Kuvendi parlamentar votoi kundra heqjes se imunitetit te Nikolla Lesit !

[kolombi]

Rezo,jo vetem ke te drejte,po tani as te vjen te deshperohesh e vihesh ne mendime me keto qe lexojme e na shohin syte.
festja e ketij populli iu vu sic e meritonte nga Baca i Gjirokastres,dhe po i vihet sic e meriton nga kompani e Nanos.
Kemi pasur vallaj nostalgji te madhe per bunkeret,per Spacet dhe Burrelet.Per nderimet me grusht.Per netet pa drita,e pa uje,nostalgji per te peshperitur ato vargjet e medha te Nolit
Anes drites,i pa pare
Prane lumit i pa lare
Lakuriq e i brengosur
.............................
Dhe fatkeqsisht,ata qe mallkuan c'do gje,Perendimin,miqte e tyre lindore,por edhe per vite me radhe edhe vete Zotin,na bene sot te marrim rruget neper bote,dhe nje popull 3-milonsh eshte shperndare si zogjt e Korbit.
Dhe Nanot e kuq defrejne dhe luajne poker mbi kurriz te atdheut.
Mjere kush?
Mjere te verbuarit qe akoma po i thurin lavde!
Mjere ata qe duan po nuk e shporrin dot!
Mjere te gjithe ata qe enderrojne nje dite te kthehen ne atdhe!
MJERE TE GJITHE NE.................

[Lexuesja]

hallall Lesit !!

Ka marr vertet nje pergjegjesi te madhe , qe masakroi publikisht krimet e organizuar nga politikanet shqiptar. Per mua ky eshte nje guzim i madh , qe nuk ka arrit deri me sot njeri te masakroj publikisht me fakte krimet e politikaneve .

deshiroj mos ti ndodhi gje e keqe nga mafiozet e Nanos . Dihet se po i ndodhi gje , ketu ka gisht vetem Fatos Nano

Ja pra ky eshte Fatos Nano per te cilin ka votuar populli yne .....

Nano nuk meriton as komshi ta kesh e jo me nje kryeminister qe te perfaqsoj nje shtet me ate fjalor banal ...

le te presim se cfare do nxjerrin hetimet , ne se jane hetime pa allish _verishe .

Te shpresojm tek drejtesia Shqiptare , se sa e drejte do te jete ..

[Brari]

......koha jone

PO PASTAJ CFARE?

Nga Mesila Doda

U duk si nje rrufe ne qiell te paster deklarimi i Nikolle Lesit lidhur me aferat korruptive e kriminale te Kryeministrit tone. Askujt nuk i genjente mendja se burri qe drejtonte shtetin tone ishte shenjt, por akuzat me laps e leter, me kasete e me pergjime agjenturash, te leshuara per me teper nga vendi qe quhet Parlament, tingelluan si nje termet ne rehatine e pashallekut kryeministror.

Po cili qe reagimi i kryeministrit tone??? Pa kaluar shume ore nga pergjimi i nje bisede, te denje per dy gangstere lagjesh, zedhenesi i Kryeministrit del duke u perpjekur te shfajsohet me ngaterrime datash, dhe si gjithmone nuk pranoi as hetim parlamentar e asgje tjeter qe do jepte ndonje arme ne dore te opozites, por kercenoi me dhembet e rena te organit te akuzes.

Reagimi i pare i cdo burri normal shteti do kish qene nje largim qofte dhe i perkohshem nga pozicioni i tij per te sqaruar akuzat e bera, por kjo do ish e tepert pasi Nano burr shteti nuk ka qene kurre. Kryeministri yne u akuzua per vrases ordiner"rasti i Shkallnurit), per trafikant armesh, per komplotist vrasjesh ne rrjetin e ketij trafiku"Azemi dhe Ahmet Krasniqi), shkurt Kryeministri i shtetit tim ka po aq akuza sa cdo kriminel i shumkerkuar brenda dhe jashte kufijve shteteror.

Po cka bere deri me sot prokuroria? Per vrasjen e Shkallnurit prokuroria ka deklaruar mbylljen e ceshtjes, ndera per historine e rrezikshme te armeve, te implikimit te Azemit e Ahmet Krasniqit kemi degjuar te flitet neper dhembe tash sa vjet po perseri kjo prokurori nuk ka gjetur kokrren e proves. Shkurt, gjerat te cilat u thane nuk se na skandalizuan, te gjithe e dime qe brenda xhepave te tyre ka asa te piste e te ndyre. Ajo qe ish e re nga pikpamja formale eshte fakti qe nje deputet i Parlamentit Shqiptar guxon dhe tregon faktet e krimeve, ndersa Prokuroria i ka mbyllur te dyja syte duke u vetdenoncuar dhe njehere si organ i perdorur, frikacak dhe nje me klanet qeverisese te gangstereve.

Me plot gjasa prokuroria nuk do e rihape me vrasjen e Shkallnurit, nuk do kerkoje as masa ndaj prokurorit qe e ka ndjekur kete ceshtje. Prokuroria nuk do kerkoje heqjen e imunitetit ndaj Abdiut apo Nanos sepse nuk do e konsideroje prove te mjaftueshme apo ligjore kaseten e rregjistruar te bisedes se dy kokave te shtetit shqiptar. E gjithe ngjarja e djeshme ka te gjitha gjasat te perfundoje ne nje ngjarje gazetash per te cilat do flitet dy dite dhe te treten do harrohet, sic thonin dhe bashkebiseduesit. Opinioni shqiptar, i mesuar me skandale te tilla, do e harroje ngjarjen pas ca ditesh, ndersa Nano i cili nuk harron, do vazhdoje t'ja mbaje ne xhep denoncuesit. Shkurt, diktaturat e gangsterve nuk kane aspak me shume se kaq. Nga njera ane kane ne dore pushtetin politik "ose me sakte deputetet e tredhur te Parlamentit) dhe nga ana tjeter kane ne dore drejtesine, te ndershmin Sollaku i cili e ka kthyer institucionin qe drejton nga organ akuze ne zyre adresash.


------

[BlueBaron]

I nderuar zoti kryetar !
Të nderuar kolegë deputetë !
E nderuar familje kryeministrore !

Jam sonte këtu para jush me kerkesën e Gjykatës së Lartë për të dhënë shpjegimet e mia në lidhje me padinë e familjes kryeministrore.
Fillimisht me lejoni që të sjell në vëmendjen tuaj por dhe të gjithë atyre që na ndjekin në këtë transmetim të drejtëpërdrejt televiziv një zhvillim të shkurtër të marrëdhënieve 13 vjecare të medias "Koha Jonë" dhe të z. Fatos Nano, të cilat shumëherë kanë qenë miqësore dhe disa herë konfliktuale:

11 Maj 1991: Koha Jonë del si gazeta e parë e pavarur në Shqipëri
Mars 91 mars 92 Koha Jonë përkrah ardhjen e PD së në pushtet, ndonëse atëkohë ishte gazetë rajonale. Me 30 janar 1993 u bë gazetë kombetare.

