Luan Krasniqi i jep fund karrierës

[DORJANBITI]

Nuka me ka pelqyer fare ndeshja .Luani eishte shume i lodhur duke mos reaguar fare ndaj gjuajtjeve te kundershtarit.Nuk boksohet keshtu . Ai nuk kishte fare grinte ,ishte nje turp i vertete.

[visari9]

ka edhe me keq se kaq

mire paske than ti Luani per veq qe humbi i kishte thyer edhe brinjet

[no name]

Na mori ftyren kete radhe :S

[Nolird]

Me te vertet me erdhi shume keq :S

[INSTINKT]

Zdi Njerz Veq Qe
Me Krahasu Meqin Kur u Re Per Kampion
Esht Diqka Qe Nuk Imagjinohet Me Meqin E Djeshit Ne Mbrembje

Para Mendoni Fitusi Ka Pas Qmimin 3 Miljon euro
Humbsi 1 Miljon Euro

Sigurisht QE Dikush Nga Luani ka Shti Far Basti Per Humbjen
Ja Mosi Se Pat Vllaun Aty
Ja Kan Kindapu a Ku Pe di NJeri Veq QE
Mbshtetja Perseri Mbetet Te Luanin Por Me Rezerv Te Ndjenjave
Se U Pregadita Para Lojes Me Pi Raki Me Festu Fitoren
Po U Desht Me Pi Per Humbjen ahahhhahhh

shnosh bre njerzi se skemi qka bojm tybe
veq qe mu shfry

tugn gjithve

[Davius]

Krasniqi mendon tërheqjen nga boksi

"Me familjen dhe miqtë do vendos nëse duhet ta vazhdoj boksimin"


Luan Krasniqi po mendon tërheqjen nga boksi. Pasi është mposhtur nga amerikani Toni Tompson, shqiptari që përfaqëson Gjermaninë ka humbur shansin të bëhet sfidanti i kampionit në fuqi të versionit WBO, Sultan Ibragimov. Përballë 7500 spektatorëve të pranishëm në sallën "Hamburg Color Line Arena", ai është bllokuar, poshtëruar dhe ka dështuar. Humbja me "knock-out" teknik, por mbi të gjitha fakti që nuk ka arritur të reagojë, ka bërë që në fund të takimit Krasniqi të fërshëllehet nga të gjithë ata mbështetës, të cilët shpresonin ta shikonin (mbase për herë të fundit), duke tentuar që të fitonte brezin e kampionit të botës. 36-vjeçari ka kërkuar që të arrijë yjet, por mesnata e së shtunës ka treguar se tashmë duhet të mendojë seriozisht për të ardhmen e tij. Boksi është një sport që nuk gënjen. "Nuk ishte dita ime dhe ende nuk e kam kuptuar pse takimi shkoi në këtë mënyrë", ka deklaruar ai. "Natyrisht që më vjen keq për spektatorët e pranishëm. Nuk arrita të tregoja asgjë, pasi për asnjë moment nuk hyra në ndeshje. Ndërprerja nga gjyqtari i sfidës m‘u duk si një lehtësim. Nuk e di se çfarë ndodhi në të vërtetë". Pavarësisht punës së fortë përgatitore, Krasniqi e kishte humbur freskinë e të boksuarit. Shqiptari ka provuar t‘u ruhej gjuajtjeve të Tompson, por një e djathtë në trup në raundin e tretë i ka shkaktuar edhe probleme në frymëmarrje. Pas kësaj, ai ka qenë vetëm hija e vetvetes. Gjyqtari i sfidës, që u zhvillua në Hamburg, ka treguar për mediat gjermane vendimin për t‘i dhënë fitoren teknike boksierit amerikan. "Që prej fillimit e vura re që Krasniqi nuk ishte mirë dhe nuk po reagonte", tha gjyqtari amerikan, Nelson. "Iu afrova në raundin e katërt dhe i kam thënë boksierit që ta mbyllja takimin, por ai preferoi të vazhdonte. Më pas, në raundin e pestë mora vendimin përfundimtar. U mundova që ta mbroja Krasniqin, pasi fillimisht duhet të mendojmë për shëndetin e sportistit". Në ato momente, mbyllja ishte vendimi më inteligjent, pasi dukej qartë që boksieri me origjinë kosovare nuk ishte në gjendje të vazhdonte. Me një fitore ai do bëhej sfidanti i kampionit rus, Sultan Ibragimov, por tani duhet të marrë vendimin e jetës. "Tashmë më duhet kohë të mendoj dhe të vendos nëse do vazhdoj të boksoj apo do të tërhiqem, ka vazhduar Krasniqi. Me moshën e madhe që kam e ndiej edhe se jam rënduar në lëvizje dhe nuk e kam më kthjelltësinë e dikurshme. Së bashku me familjen dhe me miqtë e mi do vendos se çfarë do bëj në të ardhmen". Edhe trajneri Torsten Shmitz është prekur nga humbja e sportistit të tij, gjithsesi ai ka bërë të ditur se në asnjë moment nuk do ndikonte në vendim: "Vendimin për të thënë stop do ta marrë vetëm Luani".

