Gjykata: Të shemben kullat "Hawai"

[Genti^Itali]

Vendimi i Gjykatës së Lartë lë në fuqi vendimin e KRRT-së së Bashkisë për prishjen e kullave të “Hawai-Alb”

Gjykata: Të shemben kullat "Hawai"


Ardita Hysa

TIRANË – Gjykata e Lartë i hap rrugën shembjes së kullave të firmës “Hawai- Alb”. Vendimi i shkallës së tretë të gjyqësorit ka lënë në fuqi vendimin e KRRT-së së Bashkisë së Tiranës, për prishjen e dy pallateve 11- katëshe, të ndërtuara pa leje ndërtimi nga firma “Hawai- Alb, shpk” me president El-Sajed. Sipas vendimit të dy ditëve më parë, dhënë nga vetë kryetari i Gjykatës së Lartë, Thimio Kondi, lihet në fuqi vendimi i Gjykatës së Tiranës për prishjen e dy kullave 11-katëshe. Në vendimin e saj, Gjykata e Lartë ka hedhur poshtë vendimin e Apelit, që pengonte shembjen e dy kullave. Pas vendimit të shkallës së dytë të gjyqësorit, juristët e Bashkisë së Tiranës ishin ankuar në Gjykatë të Lartë, duke këmbëngulur në faktet se për ndërtimin e pallateve, Këshilli i Rregullimit të Territorit kishte dhënë vetëm leje për përdorimin e truallit, por jo për ndërtimin e pallatit. Në vitin 2000, përfaqësuesit e firmës egjiptiane “Hawai-Alb” kërkuan leje ndërtimi për ndërtimin e dy kullave, leje kjo që iu refuzua nga KRRT-ja e Bashkisë së Tiranës.

Dëshmitë
Sipas dëshmive të dhëna gjatë procesit në Gjykatën e Tiranës, meqenëse brenda 45 ditëve nga dorëzimi i kërkesës për leje ndërtimi, bashkia nuk i ishte përgjigjur as pozitivisht as negativisht përfaqësuesve të firmës, kjo e fundit kishte filluar punimet. Nisja e punës kishte përkuar edhe me prenotimin e apartamenteve, të cilat ishin të gjitha të blera, kur punonjësve të bashkisë u kishte rënë në sy se tashmë pallatet ishin ngritur. Në tetor të vitit 2002, KRRT nxjerr një vendim për shembjen e kullave, duke e argumentuar me ndërtimin e tyre pa leje. Gjatë interpretimit para Gjykatës së Tiranës, juristet Rezarta Ismailaja, Vjollca Gjokutaj dhe Natasha Kondi sqaruan edhe se përveç mungesës së një lejeje, ndërtimi i pallateve të El-Saedit nuk i ishte përmbajtur rregullave të caktuara teknike. Në një fazë të dytë të procesit, përveç firmës “Hawai-Alb” dhe Bashkisë (si e paditur), u përfshinë edhe banorët që kishin hedhur lekë në ndërtimin e shtëpive. 11 prej tyre, të pajisur me dokumentet e blerjes, i shpjeguan trupit gjykues të drejtuar nga Farije Budo, edhe mënyrën e përpilimit të kontratave të shtëpive të banimit. Menjëherë pas daljes së këtij urdhri administrativ, firma e përfaqësuar nga avokati Shefqet Dizdari, i cili për momentin nuk ndodhet në Shqipëri, kërkoi anullimin e vendimit.