Mars 92 korrik 1993 gazeta fillon kritikat ndaj qeverisë së demokratëve.

Korrik '93 e në vazhdim që nga momenti kur u arrestua kryetari i Partisë Socialiste z. Nano media ime kaloi hapur në mbrojtje të kryetarit të burgosur të socialistëve. Pushteti filloi ndeshkimin ndaj medias time. Koha Jonë u bë streha mediatike e të gjithë opozitarëve të asaj kohe.

Korrik 1996. Kryetari Nano që nga burgu filloi levizjen për ndryshimin e kupolës së partisë Socialiste pasi i quajti një pjesë prej tyre si spiunë të Berishës . Gazeta "Zeri i Popullit" nuk i botonte asnjë letër apo shkrim kryetarit të saj zotit Nano, pasi sipas njërit prej drejtuesve të asaj kohe në PS, që sonte ndodhet afër tij , kryetari "kishte rrjedhur dhe nuk kuptonte se c'po ndodh jashtë qelisë së tij" . Letrat dhe intervistat e kryetarit të PS së në Mocionin për Ndryshim u botua vetëm në gazetën "Koha Jonë".

2 mars 1997; redaksia e gazetës "Koha Jonë" digjet krejtësisht. Për 63 ditë gazeta nuk doli në treg.

Shtator 1997: Gazeta "Koha Jonë" uron zotin Nano për detyrën e kryeministrit, duke i kujtuar se tashmë do të jemi miq kundërshtarë.

21 Tetor 1997: Koha Jonë boton, pas 6 vitëve miqësi, të parin shkrim kritik ndaj kryeministrit Nano. Një ditë më vonë kryeministri në takimin e forumit Eurosocialist të Tiranës më sulmon egersisht mua si botues.

22 Nentor 1997: Kryeministri sulmon përs`ri "Koha Jonë" pas një shkrimi kritik për doganat. Nano citon publikisht:" Unë e bëra deputet Lesin. Është faji im që e solla në parlament".
Por unë si botues e kundërshtova, gjithashtu publikisht , që nëse ishte për shpërblim atëhere gazeta Koha Jonë meritonte 20 deputetë nga rradhët e gazetarëve të saj për kontributin që dha për daljen e zotit Nano nga burgu. Pra më ka borxh edhe 19 deputetë !

Shtator 1998: Kryeministri Nano, pas djegies së kryeministrisë, ia mbath në Maqedoni i veshur si fshatar tirane. Koha Jonë e quan gjest frikacaku braktisjen e detyrës nga kryeministri.

Shkurt 1999: Zoti Nano jep dorëheqjen nga posti i kryetarit të PS së. E braktisin të gjithë. Donin ti merrnin edhe partinë. Shumica e ministrave që ka tani përkrah nuk i hapnin as telefonin.

Janar 99 Tetor 99 media Koha Jonë qe përbëhej nga gazeta "Koha Jonë", radio dhe TV KOHA e përkrahin hapur zotin Nano kundër kryeministrit të asaj kohe z.Pandeli Majko. Në faqe të parë botoheshin përditë fjalët e Nanos dhe kishte komente pro tij, pasi mendonim se kishte të drejtë.

Shtator dhjetor 2001. Media Koha Jonë ishte solidare me idetë progresive të zotit Nano në Levizjen për Katarsis, por që në fund na përdori të gjithëve për interesat e tij personale.
Qershor 2002; Koha Jonë kundërshton hapur zgjedhjen e Nanos për President i Republikës, pasi opozita do të destabilizonte gjithë vendin, pas zgjedhjeve të kontenstuara të qershor 2001.

13 Dhjetor 2002; gazeta Koha Jonë rrethohet me policë tatimore, të rendit dhe të policisë elektrike pas një shkrimi tepër kritik ndaj zotit Nano. Për 18 ditë me rradhë në zyrat e gazetës shikoje vetëm gazetarë dhe policë të tatimëve të Tiranës , të përforcuar nga drejtoria e përgjithme e Tatimeve të Republikës. Në fund me datë 31 dhjetor, kontrolli shtetror nuk nxori asnjë shkelje. U larguan.

19 Shkurt 2003. Koha Jonë boton një tjetër dokument komprementues për kryeministrin. Të nesërmen ushtria e kontrollorëve shtetrorë bllokuan KOHA JONË. Reagon Keshilli i Europës me një deklaratë për presionet e kryeministrit ndaj medias .

19 Qershor 2003: Koha Jonë boton një shkrim mbi hakmarrjen e familjes Nano e cila pushoi nga puna, padrejtësisht, gruan e zotit Fatos Klosi, ish kryetar i SHIK. Koha Jonë bëri një analizë ku thoshte se kjo bëhej pasi zoti Klosi kishte hedhur hije dyshimi mbi të kaluarën agjenturore të gruas së dytë të kryeministrit.

Shtator 2003. Koha Jonë hap dosjen e vrasjes se Shkallnuerit në Durrës ku akuzohej Fatos Nano. Kryeministri acarohet. Tatimorët hyjnë prapë për kontroll në shenjë presioni në Koha Jonë.

4 Tetor 2003: Kryeministri Nano më propozon me anë të dy ministrave të tij që janë sonte në podiumin e parlamentit që të firmos një akt Marreveshje me të personalisht ku si kusht ai kishte që gazeta ime të mos sulmonte atë deri në kongresin e Partisë Socialiste si dhe të mos shkruante për bizneset e gruas së tij. Si kompensim unë bëhesha ministër në kabinetin e tij. Këtë propozim ma bënë edhe dy keshilltarë të kryeministrit, të dërguara nga zoti Nano.

9 Janar 2004. Ndodh tragjedia e Karaburunit. Kryeministri rrinte në pishinat e Stambollit, ndërkohë që në Vlorë ishin mbytur 21 jetë njërëzish. Gramoz Ruçi i lutej në telefon kryeministrit që të vinte urgjent në Vlorë , por zoti Nano rregullonte edhe lekurën e fytyrës në klinikat e Stambollit. Koha Jonë beri kritika të forta për kryeministrin që as nuk erdhi për tre dit _or as nuk iu shkoi familjarëve për ngushëllim.

Mars 2004. Koha Jonë arrin të marrë një dokument nga kryeministria dhe publikon vendimin e qeverisë ku kryeministri firmos për të shpërblyer veten e tij me pesë paga mujore, vendim i cili ishte marrë me datë 14 janar 2004.

