Flamurtari #1

[zeus]

---------------------------------------------------

Skuadra vlonjate ka zhvilluar dje në Ulqin ndeshjen e parë miqësore, që e ka fituar me rezultatin e thellë 6-0. Përballë Flamurtarit u vu një ekip 18-vjeçarësh malazes, të cilin të besuarit e trajnerit Vasil Ruci e mundën me lehtësi, duke shënuar 4 gola që në pjesën e parë dhe 2 në pjesën e dytë. Në pjesën e parë shënoi 3 herë afrikani Sisoko dhe një herë Nenaj, ndërsa në të dytën Plepi dhe A.Beqiri, të dy këta të hedhur në fushë gjatë 45 minutave të dyta nga trajneri vlonjat. Në këtë mënyrë, skuadra vlonjate tregoi se është në gjendje të mirë. Trajneri Ruci aktivizoi që nga minuta e parë këtë formacion: Dine, Driza, Bedini, Guga, Sakaj, Imeraj, Kuqi, Bega, Sisoko, Dikson dhe Nenaj, ndërsa gjatë pjesës së dytë u futën në lojë Guna, A.Beqiri, F.Liçaj, F.Gjondeda, Moqi etj. Duhet thënë se nuk pati mundësi të aktivizohej mbrojtësi Behari, i cili ka pësuar një dëmtim më parë dhe nuk është ende gati për trajnerin Ruci. Të mërkurën vlonjatët do të luajnë një tjetër ndeshje miqësore, me ndonjë ekip të kategorisë së parë të kampionatit malazes.

---------------------------------------------------

[zeus]

---------------------------------------------------

Vlonjatët, të cilët po i vazhdojnë përgatitjet për fazën e dytë në Ulqin të Malit të Zi, kanë luajtur dje ndeshjen e dytë miqësore, ku fituan me rezultatin 2-0. Përballë vlonjatëve u vu skuadra malazeze Back dhe ndeshja u luajt dje në stadiumin e Ulqinit, në orën 14.00. Golat për Flamurtarin u shënuan nga dy sulmuesit vlonjatë, Nenaj dhe Guna. Të dy golat u shënuan gjatë pjesës së dytë. Trajneri Vasil Ruci e ka filluar lojën me formacionin e tij më të mirë: Dine, Driza, Behari, Bedini, Sakaj, Bega, Imeraj, Kuqi, Nenaj, Sisoko dhe Dikson, ndërsa në pjesën e dytë ai bëri 9 zëvendësime, duke filluar me portierin e ri Xhelili dhe më pas me Gugën, Mehmetin, Stratin, A.Beqirin, F.Gjondedën, Plepin, Gunën, Moqin. Kundërshtarët e vlonjatëve vinin nga kategoria e parë e kampionatit të vendit të tyre, që është si kampionati ynë, ka superligë dhe kategori të parë.

---------------------------------------------------

[zeus]

--------------------------------------------

Vlonjatët kanë përfunduar stërvitjen 10-ditore në Ulqin të Malit të Zi. Mbrëmjen e djeshme, skuadra e drejtuar nga trajneri Vasil Ruci, pasi luajti edhe një ndeshje miqësore në Kavajë me Besën, ku barazoi 0-0, është kthyer në Vlorë.

Sipas golashënuesit më të mirë të Flamurtarit dhe të kampionatit të kategorisë së parë, Madu Dikson, stërvitja ulqinake i shërbeu skuadrës në drejtim të qëndrueshmërisë në treguesit fizikë, si dhe për përsosjen e nivelit taktiko teknik. Një përgatitje e tillë ka ndikuar ndjeshëm edhe në arritjen e disa rezultateve pozitive në 5 miqësoret e zhvilluara gjatë muajit janar.

