Identiteti Kosovar

[Eni]

IDENTITETI KOSOVAR

Kosova s'asht Hinterland, Tokë e Askujt. Kosova i ka kufijtë e saj. Kosova s'asht pa njerëz, Kosova i ka njerëzit e saj. Dhe, ata s'janë vetëm shqiptarë. Kosova s'asht pa histori, Kosova e ka historinë e saj. Kosova s'asht pa kryeqytet, Kosova e ka kryeqytetin e saj. Kosova s'asht pa idenë e shtetësisë dhe Kosova asht tue e ndërtue shtetin e saj. Por, kush janë shtetasit e kësaj Kosove. Kush asht 'Kosovari'. A ekziston 'Identiteti Kosovar'.
N'edicionin ma të ri e t'pasunuem me fjalë të reja të fjalorit t'Oxfordit u shtue nji fjale e re: kosovar.
Po a ia kemi shtue ne fjalën 'kosovar' fjalorëve tanë?
Këte pyetje ia bamë shumë njerëzve publikë dhe intelektualëve.

marre nga Java

[Iceberg]

Shtimi i kesaj fjale ne fjalorin e Oxfordit eshte dashakeq dhe me prapamendime te rrezikshme per te ardhmen e Kosoves dhe te ardhmes se shqiptareve ne pergjithesi.
Ata qe ndodhen ne vendet perendimore kryesisht e verejne qe perendimoret kane tendence ta krijojne kete "identitet" duke u perpjekur ti paraqesin shqiptaret e Kosoves si te nje kombesie tjeter.
Mjerisht kete ne Shqiperi aktualisht po perpiqen ta bejne njefare e ashtequajtur "elite untelektuale" e ushqyer nga fondacioni Soros, si Fatos Lubonja (identiteti kombetar i te cilit eshte i dyshimte) dhe monstra tjeter gjenetike Frrok Cupi (i lindur shqiptar po transformuar ne anti shqiptar te terbuar ne vitet e mevonshme)

Te flasesh per identitet Kosovar eshte njelloj sikur te flasesh per identitet Bavarez ne Gjermani, njelloj sikur te flasesh per identitet Katalanjas ne Spanje. Kosova eshte shqiptare, banoret e Kosoves jane shqiptare te kulluar dhe gjuha e tyre eshte SHQIPJA.
Kjo behet per ti paraprire pengimit te mundshem te bashkimit te shqiptareve ne nje shtet te vetem, nje proces krejt i natyrshem ky dhe i ligjshem.

[Taulanti]

Iceberg jam ne nje mendje me ty se nuk ka identitet kosovar por vetem shqiptar.Kosova eshte pjese e Shqiperise.
Me nderime

[ornament]

Iceberg, te dy shembujt e tu nuk e mbeshtesin mendimin tend, Bavaria si dhe Katalonja jane regione autonome me qeverine e tyre, kulturen, gjuhen, traditat e tyre nen kuadrin e shteteve federale, dmth bejne pothuaj çfare duan, vetqeverisen.
Kur vizitova Barcelonen me ra ne sy, qe ne vend te grafiteve neper mure si kudo ne perendim, kishte parrudha te karakterit politik. Kjo flet per nje tendence te forte " identiteti krahinor". Problemet sot jane te llojit ekonomik, eshte ekonomia, niveli jeteses qe ushqen nacionalizmin krahinor ne dem te atij kombetar. Ne rastin konkret Katalonja, Bavaria si dhe Alzasa ne france jane regjionet me te pasura ne vendet respektive, por pa diferenca te dukshme me pjesen tjeter, prandaj forca centrifugale eshte e vogel. Nuk eshte njesoj gjendja per Basket, Korset, Lombardet, etj, prandaj aty forca centrifugale shkeputese nga shteti ame eshte me e madhe. Ketu bashkimi nacional shihet si faktor varferues e ne dem te krahinave. Aresye te ketij lloji bene te eksplozonin njerin pas tjetrit te gjitha vendet europjane lindore. Vetem nje fare niveli ekonomik ben te ruhet paradoksalisht bashkimi evropjan. Kriza e pare ekonomike qe s'do te vonoje, do te beje eksplozimin e kesaj pjese te europes. Vetem mendjengushtet nuk e shohin nje gje te tille. Kjo s'eshte dukuri e re. Çfare ka te ndryshme nga Bavaria, Austria. Ta them une asgje, ata jane po aq gjermane sa bavarezet, ne mos me teper. Perse sot Austria eshte shtet me vete dhe s'behet fjale per bashkim me gjermanine. Sepse kur austriaket benin muzike e qejfe, gjermanet ushqeheshin me lende lisi, prandaj austriaket e pane me te udhes te bashkoheshin me hungarezet qe s'i lidhte asgje si popuj, perveçse nivelit ekonomik e atij kulturor qe ndjek pas, atij te epokes.
Me Kosoven ndodh e njejta gje. Kosova kishte nevoje per ne sa ishte nen serbi, e varur nga ajo. Sot Kosova ecen vete, ajo s'ka nevoje per patericat e Shqiperise. Ndermjet te dyjave niveli ekonomik dhe ai i jeteses ka nje diference te madhe. (kujto qe pagesat atje kryhen me euro) Kjo diference nuk u be sot, ne kete shekull, kjo ka qene gjithnje, qe ne kohe te turkut. Nga stambolli shkohej me shpejt ne Kosove se ne Shqiperi, sepse kishte hekurudhe.
Kjo ka sjelle diferenca edhe ne kulture e ne mentalitet. Keto te huajt i shohin qarte, sepse jane te paanshem dhe s'kane tabu. Kosovaret une do ti quaja " shqiptare te zbutur" ndersa ne "shqiptare te eger". Prandaj kosovaret e aplikuan pa teklif "gjuhen letrare", nderkohe qe malesoret tane kurre.
Te gjitha keto e plot te tjera me shtyjne te mendoj, qe bashkimi ndermjet nesh te pakten per momentin eshte i pamundur, vete kosovaret nuk e duan kete.

