Tensione midis italianëve dhe rumunëve

[DYDRINAS]

Tensione midis italianëve dhe rumunëve


Romë

Numri i rumunëve në Itali është rritur ndjeshëm

Një bandë e maskuar ka sulmuar një grup rumunësh në një periferi të Romës. Policia thotë se banda --që besohet se është italiane sulmoi rumunët me thika, shufra dhe zinxhirë. Tre rumunë u plagosën.

Sulmi është dënuar nga të dy palët e ndarjes politike. Ai vjen në një kohë sensitive për marrëdhëniet midis italianëve dhe emigrantëve - veçanërisht rumunëve që në numra të shumtë janë në itali pas anëtarësimit të vendit të tyre në BE.

Ndërkohë në Romë është mbajtur funerali i një italianeje që thuhet se u rrah, grabit dhe u la për vdekje në një kanal nga një rumun.

Shqetësimi për shtim të krimit të dhunshëm dhe ky sulm në veçanti bëri që qeveria italiane të marrë masa emergjente këtë javë duke i lejuar autoritetet lokale që të dëbojnë shtetasit e BE-së që paraqisnin kërcënim për sigurinë publike.

Dëbimet e para sipas masave të reja të katër rumunëve ndodhën nga aeroporti kryesor i Milanos të premten.


BBC

[TOKIO HOTEL]

po shyqyr qe po degjohen edhe rumenet se vetem albanes degjoje per ca koh.

[donna76]

eshte ndjere shume kjo ngjarje ketu ne Itali.
Ka shume indinjate ne mes te njerzve.
Kan shume te drejte.Po fajin e ka Europa qe dha lejen per tu futur ketyre harxhinjve.

gjynah per ate gruan. po vdes e shkreta.

[Diesel Industry]

rumunet jane shume me keq se shqiptaret...shuuuuuuuuume.Cudi si i futen ne europe.....Si skemi degjuar ndonjere ketej per nje serb,nje kroat,nje slloven apo ku di un... po vetem shqiptare e rumune.Mos na vije hic inat po nga kjo ane tjua marrim te keqen sllaveve :P

[leci]

Nese sulmojne rumunet qenka gje e mire,kurse kur behet me shqiptaret nuk na qenka e mire.
Ka shume rumun te ndershem qe punojne e mbajne familjet e tyre,por ka edhe kriminele me te cilet nuk duhet identifikuar nje popull i tere.
Italianet i duan rumunet sepse i paguajne pak dhe jane njerez punetore.
Tani rumunet do vuajne ate qe ne shqiptaret kemi vuajtur nder vite.Nuk me gezon kjo gje,sepse jane emigrante ashtu si jemi dhe ne.

[kleo_al]

Dhi e zgjebosme bishtin perpjet kto re.Mir ju a kan bo.

[kleo_al]

Nese sulmojne rumunet qenka gje e mire,kurse kur behet me shqiptaret nuk na qenka e mire.
Ka shume rumun te ndershem qe punojne e mbajne familjet e tyre,por ka edhe kriminele me te cilet nuk duhet identifikuar nje popull i tere.
Italianet i duan rumunet sepse i paguajne pak dhe jane njerez punetore.
Tani rumunet do vuajne ate qe ne shqiptaret kemi vuajtur nder vite.Nuk me gezon kjo gje,sepse jane emigrante ashtu si jemi dhe ne.

O plak perderisa per ne nuk kan mor naj her masa te tilla diku ndryshokemi pak ne me rumunet.Kshu qe nuk ka pse te te vije keq fare per to.

[Kreksi]

Edeh ata jane njerez ore, s'ka kuptim te veprohet ne kete menyre... nese ata kane ardhur deri ne itali kane kaluar shume shtete tjera per tu ndalur ne itali sepse ndoshta edh e kane dashur kete shtet e pse nje njeri na paska dalur i prishur dhe ka vrare nje vendas tani e gjithe italia te ngritet kunder rumunve ?
kjo eshte e pakuptim, sepse edhe neve do na ndodhi e njejta gje...e nuke mund te fajsohen te gjithe per nje !
Paskan shpallur dite zie ne tere italine ?
Kjo eshte skandaloze....si edhe ky sulmi i 100 000 ushtarve turkë ndajë 3- 4ooo rebelve kurdë, qfare hipokrizie na shesin edhe keto mediat ore, na shurdhuan....

[brooklyn2007]

Edhe pse nuk eshte e drejte qe Italia ti heqi te gjithe romunet per faj te disave, serisht mund te kete efekt pozitiv nje gje e tille karshi qytetareve te tjere te huaj midis te cileve dhe Shqiptaret. Do tu sherbente si paralajmerim i mire nje gje e tille. Ti hapesh deren e shtepise tjetrit qe te hyje brenda dhe te te dhunoje, kjo gje eshte e patolerueshme. Megjithate eshte per tu theksuar se edhe Italianet nuk kane qene me te mire me Mafien/kriminalitetin e tyre nga vitet 1920-1990 ne Amerike dhe pjese te tjera te Evropes. Por askush nuk i hoqi ne menyre kolektive nga Amerika ose gjetke pse disa element te keqinj krijonin probleme te medhaja ne keto vende. Sic shihet historia perseritet e riperseritet.

