Rugova rizgjidhet president, Haradinaj kryeministër

[Arb]

Salihaj tha se Kosova tashmë ka plotësuar shumë standarde krahasuar me shtetet e rajonit dhe më gjerë

Prishtinë, 29 dhjetor (QIK-u) - "Mendoj se një pjesë e madhe e standardeve janë përmbushur, pra në të gjitha proceset që janë zhvilluar në Kosovë por natyrisht është një pjesë në të cilën duhet punuar pak më tepër sesa deri më tash.

Ne jemi duke bërë përpjekje që të ndërrohet pak koncepti i përmbushjes së standardeve, të krijohen mekanizma të tjerë që do të jenë më të aftë që ta kryejnë këtë punë me sukses më të madh", tha zv.kryeministri i Kosovës Adem Salihaj.

Ai bëri të ditur se tani është duke u krijuar stafi i koordinatorëve të kryeministrisë dhe ministrive që do do të merren kryekëput me çështjen e standardeve dhe nuk do të kenë angazhime të tjera.

Salihaj tha se tashmë ka shumë standarde që i ka plotësuar Kosova krahasuar jo vetëm me shtetet e rajonit po edhe më gjerë. "Ne kemi disa aspekte në të cilat nuk kemi mundur të ecim për shkak të faktorëve tjerë të jashtëm që kanë ndikuar këtu veçanërisht tek çështjet e kthimit, integrimit, lirisë së lëvizjes etj.", tha zv.kryeministri i Kosovës.

Por, megjithaë ai është i mendimit se standardi i rëndësishëm që ka peshë të madhe në Kosovë është zhvillimi i suksesshëm i zgjedhjeve, pra proceset demokratike në Kosovë.

"Ne patëm zgjedhje shumë të suksesshme, bëmë konstituim shumë të suksesshëm të qeverisë dhe e arritëm koalicionin qeveritar pa ndihmën, pa ndikimin e të tjerëve dhe pa implikimin e faktorëve të jashtëm që është sukses shumë i madh për Kosovën dhe është një prej standardeve më të rëndësishme që mund të ketë një vend dhe një shtet", tha zoti Salihaj në një intervistë për "Dojçe velen".

[Llapi]

Megjithë lakadredhjet e AAK-së nuk e kam pritur që të hyjë në koalicion me LDK


Akademik Rexhep Qosja
Prishtinë, 30 dhjetor (Kosovapress) Time: 09 : 58

Akademiku i njohur kosovar, Rexhep Qosja, ka thënë në një intervistë për numrin festiv të gazetës “Epoka e re” se megjithë lakadredhjet politike të AAK-së gjatë viteve të shkuara nuk e ka pritur që ajo të hyjë në koalicion me LDK-në. Ai tha se koalicioni në mes këtyre dy partive i është detyruar në masë të madhe presionit ndërkombëtar, pasi ndërkombëtarët duke dashur të pengojnë koalicionin PDK-AAK, e kurdisën marrjen në pyetje të Ramush Haradinajt në zyrën e gjyqit të Hagës në Prishtinë mu në ditët kur flitej për formimin e qeverisë. Sipas akademikut Qosja kjo ishte një ndërhyrje e vrazhdë në formimin e koalicioneve në Prishtinë, ndërsa ndërkombëtarët ende kanë drojë prej UÇK-së në qeverisjen e

[Arb]

Daci dhe Haradinaj premtuan institucione funksionale gjatë vitit të ardhshëm

Prishtinë, 30 dhjetor - Kryetari i Kuvendit të Kosovës Nexhat Daci organizoi një pritje të fundvitit për deputetët dhe përfaqësuesit vendorë e ndërkombëtarë, ku ishte i pranishëm edhe kryeministri Ramush Haradinaj.

Daci me këtë rast u shpreh se "institucionet e Kosovës e mbyllin këtë vit me rezultat të mjaftueshëm", ndërkaq gjatë vitit të ardhshëm ai tha se institucionet do të jenë në shërbim të Kosovës dhe se qytetarët do ta hetojnë se kanë institucione.