"Natyrisht që edhe gjatë periudhës stërvitore që zhvilluam në Vlorë skuadra jonë arriti një nivel të kënaqshëm. Por, kur shkuam në Uqin, në grupin tonë kishte edhe lojtarë të pariaftësuar plotësisht. Gjatë ndeshjeve të kontrollit apo miqësoreve me Apoloninë dhe Lushnjën u vunë re mangësi në treguesit taktiko teknikë. Ndërkohë, kushtet e mira të terreneve në Ulqin ndikuan ndjeshëm në rritjen graduale të skuadrës në çdo aspekt, ndaj dhe në miqësoret e fundit morëm rezultate pozitive. Gjithashtu, u bë i mundur edhe riaftësimi i shpejtë i lojtarëve, të cilët kishin pësuar më parë tërheqje muskulore. Ndonëse kemi në dispozicion edhe dy javë për t'u përgatitur për ndeshjen e parë të fazës së dytë, mendoj se Flamurtari është gati."
Ndryshe nga ndeshjet e fazës së parë të kampionatit, kur Diksoni shënonte rregullisht në fitoren e Flamurtarit, në ndeshjet miqësore 25-vjeçari nuk ka arritur ta gjejë rrugën e rrjetës, veçanërisht në ato të fundit. Megjithatë, për nigerianin ky moment nuk përbën ndonjë shqetësim, pasi ai beson se në ndeshjet zyrtare do ta bëjë mirë detyrën e tij.
"Nuk më shqetëson mungesa e golit në ndeshjet miqësore, sepse unë ndiej kënaqësi edhe kur shërbej saktë për Nenajn e Gunën, të cilët kanë shënuar. Edhe ata kanë shërbyer saktë për mua dhe më vjen mirë që kuptohemi si duhet me njëri-tjetrin, pasi kjo është më e rëndësishme. Në miqësore mundohemi më tepër t'i zbatojmë me përpikëri detyrat që na jep trajneri Ruci, pasi ato janë më tepër eksperimentale. Jam i bindur se me stërvitjen e realizuar deri tani, patjetër që do të jem në krye të listës së golashënuesve. Flamurtari kampion dhe shpallja golashënuesi më i mirë i kategorisë së parë do të përbënin një sukses të madh për mua".

--------------------------------------------

[FJORIN]

jessi89 flm hon si per pershendetjen ashtu
edhe per fjalet e tua rreth Flamurtarit.

Po ve nje poezi per Flamurtarin.... te gjetur ne nje web.

17 dhjetor tetedhjete e nente,
kjo e diel do te mbahet mend
kush e la fushen e blerte
Vasil Ruci mjeshtri me flete

Vasil Ruci ngele figure,
Vlores nuk I vjen me kurre
Shume kujtime ne na le
brez pas brezi emer ke.

I gjithe stadiumi u merzit
Plot me lot I mbyshi syte
Na e ka ,sna eka enda
Vasil Ruci;sben me nena.

Stafeten e Mexhit brigadierit
Me lat e coi Vasil xhongleri.
Nentedhjete e nente gola plot
Na I mbushe syte me lot.

Brohoret stadiumi,dhe tundet toka
E gjithe Vlora brohoret me nota
VASIL, VASIL TI JE BOTA .

Ti je bota ne Vloren tone
ti je bota ne Barcelone
ti je bota ne A.U.E
VISMUT A.U.E ,TRE GOLA KE NGA NE

Nen kampion 5 here ke dale
Vetem 1 here ne vend te pare
Te ra shorti ne kupen U.E.F.A
Barcelone ty te gjeta.

Barazim dole ne Vlore
barazim ne Barcelone
u ktheve me koken larte
tregove futbollin vlonjat.

Dikush foli poshte larte
Flamurtari do haje 7
Ja qe nuk doli ashtu
Superklubi dhesh hengri dru

Shume i fryre vjen Beogradi
Deklaron fitojme tek labi
Ja qe prape nuk ndodhi ashtu
Flamurtari i dha dru.

Goli I rrepte I Ijadhit
Eleminoi Beogradin.
Ah po erdhen dot atje ,
Pa 4 gola ;ikni nga ne .

Erdhi dita ne Beograd
Betohen do rrahin ekipin lab,
Del ne skene SOKOL DUKATI
Qe ben gol te Beogradi

100 here topin ta gjuaj
jam ne gjendje ta nenshkruaj
deklaron SOKOLI vete
se kuptoj si shkoj ne rrjete.

Vlora ne turin e trete
Se ka bere asnje brez
Me futbollin dinjitoz,
I tregove botes qe loz

Brez i arte brezi vlonjat
ansambel qe luan art.
artin e futbollit modern
ne BRAZIL e ka folene

OSMAN MULA dergon leter
Berti jepja VASILIT patjeter
mos harro jepja ne dore
ta dergon OSMAN MULA regjizor

Shume te drejte kane shkodranet
Vlora u ka gjetur anen
i thone plot 15 vjet
qe ne Vlore kane pare gazep

Me Tiranen s'te ka ecur
kampionatin ta kan hequr
me ne fund ja gjete anen
2-0 rrahe Tiranen

Po e nis sipas rradhes
qe ti hyj ne zemer taves
po e nis me portierin
dhe ta mbyll me SOKOL sprintierin

Arapi shtate larte ne porte
ka ardhur ne forme te plote
po ta rruaj kete forme
ky portier te nderron

Mbrojtjen tone e kane zili
anembane ne Shqiperi
Cipi,Taho,Iljadhi,Dema
mbrojtesa klasi te ka endrra

GjERGJI DEMA porsi skile
mbrojtes i djathte si XHENTILE
qendermbrojtesa si celik
RRAPO TEHO DHE KRESHNIK

