Identiteti Kosovar

[Kosovari_78_Ca]

Bashkatdhetare te dashure

E sjell ketu nje teme qe per mua eshte shume me rendesi.
Koheve te fundit e lexoj shume ne shtyp dhe e ndegjoj edhe ne lajme kete termin e ri "KOSOVAR". Edhe pse jame vete nga Kosova, mua ky term nuk me pelqen dhe nuk rezulton pozitivisht ne te ardhmen. Ne te gjithe jemi Shqiptare te nje shteti dhe duhet te thirrim njeri tjetrin Shqiptar-Kosoves, Maqedonis, Shqiperis, Malit te Zi, etj.
Po ashtu te kjo teme shtoj edhe nje mendim , qe emri KOSOVE, kishte qen qe te shenderrohet ne emrin DARDANI keshtu qe nje here e pergjithmon te largohemi nga gjithe qe tingllon SLLAVE?

[Cimo]

Bashkatdhetare te dashure

E sjell ketu nje teme qe per mua eshte shume me rendesi.
Koheve te fundit e lexoj shume ne shtyp dhe e ndegjoj edhe ne lajme kete termin e ri "KOSOVAR". Edhe pse jame vete nga Kosova, mua ky term nuk me pelqen dhe nuk rezulton pozitivisht ne te ardhmen. Ne te gjithe jemi Shqiptare te nje shteti dhe duhet te thirrim njeri tjetrin Shqiptar-Kosoves, Maqedonis, Shqiperis, Malit te Zi, etj.
Po ashtu te kjo teme shtoj edhe nje mendim , qe emri KOSOVE, kishte qen qe te shenderrohet ne emrin DARDANI keshtu qe nje here e pergjithmon te largohemi nga gjithe qe tingllon SLLAVE?

Interesant niku yt ne Forumishqiptar

[Arb]

Tash te paska ra ndermend per termin Kosovar, e Kosove?

[Llapi]

KOMBËSHUMËZUESIT

28.03.2007
Po të lexohet me kujdes Dokumenti Gjithpërfshirës i Presidentit Ahtisari për pranimin ndërkombëtar të shtetit të pavarur dhe sovran të Kosovës nga Këshilli i Sigurimit i OKB-së, gjithë politika e vendorëve dhe e ndërkombëtarëve gjatë këtyre viteve për liritë e të drejtat e komuniteteve, për shoqëri dhe shtet shumetnik, del se kërkesa për krijimin e kombit kosovar, është e pamundshme dhe e papranueshme për të gjithë, për shumicën dhe pakicën, për vendorë e ndërkombëtarë. Nëse të gjitha grupet e tjera etnike do t’i ruajnë identitetet e tyre kombëtare në Kosovë, pse duhet ta ndërrojmë identitetin ne shqiptarët e Kosovës?! Kush po e kërkon këtë, përveç disa shqipfolësve?!

Kolumne nga: Jakup Krasniqi

Çështja ekuivoke komb apo kombe është shumë komplekse. Vetë trajtimi i kësaj çështjeje vazhdon të jetë temë me rrisk nga studiues të ndryshëm, qofshin ata të Lindjes apo të Perëndimit. Tek ne kjo temë trajtohet në mënyrë joprofesionale deri në sharlatanizëm. Kjo qasje për kombin e historinë e tij nuk e nderon askë. Kombi, kombet, e kanë lindjen, pra formësimin, zhvillimin dhe përmbylljen apo definimin përfundimtar të tyre. Edhe sot kjo çështje mund të trajtohet nga shumë aspekte: sociologjik, etnografik, historik, psikologjik dhe ai politik patjetër, por jo nga politika e inferioritetit ditor mizerabël, siç po tentohet sot të bëhet tek ne nga “njohës” çështjesh kombëtare apo shpikësish kombesh të reja sikur të jenë ato faculeta letre për një përdorim. Deri më sot asnjë teori e mirëfilltë shkencore, veç politikave primitive të ndonjë vendi ish-komunist i cili edhe do të ketë krijuar kombe artificiale epruvetash komuniste, nuk ka tentuar të krijojë komb artificial nga kombi ekzistues, siç veprohet tek ne. Në të kaluarën jo të largët, politika jo vetëm ditore shovene serbo-jugosllave tentoi të krijonte kombin e ‘shipcave’ (shiftari) për ta dalluar nga kombi i ‘albancave’ (shqiptarët e Shqipërisë). Kjo vazhdoi edhe gjatë viteve të ’80-ta, kur sulmohej atëbotë çdo gjë shqiptare, në kohën kur shqiptarët mbanin dhe vuanin mbi 250 shekuj burg se kërkonin Kosovën Republikë apo Republikën e Shqiptarëve në Jugosllavi. Atëbotë edhe u shfaq hapur pretendimi për ndarje të shqiptarëve të Kosovës nga shqiptarët e Shqipërisë. Kjo edhe pritej nga një armik shekullor! Politika serbe, me gjithë programet e njëpasnjëshme shkombëtarizuese më se 100-vjeçare, nuk arriti që shqiptarët e Kosovës as t’i shkombëtarizojë, as t’i dëbojë e shfarosë dhe as t’u ndërrojë kombin. Themeluesve të kombeve të reja, akademikëve të rrugës Francuska 7, mjeshtërve të prodhimit të epiteteve aq përçmuese ndaj shqiptarëve, çuditërisht nuk iu ka vajtur kurrë ndërmend t’i zëvendësojë ‘shipcat’ me kombin kosovar! Kur e them këtë nuk mendoj dhe as që më vete mendja se ata janë udhëhequr nga ndonjë teori shkencore, përveç politikës permanente shovene të fyerjes, ndarjes, dëbimit dhe shfarosjes së kombit shqiptar. Politika shovene serbe ndaj shqiptarëve, siç e dimë, ishte e pamëshirshme. Me dekada shqiptarëve iu ndalua gjuha, shkolla, historia, flamuri. Me gjithë dallimet, tentativat, apo më saktë tentuesit e sotshëm të krijimit të identitetit tonë të ri, kombin kosovar, kanë mësuar a marrë diçka nga pararendësit e tyre për ndarjen dhe copëtimin e kombit shqiptar. Mësimi, huazimi apo përputhja është e plotë përkunder gjuhëve të ndryshme që përdorin krijuesit artificialë të kombeve të “reja” nga kombi shqiptar. Ndryshimet në emrat dallues për kombin shqiptar kanë pak rëndësi. E rëndësishme është se ata janë të një mendjeje për ndarjen e kombit shqiptar.

