Berllogu ne krye te institucioneve Fetare..

[Brari]

Ne Shqiperi nje Vrases, tutor, minister mafioz, polic i korruptuar, ekspert kriminalist i shitur, kryetar partie me 5 antar qe merr dhjet vota e qe ka tre ministra ne qeveri, kryetar bashkie qe behet pronar gratacielash per dy muaj pune..etj etj.. eshte ose ortodoks ose katolik ose Musliman..

E kam ngritur kte debat dhe me pare.. Cfar bejne Kleriket tane..ku eshte rezultati i punes se tyre ne kto vite Me FE (mendo se ishim pa Fe 50 vite) ..sa kan paksuar ata numrin e krimineleve ne radhet e "grigjes" tyre.. etjetj..

rezultatet jane afersisht Xero..
Mjafton te lexosh kronikat e Krimeve..
Psh rasti i fundit.. perdhunuesi famekeq Hima vet eshte devolli..pra zakonisht ata jane musliman dervishlere.. bashk puntorja ishte vajze nga Tropoja kurse shoku tjeter perdhunues nji far Bibe nga kukesi..

Vrasje per hakmarrje ne Vlore ne Berat ne Korce ne Koplik ne Shkoder.. Durres e Tirane..
Vrasje per Tutorizem ne Shkoder Vlore Londer e Torino..
Autoret ose quhen Elidona e orik Altina ..pra te pa fe.. ose Gjon Zefa pra Katolik ose Sotiraqka 5 dyqanesh pra ortodokse ose Myzafera e Caushe .. pra Muslimane..

Cdo krahine e cdo Fe i ka pra "berrlogun" (plehun) e vet..

Po pse ska rezultat puna e klerikve te tre feve Tona..

Une edi.. Jane cilesia e keqe e Klerikeve..

Nuk kemi per Katoliket nje Pader Meshkalle.. nuk kemi per Muslimanet nje Hafiz Ali Korce.. nuk kemi per ortodokset nje at Visarion Xhuvan etj..

Spiune e hajdute kane mbushur Zyrat e Komuniteteve fetare e kjo e theksuar tek Komuniteti Musliman..

qashtu..

ja cthot Gazeta..GSH.

..


Rebelohen besimtarët muslimanë. Akuza kundër Sekretarit Zylyftar Dervishi dhe kreut Selim Muça

Ramazani, hidhen trakte në xhami
"Dhjetra abuzime me pronat, vjedhje e shpërdorime"


--------------------------------------------------------------------------------

Fatos Mahmutaj


TIRANE

Vëlla musliman! Këto janë dy fjalët e para të një trakti shpërndarë ditët e fundit mes besimtarëve muslimanë nëpër xhamitë e kryeqytetit dhe të disa rretheve. Në fakt janë një lumë akuzash të rënditura me kujdes në dy fletë kompjuterike të printuara, në adresë të Sekretarit të Përgjthshëm të Komunitetit Musliman, Zylyftar Dervishi, por i njëjti duket se godet edhe kreun e këtij institucioni, Selim Muça. Tëgjitha këto akuza në një kohë kurbesimtarët muslimanë janë duke jetuar muajin e Ramazanit. Faktikisht numri i trakteve të hedhura në qarkullim është dy, por nga përmbajtja i dyti duket se është një formë më e përmbledhur e të parit.

Përmbajtja
Thuajse gjithë përmbajtja e fletushkës përmban akuza për Dervishin, njeriu që zuri vendin e Salih Tivarit, funksionarit të vrarë dy vite më parë. Hartuesit e traktit, të cilët nuk harrojnë t'i përmendin Dervishit se pak vite ma parë është përfshirë në një vrasje, pretendojnë se qenia e tij në postin e sekretarit të KMSH-së është një aksident dhe në formën më të keqe një uzurpim i postit. Sipas tyre Dervishi, ose Tare, siç e përmendin rëndom në disa raste në trakt, është autor i njëjmijë e një shpërdorimeve të fondeve të komunitetit, vjedhjeve të hapura, abuzimeve me pronat, por ka edhe akuza për nepotizëm. Duke vazhduar ata pretendojnë se ai nuk plotëson kërkesat e statutit musliman, pra është pa arsim përkatës, madje në shkallën më të ulët.

