Raporti i ri i indeksit te korrupsionit, Shqiperia 108/146

[Dr Rieux]

Sot u publikua ne faqen e internetit te Transparency International raporti i ri mbi per indeksin e korrupsionit (CPI - Corruption Perception Index). Ky raport merr persiper te beje nje vleresim te korrupsionit te politikaneve dhe zyrtareve ne nje vend ashtu sic kuptohet nga njerez te biznesit, analiste dhe eksperte te ndryshem. Nota 10 per nje vend tregon mungese te plote ndersa nota 1 shakllen me madhore te korrupsionit. Shqiperia renditet e 108 bashke me Argjentinen, Libine dhe Palestinen nga 146 vende qe u konsideruan ne raport me noten 2.5. Nga vendet evropiane leme prapa Ukrainen dhe Moldavine. Ndersa nga vendet fqinje, Maqedonia dhe Serbia na kane parakaluar me noten 2.7 nga 2.3 qe e kishin para nje viti. Ajo qe me bie ne sy eshte se nota eshte e Shqiperise mbetet e njejte, e gozhduar ne 2.5, qe nga viti 2002 kur ka filluar te perfshihet ne kete renditje.

2004: nota 2.5, vendi 108 nga 146 vende
2003: nota 2.5, vendi 92 nga 133 vende
2002: nota 2.5, vendi 81 nga 102 vende

Per me teper: www.transparency.org

[i_pakapshem]

Sot u publikua ne faqen e internetit te Transparency International raporti i ri mbi per indeksin e korrupsionit (CPI - Corruption Perception Index). Ky raport merr persiper te beje nje vleresim te korrupsionit te politikaneve dhe zyrtareve ne nje vend ashtu sic kuptohet nga njerez te biznesit, analiste dhe eksperte te ndryshem. Nota 10 per nje vend tregon mungese te plote ndersa nota 1 shakllen me madhore te korrupsionit. Shqiperia renditet e 108 bashke me Argjentinen, Libine dhe Palestinen nga 146 vende qe u konsideruan ne raport me noten 2.5. Nga vendet evropiane leme prapa Ukrainen dhe Moldavine. Ndersa nga vendet fqinje, Maqedonia dhe Serbia na kane parakaluar me noten 2.7 nga 2.3 qe e kishin para nje viti. Ajo qe me bie ne sy eshte se nota eshte e Shqiperise mbetet e njejte, e gozhduar ne 2.5, qe nga viti 2002 kur ka filluar te perfshihet ne kete renditje.

2004: nota 2.5, vendi 108 nga 146 vende
2003: nota 2.5, vendi 92 nga 133 vende
2002: nota 2.5, vendi 81 nga 102 vende

Per me teper: www.transparency.org

i doesn't surprise me, nje nga pasojat me te dukshme te komunizmit

[Dr Rieux]

Ja dhe nje snapshot.

Ne te njejtin vend me Tanzanine dhe Zambian.

Eshte renditja e 2003-it. Kesaj rradhe Zambia, Gambia dhe Tanzania na kane lene pas. Ashtu si Mauritus, Trinidad e Tabago, Botswana, Nepali, Mali, Gaboni etj.

[Redi]

Ke te drejte. Postova gabimisht ate te 2003.

Ja kjo e tanishmja. Shume shtete na e kane kaluar.

[Genti^Itali]

Të gjitha vendet e rajonit si Bosnja, Maqedonia e Serbia renditen më mirë se ne.

Korrupsioni, Shqipëria më keq se 2003

Raporti i “Transparency International” e rendit vendin tonë të 108-in në 146 vende

