Mbi Universitetin e Prishtines.

[Llapi]

Universiteti i Prishtinës ka qenë një bazament i fortë i punës dhjetëvjeçare të Universitetit të Tetovës në shumë aspekte Kështu vlerësoi rektori i Universitetit Shtetëror të Tetovës Nexhbedin Beadini gjatë një takimi që pati sot në Prishtinë me rektorin e Universitetit të Prishtinës Arsim Bajrami. Në fokus të këtij takimi ishte edhe implementimi i marrëveshjes për transfer të organizuar të studentëve nga Universiteti i Tetovës në atë të Prishtinës.


“Universiteti i Prishtinës ka dhënë një kontribut të veçantë, sidomos në ngritjen e stafit akademik të Universitetit të Tetovës, në avancimin e proceseve mësimore e shkencore dhe në disa segmente të tjera të bashkëpunimit”, theksoi me këtë rast rektori i Universitetit të Tetovës Nexhbedin Beadini.

Ai konsideroi se problem i cili i ka ngulfatur aktivitetet e Universitetit të Tetovës, është transferi i studentëve të fakultetit të mjekësisë në Universitetin e Prishtinës.

“Bashkëpunimi në mes këtyre dy Universiteteve nuk është ndërprerë asnjëherë dhe natyrisht se do të vazhdojë edhe në të ardhmen”, u shpreh rektori i Universitetit të Prishtinës, Arsim Bajrami, duke shtuar se ky Universitet është i gatshëm të fillojë me implementim të marrëveshjes për transer të studentëve.

Rektori Bajrami kërkoi njëherësh që ky projekt të implementohet plotësisht me standardet akademike dhe të mundësojë që transferi i studentëve nga Universiteti i Tetovës në atë të Prishtinës të mos pengojë zhvillimin e rregullt të punës në Universitetin e Prishtinës.

“Po që se ekziston një vullnet i mirë dhe qëndrim konstruktiv i të gjithë aktorëve, ky projekt do të mund të implementohet” vlerësuan të dy rektorët. Ata konsideruan se të dyja këto institucione do të vazhdojnë bashkëpunimin e ngushtë edhe në të ardhmen.

Zana Mezini
radio kosova

[RTP]

LAJME nga Unioni i Studetave Shqipetar




Përshendetje të gjithë ju koleg dhe kolege!

Ju përshendes dhe njekohësisht ju njoftojmë se në mbramjen e së enjetes në ora 18-00 është mbajt mbledhja e këshillit drejtues të USSH-së (Unioni i Studentëve Shqiptarë),mbledhja është mbajtur në sallën e konferencave në Drejtorin e Qendrës së Studentëve në Prishtinë.Të pranishëm në mbledhje ishin pra përgjegjësit për Kosovë, gjithashtu kanë marrur pjesë të gjithë Kryetarët e Fakulteteve të Universitetit të Prishtinës, dhe Kolegjet private të Kosovës, të pranishëm tjerë ishin edhe Kryetarët e Komisioneve siq janë:
- Komisioni për mardhenje më jashtë,
- Komisioni për Financa, Komisioni për Kulturë ,
-Komisioni i Shendetsisë etj.

Dhe u bisedua rreth Promovimit të Organizatës së Unionit të Studentëve Shqiptarë (USSH),q ë do të mbahët më datën 14 shkurt 2005 ne Fakultetin Filologjik, më konkretisht në sallën Solemne "MEDLIN OLLBRAJT" në Prishtinë, që do të fillon në ora 12-00 të mesë ditës.
U vendos edhe për programin që do të shfaqët gjatë promovimit, i cili program do të jetë mjaftë i pastërt kulturor.
Kjo është sa për një njoftim sipërfaqësor nga ana jonë, qe deshirojm qe edhe ju të jeni të informuar sa do pakë më punë e USSH-së dhe si funksionon Ajo.