Kryeparlamentari Daci theksoi se puna e Kuvendit do të përqendrohet në dy binarë: në efikasitetin e veprimtarisë brenda Kosovës dhe depërtimin në skenën ndërkombëtare.
Ndërkaq kryeministri Haradinaj premtoi se qeveria që ai drejton do t'i zbatojë objektivat që ka para vetes dhe Kosovën do ta bëjë shtet.

Po ashtu Daci dhe Haradinaj premtuan institucione funksionale gjatë vitit të ardhshëm.

[Llapi]

Gabim me doli dy here

[Llapi]

ÇËSHTJA E STATUSIT POLITIK TË KOSOVËS NUK DO TË ZGJIDHET AQ LEHTË



Intervistë me Jakup Krasniqin



Prishtinë, 30 dhjetor 2004 (Kosovapress)

Jakup Krasniqi, sekretar i përgjithshëm i Partisë Demokratike të Kosovës, shef i grupit parlamentar dhe ish-ministër i Shërbimeve Publike, në një intervistë për Kosovapress ka shprehur një dozë jo të vogël të skepticizmit se çështja e statusit të Kosovës mund të zgjidhet deri në fund të vitit 2005. “Çështja e statusit politik të Kosovës nuk do të zgjidhet aq lehtë. Personalisht nuk pres nëse mund të fillojnë bisedimet për statusin politik të Kosovës në vitin 2005”, tha Krasniqi. Ai thotë se koalicioni LDK-AAK nuk është për t’i avancuar proceset politike pozitive në Kosovë, por më tepër është krijuar për interesa financiare dhe jo për interesa të Kosovës.

Kosovapress: PDK është partia më e madhe opozitare, ndërsa ju jeni shef i grupit parlamentar. Gjatë dy seancave të kaluara sa keni mundur t’i paraqisni pikëpamjet tuaja, duke marrë parasysh edhe kërcënimet që keni pasur nga kryeparlamentari Nexhat Daci?

Krasniqi: Në Kosovë tashmë vërtet skena politike ka zhvillime pozitive për faktin se kemi pozitën dhe opozitën, edhe pse opozita ka vështirësi të shumta, për faktin se ajo duhet të jetë opozitë e opozitës, ngase edhe qeveria është opozitë e administratës ndërkombëtare në Kosovë për proceset politike dhe ato ekonomike.

Është vështirë të jesh në opozitë edhe për arsyen se në Kosovë drejtuesit e institucioneve kanë një mentalitet të vjetëruar, një mentalitet që ka diçka të strukturave të kaluara socialiste. Në përgjithësi, ndoshta edhe opinioni jo lehtë e kupton debatin parimor që mund të zhvillohet në Parlament dhe gjithnjë ekziston rreziku që problemet që ngriten në legjislacion dikush t’i qesë jashtë Parlamentit, gjë që e vështirëson punën e opozitës.

Mendoj se edhe pse kryetari i Parlamentit mundohet të ngulfatë debatin, kjo për mua do të thotë ta ngulfatësh demokracinë, gjë që është e pamundur. Përkundër kësaj PDK-ja në të dy seancat e kaluara ka ngritur probleme serioze, probleme me të cilat do të përballen institucionet dhe qytetarët e Kosovës për vitin 2005.

Ne jemi të vendosur të jemi opozitë e fortë në shërbim të proceseve demokratike, në shërbim të procesit politike dhe zhvillimit ekonomik. Angazhimi ynë do të vazhdojë të jetë për Kosovën dhe qytetarët e saj, kur dihet se angazhimi ynë nuk ka filluar as në vitin 2004, as në 1997, por është shumë më i hershëm dhe do të vazhdojmë ta kryejmë detyrën tonë edhe pse jemi të vetëdijshëm për pengesat dhe vështirësitë që kemi.

Kosovapress: A mund të flitet për një legjislacion demokratik dhe transparent?

Krasniqi: Fatkeqësia është se në Kosovë edhe gjatë legjislaturës së parë, e që ka filluar edhe në këtë të dytën, ka shumë ligje që përdoren sikurse ato të viteve `89, rregulloret e UNMIK-ut dhe ligjet që janë aprovuar në Parlament. Ligjet që janë miratuar në legjislaturën e parë janë ligje që më së paku janë zbatuar në jetë dhe mendoj që në shumë raste janë vetë drejtuesit e institucioneve, ata të Parlamentit që kanë kanë shkelur ligjet në fuqi.

