Gjuante gjimnazistet dhe vajza të ardhura nga rrethet!!

[Shpirt Njeriu]

Faqja 9 - AKTUALITET Nentor 5, 2004


Eldon Hima miku i Edmond Ymerit, i njohur me nofkën "Kartela" në Tiranë

Kapet përdhunuesi i 21 vajzave
Gjuante gjimnazistet dhe vajza të ardhura nga rrethet


--------------------------------------------------------------------------------

Gerti Xhaja


TIRANE

Kishte mundur të krijonte një emër të frikshëm falë lidhjeve dhe shoqërisë së tij me Kartelën (Edmond Ymeri), të dënuarit me burg përjetë për një sërë krimesh të rënda në Tiranë dhe gjetkë. Por, ndryshe nga miku i tij, Eldon Hima (Elio) vitet e fundit ishte dhënë si një manjak i vërtetë pas përdhunimeve. Sipas policisë dyshohet dhe është në proces verifikimi autorësia e Himës në përdhunimin apo tentativën e përdhunimit të 21 vajzave në Tiranë. Po sipas policisë, preja e tij e preferuar ishin adoleshentet e gjimnazeve, ose vajzat e ardhura nga rrethet, të cilat punojnë dhe banojnë me qera në Tiranë. Megjithëse kishte një kohë të gjatë, që ishte në qarkullim, drejtësia nuk kishte munduar ta siguronte Elion, siç veproi me mikun e tij të ngushtë, Kartelën. Sipas policisë ai kishte edhe një mal me precedentë të tjerë penalë, që nga plagosje e lehtë, për të cilën ai ishte dënuar dy herë, deri në vjedhje të rëndomta. Porse peripecitë e kaluara për së miri me drejtësinë, kishin krijuar një farë miti tek Elio, duke e bërë atë të konsiderohej si i pakapshëm nga policia. Madje edhe vetë uniformat blu, pas një përplasjeje më armë, edhe kjo për shkak të një vajze 17 vjeçare me origjinë nga Tropoja, e kishin klasifikuar si njeri shumë të rrezikshëm. Kishte ndodhur disa herë që Elio, që ishte i martuar dhe baba i dy fëmijëve, ishte prangosur në flagrance, kur ishte bashkë me prenë e tij të preferuar, adoleshentet, por përsëri ai dilte dhe shëtiste rrugëve të Tiranës me automjete luksoze në kërkim të presë së radhës.

Manjaku i përdhunimeve
Një makinë e bukur, fjalë të ëmbëla dhe guxim i pazakontë, kishin bërë që Eldon Hima të kishte sukses me vajzat. Një luk i tillë kishte mjaftuar për të futur në makinë pak javë më parë një punonjëse të hotelit "Sheraton" dhe për të kënaqur më pas më përdhunë epshet e tij. Por edhe pse vajza denoncon në polici dhe agjentët bien shpejt në gjurmë të Eldonit, ai nuk fshihet. Pikërisht gjatë kësaj kohe ai arrin të përdhunojë një 17-vjeçare (mosha e preferuar) jo shumë larg shtëpisë së tij, në Kombinat. Sipas policisë ky përdhunim i fundit, apo më saktë gjahu i fundit para prangave, ka ndodhur në 29 tetor. Më tej policia e arrin. Elio prangoset së bashku me dy të dyshuarit si bashkëpuntorë të tij, kuksianin Vehap Biba, 35 vjeç, edhe ky i dënuar disa herë më parë për krime të ndryshme dhe një 17-vjeçare me iniciale M.P. Sipas policisë vajza është përdorur prej Elios dhe Bibës për të afruar dhe joshur adoleshenten. Madje ajo i kishte ndihmuar ta fusnin prenë e tyre në një banesë, duke e braktisur më pas, e duke u'a lënë në duar. E tradhtuar nga shoqja, 17-vjeçrja edhe pse ka kundërshtuar, nuk ka mundur t'i ndalojë Elion dhe Bibën ta përdhunonin. Fill prej këtej vajza kishte shkuar për të denoncuar në Komisariatin numër 2 të Policisë së Tiranës, i cili ka dhe juridiksionin e zonës.