Historia, jo vetëm e shqiptarëve, njeh periudhën kohore të formimit të kombeve. Ajo nuk shkon thellë në kohë, ashtu sikur nuk shkel në kohët moderne të brezit tonë, bile as të etërve tanë. Etërit tanë kanë hequr të zitë e ullirit, por asnjëherë nuk u ka vajtur në mend as ta ndërrojnë kombin e tyre, as të marrin emër të ri. "Shekulli i artë" i formimit të kombeve ka qenë gjysma e dytë e shekullit XVIII (në vendet e zhvilluara të Evropës Perëndimore) dhe shekulli XIX për pjesët tjera të kontinentit të vjetër. Për popujt që patën ngecje në zhvillim shoqëror dhe ekonomik, formimi i kombit vazhdoi, e shumta, deri në vigjilje të shekullit XX. Shekulli i formimit të kombeve më pas nuk mund të shkojë. Në teorinë e formimit të kombeve njihen dy forma: ai i kombit etnik – karakteristikë e botës lindore dhe kombi shtet – karakteristikë e botës perëndimore. Madje as në shtetet komb, me shekuj nuk janë asimiluar kombet, por janë ruajtur dallimet kombëtare. Kujtojmë Zvicrën. Pas Luftës së Parë Botërore, në kontinentin e vjetër janë formuar shumë shtete, por asnjë komb i ri. Edhe pas Luftës së Dytë Botërore ka vazhduar formimi i shteteve të reja në vende të ndryshme të Globit. Në kontinentin e vjetër është formuar kombi i ri maqedon, në vendin e maqedonasve të vjetër. Shumë kombe të Evropës emrat i kanë trashëguar nga hapësira gjeografike që kanë banuar, por as kjo nuk e shtyn kufirin kohor të krijimit të kombeve. Duke qenë se shqiptarët si komb u formuan në shekullin XIX, atëbotë kur edhe u shtruan kërkesat politike të unifikimit: një komb, një gjuhë, një atdhe, një fe (shqiptaria!), një alfabet dhe një shkollë shqipe! Këto kërkesa janë aq të thella, aq përmbajtësore, aq rrezatuese sa mund t’i kuptojë secili njeri yni i sotëm me një formim mesatar. Historia pas Luftës së Dytë Botërore njeh formimin e shumë shteteve të reja, njeh vazhdimësinë e kombeve me dy shtete, ashtu siç njeh edhe bashkimin e kombeve, por nuk njeh krijimin e dy e më shumë kombeve nga një komb i vetëm. Edhe historia e kohës sonë njeh kombe me dy e më shumë shtete, me simbolet e shtetit, flamurin dhe stemën e veçantë. Përse të mos ndodhë kjo edhe me ne, shqiptarët, pa qenë nevoja e bërjes së pamundshmes, precedentit, krijimin e dy kombeve! Francezet e Kvebekut, nga atdheu i të parëve të tyre i ndan një oqean i tërë. Edhe pse jetojnë në një kontinent tjetër, ata nuk e kanë ndërruar kombin e as kanë marrë emër të ri kombëtar. Kjo nuk ndodhi as me grekët qipriotë, as me turqit qipriotë, as me serbët e Serbska Republikës së Bosnjes etj., ndaj përse të ndodhë vetëm me shqiptarët?! A thua se ne qenkëmi më të mençurit e botës?! Identiteti kombëtar nuk është si këmisha që e ndërrojmë sa herë të na teket, apo si do t’i shkojë kollares!