Abuzimet
Besimtarët pohojnë se si sekretar nga ana administrative Dervishi ka uzurpuar e "drejton" finanacat, pronat, kuadrin, mardhëniet me jashtë, dhe vulën e mban po vetë. Sipas akuzave në trakt ai drejton pa pyetur njëri dhe pretendon se është numri "një" si edhe vetë kryetarin, e ka vënë ai. Pas ardhjes së tij, sipas hartuesve të traktit, ka abuzime të shumta në financa dhe këto janë mbuluar nga kontrolli që caktohet nga vetë ai. Ka shpenzime të shumta për dieta, për karburante, rregullime makinash, rroga pa kriter, madje akuzohet se kohët e fundit paguan edhe djalin e tij nxënës nga fonde të komunitetit. "E ka bërë komunitetin si çiflik personal, sepse edhe për portier ka sjellë dajën e gruas së tij", -thuhet më tej në trakt.

Vjedhjet
Sipas hartuesve të traktit, Dervishi ka shkuar me tej duke prekur edhe fondin e paprekshëm të KMSH-së pa vendim të kryesisë dhe Këshillit të Përgjithshëm. Gjysmën e këtij fondi, sipas të njëjtëve, ai e ka përdorur për të ngritur një pastiçeri në Lushnjë, pronë Vakëf dhe se komuniteti deri tani nuk ka arkëtuar asnjë lek nga të ardhurat e saj, pasi në këtë lokal janë punësuar vëllai dhe gruaja e Dervishit. Por ka edhe më keq. Hartuesit e traktit pohojnë se janë marrë nga arka e myftinisë në Korçë 15 mijë USD për t'i përdorur për të fituar një gjyq pronësie në Korçë. Gjyqi nuk u fitua dhe paratë nuk kthehen më në komunitet. Sipas tyre përfaqsues i komunitetit në gjyq është dërguar vëllai i Dervishit, i cili që nga ajo kohë nuk u pa më në këtë institucion. "Pse hesht kryetar Selimi dhe myftiu i Korçës, apo i kanë ndarë lekët së bashku, aq më keq kur dihet se ryshfeti është i ndaluar nga feja?!", -shkruhet në trakt. Në fund të fletushkës renditen edhe një sërë akuzash në adresë të kreut të Komunitetit, Selim Stafa, duke filluar që nga ato që godasin personalitetin e tij para se të zgjidhej.


FEJA
Eshtë pa shkollë fetare, ka vetëm një kurs në Turqi. S'di të lexoj Kur'anin saktë. S'zotëron asnjë gjuhë të huaj. S'ka shkollë të lartë. Emërimet e shkarkimet besnikët e vet e të kryetarit kundër statutit.

ABUZIMI
Njihet si arrogant, vjedhës pronash, karrierist, rrenacak, intrigant së bashku me vëllanë, Bujarin. Kur filloi punën bleu makinë të re me paratë e komunitetit fukara dhe si shofer mori vëllanë.

KOMANDIMI
Si sekretar ka uzurpuar e "drejton" finanacat, pronat, kuadrin, mardhëniet me jashtë, dhe vulën e mban po vetë. Drejton pa pyetur njeri dhe pretendon se është numër një dhe kryetarin unë e ka vënë vetë.

SHPENZIMET
Abuzohet në financa. Shpenzohet shumë për dieta, karburante, servis makinash, rroga pa kriter, si dhe paguan edhe djalin e tij nxënës. Komunitetin e ka si çiflik personal, portier ka sjellë dajën e gruas.

PASTIÇERIA
Shpenzoi fondin e paprekshëm të KMSH. Ngriti një pastiçeri në Lushnjë, pronë Vakëf dhe se komuniteti deri tani nuk ka arkëtuar asnjë lek nga ajo, pasi në të janë punësuar vëllai dhe gruaja e Dervishit.

VJEDHJA
Në Korçë janë marrë 15 mijë USD për të fituar një gjyq pronësie. As gjyqi u fitua dhe as paratë u kthyen. Përfaqësues në gjyq ishte vëllai i Dervishit, i cili që nga ajo kohë nuk u pa më në komunitet.

