Tirana metropoli yne

[MiLaNiStE]

eshte nje qytet qe te ofron mundesi te ndryshme per argetim, shplodhje dhe rritje intelektuale.
***********************************************
Si mund te argetohet nje fukara kur nuk ngop barkun me buke?
Eshte e vertete qe Tirana ka bere ndryshime por aktualisht Tirana dhe Shqiperia po perjetojne krize te papare ekonomike.

bashkohem me mendimin tend.
packa se tirana ose me mir shqiperia mund te jet rregulluar, per ne qe kemi pa jeten e amerikes dhe kanadas eshte krejt me ndrryshe. ktu i bi me punuuu ene me shku nshqipri me bo qef ene me u kthy prap me e perserit ka e para. thjesht eshte shum e veshtir te jetosh ne shqiperi nqf ske pun qe bo lek ose nqf ske pun fare

[ncige]

Eshte qytet shume i bukur, aq i bukur sa sapo arrita ne aereoport, fillova duke mallku veten c'mu desh qe erdha ne Shqipri

[ATMAN]

Papunësia në ironinë e Edi Ramës

Nga Nikoleta Kovaçi

Me formën e bombastikes, së pathënës, me aq zë të lartë, një konstatim i kryebashkiakut të "metropolit", lehtësisht kaloi nëpër heshtje… kaloi nëpër “famën” e transmetimit të së vërtetës më të hidhur që përjeton sot vendi dhe veçanarisht Tirana.

“Shqiptarëve iu mungon dëshira për të punuar…”, madje ironia është edhe fytyra e dytë që pasoi aftësinë e Edi Ramës…për të kamufluar atë pjesë të përgjegjësisë që bie mbi të për fenomenin më shkatërrues të shoqërisë shqiptare.

Ndonëse dikur Edi, u quajt djaloshi i talentuar i pikturës…saqë edhe stimuluesit e rritjes së emrit të tij e përcollën në të gjitha fazat e kësaj rritjeje….me të njëjtën devotshmëri..., shpërblimi erdhi pas makiazhit të pallateve…

E ai fatkeqësisht merr përsipër edhe një detyrë që nën hijen e "lartësisë" së tij politike…vazhdon të testojë qytetarët e tij… E ndërsa, përveç votës që nuk dihet se si u fitua…ata të rinjtë që nuk kishin dëshirë të punonin…dinin edhe të respektonin kryetarin e bashkisë së tyre…për te cilën, ata…ende nuk e kanë idenë, nëse vërtetë janë të sajët apo jo…

* * *
Sipërmarrja e kryebashkiakut në këtë testim të dëshirës së të rinjëve të bashkisë së tij për të punuar, lidhet edhe me një zbulim të madh….
Qe qe realisht askush nuk ia vuri veshin… ndonëse Rama, kësaj here duhej falenderuar… Duhej komentuar si një gjetje me nuanca edhe “artistike” personazhi që do të shtohej në radhën dëmsjelljeve të bashkisë.

Lypësi 7- 8 vjeç, do të bëhej rivali ardhshëm në korrupsion i Ramës dhe i të tijëve. Pavarsisht qesharakes që për asnjë moment kryebashkiaku nuk mundi ta fshihte… koleksionisti i pusetave…ndonëse sot është lypës, përbënte në aparencën lehtësisht të lexueshme të numrit *një* të bashkisë, “frikë në një kombëtare pa kufinj”…

Papunësia, dëshirë e shqiptarëve..?

Nëse gjendet një përqinjdje e tillë, që iu afrohet mundësia e punësimit dhe nuk punojnë… do të thotë z. Rama se anologjia e parë nis me ju dhe përfaqësuesit politik të vendit. E megjithatë nuk ka vend për krahasime... Sidomos viteve të fundit vështirësia e jetës lidhet me një vend pune. Në administrata besoj se më mirë se kryebashkiaku nuk mund ta dijë askush se si mund të fitohet vendi i punës. Trumpetimet në emër të aftësive profesionale mbeten vetëm letrave dhe egove të atyre që në të njëtën vetshpallje…vazhdojnë të jenë të pëlqyerit e “ punëdhënësve….”.

Në gjithçka të publikuar prej numrit 'Një* të bashkisë së "metropolit" tonë, në atë konferencë papunësie, munguan aftësitë përcjellëse të atij “shqetësimi” që bashkejonte me konstatuesin Rama. “Plaga” që ngacmohet nga Edi Rama e aq më tepër në një konferencë të përmasave kombëtare është treguesi më i qartë i kokëkrisjes së qeverisjes së këtij populli që për mbijetesë ka zgjedhur urtësinë…

Edhe pse kryebashkiaku nuk rezulton i saktë në anketimin e tij në lidhje me dëshirën e të rinjëve për të punuar…pasi në “Breg të Lumit” nuk është vendi më i favorshëm për të testuar dëshirë punësimi e aq më tepër kur aftësia për të ironizuar…qoftë edhe “personalitete”, nuk mungon, madje edhe duke e shoqëruar me ndonjë nga pijet më të shtrejnta…, janë kryeneçe shifrat e të tjerë anketuesve, që, hedhin poshtë tendencën më të fundit të drejtuesit të një bashkie.