Përse nuk mund të krijohet kombi kosovar? Përse krijimi i kombit të ri në shekullin XXI është punë e kotë? Kombi ka gjuhën e tij të folur dhe të shkruar. Cila do të ishte gjuha e folur dhe e shkruar e kosovarëve? Kombi ka parahistorinë dhe historinë e vet. Cila do të ishte parahistoria dhe historia e kombit kosovar? Kombi ka mite e legjenda. Cilat do të ishin mitet dhe legjendat e kombit kosovar? Kombi ka traditën. Cila do të ishte tradita e kosovarëve? Kombi ka heronjtë kombëtarë. Cilët do të ishin heronjtë e kombit kosovar? Si do ta ndanim dhe a do të mund ta ndanim Skënderbeun, Abdyl Frashërin, Naum Veqilharxhin, Naim Frashërin, Ismail Qemalin, Fan S. Nolin, Gjergj Fishtën, Luigj Gurakuqin, Hasan Prishtinën, Avni Rustemin, Qemal Stafën, Asim Vokshin, Fazli Graiçefcin etj.? Si do ta kosovarizonim Komandantin Legjendar të UÇK-së, Adem Jasharin dhe Jasharët e tjerë që kanë luftuar për çlirimin dhe identitetin kombëtar shqiptar! Të gjithë dëshmorët e kombit, edhe të luftës së fundit, kanë luftuar e rënë për një komb, për një atdhe, për një flamur dhe me një flamur: flamurin e Skënderbeut. Shqiptarët e kanë një histori – Historinë e popullit shqiptar. Si do të ndahej historia e kosovarëve nga ajo e popullit shqiptar? Kur do të fillonte historia e kombit të ri kosovar? A do t’i kishte të gjitha kohët historike kombi i ri. Kombi ka gjuhën, alfabetin, atdheun, traditën, psikologjinë, filozofinë jetësore, historinë, heronjtë, lavdinë, fatkeqësitë. Me cilat nga këto karakteristika të domosdoshme për kombin do të dallohej kombi kosovar nga ai shqiptar?! A do të ishte e mundshme që qytetari serb i Graçanicës ta ndiente veten më afër me fqiun e tij nga Hajvalia sesa me serbin e Nishit? Apo a mund ta ndiente qytetari shqiptar nga Drenica veten më afër me serbin e Shtërpcës sesa me shqiptarin e Durrësit? Shembujt e tillë do të ishin pa fund. Në fund të fundit, a mund ta ndjente veten gjermani i Zvicrës më afër më francezin Zviceran se me gjermanin dhe e kundërta? Francezi është francez, qoftë ai i Francës apo i Zvicrës. Në politikë, çdo përpjekje për shfarosje a ndërrim identiteti etnik, fetar apo racor, përkundër vullnetit të secilit identitet, trajtohet si gjenocid. A mund dhe a do të na lejonin ata që po na mbikëqyrin, ta shkruajmë në Kushtetutën e Kosovës: Kosova është shtet i kombit kosovar. Si do ta ndinin veten grupet e tjera minoritare? E drejta e ruajtjes së identitetit kombëtar, fetar e racor, janë të drejta të garantuara me konventata ndërkombëtare. Këto të drejta do të garantohen edhe me kushtetutën e ardhshme të Kosovës.

Po të lexohet me kujdes Dokumenti Gjithpërfshirës i Presidentit Ahtisari për pranimin ndërkombëtar të shtetit të pavarur dhe sovran të Kosovës nga Këshilli i Sigurimit i OKB-së, gjithë politika e vendorëve dhe e ndërkombëtarëve gjatë këtyre viteve për liritë e të drejtat e komuniteteve, për shoqëri dhe shtet shumetnik, del se kërkesa për krijimin e kombit kosovar, është e pamundshme dhe e papranueshme për të gjithë, për shumicën dhe pakicën, për vendorë e ndërkombëtarë. Nëse të gjitha grupet e tjera etnike do t’i ruajnë identitetet e tyre kombëtare në Kosovë, pse duhet ta ndërrojmë identitetin ne shqiptarët e Kosovës?! Kush po e kërkon këtë, përveç disa shqipfolësve?! E tërë kjo që u tha, nuk është pengesë për shtetin e pavarur dhe sovran të Kosovës, t’i ketë territorin, sovranitetin dhe simbolet e veta: flamurin, stemën dhe himnin. Pa qenë nevoja për të vrapuar në ndryshimin e deformuar të simboleve kombëtare dhe sidomos flamurit i cili gjithsesi duhet ta ruajë identitetin e tij autentik. Shqiptarët duhet ta ndërprejnë praktikën e neveritshme të shëmtimit të simboleve kombëtare me simbole të huaja, siç është rasti me të ashtuquajturin flamur i “Dardanisë”. Heraldika është shkencë ndihmëse e historisë e cila kryesisht merret me simbolet. Fillet e saj nisin në Angli, në shekujt XI–XII, ndërsa tek shqiptarët gjurmët e saj i gjejmë qysh në shekullin XIII, dhe, ç’është e vërteta, nëpër shekuj mund të kenë pësuar ndryshime, por janë ruajtur ngjyrat kombëtare në flamurin kombëtar, së këndejmi edhe festat kombëtare – dita e flamurit, etj. Shqiptarët flamurin e vet e quajnë edhe Flamuri kuq e zi. Ngjyrat, e kuqja dhe e zeza, janë ngjyra dominante edhe në ikonat e Onufrit, David Selenicës, Shpatarakut dhe të shumë piktorëve të tjerë mesjetarë. Vënien e shenjave të huaja në flamurin e Skënderbeut, apo heqjen e elementeve bazike të tij siç është vepruar shpesh në të kaluarën e afërt dhe të larget është sa e shëmtuar, aq edhe e papranueshme. Shqiptarët, kudo që jetojnë, njihen dhe janë një komb i vetëm dhe i pandarë, kanë një flamur!