Me respekt
A.Zejnaj-Sekretar i USSH-së

[Llapi]

Bajrami: Në vitin 2007 UP përmbush reformat sipas Deklaratës së Bolonjës


Prishtinë, 15 shkurt (Kosovapress) Time: 14 : 04

Historikisht, sikur popullin e Kosovës, edhe UP-në e përcolli një fat i ngjashëm me plot sfida dhe me të papritura, por gjithnjë duke synuar idealin e lartë akademik dhe realizimin e misionit të cilin universiteti ynë e kishte para kombit dhe para historisë sonë më të re, ka thënë rektori i UP-së, prof.dr.Arsim Bajrami, me rastin e shënimit të 35-vjetorit të themelimit të Universitetit të Prishtinës të martën në Prishtinë.
--------------

Hoxha: Vepra e studentëve dëshmorë do të përkujtohet përherë


Prishtinë, 15 shkurt (Kosovapress) Time: 17 : 55

Ishin studentët ata që çdo herë u kanë paraprirë ndryshimeve që nga protestat e viteve `81, ‘89 dhe `97, dhe u bashkuan me luftën për lirinë e Kosovës në të cilën dhanë kontributin e tyre intelektual dhe fizik, ka thënë kryetari i UPSUP-së Sejdi Hoxha, në një akademi përkujtimore kushtuar studentëve dëshmorë, organizuar nga UPSUP me rastin e 35-vjetorit të themelimit të Universitetit të Prishtinës, të martën në Prishtinë.
----------------

Thellohet bashkëpunimi UP-UT


Prishtinë, 15 shkurt (Kosovapress) Time: 17 : 42

Rektori i Universitetit të Prishtinës, Arsim Bajrami, ka thënë të martën pas një takimi me rektorin e Universitetit të Tetovës, Nexhmedin Behadini, se është filluar me projektin për vendosjen e standardeve akademike që do të mundësojnë lëvizshmërinë e lirë të studentëve dhe pedagogëve tanë, ndërsa një gjë e tillë fillimisht është e mundshme me universitetet shqiptare në rajon.
------


Dhe edhe njiherit e lus stafin qe ket tem te vendos diku tjeter e jo tek problematika shqiptare .kur ky univerzitet tani e kremton 35 vjetorin e ekzistimit e kur i beri ball edhe okupatorit serb nuk e di perpos ati qe e ka hap ket tem dhe atyre qe e miermbain ket faqe kush mendon qe ky eshte problem shqiptar!!!!!

[Llapi]

Gjykata supreme hedh poshtë padinë e MASHT-it kundër UP-së
kosovapress

Prishtinë, 1 mars (Kosovapress) Time: 09 : 45

Gjykata Supreme e Kosovës ka hedhur poshtë të hënën padinë e MASHT-it për anulimin e zgjedhjeve në Rektoratin e UP-së, duke i dhënë fund kështu çështjes së zgjedhjes së organeve të reja në Universitetin e Prishtinës, e cila kishte mbetur zvarrë që gati katër muaj.

Gjykata një vendim të tillë e ka marrë sipas nenit 40 paragrafi 1 i Ligjit të konflikteve administrative, ku kishte gjetur se padia është e palejueshme.

Më herët MASHT-i kishte pohuar se do të respektojë çdo vendim, të cilin do ta merrë gjyqi.

MASHT-i kishte kontestuar zgjedhjet e mbajtura në Rektoratin e UP-së në tetor të vitit të kaluar, kinse për shkelje të ligjit mbi arsimin e lartë dhe statusin e UP-së


------------------------
Pas ministrit rexhep osmani tani se voni edhe te tjetrit minister te MASHIT(Ministria e Arsimit, Shkencës dhe Teknologjisë) agim veliu qe te dyt nga radhet e ldk-se nuk e pranuan zgjedhjen e Rektorit te UP po tani pas vendimit te gjkates supreme te Kosoves siq duket keta ministra i ka shokue ky vendim i gjykates
po me vjen gjynah prej ketyre te shkretve ministra .

[RTP]

Llap

Mos rreh shuplaka para kohe,
se njeh Kosova shume `gjykatesa`me bishta!
Edhe e gjithe kjo nuk mbaron me nje te dalun ne gjyq.
Krejt kjo ec ngadal,po sigurte!
Gjykatesit e Arsim Bajramit kane ndertue pallat pa leje (ne mes Prishtine).kete gjithkush e di.
Keshtu qe,korrupcioni,lidhja mafiore do te zbehet ngadale-dale!

Po ti llap mos ki frik,
ti ke pune me vazhdu me shkrimet e kosovaressit
(nuk nxirret aty nje artikull i vetem pa shprehjen : "kinse"...)



Respekt
rtp-ja

[zerocool]

Universiteti i Prishtines eshte llom, katastrof ska ma keq ku shkon ma keq.

Ishalla behet me mire.