Procesi
Gjatë gjykimit, avokati Dizdari kishte vënë në dukje se: “Bashkia e dinte shumë mirë që punimet vazhdonin dhe nuk e ndaloi punën që në momentet e para, por i la punimet të shkonin drejt përfundimit”. Ndërsa juristet, kishin paraqitur gjobat e shënuara në procesverbalet e Policisë Ndërtimore, për firmën ndërtuese, që në themel të punimeve, në vitin 2000. Pasi kishin administruar si provë materiale edhe vendimin e KRRT-së, juristet kujtuan se leja ishte dhënë vetëm për sheshin e ndërtimit, jo për ndërtim. Juristet, duke cituar mendimet e specialistëve të Bashkisë, kishin theksuar se në ndërtimin e këtyre pallateve, ishte thyer edhe një rregull i rëndësishëm i ndërtimit deri në 10 kate. Madje kishin shtuar edhe se “banorët i kanë hedhur paratë pa kontrolluar më parë dokumentacionin e firmës”. Ndërsa Dizdari, duke cituar ligjin për urbanistikën, u ishte përgjigjur se: “leja për ndërtim duhet të jepej tre muaj pas dhënies së lejes për shesh ndërtimi”. Seanca e parë e gjyqit, e caktuar më 16 dhjetor të vitit 2002 i kishte gjetur një pjesë të mirë të banorëve të pallatit në grevë urie, ku ishin përfshirë edhe fëmijë. Pjesëmarrja e tyre në të gjitha seancat ka qenë shumë aktive. Banorët e kanë pritur me indinjatë vendimin e Gjykatës së Tiranës, që i jepte të drejtë Bashkisë së Tiranës për prishjen e kullave të El-Sajedit. Pa lënë që një vendim i tillë të merrte formën e prerë, kishin kërkuar që në procesin e radhës, në Apel, të ishin palë e tretë e gjykimit, duke u përfaqësuar atje nga avokati Haki Kraja. Por tashmë, për shembjen e dy kullave është shprehur edhe Gjykata e Lartë, e cila ka vendosur shembjen e tyre.


02/10/2004

[Zarathustra.]

Per mua eshte e qarte qe keto kulla duhet te prishen. Kostoja e tyre per qytetin dhe rreziku qe ato perfaqesojne aty ku jane ndertuar eshte teper e madhe.

Nuk jam aspak dakort me avokatin mbrojtes qe akuzon bashkine se ajo nuk i ndaloi punimet qe ne fillim. Bashkia nuk e vuri kurre kete ndertim ne pozicion te favoirshem per tu bere. Asnje leje nuk eshte dhene per nje ndertim te tille. Nuk ka asnje ligj qe i kerkon bashkise, apo e mban ate pergjegjese per ti prishur ndertesat e paligjshme ne kete apo ate faze. Resourset e bashkise per kontroll te imet jane te kufizuara pasi ato kushtojne. Bashkia nuk eshte polici, dhe ajo e beri detyren e saj per mos-ndertimin e ketyre pallateve, duke mos u dhene leje ndertimi.

Qytetaret qe i blene keto apartamente hyne aty me riskun e tyre dhe edhe pse ata e dinin se ky pallat ishte ndertim i paligjshem. Ishte detyra e ketyre individeve te vertetonin ligjshmerine e mallit qe po blenin, dhe jo e bashkise.

Nuk mund te them se bashkia apo me sakte policia ndertimore nuk ka pergjegjesi. Me neglizhencen e tyre dhe lejimin e ndertimit te plote te ketyre pallateve ato dhane pershtypjen se keto pallate jane te rregullta. Por kjo eshte e pavlere besoj kur konsideron faktin se dokumentat e rregullt jane ato qe merren ne konsiderate per vertetesine apo ligjshmerine e nje prone dhe jo pershtypja apo opinioni.

Per mua zgjidhja me e mire eshte te shkohet mbas pronarit. Nqs ai eshte ne Tirane, ai duhet te siguroje nje kompesim te plote te atyre familjeve qe i ka mashtruar apo i ka shtyre te besojne ne nje realitet te paligjshem duke evituar shpalosjen e te gjitha fakteve. Nqs individed i blene apartamentet me ndergjegje te plote dhe duke e ditur fare mire se ato ishin te paligjshme, ata nuk kane se kujt ti ankohen. Ndertuesi i tyre duhet gjobitur sa te mundet, dhe nqs nuk paguan ti konfiskohet pasuria. Firma qe i ndertoi keto pallate gjithashtu duhet gjobitur, pasi zbatoi nje projekt te paligjshem. Nqs nje ligj i tille nuk ekziston, ai duhet hartuar dhe aprovuar menjehere.