Arrestimi
Nuk dihet përse policia këtë radhë i ishte vënë me bukë në trastë Eldon Himës. Dihet vetëm se agjentëve u ishin dashur 6 ditë dhe netë të punonin për të rënë në gjurmë të tij. Për ta shtënë në duar përfundimisht, agjentët e policisë kanë vepruar pas mesnatës dhe në orët e para të mëngjesit të djeshëm. Fatmirësisht këtë herë informatat kishin qenë të sakta. Eldon Hima, Vehap Biba dhe 17-vjeçarja M.P, pasi u kapën, u siguruan në ambientet e izolimit të Komisariatit numër 2 të policisë së kryeqytetit. Këtë radhë kryerja e marrrëdhienve me dhunë me vajzën, ishte vërtetuar edhe në raportin e mjekut ligjor, duke i'u bashkuar dosjes përkatëse për ngjarjen.


Dëshmia e punonjëses së hotelit "Sheraton"

"Më mori për shëtitje dhe më përdhunoi dy ditë me radhë"
Vinte dhe më takonte në punë, te Hotel "Sheraton", madje ditën e ngjarjes sapo kisha mbaruar punën, kur Elio (Eldon Hima), më mori me makinën e tij dhe më përdhunoi". Ka qenë ky denoncimi i 23-vjeçares laçiane, Dorina K, në polici më 16 tetor. Ajo nuk e njihte gati fare, madje as emrin nuk i'a dinte saktë. "E thërrasin Elio, është tip tepër i ngjitur dhe është shumë e vështirë ta shmangës", kishte thënë ajo në polici. Në fakt, Dorina, ishte lënë vetëm pas dy ditësh nga Elio, ndërsa gjatë kësaj kohe ishte keqtrajtuar dhe përdhunuar sistematikisht. Sipas vajzës, Elio, pasi e kishte marrë në të errur me makinën e tij nga oborri i hotelit "Sheraton", për t'i bërë një xhiro, e kishte çuar drejt e në një hotel në Kombinat. Elio nuk e ka patur të vështirë për të ushtruar presion dhe dhunë psikologjike ndaj 23-vjeçares, e cila ishte e vetme në Tiranë dhe banonte në një shtëpi me qera me disa shoqe në lagjen Kombinat. Por Elio nuk ishte mjaftuar vetëm me kaq, ai të nesërmen përsëri duke e detyruar me dhunë psikologjike duke e kishte çuar laçianen në shtëpinë e tij, ku e kishte mbajtur dhe një ditë tjetër. Fillimisht, megjithëse e fyer dhe e lënduar fizikisht dhe në nder, 23-vjeçarja nuk kishte dashur të denonconte për shkak të oponionit. Por më pas duke parë se Elio mund ta rrëmbente sërish dhe ta përdhunote ajo është detyruar të kërkonte ndihmën e policisë.

[Shpirt Njeriu]

Elidon Hima, Vehap Biba dhe një 17-vjeçare, u arrestuan nga Komisariati Nr.2


Përdhunonin në grup, 3 në pranga

Policia: Dyshohen për dhunimin e dy vajzave 18 e 22-vjeçare


VLADIMIR KARAJ
Pranga të dyshuarve si maniakë seksualë; akuzohen se përdhu-nuan në bashkëpunim dy vajza, në një muaj.

Elidon Hima, 29 vjeç, dhe Vehap Biba, 39 vjeç, u arrestuan dje nga Komisariati i Policisë Nr.2, pasi akuzohen si autorë të përdhunimit të një 18-vjeçareje në lagjen “Kombinat” të kryeqytetit. Ndërkohë që për këta persona ka një denoncim edhe në Komisariatin Nr.1, po për të njëjtën akuzë. Bashkë me dy të akuzuarit është arrestuar edhe M. P., 17 vjeçe, e cila u shërbente dy të arrestaurve, si karrem për viktimat.