shpresoj te mos kem shokuar njeri.

[Iceberg]

Zoteri Ornanment,
Ata shembuj nuk i kam permendur per te ilustruar kriza apo qendra krizash por per te argumentuar faktin qe edhe ata njesi qe une kam permendur perbejne nje komb te vetem.
Po te besojme teorine tende (me nje fjale ornanmentet e tua) atehere edhe vlonjatet dhe mirditoret duhet ti quajme kombe ne vete, sepse ne priudha te caktuara historike kane kerkuar Vloren dhe Mirditen perkatesisht, republika.
Per ate se a duan shqiptaret e Kosoves te bashkohen me trungun amtar ti mos u merakos fare se do behet fare pa dhimbje dhe ai fraksioni qe eshte kategorikisht kunder kesaj ( pjese e te cilit dukeni te jeni edhe ju) eshte me peshe te vogel specifike dhe pa ndikim te madh. Ky fraksion eshte gati ta bashkoje Shqiperine me Greqine po ne asnje menyre me Kosoven.

I nderuar,
Nuk ka 'shqiptare te eger' dhe 'shqiptare te bute' ka vetem SHQIPTARE. Ato pastaj jane karakteristika individuale qe nuk duhet te perzihen me tiparet qe percaktojne kombesine.

[kosovar]

ornament

Ti dhe të gjithë duhet të kuptoni një gjë shumë të rëndësishme për kombin tonë. Nga ana krahinore (regjioni) jemi kosovarë, por nga ana kombëtare - vetëm shqiptarë. Kosova gjithmonë ka pasur nevoje dhe do të ketë ende për Shqipërinë, por jo për mafian politike shqiptare. Kosova është vetëm një gjymtyrë e Shqipërisë, të cilën ia amputuam më 1913 Fuqit e Mëdha për t'ia dhuruar Serbisë. Kosovarët vetëm përkohësisht kanë pranuar të quhen Jugosllavë, nga jasht, ndërsa brënda në Federatë ne njiheshim sikur kombësia shqiptare (jo kosovare).

Pavarësisht se si thuhet "shqiptarë të butë" apo të "egër" dhe dallimet që mund të manifestohen në mes të shqiptarëve të Shqipërisë, të Kosovës, të Maqedonisë etj... ne jemi një komb dhe pikë. Ishte Fatos Lubonja që filloi i pari në Francë me këto ligësi e tash kanë filluar edhe ndërkombëtarët ta quajnë Kosovën multietnike. Çfarë ironie, para dy dite u inagurua në Mitrovicë "tregu multietnik".

Sa është Kosova multietnike ëshë edhe Franca, Italia apo Gjermania. Po e shikum më detalisht të gjitha këto shtete janë më multietnike se sa Kosova. Të mos flasim për Zvicër ku fliten katër gjuhë zyrtare. Kam një kërkesë: A ka mundësi që ju vëllezërit tonë në Shqipëri të mos i pagzoni më askend me emërin Fatos, sepse këta fatosat e juaj na i nxorën sytë!

