Luan Krasniqi i jep fund karrierës

[Hyllien]

Degjova qe Don Kingu kishte thene ne fund te ndeshjes qe do i pelqente ta shikonte perseri kete ndeshje. Shpresojme te behet ketu ne Amerike ta shofim ne i her Luanin nga afer , madje duke marre dhe revanshin

[Arb]

bravo lamon from los angeles

A e ke pare kete mec?

[Arb]

Degjova qe Don Kingu kishte thene ne fund te ndeshjes qe do i pelqente ta shikonte perseri kete ndeshje. Shpresojme te behet ketu ne Amerike ta shofim ne i her Luanin nga afer , madje duke marre dhe revanshin

Duhet REVANSH!

Brewster mbeti pas fundit te mecit dhe gjate largimit te tij nga arena e boksit si nje humbes. Ate mezi e mbanin kembet. Iu desht ndihma e stafit te tij per t'i ngrene duart ne shenje fitore. Stafi i tij mbante ate ne kembe. Ai as qe shihej e as nuk ndiente veten si fitues.

Luani duhet kerkuar REVANSH!

[niku-nyc]

Shpresojm qe Don King ti japi nji shans tjeter Luanit, per nje tjeter dyluftim per titull, ket here nuk meritonte te humbte, por sporti i ka gjithnje kto gjera...

Suksese Luanit ndeshjet e tjera!

[Zana e malit]

Edhe une e kam ndjekur ndeshjen prej fillimit e deri ne fund.

Per mendimin tim, mendoj qe u be nje padrejtesi e madhe qe ne fillim te lojes nga ana e arbitrit ,pasiqe goditja ne bel e poshte tregoi qarte qe Brewster s'i respekton rregullat e ketij sporti aspak.
S'eshte puna vetem per te goditur aty ku te te thote mendja, e me kete rast Brewster e beri kete qe ne fillim dhe me e keqja eshte se iu lejua te vazhdoje lojen edhe me tej, PER FAT TE KEQ.

Luani jone luftoi pike se pari duke respektuar rregullat e sportit dhe ne te njejten kohe e deshmoi vehten se ai megjithate din te luaje/luftoje me duar te pastra; nje gje e tille s'eshte e lehte dhe mos te harrojme ate se si Luani i arriti gjithe ato fitore te deritanishme!...


Suksese ne te ardhmen LUANIT SHQIPTAR!

ZeM

[Jimy]

Kisha kohe qe e prisja me padurim nje duel te tille,ku Krasniqi do te ndeshej ne versionin WBO per titull kampion bote.Erdhi momenti ku kampioni botes Lamon Brewster pranoi ftesen per te zhvilluar ndeshjen ne Gjermani,e cila behej per 100 vjetorin e boksierit te madh Maks Schmeling.Eshte e vertete dhe duhet vleresuar gjesti teper fisnik i Lamon Brewster qe kaloi Atlantikun drejt Europes,per te ngritur ne rradhe te pare prestigjin e tij si boksjer i permasave gjigande ,po ashtu edhe moral.
Eshte hera e pare ne histori qe nje boksjer Amerikan dhe aq me teper kampion bote,shkel rregullat dhe ligjet per tu ndeshur jasht vendit te tij,dhe aq me teper nje dite te Merkure,ku tashme dihet boterisht qe ndeshjet e permasave te tilla zhvillohen vetem diten e Shtune.E gjithe kjo u be per te kujtuar te madhin dhe te ndjerin Schmeling.

Luani ndeshjen e filloi bukur,duke ndjekur nje taktik qe ishte mbajtur Top Sekret nga tranjeri i tije , e cila e befasoi kundershtarin Lamon Brewster bashke me stafin e tij ku tashme eshte teper e qarte ku shikohej nepermjet ekranit faljet e tyre,sepse i dukej e pabesueshme qe boksjeri i madh shqiptar Krasniqi e sfidonte Brewster ne çdo raund,ku edhe nga ana psikollogjike ishte me lart se kundershtari i tij, dhe kjo shikohej qarte edhe tek Brewster, tek nervozizmi i tij qe kishte kaluar çdo limit duke i shkaktuar Luanit edhe falle qe jane jashte boksimimit kohor,dhe aq me teper qe krijojne dhe pasoja per ta pasur kundershtarin ne nje kontroll te plote fizik dhe psikollogjik.
Luani me mjeshteri i tregoi Lamon Brewster dhe mbare botes, qe keni te beni me nje shqiptar qe te mer gjak ne vetull.Panvaresisht nga" humbja" Luani ngelet nje boksjer i madh qe la shenje ne katrorin e ringut profesjonist.