Mundësitë e të rinjëve për të punuar…

Si për anologji ju sjell një rast të dhimbshëm. Ndodhi një muaj më parë. Një shembull publik që trondit këdo që një moment të vetëm bëhet pjesë e kësaj loje….që stimulohet nga rritja e papunësisë.
Në një mbrëmje që zhvillohet diku në mes të kryeqytetit që drejtohet nga anketuesi më i ri i papunësisë dhe dëshirës për ta “përvetsuar”, Edi Rama, shërbyen disa të rinj. Emri i tyre mësohet se mbeti diku fletushkave të atij lokali, në momentet që ata u drejtuan aty për të gjetur punë. Emërtimi i saj dihej dhe dihet mirë. Kamarier. U thirrën atë natë sepse duheshin. Punuan përgjatë kohës që zgjati mbrëmja dhe të nesërmen në mëngjes mësohet se përveç pagës qesharake, iu ishte dhënë edhe një tjetër mundësi e tillë trokitjeje…

Ndërsa që nga mbyllja e festës marrëmndëse, të rinjtë, skajshmërisht të përgjumur ishin njoftuar se janë të padobishëm, e në momentin e parë që do të duheshin sërish do të thirreshin…por jo për t’u punësuar, por, për të shërbyer në momentet e “shfrimit” të parasë … Stërlodhjes së tyre iu shtua edhe një përqeshje dhe tallje të "mëdhenjesh".

Sërish ai grup të rinjsh që shërbyen atë natë fund-prilli, do të nisnin intensivisht kërkimin e një vendi pune, kamarier, banakier a murator, ku përkrah lodhjes dhe pagesës përherë nën çfarëdo lloj niveli që mund ta imagjinojë kryebashkiaku dhe ato që iu binden shembujve që solli nga “Bregu i Lumit”.

Përvec tyre në çdo moment ndjejnë kërcënimin e largimit dhe të flakjes në rrugë, e asnjë zë nuk mund të ngrihet në mbrojtje të së vërtetës së tyre që ka emrin jetë dhe frymë… Edhe çfarë zhurmon brenda tyre në formën e revoltës shpejt kthehet në një vetkqyerje të veprimeve të veteve, për të kuptuar se ku mund të ketë gabuar. Ripërsëritjet e shembujve të tillë i kanë dhënë provat e veta herët…

Lypësi që do të bëhej tregtar…

U zbulua teksa kryebashkiaku po gjurmonte “Bregut të Lumit” dëshirën e të rinjëve për të mos punuar, ose për tu bërë bashkëpjesmarrës në mbledhjen e taksavve…

I mituri - lypës frikësoi modestinë e kryebashkiakut, kur në ëndërrën e tij, Rama, zbuloi ambicjen e të voglit për tu bërë pjesë e sipërmarrjeve të mëdha që realisht janë vetëm të drejtuuesve dhe eprorëve…

Fëmija me idenë e “koleksionistit” që për mjet kishte zgjedhur kapakët e pusetave, për të cilat “investon” bashkia, premton një të ardhme të frikshme. Kryebashkiaku, në “ambicjet” e vogëlushit që shtrin duart sot edhe për nesër… zbulon qytetarin e tij të keq… zbulon dhe madje transmeton atë frazë të thënë nga ai fëmijë, e si një te vërtetë tronditëse…për të dhe per të ardhmen e tij e të vendit të tij…
E pavarsisht këtyre, konferencieri Rama tregoi përkushtimin e tij pëtr të zbuluar “talente dhe dëshira…”, aftësitë e një populli për të dhënë njerëz që nuk e duan punën, e aq më tepër kur në krye të bashkisë së tyre gjendet një qytetar kaq “punëtor”.

[Rebele]

ka permirsime si qytet. . . po me teper superficiale sesa themelore

[i_pakapshem]

eshte akoma ne ate fazen nderruese, midis komunizmit totalitarian dhe kapitalizmit (hidh aty nje cik korrupsion, krim dhe perparim kulturor i parregullt)

[KaLTerSi]

qytet akoma ne fazen e tranzicionit... Sidoqofte Tirana eshte ne integrim e siper.