Dhe krejt në fund, si do t’i ndanim shqiptarët e diasporës?! Kështu si ia kanë filluar disa koka të “mëdha” të “kombit”, nga populli shqiptar do të bëheshin me dhjetëra kombe?! Një komb në Turqi, një në Greqi, një tjetër në Maqedoni, një edhe në Mal të Zi, madje një edhe në Serbi (Preshevë, Medvegjë, Bujanoc, Tutin dhe Sanxhak), një tjetër në Sicili e Kalabri... e kështu me radhë nga Australia në Amerikë, nga Finlanda në Egjipt. Së këndejmi, populli shqiptar do të ishte njëri nga popujt më kombëshumëzues në Botë!!! Me gjithë peripecitë e shumta gjatë historisë, kombi shqiptar do të arrijë të mbetet një komb, ndonëse i ndarë në tokën e tij dhe i shpërndarë nëpër Botë.

[biligoa]

Shkruar nga Shefki OLLOMANI
Wednesday, 05 September 2007
Kosova dhe populli i saj shumicë nuk lufton për identitet kombëtar, por për Shtet Kosovar, sepse identitetin kombëtar Kosova e ka qysh me mijëra vite përpara dhe ai është identiteti Iliro-Shqiptar. Kosova është Shqiptare, por nuk ka pavarësi, nuk është shtet, ndaj ajo lufton për Liri, Pavarësi dhe Shtet. Për të qenë Kosova shtet, nuk është e domosdoshme që të krijohet një komb i ri brenda saj me emrin “Kosovar”, sepse në Kosovë veç është formuar dhe ekziston shekuj më parë kombi Shqiptar.

Kombet nuk mund të formohen brenda natës, ata rrugëtojnë nëpër shekuj derisa marrin formën përfundimtare. Kombet formohen përmes proçeseve të gjata historike, të natyrshme dhe evolutive. Edhe simbolet shtetërore të Kosovës do të jenë simbole shtetëroe dhe jo kombëtare. Të gjitha tentativat për zëvendësimin e identitetit kombëtar dhe simboleve kombëtare të Kosovës me identitete e simbole tjera do të dështojnë, sepse janë antikombëtare dhe antihistorike.

Shkurtpamësia e shqiptarëve dhe dobësimi i identitetit kombëtar shqiptar shprehet përmes tentativave për krijimin e një identiteti të ri kombëtar – identitetit Kosovar, krahas formimit të shtetit të Kosovës. Sot nga ndërkombëtarët dhe antikombëtarët tanë, përpiqet të imponohet e të krijohet artificialisht i ashtuquajturi “njeriu i ri” në Kosovë, që do të quhet KOSOVAR. Ky është projekt i madh eksperimentues, laboratorik dhe i dhunshëm në dëm të qenies sonë kombëtare shqiptare.

Krijimi i "Kombit Kosovar" e përjashton bashkimin kombëtar të Kosovës me Shqipërinë, tani dhe në të ardhmen. Aktualisht prioritet është bërja e Kosovës shtet sovran e të pavarur dhe jo krijimi artificial i "Kombit Kosovar".

Filiza e kombit "Kosovar" ka nisur të shpërthejë, në heshtje, që nga viti 1974, me krijimin e Krahinës Autonome të Kosovës dhe me përpilimin e Kushtetutës së saj. Kjo Krahinë atëherë kishte kufijtë e saj administrativë, kishte qeverinë, flamurin e disa simbole krahinore që u gjasonin atyre shtetërore.

Kombet nuk janë krijuar dhe nuk mund të krijohen me dekrete dhe me anë të ligjeve të ndryshme politike shtetërore. Ata krijohen përmes një proçesi të gjatë historik dhe në mënyrë spontane dhe evolutive. “Kosovarit” tentohet t'i imponohet një kulturë, një letërsi si dhe një gjuhë tjetër nga Shqiptarët tjerë të Shqipërisë Etnike. "Kombi Kosovar" edhe nëse imponohet nga brenda apo nga jasht, nuk do të jetë komb i mirëfilltë, por do të jetë një komb politik. Do të jetë një komb kancelarishë botërore, nuk do të jetë komb i mbirë nga dheu shqiptar i Kosovës dardane.

Sipas kohës dhe mënyrës së formimit të tyre, ekzistojnë dy lloj kombesh: Komb natyror (etnik) dhe Komb artificial (politik). Kombi natyror lind, formohet e zhvillohet në mënyrë evolutive, gjatë një periudhe kohore të gjatë qindra-mijëravjeçare. Kombi artificial paraqitet e ”formohet” brenda natës, gjatë një kohe shumë të shkurtër, me anë dekretesh e kontratash politike.