Prill 2004; Koha Jonë boton shkrimin se në ç'menyrë i justifikon gruaja e kryeministrit gjithë ato para që fiton dhe konkretisht shumën prej 256 milionë lekë fitim vetëm për vitin 2003 në shoqërinë Joy Travel në linjën e autobuzave që kishte vetëm 7 muaj punë me licensë.
14 Maj 2004. Vjen finalizimi: Fatos Nano dhe Xhoana Nano bëjnë tre padi kundër meje. Një padi civile dhe dy penale.


Të nderuar deputetë !

Vendimi i Gjykates se Lartë per kerkesen per heqjen e imunitetit tim është marrë kryekëput nën urdhërat e Nanos pasi në gazetën Koha Jonë e në shkrimet e mija nuk gjendet asnje rrjesht qe mund te provokoje ndeshkim penal. Shkrimet nga niset akuza dhe Gjykata e Lartë janë vetëm opinione bazuar në faktet e publikuara nga mediat e tjera. Nuk ka gjykatë në botë apo parlament që njeh nocionin më elementar të një demokracie që mund të dënojë për dhënien e një opinioni. Shkrimet e mija apo të gazetës time janë sa një e njëmijta e atyre që kanë shkruar me parë dhe më pas analistët e mirënjohur Mustafa Nano në gazetën "Shekulli" dhe Andi Bushati në revistën Klan për Xhoana Nanon.

Nëse nisemi nga kjo logjikë kryeministrore atëhere zoti Mustafa Nano dhe Andi Bushati duhej të ishin arrestuar 5 herë për ato ckanë shkruar e dokumentuar për familjen kryeministrore. Gazeta "Koha Jone " dhe une personalisht nuk kemi bere as me shume e as me pak vecse kemi patur guximin qe te pasqyrojme ne gazete dokumenta komprementuese për kryeministrin. Kështu , njëri prej shkrimëve është bazuar në deklaratën e ish kreut të Shërbimit Sekret shqiptar zotit Fatos Klosi i cili në emisionin e gazetares Rudina Xhunga ka hedhur akuzën për implikimin e gruas së kryeministrit Nano të përzier në shërbimet greke. Si të mos mjaftonte akuza e Klosit vetë kryeministri ka bërë gabimin fatal , pasi me datë 11 Tetor 2002 i ka kërkuar sherbimit sekret dosjen e gruas së tij. Atëhere pyetje ime publike është se përse zoti Nano ka kërkuar dosjen e gruas së tij? Ka dyshuar apo ka dashur të pastrojë dosjen në Sherbimin Sekret Shqiptar? Më thoni se cili kryeministër shqiptar apo President e ka bërë një gjë të tillë? Kur nuk ke përse dhe nëse je i pastër atëhere ç'të shtyn të kërkosh dosjen!? Pra kemi përpara një akuzë të Fatos Klosit dhe një shkresë të kryeministrit për Xhoana Nanon që indirekt konfirmon akuzën e të parit. Ndërsa media ime , si cdo media tjetër, ka bërë analizën e akuzave dhe faktëve. E kush mund të guxojë të dënojë një gazetar apo botues vetem e vetëm se ka shkruar një opinion? Çfarë nuk i shkruan dhe i transmetuan ish presidentit amerikan Bill Klinton me skandalin e Monika Levinskit , por asnjë gazetar nuk u dënua apo ndaj të cilit pati padi civile apo penale.


Meqë jemi tek kjo pikë unë dua të pyes kryeministrin tim që drejton edhe sherbimin sekret nese ka ndonje lidhje greku Jorgo Jorgopullos me familjen Nano dhe cfarë pune bën ky person në Greqi? Cfarë kam kërkuar nga zoti Nano?

Vetëm transparencë për bizneset e tija dhe mirëadministrim të pushtetit. Kam kritikuar mënyrën se si përdor mazhorancën, brenda së cilës ka plot deputetë me dinjitet dhe që mund ta drejtojnë vendin më me shpirt dhe aftësi profesionale. Liria e fjalës,kjo është e drejta më elementare që me jep Kushtetuta si qytetar dhe njeri I medias. Duke qenë edhe deputet obligimi im është i dhjetëfishuar, pasi dua që vendi im të zhvillohet e të integrohet sa më shpejt në Europë. Dua që shqiptarët të hyjnë lirshëm, pa viza, në Europë. C'kanë me tepër bullgarët se sa ne të cilëve Europa iu ka hequr rregjimin e vizave? Asgjë, bile janë gjeografikisht me larg Italisë se sa ne . Por kanë një klasë politike që përbashkohet për interesat kombëtare dhe një qeverisje eficente. Këtë dua edhe unë në kritikat e mija, që ndonëse nganjëherë mund të kenë nota të egra kritike apo në ndonjë rast fjala mund të jetë keqlakuar, por më lind e drejta të pyesë kryeministrin tim: Cila është me rëndë për një vend, për një popull: Keqpërdorimi i pushtetit dhe defrmimi i moralit qeverisës apo keqlakimi i fjalës nga media? Besoj se përgjigja dihet se nga anon.


Të nderuar deputetë !

Kjo klimë e sulmit politik ndaj medias ka krijuar një situatë aspak të favorshme për të gjithë median në Shqipëri. Duke ndjekur e kopjuar kryeministrin Nano kanë vershuar dhjetra e dhjetra padi ndaj gazetave të ndryshme. Vetëm pas bërjes publike të padive dhe të sulmit të zotit Nano ndaj medias Koha Jonë, ku fitoi 20 mijë dollarë nga gjykata e Tiranës, kanë vershuar qindra padi nga qytetarët shqiptarë ndaj gazetave "Korrieri", "Tema'", "Gazeta 55", "Gazetës Shqiptare", "Zeri i Popullit", "Albania", gazetës "RD", revistës "Klan", gazetës "Shekulli", "Panorama", "Sot", etj .,Të gjithë nën shembullin e kryeministrit në çdo padi të tyre kërkojnë nga 5 milionë deri në 20 milionë leke gjobë. Pra tani ka filluar moda e padive kundër gazetave që të fitojnë paratë që nuk i kanë fituar tash 13 vite me punë. Kanë parë kryeministrin dhe duan ta kopjojnë, por ata harrojnë se Nano është vetëm një kopje. Kopje tjetër si Ai nuk ka për dallavere e pazare për vete! Në këtë drejtim ai mbetet i tmershëm në përfeksion!


Të nderuar deputetë !

