Prokuroria: Me shume kallezime se viti 1998

[Redi]

Krimi, shifrat e frikshme të 2004-ës
Prokuroria: Më shumë kallëzime se viti 1998


--------------------------------------------------------------------------

ga.ja


TIRANE

Ndonëse ka edhe dy muaj deri në përfundim, viti 2004 ka shënuar rritje të shkallës së kriminalitetit në Qarkun e Tiranës. Prokuroria e kryqytetit gjatë 9-mujorit të këtij viti ka shënuar numrin më të madh të regjistrimit të kallëzimeve dhe procedimeve gjatë gjashtë viteve të fundit. Sipas të dhënave zyrtare statistikore, rezulton se gjatë kësaj periudhe kohe janë regjistruar 3500 kallëzime penale, ndërkohë që hetuesit kanë vendosur të nisin procedimet vetëm për 2700 dosje penale. Këto të dhëna janë gati 40 për qind më të larta se statistikat e prokurorisë së Tiranës për vitin 1998, i cili cilësohet si viti kur ky organ ka pasur më shumë kallëzime dhe procedime penale. Shifrat e lartpërmendura në të njëtën kohë tregojnë edhe një rritje të ndjeshme të shkallës së kriminalitetit në rrethin e Tiranës, ndonëse ka pësuar rritje edhe numri i kallëzimeve të lira të bëra nga vetë qytetarët për probleme të ndryshme. Por veprat kriminale zënë numrin më të madh të procedimeve penale të regjistruara nga organi i akuzës. Ndërkohë që një pjesë e mirë e hetimeve të nisura janë përfunduar në kohë dhe tashmë i janë dërguar për gjykim Gjykatës së Tiranës.

Vjedhja
Vepra penale e vjedhjes numëron plot 1013 procedime penale të nisura nga organi i akuzës, gati sa gjysma e numrit total të procedimeve. Burime nga organi i akuzës janë shprehur se shumica e të pandehurve që janë ndaluar për këtë akuzë kanë qenë adoleshentë, si dhe njerëz të rrënuar nga ana ekonomike. Por ajo që vërehet me shqetësim nga hetuesit janë vjedhjet e organizuara dhe kryesisht ato ndaj automjeteve. Këto të fundit në të shumtën e rasteve nuk janë gjetur nga policia dhe për rrjedhojë nuk është bërë e mundur as identifikimi dhe aq më pak ndalimi i autorëve.

Falsifikimi
Kopjimet e vulave, firmave apo edhe formularëve të institucioneve shtetërore dhe përfaqësive diplomatike në vendin tone, përbën një tjetër vepër penale të konsumuar së tepërmi gjatë 9-mujorit të këtij viti. Në mënyrë të ndjeshme janë konstatuar raste të falsifikimit të pasaportave apo lejeve të qëndrimit, italiane dhe greke, me të cilat dhjetëra shtetas kanë tentuar të kalojnë kufirin. Përhapja në masë e këtij krimi ka detyruar edhe kryeprokurorin Theodhori Sollaku që përpara disa kohësh t'u kërkojë vartësve të tij prokurorë që, për të pandehurit e akuzuar për falsifikim dokumentesh, të mos kërkojnë më pak se 3 vjet burgim.

Gazeta Shqiptare

[Brari]

Koment i nje lideri te Pd-se per nje te zgjedhur nga Pd-ja.

Olldashi per Sallaksin dhor sapllakun..

RD
---

Amnisty për Prokurorinë


Sokol Olldashi


Prokurori i Përgjithshëm, Theodhori Sollaku, u shfaq dy ditë më parë në Shkodër, në një përpjekje publike që më shumë sesa theksimin e luftës kundër fenomeneve të vetëgjyqësisë, synonte shpëlarjen e prokurorisë nga përgjegjësitë që ky institucion ka në lulëzimin e përdishëm të korrupsionit në vend.

Ajo që më shumë binte në sy në deklaratën e Sollakut, ishte përpjekja aspak e ndershme për ta paraqitur nivelin e rritur të korrupsionit si një cështje të komplekeve të inferioritetit apo të mazohizmit verbal të vetë shqiptarëve

Sipas Sollakut, "Niveli i korrupsionit në Shqipëri ... nuk ka sesi të jetë i ndryshëm nga ai i vendeve të ngjashme me ne për nga problemet në rajon. Ndoshta, fenomene të karakterit psiko-social që lidhen me tendenca të mosbesimit të opinionit publik shqiptar ndaj institucioneve të shtetit si dhe, inferioriteti që shoqëron tashmë prej vitesh si kompleks shqiptarët, përbën shkak të këtij perceptimi paksa më negativ, krahasuar me opinione të tjera publike rajonale".