Shkurt: S'ka Shqipëri pa Kosovë, s'ka Kosovë pa Shqipëri dhe

[Eni]

Nga Azem Galica e deri te Sabri Fejzullahu

Mëvetësia e identitetit të shqiptarëve të Kosovës është sajuar nëpër demonstrata e greva, nëpër kushte të jetesës në apartheid, në dhunë dhe në rezistencë ndaj kësaj dhune. Ky identitet është përvijuar e
sublimuar me vepra artistike që kanë dalë nga jeta në këto rrethana, me poezitë e Ali Podrimjes, me këngët e Nexhmije Pagarushës e të Sabri Fejzullahut, me këngët folklorike dhe me rockun e Prishtinës, me
skulpturat e Agim Çavdarbashës dhe me pikturat e Muslim Mulliqit

Muhamedin Kullashi

Çka pyet kjo pyetje? Cilin identitet e ka parasysh dhe si e kupton atë? Është fjala për identitetin e të gjithë banorëve të Kosovës apo vetëm të disave? A është fjala për identitetin e individëve apo të grupeve a kolektiveve? Për identitetin si njëfarë substance apo si një prodhim historik? Për cilën periudhë është fjala, ngase identitetet, si ato individuale ashtu edhe ato kolektive, ndryshojnë gjatë kohës. Por, periudha nuk ka të bëjë vetëm me kohën, por edhe me hapësirën: kufijtë e Kosovës nuk ishin të njëjtë gjatë historisë. Meqë pyetjeve nuk mund t'u përgjigjemi me pyetje, duhet të bëjmë së pari disa supozime.
Të supozojmë se pyetja ka të bëjë me identitetin kosovar të periudhës bashkëkohore dhe me hapësirën që e përkufizuan kufijtë e kushtetutës së fundit të Ish-Jugosllavisë. Atëherë, këtu na dalin dy trajta karateristike të identitetit kosovar: identiteti i shqiptarëve të Kosovës dhe ai i serbëve të Kosovë. Megjithëse edhe romët e Kosovës e edhe boshnjakët e Kosovës kanë identitetin e tyre. Është fjala për dy përfytyrime të dy bashkësive mbi veten, që janë jo vetëm të ndryshme, por edhe të kundërta. Megjithkëtë, ato kanë një pikë të përbashkët: ato e definojnë veten me një gjuhë e kulturë dhe me një kujtesë historike. Në fakt ato janë sajuar, kryesisht, nëpërmjet konflikteve reciproke. Ideniteti i shqiptarëve të Kosovës është formësuar, para së gjithash, përmes konfliktit ndaj shtetit serb dhe pretendimit të tij që ta zhbëjë identitetin e tyre. Identiteti i serbëve të Kosovës është sajuar duke luftuar projektin e shqiptarëve që të bëhen zot të Kosovës. Kjo, natyrisht, nuk do të thotë se në marrëdhëniet midis shqiptarëve e serbëve të Kosovës kanë qenë kryekëput konfliktuoze: këto marrëdhënie i ka cilësuar edhe një ndërveprim kulturor (huazimet gjuhësore, bie fjala) gjatë një koekzistence. Megjithkëtë, nën ndikim të lëvizjeve politike që i kanë udhëhequr, këto dy bashkësi e kanë definuar veten në kundërshti me njëra-tjetrën (të pjesërishme ose edhe të plotë). Projekti ekskluziv i dominimit mbi Kosovën ka qenë objektivi që ka përcaktuar fortësisht natyrën e këtyre dy identiteteve.
Identiteti i serbëve të Kosovës është sajuar, në fakt, më shumë nga elitat nacionaliste të inteligjencies së Beogradit. Ky identiteti është shndërruar në një flamur të lëvizjes populiste serbe, të udhëhequr nga Beogradi, në periudhën e krizës së sistemit jugosllav në vitet '80. Prijësit e kësaj lëvizje, instrumentalizuan problemet e serbëve të Kosovës, për të ridefinuar një politikë ndaj Kosovës e që duhej ta rimëkëmbte një sistem që nisi të shthurrej. U riaktivua mitologjia mbi karakterin e shenjtë dhe ekskluzivisht serb të tokës së Kosovës (figura e djepit të serbizmit), ndërkaq vetë serbët u paraqitën si martirë të "hordhive barbare të shqiptarëve". Prania e shqiptarëve në këtë "tokë të shenjtë" doli si një sakrilegj që duhej mënjanuar. Identiteti i serbëve të Kosovës, i definuar përmes figurës së martirit, u shtri mbi të gjithë serbët e Ish-Jugosllavisë.
Identiteti i shqiptarëve të Kosovës u sajua kryesisht si përpjekje për të rezistuar ndaj dhunës së shtetit serb dhe synimit të tij që "ta pastrojë" Kosovën nga "elementi" shqiptar. Elitat intelektuale shqiptare do të mobilizojnë tërë kujtesën mbi të kaluarën e shqiptarëve dhe proto-shqiptare, duke filluar nga pellazgët, për ta dëshmuar lashtësinë që duhej të shërbente si tapi e pronësisë mbi Kosovën. Kështu kundërvihen në të tashmen dy identitete, duke u mbështeur në mitologji politiko-kulturore që e përjashtojnë njëra-tjetrën.