EMËRIMI
Lëvizet financieri Afrimi, e caktohet te pronat. Ky e Dervishi ishin përgjegjës për abuzimet në financa. Është pak pushimi, ata duhet t'ë çohen në gjyq. Janë bashkëpunëtorë. Dihet se Afrimi s'ka moral.

BURSAT
Po dërgon në Turqi rreth 40 nxënës, jo nëpërmjet Drejtorisë Arsimore por nga vetë ai, me pretendimin se i ka siguruar vetë e i shpërndan në bazë njohje për të siguruar përkrahje e heshtur padrejtësitë.

Faksimile e faqes së parë të traktit dyfaqësh të shpërndarë nëpër xhamitë e kryeqytetit dhe nëpër rrethe. Në fletushka shihen qartë akuzat për dy krerët më të lartë të muslimanëve shqiptarë. Trakti mendohet se është shpërndarë në mënyrë të fshehtë dhe dorazi që prej disa ditësh. Askush prej personave që e kanë lexuar atë pohon se nuk ia di origjinën por thjesht e ka fotokopjuar duke bërë një kopje të vetën

...

Pas ngjarjes besimtarët nuk frekuentonin xhaminë ku shërbente sekretari aktual

Vrasja që burgosi Dervishin
Zëvendësi i Tivarit u mbyll 6 muaj në qeli


--------------------------------------------------------------------------------

re.kro.


Por ky ishte momenti, kur gjithçka kishte mbaruar dhe bashkë me emërimin e dyshimtë, koha kishte filluar të numëronte ditët e harresës së re. Në fakt diku para më pak se dy vitesh, policia e Lushnjes e hapi sërish dosjen dhe pohoi se ngjarja ishte pajisur me prova dhe dëshmi të reja, por këtë radhë bëhej fjalë, që të vihej në shënjestër një njeri, i cili ishte dikushi dhe sërish gjithçka u harrua. U harrua në të njëjtën mënyrë si në vitin 1997, kur vetë Zylyftar Dervishi, me atributet e hoxhës së një xhamie në Lushnje, u akuzua si bashkëpunëtor në vrasjen e fqinjit të motrës së vet.

Vrasja e 8 qershorit 1997
Sipas Prokurorisë zanafilla e sherrit, që çoi në vrasje, kishte qenë për tubacionin e ujit të motrës së hoxhës Zylyftar Dervishi. Gruaja që quhet Mukadez, ishte 39 vjeçe, e divorcuar dhe jetonte në një ish-ndërtesë shtetërore pranë Fabrikës së Plasmasit. Sipas një tjetër varianti jo zyrtar, konflikti i supozuar për motrën e Hoxhës kishte ardhur si shkak i një lidhjeje dashurore të saj me fqinjin Lulëzim Buzi 25 vjeç. Gjithsesi, tubacini i ujit apo edhe linja dashurore, që duket nuk i'u ka pëlqyer të afërmve të hoxhës dhe atij vetë, ishin bërë shkaktarë për vendimin ekstrem. Sipas hetimit, më 8 qershor 1997, në shtëpinë e Lulzim Buzit kishin trokitur Hoxha Zylyftar Dervishi dhe një nxënës i tij besimtar, Roland Koreshi 18 vjeçar. Pas pak dera ishte hapur, dëgjohen krisma pistolete dhe më pas zëri i Hoxhës: "Na hape telashe".