Arrestimi
Nuk ka qenë shumë e vështirë për policinë që të zbulonte dhe arrestonte autorët e përdhunimit të 18-vjeçares nga Kombinati. Ka qenë kjo e fundit që i ka njohur menjëherë, në listën e fotove të personave kontigjentë të policisë, dy të arrestuarit. Menjëherë pas këtij identifikimi, shërbimet operative të Policisë Kriminale të Komisariatit Nr.2 janë vënë në ndjekje të të dyshuarve. Atyre u janë dashur vetëm 6 ditë për të zbuluar se ku qëndronin dhe më pas për t´u vënë prangat. Bashkë me dy të kërkuarit, ata kanë gjetur edhe 17-vjeçaren dhe, sipas burimeve nga policia, kjo e fundit i shërbente dyshes si karrem, për t’i tërhequr në kurth vajzat e tjera. Burime nga policia thanë se dyshja u zbulua pas denoncimit të 18-vjeçares, por dyshohet se ata mund të kenë kryer edhe dhunime të tjera.

Ngjarja
Sipas burimeve nga policia, dy personat, në bashkëpunim me 17-vjeçaren, e kanë tërhequr fillimisht, thjesht për të pirë një kafe, viktimën. Kjo e fundit duket se u ka besuar, për faktin se me grupin ndodhej edhe një vajzë. Por në vend që të shkonin në kafen e zgjedhur, ata e kanë dërguar vitimën në periferi të kryeqytetit, ku dyshohet se e kanë mbajtur për, të paktën, dy ditë. Sipas policisë, të dy personat kanë ushtruar ndaj saj dhunë seksuale të herëpashershme. Vajza, sapo e ka parë veten të lirë, është drejtuar për në komisariatin e policisë, ku ka depozituar denoncimin e saj. Burime nga policia thanë se menjëherë pas kësaj, janë vënë në lëvizje strukturat e duhura dhe është bërë i mundur arrestimi i dy personave. Sipas policisë, të dy ata kanë precedentë të tjerë penalë. Madje, Hima është dënuar më parë, pikërishtr për veprën penale të përdhunimit të një vajze, por edhe për tentativë vrasjeje.



Hima dhe Biba, përdhunuan punonjësen e Sheratonit


Ky nuk është rasti i vetëm, kur Hima dhe kolegu i tij akuzohen për përdhunim. Vetëm para tri javësh ata janë denoncuar edhe nga një vajzë tjetër. Burime nga policia thanë se bëhet fjalë për D. K., 22 vjeç, punonjëse në hotel “Sheraton”. Vajza është mashtruar dhe më pas detyruar të kryejë marrëdhënie seksuale me dhunë me Elidon Himën dhe me kolegun e tij. Ngjarja ka ndodhur në zonën e Komisariatit Nr.1 dhe vajza kishte njohje me Himën. Ajo është dërguar me makinë në periferi të kryeqytetit, ku është mbajtur e mbyllur dhe është dhunuar për dy ditë me radhë. Duket se Hima vendosi ta lërë të lirë, vetëm pasi e ka kërcënuar që të mos e denonconte, por vajza, sapo ka mbërritur në kryeqytet, është drejtuar për në komisariat dhe ka bërë denoncimin. Ajo i është nënshtruar edhe mjekësisë ligjore, që ka konfirmuar se kishte shenja dhune seksuale dhe fizike. Burime nga policia thanë se ende nuk ishte bërë shpallja në kërkim e dhunuesve, të cilët vajza i kishte njohur, pasi ende nuk ishte plotësuar çështja penale. Ndërkohë që vajzave të dhunuara u janë treguar dje fotografitë e të arrestuarve dhe që të dyja kanë pohuar se i njihnin dhe se ishin pikërisht këta persona, që e kishin kryer përdhunimin.



