Vace Zela

[Era1]

.................................................. ...

[Poeti]

Vaçe Zela,

Sado fjalë që të shkruhen dhe sado komplimente që të thuhen, kurrën e kurrës nuk do të jenë të mjaftueshme të tregohet fuqia, bukuria dhe porosia që këngët e të nderuarës Vaçe Zela bartnin dhe edhe sot e kësaj dite bartin me vehte.
Unë dua të flas për këngët e sajë nga prizmi i një shqiptari nga Kosova që nuk e kishte të drejtën që të ushqehej me zërin e saj, që i lirë të shijonte nuansat e bukura dhe të fuqishme që këngës ajo i jipte.
Kisha siguruar një transistor të vogël me bateri (drita elektrike nuk kishim), dhe poshtë kanapes ku flija e kërkoja Radio Kukësin, të vetmin radio stacion që emetonte program nga Shqipëria dhe që ne në Kosovë mund ta kapnim. Zëri na vinte me ndërprerje, por dëshira e madhe për të dëgjuar këngën e kulluar shqipe sikur edhe këtë pengesë e abstrahonte dhe taktet e ndërprera të këngës i lidhnim vetë duke e shoqëruar këngëtaren apo këngëtarin, lehtë me zërat tanë.
Vaçja ishte ndër të parat që na kallte mallin, që na ngriste në qiell me zërin e saj dhe që na shtynte të dëgjonim radion gjer në orët e herëshme të mëngjesit, apo gjer sa kishte program që emetohej.
Vizita e parë e një trupe nga Shqipëria në Kosovë u realizua, në mos gahem, në vitin 1979 dhe në atë trupë ishte edhe e madhja Vaçe Zela. Policia sërbe kontrollonte të gjithë ata që kishin marrë guximin të shkonin në koncert (patjetër se aty një numër i madh ishin shqipfolës, që kishin ardhur me detyrë të spiunimit) dhe ne që ishim aty, detyroheshim që edhe një herë ti ngulfatnim ndjenjat tona dhe të mos denjonim që haptas të shprehnim simpatinë dhe gëzim që kishim më këtë rast.
Numër i madh a atyre që prezentuan në koncertin e trupës nga Shqipëria përfunduan prapa grilave si nacionalist dhe morën dënime të cilat ishin tërë kohën si etiketë mbi personalitetin e tyre, gjithë kohën sa mbi Kosovën ishte qizmja e shkjaut.
Kishte shumë artist ë mirë Shqipëria, ka edhe tani, patjetër, por disi nga këndvështrimi im, këngët që Vaçe Zela dhe koleget e kolegët e sajë i këndonin kishim më shumë fuqi, më shumë porosi (tekstet ishin vërtetë të forta) kurse interpretimi i këngëve vinte nga zemra, nuk kishte komercializim të muzikës, ajo ishte muzikë që këndohej nga zemra dhe me gjithë shpirt, e në kët mes Vaçja ishte e veçantë!

[niku-nyc]

Vace Zela do mbetet legjende dhe kengetarja me e mir qe ka pas Shqiperia.

[Zana e malit]

Interviste me Vaçe Zelen, marre nga revista "FAKTI"



JETOJ ME SHPRESËN SE SË SHPEJTI DO TË VIJ NË SHQIPËRI!


Kengetare ka shume. Vaçe Zela eshte vetem nje.
Kengetaret kane zera te dnryshem por Vçe Zela kishte vendosur te matej me persosmerine.
Ajo kendonte er te kenaqur njerezit ne toke, per zerin e saj e kishin zili edhe zogjte ne qiell.

"Tani jam me mire dhe se shpejti mund te vij ne Tirane, ku dua te perqafoj me mall te gjithe shqiptaret". Keshtu eshte shprehur e mbytur nga lotet, nga Zvicra, mbreteresha e muzikes shqiptare, Vaçe Zela, e cila eshte konsideruar nga te gjithe brezat, si meteori i fatit qe i ra per pjese Shqiperise, ne vitet e zymta te diktatures. Atehere kur pjesa e prapme e tunelit shqiptar kishte vetem erresire, kenget e Vace Zeles i kenduan drites deri ne ate mase , saqe ajo vete u kthye ne nje pishtar.