Nuk dua te bej komente per ndeshjen,gjithshka mund te ndodh ne boks po nje gje duhet te kemi parasysh , Krasniqi luftoi me dinjitet dhe ne shume raste tregoi fisnikerine e shqiptarit duke i dhene doren,nje gje te tille qe kundershtari i tij Lamon Brewster nuk e beri kurr.
Mbas mbarimit te ndeshjes Lamon Brewster nuk ishte ne gjendje per te mare brezin e arte,ishte teper i çoroditur dhe nuk po e besonte se çfar po ndodhte,kishte fituar apo po shikonte nje enderr.

Ndersa Krasniqi serbes levizte ne katrorin e ringut,Lamon Brewster ndodhej akoma ne gjendje teper te rende,dhe neqoftese nuk do te nderhynte stafi i tij per ta ngritur,besoj qe ate nate ai nuk do te çohej nga qoshja(kendi)qe i kishte mbetur i vetem shok besnik.

Bravo Luan, te lumte je njeri i madh ne boks,po ashtu ne shpirt dh ne zemer.

Lum ajo nene qe te ka bere.

Nderove veten,familjen shoqerine dhe kombin shqiptar.

[Davius]

Pas 9 raundeve amerikani Lamon Brewster ka mposhtur "luanin shqiptar" 29-09-2005

Luan Krasniqi, shuhet ëndrra për titull bote

Nga Hamburgu, Driton Latifi

Shuhet ëndrra për titullin kampion bote në versionin ËBO (World Boxing Organisation) e boksierit shqiptar Luan Krasniqi. Një duel që ka dhuruar emocione deri në raundin e fundit.

Janë dashur 9 raunde që amerikani Brewster të mposhte Luanin shqiptar. Por pavarësisht fitores, një boksier i pabesë është treguar amerikani Brewster në duelin e mbrëmshëm ndaj Krasniqit. Strategjia e tij për të nevrikosur kosovarin Luan Krasniqi, me gjuajte të parregullta, ka dështuar. Shumë i qetë boksieri junikas ka treguar vërtet klasin e një kampioni bote në ringun e Hamburgut. Krasniqi ka dominuar fuqishëm deri në raundin e 7-të. Në raundin e 8-të disa gjuatje të forta të Brewster, e në fund një e majtë e fortë e tij, lëkundin e Krasniqin dhe nokdauni i parë për të. Një nokdaun, që ka ndikuar në formën fizike të Krasniqit, të treguar në raundin e fundit. Në raundin e 9-të Krasniqi ka shfaqur shenja lodhjeje dhe ka boksuar krejt i pambrojtur ndaj kundërshtarit. "Fitova me një prej boksierëve më të mirë në botë,"- ka thënë në fund të duelit amerikani Lamon Brewster, duke vlerësuar paraqitjen në ring të shqiptarit Krasniqi.

Luan Krasniqi nuk e ka ndier mungesën e shqiptarëve të mërkurën mbrëma në "Color Line Arena", kur sfidoi titullin e kampionit të botës në kategorinë e rëndë të boksit profesionist të versionit WBO (World Boxing Organisation) ndaj amerikanit Lamon Brewster. Në 16.000 vendet e "Color Line Arena" të Hamburgut kanë qenë edhe shumë shqiptarë. Shqiptarëve, largësia drejt Hamburgut prej disa qindra kilometrave thonë se i është dukur shumë e afërt, duke pasur parasysh se ata ndoqën nga afër idhullin e tyre.
Qerim Balaj, nga Mynih, thotë se ka kërkuar leje nga puna vetëm sot dhe se nesër do t'i kthehet detyrës, duke shpresuar në fitoren e junikasit. "Një fitore e Luanit do të ndikonte edhe te ne shqiptarët që jemi me punë të përkohshme në Gjermani. Prandaj kam edhe një mesazh për të: "Luan, fito edhe për ne shqiptarët, që jetojmë në Gjermani dhe kudo tjetër ne Europë, që së paku një ditë të ndihemi krenarë kur të shkojmë në punën tonë të lodhshme përditë,"- tha Balaj. Ka mjaft që kanë ardhur edhe nga vendet tjera, sidomos skandinave, për të përcjellë duelin.

