Përkufizimi i dashurisë!!

[Ermondo]

puthja ne vesh nuk eshte tallje

[White_Angel]

Se besoj se mund te kete perkufizim per dashurine. Dashuria nuk njeh as Kufij, as Moshe .



White_Angel

[amaro]

eshte bukur qe shumica qe ka shkrujt ktu beson ne dashuri, dhe jeni gati me shume pasion ta mbroni ket ide me fjale te embla dhe "fakte" qe te perplasen ne mendje vrullshem. jeni te gjithe besimtare, do ju hapen syte por do zoti ngadale ngadale.

[ATMAN]

Dashuria

Do të lëvdoj dashurinë
barabar me perëndinë,
se dashuri e vërtetë,
na mban të gjallë në jetë.

S'e kam parë perëndinë,
shoh ngaherë dashunnë;
dashuria mbretëron,
se njeriu pa të s'rron.

Cilnë të besoj taninë,
perëndin' a dashurinë?
Perëndi në këte jetë
është dashuria vetë.

[ATMAN]

Dashuria

-Faktet dhe studimet shkencore në fushën e moralit kanë provuar se martesa është faktori i vetëm që siguron stabilitet e qëndrueshmëri në jetën e njeriut. Kjo, sepse martesa do të thotë lidhje e bashkim ndërmjet dy njerëzish nën hijen e një jete të përbashkët, ku të sundojë dashuria dhe miqësia e pastër.
Familja është çerdhja e ngrohtë që u siguron dy bashkëshortëve kushte për lumturi e paqe, që ndërtohen mbi bazën e dashurisë. Nga ana tjetër, martesa do të thotë integrim për bashkëshortët dhe zhdukje e ndjenjës së boshllëkut që ekziston një lloj si tek burri edhe tek gruaja.



Baza e dashurisë-
Bazat e dashurisë shfaqen në formën e solidaritetit, mirëkuptimit, sakrificës, faljes, respektit të ndërsjelltë, etj. Dashuria është perla e jetës bashkëshortore. Pa të gjithçka të duket bosh dhe pa kuptim. Kjo sepse njeriu jeton në fakt me dashurinë, me atë dashuri që si një pishtar i ndriçon rrugën, i ndez zemrën dhe e mbush me ndjenja të ngrohta e intime.
Dashuria është themelore në jetën bashkëshortore dhe përbën faktorin më të rëdësishëm për vazhdimin dhe përsosjen e saj.





Thellimi i ndjenjës së dashurisë-
Një nga problemet e rëndësishme të jetës së përbashkët është që të dy bashkëshortët të punojnë për forcimin e ndjenjave të dashurisë dhe thellimin e tyre tek njëri-tjetri me anën e një fjale të ëmbël, një qëndrimi të butë apo vështrimi të ngrohtë e forma të tjera të kësaj natyre që shprehin dashuri e miqësi. Por ka shumë bashkëshortë që, ndërsa janë magazina të mëdha për këto shprehje të larta, nuk janë në gjendje t’i shprehin ato. Si pasojë, një mal prej akulli ngrihet në marrëdhëniet e tyre. Ata e shohin veten të izoluar e të vetmuar, duke rrezikuar kështu jetën e tyre të përbashkët me shkatërrim.
Vetëm prushi i dashurisë nuk mjafton, duhet patjetër që ajo të provohet e të konfirmohet me mjetet e shprehjes, si përshembull, me anën e fjalës dhe të bisedës së ngrohtë, kujdesi për ushqimin dhe pastërtinë, lëvdatës e të tjera gjërave jetësore si këto. Problemet negative dhe sëmundjet që mund të godasin njeriun në jetë, përbëjnë në fund të fundit shanse të përshtatshme për të provuar ndjenjat e dashurisë e të solidaritetit midis dy bashkëshortëve.





Kushtet e dashurisë-
Nëse dashuria ka gjithë këtë rëndësi, atëherë cilat do të jenë kushtet e saj?
Dashuria, para së gjithash, duhet të jetë e sinqertë, larg hipokrizisë, e pastër nga çdo dyshim e hije, larg çdo artificializmi. Ajo duhet të burojë nga thellësitë e zemrës e të shpirtit.

Pozita e gruas ne familje eshte me e rendesishme nga ajo e burrit.

