"Te kishim ndejtur ne Shqiperi..."

[marsela]

Uhh, harrova punojne palodhur pompat e ujit...
Po kur iknin dritat aman, dhe nja dy lokale grupash kishin gjenerator...apapapapa cfare sensacioni, c'lehtesim jete, c'mrekulli ...Te pakten ndriconin pak nje copez bulevardi te shihje tek shkelje apo te ruheshe nga ndonje pllake e thyer qe mund ta shkelje pafajesisht tek cepi dhe te kercente perpjete...a po dhe nga balta-mgjse kjo e fundit eshte sezonale apo vetem nese ka vranesira...


te thuash "naten e mire" mund te jete thjesht nje pershendetje, s'do te thote domosdoshmerisht qe do kryesh aktin e fjetjes, apo jo?!...(nje tjeter ceshtje "e nxehte" kjo ne konceptimin shqiptar...)

...por me vone vendi behet sikur e ka zene kolera, sidomos ne dimer.

Antares, Yankite te japin opsionin te ikthehesh mbrapsht tek kafja, cigarja, mediokret, rrugecerit, tymi e gjithe te tjeret qe nuk i permende ti.

Oh zot ai "realizimi" juaj mes morrave te kuq ne Tiranen tuaj e kudo gjetke me ben te gajasem se qeshuri!!!
drejt re-popullimit te atij vendi fatkeq! ---------


...sikur sja vlen te zgjatet me ky diskutim po un dua ta jap konkluzionin tim(gjithmon jo per temen e Leiles por per ate qe "hapem ne"
tani qe rilexova me kujdes te gjitha shkrimet(ceshtje fiksimi..)e kuptoj se kam shkuar pak me larg se cduhej me konkluzionet.megjithate me masat duhet ti zmadhosh pak gjerat qe te kapin,marrin ate mesazh qe duhet !

ikam vecuar kto pjesezat me lart..te verteta ose jo jan me te hidhura se fjalet qe mund te thuhen per cdo vend!do thoni realiteti esht ihidhur,po un ju pergjigjem kur mundoheni ti shmangeni gjithmon atij dhe te shikoni te rregulloni veten e shtepin tuaj me mire mos flisni!
jam plotsisht dakort me zgjedhjen qe ben nje shqiptar per te studuar,jetuar punuar jasht..ndoshta dhe vete pasi te mbaroj studimet ketu ku jam mund te leviz diku tjeter po prap(edhe pse se kerkoj te njejten gje nga ju)shqiperia per mua esht vendstacioni iperhershem.
te shkruash ne kte teme duhet te perqafosh kontradiktat(me duket esht permend me lart)se ne nje ane esht dashuria per vendin e ne tjetren gjendja ne te cilen ndodhet shqiperia..po tregohuni pak me te bute,te pakten me fjale..ajo fjala embel sesht kot dhe tek e fundit perderisa ktu ska askend qe mund te bej dicka aktualisht mos mendoni se do ibeni qejfin dikujt duke then nje fjale te mire per ate vend!
thjesht sdo merzisni ato qe megjith ato kushte qe permendet perpiqen te ndertojne dicka atje dhe "ato enderrimtaret"si puna jone qe perpiqen te shohin anen e mire te medaljes per te marre forca dhe menduar se jemi ne kohe per te ndryshuar dicka..

tani serisht me parimin e "hiperboles"per te kapur aq sa duhet po kujtoj dhe ca vargje qe ikam pasur gjithmon per zemer:

moj Shqypni e mjera Shqypni,
kush te ka qit me krye ne hi
ti ke pas ken nje zoje e rand
burrat e dheut te thirrshin nane.
................
...............
po tash Shqypni pa mthuj si je?
po si ai lisi rrezuem perdhe.
shkon shqiptari siper e me kamb te shklet
e nje fjal tembel askush sta flet

spo zgjatem me dhe skam ndermend te replikoj me me askend.nese ndokend padashur e kam ofenduar ikerkoj te falur..nese ju kam bezdisur me "menyren e te shprehurit e te menduarit"serisht me falet sepse tek e fundit kam dashur te mbroj nje kauz te drejte,sa rendesi ka llafellogjia dhe "imagjinata".
edi qe te gjithe e doni Shqiperine...te metat i dime te gjithe dhe ne qe e mbrojme,beni dicka!

marsela

[darwin]

mesa pashe ketu asnje nuk e mohoi dhe hodhi balte mbi vendin e vet ...

por ama dhe dicka ketu se duroj dot .. kur njerez ... mundohen si e si te ulin nje pjese te mire te shqiptareve qe jetojne dhe punojne me nder neper bote ... ( si puna e darit dhe anteress .. kur permendin se si jetohet jeta ne usa ...dhe sarkazmen qe perdorin .. i fusin te gjithe me nje thes )

kemi reaguar ashtu per shkak te pafytyresise dhe keqdashjes qe keni shkruar..

ne rregull Pinku ?? (dhe mos thuaj dari, se mund te te pyes pastaj nese emrin(pink girl) e ke me origjine "tailandeze" !!)