rastet

24 mars 2004
Përdhunohet dhe rrihet me pasojë vdekjen, 65-vjeçarja Leme Cane. Policia arreston të dyshuarit Ndriçim Merdani dhe Syrja Zera.
12 prill 2004
Shtetësja italiane, Anna Ferrari, 49 vjeç, akuzon dy shqiptarë se e kanë rrëmbyer dhe më pas e kanë përdhunuar, ndërsa udhëtonte nga Vlora në Fier.
korrik 2004
Tre djem nga Fieri përdhunojnë për pesë ditë me radhë një vajzë 14-vjeçare, nga qyteti i tyre, dhe më pas e braktisin në rrugë
gusht 2004
Një 14-vjeçare nga kryeqyteti përdhunohet nga fqinji i saj, 29 vjeç, i cili arrestohet dy javë më vonë nga policia.
8 tetor 2004
Një 13-vjeçare nga Bilishti mashtrohet dhe më pas përdhunohet në Elbasan. Policia arreston Paris Demirin, i dyshuar si autor i aktit.


Policia: E kemi dokumentuar çështjen

Nuk është vetëm dëshmia e vajzës së dhunuar, por edhe ekspertiza mjeko-ligjore, që i ka gozhduar dy të dyshuarit për dhunimin e 18-vjeçares. Policia bëri të ditur se dosja kundër tyre ishte e dokumetuar dhe do t´i kalohej prokurorisë.



pasaportat

Emri: Elidon Hima
Mosha: 25 vjeç
Akuzohet për përdhunim në bashkëpunim
I dënuar më parë për përdhunim dhe plagosje


Emri: Vehap Biba
Mosha: 35 vjeç
Akuzohet për përdhunim në bashkëpunim
I dënuar më parë për vjedhje

[mad]

Ca behet keshtu mer!!!!!!!!

S'kemi faj ne jo! Na e ka fajin mendja e ndritur. Qe i kemi kuptuar gjerat per se mbrapi!!!

[PINK]

njerez kafshe ... na i shpifen me keto krime te ndyre !!!

[Brari]

Ky Hima hyn e del ne Sheraton e perdhunon cilen vajz te doje..natyrisht perjashtuar ato qe jan nen mbrotje bodygardesh..ku Hima me shok nuk guxojn me hedh syt..

po cfar eshte Sheratoni?

Sheratoni eshte nje Hotel ku nat e dite drekojne e intervistohen ambasadat e huaja.. dhe natyrisht ku han pin e ...ine dhe krye zyrtaret e Shqiperise..

Kjo do te thote se Sheratoni ne cdo sekond eshte i mbikqyrur nga jasht e brenda nga Shishqebab Shik-sigurimi i PS-se plus mizeria e spiunve te huaj plus ushtria e bodygardave e bodygardeshave plus e gazetareve e avokatave e tj etj..

Pikerisht aty e gjen ky HIMA gjahun e vet..
Pra ai e di se ajo ushtri politikanesh, spiunesh diplomatesh e shishkash qe livadhisin nat e dit rreth e brenda Sheratonit nuk perbejne asnje kercenim per gjuetine e banditit Hima..

Mendo sa te lire jane banditet ne zona tjera te Tiranes e mendo pastaj se cfar deti kos ka per ata ne fshatra e qyteza te republikes se dh-jere Shqiptare..

disa her i kan ardhur policise denoncime nga vajzat e mjera pa mbrotje por gjithmon Hima del fitimtar.. ai perdhunon e fiton..

edhe tani Hima nuk ka per tu denuar.. Ai prap neser ose pasneser do te livadhise me benz rrugve te tiranes per te shijuar mish te njome ..

Duhet nje Grup Cunash me zemer Shqiptare qe tu a tregojn vendin ketyre..
Nje plumb ballit e ec.. pastro nga plehrat kte pis vend..me kte m-ut popull..

[StormAngel]

Keto njerez duhet derguar ne Siberi apo sa me larg civilizimit se na shpifen.
Edhe gazetat me gati i kam te qarte se c`do shkruajne.
U vrane kaq njerez ne kete qytet,u perdhunuan kaq femra ne ate qytet,u vetevrane kaq njerez ne kete vend...Zoti na ndihmofte! Fjalet e mia ne vesh te perendise se nuk na shkruhet mire kshu.