A.Rama

TIRANE- Shqipëria vazhdon të renditet në raportet e ndërkombëtarëve ndër vendet ku niveli i korrupsionit në strukturat shtetërore dhe në administratën publike vazhdon të ngelet i lartë dhe shqetësues për ecjen e vendit përpara. Raporti i “Transparency International”, për vitin 2004 dhe i publikuar dje, nën titullin për “Për indeksin e perceptimit të korrupsionit”, e rendit Shqipërinë në vendin e 108, nga 146 vende të cilat janë monitoruar nga kjo organizatë gjatë vitit 2004. Renditja që paraqitet në këtë raport, është e konceptuar në mënyrë të tillë, që vendi që është më pak i korruptuar ndodhet i renditur i pari në listën e vendeve të monitoruara, duke vijuar më pas në mënyrë numerike. Në krye të listës së 146 vendeve qëndron Finlanda, si vendi ku korrupsioni është në nivele tepër të ulëta. Ndërkaq koeficenti i indeksit të perceptimit të korrupsionit, për vendin tonë ku është bazuar edhe renditja, paraqitet 2.5 . Krahasuar me vendet e rajonit që janë monitoruar nga “Transparency International”, Shqipëria është renditur në listë në një pozicion që paraqet nivel më të lartë korrupsioni në administratën publike dhe në strukturat shtetërore. Sipas raportit, Bosnja është renditur në vendin e 83 me një koeficent perceptimi korrupsioni 3.1, ndërsa Maqedonia, është renditur në vendin e 99, me koeficent 2.7 dhe Serbia në vendin e 101 me të njëjtin koeficent. Ndërkaq në raportin që kjo organizatë ka paraqitur në vitin 2002, Shqipëria është renditur në vendin e 81, ndër 102 vendet e monitoruara me koeficent perceptimi 2.5, ndërsa në vitin 2003 Shqipëria ka qenë në vendin e 92, ndër 133 vende të monitoruara, me të njëjtin koeficent si në vitin 2002. Sipas një llogarie të thjeshtë në vitin 2003 Shqipëria, është renditur 9 pozicione më poshtë se në renditjen e vitit 2002, ndërsa në raportin për vitin 2004, ajo është renditur 16 pozicione më poshtë se në vitin 2003. Por krahasuar me numrin e vendeve të monitoruara nga “Transparency International”, që ka ardhur duke u rritur nga viti në vit, duket se Shqipëria nuk ka pësuar përmirësime të nivelit të korrupsionit. Kjo vërtetohet edhe tek koeficienti i njëjtë i perceptimit të korrupsionit përgjatë tre viteve të monitoruara. Nga ana tjetër poshtë vendit tonë në renditje ka vetëm vende si Iraku, Palestina, Kongo, Tazhikistani, Indonezia, Gjeorgjia, Bangladeshi, Haiti etj. Gjatë publikimit të raportit shefi i “Transparency International” Peter Engen, tha se për të ndihmuar njerëzit që vuajnë nga varfëria, deri në vitin 2015, qeveritë duhet të luftojnë seriozisht korrupsionin në sektorin publik. Sipas tij niveli i lartë i korrupsionit mbërthen fuqinë vepruese të këtyre vendeve.



21/10/2004

[Dr Rieux]

Marre nga Koha Jone. Gazetat kane te drejten e tyre qe ta perpunojne vete lajmin, qofte dhe ne varesi te interesit te castit, por minimumi i etikes kerkon qe te publikoje ne origjinal burimin e lajmit.

E Premte, 29 Tetor 2004

RAPORTI I SHBA-SE: QEVERIA NANO, E KEQE

"92 per qind e te anketuarve vleresojne organet tatimore dhe doganieret si me te korruptuarit"

