Shqiptarëve iu mungon jodi

[zeus]

-------------------------------------------------------------------------------------
Konferenca kombëtare e tiroides. Harta e sëmundjes në vend

Në Korçë, Skrapar, Mat e Dibër njerëzit priren të jenë më pak intelegjentë. Kjo sepse mungesa e jodit ul koeficientin e intelegjencës nga 10 deri në 15 për qind. Dhe këto zona janë ravijëzuar tashmë në të dhënat e endokrinologëve për mungesën e theksuar të jodit. Specialistët ia faturojnë problemin sidomos ushqimeve që shqiptarët konsumojmë, ne nuk konsumojmë shumë peshk dhe prodhime deti, uji ku jodi duhet të jetë i pranishëm në masën 20 mikrogramë në 1 litër, ndodh që të jetë në nivel zero…
"Niveli intelektual i këtyre fëmijëve nuk është i barabartë", theksoi doktor Sulejman Budo, duke krahasuar fëmijët e shëndetshëm me ata që vuajnë pasojat e mungesës së theksuar të jodit, që ka ndikim të drejtpërdrejtë në gjendrat Tiroide . Madje specialistët kanë vërejtur edhe se si trashëgohen të tilla probleme edhe nga nëna e sëmurë me tiroide. Kështu nga të dhënat e një testi neuropsikologjik rezulton se fëmijët e lindur nga nëna me tiroide kanë shumë më tepër probleme me të mësuarit se kategoria që s'e njeh këtë të dhënë. Ky tregues qëndron në raportet 21 me 11 për qind. Përsëritja e klasës është gjithahstu dyfish e shprehur tek fëmijët që trashëgojnë nga prindërit pasojat e mungesës së jodit. "Në qoftë se 3 në 1.000 fëmijë kanë probleme për shkak të mungesës së jodit në vendet ku jodizimi është normal, tek ne ky tregues është shumë më i lartë, ndoshta 15 apo 20 për 1.000 fëmijë", tha dr. Lindita Grimci dje në konferencën e dytë kombëtare për tiroiden,
"Nëse ne e kemi shumë të shprehura të tilla pasoja, me një numër të madh të shqiptarëve që vuajnë nga tiroidja, të njerëzve që kanë strumë (gushë), të fëmijëve që lindin me probleme apo rriten të tillë, ky duhet të konsiderohet një fenomen social dhe aspak mjekësor", u theksua nga mjekët specialistë Sulejman Budo e Feçor Agaçi. Në Zvicër që në vitin 1923 ka hyrë në fuqi ligji që ndalon importimin e kripës së pajodizuar, ndërsa një vendim i Këshillit tonë të Ministrave lë hapësira për spekullime, pasi duke ciëlsuar jodizimin vetëm për kripën me të cilën gatuhet, abuzohet duke u justifikuar me qëllimin e përdorimit të kripës. Raportet e deritanishme për praninë e jodit në ushqimet që ne konsumojmë japin të dhëna aspak optimiste. Një studim i UNICEF-it i vitit 1993 dha të dhëna alarmante. Sipas tij 98 për qind e popullatës kishte deficencë (mungesë) jodike. Të marra me rezerva nga specialistët e shëndetit një e dhënë e tillë mund të zbresë deri në 70 për qind të popullsisë, e shprehur kjo sidomos në zonën e Peshkopisë, ku kjo mungesë është veçanërisht e thellë. Një studim i vitit të kaluar në shkollat e Korçës dhe të Pogradecit u pa se kanë probleme me tiroiden rreth 55 për qind e fëmijëve, rreth 94 për qind e fëmijëve të fshatit (që vuajnë nga kequshqyerja) dhe 22 për qind e fëmijëve të qytetit.

-------------------------------------------------------------------------------------

[*~Rexhina~*]

Pershendetje patriot

Shume interesante ky zbulim, me vjen keq per femijet qe vuajne nga mungesa e jodit. Ishalla bejn donje gje ti ndihmojne.

ciao

Komplimente per temen!

[KaLTerSi]

------------------------------------------------------------------------------
Në Skrapar njerëzit priren të jenë më pak inteligjentë.

Interesant... njekohesisht kjo shpjegon shume veprime te nje mikut tim. I thoja une, me dukesh ca i mete ti mua... por me thoshte qe gabohesha. Por tani kur ti tregoj mbeshtetjen shkencore te konkluzionit tim te hershem, nuk do kete goje per kundravenie.

Mgjth ne nota serioze shpresoj ti japin zgjidhje sa me shpejt ketij problemi.