Arrestimi dhe burgu
Gjithçka kishte filluar në fundin e vitit 1999. Një drejtues i ri policie kishte vënë përpara vetes dosjet e pluhurosura të vitit 1997 duke urdhëruar hetimin e tyre. Grupi hetimor për vrasjen e Lulëzim Buzit ishte bindur në fajësinë e Myftiut të Lushnjes, Zylyftar Dervishi. Të vinte në një konkluzion të tillë kishte qenë fare e lehtë. Në Xhaminë ku ai shërbente, që pas vrasjes në vitin 1997, nuk shkonte për t'u falur pothuaj asnjë besimtar. Ata diçka dinin dhe nuk mund të pranonin, që të faleshin atje ku strehohej një njeri, që dyshohej se kishte vrarë. Pas veprimeve të para hetimore, policia e kishte patur të vështirë. Sipas pretendimeve të saj, motra e Hoxhës pas vitit 1997 kishte punuar si sekretare në Prokurorinë e Lushnjes dhe mendohej se ajo kishte mundur të zhdukte një sërë dokumentash të vlefshme nga dosja. Porse hetimi kishte patur sukses me dëshmitarët, pasi të paktën tre të tillë kishin dëshmuar me cilësinë e dëshmitarëve okularë, se vrasjen e kishin kryer Hoxha Zylyftar Dervishi dhe nxënësi i tij Roland Koreshi, në atë kohë vetëm 18 vjeçar. Të bindur për provat, Gjykata firmos arrestet. Më 18 dhjetor 1999 policia prangos nën akuzën e vrasjes Hoxhën Zylyftar Dervishi, nxënësin e tij Roland Koreshi dhe të motrën e Hoxhës, Mukadezin. Por ata do të rrinin në burg gjithsej 6 muaj. Me vendim Gjykate ishin lënë të tre të lirë pasi u pretendua se nuk kishte prova të mjaftueshme për të provuar vrasjen.


Pas vrasjes së Sekretarit Tivari

Si plasën sherret në Komunitetin Musliman
Menjëherë pas vrasjes së Sali Tivarit, sekretarit të Përgjithshëm të Komunitetit Musliman Shqiptar, në janar të vitit të kaluar, për herë të parë u bënë të njohura problemet e pronave dhe abuzimeve nga drejtuesit e këtij institucioni. Drejtuesit e muslimanëve shqiptarë u ndanë në disa grupe, që filluan të përplaseshin me njëri-tjetrin. Pas disa muajësh debate dhe grindjesh të vazhdueshme një pjesë e drejtuesëve të muslimanëve u tërhoqën dhe postin e Tivarit e zuri Zylyftar Dervishi, i cili deri në ato momente kishte mbajtur postin e kreut të financave në KMSH. Menjëherë pas kësaj Tivari u përfol në media si personi, që kishte abuzuar me pronat "ëakf" të muslimanëve duke i shitur apo lëshuar me qera qesharake ato. Pas kësaj doli se më tepër se një vit para se të vritej Tivari, nëpër muslimanët shqiptarë ishte shpërndarë një broshurë me rreth 20 faqe, në të cilën flitej për gjithë abuzimet e tij me detyrën e Sekretarit të Përgjithsëm të Muslimanëve, si dhe me disa falsifikime, që ai i kishte bërë gjatë kohës që kishte punuar si noter në Durrës. Nëntë muaj pas vrasjes së Tivarit, besimtarët e xhamive në mbarë vendin vendosën të ngrinin një komision, që të verifikonte abuzimet, që kishin bërë krerët drejtues të tyre. Pas kësaj krerët e Komunitetit u shprehën se do të ishin transparentë dhe do t'i vinin në dispozicion të komisionit gjithë dokumentat e kërkuara. Komisioni e filloi punën në janar 2004, dhe megjithëse shumë herë u ankua se drejtuesit e KMSH-së e pengonin dhe nuk e lejonin të kontrollonin dokumentacionin e kërkuar, mundi të evidentonte një sërë shkeljesh. Megjithëse raporti i komisionit, i cili doli në mars 2004, u quajt i cunguar nga besimtarët, në të ishin evidentuar shumë abuzime, duke filluar që nga pronat, qeratë, shitjet, shpenzimet e brendshme, etj. Problemet që nxorri komisioni u harruan më shpejt se sa u zbuluan, pasi në këtë periudhë vdiq kreu i Komunitetit Haxhi Hafiz Sabri Koçi. Në këtë moment mes muslimanëve shqiptarë nisi "beteja" se kush do të zgjidhej në postin e tij.

--------

[altin55]

Minister i puneve te kota prape ti ok nje sqarim per ty prape.Shteti si le rehat kominitetin musliman fut njerez me pagese dhe spiune te tij per te vetmen arsye sepse eshte politike greke e vetmja rruge zgjidhje eshte lufte me shtetin por u be kjo do quhemi terrorite islamike pastaj.Ervin Hatibi ishte ne komunitet dhe e pa se dora shtetit ishte shume e forte dhe se ai donte medeomos zoterimin e tij.Tani Zoti rregullofte punet po te betohem se sa kane te gjate me keto mynyra qe po bejne.