RRAPUA floket krele-krela
eshte i shpejte si PASARELA
ILJADHI alamet djali
mbrojtes i majte si ORJALI

Mesfusha mjaft teknike
me lojtare yje drite
GJONDEDA mbi te tjere
si FALKAO timonier
te triblon me lehtesi
eshte i shpejte si PLATINI

edhe ti 18-vjecar VIKTORI
je teknik si ZHUNJORI
VASIL ZIU ,ZHIRESI i vogel
kur luan merr cmimin NOBEL

Memushi mushkrite e forta
e luan topin ne dy porta
DAULLJA ka fiziken
kur luan te kall friken
Ja dhe BUBEQI me i gjati
si SOKRATES ngjan nga shtati

I pari VASIL RUCI ne zemrat tona
luan ne fushe si MARADONA
BUBEQI par esmer
sulmues i forte si Eder

Ai eshte kali i trojes
shkodraneve u ka mmare gojen
gjithe golat qe ka shenuar
eshte koka qe e ka nderuar
plus kokes ben loje pa top
asnje mbrojtes se mban dot

Kushta po te loz
ben emer ne Evrope
sic ka qene vite me pare
nder me te miret ne 24-vjecare

I fizikshem shume i gjalle
kur luan te mer zvarre
po te njohesh aftesite e tija
me i miri qe ka SHQIPERIA

VLORA jone heroike
moj faqebardha simite
ne momente shume te renda
ti si det shperthen nga brenda

Te lumte FLAMURTARI YNE
ngule gjunje,shtyve syne
gjithe yjet e BARCELONES
ne gjunje perpara VLORES

I dhe mesim EVROPES
ti vere gishtin kokes
dhe ne jemi Evropian
ne te bukurin BALLKAN

Golin qe beri VASILI
s'ish buqete as lule prilli
ishte vule,vule dylli
rralle na e kishte pare syri

RRAPO TAHO u betua
LINEKER ke pune me mua
brez i arte je Flamurtar
VASIL RUCI ne plan te pare

Dy fjale per ty trajner
e gezofsh vendin me nder
Do te rruash ecurine ?
ne ekip vendos disipline

Disiplina ka sukses
ka fitore ka progres
ilac qe perdor gjithe bota
ku kalon provime te forta

E nisa kete rradhe me VASILIN
pa vecuar kolektivin
ky brez eshte brez i arte
brezi me i mire i futbollit vlonjat

Dhe rezervat rrine ne stol
bashke me ne bertasin GOL. GOL
FLAMURTAR ti je bota
ty zili te ka Evropa

E fillova dhe mbarrova me ty VASIL
ti per ne ishe dhe mbetesh yll
shembull merrni anembane
nga lojtari veteran...........

O rrusho po ma bere qe ma bere copy ti apo ndonj tjeter pse nuk ma nxorre dhe emrin

Byrazera Flamurtarin megjithese e grine albitrat si puna P.KOTHERES me shoke perseri Vlora cau ne futbollin Evropian qe nga Barca,P-Beogradit,Wismouth.AUE, e te tjeret me rradhe.

I love Flamurtari
Tani eshte koha e parase Pa leke nuk can dot

[zeus]

-----------------------------------------------------

Dy skuadrat pretendente për superligën, Flamurtari i vendit të parë dhe Tomori i vendit të tretë, luajtën dje një ndeshje miqësore në stadiumin e Vlorës. Kjo ndeshje përfundoi me fitoren e pastër të vlonjatëve, me rezultatin 3-0. Autorët e golave ishin Sisoko në pjesën e parë, ndërsa në pjesën e dytë shënuan Nenaj dhe F.Liçaj.

Pjesa e parë foli për ekipin vendës, që krijoi një volum të madh loje, por arriti të shënonte vetëm një gol në portën e Bytyçit, ndërsa në pjesën e dytë miqtë nga Berati u organizuan më mirë në lojë.
Trajneri Vasil Ruci aktivizoi që nga minuta e parë këtë formacion: Dine, Driza, Behari, Guga, Sakaj, Kuqi, Imeraj, Bega, Guna, Nenaj dhe Sisoko, ndërkohë që trajneri Mile iu përgjigj me Bytyçin, Aliajn, Dinon, Prelën, Lalën, Dalipin, Tomën, Arbrin, Serianin, Arrën dhe Lumnicën. Më pas, trajnerët aktivizuan të gjithë lojtarët që kishin në dispozicion, për të parë gjendjen e secilit, pasi ndeshja e parë e fazës së dytë është shumë pranë. Duhet thënë se Flamurtari luajti mirë, sidomos nga krahët e mesfushës, ndërsa beratasit hasën shumë vështirësi në këtë drejtim. Me gjithë përpjekjet që u bënë gjatë pjesës së dytë, sulmet e Tomorit thyheshin në mesfushë nga vlonjatët, kështu që portieri Dine nuk u shqetësua shumë në këtë ndeshje.
Trajneri Ruci u shpreh i kënaqur nga paraqitja e të tijve pas përfundimit të ndeshjes, duke vlerësuar anën tekniko-taktike, që është përmirësuar ndjeshëm pas përgatitores së Ulqinit. Ndërsa trajnerin Kristaq Mile e ka kënaqur më tepër organizimi i shpejtë i skuadrës, që u plotësua ditët e fundit me ardhjen e lojtarëve "jabanxhinj". Duhet përmendur loja e mirë e të riut Lumnica për Tomorin, ndërkohë që për vlonjatët nuk luajti sulmuesi Dikson, i cili po kalon një gjendje gripale.