[pagan]

me thone te drejten, çfare praktikon ky helio a si e ka emrin, ka qene bere nga DISA çuna, gjithmone. bile mendoj se s'eshte frika qe ai shkaktonte me kete akt, ajo, qe i shtyn autoritet policore, ta arestojne. mesiguri ai ka shkel diku tjeter ku s'duhet te shkelte.

ne ta gjuash nje goc, ta ftosh ne restorant, te flesh naten me te, por dhe te nesermen e te pasnesermen, e nje dite anej nga e shtuna ti thuash qe edhe nje shoku im do te bej qejf tani me ty, e mbi te gjitha pa te vra ndergjegja hiç, kjo s'eshte perdhunim.
se edhe vajza eshte PERGJEGJESE, deshira e saj naive per te pervetesuar nje "djal azgan" e me leke.

perdhunusat E VERTETE nuk e njohin viktimen, nuk marrin mundimin ti HYJNE ASAJ NE QEJF, por vetem e perdhunojne, duke qene plotesisht TE NDERGJEGJSHEM qe po bejne krim.

dhe eshte pikerisht NDERGJEGJA e protagonistit kur ai kryen nje aksion, ajo qe i jep ketij (aksionit pra) VLEREN, te jete apo jo nje krim.

ps; amerikanet po vrasin ne irak duke qene te ndergjegjshem qe s'po bejne krim, irakianet po vrasin gjithashtu duke qene te dergjegjshem qe as ata po bejne krim. pra eshte pikerisht ndergjegja e ekzekutuesit te nje aksioni, qe e emerton aksionin vete.

[Shpirt Njeriu]

Faqja 11 - AKTUALITET Nentor 6, 2004


Dëshmia në polici e 27-vjeçares së masakruar nga dy manjakët: Eldoni më nxiu mishin me të rrahura

"Hima më rrëmbeu në mes të rrugës"
E përdhunuara e fundit rrezikon të mos lindë fëmijë


--------------------------------------------------------------------------------

Gazmend Janku


TIRANE

Po të vazhdonte të ishte i lirë, mund të ishte një rrezik i mundshëm dhe serioz për çdo vajzë që kalonte në rrugët e Tiranës". Kështu e kanë cilësuar hetuesit 28-vjeçarin Eldon Hima, i arrestuari dy ditë më parë, i cili dyshohet se ka përdhunuar 21 vajza. Mënyra që përdorte Hima për të përdhunuar viktimat e tij ishte tepër e dhunshme dhe është cilësuar si një rast unikal përsa i përket egërsisë. Mjaftonte ta pëlqente një vajzë në rrugë dhe me të gjitha mënyrat do ta realizonte përdhunimin dhe në rast se viktima nuk bindej, atëhere qëllimi arrihej duke përdorur kërcënimet dhe dhunën e egër fizike. Këto konkluzione të hetuesve argumentohen edhe me dëshminë e dhënë nga njëra prej viktimave të Himës, e cila ka përjetuar një tmerr të vërtetë dhe ka pësuar dëmtime serioze, që mund t'i ketë për gjithë jetën e saj.