Lufta ndaj meje është krejtësisht hakmarrje politike dhe një cmenduri e një njeriu që ka humbur për momentin logjikën për të më ndalur mua në denoncimin e çdo gjëje të keqe në këtë klasë politike që po i merr shpirtin shqiptarëve. 13 vite konflikte, 13 vite sherrnajë, 13 vite që na ka lenë 130 vite pas vendeve të tjera.

Përse reagon Nano ndaj meje? Reagon dhe don kokën time pasi unë kam botuar vendimin e qeverisë ku shpërblente veten e tij me pesë paga mujore pesë ditë pas tragjedisë së 9 janarit të këtij viti, kam botuar fakte dhe kërkuar në parlament hetimin me anë të komisioni hetimor parlamentar për akuzën ndaj tij për aksidentin e Shkallnuerit, ku dyshohet se zoti Nano ka aksidentuar për vdekje një qytetar dhe më pas e hedhur në kanal duke ikur nga vendi i ngarjes. Kjo ngjarje nga ana e prokurorisë nuk është zbardhur akoma. Kam publikuar se fakte për pallatin e tij që na e paska blerë vetëm 35 mijë dollarë me një sipërfaqe 270 metra katror mu në mes të Tiranës, ndërkohë që kaq kushton një shtëpi dy dhoma e një guzhinë në Laprakë. Gjithashtu inati i kryeministrit vjen si hakmarrje pasi unë i kam kërkuar të më sqarojë publikisht se përse ka mashtruar në deklaratën e tij të pasurisë për një dhuratë për një benz të blinduar që kushton mbi 200 mijë dollarë. Kam kërkuar një mirëqeverisje prej tij dhe konvertim të pushtetit të socialistëve në shërbim të interesave familjare. Po të isha nisur nga interesat personale sot mund të isha ministër kulture në kabinetin e tij sic ma kanë ofruar keshilltarë dhe ministra të tij të dërguar po prej tij. Nuk kam pranuar, pasi mes kolltukut të ministrit kam zgjedhur atë të deputetit gazetar. Nëse ju nuk keni harruar zoti Nano ka akuzuar me gojën e tij plot ish ministra apo ministra që ka sot në kabinet për korrupsion dhe shkelje të ligjit. Atëhere si ka mundësi që ky njeri nuk ka bërë asnjë padi në Prokurori për heqje imuniteti, por merret me deputet të medias? Ai nuk harron për kritikat dhe dokumentat që i kam publikuar atij. Ndaj don hakmarrje, duke na paraqitur një kokë të bukur gruaje para nesh.Por të nderuar deputetë hakmarrja e Nanos është sa e ashpër, aq dhe primitive. Ai e shtrin hakmarrjen e tij edhe në familje çka është e papranueshme dhe jashtë logjikës jo vetëm për një shoqëri demokratike, por një hakmarrje e tillë dënohej dhe ng Kanuni i Lekë Dukagjinit. Rastet që do të tregoj janë të shumta . Unë po iu përmend disa prej tyre: A nuk ishte Nano që cfarë nuk i bëri Fatos Klosit, edhe në burg donte ta fuste, vetëm e vetëm se hodhi hije dyshimi për të kaluarën agjenturore të gruas së tij. E paditi gjoja për një tender 60 milion lekesh, ndërkohë që ministrat e tij vjedhin miliona e miliona dollarë nga tenderimet. I pushoi padrejtësisht gruan e tij nga puna në shenjë hakmarrje. A ishte kryeministri Nano që për hir se deputeti Eduart Alushi kaloi me LSI i shkarkoi njërëzit e afërm nga puna? Apo nuk është zoti Nano që i pushoi nga puna motrën dhe të afërmit e deputetit Albert Çaçi sapo ai e kritikoi? Natyrisht që me urdhër të kryeministrit janë shkarkuar. Mua nuk më la njeri me mbiemrin Lesi në administratën shtetrore. A e dini se cfarë nuk i bëri ish drejtorit të Policisë së Tiranës Pjerin Ndreu sapo ky i kapi drogë në linjat e autobuzave të gruas së kryeministrit? E shkarkoi, e arrestoi .Të nderuar deputetë me lejoni t'ju drejtoj disa pyetje :

Si do të ndjeheshit sejcili prej Jush nëse do t'iu largonin gruan nga puna shtetrore e fituar me konkurim vetëm se ministri thotë se " Kam urdhër nga kryeministri Nano që ta shkarkojë, pasi është gruaja e filan deputeti që ka kritikuar zotin Nano?

Si do të reagonit sejcili prej Jush, të nderuar deputetë, nëse gruan tuaj në momentin që hynë në zyrën shtetërore shkojnë bodigardët e ministrit dhe e nxjerrin përjashta ministrisë, pasi kanë urdhër nga ministri? Si do të ndjeheshit Ju nëse iks ministër vjen dhe iu thotë tërë frikë se " Nuk kam se cfarë të bëjë, por gruan tuaj do ta largojë nga puna shtetërore, pasi nuk mund të punoj në administratën e zotit Nano, ndërkohë që ju po kritikoni kryeministrin Nano? A do tju nxihej fytyra nga zemërimi nëse vëllai I sejcilit prej jush shkarkohet me urdhër të kryeministrit, vetëm se ju keni kritikuar në parlament apo në media kryeministrin? A do tju mbante vendi sejcilin prej jush nëse kryeministri do të urdhëronte shkarkimin dhe përjashtimin nga administrata shtetrore të cdo njeriu që mban mbiemrin Tuaj?

A mendoni se dhe të afermit tanë kanë dinjitetin dhe personalitetin e tyre ,por që për kryeministrin tonë janë vetem shenja në letër të cilët mund ti heqë e ti zhdukë kur të dojë?

Nesër do të jetë radha juaj, e njerëzve tuaj, sepse ky njeri njeh vetem dy principe : nënshtrimin ose hakmarrjen. Kryeministri ynë sa harxhon gjithë këtë energji dhe kohë të mazhorancës për ceshtjen time ai fare mirë mund ti kushtohej punës për të ndryshuar ato gjëra që ia kërkon elektorati, si qeverisjen, luftën ndaj krimit, etj si dhe vetlargimin për ti hapur udhë emrave të tjerë nga PS që kanë kredibilitet e për të bërë një qeveri që edhe nëse nuk e don politikisht e voton për hir të emrave me personalitet.


Të nderuar deputetë !

Ka deputetë që kanë tash sa vite nuk e kanë takuar Nanon, por që tani i ka thirrur në vilen qeveritare, për votën e sotme. Këto ditë kryeministri është bërë dashamirës me të gjithë deputetët, pasi i duhet vota. I therret në vilë, i pyet edhe për kushërinjtë e pestë dhe iu qan hallet. Sapo të mbaroj punë sonte sic do zoti kryeministër atëhere as nuk ka për ti takuar më. Kryeministri e ka për zakon që të përdorë dhe të hedh.