[Klaraaa]

Si mendoni do jetonit nqs do ishit akoma ne Shqiperi, pra te mos kishit ikur jashte vendit. C'do ishit duke bere? Ku do ishit? Lexojme shpesh shume anetare qe thone se nje dite do kthehen te jetojne ne Shqiperi pergjithnje. Mendoni se do ishit me te kenaqur me jeten nqs do te kishit jetuar ne Shqiperi? Cfare jete mendoni se do ishit duke bere tani?

Cfare do te isha bere une ne SHqiperi????

.....Sigurisht qe do kisha marre profesion tjeter, nga ky qe kam tashti, me ka terhequr shume Gazetaria, dhe Fashion designer ....
Por duke mos jetuar atje dhe duke mos i provuar keto hobbies....nuk mund te komentoj asgje,
Por e di qe shoqeria e zgjedhur sdo me kishte munguar dhe kenaqesia e shpirtit do ishte vetem ne rruget e Tiranes..

[PINK]

ne rregull Pinku ?? (dhe mos thuaj dari, se mund te te pyes pastaj nese emrin(pink girl) e ke me origjine "tailandeze" !!)

hmmm do te pyesesh then pyet .. se ta jap une pergjigjen se cfare origjine ka ..

ok Darwin .. u take care now

[leci]

Nganjehere,nen ritmin çorodites te jetes nuk kemi mundesi te kuptojme me te vertete vleren e asaj qe humbasim.
Nganjehere eshte shume vone per tu kthyer mbrapsh,edhe sepse nuk jemi me te mirepritur.
Vendi qe kemi lene ka vdekur e kur kthehemi ne kerkojme kujtimet,miqesine e dashurine qe kemi humbur.Veshtiresi te pranojme qe nuk eshte me ai vend qe kemi lene per nje jete ,qe ja vlen te quhet jete.
Pergjigjen e kam gati po per dreq kur matem ta them sikur humbet midis mijera mendimeve qe mbushin ditet pa fund.
Nje dite do kthehem,heret a vone do kthehem.
Humba edhe pergjgjen per temen.
Te kishim ndenjur ne Shqiperi??
Une e dija qe do nderronte diçka,qe jeta do mirrte nje vijim tjeter.Isha me se i sigurte mbi kete.
Pyetje pa pergjigje..dileme

[Rebele]

Te kisha jetuar ne Shqiperi???

Do mbesja pa kepuce se do ti hynte uji ne palce e do ti bante lluca me sybet; edhe pantallonat do sherbenin si fshesa per rruget e qyteteve

s'do ekzistonte ma nocioni i name brands se ke arixhijt do bleja rroba e do thoja "Kam gjet nji mini sot, po sa cop e mire, per 2 mije leke..."

E ja ashtu sic isha do rrija 24/7 neper pube e do thoja, "Ja pra edhe ne Shqiptaret bajme jete nate."

[zebrone]

Une jetoj ne tirane edhe nuk kam ngel nai here pa kepuce pa lek e pa gjo tjeter...
Kush o ai qe mendon kshu edhe jeton jashtetit te mos mundohet andej po te vij se i pale kepuce,i pale pantallona edhe i gjo me mush barkun do ja jap une vetem kshu mos flasin per shqiperine se ai ai qe sdo me punu ktu kudo qe te shkoje parazit o edhe parazit ka me mbettt......

[Rebele]

nismetarja e temes (leila) tha shprehimisht "perdorni imagjinate"

njerzit ne Shqiperi s'do te thote se jetojne ne kushte aq te keqija; thjesht ca elemente negative qe jane te dukshme jane ekzagjeruar

[ATMAN]

Nga Florian Nuri
(per kryeministrin)
Sapo lexova lajmin se ju kishit premtuar që do t'u krijoni mundësinë studentëve shqiptarë në perëndim të gjejnë punë në administratën tuaj, u gëzova pa masë. Por pasi e përtypa mirë atë lajm, mendova se duhet pritur pak kohë para se të gëzohem. Sepse, siç e dini dhe ju vetë, premtimet e politikanëve jo gjithnjë mbahen. Dhe ngjarjet e ditëve të fundit kanë ofruar një oportunitet për ne që kemi studiuar ose që po studiojmë jashtë Shqipërisë të testojmë se sa i mbani ju premtimet. E kam fjalën për premtimin që i bëtë Lëvizjes "MJAFT!" se faljen për tragjedinë e 9 janarit do ta kërkoni nëpërmjet punës suaj për reduktimin e varfërisë. Premtim që rastisi të bëhej vetëm pak ditë para se buka të shtrenjtohej 17%.

T'ju shpjegoj juve pse ky shtrenjtim i bukës shton varfërinë, e quaj të panevojshme, sepse atë e kupton edhe shqiptari më i thjeshtë, e jo ju që, para se të futeshit në politikë, ishit një nga ekonomistët më në zë të Shqipërisë. Por, duke besuar se premtimi që bëtë për reduktimin e varfërisë ishte i sinqertë, dëshiroj të ndaj me ju konkluzionet e analizës që i kam bërë unë problemit të bukës, të cilat mund t'ju ndihmojnë në vendimmarrje.