Identiteti i sotëm i shqiptarëve të Kosovës është sajuar në kundërvënie ndaj politikës së shtetit serb, që nga fillimi i shekullit XX. Figurat e rezistencës ndaj dhunës së shtetit serb (Azem Bejta e Shote Galica etj) do të ringjallen në Kosovë, nga fundi i viteve '60, pas rënies së Rankoviqit.
S'ka dyshim se identiteti i shqiptarëve të Kosovës i ka disa tipare dalluese ndaj shqiptarëve tjerë të Ballkanit. Analogjia me raportin arabo-palestinez, pjesërisht mund ta shpehë këtë dallim. Nuk do të ndalesha në numërimin e këtyre specifikave të shqiptarëve të Kosovës, por vetëm do të përkujtoja se ato janë sajuar nën ndikimin e ngjarjeve historiko-politike që e kanë përcaktuar ekzistencën e tyre. Rrethanat në të cilat kanë jetuar shqiptarët e Shqipërisë dhe ata të Kosovës, në shekullin e kaluar, kanë qenë të ndryshme dhe kanë kushtëzuar disa dallime mes tyre. Këto dallime janë sforcuar edhe me ndalimin e komunikimit midis tyre, gjatë një periudhe të gjatë.
Mirëpo, paradoksalisht, njëri nga momentet e rëndësishme të formësimit të mëvetësisë së identitetit të shqiptarëve të Kosovës ka qenë i ndikuar fuqimisht me ideologjinë sunduese të shtetit amë, të Shqipërisë së Enver Hoxhës, pra me një faktor jashtëkosovar. Rezistenca e brezave të tërë të kosovarëve është e ndërmjetësuar edhe me ideologjinë marksiste-leniniste të Hoxhës. Kërkesat për lirinë e shqiptarëve të Kosovës formuloheshin me gjuhën dhe frymën e një ideologjie dhe të një politike që do ta rënojë gradualisht vetë Shqipërinë. Paradoksi tragjik qëndron në faktin se kërkesa për lirinë në Kosovë ishte e ngulfatur me një ideologji që Shqipërinë e kishte shndërruar në një burg të madh: kështu një ditë mësuam, se atje kishte patur mbi katërdhjetë Mandela.
Në anën tjetër, nuk duhet harruar se identiteti kulturor e politik i shqiptarëve të Kosovës është sajuar edhe me kontributin e brezave të shqiptarëve që erdhën nga Maqedonia, Lugina e Preshevës dhe Mali i Zi, në periudhën e zhvillimit të saj më të hovshëm, në fundin e viteve '60 dhe gjatë viteve '70. Pavarësisht nga fakti se këto rajone janë quajtur e konsideruar ndonjëherë "Kosovë Perëndimore" apo "Kosovë Veriore".
Mirëpo, identiteti i shqiptarëve të Kosovës nuk reduktohet në këtë element. Në vitetet '80 dhe '90, ky identitet sajohet me kërkimin e rrugëve dhe mjeteve për t'u liruar nga shtypja e shumfishtë e shtetit serb. Vijat e këtij identiteti u formësuan rreth kërkesës për Kosovën Republikë, e pas shpartallimit të Ish-Jugosllavisë, edhe për Kosovën si shtet i pavarur. Këto kërkesa nisën të formulohen nga një horizont tjetër politik, i cilësuar me një aspiratë kah demokratizimi dhe kah evropeizmi.
Edhe mediat perëndimore nisën të perceptojnë mëvetësinë e shqiptarëve të Kosovës pikërisht përmes këtyre përpjekjeve që kërkesat për lirinë të artikullohen me një frymë moderniste. Zaten, në vitet e fundit, këto media përdornin fjalën "kosovar" për të emërtuar jo të gjithë banorët por vetëm shqiptarët e Kosovës.
Mëvetësia e identitetit të shqiptarëve të Kosovës është sajuar nëpër demonstrata e greva, nëpër kushte të jetesës në apartheid, në dhunë dhe në rezistencë ndaj kësaj dhune. Ky identitet është përvijuar e sublimuar me vepra artistike që kanë dalë nga jeta në këto rrethana, me poezitë e Ali Podrimjes, me këngët e Nexhmije Pagarushës e të Sabri Fejzullahut, me këngët folklorike dhe me rockun e Prishtinës, me skulpturat e Agim Çavdarbashës dhe me pikturat e Muslim Mulliqit.
Këto tipare të veçanta të identitetit të një kolektiviteti, të formësuara nëpër një përvojë historike, mund të ruajnë diç të vlefshme në vete vetëm nëse nuk mbesin të ngurtësuara e të mbyllura në vete, të mbyllura në moszhvillim e në jotolerancë ndaj identiteve tjera. Nëse arrijmë të zbulojmë brenda mëvetësisë së një identiteti elementet e përgjithshme të njerëzores që na lidhin me identitetet tjera.