Të nderuar kolegë !

Unë këtu nuk jam i akuzuari apo mëshirëkërkuesi ! Unë jam këtu, pa pranga apo me pranga nesër në mengjez, pasi Prokuroria po pret pas deres , që të denoncoj dhe ti kujtoj sqiptarëve se kush është tashmë pushteti personal i Fatos Nanos. Ky nuk është pushteti i të majtëve shqiptarë. Ky është pushteti i bizneseve personale të Fatos dhe Xhoana Nanos. Pra dua t'i them mazhorancës se më këtë njeri po i humbni të gjitha shanset, ndonëse sic thashë edhe më sipër brenda mazhorancës ka plot emra që ia vlen të përkulesh në shenjë respekti. Unë jam këtu për t'iu kujtuar ndonjerit apo gruppakicës nano xhoiste se nëse dikur e kemi mbeshtetur, qofte dhe në Levizjen e tij Katarsiste, ai na ka tradhtuar. Ai shkeli cdo parim moral .Ai është mosmirënjohës ndaj jush. Ai nuk e ka për gjë që për hir të ambicjeve të një dhendërri të ri dhe pazareve fitimprurëse personale të shkelë cdo ligj, të hedhë këdo e cilindo në hendek, pasi të ketë mbaruar punë. Fatos Nano është mosmirënjësi më i madh në klasën aktuale politike . Cfarë nuk tha për Gramoz Rucin , Ilir Metën, Namik Doklen, Pandeli Majkon, dhe plotë politikanë në PS. Fjalori i tij, sic do ta dëgjoni në një dokument sekret të cilin do t'ua nxjerr pak më vonë është jashtëzakonisht i ulët për një deputet e jo më për një kryeministër. Me këtë dokument që unë do të paraqes ai duhet të jap dorëheqjen, nëse i ka mbetur dicka nga Fatosi i vitëve '93 '97. Nëse ka njeri që cfarë nuk ka thënë për anëtarët e kryesisë së PS dhe prapë, kur ia don halli iu bën lajka, ky është vetëm Fatos Nano.

Fatos Nano me mënyrën se si e shikon pushtetin në shërbim të pazareve të tija personale e familjare është bërë rrezik jo vetëm për PS në , por për krejt shoqërinë . Janë shumë fakte që tregojnë karakterin e tij negativ qeverisës, porse unë po iu lexoj një dokument i cili më ra në dorë dhe ku tregohet për një bisedë të kryeministrit Nano dhe deputetit Fehmi Abdiu. Ndaj për këtë dokument dhe aksidentin e Shkallnuerit, ku zoti Nano akuzohet për vdekjen e një personi dhe fshehjen e krimit, do të kërkoj komision hetimor parlamentar. Po ju lexoj dukumentin që ju premtova.

Të nderuar kolegë deputetë !

Përfundimisht e dorëzoj vullnetarisht imunitetin tim si deputet vetëm me një kusht:

Zoti Nano dhe unë ta dorëzojmë tani para jush, të firmosim në prani të kryetarit të Kuvendit. Zoti Nano ta dorëzoj imunitetin për akuzat që i janë bërë për aksidentin e Shkallnuerit, për trafikun e armëve në gjashtëmujorin e parë të vitit 1998, për vendimin e qeverisë së 14 janarit ku shpërblen veten e tij, për pallatin në qendër të Tiranës që ka mashtruar me cmimin, për tjetërsimin e pasurisë nga ai tek Xhoana Nano duke shfrytëzuar pushtetin ekzekutiv mbi doganat, për akuzat e Brukselit si një kryeministër i përzier në afera korruptive , për mashtrimet që ka bërë me deklaratën e pasurisë për Benzin e blinduar, etj kurse unë për akuzën e gruas së Nanos .

Gjithashtu do të dorezoja mandatin e deputetit me vullnetin tim të lirë nëqofte se në adresen time do të kishte akuza për pjesmarje në trafiqet e drogës , armëve apo kontrabandës, dukuri të cilat kn qenë, janë e do të jenë larg figures time përsa të jem gjallë, sepse përvec se përfaqësoj popullin që më ka zgjedhur kam edhe dy djem të cilët dua që kur të rriten të jenë krenar për babain e tyre.

Pas kësaj ekspozeje shumë prej jush mund të mendojnë se tashmë unë nuk rrezikoj vetem imunitetin , por rrezikoj edhe jeten time sepse hakmarrja e Nanos që nuk njeh kufi. Do të jetë shumë më e egër se tani. Megjithatë ,Ju kolegë deputetë keni në dorë sonte jo fatin tim, jo jetën time apo profesionin tim të gazetarit. Ju keni në dorë nderin dhe dinjitetin tuaj që është njëkohësisht edhe dinjiteti i Parlamentit. Edhe njëherë duke përfunduar duke ti kujtoj kryeministrit që nëse më ndodh gjë mua ose familjes time, sic dhe ai po përgatit i kujtoj se në momentin që ai urdhëron eleminimin tim fizik atëhere, po në atë moment, të porosisi arkivolin për kokën e tij.

Ju faleminderit !!!

[Brari]

ffrok cupi si ska ber ndoj koment kto muajt e fundit per ceshtjen lesi..
dikur nuk linte rast pa fol..

[Shpirt Njeriu]

Faqja 2 - FAQE E PARE Nentor 10, 2004


Deputeti: Dokumentin ta verifikojë komisionin hetimor, ora është e transkriptimit

Lesi: Kam edhe një tjetër dokument për trafikun


--------------------------------------------------------------------------------



Nikollë Lesi, pas publikimit të dokumentit, thotë se ende nuk ka marrë mbrojtje nga strukturat e shtetit, ndërsa pohon se në komisionin hetimor, do të nxjerrë edhe një tjetër dokument të rëndësishëm.

- Sa i sigurt jeni ju për origjinalitetin e dokumentit të paraqitur në Kuvend?
- Dokumentin do ta verifikojë edhe komisioni hetimor që do të ngrihet për këtë çështje. Verifikimi i tij është atribut i organeve kompetente.
- Po në datën e përmendur në dokument, Nano nuk ka qenë në Shqipëri dhe kjo bëhet e qartë edhe në dokument...
- Kjo është data e transkriptimit dhe jo e incizimit të bisedës. Në gjuhën e ish-shefit të SHISH Klosit, inçizimi dhe transkriptimi nuk bëhen në të njëjtën kohë. Kjo është data e rregjistrimit në SHIK të përgjimit. Kjo është data kur është futur në dokumentat zyrtare të SHIK-ut. Nano kërkon të justifikohet. Pse nuk përgjigjet për trafikun e armëve dhe ligjin që është ndryshuar në Kuvend. Pse nuk e përgënjeshtroi Shkallnuerin? Por unë garantoj se gjatë punës së komisionit hetimor, me zotin Nano do të tregohem shumë i paanshëm.