Fatmir Hyseni, një 38?vjeçar i cili është me punë të përkohshme në Suedi, kishte udhëtuar me disa shokë të tij vetëm për të parë duelin. "Nuk desha ta shihja duelin i qetë në shtëpi, desha të mos e lë rastin dhe ta përcjell duelin nga afër,"- tha Hyseni në momentin që po merrte biletat për duelin. Gjermanët, po ashtu, janë në përkrahje të idhullit të tyre.
Përkundër kësaj, edhe Brewster nuk mbeti mbrapa me shikues. Së paku 1000 trupa amerikane kanë qenë në mbështetje të kampionit të tyre. Ndërsa shikueshmëria nga transmetimi i duelit pritet të ketë shkuar deri në 10 milionë shikues, që nuk e ka arritur as vetë Bajerni i Mynihut, kur ka arritur suksese në kupat e Europës. Shqiptarët në orët e mbrëmjes drejtoheshin vetëm drejt një rruge, ajo që të çonte te Palestra "Color Line Arena", ku ngjyrat kuqezi të flamurit që i mbart gjithmonë Luani në veshjen e tij në ring, nuk munguan as rreth tij. Por ata nuk arritën t'i gëzohen fitores. Dëshira dhe synimi i Krasniqit për të rrëmbyer brezin e artë të kampionit të botës, mbeti thjeshtë një ëndërr...

"Bild": Mafia amerikane mund të manipulojë duelin

Tabloidi i njohur gjerman "Bild" ka tërhequr vërejtjen e mundësisë së manipulimit të meçit nga mafia amerikane. "Kohl është detyruar të krijojë mekanizma dhe të jetë i kujdesshëm, sepse me Don Kingun kurrë nuk i dihet,"- shkruante "Bild", duke u bazuar në disa vendime kontradiktore të dueleve të boksit profesionist, pas të cilave dyshohet të ketë qëndruar promotori i njohur amerikan. "Bild" tërheq vërejtjen se Luanit do t'i duhet të shënojë fitore të pastër vetëm me nokaut, sepse ndryshe gjërat mund të manipulohen. E sidomos kjo bazohet edhe në faktin se të tre gjyqtarët janë nga kontinenti amerikan. Një kanadez, një argjentinas dhe i treti nga Porto-Riko. Ndonëse Luan Krasniqi është shtetas gjerman, shumica e mediave e kanë theksuar origjinën e tij shqiptare nga Kosova.


Çfarë biseduan në takimin e tyre Luan Krasniqi dhe Maks Shmelingun?

Premtimi i dhënë Shmelingut

Luani, ndonëse të mërkurën kishte duel, deri të martën përkujdesej së bashku me vëllanë e tij që askush nga të afërmit dhe miqtë të mos mbetej pa u ftuar në "dasmën e dytë".
Teksa qëndronte në hollin hotelit "Heidelberg Marriot", në periferi të Hamburgut, i njohur më shumë për fushat e golfit, Krasniqi në një intervistë për "Sportin shqiptar" kujton premtimin që i kishte dhënë legjendarit Maks Shmeling për këtë duel.
"Takimin e kishte organizuar promotori Kohl si pjesë e marrëveshjes pas rikthimit të titullit të Europës. Ishin muajt e fundit të jetës së Shmelingut. Takimi ishte një diçka e veçantë për mua. Fjalët e tij i kam analizuar shumë gjatë dhe ai takim mund të them se ka ndikuar në personalitetin tim,"- kujton Krasniqi.
"E para gjë që më tha ishte: "Mos më quaj Shmeling. Unë për ty jam Maksi, ne jemi kolegë, bëjmë të njëjtën punë." Ai më pyeti më pas nëse po fitoja para dhe tha: "Paratë që fiton ruaji, se këta ujqit janë ata që fitojnë më shumë se në boksierët." Këtë e tha teksa po shihte nga promotori im. Unë i premtova se do ta kthej titullin në Gjermani. Ai u mallëngjye dhe më tha: "Nuk e di edhe sa kohë do të jetoj. Më vjen mirë që je vetvetja dhe që mbron origjinën nga vjen,"- kujtonte Krasniqi një ditë para duelit për titullin e botës me Lamon Brewsterin.
"E mbaj mend. Nuk mund të ecte, por u afrua te dritarja dhe ma bënte me dorë pa ndërprerë, derisa ne u larguam me autombil dhe më nuk u pamë kurrë,"- tha Krasniqi.
Shmelingu e ka fituar titullin e kampionit të botës më 1930, pasi kishte mposhtur Xhek Sharkein në palestrën "Madison Square Garden" të Nju-Jorkut. Dueli Krasniqi?Brewster u organizua në 100-vjetorin e lindjes se tij.