-----------------------------------------------------

[zeus]

----------------------------------------

Flamurtari: Gjondeda, Behari, Bedini, Guga, Sakaj, Kuqi, F.Liçaj (Imeraj 46'), Begaj (Strati 46'), Nenaj, Sisoko, Dikson.

Trajner: V.Ruci

Besëlidhja: Er.Gjoka, Zenuni, Toma, Doni (Bufari 76'), Bruka, Pjetrushi (Osmanllari 85'), Ar.Kuçi (Malasi 65'), Shazivari,
En.Gjoka, Perloshi, Rrodhja.
Trajner: N.Lorenci

Shënues: Sisoko 38', Strati 83'

Gjyqtarë: K.Meta, L.Mustafaraj (Tiranë), F.Elezi (Durrës)

Kartonë të verdhë: En.Gjoka, Imeraj, Domi, Guga

Flamurtari fitoi 2-0 dje në Vlorë ndaj Besëlidhjes. Në këtë mënyrë, skuadra e trajnerit Vasil Ruci, edhe në ditën e parë të fazës së dytë, ka ruajtur serinë e fitoreve të fazës së parë. Ashtu siç e parashikonte trajneri vlonjat, skuadra e tij, qysh në javën e parë të fazës së dytë, e ka thelluar diferencën e pikëve me rivalët e saj, duke e çuar në 6 pikë dhe tani kryeson me 36 pikë. Ndonëse mungonin disa lojtarë të rëndësishëm për arsye shëndetësore, Flamurtari mundi të fitonte me Besëlidhjen me një rezultat 2-0, që mund të kishte qenë më i thellë. Dyshja sulmuese e vlonjatëve, e përbërë nga Dikson e Sisoko, gjatë 90-minutëshit të djeshëm ka qenë rreziku kryesor për kundërshtarin. Gjatë pjesës së parë vendësit triumfuan ndaj kundërshtarit, veçanërisht në aspektin fizik, ndërkohë që ishin mjaft efikasë në lojën nga krahët. Kjo mënyrë loje nxori në dritë edhe golin e parë, të shënuar me kokë nga Sisoko. Vetëm në dy momente të pjesës së parë është shfaqur rrezikshëm skuadra lezhjane, me anë të Përloshit dhe Ergent Kuçit. Në pjesën e dytë, Flamurtari e rriti ndjeshëm presionin ndaj lezhjanëve. Zëvendësimet e bëra nga trajneri Ruci, duke futur në lojë Imerajn e Stratin, sollën përmirësimin e mënyrës së lojës në mesfushë. Nenaj u shfaq i rrezikshëm disa herë para portës së Gjokës, madje në minutën e 70-të topi i gjuajtur prej tij nga distanca u përplas në traversë. Mesfushorët Sakaj dhe Nenaj shërbyen rregullisht në minutat e pjesës së dytë për Sisokon e Diksonin. Ky i fundit shënoi një gol të bukur, por gjyqtari Meta e anuloi atë. Lëvizjet me dhe pa top të Nenajt e Stratit krijuan hapësira në mbrojtjen e lezhjanëve, ndërkohë që në minutën e 83-të, Strati shfrytëzoi mirë një të tillë dhe shënoi golin e dytë për Flamurtarin. Kjo fitore i bën vlonjatët të punojnë të qetë për ndeshjet e radhës. Javën e ardhshme, Flamurtari do të udhëtojë drejt Tepelenës, për t'u ndeshur me Butrintin e Sarandës, pa u interesuar për rezultatet e skuadrave të tjera rivale. Skuadra e trajnerit Lorenci preferoi të mbyllej në zonën e saj për t'u mbrojtur, pasi gjatë pjesës së dytë shfaqi mangësi në aspektin fizik.


Vasil Ruci, trajner i Flamurtarit: "E filluam fazën e dytë me mendimin sikur të ishte fillimi i kampionatit. Bëmë më të mirën në fushë dhe fituam pastër 2-0. Megjithatë, gjatë minutave të para na u krijuan vështirësi, por më tej loja u zotërua tërësisht nga Flamurtari, që kryeson me 36 pikë."