[DYDRINAS]

Itali, shpërthen zemërimi ndaj të huajve

Hyn në fuqi urdhri për dëbimin e emigrantëve nga vendet e BE-së

Vrasja brutale e një gruaje që po kthehej në shtëpi, nga një emigrant i pastrehë, ka nxitur në Itali një valë të paprecedentë zemërimi kundër dhjetëra mijëra rumunëve të varfër që mbërrijnë çdo vit në këtë vend. Xhovana Rexhiani, 47 vjeç, vdiq në orët e para të së premtes pas dy ditësh në koma, gjendje kjo në të cilën ra pasi u përdhunua, u rrah dhe u hodh në një gropë në periferi të Romës. Nikolae Romulus Mailat, 24 vjeç, që kishte ardhur në Itali nga Transilvania katër muaj më parë, u arrestua në një barakë, në një kamp endacakësh në afërsi të stacionit Tor di Quinto. Policia ishte njoftuar nga një grua rumune, e cila e kishte parë agresorin të kthehej në barakën e tij, i mbuluar me gjak. Ajo kishte ndaluar një autobus dhe i kishte kërkuar shoferit të thërriste policinë. Nikolae Romulus Mailat pranoi se kishte plaçkitur Rexhianin, por mohonte ta kishte përdhunuar atë. Sulmi i tmerrshëm ka shokuar italianët, të cilët fajësojnë emigrantët rumunë për një valë të paprecedentë krimi në qytetet më të mëdha të vendit, që nga janari, kohë kur Rumania iu bashkua BE-së dhe që tani kërcënon të hapë një hendek mes dy vendeve që kanë lidhje të hershme historike dhe kulturore. Romano Prodi, Kryeministri italian, i ka telefonuar Kalin Popesku Tariceanut, homologut rumun, duke i kërkuar atij veprim të menjëhershëm për të parandaluar kriminelët të kalojnë kufirin. Të mërkurën, Prodi kryesoi një mbledhje të kabinetit ku u miratua një masë që lejon shefat e policisë dhe prefektët të dëbojnë edhe qytetarët e BE-së që konsiderohet se përbëjnë kërcënim për sigurinë publike e po ashtu edhe emigrantët nga jashtë BE-së. Masa që mund të duket sikur bie ndesh me legjislacionin e BE-së për lëvizjen e lirë të shtetasve nga vendet anëtare, do të debatohet në Parlament brenda 60 ditësh. Prodi, gjithsesi, e ka vënë menjëherë në fuqi dekretin. Reagimi i ashpër ndaj sulmit mbi Rexhianin, ka nxjerrë në pah zemërimin e shumë italianëve në lidhje me atë që ata e perceptojnë si një paaftësi e autoriteteve për t‘i bërë ballë rritjes së ndjeshme të sulmeve dhe përdhunimeve ku janë të përfshirë emigrantë nga Evropa Lindore, veçanërisht Rumania. Në një editorial në faqen e parë të saj, "Il Messaggero", e përditshme e Romës, shkruante: "Zemërimi ynë, frustrimi, frika dhe tërbimi nuk mund të nënvlerësohen. Ky sulm mizor shkon përtej imagjinatës sonë dhe është pasojë direkte e tolerancës sonë të tepruar. Ne kemi pranuar qorrazi këdo që dëshironte të vinte në Itali. Ne duhet të kishim reaguar shumë më herët". Ndërsa "Corriere della Sera" thekson se rumunët "kanë zëvendësuar marokenët dhe shqiptarët, duke u bërë makthi numër 1 i italianëve. Ndryshimi është se rumunët janë evropianë, si ne". Valter Veltroni, kryebashkiaku i Romës, tha se Italia duhet të ndjekë shembullin e Britanisë dhe të vendeve të tjera të BE-së në vendosjen e kufizimeve për emigrantët nga vendet e reja anëtare të bllokut. Veltroni tha se para pranimit të Rumanisë në BE, Roma ishte një nga qytetet më të sigurta në Evropë. "Këta nuk janë emigrantë që vijnë këtu për të jetuar, por janë prototipa kriminalë", tha ai. 75 për qind e krimeve të rrugës në Romë, gjatë këtij viti, janë kryer nga rumunët dhe tani ekziston edhe rreziku i ksenofobisë. Pavarësisht frikës se rumunët do të drejtoheshin nga Britania, pas anëtarësimit të tyre në BE, shumica e tyre u nisën drejt Evropës Jugore, veçanërisht Italisë, për shkak të afërsisë së gjuhës dhe kulturës. Ndërkohë, ministri i Brendshëm rumun, u ka kërkuar bashkëpatriotëve të tij të ndihmojnë autoritetet italiane të luftojnë krimet e kryera nga shtetasit rumunë. Ai tha se pjesa më e madhe e rumunëve janë të ndershëm dhe një "pakicë kriminale" nuk duhet lejuar të dëmtojë imazhin e tërë Rumanisë. Sipas statistikave të policisë, 18 muajt e shkuar, rumunët kanë qenë përgjegjës për 76 vrasje, më shumë se 300 përdhunime dhe 2 mijë grabitje në Itali. Shqetësimi se Bullgaria dhe Rumania janë pranuar në BE më herët sesa duhej, tregon se aspirantët e tjerë, vendet e Ballkanit, duhet të presin edhe së paku një dekadë para se ata të mund të bëhen pjesë e familjes evropiane, kanë konfirmuar zyrtarë të Brukselit. Një raport mbi progresin e aplikantëve për anëtarësim në BE tregon ndërkohë një panoramë të errët të korrupsionit politik dhe juridik. Projektraporti, që do të publikohet të martën, mbulon tre vendet që kanë statusin e kandidatëve zyrtarë, Kroacinë, Turqinë dhe Maqedoninë, si edhe aplikantët e mundshëm, Shqipërinë, Bosnjë-Hercegovinën, Malin e Zi, Serbinë dhe Kosovën.


Gazeta Shqip