Martesa e lumtur, zakonisht është një lloj miqësie, dashurie dhe afiniteti, sa që është e vështirë të dallohen anët e saj materiale nga ato shpirtërore e morale. Ajo është një nga format e integrimit e të bashkëpunimit që plotëson të gjitha nevojat shpirtërore e trupore.
Në të gjithë këtë nuk duhet të presim ledhatime të vazhdueshme me rast e pa rast. Kjo sepse dashuria është një ndjenjë e sinqertë që shpërthen në kohën e caktuar, për të shprehur vetveten në kushte dhe kohë të caktuar.
Së fundi, dashuria e sinqertë është një ndjenjë fisnike. Ajo nuk e pret asnjëherë atë çka do të takojë dhe nuk njeh asnjë lloj kushti apo trajtim të tipit tregtar.





Roli i gruas-
Megjithëse dashuria konkretizohet me një marrëdhënie martesore, domethënë, presupozon që të marrin pjesë në të dy palët, burri dhe gruaja, prapë se prapë roli i gruas në të është shumë më i madh nga ai i burrit. Dashuria e gruas jo vetëm që i shkakton burrit ndjenjën e besismit, por i rinovon gjithashtu frymëmarrjen e jetës bashkëshortore.
Gruaja, nëpërmjet dashurisë, mund të kultivojë në zemrën e burrit ndjenja të mëdha e plot vitalitet. Ajo penetron në zemrën e tij për të zënë aty vendin që i takon e për të influencuar tek ajo. Qëndrueshmëria e dashurisë do të thotë rritje e shpresës ... të asaj shprese që, në rrugën e saj, fshin tronditjet dhe shqetësimet për t’i zëvendësuar me qetësinë dhe sigurinë.
Një dashuri e tillë do të jetë mbështetje e fuqishme për mbrojtjen e gruas nga zemërimi i burrit. Jeta duket boshe dhe e thatë pa dashurinë e këtij burimi të pastër e plot ndjenja stabiliteti, qetësie e gëzimi.



Etapa e dashurisë-
Dashuria lind tek të martuarit sapo përfudon lidhja e tyre. Gjatë kësaj periudhe secili ruan cilësitë dhe tiparet e veta personale. Por, pasi miqësia rritet deri në dashuri, që do të thotë bashkim i plotë, butësi, falje e sakrificë, jeta bashkëshortore hynë në një etapë të re, ku dalngadalë zhduken të gjitha tiparet e cilësitë personale, për të lindur një personalitet i ri, ngritur mbi bazën e integrimit, që realizojnë martesa dhe dashuria. Që këtej shohim që familjet njerëzore ndryshojnë tërësisht në jetën e tyre nga krijesat e tjera të gjalla, sepse ngrihen në lartësinë e shenjtërisë








Edhe me tutje per Dashurinë, Fjalen me te ëmbel në botë



Dashuria-
Edhe në dashuri, ndjenja më sublime e shpirtit, mbi përcaktimin e të cilës janë shprehur poetë të gjithë kohërave, mund të jesh me edukatë apo paedukatë.





Mjafton të mendohesh pak dhe të vijnë në mendje shembuj të ndryshëm "dashurish të paedukuara". Dashuria është një ndjenjë e lartë, e sinqertë dhe e thellë, që lind nga zemra dhe është sinonim i altruizmit dhe zemërgjerësisë. Dashuri është të duash të mirën e personit që ke në krah, që jo shpesh përkon me të mirën tonë; kjo tregohet me akte konkrete dhe sjellje të përshtatshme, sidomos jo për egoizëm të pastër. Të dashuruarit "mbytës", xhelozë, për të mos folur për ata që "venë dorë" apo që grinden në publik, janë të paedukatë shembullorë.





Unaza-
Unaza nuk vihet në hundë, në këmbë apo kërthizë, por vetëm në gishtin e vogël dhe në atë të unazës. Edhe burrat mund të mbajnë unazë, por vetëm në gishtin "e unazës". Ato që preferohen më shumë janë unazat martesore dhe ato me stemat e familjes. Në disa vende është zakon të vihen unazat me stemën e universitetit ku janë kryer studimet. Gjithësesi, një burrë, nuk duhet të mbajë kurrësesi unazë të ekzagjeruar.