Nikolin Lorenci, trajner i Besëlidhjes: "Nuk kishim shumë pretendime për të fituar pikë, pasi pozicioni në renditje ndërmjet dy skuadrave është në drejtime të kundërta. Futbollistët tanë bënë përpjekje, madje në 2 3 raste u shfaqën para portës së Flamurtarit, por duhet pranuar se vlonjatët aktualisht kanë një ekip mjaft cilësor. Ndeshja ishte korrekte nga të dyja palët."

----------------------------------------

[zeus]

-------------------------------------------------

Flamurtari Kastrioti 2 0

Flamurtari: E.Gjondeda, Sakaj, Driza, Guga, Guna (Veliu 90'), Kuqi, Imeraj, Strati, Nenaj, Sisoko (Plepi 90'), Dikson (Mehmeti 86'). Trajner: V.Ruci

Kastrioti: Koçi, Smajli, Turtulli, Grami, Dushku, Turdiu (Maloku 83'), Tanushi, Rustami, Hasa, Ivanaj, Progri (Caca 58', Hoxha 73'). Trajner: R.Ndreu

Shënues: Dikson 49', Guna 88'

Gjyqtarë: S.Jareci, S.Avdo, D.Rexha (Tiranë)

Kartonë të verdhë: Smajli, Hasa, Turtulli

Flamurtari ka fituar bindshëm dje me Kastriotin e vendit të dytë, me rezultatin 2 0. Kjo fitore e vlonjatëve shpreh qartë forcën e kësaj skuadre, e cila kryeson me meritë renditjen e kategorisë së parë, me 42 pikë të grumbulluara. Njëkohësisht, Flamurtari i shkaktoi humbjen e parë në kampionat Kastriotit të Krujës. Vendësit kishin si avantazh fushën dhe sportdashësit e tyre, nuk kanë nguruar të marrin inisiativën të parët, duke rrezikuar qysh në minutat e para. Si rezultat i organizimit të mirë të lojës nga krahët, me protagonist Nenajn, Gunën dhe Stratin, Flamurtari u gjend disa herë pranë golit, por nuk e gjeti atë. Kështu, Sisoko në minutën e 3-të goditi shtyllën e portës së krutanëve, ndërsa Dikson, vetëm përballë portierit Koçi ka gjuajtur në mënyrë të gabuar. Gradualisht, krutanët u organizuan, duke e ngritur ndjeshëm nivelin e lojës. Në pjesën e parë të lojës, Flamurtari ka vizituar portën e Koçit në 8 momente, ku në 6 raste Sisoko ka gjuajtur brenda kuadratit të portës, por pa rezultat. Rrezikshëm janë shfaqur edhe Dikson e Guna. Për krutanët, i pari që u shfaq në portën e Flamurtarit ishte Smajli, i cili, me një gjuajtje nga distanca, e detyroi portierin Gjondeda të grushtojë me vështirësi. Ndërkohë, edhe Progri, Hasa e Dushku kanë krijuar momente të vështira për portierin vlonjat, i cili e ka shmangur me qetësi rrezikun. Orientimet që dha trajneri Vasil Ruci në pushimin e ndeshjes kanë ndikuar në mënyrën e lojës për vlonjatët, të cilët ashtu si në pjesën e parë, e sulmuan vrullshëm portën krutane. Sisoko, në një nga këto aksione, ka shërbyer saktë nga krahu i majtë i sulmit për Diksonin, i cili gjuajti bukur me kokë, duke shënuar golin e parë. Theksojmë se Diksoni, me këtë gol, është ngjitur në krye të të listës së golashënuesve, me 11 gola, i ndjekur nga Sisoko, me 10. Pas shënimit të golit nga vlonjatët, miqtë nga Kruja reaguan shpejt nëpërmjet Smajlit, Turdiut e Dushkut. Lojtarët e Flamurtarit ushtrojnë presion, me sulme të organizuara mirë nga Nenaj. Goli i dytë, i shënuar nga Guna në minutat e fundit, ka vulosur rezultatin e këtij takimi. Në këtë mënyrë, Flamurtari ka thelluar diferencën e pikëve me ndjekësin e tij më të afërt, që tani është Apolonia. Tashmë vlonjatët duket se janë shumë pranë titullit kampion të kategorisë së parë.

Vasil Ruci, trajner i Flamurtarit: "Fituam bindshëm ndaj një kundërshtari që e konsideroj rival të fortë dhe tani kryesojmë të qetë. Në momente të veçanta, lojtarët tanë shfaqën shenja të ngarkesës psikologjike. Mendoj se edhe mungesat për arsye dëmtimi të Beharit, Begaj e Rustemit, ndikuan në lojën tonë. Humbëm disa raste të pastra shënimi, që mendoj se në të ardhmen do t'i korrigjojmë. Nuk do të lëshojmë pe për asnjë kundërshtar, pasi çdo takim për ne do të konsiderohet i rëndësishëm."