Ne do të jemi një zë i fuqishëm në Parlamentin e Kosovës për ta mbrojtur ligjshmërinë, për t’i denoncuar dhe për ta bërë transparente çdo shkelje.

Kosovapress: Pasi PDK është partia më e madhe opozitare, cili do të jetë roli dhe përgjegjësia e subjektit tuaj karshi proceseve të ardhshme politike?

Krasniqi: PDK është e vetëdijshme për vështirësitë e shumë natyrave, por ajo do të jetë barometër që do ta kontrollojë punën e institucioneve të Kosovës dhe do të ofrojë zgjidhjet e saj. PDK do të kërkojë që vendimet politike të rëndësive të veçanta për Kosovën dhe për proceset politike, respektivisht për statusin e Kosovës, të merren në Parlament.

Çdo përpjekje që vendimet të merren jashtë Parlamentit, pasi që kemi pozitën dhe opozitën do të jenë jo vetëm të paligjshme, por do të marrin një kah të dëmshëm. Ne do të përpiqemi që Kuvendi vërtet ta luajë rolin e tij, ku do t’i jepë hapësirë opozitës. Mendojmë se proceset politike pozitive në Kosovë do të kenë trende të përshtatshme për qytetarët e Kosovës.

Kosovapress: Kreu i PDK-së, Hashim Thaçi, ka deklaruar se do ta sfidojë Qeverinë me ide dhe projekte. Cilat janë ato ide konkrete me të cilat do ta sfidoni pozitën?

Krasniqi: Ne besojmë dhe do ta sfidojmë pozitën, ngase gjithë jetën politike kemi qenë me iniciativa dhe energji pozitive, andaj këto do t’i shfrytëzojmë edhe në të ardhmen. Natyrisht, gjithë angazhimi ynë do të jetë për Kosovën, për një shtet ligjor ku do të respektohet ligji dhe vendimet do të jenë transparente. PDK vërtet do të angazhohet që të ofrojë ide, që të arrihen standardet në shërbim të qytetarëve të Kosovës, se si të bëhet decentralizimi apo reformimi i pushtetit lokal në shërbim të qyetarëve dhe jo për interesa që nuk janë në shërbim të qytetarëve dhe vetë Kosovës.

Kosovapress: Përmendet procesin e decentralizimit. Sa është i favorshëm një proces i tillë për Kosovën ?

Krasniqi: Nëse Qeveria dhe institucionet e Kosovës i përmbahen dokumentit kornizë që është ofruar nga Qeveria e Kosovës, administrata e UNMIK-ut edhe këshilltarët e BE-së, mendoj se do të jetë një përparësi për qytetarët e Kosovës, por e keqja është se tani kur flitet për komunat pilot kemi një tejkalim të dokumentit kornizë dhe ai shkon drejt enklavizimit dhe formimit të komunave të reja.

Ne do të kërkojmë që në Parlament të ngritet çështja e decentralizimit. Nëse do të ketë komuna të reja, atëherë do të duhej nxjerrë ligji për ndarjen administrative të Kosovës, për funksionimin e pushtetit vendor dhe më pastaj të merret vendimi politik për këto çështje në Parlament. Çdo anashkalim i këtij problemi në legjislacion do të jetë i dëmshëm për Kosovën dhe procesin e saj.

Kosovapress: Por, nëse në Parlament do të votohet në baza partiake, siç ka ndodhur edhe në të kaluarën?

Krasniqi: Ne shpresojmë se kjo nuk do të ndodhë dhe se parlamentarët do ta kenë një përgjegjësi nëse ata nuk marrin vendime të rëndësishme. Në fund të fundit, në këtë çështje ne do ta ngrisim zërin dhe opinioni duhet të vlerësojë se kush po angazhohet për proceset pozitive dhe ndryshimin e këtyre proceseve.

Kosovapress: Kosovën gjatë vitit të ardhshëm e presin zhvillime të rëndësishme. A mendoni se Qeveria e koalicionit mund të përballet me sfidat qe e presin vendin?