Vrasja Tivari, akuzohet SHISH


Shqipëria është e dalluar në krejt Ballkanin për tolerancën religjioze që ka. Për këtë, vrasja e paradokohshme e një zyrtari të lartë mysliman është pritur me shqetësim të madh. Më 13 janar 2003, Salih Tivari, sekretar i përgjithshëm i Bashkësisë Islame (trup joformal përfaqësues i xhamive aktive) është vrarë në zyrën e tij në Tiranë. Është e ditur mirë se ekzistojnë dy grupe rivale përbrenda Bashkësisë Islame. Fraksioni Selefi, antimodernist, shkollë puritane, udhëheqet nga zëvendësudhëheqësi i bashkësisë, Ermir Gjinishi. Ndërsa Tivai i takonte shkollës Hanefi, që përfaqëson islamizëm më tradicional, sunit, të kontrolluar nga shteti, e që udhëheq nga Sabri Koçi. Një ekip i përbashkët i policisë dhe SHISH-it është formuar për të hetuar rastin. Ish-kreu i SHISH-it, Fatos Klosi, ka bërë të ditur se Tivari ka vizituar shpesh zyrat e SHISH-it për t’u ankuar se ndihet i kërcënuar nga prezenca e shtuar e të rinjëve që po përpiqen të fusin fondamentalizmin. “Shumica prej tyre janë arsimuar në Arabinë Saudite, Jemen apo Sudan në institucionet gjysëmushtarke dhe janë trajnuar të përdorin armë dhe forcën fizike”, ka thënë ai. “Këta besojnë se njohja më e avancuar për islamin i bën më superiorë në raport me gjeneratën e më të vjetërve dhe tani ndihen të gatshëm për të marrë bashkësinë”. Një javë pas vrasjes së Tivarit, një alarm për bombë në kryesinë e Bashkësisë islame i ka ofruar policisë arsyen për të kontrolluar ndërtesën. Këta filluan duke kontrolluar të gjitha inçizimet e bisedimeve mes të gjithë zyrtarëve të bashkësisë, si dhe vëllime të tëra të materialit të shkruar. Duke pasur parasysh deklarimet e Klosit në publik rreth vrasjes së Tivarit, se ai ka vizituar shpesh selinë e SHISH-it, të dyshuarit kryesorë për vrasjen e tij janë radikalët që si duket kanë dashur ta heshtin atë. Një teori tejtër është ajo se Tivari ndoshta është vrarë nga SHISH-i me qëllim që të dëshmojë se fundamentalistët tani janë kërcënim serioz që kërkojnë të pëcjellen nga afër, madje edhe në hapësirat e brendshme të xhamive, ku zakonisht nuk ka qasje. Çfarëdo që të jetë e vërteta, janë prezente shqetësimet për shkak të shtimit të numrit të të rinjëve radikalë që kthehen në Shqipëri pasi kanë studiuar në institucionet ekstremiste islame jashtë vendit. Gjatë viteve të fundit, është vërejtur një ndërim i atmosferës në disa xhami të Tiranës dhe në qytetet tjera më të mëdha. Aty ku dikur vizitorët e huaj priteshin me një mirëseardhje jashtëzakonisht të ngrohtë, nga të rinj e të moshuar, tani këta priten me armiqësi të menjëhershme nga djelmosha të rinj me mjekra të parruara. Nuk ka dyshim se këta të rinjë kanë ndjenjë më të fortë të identitetit islam, sidomos kur kihet parasysh se mësimet fetare ishin të ndaluara në kohën e komunizmit. Ndërsa konflikti përbrenda komunitetit islam vetëm sa do të vijë e shtohet kur gjithnjë e më shumë të rinj do të kthehen nga shkollimet e trajnimet në ambientet islamike gjithnjë e më radikale.
K. D.


23/3/2003
11/3/2004 gazeta sot

Ermir Gjinishti e perzune nga komuniteti per aferat korruptive me mafien dhe shtetin .