Ramazan Ndreu, trajner i Kastriotit: "Kemi zhvilluar takimin e javës së tretë me kundërshtarin më të fortë, i cili patjetër që do të hakmerrej për humbjen e pësuar në Krujë. Skuadra ime nuk luajti keq, por te lojtarët tanë u vu re tension, që i frenoi të shpreheshin më mirë."

-------------------------------------------------

[zeus]

---------------------------------------

Tirana - Flamurtari 72-88

(15-20, 16-22, 18-18, 14-18)

TIRANA: Vërria, Kostallari (21), E. Bujari, G. Bujari, M. Alibegaj (19), Çakiçi (7), Plasa (12), K. Popjankova (7), I. Përmeti (6), Shytaj, Zykaj, Nehani. Trajnere: E. Alibegaj
FLAMURTARI: Myrto (10), Rrapaj, Hila, Golemi, Gjoka, Deneko (16), Hasanaj (29), Komti (5), Demiraj, Sako (28). Trajner: V. Toska
Gjyqtarë: E. Koçi, G. Cici

Flamurtari në basketboll për femra merr kreun e renditjes në kampionat, pas suksesit të arritur mbrëmë në kryeqytet ndaj Tiranës, me rezultatin 72-88. Një fitore e merituar e skuadrës vlonjate, madje me një diferencë prej 16 pikësh, që dje luajti mirë dhe bëri më pak gabime se kundërshtari i tij kryesor për titullin. Basketbollistet e Flamurtarit, të përkrahura edhe nga rreth 30 tifozë të ardhur nga Vlora, treguan një formë të mirë, duke mos përsëritur gabimet e dy takimeve të para në "Asllan Rusi", ku humbisnin terren në periodën e fundit. Tirana u përpoq mjaft që të fitonte dhe të ruante vendin e parë, por gaboi shumë nën tabelë, si në gjuajtje (veçanërisht me Plasën) ashtu dhe në zotërimin e topave. Bardheblutë bënë shumë gabime në gjuajtje poshtë koshit, të pafalshme për një takim të tillë. Dyshja Sako-Deneko doli fituese karshi asaj Kostallari-Plasa, ndërkohë që Hasanaj ishte në një ditë të mirë, duke qenë dhe shënuesja më e mirë, me 29 pikë.
Trajneri vlonjat Toska, ashtu si në ndeshjen e fundit mes këtyre ekipeve, nuk bëri asnjë ndërrim, duke luajtur me Myrton, Hasanajn, Denekon, Komtin dhe Sakon për 40 minuta. Ndërsa trajnerja Edra Alibegaj, përveç pesëshesh fillestare, M.Alibegaj, Kostallari, Popjankova, Çakiçi e Plasa, aktivizoi edhe Përmetin, Vërrinë e Nehanin, por pa sukses. Bardheblutë kanë komandën e lojës vetëm në minutat e para të takimit, kur shkëputen 9-2, por shpejt vlonjatet rikuperojnë dhe udhëheqin 15-20 në mbyllje të periodës së parë. Spektakolare nisja e periodës së dytë, me 4 gjuajtje radhazi të sakta për tri pikë, nga dy për çdo skuadër. Diferenca mbetet e paprekur në minutat e para, por shpejt mikeshat arrijnë të shkëputen në 17 pikë, 23-40. Pjesa e parë përfundon 31-42 për Flamurtarin. Tirana nuk arrin të praktikojë siç duhet armën e saj, sulmet e shpejta, ndërkohë që çalon edhe në lojën nën tabelë. Në 10-minutëshin e tretë bardheblutë afrohen deri në 6 pikë, 49-55, por një kosh i Denekos në sekondën e fundit rikthen diferencën në 11 pikë, 49-60. Mirza Alibegaj nuk heq dorë dhe disa herë e ngushton rezultatin, ku së bashku me Kostallarin janë më të mirat te Tirana. Por Hasanaj e Sako kundërpërgjigjen mirë dhe nuk lënë që diferenca të ngushtohet (mirë edhe Myrto e Komti). Mbulimet e rrepta në mbrojtje dhe veprimet e sakta sulmuese i japin mundësi Flamurtarit të rrisë sërish diferencën në çastet e fundit, duke fituar 72-88.