Shumica e kombeve të Ballkanit dhe të Evropës janë formuar mbi baza të nacionalizmit etnik. Edhe kombi shqiptar ka pasur të njëjtën bazë dhe të njëjtin rrugëtim historik drejt formimit të tij. Kombi ynë është formësuar mbi bazën e botëkuptimit politik, luftarak e kulturor të Pellazgëve, Ilirëve dhe shekujve tjerë të Mesjetës dhe të Modernes që pasuan më pas. Në Kosovë të gjitha lëvizjet politike dhe luftarake pas vitit 1912, që nga Azem Galica dhe deri te Adem Jashari, kanë pasur karakter dhe përmbajtje etnike kombëtare, atë të nacionalizmit shqiptar.

Kombi natyror (etnik) ka një origjinë, gjuhë, histori, kulturë dhe simbole të përbashkëta dhe prejardhjen e ka nga një bashkësi e njëjtë njerëzore apo fisesh. Kurse Kombi artificial përbëhet nga disa bashkësi apo fise, nga disa popuj apo kombe, të cilët i bashkon interesi politik ditor apo momental dhe vendosin, me marrëveshje e kontrata të ndryshme, që të formojnë kombin politik brenda një territori të caktuar.

Kombi politik është bashkëjetesë popujsh apo kombesh në një shtet të përbashkët, me të drejta dhe përgjegjësi të barabarta kushtetuese e ligjore. Shembull tipik të kombit politik kemi kombin Amerikan, kombin Zvicerian etj. Në këtë rrugë don të shkojë edhe i ashtuquajturi ”Komb Kosovar”, por as kushtet dhe rrethanat politike, as realitetet historike dhe ekonomike nuk janë të ngjashme si ato të Amerikës dhe Zvicrës, prandaj nuk ka aspak gjasa që ky ”Komb Kosovar” të mund të formohet dhe të funksionojë.

Në Kosovë, prej shekujsh, është formuar kombi etnik shqiptar dhe që të ndërtohet tani në Kosovën-Shtet një komb politik ”Kosovar” duhet që paraprakisht të shembet kombi ekzistues shqiptar. Dhe që të bëhet ky akt, duhet që të ndërrohet apo të falsifikohet e gjithë historia mijëravjeçare e Kosovës dhe e Shqiptarëve, të ndërrohet gjuha, kultura, alfabeti e folklori dhe të krijohen të reja. Pra, duhet që të burgoset e vërteta dhe të thurren gënjeshtrat! Shtrembërime të këtilla të realitetit objektiv historik dhe transformime të kësaj natyre nuk mund të bëhen në shoqëritë dhe sistemet demokratike, pos në shoqëri e sisteme totalitare, fashiste dhe diktatoriale. Vetëm në këtë rast Kosova do të shndërrohej në një laborator gjigant eksperimentimi, ku viktima nuk do të ishin minjtë, por shqiptarët.

Edhe po të arrihet deri te formimi artificial e laboratorik i kombit politik ”KOSOVAR”, me anë të lajkave, mashtrimeve, falsifikimeve e kërcënimeve, kjo do t’i ngjante ndërtimit pa leje të një shtëpie në pronën e huaj. Kosova nuk ka vend për dy kombe. Pronar i tokës së Kosovës është Kombi SHQIPTAR. Dhe nëse është e saktë ajo që trumbetojnë demokratët vendas dhe të huaj se, ”prona është e shenjtë”, atëherë askush nuk ka të drejtë ligjore dhe morale që këtë pronë t’ia rrëmbejë dhe t'ia tjetërsojë kombit Shqiptar të Kosovës.

Ky komb i ri Kosovar imponon pastaj edhe përcaktimin e Flamurit dhe të Hymnit kosovar, të ndryshëm nga simbolet kombëtare shqiptare. Dhe si rezultat i gjithë kësaj do të tentohet që të vjen edhe deri te flakja e gjuhës së unjësuar letrare shqipe dhe krijimin e gjuhës letrare gegërishte kosovare.

Flamuri është simbol i identitetit të kombit, i identitetit të shtetit, është simbol i unitetit të popullit. Flamuri është ndjenja, morali dhe nderi i një kombi. Flamuri është shenjë e shenjtë e Atdheut, që nuk mund të zëvendësohet dhe të ndryshohet pa u ndryshuar dhe asimiluar më parë vetë kombi. Flamuri ynë Kombëtar është Antika, Mesjeta dhe Koha jonë Moderne. Flamuri ynë vjen kështu siç është që nga Lashtësia dhe kështu do të vazhdojë, i këtillë siç është, në Përjetësi. Askush nuk ka të drejtë morale as ligjore ta prekë Flamurin tonë Shqiponjë dhe Feniks. Në këtë Flamur është gjaku, mendja, ideali dhe zemra e miliona dëshmorëve dhe heronjve të kombit tonë që nga Pellazgjia dhe deri te Shqipëria. Ky Flamur është Flamuri i Zeusit të Pellazgjisë, i Lekës së Madh të Maqedonisë, i Pirros së Mollosisë (Epirit), i Gjergj Kastriotit - Skënderbeut të Arbërisë dhe Flamuri i Ismail Qemalit të Shqipërisë.