Krasniqi: Nuk kisha dashur që të paragjykojë. Dëshiroj që proceset politike në Kosovë, edhe pse PDK është në opozitë të jenë pozitive. Është fakt se edhe unë kam një farë doze jo të vogël të skepticizmit se koalicioni në fuqi është për avancimin e proceseve politike në Kosovë, se është bërë një koalicion për t’i respektuar ligjet në fuqi. Andaj, çdo shkelje e ligjeve dhe mosrespektim i tyre pengon përmbushjen e standardit kryesor të demokracisë dhe sundimit të ligjit.

Kosovapress: Është thënë nga analistët e ndryshëm se një qeveri e tillë e koalicionit nuk do të jetë e qëndrueshme. Cili është mendimi i juaj rreth kësaj çështje?

Krasniqi: Dëshiroj që Kosova të ketë institucione të qëndrueshme. I gjithë angazhimi im në Parlament do të jetë në të shërbim të proceseve pozitive. Ne do të angazhohemi edhe për ndryshim në qeverisjen e Kosovës, por edhe natyrisht mbi bazën e zgjedhjeve demokratike.

Kosovapress: Në vitin 2005 është thënë se do të diskutohet për statusin politik të Kosovës. A mendoni se seriozisht do të hapet diskutimi për këtë çështje fundamentale për vendin, kur dihet se si parakusht janë vënë plotësimi i standardeve dhe për këtë shpesh pengesë janë serbët?

Krasniqi: Viti 2005 mendoj se do të jetë vit përcaktues dhe do të mund të ishte i tillë, por nga përzgjedhjet që janë bërë në fund të vitit 2004, përsëri më vjen keq që kemi të bëjmë me procese tepër të rëndësishme për Kosovën. Por jam skeptik se me ndërtimin e këtyre institucioneve do të sjellet diçka e tillë, edhe pse bashkësia ndërkombëtare është e interesuar që të bartë përgjegjësitë te vendorët. Por, kjo do të varet shumë edhe nga Qeveria se sa do të jetë në shërbim të këtij procesi.

Kosovapress: Si e shihni Kosovën në fund të vitit 2005, si një shtet të pavarur apo një vend me kriza sociale, ekonomike, etj?

Krasniqi: Angazhimi im do të jetë gjithnjë për proceset pozitive në Kosovë, do të jetë gjithnjë në shërbim të krijimit të shtetit ligjor të pavarur dhe sovran të Kosovës, por do të varet shumë edhe nga angazhimi i pozitës, e cila megjithatë dyshoj se disa segmente do t’i dëmtojë këto procese. Dëshiroj që kësaj qeverie t’i lë kohë dhe hapësirë dhe vërtet nuk dua të paragjykoj. Mirëpo, sikur e kam një parandjenjë se kjo Qeveri siç është krijuar do t’i sjellë probleme të reja Kosovës.

Kosovapress: Nuk e shihni Kosovën e pavarur në fund të vitit 2005?

Krasniqi: Duhet të dallojmë dëshirën dhe realitetin. Realiteti në këtë drejtim është diçka tjetër, sepse çështja e statusit politik të Kosovës nuk do të zgjidhet aq lehtë. Tre muajt e parë të vitit të ardhshëm do të jenë shumë përcaktues se në çfarë kahu do të shkojë Kosova. Personalisht nuk pres nëse mund të fillojnë bisedimet për statusin politik të Kosovës në vitin 2005, andaj këtë vit nuk e shoh si një vit kur do të mund të zgjidhet statusi i Kosovës.

Me vjen keq, por institucionet e Kosoves nuk janë të gatshme të marrin përgjëgjësinë për Kosovë të pavarur. Megjithatë, edhe faktori ndërkombëtar që është i një rëndësie të veçantë nuk e ka gatishmërinë për ta njohur shtetin e pavarur të Kosovës. E them këtë duke pasur parasysh se faktori ndërkombëtar nuk është i gatshëm ta njohë të drejtën e qytetarëve të Kosovës për një referendum, kur dihet se është e drejta më demokratike e një populli për ta përcaktuar fatin e vet. Prandaj, çështja e statusit të Kosovës për shtet të pavarur dhe sovran mendoj se mund të jetë e një periudhe më të gjatë.