- Ju servirët një dokument që flet për trafik armësh nga Shqipëria. Ndërkohë që vitet '97, '98, '99 kanë qenë shumë të rëndësishme për zgjidhjen e çështjes kosovare. Mos ndoshta ky dokument ju është dhënë për të krijuar një situatë destabiliteti në vend dhe për të treguar se qeveria (duke qenë kryeministri) ka lejuar trafikun e armëve, apo kanë bërë trafik armësh?
- Përgënjeshtrimi i zyrës së kryeministrit Nano që gjoja dokumenti që unë servira në Parlament nuk i shërben çështjes kombëtare dhe destabilizon vendin, është një justifikim i trafikut të bërë. Çështja e Kosovës është një gjë krejt tjetër dhe çështja e trafikimit të armëve nga krimi i organizuar është një gjë tjetër. Pjesa që lidhet me çështjen kombëtare është e drejtë. Ndërsa çështja e trafikut të armëve, tregon se është bërë nga biznese jo shtetërore. Janë rrjete kriminale të personave privatë. Këtë dua të hetoj unë.
- Ngritja e komisionit hetimor do të bëhet në Kuvend...
- Nëse PS nuk pranon ngritjen e këtij komisioni tregon se është e implikuar. Por brenda mazhorancës ka plot elementë të sinqertë të cilët janë korrektë, profesionistë të cilët mund të bëjnë një qeverisje tjetër pa Nanon. Dhe me këtë do të detyrojnë edhe deputetë të tjerë që të bashkëpunojnë. Sepse me këtë kryeministër që akuzohet nga të gjithë nuk bashkëpunohet.
- Fatos Klosi mohon të ketë dijeni për një dokument të tillë...
- Unë nuk e di se çfarë ka thënë Klosi. Nuk jam shërbëtor i zotit Klosi. Zoti Klosi e të tjerët do të vijnë të dëshmojnë në Komision.

- Sa i sigurt (si person) jeni pas publikimit të këtij dokumenti?
- Realisht ky grup që kryen trafiqet Shqipëri-Kosovë, Han i Hotit, Shëngjin, dhe pjesërisht nga Durrësi është një grup që kontrollon një pjesë të ekonomisë dhe politikës së vendit. Ai është shumë i rrezikshëm. Unë nuk mund të dal jashtë profesionit të gazetarit, por do të vazhdoj të denoncoj dhe ndonëse jam i rrezikuar dhe kam kërkuar mbrojtje ajo nuk më është dhënë deri në këto momente. Natyrisht duke qenë se unë kam statusin e deputetit, shteti është i detyruar të më mbrojë. Unë ripohoj nëse më ndodh gjë mua apo familjes sime, gishti tregues do të jetë mbi kokën e Fatos Nanos.

- Kush ambasadë e huaj jua ka dhënë dokumentin dhe ku ekziston ai tjetër?
- Për momentin nuk mund të përgjigjem pasi po pres edhe një përgjigje zyrtare të prokurorisë së përgjithshme dhe gjatë punës së komisionit do kontrollohet në dosjet e prokurorisë e SHISH. Do të thirren kryeprokurorët Rakipi e Sollaku. Sipas informacioneve që akoma nuk dua t'i bëj publike, ekziston edhe një dokument tjetër skandaloz lidhur me këtë çështje. Në momentin e duhur, në ditën e duhur, ky dokument do të bëhet publik me firmën e një zyrtari shumë të lartë. Në trafikun e armëve gjatë viteve '97- '98 ka patur shumë të vrarë. Ata nuk janë vrarë për çështjen kombëtare të Kosovës, por nga lufta mes klaneve se kush merrte para nga armët. Ky hetim do të zgjasë 3 deri në 7 muaj që do të thotë pak përpara zgjedhjeve parlamentare, por kjo nuk lidhet me zgjedhjet por me faktin se na duhet kohë.

- A keni pasur sot takime me trupin diplomatik?
- Takime kam pasur me shumë ambasadorë. Natyrisht takimet janë konfidenciale. Dua të them se janë të gjithë ambasadorë perëndimorë dhe nuk ka asnjë ambasadë lindore. Besoj se në momentin e duhur do të ketë qëndrime nga BE për shumë çështje të krimit në Shqipëri.


Dyshimi mbi orën e regjistrimit

Si në dokumentin sekret të lexuar nga Lesi në kuvend, ashtu edhe në faksimiljet e botuara dje në gazetën "Tema", vihet re se biseda mes Nanos dhe Abdiut është regjistruar në datën 15 dhjetor 1997. Datë kjo, në të cilën kryeministri Nano ndodhej në Londër për një vizitë zyrtare. Deputeti Lesi e ka justifikuar gjithçka me një procedurë normale të SHISH, sipas të cilës mbi dokument është vendosur data e transkriptimit të bisedës dhe jo e regjistrimit të saj në hotel Rogner. Por një pikë e dyshimtë mbetet fakti që në dokument është shënuar edhe orari i nisjes së regjistrimit në 17.40 dhe i përfundimit në 18.05. Me një logjike të thjeshtë, në një dokument zyrtar nuk vendoset kohëzgjatja që i duhet nëpunësit të transkriptimit për të zbardhur bisedën e regjistruar.


Lesi mbledh vota për Komision Hetimor

Pas hedhjes poshtë nga Kuvendi, të kërkesës për heqjen e imunitetit të deputetit Nikollë Lesi, ky i fundit ka nisur të mbledhë firmat e deputetëve, për të ngritur një Komision Hetimor Parlamentar. Ky Komision do të hetojë në lidhje me faktet e publikuara së fundi në Parlament nga deputeti Lesi, për kryeministrin Nano. Ndërkohë, sekretari i Marrëdhënieve Juridike të Partisë Demokratike, Ilir Rusmaili deklaroi se deputetët e PD-së, do ta mbështesin kërkesën e deputetit Lesi.