Dikur, ndarjen e letërsisë dhe gjuhës shqipe të Kosovës nga letërsia dhe gjuha shqipe e Shqipërisë, e kërkonte me këmbëngulje Jugosllavia Federative dhe Serbia. Madje, Serbia dhe shqipfolësit pushtetarë të asaj kohe, ndoqën dhe torturuan qindra e mijëra shqiptarë të Kosovës, shpeshherë deri në vdekje, të cilët kishin guximin të thonin e të shkruanin hapur se kultura dhe gjuha shqipe është një dhe e pandarë për të gjithë shqiptarët, pavarërisht se në cilat shtete jetojnë.

Teza mbi ekzistencën e dy kombeve: atij “allbanci” (në Shqipëri) dhe “shiftari” (në ish-Jugosllavi) është tezë e vjetër e politikave shoviniste serbe. Rezistenca ndaj këtyre përpjekjeve gjithmonë ka qenë e fuqishme dhe pushteti serb nuk ka arritur asnjëherë ta jetësojë këtë qëllim të tij. Sot, pas krijimit të rrethanave të reja, tezat mbi ndarjen e kombit shqiptar dhe mundësisë së krijimit të një identiteti të posaçëm kombëtar – atij Kosovar, janë ringjallur në një masë të shumëfishuar. Të ndihmuara edhe nga bashkësia ndërkombëtare këto teza herë pas here po dalin në sipërfaqe në opinionin tonë publik.

*****

Identiteti kosovar ekziston, por vetëm në kuadër të hapësirës kombëtare shqiptare, si identitet regjional apo krahinor, me veçoritë e tij kulturore, dialektore, etnografike, zakonore, tradicionale etj., ashtu siç ekzistojnë edhe shumë identitete tjera krahinore brenda kombit dhe atdheut tonë, si p.sh.: identiteti i Malësisë së Madhe, identiteti i Pollogut, identiteti i Mirditës, identiteti i Labërisë, identiteti i Çamërisë,… por ajo që i bashkon ata është Identiteti Kombëtar Shqiptar. Janë i njëjti Komb dhe formojnë të njëjtin Atdhe - Shqipërinë Etnike. Po të tentonim që të gjithë këto identitete krahinore t'i kthejmë në identitete kombëtare, atëherë Kombi Shqiptar do të shpërbëhej, do të zhdukej dhe ora jonë historike do të kthehej prapa në kohën e fiseve primitive. Koha jonë nuk është koha e fiseve, por është koha e kombeve. Ideali dhe luftërat e pandërprera të kosovarëve, ndër shekuj, kanë qenë për çlirimin dhe pavarësinë e Shqipërisë Etnike. Kurse këto 100 vitet e fundit, kosovarët kanë luftuar për çlirim dhe bashkim me pjesën tjetër të kombit dhe shtetit shqiptar, me Shqipërinë.

Asnjëherë kosovarët nuk kanë luftuar për t'u formuar si komb Kosovar. Nuk mund të formohet një Komb Kosovar, por në të njëjtën kohë ta ruaj Gjuhën, Flamurin, Historinë dhe Letërsinë Shqiptare. Po të heqë dorë dhe t'i mohojë këto, atëherë ai do të jetë kombi më i mjerë dhe më i varfër i botës, sepse do të ngelë pa gjuhë, pa letërsi, pa flamur dhe pa histori. Kosova dhe Kosovari do të ngelë pa poetë e shkrimtarë, sepse të gjithë këta veten e kanë ndier dhe e kanë quajtur Shqiptarë. Nuk mundesh ta quajsh veten "Komb Kosovar" dhe të përvetsosh çdo gjë që është Shqiptare. Kosova do të ngelë edhe pa dëshmorët dhe heronjtë e vet kosovarë, sepse ata nuk kanë luftuar dhe derdhur gjakun për "Kombin Kosovar", bile as për Kosovën-Shtet, por ata kanë luftuar dhe rënë për çlirim dhe bashkim kombëtar, për bërjen e Shqipërisë Etnike. Në këtë mënyrë shqiptarët e Kosovës nga Kosovarë do të shndërroheshin në "Kosovrarë", në vetëvrasës!