Kosovapress: Janë dhënë shumë premtime para elektoratit gjatë fushatës zgjedhore, si për bërjen e Kushtetutës së Kosovës dhe për realizimin e pavarësisë së vendit. Ndërsa, në një intervistë që ka dhënë kryeministri Ramush Haradinaj, ka thënë se edhe nëse nuk mund të mbajë premtimin për bërjen e Kushtetutës së Kosovës nuk do të japë dorëheqje. A do të thotë kjo se drejtuesit e institucioneve të Kosovës janë të papërgjegjshëm para elektoratit?

Krasniqi: Nëse e shikojmë vetë përbërjen ose ta kemi një pasqyrë për përgjegjësinë e njerëzve në skenën politike të Kosovës, thuajse nuk ekziston. Prandaj, këtu në skenën politike në Kosovë vazhdojnë të jenë njerëzit që me dekada nuk kanë prodhur asnjë sukses, por kanë qenë ata që kanë prodhuar mossuksese dhe përçarje.

Kosovapress: A mund ta arsyetoni koalicion ndërmjet LDK-së dhe AAK-së, kur dihet se Ramush Haradinaj gjatë gjithë kohës ka pasur mosmarrëveshje me njerëzit e LDK-së?

Krasniqi: Kur merret parasysh pozicioni politik i Kosovës në raport me faktorin ndërkombëtar dhe kur kihet parasysh se okupatori me dekada ka krijuar marrëdhënie të çrregulluara ndërnjerëzore dhe ndëretnike, vërtet ky koalicion del mjaft i panatyrshëm dhe i dëmshëm për proceset e mëvonshme politike për Kosovën. Jemi të bindur se ky koalicion nuk është për t’i avancuar proceset politike pozitive në Kosovë, por më tepër është krijuar për interesa të tjera.

Kosovapress: për çfar intersash është bërë ky koalicion ?

Krasniqi: Me vetë faktin se përcaktimi i kuadrave nuk është bërë nga organet vendimmarrëse të subjekteve politike, por nga grupet joformale, atëherë tregon se këto interesa janë ndoshta mbi të gjitha interesa financiare dhe jo që është bërë për interesa të Kosovës.

Kosovapress: Sa mund të jetë e dëmshme për proceset politike një kryeministër, i cili në fakt është i izoluar nga bashkësia ndërkombëtare?

Krasniqi: Politika e izolimit shqiptarëve iu ka kushtuar shumë. Mendoj se Kosovës nuk i duhet një politikë e re që e çon Kosovën drejt izolimit. Unë që kam një përvojë dhe angazhim politik në Kosovë në asnjë çmim nuk do të pranoja që unë të jem shkaku i izolimit politik të vendit. Por, megjithatë është çështje e përgjegjësisë individuale.

Kosovapress: Cili është mesazhi juaj për qytetarët e Kosovës?

Krasniqi: Ju uroj qytetarëve të Kosovës më shumë fat, më shumë suksese. Dëshiroj që qytetarët e Kosovës të fillojnë të vlerësojnë drejt punën e njerëzve në institucionet e vendit dhe jo mos punën dhe mos angazhimin. /Intervistoi : Lumturie Blakaj/

[DriniM]

Presidenti Rugova: Të hapen sa më shpejt zyrat përfaqësuese të Kosovës në vendet perëndimore