Dëshmia
Megjithë denoncimet e shumta që kanë mbërritur ndaj Eldon Himës, dëshmia e dhënë nga një vajzë me inicialet S.T. ka shokuar hetuesit dhe oficerët e policisë gjyqësore. Sipas dëshmisë së të dhunuarës, ajo fillimisht është ndalur në rrugë nga një vajzë, e cila i tha se një miku i saj donte ta takonte. "Në këtë kohë aty pranë vjen edhe Eldoni, i cili i më prezantohet vetëm me emrin dhe më kërkon që të pinin një kafe", ka dëshmuar vajza. Kjo e fundit nuk e pranon ftesën, pasi kishte përballë një njeri që e shikonte për herë të parë në jetën e saj dhe bëhet gati për t'u larguar. "Në këtë moment Eldoni, i pakënaqur nga refuzimi im, më qëllon disa herë me grushta në mes të rrugës", ka treguar ende e frikësuar e dhunuara. E terrorizuar S.T. arrin të futet në një lokal, por aty nuk gjen mbrojtje dhe nën kërcënimet dhe presionet e 28-vjeçarit del nga lokali dhe detyrohet të hipë në një taksi me dhunuesin e saj. Pas këtij momenti Eldoni e ka çuar vajzën në një motel në periferi të Tiranës dhe aty e ka keqtrajtuar sërish në mënyrë barbare si dhe e ka përdhunuar. Sikur të mos mjaftonte kjo, në dhomën e motelit vjen edhe i ndaluari tjetër Vehap Biba, i cili, gjithashtu, ushtron dhunë të egër fizike ndaj vajzës dhe e përdhunon sërish. Pasi e masakruan, e kanë lënë të lirë vajzën, e cila, megjithë kërcënimet dhe dhunën fizike që kishte pësuar, nuk nguroi t'i denonconte dy dhunuesit e saj.

Pasoja
Pas denoncimit, vajza e dhunuar fizikisht dhe e përdhunar, i është nënshtruar ekspertimit ligjor. Gjendja në të cilën është paraqitur vajza ka shokuar edhe mjekët, të cilët nuk kanë nguruar të pranojnë se nuk kishin rastisur të ekzaminonin më parë një vajzë të keqtrajtuar në atë mënyrë. Përveç dëmtimeve fizike, mjekët ligjorë kanë konkluduar se e dhunuara S.T. rrezikon të mos lindë fëmijë për shkak të dëmtimeve që ka pësuar nga dhuna dhe përdhunimi i dyfishtë. Në këto kushte ndaj Himës dhe bashkëpunëtorit të tij Biba, përveç akuzave të kryerjes së marrëdhënieve seksuale me dhunë, pritet të ngrihet edhe akuza e plagosjes së rëndë me pasoja serioze dhe me dëmtime të përhershme.
Hetimi
Tashmë denoncimet ndaj Eldon Himës dhe Vehap Bibës i kanë kaluar për hetime të mëtejshme prokurorisë së Tiranës. Burime pranë kësaj të fundit janë shprehur për Gazetën se dy të ndaluarit do të hetohen edhe për akuzën e trafikimit dhe përdorimit të femrave për qëllime prostitucioni. Kjo pistë është ngritur duke pasur parasysh edhe të kaluarën e Himës, si dhe metodat që përdorte për të frikësuar dhe përdhunuar vajzat. Sipas burimeve nga organi i akuzës, Hima ushtronte dhunë të egër ndaj viktimave të tij, në mënyrë që këto të fundit të frikësoheshin dhe të mos kishin kurajo për ta denoncuar. Në këtë mënyrë Hima do ta kishte më të lehtë që vajzat e frikësuara t'i përdorte më pas për prostitucion nën tutelën e tij, madje edhe t'i trafikonte apo t'i shiste për qëllime prostituimi jashtë vendit.