Sa i perket rektorit, zoti na rujt!!!!

[Marinari]

LAJME nga Unioni i Studetave Shqipetar




Përshendetje të gjithë ju koleg dhe kolege!

Ju përshendes dhe njekohësisht ju njoftojmë se në mbramjen e së enjetes në ora 18-00 është mbajt mbledhja e këshillit drejtues të USSH-së (Unioni i Studentëve Shqiptarë),mbledhja është mbajtur në sallën e konferencave në Drejtorin e Qendrës së Studentëve në Prishtinë.Të pranishëm në mbledhje ishin pra përgjegjësit për Kosovë, gjithashtu kanë marrur pjesë të gjithë Kryetarët e Fakulteteve të Universitetit të Prishtinës, dhe Kolegjet private të Kosovës, të pranishëm tjerë ishin edhe Kryetarët e Komisioneve siq janë:
- Komisioni për mardhenje më jashtë,
- Komisioni për Financa, Komisioni për Kulturë ,
-Komisioni i Shendetsisë etj.

Dhe u bisedua rreth Promovimit të Organizatës së Unionit të Studentëve Shqiptarë (USSH),q ë do të mbahët më datën 14 shkurt 2005 ne Fakultetin Filologjik, më konkretisht në sallën Solemne "MEDLIN OLLBRAJT" në Prishtinë, që do të fillon në ora 12-00 të mesë ditës.
U vendos edhe për programin që do të shfaqët gjatë promovimit, i cili program do të jetë mjaftë i pastërt kulturor.
Kjo është sa për një njoftim sipërfaqësor nga ana jonë, qe deshirojm qe edhe ju të jeni të informuar sa do pakë më punë e USSH-së dhe si funksionon Ajo.


Me respekt
A.Zejnaj-Sekretar i USSH-së

Nisma per themelimin e USSH-se eshte shume e mireseardhur, por ky A.Zejnaj, sekretar i kesaj organizate, as shkollen fillore se paska marre me merite! Cka eshte kjo informate e coroditur keshtu?!

[Marinari]

Qëndrimi i Ministrisë së (LDK-së) Arsimit në Kosovë, për të mos e pranuar vendimin e Gjykatës Supreme në lidhje me zgjedhjen e Rektorit të UP-së është edhe një dëshmi se ne çfarë niveli është demokracia dhe sundimi i ligjit në Kosovë.

Këso vendimesh antidemokratike bëhen në kohen më historike: tani kur Grupi i Kontakti po e vështron me thjerrëzën e demokracisë, suksesin e institucioneve tona në përmbushjen e standardeve.


Mospërfillja që i është bërë gjykatës, nuk është rasti i vetëm. Gjate muajve të kaluar, zyrtarë të LDK-së (brahimovitë) i shkelen ligjet e Kosovës disa herë.

1. Vetë Braha në ditët e para të këtij viti, përsëri nuk pranoi të raportojë para Kuvendit të Kosovës, siç është i obliguar me kushtetutë, por mbajti një fjalim të coftë, të tipit komunist, të llojit të plenumeve të Enverit. Në atë fjalim, gjatë tërë kohës fliste për punën e Qeverisë, Kuvendit dhe institucioneve të tjera dhe jo për (mos)punën e vet!

2. Disa ditë më pas, zyrtarë të lartë të SHBA-ve dhe vendeve tjera të Grupit të Kontaktit i dhanë Brahës ultimatumin e prerë që deri në fund të shkurtit të largohet nga kreu i partisë, ashtu siç thuhet në kushtetutë. Braha nuk kishte rrugëdalje tjetër dhe u gjunjëzua duke ndërprerë kështu dhunimin katërvjeçar të Kornizës Kushtetuese.

3. 3. Demokracia tjetër e brahove u pa ne asamblenë komunale të Ferizajt, ku kryetari i zgjedhur në mënyrë demokratike nuk pranohet nga LDK, në krye me Brahimin dhe Adem Salihun.

Lista është shumë e gjatë, të mos e harrojmë ligjin mbi mediat, decentralizimin, shpenzimet qindramilionëshe të Qeverisë brenda disa javë, blerjen e posteve më larta qeveritare, etj etj.

Ps. Bota u ka thënë kosovarëve shumë qartë: Zbatoni standardet nëse doni shtet. Standardi i parë, nga gjithsej tetë, është Sundimi i Ligjit dhe Demokracia.