Organizata USAID ka publikuar sefundmi nje raport kritik per Shqiperine, sa i perket shkalles se larte te korrupsionit, krimit te organizuar dhe trafikut te qenieve njerezore. Nepermjet fakteve dhe shifrave konkrete, kjo organizate eshte perpjekur te evidentoje prezencen e ketyre fenomeneve ne jeten e perditshme te shqiptareve. Ashtu si edhe heret e kaluara, vendi yne radhitet nder shtetet e fundit te Europes, sa i perket kontrastit te ketyre niveleve duke e fokusuar serish si "nje njolle te zeze" ne Ballkan. Ne kete raport permbledhes qe ka per baze nje sondazh te kryer nga 20 eksperte te ketij institucioni, jane paraqitur nje sere rezultatesh konkrete mbi qendrimin dhe perceptimin e korrupsionit ne Shqiperi. "Ajo qe ne konstatojme eshte se ekziston nje mungese e konsiderueshme besimi tek institucionet qeveritare, mosbesim teper i madh tek partite politike, nivel teper i larte i varferise dhe nje besim mjaft i vogel se situata ne vend mund te permiresohet. Per shembull 94 per qind e publikut te gjere mendon se korrupsioni tek zyrtaret eshte i perhapur", thuhet shprehimisht ne raportin e USAID-it, ku jane pyetur 2500 persona te shtresave dhe moshave te ndryshme. Sipas ketyre konstatimeve, vendi yne radhitet nder shtetet te cilat nuk kane ndermarre asgje konkrete ne lufte ndaj ketyre fenomeneve, pervec demagogjise e sensibilizimit bosh te shoqerise. USAID thekson se berthame per kete konstatim ka sherbyer nje sondazh i zhvilluar ne Shqiperi, ne baze te se cilit paraqitet nje mungese e theksuar besimi te qytetareve se institucionet shteterore mund te bejen dicka ne kete drejtim. "Shqiptaret vec besimit tek media shprehen shume pak besim tek institucionet e tjera kryesore si qeveria, gjykatat, prokurorite, sindikatat e partite politike", nenvizohej nder te tjera ne kete raport. Por pervec renditjes se mbeshtetjes nga te intervistuarit per keto institucione, nje vemendje e vecante i eshte kushtuar dhe punes se qeverise. Pavaresisht zhgenjimit te perhapur dhe mosbesimit ne shkalle te gjere per administraten publike, gishti akuzues ne me te shumten e raste ngrihet kah ekzekutivit. "Rreth 40 per qind e shqiptareve nuk e mbeshtesin plotesisht punen e qeverise, 31 per qind e quajne ate "te keqe" dhe 18 per qind "shume te keqe", citohet ne nje paragraf te konstatimeve te USAID-it. Nderkohe, vetem 12 per qind e te anketuarve e vlereson si "te mire", punen e qeverise. Madje kjo organizate e rendit ekzekutivin shqiptar si institucionin me pak transparent ne vend, puna e te ciit orientohet kah nepotizmit dhe lidhjeve shoqerore. Ndersa sa i perket drejtesise qe japin gjykatat ndaj krimit, theksohet se ende niveli i paanshem i vendimeve qendron larg standardeve europiane. Megjithate per kete organizate nuk duhet neglizhuar fakti qe raportet e trajtimit nga gjykatat dhe prokurorite jane me negative sesa ato te policise. Por sipas ketij raporti kjo nuk do te thote se drejtesia qendron totalisht jashte ndikimit te korrupsionit dhe lidhjeve me segmentet kriminale. "Gjykatat jane institucionet me te korruptuara sot ne Shqiperi. Kjo eshte nje situate kritike qe pengon seriozisht zhvillimin shoqeror, politik dhe ekonomik te ketij shteti", thuhej ne deklaraten ne fjale. Nderkohe 61 per qind e publikut te gjere e vleresuan ekonomine si "te keqe" ose "shume te keqe". 43 per qind e te anketuarve u shprehen se situata eshte me keq se nje vit me pare.

Vleresimi

Nderkohe momenti qe vlen per t'u nenvizuar eshte pikerisht vleresimi i Presidences, si zyra me e ndershme aktualisht ne vend. Sipas USAID-it ky evidentim perben ne vetvete edhe nje opinion te mbare shoqerise shqiptare, per besimin e madh qe ka tek iniciativat e ketij institucioni. Madje ne baze te konstatimeve te raportit ne fjale, Presidenca ze vendin e pare per shkallen teper te ulet te mundesive per t'u korruptuar. Ndersa diametralisht kunder per kete organizate qendrojne organet doganore dhe ato tatimore. "Doganat dhe tatimet hyjne ne brezin e nivelit me te larte te korrupsionit dhe te pandershmerise. Nderkohe qe Presidenca konsiderohet si zyra me e ndershme ne Shqiperi", shprehet USAID. Vleresime gjithashtu jane bere edhe per median, e cila radhitet e para per efektshmerine e saj ne lufte ndaj korrupsionit. Sipas kesaj organizate roli i shtypit te lire dhe te pavarur ne vend ne kete drejtim, le prapa edhe ate te luajtur nga qeveria. "Ky vend nuk eshte ne rrugen e duhur per te arritur qellimet dhe permbushur angazhimet e marra para faktorit nderkombetar. Korrupsioni eshte problem qe duhet trajtuar nese Shqiperia kerkon te ece perpara politikisht dhe ekonomikisht", ishte konstatimi me te cilin USAID i jep fund raportit kritik te vitit 2004 per Shqiperine.

Tedi Blushi

[Dr Rieux]

Marre nga Panorama, 2.11.2004

Lavatriçet e korrupsionit

nga Andrea Stefani

U bë i treti vit radhazi që Shqipëria arrin të mbledhë vetëm 2.5 nga 10 pikë të mundshmet në Indeksin e Perceptimit të Korrupsionit (IPK) duke mbetur kështu në grupin e shteteve me korrupsion mjaft alarmues mjaft të përhapur dhe thuajse jashtë kontrollit. Por qe një reagim në përputhje të plotë me këmbënguljen dhe strategjinë tashmë të prekshme të qeverisë për të retushuar realitetin e frikshmëm me të ashtuquajturën propagandë të imazheve pozitive. Dhe është pikërisht kjo strategji e gënjeshtrës dhe jo lufta reale kundër korrupsionit, shkaku që Shqipëria prej disa vitesh nuk pasqyron asnjë progres në indeksin e përvitshëm të Transparency International. Dhe çudia është se edhe kjo ngecje disavjeçare e shtetit në kënetën e korrupsionit u interpretua nga ministri Bello si një sukses.