[Genti^Itali]

Shembja e kullave "Hawai", Nikolli: Po pres vendimin


B. Prifti

“Lajmin e kam marrë vesh nga gazeta “Shekulli”. Kështu është shprehur dje, drejtori i Përgjithshëm i Policisë Ndërtimore, Mark Nikolli, i cili pohon se asnjë lloj vendimi lidhur me shembjen e dy pallateve 11 katësh në Selitë nuk ka mbërritur në institucionin që ai drejton. “Unë mund të flas në momentin që do të kem një urdhër në dorë. Tani është shumë herët të shprehem për një gjë të tillë”,- thotë Nikolli, pasi është pyetur nga “Shekulli” nëse do të ekzekutohet vendimi i KRRT-së, tani që Gjykata e Lartë i dha të drejtë Bashkisë së Tiranës për shembjen e kullave “Hawai”. Sipas Nikollit, tjetër gjë është të njoftohesh për një vendim mes shtypit e tjetër gjë të lexosh vetë vendimin. I pyetur se si do të vazhdohet, duke patur parasysh edhe reagimin e banorëve për moslëshimin e shtëpive, ai thotë se gjithçka do të kryhet në bazë të ligjit. “Pastaj duhet kohë deri sa të zbardhet vendimi”,- sqaron më tej Nikolli, duke theksuar edhe një herë se është shpejt të flitet për veprimin e Policisë Ndërtimore, lidhur me çështjen në fjalë.

[Genti^Itali]

Avni Duka, banor në njërën prej dy kullave “Hawai” pohon se do të mblidhen për të diskutuar vendimin

“Shteti s’ mund të nxjerrë rreth 170 familje në rrugë”


Lindita Çela

TIRANË - Banorët e dy pallateve të ndërtuara nga firma “Hawai-Alb” pritet të mblidhen sot, për të diskutuar rreth vendimit më të fundit të Gjykatës së Lartë. Edhe pse nuk e besojnë se dy kullat ku ata janë strehuar mund të shemben, banorët paralajmërojnë një tjetër formë proteste, nëse vendoset që rreth 170 familjet që banojnë në dy kullat të hidhen në rrugë. Njëri prej banorëve, Avni Duka, thotë për “Shekullin” se me vendimin e Gjykatës së Lartë është njohur nëpërmjet “Shekullit”. Jo vetëm burri mbi të 50-tat, por e gjithë familja ka jetuar me stres prej dy vjetësh, në pritje të vendimeve të njëpasnjëshme të gjykatave. Tashmë, familja Duka nuk mund ta besojë se është lënë në fuqi vendimi i Bashkisë së Tiranës, për shembjen e shtëpive që i blenë me aq mund.
Z. Avni kur jeni strehuar në këtë apartament?
Më 18 tetor të vitit 2002 kam hyrë në këtë apartament, së bashku me familjen time. Që prej asaj dite, herë pas herë, dëgjojmë histori nga më të ndryshmet, në lidhje me këtë ndërtesë. I fundit është lajmi që Gjykata e Lartë ka vendosur shembjen e kullave. Ne nuk dinim asgjë. Përkundrazi, ishim të qetë në një farë mënyre, sepse dinim që Gjykata e Apelit kishte dhënë një vendim, ku hidhej poshtë kërkesa e Bashkisë së Tiranës për prishjen e pallateve tona.
Sa ka kushtuar apartamenti juaj dhe në kohën që e bletë, ishit në dijeni të problemeve?
Ne këtë apartament e kemi blerë me 300 dollarë metrin katror. Pagesa është bërë në dorë dhe apartamenti nuk ka qenë i përfunduar. Më pas dëgjuam lajme nga më kotradiktore për pallatet që jetojmë. Fillimisht u tha se ky pallat ishte ndërtuar mbi kolektor. Kjo gjë u tha pas përmbytjes që ndodhi në këtë lagje. Por më vonë, rezultoi se kolektori ndodhej 150 metra larg kullave. Dhe më e bukura është se mbi kolektor sot është ndërtuar një tjetër pallat. Më vonë u tha se pallati është ndërtuar jashtë parametrave teknikë. Ndërkohë që ekspertiza nga Inistuti i Kërkimeve Sizmike tha të kundërtën. Më pas u tha se firma nuk kishte siguruar lejen e ndërtimit. Të gjitha lajmet qarkulluan pasi banorët kishin filluar të strehoheshin nëpër apartamente.
Nuk ju shqetëson fakti se pallati nuk ka leje ndërtimi?
Po të ishte kështu, sigurisht që do të më shqetësonte, por është e kundërta. Në kontratën e blerjes që unë kam me përfaqësuesit e firmës “Hawai”, për garanci ekziston edhe emri i një notereje, i Myrvete Përmetit. Tek kjo notere ekziston i tërë dokumentacioni i plotë mbi këtë pallat.
Nesë do të zbatohet vendimi i KRRT së Bashkisë së Tiranës, si do të reagoni?
Nuk di ç’të them. Nuk besoj se do të ndodhë një gjë e tillë. Kjo është një çmenduri. Pastaj unë nuk e kuptoj si kanë marrë një vendim të tillë, për të nxjerrë në rrugë rreth 170 familje. As që nuk e mendoj se çfarë mund të bëhet. Megjithatë, do të mblidhemi të gjithë banorët e do të diskutojmë rreth këtij problemi.