[ElMajico]

Tirana ka ndryshuar mjaft me te vertete....me te mirat e te keqijat e saj me fjale te teperta por ka arritur goxha nivel...kjo gje duhet te behet dhe me qytet e tjera....

[ATMAN]

Me nje levizje surprize Edi Rama dhe Bashkia e Kryeqytetit ka shkundur skeptiket kur nisi konkursin dhe aprovoi projektin qe do te ndryshoje fytyren e Sheshit Skenderbej duke nisur qe kete vit.


Projekti Shqiptar

Konkursi ndërkombëtar: Fiton projekti danez “Sytë e Tiranës”

sipas: http://www.tirana.gov.al/

Studioja nga Danimarka “Henning Larsens Tegnestue” është shpallur fituese e e Konkursit Ndërkombëtar të Paraqitjes së Ideve për Projektin Arkitektonik të Kompleksit urban në kryqëzimin midis Rrugës së Kavajës dhe Rrugës së Durrësit, sipas Studimit Urbanistik të Qendrës së Qytetit të Tiranës.

Në këtë konkurs, përveç studios daneze, merrnin pjesë edhe studio nga Holanda “Erick van Egeraat associated architects”, studio nga Spanja “MAP Architects” në bashkëpunim me Joseph M.Acebillo dhe studio nga Shqipëria “Edil al-il” në bashkëpunim me Ettore De Lellis. Juria ndërkombëtare që përbëhej nga Edi Rama (kryebashkiak i Tiranës), Artan Shkreli (këshilltar i Kryeministrit), Freek Persyn (arkitekt Belgjikë), Peter Wilson (arkitekt Gjermani), Carlo Malnati (arkitekt Itali), Roueida Ayache (arkitekt Francë), Vedran Mimica (arkitekt Kroaci), Maks Velo (arkitekt Shqipëri), Arben Biçoku (arkitekt Shqipëri) dhe përfaqësues të investitorit, zgjodhi fitues në fund të një diskutimi dhe votimi të gjatë projektin e quajtur “Sytë e Tiranës” të studios daneze.


Pas shpalljes së fituesit të këtij konkursi, kryebashkiaku Edi Rama u shpreh:

“Jam në radhë të parë shumë i kënaqur dhe shumë i nderuar që ne mundëm të realizojmë këtë Konkurs Ndërkombëtar të jashtëzakonshëm për nga niveli, jam shumë i nderuar që munda të marrr pjesë në një diskutim po kaq të jashtëzakonshëm për nga vetë niveli i jurisë. Dua të theksoj që ideja e cila u vlerësua fituese hyn tani në rrugën për t’u bërë një projekt përfundimtar, pasi juria të bëjë raportin final me sugjerimet përkatëse dhe të sjell në Tiranë të parin zhvillim të këtij shekulli. Ne shpresojmë të ndiqet edhe nga të tjerë. Sot ne jemi një hap më pranë Evropës pa asnjë më të voglin dyshim. Vota u zhvillua në dy raunde, por unë votën, ashtu si në konkursin e parë, ua lashë profesionistëve. Ajo që është e rëndësishme dhe shumë interesante për t’u theksuar nga projekti fitues ishte pikërisht se edhe kulla e lartë nuk konceptohej thjesht si një kafaz pëllumbash, ku do të strehoheshin ata që do të blinin apo do të merrnin me qera apartamentet, por si një hapësirë ku ka plot hapësira në funksion të publikut, si restorante, pishina, parqe, brenda në kullë apo parqe në tarracë dhe në tarracat e godinave përreth. Pra, është një prurje krejt tjetër, është një koncept krejt tjetër, është Evropa që fryn në Tiranë”.


“EDIL al-il”, në bashkëpunim me Ettore De Lellis, Shqipëri

Studioja “Edil al-il” prezantoi e para konceptet e saj mbi projektin arkitektonik të kompleksit urban në kryqëzimin e Rrugës së Kavajës dhe Rrugës së Durrësit. Përfaqësuesi i studios “Edil al-il” foli mbi një kullë të ndërtuar me beton arme. “Katet përdhe do të jenë supermarket, më pas vijnë zyra, pastaj një restorant në katin e dhjetë, zyra pastaj dhe më pas dy kate hotel. Ndërsa kati i sipërm është menduar me ambiente relaksuese”, tha arkitekti italian që prezantonte projektin. Sipas tij, mes katit të dhjetë dhe kateve të tjera rezidenciale në vijim, do të jetë një kat “bosh” që të jep përshtypjen e në ndërtese që rri pezull. Projekti i studios shqiptare parashikonte gjithashtu që katet e nëndheshme të destinuara për parkim të lidheshin në mënyrë organike me katet e para të kullës të parashikuara për një qendër të madhe tregtare...