Po ta emërtojnë veten shqiptarët e Kosovës si Kosovarë, në bazë të emrit gjeografik ku jetojnë - Kosovës, atëherë sipas kësaj "logjike" shqiptarët e Malësisë së Madhe në Mal të Zi veten duhet ta quajnë Malazezë, shqiptarët e Kosovës Lindore në Serbi veten duhet ta quajnë Serbë, shqiptarët e Iliridës në Maqedoni veten duhet ta quajnë Maqedonas dhe shqiptarët e Çamërisë veten duhet ta quajnë Grekë. Pra, sipas emrit gjeografik të shtetit ku jetojnë, shqiptarët e këtyre shteteve duhet të heqin dorë nga përkatësia e tyre kombëtare, nga etnia e tyre dhe identiteti kombëtar shqiptar dhe të vetëasimilohen, të shkombëtarizohen dhe të tjetërsohen. Pra, sipas "logjikës" së "Kombit Kosovar" shqiptarët në trojet entike jashtë Shqipërisë londineze duhet të bëjnë vetëvrasje! Kjo s'ka për të ndodhur kurrë. Shqiptarët nuk janë nga ata popuj që asimilohen as vullnetarisht, as me mashtrime dhe as me dhunë e gjenocid ushtarako-policor. Këtë e ka vërtetuar katërcipërisht historia jonë e lavdishme dhe heroike. Këtë do ta vërtetojnë edhe vitet, dekadat, shekujt dhe mijëvjeçarët që do të vijnë. Vetëm të marrët, mercenarët dhe tradhëtarët mund të mendojnë e të veprojnë ndryshe.

*****

Si pasojë e gjithë këtyre ndryshimeve rrënjësore: krijimi i "Kombit Kosovar", ndërrimi i Flamurit, Historisë, Gjuhës Letrare dhe Hymnit Kombëtar, me kalimin e dekadave dhe me ndërrimin e gjeneratave në Kosovë, ka rrezik që të vjen edhe deri te largimi kulturor e shpirtëror i Kosovarëve nga Shqiptarët, nga pjesa tjetër e kombit tonë dhe një ditë të caktuar ata jo vetëm nuk do ta quajnë më veten shqiptarë, por edhe do ta luftojnë me të madhe një emërtim të tillë, do ta urrejnë një emër të tillë dhe do të krenohen që janë e që quhen Kosovarë!

Në këtë mënyrë do të krijohen dy taborre, dy palë, dy popuj të cilët me kalimin e kohës do të largohen gjithnjë e shumë nga njëri-tjetri, të cilët do të kenë qëllime e interesa të ndryshme, si dhe do të fillojnë të shfaqen edhe divergjencat e thella midis tyre, kahjet e ndryshme politiko-ekonomike, mënyra e ndryshme e jetesës dhe e të menduarit dhe më në fund do të lindin edhe xhelozitë, garat, fërkimet dhe konfliktet e ndryshme në marrëdhëniet ndërshtetërore. Do të krijohet një realitet i ri brendashqiptar.

Si pasojë e këtij realiteti do të bëhet largimi, ftohja, përçarja dhe ndarja përfundimtare në dy pjesë e kombit shqiptar, do t’i thyhej krahu Shqiponjës, duke mbetur me një kokë e me një krahë. Shteti i Kosovës (nëse krijohet ndonjëherë), po nuk u bashkua me Shqipërinë brenda një periudhe pesëvjeçare pas formimit të tij, pas kësaj kohe do të jetë vonë, sepse do të fillojnë të ndryshojnë zemrat, mendjet dhe shpirti i njerëzve të të dyja shteteve. Shqiptarët nuk duhet assesi që të lejojnë që të ndodhë kjo tragjedi e kjo mynxyrë! Kjo vdekje për së gjalli!

Por, në fund të fundit, të të gjitha fundeve, populli shqiptar i Kosovës e ka vetë në dorë vetveten e tij se a do të mbesë Shqiptar apo do të bëhet Kosovar. Kjo është e drejta legjitime dhe e patjetërsueshme e tij. Askush nuk ka të drejtë ligjore e morale që të ndërhyjë në mënyrë arbitrare dhe manipulative që t'ia imponojë me presion, me mashtrime e teorizime filozofike identitetin kombëtar popullit shqiptar të Kosovës. Asnjë parti, asnjë qeveri, asnjë parlament dhe asnjë lider i Kosovës nuk mund të vendosë për identitetin kombëtar të kosovarëve.

Kosovarët, po të jetë nevoja dhe kur të jetë e domosdoshme, do ta shprehin haptas vellnetin e tyre sovran me anë të Referendumit dhe Vetëvendosjes se çka duan të jenë dhe si duan të quhen: Shqiptarë apo Kosovarë.

GUSHT 2007

[alibaba]

Kosovarët ekzistojnë deshe apo s'deshe.
Kosovarë janë kopilët që u lindën nëntë muaj pas orgjive në kooperativat seksuale komuniste ku merrnin pjesë shkijet dhe albanacët udhëheqës të Kosovës me gratë e tyre. Orgji të tilla bëheshin çdo vjet më 25 maj për nder të Titos.
Prandaj politikanët e sotëm janë kosovarë dmth kopilë komunistësh, që kanë ardhur në jetë falë atyre orgjive seksuale serbo-shqiptare.
Masat e gjera të popullësisë janë shqiptarë të pastër.

[biligoa]

GRUPI PËR SHPËRBËRJEN E KOMBIT SHQIPTAR DHE TENDENCA E TYRE PËR KRIJIMIN E NJË "KOMBI KOSOVAR
Shkruar nga TAHIR VELIU
Monday, 11 June 2007

“Grupi i Unitetit” për shpërbërjen e kombit shqiptar është pajtuar që flamuri shtetëror i shtetit të Kosovës nuk mund të ketë shqiponjën e zezë dykrerëshe dhe as ngjyrat kuq e zi dhe në këtë mënyrë grupi i shpërbërjes kombëtare mundohet të arrijë atë që Serbia nuk ka mundur ta arrijë për njëqind vjet.