ÇMIMI

Apartamentet, me 300 USD për metër katrorë

TIRANË- E mendojnë si një lojë të radhës së politikës, ndaj dhe nuk preferojnë të besojnë se pallatet ku janë strehuar mund të shemben. Sipas banorëve, edhe vendimi më i fundit i Gjykatës së Lartë për prishjen e dy kullave të “Hawait” do të mbesë një shkresë pa fuqi vepruese. E gjithë kjo zhurmë, sipas banorëve, bëhet për shkak të çmimeve që ndërtuesit aplikonin në shitjen e apartamenteve. Pothuajse të gjithë banorët i kanë blerë aparatamentet në këto dy ndërtesa 11- katëshe me një çmim shumë më të lirë se tregu që ekziston në këtë zonë të re të Tiranës. Apartamentet në këto dy kulla janë shitur nga 270 deri në 300 dollarë për metër katror. Ndërkohë që çmimet e apartamenteve të tjera në Selitë shkojnë deri në 800 dollarë për metër katror. Arbeni, banori i katit të tretë të kullës së lyer thotë se është e vërtetë që apartamenti i tij nuk është punuar me kujdes, por është mëse funksional. Arbeni të thotë se apartamentit të tij i mungojnë pllaka luksoze, por e krahasuar me çmimin e blerjes, apartamenti i tij është mëse i pranueshëm.

[Genti^Itali]