THËNIET MË TË BUKURA PËR DASHURINË

YGO: Tërë gjithësia e shkrirë në një qenie - kjo quhet dashuri.

TUPER: Tërë një libër në një fjalë, i tërë oqeani në një pikë loti, shtatë palë qiell në një shikim, fortunë në një ofshamë, rrufe në një prekje, njëmijë vjet në një çast! Kjo është dashuria.

BOMARSHE: Dashuria është romani i zemrës.

BALZAKU: Nëqoftëse drita është dashuria e parë e jetës, athua a është dashuria drita e zemrës ?
VOLTERI: Dashuria është pëlhurë që e thuri natyra, e fantazia e zbukuroi me qëndisje!
BRICIS: Dashuria është zjarr, flaka e të cilës i djeg të gjitha vështirësitë e njerëzimit.

SIMON: Dashuria është poet i madh i cili kurrë nuk e sheh të dashurin ashtu siç është, por ashtu siç dëshiron të jetë.

SUEDEZE: Jeta pa dashuri është si viti pa pranverë.

FLOBERI: Zemra është pasuri, që as nuk shitet, as nuk blehet por dhurohet.

KONT: Dashuria nuk mund të jetë e thellë, nëqoftëse nuk është e pastër.

SANDI: Dashuria e përhershme është xhevahir, i cili ka nevojë për kuti të artë.

GAJBELL: Dashuria shndërrohet në shkallë të arta nëpër të cilat zemra ngjitet deri në qiell.



Dashuria e vërtetë është si fantazmatë gjithë flasin, por pak e kanë parë.

[ATMAN]

eshte koha te duhemi

Koha është të duhemi,

të kesh besim ne mua kur të them: zemra ime

të kem besim në ty kur më thua: t.............


me ditë lexoja poezine tende në hijen e pemeve

se dua të takoj ty, te liqeni i mjelmave mbreterore.

Ma ruaj syrin, dashuria ime,

ma ruaj shpinën nga dielli, nga acari!

Kam frikë se ma therin syrin cubat e erresires,

kam frikë se ma vrasin dashurine time të pabesët.

Dashuria ime, ma zgjat dorën ta kapërcejme këtë

hendek të madh,

i huaj s'jam as vij nga tokë e vdekshme.


ai liqeni i bardhë është yni tani e përgjithmonë.

Më shiko drejt në sy, lëri fjalet, fjalët

Unë do të sjell Lulen(trandafilin) nga zemra e tiranes


Kur une të dua, ti çoje kete dashuri deri ne fund

Kur më do, eja ti dashuri me një djale të mbarë

Na iku jeta, romantikja ime,

duhet te mendojme pak edhe për vete.

Koha është të duhemi,

pergjithmone dashuri

[*Dorina*83*]

Komplimente
shume te bukura

[sweet_babe]

DASHURIA

Dashuria... eshte jete, shijoje
Dashuria... eshte enderr, endrroje
Dashuria... eshte e bukur, adhuroje
Dashuria... eshte dhimbje, sheroje
Dashuria... eshte tradheti, mesohu me ta
Dashuria... eshte detyre, plotesoje
Dashuria... eshte pasuri, ruaje
Dashuria... eshte loje, luaje
Dashuria... eshte mister, zbuloje
Dashuria... eshte fat, perfitoje
Dashuria... eshte avanture, kujdes
Dashuria... eshte luft, mesohu edhe me te
Por dashuria... eshte dashuri, lufto per te!!

[sweet_babe]

Dashuria

Deshiroj te shikoj me sy
te mos digjem mall per ty
sikur te isha reze HENE
do te hy ne dhomen tende,
vetem ta dish se sa te DUA
sdo te jetosh as nje ore pa Mua!

[Elna Durrësi]

Përkufizimi i dashurisë!!

Ti vjen ngahera ashtu krejt papritur
Pa laps as letër për të kornizuar
Në krahët e tua ndjehesh lajthitur
Ndjesh liri e pa përkufizuar.
Ti djeg si prushi , ti djeg si zjarri
Flakëve të tua ndjehesh harruar
Kërkon t’u ikësh , të mund malli
Kërkon ç’prangosesh, je skllavëruar.