Gazeta SHQIP

[Cimo]

Ah mire e ke Berisha..13 milion jan pak per Top & Co

[no name]

Krasniqi: U demtova ne brinje

16 Korrik Luan Krasniqi, boksieri profesionist i peshes super te rende, dje ne faqen e tij zyrtare ne Internet ka shpjeguar arsyet e disfates me amerikanin Toni Tompson. Ne fakt, Krasniqi bashke me humbje ndaj amerikanit Tompson, te shtunen ka humbur dhe shansin per te luftuar per titullin kampion bote, te cilin ai dhe shqiptaret e kerkonin shume. Gjithsesi argumenti i pare qe jep Krasniqi per humbjen e tij, eshte fakt se nuk ka qene ne diten e tij me te mire, te cilen cdo njeri normal e perjeton. Mirepo sipas Krasniqit, cdo gje ishte pergatitur mire, qofte dhe nga prania e publikut ne Hamburg, per te mundur Tompsonin. Por gjithcka ishte jashte parashikimeve te Krasniqit e tifozeve te tij. Krasniqi beri perpjekje te dukshme qe ne filim te luftes. Por menyra e zhvillimit te ndeshjes nuk ishte e keqashme, aq sa gjyqtari e ka nderprere ndeshjen ne raundin e peste. Vete Krasniqi do te deklaronte: “Nuk isha ne gjendjen time me te mire, ndersa nuk e perballova dot kundershtarin. Tompson ishte me i mire se une”. Nder te tjera, Krasniqi ka treguar se ne raundin e dyte te ndeshjes ka pesuar nje demtim ne brinje. “Natyrisht qe me ka penguar, sepse ishin dhembje te padurueshme. Me mungonte frymemarrja e duhur, por, nga ana sportive, une jam mundur dhe e pranoj humbjen”. Dhe tashme kosovari 36?vjecar ka kerkuar disa dite pushimi, jo vetem per t’u rehabilituar, por dhe te marre vendimet e duhura. “Me duhet te rehabilitohem dhe kete humbje ta perpunoj mire. Pastaj, me te afermit e mi, do te shikojme se si do te shkoj me tej, qofte dhe per te ardhmen time”, ka mbyllur Krasniqi, qe ka pranuar humbjen me Tompsonin.

[Gurracake]

Une besoj qe ka qene plan strategjik nga Luani. Nese ky e lejon te fitoje ai amerikani, Kosoves i jepet pavaresia. Hehehhehee

[Davius]