U bë i treti vit radhazi që Shqipëria arrin të mbledhë vetëm 2.5 nga 10 pikë të mundshmet në Indeksin e Perceptimit të Korrupsionit (IPK) duke mbetur kështu në grupin e shteteve me korrupsion mjaft alarmues. Mjerisht, ministri që drejton strategjinë antikorrupsion të qeverisë nuk ka humbur rastin të nxjerrë një konkluzion pozitiv nga ky fakt. Sipas Bellos, fiksimi i Shqipërisë në kuotën e 2.2 pikëve është thuajse një sukses, sepse tregon që situata nuk është përkeqësuar. Pra, sipas ministrit është një fitore e qeverisë që Shqipëria vazhdon të mbetet prej vitesh në grupin e vendeve me korrupsion mjaft të lulëzuar dhe nuk ka rrëshqitur më poshtë, në grupin e shteteve që kanë një tregues më të vogël se 2, që do të thotë se vuajnë nga një korrupsion epidemik. Madje, ministri nuk ngurroi të ofrojë argumenta të habitshme që justifikojnë këtë fiksim të Shqipërisë në nivelin 2.5. “Fakti që Shqipëria renditet gjithnjë nga fundi – i tha Bello gazetarëve – lidhet me faktin se gradualisht në vlerësimet e këtij institucioni (Transparency International) janë shtuar grupe shtetesh të tjerë. Nuk kuptohet nëse është kuptimi vulgar që ka ministri për Indeksin e Korrupsionit, apo është detyrimi që ka për të ruajtur me çdo kusht imazhin e qeverisë që e detyron të bëjë akrobacira të tilla alogjike. Nëse është shkaku i parë, kjo do të thotë se ministri Bello e shikon listën e shteteve në indeksin antikorrupsion si një radhë qumështi ku, për shkak se disa shtete futen pa radhë përpara Shqipërisë bëjnë që kjo të mbetet gjithnjë nga fundi. Çfarë padrejtësie! Pyetja është: po sikur në listë të jenë futur disa shtete që janë renditur menjëherë prapa Shqipërisë, a mos duhet atëherë të vemë në dyshim edhe treguesin 2.5? Ndërkaq, nëse shkaku i kësaj avokatie të cekët, pra edhe qesharake, është detyra “patriotike” për ruajtjen e imazhit të atdheut, është vetë realiteti i hidhur shqiptar që e kundërshton atë. Sepse, dukuria e korrupsionit nuk është e shkëputur nga zhvillimet ekonomike-sociale, madje edhe politike të shtetit. Edhe lufta kundër korrupsionit nuk bëhet thjesht për të përmirësuar anën etike të gjërave në një shoqëri. Puna është se korrupsioni në nivele si ato që këmbëngulin në Shqipëri, frenon zhvillimin, shton varfërinë, shkatërron mjedisin dhe duke ushqyer monopole abuzive në ekonomi dhe pushtet, krijon oligarkira që mund të vrasin demokracinë pa zhurmë dhe “me mjete demokratike”. Korrupsioni është sot kërcënimi më i madh për lirinë dhe mirëqënien e njerëzve. Jo rastësisht, në deklaratën për shtyp të Transparency International, thuhet ndër të tjera se “Korrupsioni në projektet publike të shkallës së gjerë është një pengesë shkurajuese për një zhvillim të qëndrueshëm dhe që rezulton në humbjen më të madhe të fondeve pubike aq të nevojshme për edukimin, kujdesin shëndetësor dhe zbutjen e varfërisë..” Janë varfëria masive, mizerja e sistemit shëndetësor, gërryerja e lumenjve, rrafshimi i pyjeve, anemia e sistemit arsimor apo lufta e egër politike e klaneve të korruptuara, fakte që përligjin alarmin e ngritur nga Transparency International mbi shkallën e frikshme të korrupsionit në Shqipëri dhe nxjerrin lakuriq avokatinë mëngjarashe të patriotëve të imazheve, të cilëve nuk ju dhemb shumë zemra për atdheun, por për pushtetin. Nëse dëshiron të bëjë një punë të mirë për atdheun ministri i antikorrupsionit është mirë t’i lerë apologjirat me imazhe e matrica antikorrupsion dhe të kërkojë shpjegime për çështje të tilla si: përse pas më shumë se një viti vendimi i qeverisë për bllokimin e lavatriçeve të zhavorrit që po gërryejnë lumenjtë është e pamundur të gjejë zbatim? Nuk duhet shumë mend për të kuptuar se “pengesa shkurajuese” për zbatimin e vendimeve të tilla antikorrupsion janë interesa njerëzish dhe grupesh pranë qeverisë dhe politikës që fshihen prapa këtyre “industrive” mizore. Është korrupsioni që po gërryen shtetin, ashtu sikundër lavatriçet e zhavorrit shtretërit e lumenjve. Dhe po vazhduam kështu, nuk do të ishte aspak çudi që një ditë korrupsioni ta hedhë vetë shtetin shqiptar me këmbë përpjetë, ashtu siç hodhën para pak kohësh lavatriçet Urën e Peshkatarit. E nëse qeveritarët do të këmbëngulin jo në përmirësimin e realiteteve shqiptare duke luftuar lavatriçet e korrupsionit, por vetëm në ndërtimin e një propagande që zhvillon imazhe suksesesh të rreme, kjo do të ishte fakti më domethënës se ata janë shndërruar vetë në lavatriçe të korrupsionit.
stefani_andrea@yahoo.com