I vetëquajturi kryedemokrat i Kosovës, Brahim Rugova me parti, me gojën përplot demokraci dhe respektim ligji, bëjnë shkeljet më të rënda dhe i tregojnë botës sa e meritojmë pavarësinë dhe shtetin. Me njerëz të këtillë, dhunues të ligjit e demokracisë nuk bëhet as koteci i pulave se jo shteti.

Për ta fituar lirinë, bota na doli në ndihmë kur e bindëm duke derdhur gjak se meritojmë atë, duke luftuar për të dhe jo duke u lutur për çdo të premte.

Ndërsa, në lidhje me pavarësinë e Kosovës, askush (përveç ca sllavëve) nuk është kundër. Po pse nuk e kemi ende shtetin pra meqë bota perëndimore nuk është kundër? Kujt me ia lanë shtetin e Kosovës në duar – Brahim ligjdhunesit a? Jo, s’ka për tu njohur shteti në këtë gjendje në të cilën jemi.

[zerocool]

Pse politikanet tjere jane me te mire !!!!!!!!!!

[RTP]

"Rektorati" i tanishëm i UP nën udhëheqjen e Prof. Bajramit vepron pa legjitimitet

Shkruan: Georg L.F. Woeber

25 mars 2005 /TN / Opinione

I ashtuquajturi "Rektorat" i UP ka lëshuar një deklaratë për procesin e reformave në UP, i operacionalizuara nga unë që nga vjeshta e vitit 2004. Unë jam i njohur si një nga ekspertët e parë në këtë mosmarrëveshje. Me sukses kam përpiluar Statutin e UP në pranverë 2004 si ndërmjetësues në mes UP dhe MASHT.

Reformat momentale të projektit përfitojnë nga përvoja e gjerë si ekspert ndërkombëtar për arsimin e lartë. Kam punuar 7 vite si këshilltar special në katër Ministritë Austriake të Arsimit, duke zhvilluar strategjitë për arsimin e lartë.

Si këshilltar unë kam vazhduar me sukses disa projekte riorganizuese që nga viti 200l me Rektoratet e Universiteteve Evropiane (p.sh. Universiteti i Insbrukut, Universiteti i Klagenfurtit). Në vitin 2004 jam shpërblyer me çmimin "Çmimi për Konsultim Evropian" për kompletimin me sukses të projektit të reformave në Kosovë.

Unë veproj në bazë të kontratës valide në mes qeverisë Austriake (Agjencionit Austriak për Zhvillim) dhe Ministrisë së Arsimit, Shkencës dhe Teknologjisë dhe Universitetit të Prishtinës. Dhe nuk ka pasur ndonjë ndryshim në këtë marrëveshje nga ndonjë prej partnerëve legal.

"Rektorati" i tanishëm nën udhëheqjen e Prof. Bajramit vepron pa legjitimitet, pasi që procesi i zgjedhjeve nuk ka qenë në pajtueshmëri me legjislacionin e aplikueshëm të Kosovës, respektivisht statutin e Universitetit.

Për këtë arsye Prof. Bajrami, i cili padyshim është personalitet i shquar me kredencialitet të lartë, fatkeqësisht shihet si rektor ilegal. Mosmarrëveshja është krejtësisht materiale dhe në asnjë mënyrë nuk e shqetëson personalitetin e Prof Bajramit në kontekstin politik.

Sipas vendimeve zyrtare "Rektorati" nuk është i autorizuar të flasë, vendosë apo nënshkruajë në emër të UP.

Faktet e mëposhtme e shpjegojnë këtë:

Sipas letrës së MASHT-ti dërguar UP-it, me datë 3 dhjetor 2004, rektori Kelmendi ende njihet si rektor legal dhe si zyrtarë përgjegjës i UP. MASHT-i thekson joligjshmërinë e çdo keqpërdorimi të pozitës së Rektorit apo autoritetit nga secili anëtarë i UP.

Në letrën e UNMIK Zv.PSSP Bastagli drejtuar Asociacionit të Universiteteve Evropiane me datë 8 ehjetor 2004, ai shpjegoi që zgjedhja e Prof. Bajramit për Rektor nuk ishte në përputhshmëri me ligjin dhe për këtë arsye UNMIK e konsideron Prof. Kelmendin si Rektor legal të UP.

