Korrupsioni, Shqipëria më keq se 2003

[[xeni]]

Të gjitha vendet e rajonit si Bosnja, Maqedonia e Serbia renditen më mirë se ne.

Korrupsioni, Shqipëria më keq se 2003

Raporti i “Transparency International” e rendit vendin tonë të 108-in në 146 vende

A.Rama

TIRANE- Shqipëria vazhdon të renditet në raportet e ndërkombëtarëve ndër vendet ku niveli i korrupsionit në strukturat shtetërore dhe në administratën publike vazhdon të ngelet i lartë dhe shqetësues për ecjen e vendit përpara. Raporti i “Transparency International”, për vitin 2004 dhe i publikuar dje, nën titullin për “Për indeksin e perceptimit të korrupsionit”, e rendit Shqipërinë në vendin e 108, nga 146 vende të cilat janë monitoruar nga kjo organizatë gjatë vitit 2004. Renditja që paraqitet në këtë raport, është e konceptuar në mënyrë të tillë, që vendi që është më pak i korruptuar ndodhet i renditur i pari në listën e vendeve të monitoruara, duke vijuar më pas në mënyrë numerike. Në krye të listës së 146 vendeve qëndron Finlanda, si vendi ku korrupsioni është në nivele tepër të ulëta. Ndërkaq koeficenti i indeksit të perceptimit të korrupsionit, për vendin tonë ku është bazuar edhe renditja, paraqitet 2.5 . Krahasuar me vendet e rajonit që janë monitoruar nga “Transparency International”, Shqipëria është renditur në listë në një pozicion që paraqet nivel më të lartë korrupsioni në administratën publike dhe në strukturat shtetërore. Sipas raportit, Bosnja është renditur në vendin e 83 me një koeficent perceptimi korrupsioni 3.1, ndërsa Maqedonia, është renditur në vendin e 99, me koeficent 2.7 dhe Serbia në vendin e 101 me të njëjtin koeficent. Ndërkaq në raportin që kjo organizatë ka paraqitur në vitin 2002, Shqipëria është renditur në vendin e 81, ndër 102 vendet e monitoruara me koeficent perceptimi 2.5, ndërsa në vitin 2003 Shqipëria ka qenë në vendin e 92, ndër 133 vende të monitoruara, me të njëjtin koeficent si në vitin 2002. Sipas një llogarie të thjeshtë në vitin 2003 Shqipëria, është renditur 9 pozicione më poshtë se në renditjen e vitit 2002, ndërsa në raportin për vitin 2004, ajo është renditur 16 pozicione më poshtë se në vitin 2003. Por krahasuar me numrin e vendeve të monitoruara nga “Transparency International”, që ka ardhur duke u rritur nga viti në vit, duket se Shqipëria nuk ka pësuar përmirësime të nivelit të korrupsionit. Kjo vërtetohet edhe tek koeficienti i njëjtë i perceptimit të korrupsionit përgjatë tre viteve të monitoruara. Nga ana tjetër poshtë vendit tonë në renditje ka vetëm vende si Iraku, Palestina, Kongo, Tazhikistani, Indonezia, Gjeorgjia, Bangladeshi, Haiti etj. Gjatë publikimit të raportit shefi i “Transparency International” Peter Engen, tha se për të ndihmuar njerëzit që vuajnë nga varfëria, deri në vitin 2015, qeveritë duhet të luftojnë seriozisht korrupsionin në sektorin publik. Sipas tij niveli i lartë i korrupsionit mbërthen fuqinë vepruese të këtyre vendeve.


Kliko per te lexuar atikullin ne faqen e Shekullit

[gene]

“Për indeksin e perceptimit të korrupsionit”,

[[xeni]]

?????????????????????????????????????????????????? ????

[Brari]

rd
--

Hajduti i Albtelekomit, zv.ministër Integrimi


Nano emëroi si numrin dy të Ministrisë së Integrimit pikërisht njeriun e damkosur jo vetëm nga opozita dhe mediat, por edhe nga institucione zyrtare të shtetit, si një nga njerëzit që duke qenë në krye të një kompanie me emrin "Hermes", ka arritur të bëjë marrëveshje me Albtelekomin, në dëm të këtij të fundit.