[Shpirt Njeriu]

Faqja 3 - FAQE E PARE Nentor 10, 2004


Zyra e shtypit hedh poshtë përgjimin në hotel "Rogner". Edhe "Koha Jonë" shkruante për vizitën

Nano: Në 15 dhjetor isha në Londër
"Kryeministri në atë orë po takonte Robin Kuk"


--------------------------------------------------------------------------------

a.k.
m.v

Pak orë pasi Nikollë Lesi lexoi në Kuvend një dokument për të cilin tha se ishte zbardhje e bisedës së përgjuar mes Nanos e Fehmi Abdiut, zyra e Kryeministrit ka gjetur një alibi të fortë. Nëpërmjet zëdhënësit Aldrin Dalipi janë dhënë fakte se Nano më 15 dhjetor të vitit 1997 nuk ka qenë në barin "Rogner", por në Londër për një vizitë zyrtare. "Ja ku janë edhe gazetat e asaj kohe", tha dje Dalipi, duke lexuar me radhë titujt e tyre, ku pasqyrohej vizita dhe takimet e Kryeministrit në kryeqytetin britanik.

LAJMI

Por ka edhe një reagim nga ambasada shqiptare në Londër. I pyetur nga Gazeta Shqiptare, ambasadori shqiptar në Britaninë e Madhe tha: "Në mënyrë prerë deklaroj se kryeminstri Nano ka zhvilluar në Londër një vizitë zyrtare në krye të një delegacioni zyrtar më 14 dhjetor deri më 17 dhjetor të vitit 1997". Sipas ambasadorit Robo, kryeministri Nano në këtë vizitë treditore në Angli ka qenë i shoqëruar nga ministri i atëhershëm i Ekonomisë, Ylli Bufi. Ata kanë qëndruar në Grosvenor House, rezidencë e cila përdoret për shërbimet e saj nga qeveria britanike. Po ashtu, ambasadori Robo gjatë prononcimit të tij, ka përmendur edhe takimin e Nanos me ish-sekretarin e Jashtëm të Shtetit, Robin Kuk.

Faktet
Një ditë më parë, Kryeministri nëpërmjet zëdhënësit të tij, reagoi duke thënë se do kërkonte hetime në lidhje me gjithçka që u tha në Kuvend, si dhe për dokumentin e lexuar. Por vetëm 12 orë më vonë u zbulua se Nano në kohën kur u tha se është bërë biseda ka qenë në një vizitë zyrtare në Londër. Tonet ishin më të ashpra dje nga ana e zëdhënësit të Kryeministrit. "Zyra e Kryeministrit ka vërtetuar spekullimin e plotë, kriminal, të qëllimshëm dhe të rrezikshëm njëkohësisht, të kryer në seancën e djeshme parlamentare nga deputeti Nikollë Lesi, në lidhje me të ashtuquajturën përgjim të një bisede të zhvilluar në datën 15 dhjetor 1997, në orën 17.40 deri në 18.05 në hotel 'Rogner EuropaPark', mes Kryeministrit dhe zotit Fehmi Abdiu". Spekullimi, sipas Kryeministrisë, është se dokumentacioni zyrtar verifikon faktin se Nano ka qenë në Londër për një vizitë pune. "Për më tepër, pikërisht në orën e pretenduar nga 'dokumentet Lesi', se është zhvilluar një bisedë e tillë në hotel 'Rogner', kryeministri Fatos Nano ka qenë me Sekretarin e Jashtëm Britanik, Robin Kuk". Më pas janë paraqitur edhe dokumentet që, sipas Kryeministrisë, hedhin poshtë akuzat e bëra nga ana e Nikollë Lesit. Dokumenti i parë është urdhri i brendshëm i asaj kohe, ku kërkohet përgatitja e vizitës së Nanos në Britani. Zëdhënësi Dalipi më pas ka renditur të gjitha gazetat e asaj kohe, ku është pasqyruar vizita e Nanos në Londër, si dhe takimet që ai ka zhvilluar atje.

Akuza
Nano është rihedhur në sulm dje. Pasi ka treguar dokumentet kundër fakteve të Lesit, dje është përmendur sërish kërkesa për të hetuar gjithçka në lidhje me këtë çështje. "Në përmbushje të detyrimeve të tij kushtetuese dhe publike, kryeministri Fatos Nano, duke e konsideruar edhe një herë aktin e djeshëm si një spekullim shumë të rrezikshëm në kurriz të sigurisë sonë kombëtare, stabilitetit të vendit dhe të rajonit, në kurriz, gjithashtu, të funksionimit të shtetit ligjor dhe të imazhit të shqiptarëve, do të vazhdojë të gjitha hapat ligjorë në këtë funksion, për të cilat do t'ju mbajmë në kontakt të vazhdueshëm", ky është deklarimi i plotë, bërë dje në emër Kryeministrit nga zëdhënësi i tij. Ai konfirmoi edhe faktin se kanë filluar hetimet tashmë me kërkesë të Kryeministrit, ku do përfshihet edhe çështja e përgjimeve.


Pas akuzave të lëshuara në Parlament

Prokuroria: Do kërkojmë kasetën e përgjimit nëse ekziston
Një ditë pas deklaratës dhe akuzave të forta të lëshuara në Parlament nga deputeti dhe botuesi i gazetës "Koha Jonë", Nikollë Lesi, ndaj kryeministrit Fatos Nano, ka ardhur edhe reagimi i Prokurorisë së Përgjithshme. Burime zyrtare pranë këtij institucioni kanë deklaruar dje për Gazetën, se kryeprokurori Theodhori Sollaku, ka urdhëruar verifikimin dhe shqyrtimin e të gjitha akuzave ndaj kryeministrit Nano, i cili sipas deputetit Lesi ka qenë i implikuar në një trafik armësh. Sipas burimeve të organit qëndror të akuzës, të njëjtit verifikim dhe shqyrtim do t'i nënshtrohet edhe deputeti Lesi mbi vërtetësinë dhe origjinalitetin e dokumentave që disponon. Për këtë arsye, burimet kanë pohuar se përveç dy protagonistëve të kësaj ngjarje, (Nano dhe Lesi) të cilët duhet të kenë vullnetin për të bashkëpunuar me prokurorinë, kjo e fundit pritet të kërkojë sqarime dhe nga ish-zyrtarë të Shrëbimit Informativ Shtetëror (SHISH) dhe policisë kriminale në lidhje me pretendimin e një përgjimi ambiental mes Fatos Nanos, dhe Fehmi Abdiut në hotel "Rogner". Më shumë sesa materiali i transkiptuar, prokurorisë i duhet të ketë në dorë vetë kasetën e regjistruar me zërat e Nanos e Abdiut.