Rezultatet e ekspertizës mjeksore

Hetuesit faktojnë shkencërisht 7 përdhunime të Himës
Eldon Himës, deri në orët e mbrëmjes së djeshme, i ishin faktuar nga hetuesit 7 nga 21 përdhunimet për të cilat dyshohet se është autor. Burime pranë mjekësisë ligjore pohuan se vetëm në 24 orët e fundit janë dërguar ekspertizat që provojnë se Hima ka përdhunuar 5 vajza. Ndërsa bëhet fjalë për vajza të përdhunuara në tre-katër muajt e fundit. Këto i shtohen edhe dy rasteve të mëparshme të denoncuara; rasti i punonjëses laçiane të hotel "Sheraton", Dorina K. dhe rasti i fundit i 27-vjeçares me iniciale S.T. nga lagjja e Kombinatit. Burime policore thanë për Gazetën se janë në fazën e verifikimit dhe disa raste të tjera përdhunimesh, që dyshohet se mbajnë autorësinë e Himës. Ndërkohë, hetuesit vazhdojnë të presin edhe denoncime të vajzave të tjera që janë përdhunuar nga monstra 28-vjeçare. Sipas policisë, është e vështirë që të faktohen të gjitha rastet e përdhunimeve nga Hima, pasi shumica e vajzave preferojnë ta mbajnë në vete dramën e tyre, për të mos u bërë publike. Sakaq edhe fama e bëmave të Himës ka bërë që në disa raste të hezitohet për të denoncuar dhunën e ushtruar prej tij. Hetuesit po punojnë edhe në disa raste të tjera përdhunimesh, kur viktimat e kanë pasur të vështirë të identifikojnë agresorët e tyre dhe që ngjasojnë me ato të realizuara nga Hima. I vështirë për policinë është edhe fakti që disa nga të përdhunuarat nuk e kanë njohur më parë Himën.


Rrëfimi i fqinjëve

Eldoni i dhunshëm, rrihte shpesh gruan
Eldon Hima kishte arritur një reputacion si tip i dhunshëm në lagjen e tij të Kombinatit. Sipas fqinjëve të 28-vjeçarit të dyshuar si autor i 21 përdhunimeve, Hima në këto vitet e fundit ishte kthyer në shqetësues për ta. Fqinjët tregojnë se Hima nuk e kishte problem të ushtronte dhunë edhe mbi bashkëshorten e tij. 28-vjeçari, i martuar prej disa vitesh, është baba i dy fëmijëve. Megjithëse nuk kishte ndonjë punë të mirë, ai shpenzonte shumë dhe lëvizte me makina të shtrenjta. Sa herë që gjendej në telashe, ai largohej për në Devoll, ku strehohej te të afërmit e tij. Fqinjët e kishin parë disa herë të ngjitej në shtëpi në shoqërinë e femrave të ndryshme, ndërkohë që prania e tij kishte krijuar një ndjenjë frike dhe te vajzat e lagjes.

[Brari]

qenka cecen devolli ky Hima.. prandaj i ka shkuar gjate ky zanat.. do jete nga ata bij cobankapterrash qe kam mbush tiranen e jan sigurisht kontigjent votuesish kryemadhoisto-nano-ramoist ..prandaj hyn e del ne der te Sheratonit e Rajonit pa i hyr ferr ne kembe..
Le te shikojm si do reagoje MJAFTI..PD.ja e organizma te ndryshme qe operojne ne tirane..

kombinati.. kjo lagje fukso-hajduto spiunash e njifka mire Himen por nuk kan guxuar te ndihen..

mjafton qe ai ka votuar per edvino-Nanot e kjo mjafton..

jam kurioz a do prononcohet per kete MONSTER kryedevolliu i Tiranes.. dritero agolli, poeti i madh humanoist socialist .. per kete hibrid te industrise njeri-ri-formuese.. enveriste agolliste ..

[pagan]

po te jete e vertete ajo ngjarja qe citohet aty siper, jo vetem ata te dy duhet te futen ne burg, por edhe TAKSISTI qe pranoi ti hypte ne veture, edhe KAFEISTI (xhiu) qe nuk i dha ndihmen e kerkuar asaj goces, MOTELISTI (xhiu) qe pranoi tu jepte dhome me qira.
te gjithe merritojne burg, qe mos te kete me eltona te tjere. ne france ka nje ligj qe quhet: mos dhenie e ndihmes ndaj nje personit ne rrezik, mos zbatimi te cilit te çon ne burg.

ps; a ka ne shqiperi ligj te tille, apo te ngjajshem. apo kush e rrun, ne jemi mesu vetem te pellasim kundra padrejtesive neper forume, ne te cilat asnje nuk e vret mendjen sesi te diskutohet per TI PARANDALUAR keto.

shqiptari; injorant e kaluar injorantit tunxh!