Fatos Nano zyrtarizoi dje në postin e zv.ministrit të Integrimit emrin e Arben Ahmetajt, emër që është denoncuar edhe nga Kontrolli i Lartë i Shtetit për aferat në Telekom, të cilat i kanë shkaktuar buxhetit të shtetit një humbje prej miliona dollarësh. Emërimi i Ahmetajt si zv.ministër i Integrimit është bërë në të njëjtën ditë që delegacioni i Komisionit Europian i kërkoi Tiranës zyrtare të luftojë krimin e organizuar dhe korrupsionin. Si përgjigje ndaj këtyre deklaratave të BE, Nano emëroi si numrin dy të Ministrisë së Integrimit pikërisht njeriun e damkosur jo vetëm nga opozita dhe mediat, por edhe nga institucione zyrtare të shtetit, si një nga njerëzit që duke qenë në krye të një kompanie me emrin "Hermes", ka arritur të bëjë marrëveshje me Albtelekomin, në dëm të këtij të fundit. Arsyet që e kanë çuar Nanon të emërojë si zv.ministër të Integrimit, Arben Ahmetaj, janë të lidhura ngushtë me interesat personale që kryeminisri ka në bizneset që administrohen nga Ahmetaj, por që në të vërtetë e zhvillojnë aktivitetin e tyre vetëm nën bekimin e kryeministrit. Këshilltari i Nanos është tani jo vetëm në rangun e një ortaku në biznes, por edhe të një ortaku në qeverisjen e vendit. Nuk mund të ketë injorim më të madh për rekomandimet e ndërkombëtarëve dhe të BE në rastin konkret, me vendosjen si zv.ministrër të Integrimit të Ahmetajt. Disa javë më parë, Nano u ankua se BE nuk e trajton si partnere qeverinë e tij. Është e pakuptimtë se çfarë partneriteti kërkon Nano me BE, në një kohë që u servir për bisedime përfaqësuesve të lartë të Bashkimit Europian një monstër të korrupsionit.


Koalicioni Shqiptar Kundër Korrupsionit nxit organet e hetimit të procedojnë të korruptuarit


Spahia: "Interesat e krimit kanë mbërthyer shtetin"


Koalicioni Shqiptar Kundër Korrupsionit konstatoi me shqetësim të madh se Raporti i Transparency Internacional "Për indeksin e perceptimit të korrupsionit", për vitin 2004 e rendit Shqipërinë në vendin e 108 ndër 146 vende të monitoruara. Indeksi i korrupsionit në Shqipëri është 2,5 pikë.

"Me këtë indeks Shqipëria renditet si vendi më i korruptuar i rajonit të Ballkanit. Edhe një vit më parë, Shqipëria u vlerësua me 2.5 pikë, por sivjet ajo ka zbritur edhe 16 vende me poshtë, pasi vende të tjera kanë përmirësuar pozicionin e tyre në renditjen e Transparency International", tha Spahia.

Koalicioni Shqiptar Kundër Korrupsionit konstaton edhe një herë se qeveria shqiptare ka dështuar në masat e ndërmarra për të luftuar korrupsionin në administratën publike apo në strukturat e larta shtetërore. Qeveria është përgjegjesë për paaftësi dhe mosveprim në implementimin e kuadrit ligjor antikorrupsion në hartimin e të cilit Koalicioni ka ofruar ndihmesë dhe ekspertizë të vazhdueshme.

"Indeksi i këtij viti përforcon mendimin e shprehur nga strukturat drejtuese të Koalicionit për kapjen e shtetit në rrjetën e interesave korruptive apo/dhe kriminale. Zbritja e Shqipërisë 16 vende më poshtë në raportin e publikuar interpretohet nga Koalicioni Shqiptar Kundër Korrupsionit si hapa prapa të bëra nga qeveria në procesin e integrimit euroatlantik të vendit", tha Spahia.

Koalicioni Shqiptar Kundër Korrupsionit do të intensifikojë monitorimet e tij ndaj atyre strukturave shtetërore që janë përgjegjëse për zbatimin e kuadrit ligjor antikorrupsion dhe njëkohësisht do të evidentojë me vendosmëri dhe në vijueshmëri rastet dhe praktikat korruptive në shtet. Nga ana tjetër, Koalicioni Shqiptar Kundër Korrupsionit nxit organet e hetimit të procedojnë kryesisht për rastet e denoncuara publikisht
--