Në fakt percepsion jo realist dhe të kompleksuar, në këtë aspekt, nuk kanë Shqiptarët, por vetë Sollaku, deklaratat e të cilit u bënë të njejtën ditë, kur shtypi shqiptar publikoi raportin vjetor të Transparency International, i cili e rendiste vendin ku Theodhori Sollaku është Prokuror i Përgjithshëm, si më të korruptuarin në Europë. Për më tepër, sipas raportit, Shqipëria ka bërë hapa prapa, duke zbritur në vendin e 108, 16 shkallë më poshtë, në krahasim me një vit më parë. Më keq sesa Zambia, Uganda, Guinea e Re, Eritrea, Nikaragua apo Libani. Dhe shumë më keq sesa Unioni Serbi-Mali i Zi, i 101-ti, Maqedonia, e 99-a, Bosnja apo Kroacia.

Dhe nuk besoj se Transparency është e kompleksuar e aq më pak nga inferioriteti i zyrtarëve shqiptarë.

Për më tepër, kur një vit më parë, i njejti institucion ndërkombëtar e klasifikonte Shqipërinë në vendin e 92-të, shumë më mirë sesa për shembull Maqedonia, që renditej e 108-a apo Unioni Serbi - Mali i Zi, që renditej i 109-i.

Eshtë absolutisht e vërtetë se problemi i korrupsionit në Shqipëri, nuk shkaktohet as nga zyra e Sollakut, as nga zyrat e vartësve të tij, ku gjithësesi ka doza të mjaftueshme të fenomenit. Por është po kaq e vërtetë se ineficenca katastrofike e institucionit që drejton z. Sollaku është plehu inorganik që më së shumti ka ushqyer patrazueshmërinë e zyrtarëve të korruptuar të këtij vendi.

Në zyrën e Sollakut apo të vartësve të tij letargjojnë prej vitesh dosje voluminoze korrupsioni, të cilat mbajnë në krye emra të rëndësishëm të politikës shqiptare.

Vetëm ndaj kryetarit të Bashkisë së Tiranës, në prokurori ka të paktën pesë dosje, përveç atyre të Komisionit Hetimor, duke filluar nga dosja e "Kthimit në Identitet", të cilës i janë bërë gjashtë ekspertiza, që hidhen poshtë nga prokuroria sepse nxjerrin fajtor Edi Ramën, deri tek akuza për falsifikim të dokumenteve zyrtare, të cilat rrëzohen nga prokuroria me arsyetimin e hatashëm se "është e vërtetë që shkresat kanë të njejtën datë, të njejtin numër protokolli, të njejtin titull ekzekutiv, janë nënshkruar nga i njejti njeri dhe kanë brendi të kundërta, por kjo nuk përbën falsifikim të dokumenteve zyrtare???"

Rama nuk është as i pari, as i fundit. Mund të fillohej me z. Nano, deklarata e pasurisë së të cilit është publikisht e vërtetuar si e gënjeshtërt, me milionat e dollarëve të prokuruara në mënyrë të drejtpërdrejtë, në kundërshtim flagrant me ligjin, brenda 30 minutave, me fshatrat e paligjshëm turistikë, me mijëra gjëra që shkatërrojnë edhe ato grima pasurie publike që kanë mbetur pa u shqyer ende e që janë aq shumë sa nuk vlen të renditen.

Mund të fillohet fare mirë edhe me ato që nuk kanë ndodhur akoma. Për shembull, prokurorit do t'i rekomandoja të hetonte procedurat që po përgatiten për vjedhjen e 10 milionë dollarëve të vëna në dispozicion për ndërtimin e rrugës Ura e Dajlanit -Plepa. Nëse nuk ka mundur të pengojë atë që ka ndodhur deri tani., le të bëjë një përpjekje për të penguar ato që përgatiten të ndodhin.

Ndryshe, nëse ka ndërmend të mos bëjë asgjë, sikurse deri tani, të paktën të mos flasë. Le të heshtë dhe kështu mundet të paktën ta mëshirojmë për mosqënien e tij .

..
rd


Ki dhor Sallaku ka qen dhe jurist pran doktor Berishes kur ish i varfri president..