Artistja e mrekullueshme e Shqiperise, me 7 Prill te ketij viti ka mbushur 66 vjec..Por Vace Zela qe prej 8 vjetesh ndodhej e semure ne nje qytet shume larg prej Shqiperise, ku trajtohej mjafte mire nga mjeket e huaj, nderkohe qe tek koka e krevatit i rinte bashkeshorti dhe e bija.
Dhe e gjithe kjo ngjarje tragjike per shendetin e Vace Zeles filloi para 7 vitesh krejt rastesisht kur ajo shkoi per te takuar te bijen e saj ne Zvicer.
Dhe pas dy operacioneve te njepasnjeshme, ylli i te gjitha epokave muzikore te Shqiperise rezultoi e paralizuar dhe e pa veten ne karrocat e spitaleve qe sherbejne per te transportuar invalidet.
Ajo qe dikur ka levizur diskun e horizontit te jetes shqiptare, tani gjendet krejt e palevizshme ne shtrat, nderkohe qe memorja e saj tanime i ka haruar shume emra shtetesh e kontinentesh. Por, emri i vetem qe mund te detyroje ate te leviz nga shtrati dhe te marre ne dore dorezen e telefonit eshte emri i SHQIPERISE , per te zhvilluar kete bashkebisedim.


- Si iu duk vleresimi per "100 kenget e shekullit"?

Vace Zela: Shume mire. Faleminderit te gjitheve. Faleminderit atyre qe nuk me harruan. As une nuk i harroj kurre.

- Si ndjeheni nje vit pas operacionit te fundit?

Vace Zela: Ca kohe isha e paralizuar, por tani ndjehem shume me mire. Kisha nje Ictus Cerebral dhe kjo me la pasoja. Mirepo tani e keqja kaloi.

- Sa iu mungon Shqiperia atje ne Zvicer?

Vace Zela: Me mungon shume. Shume shpejte do te hipi ne avion dhe do te vij. Aty kam te gjithe jeten time dhe gjithmone enderroj diten qe do te kthehem. I kam dashur te gjithe njerezit e vendit tim. Kam bere gjithcka qe kam mundur. Tani nuk bej dot asgje, sepse nuk kam mundesi.

- E mbani mend kur keni ikur nga Shqiperia?

Vace Zela: PO. E mbaj mend si tani. Ishte diell. Atje te gjithe ditet kishin diell dhe une e kujtoj gjithmone Shqiperine, si nje vend me shume drite.

- Cili ishte shkaku qe u larguat nga Shqiperia?

Vace Zela: Une nga Shqiperia nuk do te isha larguar kurre me deshiren time. Mirepo, atehere ika per te takuar vajzen time qe jetonte ne Zvicer.
E kisha parashkuar te rija disa jave e te kthehesha shpejte. Kur erdha tek vajza ne Zvicer, ndjeva disa dhimbje te lehta ne trup. Nuk doja te vizitohesha, por vajza ime tha se duhej te beja nje vizite. pastaj mjeket kerkuan te beja disa analiza dhe me thane se duhej te merrja ilaçe. ne fillim thane se ishte dicka e lehte, por nje dite me shtruan ne spital. Dhe, pasi u shtrova me operuan. Une i humba ndjenjat fare dhe, kur u permenda pas 48 oreve, ndjehesha e paralizuar. Keshtu kaluan shume kohe duke marre mjekime, drisa pata edhe nderhyrje te dyte. Tani ndjehem pak me mire dhe mjeket kane shume shpresa qe do te behem me mire.
Me kane thene se pas ca kohesh edhe mund te udhetoj.
Une kam shprese te vij ne Shqiperi.
Mbytem nga lotet kur mendoj se si do zbres ne Rinas. Flas me vellezerit dhe njerezit e mi.
I pyes gjere e gjate dhe kenaqem kur degjoj se jane mire. Ketu ku jam, degjoj shpesh edhe kenge nga Shqiperia. prekem shume prej tyre.