Bashkia e Tiranës hesht për kullat


B. Prifti

Asnjë reagim apo qëndrim zyrtar nuk ka pasur dje nga Bashkia e Tiranës në lidhje me çështjen e kullave “Hawai”. Institucioni që dy vjet më parë, me vendim të Këshillit të Rregullimit të Territorit dha vendimin për shembjen e dy pallateve të firmës “Hawai Construcion” në Selitë si të paligjshme, dje ka heshtur. Gjithçka dje në bashkinë kryeqytetase ka qenë e qetë, edhe pas lajmit të bujshëm për vendimin e Gjykatës së Lartë për shembjen e dy pallateve 11- katësh. Askush nuk ka marrë përsipër të japë qoftë edhe një qëndrim lidhur me këtë çështje, duke qenë se ishte pikërisht KRRT-ja e Tiranës ajo që vendosi për shembjen e tyre dhe vendimi i Gjykatës së Lartë, ishte i njëjtë me vendimin e dy viteve më parë me KRRT-në. Konflikti lindi pasi KRRT-ja verifikoi se dy kullat dispononin vetëm lejen e përdorimit të truallit, por jo të ndërtimit. Duke i cilësuar ato ndërtime pa leje, Bashkia e Tiranës kërkoi rrëzimin e dy pallateve të ndërtuara nga El-Sajed.

[Brari]

El Sajedi
Ska cu
Thesin me euro
tek edi

kjo eshte ceshtja..


edvini i komandon gjithe institucionet e shtetit.. plus gazetat..
Me nje gur vret 2 zogj edvini..

1- e detyron el sajedin te jap "taksen " pra thesin me euro.. tek edvin supermiliarderi.. dhe nga ana tjeter i thot xhefrave te Bushit.. e shikoni sa anti myslim jam...pra me mbani me hater mua..

[kolombi]

DO TE VDESIM BRENDA NE SHTEPI"

Flasin banoret: Shembja e kullave na nxjerr ne mes te kater rrugeve

"Nuk kemi ndermend te leme shtepite. Nuk dalim te gjalle prej ketej, pasi nuk kemi ku te vemi". Keshtu u shpreh dje Fatos Kurtaj, njeri nga perfaqesuesit e banoreve te dy kullave "Haeai Alb" ne Selite, per te cilet Gjykata e Larte vendosi para pese ditesh qe te shemben. "Shumica e familjeve nga rrethet e kane blere me borxh shtepine. Akoma marrin ushqimet me liste ne dyqane, ndersa shteti do te na hedhe ne rruge", vazhdoi me tej ai. "Dje kemi bere nje takim me Avokatin e Popullit, por nuk kemi marre akoma pergjigje, megjithese na kane marre numrat e telefonit", tha Kurtaj. 5 perfaqesuesit e 178 familjeve qe banojne ne dy kullat 11-kateshe, jane ankuar dje prane Avokatit te Popullit per problemin e tyre. Por me sa duket as institucioni i Avokatit te Popullit, nuk do t'i ndihmoje dot, pasi ne nje deklarate pergjigjeje, u shpreh dje se nuk kishte kompetenca per te nderhyre ne lidhje me vendimin e marre per shembjen e dy kullave. Perfaqesuesit kane bere dhe nje mbledhje, ne te cilen kane vendosur qe nuk do te lejonin zbatimin e vendimit te Gjykates se Larte. Te tensionuar jane te gjithe banoret e dy kullave, te cilet preken