---------------------------------------

[zeus]

------------------------------------------------------------

Egnatia - Flamurtari 0-1

Egnatia: Kocali, Sufaj (Voja 46'), Hysenaj, Hoxha, Topi, Çeka, Fosa, Maho, Osmani (Ypi 46'), Rexha, Elezi (Hasalliu 82').
Trajner: S.Branica

Flamurtari: Gjondeda, Bedini, Driza, Kuqi, Sakaj, Guna, Strati Nenaj (Liçaj 80'), Guga, Dikson (Mehmeti 87'), Sisoko (Rustemi 88'). Trajner: V.Ruci

Shënues: Nenaj 15'

Gjyqtarë: P.Lapi (Shkodër), E.Miho, F.Lamaj (Durrës)
Kartonë të verdhë: Nenaj, Dikson, Bedini, Hysenaj, Sakaj

Takimi midis kryesuesve të Flamurtarit dhe Egnatias ishte pritur me shumë interes nga të pranishmit në fushën sportive të Rrogozhinës. Kjo për të parë formën dhe vlerat e këtij Flamurtari me emra superlige, si Behari, Driza, Nenaj, Sisoko, Guna, Kuqi e mjaft të tjerë. Te kjo përbërje ishte bazuar edhe egoja e vendësve për ta fituar këtë sfidë. Egnatia humbi, ndonëse krijoi shumë raste. Që në fillim duhet të themi se terreni i rënduar nuk i la të dy ekipet të shfaqeshin me të gjitha vlerat e tyre. Kjo gjendje e terrenit i kushtoi më shumë ekipit vendës, që kërkonte një rezultat pozitiv. Miqtë nga Vlora, falë një gabimi të mbrojtjes vendëse, nuk falën dhe përvoja e Nenajt solli golin e vetëm për Flamurtarin. Pas pësimit të golit, rrogozhinasit e shpërngulën lojën në fushën e miqve, duke kërkuar patjetër të shënonin golin e barazimit. Nuk munguan rastet për Rexhën dhe Elezin, të cilët patën disa situata të favorshme. Në këto aksione, në një terren jo të përshtatshëm, ra në sy grinta dhe përgatitja fizike e sulmuesit Rezart Maho, i cili ishte një shtysë e fortë për vendësit. Trajneri Branica, me fillimin e pjesës së dytë, kërkoi ta forcojë sulmin, duke futur në lojë veteranin Ypi. Këmbëngulja e Egnatias vijoi edhe në pjesën e dytë, por pa mundur ta ndëshkojë ish-portierin e saj për dy vjet me radhë, Erald Gjondeda, i cili shpesh doli fitues në luftën në ajër. Edhe në këtë pjesë, disa herë Rexha dhe Elezi, e në një rast Ypi, për pak sa nuk barazuan. Përpjekjet e rrogozhinasve vazhduan deri në minutën e 90-të, por pa mundur ta barazonin atë gol të vlonjatit Nenaj. Ndërkohë, vlonjatët, falë ekpesriencës së tyre, ditën jo vetëm ta mbronin fitoren, por nuk harruan të kundërsulmonin rrezikshëm në disa raste. Vetëm se terreni i rënduar nuk i lejoi sidomos dy sulmuesit Sisoko dhe Dikson të shfaqeshin me vlerat e tyre të plota. Në disa raste, të dy këta sulmues plot grintë shfaqën shenja nervozizmi. Me gjithë rastet më të shumta, rrogozhinasit nuk u shpërblyen në fund. Ishte një lojë mjaft e mirë dhe e duartrokitur e vendësve, që përballë kishin një ekip që me meritë kryeson renditjen. Para së gjithash, loja e Egnatias edhe në këtë takim ishte në linjën e lojërave të mira që ekipi ka shfaqur në fazën e dytë. Humbja mund të ishte evituar, ndërkohë që vlonjatët, nga ana e tyre, nuk ishin ndoshta të favorizuar nga terreni për të treguar vlerat që kanë shprehur gjatë gjithë këtij kampionati. Ashtu siç tha edhe trajneri Ruci, në lojën e vlonjatëve ndikuan jo pak edhe mungesat e lojtarëve "kyç", si Behari, Ymeraj e Bega.


Sokol Branica, trajner i Egnatias: "Jam i kënaqur nga loja që zhvilloi ekipi, pavarësisht humbjes. Krijuam një volum të madh loje dhe më shumë se Flamurtari, si në pjesën e parë ashtu edhe në të dytën. Duke pasur parasysh kundërshtarin që kishim përballë, vlerësoj nivelin që paraqitën futbollistët tanë. Nëse terreni do të ishte më i mirë, ndoshta loja jonë, por edhe e Flamurtarit, do të ishte më argëtuese dhe mund të kishte më shumë gola."

Vasil Ruci, trajner i Flamurtarit: "Ishte një fitore e merituar. Kundërshtari na vuri në vështirësi, kjo edhe për shkak të terrenit të rënduar nga shirat. Ishte një lojë fair play, për të cilën isha shprehur plot besim edhe para takimit. Me këtë fitore vijojmë të shkojmë drejt objektivit tonë, që është ruajtja e vendit të parë dhe superliga."