- A keni pasur shume shpenzime per sherimin tuaj dhe ilaçet?

Vace Zela: Nuk merrem me to, ketu i kam te siguruara te gjitha.

- Keni nevoje per ndihme financiare nga shteti shqiptar per pagesat ndaj spitaleve?

Vace Zela: Une nuk kam asnje nevoje te tille. Une dua te shoh Shqiperine dhe te vij atje ne Tirane. Te tjerat i kam te rregulluara te gjitha.

- A merrni pension special nga Shqiperia?

Vace Zela: Me mire pyesni vajzen time, se nuk merrem me ekto gjera.

- Ku punon vajza juaj?

Vace Zela: Ime bije punon ne nje vend te mire dhe merret me statistika.
Ajo dhe burri im jane kujdesur shume per mua.

- I mbani ne kasetofon kenget tuaja te dikurshme?

Vace Zela: Jo. kengetari i kendon kenget per njerezit.

- Perse?

Vace Zela: Iu a thashe. Une kenget nuk i kendova qe t'i degjoj vete. Ato i kendova per njerezit e mi dhe prekem kur me thone se ata i mbajne mend kenget e mia.

- Sa kohe keni pa i rene kitares?

Vace Zela: Shume kohe, nuk mbaj mend se sa kohe kam pa te. Duhet te mendohem ca, se fjalet nuk me kujtohen te gjitha. Ka kohe qe nuk i kam kenduar ato kenge.

- Kur keni dale ne skene per here te fundit?

Vace Zela: Ishte viti 1991. Mbaj mend se erdhem ketu ne Zvicer me nje grup artistesh nga Shqiperia. Kenduam per shqiptaret dhe nuk mund t'i harroj ato duartrokitje te fundit. Me therrin ne zemer, ngaqe e di se ika nga skena atehere kur njerezit kishin nevoje per kenget e mia.

- A besoni se gjendja ne Shqiperi do te rregullohet shpejte?

Vace Zela: Po, besoj shume. Ajo do te behet shume e mire dhe punet do te ecin mbare. PER MUA LE TE JETE SI TE JETE, SHQIPERIA ESHTE E MREKULLUESHME. Por iu lutem mos me beni te qaj.

- Si iu duken artistet e rinj te Shqiperise?

Vace Zela: Te shkelqyer. Nuk i njoh te gjithe, por muzika shqiptare i cudit te gjithe ne Festivalin Evropian. Dy here jemi prezentuar shkelqyeshem. Si te mos mburemi me vendin tone, kur edhe te huajt flasin fjale aq te mira per te?

- Iu vjen keq qe gjate jetes tuaj nuk kishit rast te kendonit neper festivale nderkombetare?

Vace Zela: S'ka gje. Une kendova per popullin tim. kendova per njerezit e thjeshte. jam e lumtur qe e bera kete. Atehere ata kishin nevoje per mua. Tani une kam nevoje per Shqiperine.

- Si e parashikoni te jete koha kur te vini ne Shqiperi?

Vace Zela: Le te jete si te jete, mjafton qe te vij.

- Cfare iu kujton kenga juaj "Lemza"?

Vace Zela: me kujtohet, ishte nje kenge shume e mire. Edhe kengetaret e tjera me te reja e kane kenduar shume mire.

- Po "Valsi i lumturise" cfare iu kujton?

Vace Zela: Ishte kenge e mrekullushme. Te gjithe e pelqenindhe e pelqejne akoma edhe sot.


****************************

- Le ti urojme se bashku sherim te shpejte veteranes se kenges se bukur shqipe, Vace Zeles dhe t'i urojme plotesim te deshires se saj te madhe per t'u kthyer sa me shpejte ne vendin e lindjes, ne Shqiperi!