Autori asht profesor i
filozofisë n’Universitetin
VIII të Parisit

[baobabi]

Kam lexuar shpesh per ceshtjen e bashkimit dhe Kosovari me ka pelqyer shume se i ka thene tamam si shqiptar gjerat

S'ka dy kombe nje shqiptar dhe nje kosovar porse ka nje komb dhe ai eshte shqiptar.

Dhe shume shpjet do e shihni veten nen nje organizim shteteror

Lexova edhe liderin kosovar Hashim Thaci dhe ashtu ishte shprehur kur e kishin pyetur se si e ndiente veten si kosovar apo si shqiptar.

Dhe i ishte pergjigjur hapur "Shqiptar nga Kosova"

Ka me burrerisht se kaq

Bravo i qofte, nuk kisha njohuri per te por qenka i madh

Kjo eshte koncentrat "Shqiptar nga Kosova"

Kosova ka pasur dhe ka personalitetin e vet per tu marre shembull jo vetem nga shqiptaret kudo qe jane por edhe nga vete serbet.

Ky personalitet apo identitet quaje si te duash ekziston ne kuadrin e nje personaliteti me te madh qe eshte ai shqiptar dhe qe e mbart cdo individ shqiptar kudo qe eshte.

Kam njohur nje grek, dhe nje dite me tha,

"Ke ndonje kasete me kenge shqiptare se i kam qejf. Nga ato me klarinete me gjej me tha"

U habita dhe e pyeta Nga jeti. Nga Filati me tha. E kuptova pse donte kaseta shqiptare.

Nje tjeter grek qe kam njohur me tha hapur. Gjyshi i gjyshit tim ka qene shqiptar.

Nje tjeter rast me nje maqedonas(jo sllav nga FRYOM). Ai ishte me i hapur dhe me tha se kishte kohe qe lexonte shkrime per shqiptaret dhe shqiperine.

E pyeta se pse ishte kaq i interesuar. Dua te di me tha se nga vij une se shqiptaret, nga ato qe kam lexuar, jane populli me i madh i ballkanit.
Dua te di nga jane te paret e mi dhe cili jam une.

[alumni]

Ja nje xhevahir, nga xhevahiret e ZP:

-----------------------------------
http://www.zeripopullit.com/arkiva/2...jmet/lajm3.htm

Arrestohet shqiptari jugosllav, ishte i armatosur

TIRANE - Skënder Daut Ahmetaj, 39 - vjeç, lindur në Deçan të Kosovës, me kombësi shqiptare e shtetësi jugosllave, i pa dënuar më parë, me arsim të lartë, i martuar, është arrestuar nga efektivat e policisë të Komisariatit të Policisë Nr.3. Arrestimi i këtij personi, sikurse njoftojnë burime zyrtare nga Drejtoria e Policisë Tiranë, është bërë për arsye se këtij shtetasi i është gjetur një pistoletë TT, të cilën e mbante pa leje, si dhe 14 fishekë. /ed.te.
------------------------------------------

Na doli edhe termi Shqiptar jugosllav tashti qe Kosova eshte entitet me vete, dhe vete Jugosllavia po ndryshon emrin?!?

Ja nje nga fitorjet e reja te poshtersise antikombetare!

[iliria e para]

Kosovar,Malsor,Mirditor,Dukagjins................. ....po ju a jeni nekete bote apo tjeter?!
Secila zone apo krahine shqipetare duhet te kete "kombin"e vet?
Keto ishin qellimet e armiqeve ttone,e ne a te bjem nen kurthat
e tyre?