Prishtinë, 31 dhjetor - "Unë insistoj në njohjen e drejtpërdrejtë formale të pavarësisë dhe po punojmë të gjithë për këtë. Por, nëse bëhet ndonjë konferencë e vogël apo ndonjë takim i vogël, edhe pse nuk kemi nevojë për një të tillë, me destinim që të njihet pavarësia e Kosovës, në të cilin fqinjët tanë nuk do të kishin të drejtë vetoje në këtë, sepse ka kaluar ajo kohë, ne jemi të gatshëm edhe për këtë variant", tha Presidenti i Kosovës Ibrahim Rugova.
"Por më duhet ta theksoj", shtoi Dr. Rugova, "se ne insistojmë dhe është më e mirë, më e qëlluar dhe më e drejtë njohja e drejtpërdrejtë e pavarësisë së Kosovë nga Shtetet e Bashkuara të Amerikës nga Bashkimi Evropian të cilën do ta formailzonte edhe OKB-ja, sepse çështja e fuqisë vendosëse është e koncentruar në këtë aks transatlantik", tha Presidenti Rugova në një intervistë që e boton në numrin e sotëm "Bota sot".
Duke folur për raportin e institucineve vendore me faktorin ndërkombëtar, Presidenti Rugova tha se "UNMIK-u ka qenë shumë pozitiv në 3 vitet e para, duke vënë bazat e zhvillimit dhe të sistemit institucional në Kosovë", duke shtuar se pas zgjedhjeve nacionale, kompetencat kanë mundur të barten më shpejt dhe se ka pasur ngecje në këtë çështje. Ndërkaq raportet aktuale i vlerësoi shumë të mira.
"Me ardhjen e Petersenit kemi gjallëri më të madhe dhe një gatishmëri të UNMIK-ut që të bartë më shumë kompetenca te institucionet e Kosovës në fushën e ekonomisë dhe pastaj gradualisht në fushat e sigurisë dhe në fushat e tjera dhe që ai të kalojë në rolin e mbikqyrësit apo monitoruesit të proceseve", tha Presidenti Rugova. Ndërkaq për KFOR-i tha se bën sigurinë e përgjithshme të Kosovës dhe ka bërë vazhdimisht një punë të shkëlqyeshme.
Në pyetjen se cilat janë prioritetet e Presidentit në planin e politikës së jashtme, ai tha:
"Të hapen sa më shpejt zyrat përfaqësuese të Kosovës në vendet perëndimore në këtë fazë. Ndërkaq, me njohjen e pavarësisë këto të shndërrohen automatikisht në ambasada. Kurse prioritet kemi që të punojmë me miqtë tanë që të njihet sa më shpejt pavarësia e Kosovës, natyrisht një prezencë diplomatike në vendet evropiane në SHBA do të ndihmonte shumë këtë" u përgjegj Presidenti Rugova duke shtuar se në këtë mënyrë Kosova do të kishte "një komunikim zyrtar me vendet e tjera dhe që të mos mbetemi në mëshirën e gjysminformatave".
Presidenti Rugova më tej tha që standardet për Kosovën të mos trajtohen si standarde të hekurta, por që ato të jenë standarde prioritare dhe që të mos ketë keqkuptim.
"Ka një ndryshim edhe tek UNMIK-u edhe te bashkësia ndërkombëtare që këto t'i quajmë standarde prioritare, d.m.th. ato që i janë vënë si kusht të gjitha vendeve për t'u integruar në Bashkimin Evropian dhe në strukturat evroatlantike".
Duke folur për marrëdhëniet me fqinjët Presidenti Rugova tha se sa i përket Serbisë nuk deshi të flasë, sepse, siç u shpreh "ata ende rreth Kosovës janë negativë, dëshirojnë të manipulojnë dhe nuk e njohin realitetin e ri që ka ndodhur pas intervenimit të NATO-s, duke manipuluar edhe me serbët e Kosovës".
Ndërkaq sa i përket Maqedonisë, ai tha se "problemet që janë shfaqur në këtë vend janë probleme të zhvillimit dhe aty është shënuar një progres, siç është fillimi i zbatimit të Marrëveshjes së Ohrit, integrimi i shqiptarëve në strukturat shtetërore, në polici, në armatë dhe në fusha të tjera".
"Mendoj se në Maqedoni ekziston një vullnet i mirë që të realizohen normat demokratike dhe ndërkombëtare. Ndërkaq, për sa i përket marrëdhënjeve të vendit tonë me Maqedoninë mund të them se kemi një ngritje të marrëdhënieve pozitive me këtë vend fqinj".
Në Mal të Zi, tha Presidenti Rugova, shqiptarët janë në një proces të marrjes të më shumë të drejtave dhe të integrimeve, por shfaqi mendimin se me njohjen e pavarësisë së Kosovës shumë gjëra në tërë këtë rajon do të bienin në vend të vet dhe Kosova do të kishte më shumë mundësi të ndihmojë edhe shqiptarët e Malit të Zi, por edhe të atyre të Luginës së Preshevës.