ZeM

[Trebeshina]

Sherim te shpejte gjigantes se skenes shqiptare, Vace Zela! Mirenjohje pa fund per kete artiste pa limite. Ajo do te kthehet nje dite dhe te shpresojme qe personalitet e artit dhe te kultures te jene te pergatitur per kthimin e saj. Te kene pergatitur gjithcka per te festuar rikthimin e nje miti dhe jo te mjaftohen me spektakle banale sic "100 kenget e shekullit" qe si ide ishte kryeveper dhe si realizim "nje hic".Vacja meriton shume pasi ka dhene shume. Populli nje mungese serioziteti ne drejtim te saj nuk mund ta toleroje. Shendet dhe jete, e dashur Vace!

[Davius]

Një çmim i madh për legjendën e këngës. Në 45-vjetorin e Festivalit të Këngës së Lehtë, e mirënjohura Vaçe Zela është nderuar me çmimin special.

Ky vlerësim i bërë dje këngëtares së njohur shqiptare në natën gala, të organizuar në ambientet e Teatrit Kombëtar të Operas dhe Baletit. Çmimi i është akorduar këngëtares për kontributin e veçantë të dhënë për muzikën shqiptare dhe për pjesëmarrjet e veçanta qysh në vitet e para të organizimit të këtij festivali, në të cilin artistja ka rrëmbyer edhe mjaft çmime. Vaçe Zela prej vitesh jeton në Zvicër dhe në pamundësi për të qenë pjesë e Galasë së mbrëmshme, për arsye shëndetësore çmimi iu dha familjarëve të saj.

[sirena_adria]

https://www.forumishqiptar.com/threads/102082-Vace-Zela

Vaçe Zela

[sirena_adria]

84 vjet nga lindja e ikonës Vaçe Zela, dymbëdhjetë herë fituese e Festivalit të RTSH-së

Vaçe Zela ishte një këngëtare ikonë e skenës shqiptare. Ajo e filloi karrierën e saj në moshë të re dhe në vitin 1962 ishte e para që fitoi Festivalin e Këngës.


Ikona e këngës shqiptare Vaçe Zela, lindi më 7 prill 1939, me zërin e saj mahnitës e të papërsëritshëm për më shumë se 40 vjet krijoi mitin e saj të pavdekësisë, duke hyrë në zemrën e çdo shqiptari brenda e jashtë atdheut. Këngët e saj ndër vite mbeten të preferuara edhe sot nga publiku. Ajo i dhuroi publikut dhe muzikës shqiptare, zërin e saj të artë.

Me këngën “Fëmija i parë”, ajo dëshmoi se një idhull i muzikës po lindte atë mbrëmje të 26 dhjetorit të vitit 1962. Repertori i saj është shumë i pasur, numërohen me dhjetëra këngë popullore, të lehta, kantata, balada, etj.

Ajo dha një kontribut të rëndësishëm edhe në muzikën e filmit, ku ka interpretuar shumë këngë si pjesë e muzikës së filmave.

Fituese 12 herë e festivalit, Vaçe Zela fitoi famë gjatë epokës komuniste dhe iu dha titulli “Artist i Merituar” në vitin 1973 dhe “Artist i Popullit” në vitin 1977. Vaçe Zela është larguar përfundimisht prej skenës në vitin 1992.

Që nga viti 2002, Zela ka jetuar me burrin e saj në Bazel të Zvicrës, për të marrë kujdes më të mirë shëndetësor.

Ajo është e vetmja grua shqiptare e nderuar në të gjallë me Urdhrin “Nderi i Kombit” më 24 dhjetor 2002 nga presidenti Alfred Moisiu me arsyen: “Për vlerat e rralla si Artiste e Shquar, me popullaritet të jashtëzakonshëm, për interpretimin mjeshtëror të këngës së muzikës së lehtë dhe asaj popullore, për pasurinë e vyer që krijoi në shkollën shqiptare të interpretimit muzikor.”

Për nder të këngëtares, viti 2009 u shpall nga Ministria e Turizmit, Kulturës, Rinisë dhe Sporteve si “Viti Vaçe Zela”. Së fundi, edhe një rrugë në Tiranë mban emrin e saj.

Vaçe Zela vdiq më 6 shkurt 2014, në Bazel, Zvicër.


/ KultPlus.com

https://www.kultplus.com/muzika/84-n...it-te-rtsh-se/