nga ky vendim. Apeli i tyre eshte i qarte per shtetin: "Na vrisni, por nuk i leme shtepite". "Nuk dalim te gjalle nga shtepite. Le t'i shembin bashke me ne brenda", thote nje 45-vjecare, banore e po ketyre dy kullave. "Kam paguar 100 milione leke. Kam djersen e burrit dhe te djalit qe tani me eshte semurur duke punuar per te blere kete shtepi. Nuk do te guxoje njeri, as shteti te na nxjerre nga ketu", flet e tensionuar ajo. Ndersa bashkeshrti i saj tha se do te ngujohej brenda, por nuk linte nje jete te tere pune dhe te dilte ne mes te kater rrugeve. "Kam harxhuar mbi 40 milione per te mobiluar shtepine, pervec 60 milioneve qe e kam blere. Le te me vrasin. Te me vene bomben, une nuk dal nga shtepia. Do te ngujohem bashke me dy djemte dhe te bejne c'te duan me ne", tha ai. Kurse Sabire Gaxha, nje tjeter banore e kullave "Haeai", tha se nuk do te lejonin qe kullat te prisheshin. "Keshtu me thane perfaqesuesit qe ishin tek Avokati i Popullit", tha gruaja e moshuar. Sabirja banonte me qira ne katin e dyte te njeres prej kullave, pasi shtepine e saj te meparshme ia ka marre pronari i ligjshem. "Ku te na cojne. Vetem te na hedhin ne rruge", tha ajo. Nena e njerit prej perfaqesuesve tregon se ka harxhuar me shume se 13 milione per te mobiluar hyrjen e saj dhe nuk ka ndermend te dale nga aty. "Ne kemi me shume se nje vit qe banojne ketu. Por tani u kujtuan keta te na nxirrnin", tha gruaja rreth 60 vjec, e cila donte te mbetej anonime. Sipas banoreve, vendimi eshte politik dhe jo ligjor. "Ne kemi dokumentet e rregullta. Kemi kontrate me shtetin, paguajme dhe energjine". Kullat duan t'i shembin, vetem se jane cenuar interesat e politikaneve", thone ata. Ndersa ne lidhje me pretendimet e shtetit se ndertimi eshte jashte standardi, banoret tregojne te kunderten. Materialet qe jane perdorur per te ndertuar pallatet, jane brenda cilesive. Kete e kane thene dhe specialistet qe erdhen nga jashte per te bere analizen. "Si qenka jashte standardi hekuri dhe betoni, kur ne ne dimer nuk kemi perdorur ngrohese", tha nje banore. "Por problemi nuk eshte as cilesia e materialeve te perdorura per ndertim, as korrektori. Eshte konkurrenca ne mes. Firma e ndertimit e El Sajed, i kishte cmimet me te lira dhe kjo cenoi interesat e firmave ndertuese qe i kane ne pronesi politikanet", thekson nje banore. Asgje tjeter nuk i ndal banoret e ketyre dy kullave per te hyre ne greven e urise. Megjithese asnjehere sjellje te tilla nuk jane marre parasysh nga shteti. Por kete here banoret jane te vendosur per te shkuar deri ne fund duke mbrojtur interesat e tyre, te cilat mendojne se u jane cenuar padrejtesisht.