[Davius]

Luan Krasniqi mposhtet nga Brewster

Mbreme ne Color Line Arena te Hamburgut te Gjermanise u zhvillua meci per titull kampion bote ne verzionin WBO ndermjet Luan Krasniqit dhe kampionit aktual Lamon Brewster. Per Luanin ishte kjo hera e pare qe iu dha rasti per te boksuar per titull boteror dhe kjo duke iu falenderua punes se tij te cilen mbreme edhe e tregoi me mjaft mjeshteri. Ky mec i cili u zhvillua ne pranine e me se 13000 shikuesve nuk perfundoi as ne raundin e dyte sic premtonte Brewster por as ne raundin e 12 sic shpresonin te gjithe se nese meci zgjat me shume atehere shanset jane me te medha per Luanin.

Kjo lufte filloi shume mire ne te mire te Luanit i cilit tere kohen godiste dhe i cili po qe se meci do te shkonte deri ne 12 raunda atehere Luani do te ishte fitues pasi qe udhehiqte me pike.Nje gabim i vogel i kushtoi shume Luanit i cili kah fundi i raundit te 8 bie ne dysheme nga nje goditje e forte e kundershtarit me dore te majte.Kjo ishte edhe arsyeja te cilen trajneri i Luanit gjithnje insistonte ne bllokimin e dores se majte te kundershtarit. Fati e shpetoi ndoshta perkohesisht Luanin pasi qe rrahu gongu dhe tregoi perfundimin e raundit te 8-te. Fundi vie ne raundin e 9-te ku Brewster nuk e pat te veshtire ta godase Luanin i cili vetem rrinte me duar te poshte i rraskapitur prej perpjekjeve per tu rikthyer edhe nje here. Keshtu qe Luani u deklarua se me nuk do te mund ta vazhdonte kete mec dhe enderra per tu bere kampion bote per Luanin eshte shuar por shpresojme se jo pergjithmone.Te gjithe ata qe e kane ndjekur kete mec kane pare nje Luan te forte, nje Luan i cili nuk trembet por sulmon dhe kane pare nje Luan i cili padyshim eshte nje potencial per titull kampion bote.

Edhepse Luani nuk arriti ta ktheje titullin ne Gjermani pas 75 vjete mund te theksojme se Max Schmelling legjenda e boksit gjerman do te ishte krenar me ate qka tregoi Luani mbreme. Atdhetaret shqiptare,tifozat e flakte te Luanit ishin si gjithnje mbreme te pranishem ne salle me nje numer shume te madh. Komentatori ne kanalin ZDF e theksoi edhe nje here mbreme se shume po flitet e perflitet ne lidhje me nacionalitetin e Luanit mirepo ne fund edhe ai theksoi se eshte gjerman,mirepo definitivisht mundemi lirsiht te themi se Luani eshte nje THIKE ME DY TEHA. Shpirtin luftarak te shqiptarit dhe dokumentet e Gjermanise.

Shpresojme se Luani do te kete edhe nje shans per titull kampion bote.

Gazmend S. -Tifozat.Com

[Davius]

Në foto: Çast nga ndeshja e djeshme e boksit për titullin kampion bote, Krasniqi - Brewster, ku boksieri shqiptar është mposhtur në raundin e 9-të

[Davius]

Nje foto kur Luani ishte ne eufori, por...