Luan Krasniqi: Asnjëherë nuk kam trukuar ndeshje

Boksieri kosovar Luan Krasniqi humbi shansin më të mirë për të arritur në përballjen për titullin e kampionit të botës në peshat e rënda në versionin WBO. 36-vjeçari nga Juniku që bokson për ngjyrat e flamurit të Gjermanisë u mund me KO teknik në raundin e pestë të ndeshjes nga amerikani Tony Thompson. Ishte gjyqtari i sfidës së të shtunës, ai që e ndërpreu ndeshjen në këtë raund pasi pa që Krasniqi nuk po reagonte fare ndaj goditjeve të njëpasnjëshme që po merrte nga kundërshtari amerikan, i cili tashmë do të luftojë për të arritur gjerdanin e artë të versionit ËBO.Pas takimit, boksieri kosovar deklaroi se në raundin e tretë ndjeu dhimbje në kurriz dhe beson se kjo ndikoi që ai të ishte aq apatik ndaj goditjeve të Thompsonit. “Mendoj se humbja ka ardhur si rezultat i moskujdesit tim për luftën e zhvilluar. Kam dështuar në luftën në distancë dhe është krejtësisht e qartë që kam humbur. Në raundin e dytë dhe të tretë jam dëmtuar shumë keq. Pasi kam marrë goditje të njëpasnjëshme në të njëjtin vend, jam dëmtuar në kurriz. Pikërisht këtu e kuptova se nuk do të mund të dal me sukses nga ky takim” shprehet për, boksieri 36-vjeçar. Pas humbjes së tretë të Krasniqit, që ndoshta është më e hidhura e karrierës së tij në boksin profesionist, kosovari nga Juniku mendon seriozisht edhe “varjen në gozhdë” të dorezave që i ka mbajtur për shumë kohë. “Është rrugë e vështirë që pas kësaj humbje unë të vazhdojë karrierën. Me këtë moshë vështirë e kam të vendos për të ardhmen. Aktualisht nuk di se ç’farë të them. Duhet fillimisht të pushoj, të bisedoj me të afërmit e mi dhe me trajnerin për mundësinë e vazhdimit të karrierës” deklaron boksieri Luan Krasniqi. Ndërkaq, pas kësaj humbjeje të çuditshme u hodhën dyshime për ndonjë trukim të rezultatit pasi në kompanitë e basteve ishin hedhur shuma të mëdha për fitoren e boksierit kosovar pasi ky i fundit shihej si favorite kryesor i kësaj sfide. Por, Krasniqi e ka mohuar kategorikisht një gjë të tillë duke u shprehur se asnjëherë në jetën e tij nuk ka fiksuar rezultate ndeshjesh. “Ka njerëz të tillë që spekulojnë edhe për gjëra të tilla, por them me shumë përgjegjësi se në karrierën time nuk kam trukuar asnjë ndeshje. Unë e pranoj humbjen, pasi kundërshtari im ka qenë më i mirë. Nuk mbaj mend të kisha pasur ndonjë humbje më të keqe në karrierën time. Kjo ka qenë ndeshja ime më e dobët”. Më pas, boksieri kosovar flet edhe për kundërshtarin e tij dhe për mundësinë që kishte 36-vjeçari për të kthyer takimin në anën e tij. “Unë nuk e kam ditur se kundërshtari im Tony Thomposn është aq i përgatitur dhe i gatshëm që mua të më sjellë në një situatë të tillë. A e patë se ai ka qenë më superior dhe shanset e mia për të fituar kanë qenë zero. Ka pasur shanse për ta përmbysur takimin në anën time, por nuk di ç’farë ka ndodhur. Nuk e kisha vullnetin e mëparshëm për t’u kthyer në luftë edhe pas disa goditjeve të pranuara nga ana ime. Nuk është ndonjë dëmtim i madh që Thompson tani të më kërkojë mua falje, por është e vërtetë se jam dëmtuar në kurriz. Nuk e di sa serioz është ky dëmtim, por e kam njoftuar mjekun se duhet të më kontrollojë urgjent” shprehet Krasniqi. Ky i fundit ka folur më pas edhe për trajnerin e tij dhe për stërvitjen që ka zhvilluar me të për sfdiën kundër amerikanit Thompson. “Trajneri më ka stërvitur shumë mire, por unë as zero për qind nuk kam mundur ta shfaq atë që më ka mësuar trajneri” përfundon 36-vjeçari, Luan Krasniqi.

GAZETA SOT