masat e duhura për përfundimin e procesit.

Ky udhëzim hyn në fuqi në momentin e nënshkrimit nga Ministri, - thuhet në këtë Udhëzim Administrativ të nënshkruar nga më 26 korrik 2005 nga Agim Veliu, minister i Arsimit, Shkencës dhe Teknologjisë.