[[xeni]]

i doesn't surprise me, nje nga pasojat me te dukshme te komunizmit

shume dakord...

Populli yne prej varferise ekstreme eshte kthy ne nje hajdut qe per tu bere i pasur nuk pyet per asgje. E kjo reflektohet edhe tek politikanet, qe tek e fundit prej popullit dalin.

[Dr Rieux]

Populli yne prej varferise ekstreme eshte kthy ne nje hajdut qe per tu bere i pasur nuk pyet per asgje. E kjo reflektohet edhe tek politikanet, qe tek e fundit prej popullit dalin.

E bukur kjo, dmth korrupsionin e paskemi krijuar ne ? Sepse pushtetaret duke pare qe populli eshte "i korruptuar" vendos qe sa te meret me to, me mire po "korruptohet" dhe vete.

Nuk eshte populli i varfer qe ka krijuar politikanet hajdute po politikanet hajdute qe kane krijuar popullin e varfer ne nje evolucion spiral. Pse duhet te tutet ministri kur sheh qe kryeministri deklaron si dhurate "Mercedes" dhe nje shtepi qe e paska blere me 100USD/m2 ? Po drejtori i drejtorise ne nje ministri pse duhet te kete frike te beje nje korrupsion te vogel, fjala disa dhjetra mijera dollare, me nje tender qe i vjen ne dore kur sheh eprorin qe u akuzua per korrupsion dhe qe u rehabilitua nga vete akuzuesi ? Keshtu spiralja vjen duke u ulur deri tek polici, mjeku, mesuesi, doganieri etj. Sepse ne fund te fundit peshku qelbet nga koka.

[[xeni]]

Une nuk po mbroj politikanet. Ata jane me te korruptuarit. Por, korrupsioni ne Shqiperi nuk eshte vetem ne shkallle ministrash. Edhe nepunesi me i thjeshte, qe s'ka pothuajse asgje ne dore, te sorollat sa anej ketej per nje dymijelekeshe. Atje te gjitha jane te korruptuar ore.

Korrupsioni luftohet me ligje te forta dhe me edukimin e popullit te nderthurura bashke me njera tjetren. Por ligjet i bejne te korruptuarit keshtu qe edhe po te jene te rrepta nuk i zbatojne. Ndersa per edukimin: Ne Shqiperi eshte kriju njefare mentaliteti se qellimi kryesor i jetes eshte te behesh i pasur sa me shpejt, nuk ka rendesi se me çfare menyre. Fjalet "i ndershem" dhe "budalla" i degjon shpesh te perdoren bashke dhe si zevendesuese te njera-tjetres.

Nuk diskutohet qe periudha e tranzicionit do kishte pasojat e veta por ne akoma s'kemi kalu tranzicoinin. Ne nuk jemi gjekundi, s'kemi bo asnje hap perpara.

Problemi nuk eshte vetem tek politikanet. Populli shqiptar po shkon drej nje degjenerimi dhe te gjith po i mbyllin syte. Mjaft jane akuzuar politikanet. Edhe populli ka fajin e vet.