Tendencat e "Grupit Negociator" për të krijuar një identitet të veçantë "kosovar", duke filluar me qëndisjen e një flamuri të ri për Kosovën, paraqesin rrezikun më të madh që sot i kanoset Kosovës në veçanti dhe kombit shqiptar në përgjithësi, sepse me krijimin e një flamuri pa kurrfarë elementi shqiptar, po fillon shpërbërja e kombit shqiptar. Në kohën kur Evropa mundohet të bashkojë popujë të ndryshëm nga përkatësia kombëtare, shqiptarëve u kërkohet ndarje dhe shpërbërje e mëtutjshme sepse ndarja në 6 shtete të ndryshme nuk po mjaftojka.

Pra, as shqiponjë dy krerësh e as ngjyra kuq e zi, nuk do të ketë në flamurin e ardhshëm të Kosovës. Identiteti i shqiptarëve të Kosovës, për të cilin janë kalbur, torturuar, vrarë dhe masakruar nga regjimi i dhunshëm dhe terrorist serb. Flamuri me të cilin janë varrosur me mijëra dëshmorë të kombit të cilët ranë në altarin e lirisë pikërisht për këtë flamur nuk do të jetë flamur i Kosovës. Duke marrë parasysh këto që thash më lartë çdo tentim për ndryshimin e flamurit është tëntim i dështuar për shpërbërjen e kombit shqiptar, humbjen e identitetit shqiptar dhe në këtë kontest mund të thuhet se është vetëvrasje po që se ndodh një gjë e tillë.

Për ne shqiptarët e Kosovës, ky flamur dhe ngjyrat kuq e zi kanë qenë dhe janë shpresa, identiteti dhe fuqia e vetme shpirtërore e cila na ka ndihmuar të mbesin gjallë. Flamuri kuq e zi me shqiponjën dy krerëshe ka qenë dhe është oksigjeni i shqiptarëve për mbijetes dhe në momentin që ky oksigjenë na mohohet, atëherë ose do të vdesim ose do ta luftojmë këtë tëntim anti-shqiptar sikurse kemi luftuar me mijëra vjet për liri, pavarësi, flamur, çlirim dhe bashkim kombëtar. Prandaj, populli shqiptar i Kosovës nuk mund të paramendojë që flamuri për të cilin kanë përjetuar masakrimet, vrasjet, plagosjet, rrahjet, burgjet apo edhe gazin lotsjellës nuk do të jetë flamuri i ardhshëm i Kosovës.

[Daja-GONI]

Formimi i nje kombi kosovare i konvenon doemos dikujte.Dhe eshte e kuptueshme se te tillet punojne ne kete drejtim.Tani ne keto vitet e fundit,kemi bile edhe nderkombetare qe kan ardhe ne keto ane dhe done te na bindin,se ne gjithmone kosovare kemi qene dhe edhe sot jemi.
Nje gje eshte e sigurt:shqiptare kemi qene denbabaden, shqiptare do te mbetemi.Ndoshta Kosova ne te ardhmen do te kete shenja shteterore te cilat nuk do ti perngjajne atyre kombetare,por ne te gjithe do te jemi deshmitare te asaj, se keto shenja nuk do ti perdore populli si kombetare ne asnje forme dhe ne asnje rast.

E nje popull nuk mund te mbahet i ndare me kufij artificial.
Nuk dihet kure,por nje gje eshte mase e sigurt.Ajo dite ne te cilen nuk do diskutohet me per tema te tilla eshte e pashmangshme.
Ne prap do te bashkohemi brenda nje shteti te vetem.

Rrofte Shqiperia!

[Hyj-Njeriu]

C'eshte ky kombi 'kosovar'?! pse te mos ja kercasim kombi Myzeqar apo Kombi Lab ose Kombi Dibran e meqe jemi ne teme edhe nje Komb Cam ose edhe Kombi Malcor?!

Rrafshi i Dukagjinit ska qene Kosove ,ata kane qene Dukagjinas njesoj si Dukagjinasit ketej Hasit...Termi Kosovar iu dha ne kohe te Turkut... Kosovar eshte banori i Fushe-Kosoves...Ashtu si dhe Dardania nuk eshte koncept ekskluziv ,sepse Dardane jane Tropojanet,Hasjanet,Kuksjanet apo zona e shkupit e kumanoves si dhe krejt lugina e moraves deri ne Nish,pa harruar Novipazarin...

I vetmi term gjitheperfshires eshte Shqiptar.... Togfjaleshi 'Komb Kosovar' duhet ndaluar me ligjin e Enver Hoxhes per Agjitacion e Propagande e kush e propogandon te denohet me 16 vjet burg ne Spac deri me vdekje....

[dibrani2006]

Nuk ekziston komb kosovar por Shqiptar po