[Brari]

shekulli


---


Shteti si një pus pisllëqesh


Ardian Klosi

Pas dështimit të pardjeshëm të kërkesës për heqjen e imunitetit të deputetit N. Lesi, një valë gëzimi përshkoi mediat dhe politikanë të shumtë. Dukej në një përshtypje të parë si një fitore e madhe e fjalës së lirë ndaj përpjekjeve të pushtetarëve për ta mbytur e shtypur. Përqafimi i figurës Lesi nga Zogaj e me radhë ishin një shprehje simbol e kësaj fitore atëbotë përnjimend historike.
Por a ishte vallë vërtet kështu? Me thënë të drejtën ndodhitë i përjetova ca më ndryshe nga shumica e kolegëve të mediave dhe ja pse nuk shoh në ato që ngjanë ndonjë fitore të shtypit të lirë:
Së pari, në qoftë se do të akuzohesha si gazetar për shpifje, vetë a organi që drejtoj, dhe do të isha i sigurt se shpifje nuk kam bërë, as nuk do të kisha arsye pse t’i trembesha dhe shmangesha drejtësisë, pra do t’ia lija me kënaqësi imunitetin z. Pëllumbi, derisa të ftillohej çështja.
Së dyti, Nikollë Lesi nuk është shembulli i goditur i përfaqësuesit të kulluar të shtypit, i pushtetit të katërt, siç ka qejf të thotë shpesh, por një përzierje politikano-gazetari sui generis dhe homo hominem lupus est.
Së treti – më mirë së pari - votimi i pardjeshëm s’kishte të bënte aspak me lirinë e shtypit, bile në të vërtetë s’kishte të bënte as me çështjen ka shpifur a jo Lesi ndaj znj. Nano por vetëm dhe thjesht me personin e Fatos Nanos. Mendoj madje, se, në pikën ku ndodhet sot autoriteti i kryeministrit tonë, pas kaq e kaq aferash, punë ferrash, gafash politike pa fund, edhe pa dy dokumentet tronditëse që shpalosi Lesi në kuvend (he put the ice on the cake, do të kishte thënë anglezi), edhe në rast të një delikti vullgar e të qartë, bie fjala sikur Lesi t’i kishte vjedhur Nanos sahatin e dorës ose t’i kish grabitur çiftit me po këtë emër stolitë e martesës natën vonë, Kuvendi përsëri do të votonte për mosheqjen e imunitetit të keqbërësit.
E përsëris, ngjarja e pardjeshme s’është ndonjë festë për demokratizimin dhe qytetarizimin e shtypit tonë, pasi edhe „Koha jonë“, me kryetitujt e saj agresivë, me përdorimin e shpeshtë të shkrimeve për shantazhe të ndryshme ndaj x a y politikani, me frymën e sulmit që e bart, nuk është ndonjë shembull për t’u përshëndetur i këtij shtypi. Mirëpo teksa Lesi, nga ana tjetër, duhet përgëzuar për dokumenta diskredituese që nxjerr në shesh (bie fjala rrogat e 5-fishuara të ekipit të kryeministrit) dhe mbajtur larg për ngatërresat me shërbime dhe kundërshërbime sekrete, ngjarjet e pardjeshme nxorën në shesh masën se deri ku është i kalbur ky shteti ynë dhe, në qoftë autentik dialogu Nano-Abdiu, vetë koka e tij.
Po të vëresh me pak vëmendje stilin e dialogut, ai i ngjan si dy pika uji stilit të ditëve të Katharsisit dhe të mjaft rasteve të tjera që kemi përjetuar. Do ta cilësoja stil befasues-i ndyrë, i tipit, siç e lexuam dje, „e pallon ti apo ai miku yt atë juristen“. Sidoqoftë nuk dua të marr këtu rolin e specialistit letrar, dhe as nuk përjashtoj mundësinë që, dikush që e njeh mirë kryeministrin, të ketë endur me durim fjalë në stilin e tij; vetëm se shoku mbetet, tronditja që qeverisemi nga këta njerëz dhe se ligjet e këtij shteti hartohen në një kthinë të Rognerit, midis avujve të duhanit dhe xhinit, me hoka seksualiste ndaj kamarieres (ndoshta dhe me ledhatim shalësh, të cilat mikrofonat e kushëririt tim të largët nuk i kapin dot) dhe pazareve të tipit „më fut këtë në punë, ta kaloj unë ligjin“ përmes një leksiku ku fjalët „**** dhe ****“ duken më të pafajshmet.
Imoraliteti shtrihet pastaj shumë më gjerë: klane politike që përgjojnë njëri-tjetrin, një shërbim informativ që s’e ka për gjë të nxjerrë për përtypje të ambasadave, gazetarëve, shantazhierëve lloj-lloj përgjimesh të regjistruara nga figurat më të larta të shtetit, një prokurori që vepron po njësoj, - duke mos hapur çështje gjyqësore, por duke i shitur informacionet që ka nëpër sirtare lart e poshtë, përsëri për ambasada, gazetarë, shantazhierë, gjykata që lënë të lirë vrasësit dhe që s’kanë bërë shembull as dhe një politikan, asnjë qeveritar, asnjë që s’është gjynahqar... O Zot, a ka vallë fund ky pus i madh pisllëqesh?
Ne shqiptarët në më të shumtën jemi njerëz kokulur, dmth. lëmë të bien shumë gjëra mbi kryet tona pa bëzajtur. Por vjen një ditë, atëherë kur zarari është bërë shumë i madh, dhe shpërthejmë për të ndryshuar shtetin tonë. Uroj vetëm që hera e ardhshme të mos jetë me shpërthim; veçse të jetë sa më shpejt.



10/11/2004



---------



dy llafe..




ardiani pra si i mirinformuar nga Kusherinjt e "larget" na e shuan kuriozitetin se c'qe ajo shprehja me pika pika qe nuk e dhane gazetat..ne biseden mes ujkut Nano dhe Cakallit Abdiu..

Ja pra si eshte originalli i kesaj pjese te bisedes..

----

FEHMI ABDIU: "Kisha nje kerkese te vogel".

FATOS NANO: "Vetem mes nesh kerko, se do kesh mundesi te fitosh ti dhe yt bir".

FEHMI ABDIU: "Jo, jo. Behet fjale per te rregulluar nje vend pune nje juristeje. E kam porosi nga miku im i ngushte".

FATOS NANO: "e pa.llon ti apo ai miku yt atë juristen“.

FEHMI ABDIU: "C'eshte ajo fjale, jam burre i vjeter, nuk e bej dot".

--------

[Hyllien]

Gazeta Shqiptare eshte e vetmja qe po hedh "dyshime" mbi vertetesine... kush e di pse...

[manoklla]

U bo dhe Nikoll Lesi, burr zorraxhi e kalum zorraxhiut me fame. Ik o Les anej ka Lezha ka ke ardh se je teper ne Tiron.

Nano osht kryeminister i mire. Ai ka pasuru ter Tiranen, na boni me lek. Cdo njeri ben gabime se sjemi te perkryer, por te pakten Nano nuk na fut ne luft civile sic na futi ai malsori ne 1997.