Moda e Fundit Vjeshte-Dimer 2004

[AuGuSt_]

Menyra se si visheni ne kete ndrim sezoni.|?Cfare stili keni ne veshjen tuaj dhe cfare preferoni ne kete nderim sezoni? Menyra se si visheni dhe gjithcka qe ju preferoni!!

[Eminemka]

Rroba Te Tjeshta si : pantallona Jeans,xhaket Dhe Atlete!!!!!!kaq Edhe Ndonje Bluze Si Ato Te <<<<<<<<<<repistave>>>>>>>>>>>
HEY SE HARROVA EDHE (FANELLE LESHI)

[StormAngel]

Udhëtim në sfilatat pranverë-verë 2005 që sapo kanë përfunduar në Milano. Të rejat që parashikojnë stilistët për stinët që po afrohen

Mirësevini në xhunglën e modës!


Shekulli

Just Cavalli
Just Cavalli i pranverë-verë 2005 është një xhungël e vërtetë. Femra e Just Cavalli duhet të ketë siluetën e një indianeje. Reziston stili i rrugës, moda hipi, xhaketat ushtarake, këmishat prej kaftani, qëndismat, dantellat që marrin formë me stampa kafshësh. A nuk jetojmë në xhungël?

Giorgio Armani
Femra e veshur me “Giorgio Armani” në sezonin e afërt pranverë-verë 2005 duket sikur ka dalë nga një perandori orientale. Gati-gati një kërkim kulturor i pëlhurave dhe i formave të gruas-butterfly dhe gruas geishë: xhaketa me shpatulla katrore dhe me bel, pantallona që vijnë duke u zgjeruar drejt fundit, funde të gjatë dhe të valëzuar.

La Perla
Efekt-dite- efekt nate: La Perla nuk bën dallime. La Perla e ka veshur femrën në këtë sezon të ri me një sensualitet të sofistikuar. Ajo është e lirë të lëvizë dhe të jetë kryekëput e ndryshme nga njëra veshje në tjetrën: “pretty girl” me shifon dhe mëndafsh, “perfect woman” me tyl pambuku mashkullor dhe e mbërthyer me kopsa: “fille lumière” me veshje-bizhu dhe xhingla orientale. Ndërsa të linjtat një seri retrospektive e veshjeve të dikurshme intime si bustjerëve, këmishave të brendshme prej tyli dhe shifoni.

Laura Biagiotti
Femra e krijuar nga Laura Biagiotti e lexon qytetërimin aborigjen si bashkëkohor. Dhe vishet me lino të punuar me grafiti dhe prerje gjeometrike primitive, me veshje rrjetë, me efekte gjarpri, me funde dhe bluza që pikën e tyre të fortë e kanë tek rripi. Ajo zbulon kënaqësinë e maksi-veshjeve dhe të kashmirit të punuar me lino. Dhe tërhiqet nga punimet e shumta që dekorojnë veshjet sipas ritit aborigjen të “body painting”.

DSquared2
Djemtë e DSquared2 këtë sezon kanë ngjitur në skenë “Ladies Night In”, ku i bëjnë një homazh gruas të veshur seksi si ditën ashtu edhe natën. Sfilata e tyre karakterizohej nga një atmosferë shumë fine e viteve shtatëdhjetë. Megjithatë ndonjë trasgresion i vogël nuk mungonte edhe në këtë sfilatë që sidoqoftë ishte befasuese krahasuar me të mëparshmet e Dsquared2. Madje kishte edhe kostum me pantallona. Por nuk mungonin kompletet xhins dhe fundet pantallona me prerje A, mini-xhaketën me maksi jakë dhe kapuç, këmishën kanadeze dhe veshjen e mbrëmjes të shtrënguar me një mbajtëse
Swarovski.

Gianfranco Ferré
Kur Gianfranco Ferré heq dorë nga kostumet e “urban time”, nga ngjyrat gri dhe e zezë të qytetit për t’iu përkushtuar një udhëtimi etniko-ekzotik, këtë e bën në mënyrën e vet. I frymëzuar nga Amazona dhe San Salvadori ai ka krijuar volume, prerje dhe linja absolutisht alla Ferré.

Max Mara
Të vishesh me Max Mara në sezonin pranverë-verë do të thotë të jesh absolutisht sahariane. Ndihesh si në Afrikë me ngjyrat, stampat dhe lulet, kanatieren me kurrizin jashtë dhe fundet që të bëjnë të ndihesh romantike dhe seksi. Por gjithë me maturim, duke respektuar kornizën e qytetit. Ngjyrat: e bardha dhe e arta për të rrezëllitur edhe pa nevojën e diellit.

Iceberg
Të endesh në një qytet multietnik me një stil multifolk e veshur me “Iceberg”. Kjo markë ka përdorur zakone dhe tradita të tilla për t’i argëtuar femrat me atlasin gjeografik. Pak nga India, pak nga Japonia, pak nga stili skocez dhe pak nga historia e Ballkanit: prerjet trekëndëshe, këmishat e brendshme me motive leopardi, xhinset e dala boje me motive rrathësh dhe fundet e fryra.