Mare , nga QIK-u .

[DriniM]

E. Engël: Zgjedhjet e suksesshme në Kosovë - kontribut i rritjes së demokracisë kosovare

Uashington, 31 dhjetor - Kryetari i Komitetit për shqiptarët pranë Kongresit amerikan, kongresisti Eliot Engel ka përgëzuar popullin e Kosovës, Presidentin Rugova dhe qeverinë e re.
"Përgëzoj popullin e Kosovës për zgjedhjet e fundit shumë të suksesshme. Është kontribut i rritjes së demokracisë kosovare dhe vazhdimësi e zhvillimit politik të sistemit politik kosovar që këto zgjedhje ishin aq të suksesshme dhe të lira", thotë kongresisti Engel.
"I dergoj urimet më të përzemerta Presidentit Rugova dhe qeverisë së re për Vitin e Ri , i cili padyshim do të sjellë progres drejt pavarësisë, përparimit ekonomik dhe lirisë për tërë popullin e Kosovës", thuhet në këtë mesazh urimi të kongresistit Engel.

[DriniM]

Kryeparlamentari Nexhat Daci uron qytetarët e Kosovës

Prishtinë, 31 dhjetor - Kryetari i Kuvendit të Kosovës Nexhat Daci u ka drejtuar qytetarëve të Kosovës një mesazh urimi.
"Të gjithë qytetarëve të Kosovës u uroj Vitin e Ri 2005 me dëshirat që ky të jetë një vit i mbarë dhe i begatshëm, vit i mirëqenies, një vit i prosperitetit të të gjithëve, vit i realizimit të synimeve tona që Kosova të jetë vend normal i dinjitetshëm në rrugën e saj drejtë integrimeve evroatlantike, që Kosova të jetë vend i demokracisë, vend i barabarsisë dhe i respektimit të njeri tjetrit, vend i ndihmës dhe i përkrahjes së ndërsjellë, vend ku me dëshirë jetohet, punohet, arsimohet, krijohet vend i realizimit të dëshirave dhe i synimeve për një jetë më të mirë për të gjithë neve dhe për gjeneratat e ardhshme", thuhet në kët urim të Kryeparlamentarit Nexhat Daci.

[Llapi]

Deputeti i ri, Mujota: Do te luftoj per realizimin e dy projekteve madhore per Kosoven
Lajmi i ores 11:35 AM

Fehmi Mujota

PRISHTINE (3 Janar) -Deputeti i ri ne Kuvendin e Kosoves, Fehmi Mujota, ish-kryetar i KK te Shtimes, i cili njihet nder kryetaret me te suksesshem nder komunat e Kosoves, ne nje interviste eshte shprehur per dy projekte te medha qe ai "do te luftoje" ne Kuvend per realizimin e tyre qe kane te bejne me ndertimin e kompleksit perkujtimor te Recakut dhe tjetra me energjine elektrike. Ai gjithashtu flet per te arriturat dhe sukseset qe jane bere gjate mandatit katervjecar, bashkepunimin dhe transparencen e tij me opoziten, si dhe per synimet ne realizimin e projekteve te ndryshme ne Kuvendin e Kosoves. bm/bm(RTK/BalkanWeb)

[Llapi]

Qosja:Ka rrezik që qeveria vendore të ligjësojë fshehtas federalizimin e Kosovës


Prishtinë, 4 janar (Kosovapress) Time: 10 : 50

Akademik Rexhep Qosja në një intervistë për numrin e sotëm të “Epokës së re” ka thënë se ka rrezik që qeveria e tanishme e koalicionit LDK-AAK ta federalizojë Kosovën. “Federalizmi i tanishëm i Kosovës nuk është i ligjshëm, por ekziston rreziku që qeveria e sotme në fshehtësi ngadalë ta bëjë ligjësimin e saj. Daullet për federalizimin e Kosovës në thelb janë daulle për federalizimin e Kosovës, dhe atëherë me dy shtete në Kosovë, hajde e jeto në Kosovë,” thotë ai.