------------------------------------------------------------

[zeus]

----------------------------------------

Flamurtari Laçi 1-0


Flamurtari: Gjondeda, Behari, Driza, Sakaj, Imeraj, Kuqi, Guna (F.Liçaj 85'), Strati (Veliu 73'), Nenaj, Sisoko, Dikson (Rustami 57').
Trajner: V.Ruci

Laçi: Vashaku, Kaçi (Berberi 70'), Gjini, Xhixha, Nina, Sefgjini, Malluta (Nikolli 53'), Kadillari, Kastrati, Begolli, Udeke.
Trajner: S.Bardhi

Shënues: Dikson 26'

Gjyqtarë: A.Janku, D.Rexha (Tiranë), P.Gaxho (Gjirokastër)

Kartonë të verdhë: Kastrati, Malluta

Flamurtari arriti një fitore të ngushtë dje në fushën e tij, ku priti Laçin. Fitorja minimale 1-0 ishte pa shkëlqimin e zakonshëm në lojën e vlonjatëve, të cilët në pjesën e dytë edhe mund të ishin ndëshkuar nga kundërshtari. Laçi shpesh është vlerësuar modest, por që në ndeshjen me Flamurtarin ai u shfaq si një ekip i përgatitur fizikisht dhe taktikisht. Pas një fillimi të mbarë të fazës së dytë, skuadra e trajnerit Vasil Ruci në dy ndeshjet e fundit po e gjen me vështirësi rrugën e rrjetës. Fillimi i lojës në takimin e djeshëm foli për vlonjatët, të cilët me anë të Nenajt, Sisokos, Diksonit, Imerajt dhe Kuqit, u shfaqën rrezikshëm para portës së Vashakut. Ishte minuta e 26 të, kur Dikson shënon golin e vetëm të takimit, pas një aksioni model të nisur nga kapiteni Driza dhe të pasuar nga Nenaj, i cili dha një asist për afrikanin. Ky i fundit mposhti portierin Vashaku, duke i dhënë tripikëshin Flamurtarit. Gjatë gjithë pjesës së parë, kontributi i dy mesfushorëve Strati dhe Guna ishte i dukshëm në drejtim të repartit të sulmit, por në shumë raste laçianët u mbrojtën fort me Kaçin, Xhixhën dhe Gjinin. Skuadra kurbinase rrezikoi në portën vlonjate vetëm në minutën e 27-të, por gjuajtja e Kadillarit me kokë u neutralizua nga Gjondeda. Në pjesën e dytë, me gjithë përpjekjet e bëra, Flamurtari nuk mundi ta dyfishonte rezultatin, madje u detyrua të tërhiqet në disa raste në mbrojtje për shkak të presionit të kundërshtarit. Ndoshta në lojën pa shkëlqim të Flamurtarit në pjesën e dytë ndikoi nënvlerësimi i kundërshtarit, pasi u vu re një farë tërheqjeje dhe krijimi i hapësirave për lojtarët kundërshtarë. Alarmin për vlonjatët e dha sulmuesi Nikolli, i cili në minutën e 53-të gjuajti rrezikshëm në portën e Gjondedës. Në minutën e 75-të afrikani Udeke ishte pranë golit të barazimit, por ndërhyrja e Drizës dhe e portierit Gjondeda larguan rrezikun nga porta e Flamurtarit. Në këtë pjesë, repartet e Flamurtarit kanë vepruar të shkëputur nga njëri tjetri. Edhe zëvendësimet e bëra nga trajneri Ruci nuk dhanë ndonjë rezultat konkret. Gjithsesi, fitorja me Laçin ka vlerën e tri pikëve dhe ruan diferencën me rivalët më të afërt.

Vasil Ruci: "Të gjitha ndeshjet e kampionatit janë të rëndësishme, por ka edhe raste si ai i sotmi me Laçin ku lojtarët lëshojnë në fragmente të veçanta të lojës. Skuadra nuk luajti mirë, pavarësisht se fitorja ka vlera. Në të ardhmen na del detyrë të korrigjojmë mungesat e vërejtura, pasi kampionati tani e tutje vështirësohet."
Sinan Bardhi: "Jam shumë i kënaqur nga loja e skuadrës. Më entuziazmoi mikpritja e vlonjatëve dhe duartrokitjet e tyre për lojën e mirë të Laçit më dhanë kurajo. Loja u zhvillua e bukur dhe me rivalitet, ku Flamurtari në pjesën e dytë lëshoi pak. Gjithsesi, Vlora e meriton plotësisht superligën, ndërsa Laçi do të jetë patjetër në kategorinë e parë dhe sezonin tjetër."

----------------------------------------