E pandikuar nga shpjegimet që japin grupe të ndryshme interesi, analiza ime më sugjeron se nuk janë furrxhinjtë e vegjël shkaku kryesor i rritjes së çmimit. Për këtë arsye, më duket se vartësit tuaj e harxhuan kohën kot duke u marrë me ta. Atë kohë ata duhej ta kishin harxhuar me dy-tre oligarkët e importimit të grurit, të cilët mund të shkaktojnë rritje të tjera të çmimit të bukës, po nuk u vunë në fre. Gjithashtu, ca kohë vartësit tuaj duhej ta kishin harxhuar edhe me drejtuesit e papërgjegjshëm të KESH-it, të cilët me veprimet ose mosveprimet e tyre kanë ndikuar në rritjen e çmimit të bukës.

Le të shpjegohem më gjerësisht, z.Kryeministër. Nga krahasimi i çmimeve të grurit në Bursën e Çikagos, e cila është bursa kryesore në botë për këtë lloj produkti, del se çmimi (në dollarë është rritur rreth 40% gjatë dy viteve të fundit, ndërkohë që oligarkët tanë në Durrës e kanë rritur mbi 80%. Ndërsa po të afrohemi më afër Shqipërisë, në Bursën e Parisit, e cila është bursa që influencon drejtpërdrejt luhatjet e çmimit në vendet ku e blejnë grurin importuesit tanë, rritja (në euro) ka qenë rreth 30% gjatë 12 muajve të fundit, ndërkohë që në Durrës ka qenë mbi 60% për të njëjtën periudhë.

Me pak fjalë z.Kryeministër, si ta bësh analizën në dollarë e si ta bësh në euro, arrin në të njëjtin konkluzion: Dy-tre firmat që shesin grurë në Durrës e kanë rritur çmimin dy herë më tepër se ç'është rritur në vendet ku e blejnë. Dhe kjo rritje artificiale e çmimit të grurit ka ndikuar në rritjen prej 33% të çmimit të miellit të prodhuar në Shqipëri, i cili zë peshën dërmuese në strukturën e kostos së prodhimit të bukës standarde.

Shpresoj z.Kryeministër që informacioni i mësipërm të jetë i panjohur për ju, sepse përndryshe, unë, si gjithë shqiptarët e thjeshtë, do të deziluzionohesha thellë nga fakti që qeveria juaj akoma nuk ka zbatuar klauzolat e ligjit anti-monopol ndaj dy-tre oligarkëve të grurit. Gjithashtu shpresoj që ky informacion t'ju shërbejë juve si një shtysë për të futur përkohësisht në lojë Rezervat e Shtetit si importues gruri që nuk punon për fitim.

Dhe tani le t'i hedhim sytë nga KESH-i. Është e vërtetë se shpenzimet për energji elektrike zënë vetëm 15% të kostos së bukës, por kjo në kushtet kur nuk ka ndërprerje të energjisë. Ndërsa në fakt, si rezultat i ndërprerjeve të shpeshta të saj, prodhuesve të bukës që nuk kanë gjeneratorë iu duhet të hedhin në plehra një pjesë të mirë të prodhimit. Kurse ata që kanë blerë gjeneratorë ose furra me djegie të jashtme duhet të përballojnë koston më të lartë të blerjes së karburantit.

Ndërkohë, në një situatë të ngjashme ndodhen edhe fabrikat e miellit, të cilat nuk e shfrytëzojnë dot kapacitetin e tyre për shkak të ndërprerjeve të shumta të energjisë. Dhe shkaktar i kësaj gjendjeje kuptohet që është KESH-i, i cili jo vetëm nuk i furnizon rregullisht furrat dhe fabrikat e miellit, por ka dhe paturpësinë të përdorë pozitën e tij monopoliste për t'ia ngritur çmimin edhe asaj pak energjie që u jep.

Në përfundim z.Kryeministër, më lejoni t'ju shpreh edhe një herë shpresën time se ky informacion që po ju ofroj publikisht do t'ju ndihmojë në lidhje me hapat konkrete që duhen marrë për moslejimin e rritjes së mëtejshme të çmimit të bukës. Gjithashtu, më lejoni t'ju shpreh edhe një herë besimin tim për mbajtjen nga ana juaj të fjalës së dhënë në lidhje me reduktimin e varfërisë. Por më lejoni gjithashtu t'ju vë në dukje se po nuk e mbajtët fjalën, nuk duhet të befasoheni kur të shihni mijëra protestues poshtë dritareve të zyrës tuaj.

Master në Administrim Biznesi (UK)

[Mina]

, nuk duhet të befasoheni kur të shihni mijëra protestues poshtë dritareve të zyrës tuaj.
-----------------------------------------------------------------
Z Kryeminister e di mire qe pertojme te protestojme per te drejtat tona prandaj nuk e can...koken shume.