Në letrën e Ministrit Veliu dërguar Asociacionit të Universiteteve Evropiane të datës 1 shkurt 2005, ai kërkon nga AUE për mision të gjetjes së fakteve për procedurat e zgjedhjes diskutabile në UP. Duke theksuar që Sekretari i Përgjithshëm i UP është personi i vetëm i autorizuar për të nënshkruar dokumente në emër të UP.

4. Në një e-mail të AUE dërguar UP, me datë 15 Mars 2005, Projekt Menaxheri i Lartë David Crosier deklaroi: "Pas leximit të vendimit të (Gjykatës Supreme të Kosovës) dhe pas këshillimit nga UNMIK-u, unë kuptova që mosmarrëveshja në mes Ministrisë dhe Universitetit ende nuk është zgjidhur.

Duke përcjellë vendimin e Gjykatës Supreme të Kosovës i cili nuk është organ i duhur për të vendosur për këtë mosmarrëveshje, AUE mbetet në pozitën e cila i është shprehur më shkrim nga Lewis Purser. Kjo nënkupton që, derisa nuk rregullohet një pjesë e mosmarrëveshjes ne nuk do të jemi në gjendje të njohim rezultatet e procesit të zgjedhjes së (Rektorit)".

Rezyme

1. Asnjë institucion, as UNMIK-u e as MASHT-i dhe as ndonjë agjencion për arsimin e lartë si: AUE nuk e njeh Prof. Bajramin si Rektor të UP-së dhe as të emëruarit tjerë nga ai. Ky pozicion nuk është ndryshuar edhe pas vendimit të gjykatës supreme. Respektivisht asnjë zyrë apo agjencion ndërkombëtar nuk i njeh deklaratat e lëshuara nga i ashtuquajturi "Rektorati".

Analizat e detajizuara për mua dhe ekspertët tjerë të arsimit të lartë nuk kanë lënë asnjë dyshim që gjatë implementimit dhe procesit të zgjedhjeve në UP ka pasur ndonjë shkelje relevante të ligjit mbi arsimin e larte të Kosovës dhe të statutit të UP- së. Unë njihem si një nga ekspertët e parë në këtë kontekst pasi që kam përpiluar me sukses statutin e UP-së në pranverë të vitit 2004 si ndërmjetësues midis UP-së dhe
MASHT-it;

Sipas statutit kushtet e punës së Prof. Bajramit si Zv.Rektor i UP-së kanë kaluar me 9 tetor të vitit 2004. Që nga atëherë Prof. Bajrami nuk është i përfshirë në progresin e mëtutjeshëm të procesit të reformave. Pa dyshim bashkëpunimi i suksesshëm dhe frytdhënës më Prof. Bajramin mund të rifilloj menjëherë kur ai të rizgjidhet si zyrtar qeverisës në UP në pajtueshmëri me Rregulloret e Statutit;

Përparimet e projektit dhe bashkëpunimet e mia me zyrtarët qeverisës legjitim të UP-së janë të shkëlqyera. Edhe pse zbatimi i statutit është vonuar për shkak të jolegjitimitetit të Rektoratit. Projekti mbështetet plotësisht nga AUE dhe Këshilli i Evropës;

Ky është përkushtimi im i vetëm si njëri nga ekspertët më të njohur ndërkombëtar të arsimit të lartë për të përcjellur në mënyrë strikte kornizën ligjore të Kosovës. Kjo mund të jetë e padëshirueshme për individët të cilët e shkelin ligjin, mirëpo është e nevojshme për sistemin e Universitetit të Kosovës në mënyrë që të arrijë njohje dhe respekt Evropian.

Populli i Kosovës do të kuptojë qartë që Universiteti nuk mund të arrij standarde Evropiane pasi që udhëheqësi e tij nuk respekton standardet për Kosovën. Me një shkallë të lartë të papunësisë dhe me një popullsi të re, Arsimi i lartë i bazuar në funksionimin e përgjithshëm është investimi më i mirë për të ardhmen e Kosovës. Për këtë arsye, reformat e suksesshme në UP janë njëra nga detyrat më të rëndësishme të Kosovës;

7. Në këtë moment më së shumti pësojnë studentët dhe personeli nga kjo situatë e papranueshme. Është një fatkeqësi e madhe që ambiciet personale të individëve të vendosin në rrezik, zbatimin e suksesshëm të standardeve të përgjithshme në Kosovë, të cilat janë si parakusht për negocimin e statusit të ardhshëm të Kosovës.