Koha Jone

[Genti^Itali]

Avokati i Popullit i përgjigjet negativisht kërkesës së 178 familjeve, për të ndërhyrë që kullat Hawai” të mos prishen

Avokati i Popullit: Nuk mund të ndërhyj për kullat “Hawai”


Ardita Hysa

TIRANË – Avokati i Popullit nuk jep asnjë zgjidhje për banorët e dy kullave “Hawai”. Ankesës së 178 familjeve të këtyre dy pallateve, që pritet të shemben pas vendimit të fundit të Gjykatës së Lartë, Avokati i Popullit nuk i është përgjigjur pozitivisht. Të dëshpëruar pas vendimit të pesë ditëve më parë, familjarët kishin shpresuar se ky institucion do t’i ndihmonte në mosekzekutimin e urdhrit të KRRT-së për prishjen e dy pallateve. Por duke iu përmbajtuar caqeve të veta të kompetencës, ky institucion u ka dhënë përgjigje negative. “Meqenëse jemi përballë një vendimi gjykate, ne nuk mund të veprojmë dot”,- tha dje për “Shekullin”, zëdhënësi i Avokatit të Popullit, Artur Lazebeu. “Ligji nuk na e lejon të ndërhyjmë në vendimet e një pushteti të pavarur, dhe as nuk mund të bëjmë avokatin privat, siç e kërkon ky rast”,- sqaron Lazebeu. Zyra e Avokatit të Popullit e ka cilësuar si të pamundur ndërhyrjen në këtë çështje, ndërkohë që dy vjet më parë, përfaqësuesit e kësaj zyre kishin reaguar kundër vendimit të vonuar të Bashkisë së Tiranës.
Vendimi
Menjëherë pas daljes së vendimit të KRRT-së, banorët ishin ankuar dhe kishin marrë si përgjigje një rekomandim, drejtuar Këshillit Bashkiak, ku thuhej se “bashkia duhej të ndërhynte në kohë dhe jo pasi pallatet kanë mbaruar”. Pas më shumë se një viti, qysh kur firma ndërtuese “Hawai alb, shpk” e fitoi gjyqin me Bashkinë e Tiranës në Apel, ankthi i banorëve të këtyre pallateve është rikthyer. Pasi kishte shqyrtuar kërkesën për rekurs të tri juristeve të Bashkisë, kolegji civil i Gjykatës së Lartë, i kryesuar nga vetë kryetari i gjykatës, Thimio Kondi, la në fuqi të enjten e kaluar vendimin e Gjykatës së Tiranës. Thelbi i këtij vendimi legjitimonte vendimin e KRRT-së së Tiranës për prishjen e dy pallateve të ndërtuara nga “Hawai”,pasi ato nuk ishin pajisur me leje nga Bashkia. Urdhri i lëshuar në kohën që pallatet ishin ngritur në 11 kate, kishte shtyrë firmën egjiptiane të El-Sajedit t’i kërkonte gjykatës anullimin e tij, duke ngritur edhe një padi civile.
Procesi
Gjykata e Tiranës, pas ndryshimit të trupit të parë gjykues, vendosi ta quajë të pabazuar në ligj kërkesën e prezantuar para saj nga “Hawai-Alb” dhe vendosi t’i hapë rrugë punimeve të policisë ndërtimore, sipas urdhrit të KRRT-së. Por gjykata e Apelit, pasi kishte evidentuar disa shkelje proceduriale të gjyqtares Farije Budo, kryesuese e këtij gjykimi, vendosi ta pranojë kërkesën për anullimin e shembjes së dy kullave, në fillim të vitit të kaluar. Pala e paditur, Bashkia e Tiranës, pretendoi gjatë gjithë hallkave të gjykimit se ndërtimet ishin të paligjshme, pasi një leje për shesh ndërtimi, nuk mund të justifikojë ndërtesat 11-katëshe, aq më shumë që kati i fundit ishte i tepërt, sipas rregullave të urbanistikës. Ndërsa paditësit, përfaqësuesit e firmës, u përgjigjen se leja e ndërtimit ishte kërkuar dhe pasi nuk kishin marrë një përgjigje brenda 45 ditëve, kishin filluar punimet. Ndërkohë që banorët, të cilët u bënë palë e tretë në procesin civil administrativ, i kishin parapaguar paratë e shtëpive të tyre. Fondet me të cilat u përfunduan këta pallate, ishin paratë me të cilat banorët, tashmë të irrituar, do të blinin shtëpitë. Gjykimi i zhvilluar deri tani, në tri shkallët e gjyqësorit, ka patur për objekt vetëm anullimin e urdhrit të Bashkisë, kërkesë kjo që nuk është miratuar nga Gjykata e Lartë.

[manoklla]

Gangsterra shum kta banoret e pallatit, po po, te gjith keshtu bojne para televizorit si trima por kur vje policia ndertimore me ca forca specjale i mbushin breket. Popull kot. Fajet i kane vet. Hallexhinj hesapi jan fut ne pallat kur ska maru akoma. As jon interesu noi here per parametra teknik por ec futu mrena si bageti ne pallat te pambaruar. Kan ardh ca nga tepelena ca nga lezha ca nga leskoviku, vende ku snjihet as ligji as maliqi dhe kerkojn te sillen kudo si fakira. Ligji o ligj, tja vejn dinamitin pallatit se ashtu i do mushka drute. Vetem me dhune edukohet ai popull. Ene atij elsajedit tja sekuestrojn te gjitha dhe ta kalbin mrena gabelin e dreqit. Super mashtrus.

[manoklla]

Mir tju behet injorantave te dreqit tja u prishin pallatet se smertojn ata shtepi.