Flamurtari #1

[zeus]

---------------------------------------------

Keto jane pjese te marra nga Gazeta Sporti ne fakt. Aty nuk ka asnje koment personal. Thashe te jepja kontributin tim per ata qe jane te interesuar per Flamurtarin, po here tjeter do te marr leje ty para se te shkruaj!

Sa per Tomorrin dhe Flamurtarin nuk ka krahasim! Anetaret e forumit e kane te qarte qe Tomorri ka me shume tradite dhe histori ne futboll ...

---------------------------------------------

[Io_e_Te]

s'ka ci duhet Vladimir Grillos t'behet forumist!shoh qe gjerat ecin per se mbari

p.s:s'para mar ere shum nga Flamurtaret me shoke(ama Vladimir Grillon e njoh
eca thjesht ne gjurmet e miqve te vjeter(pershendetje Zeus!

sorry per devijmin!
gjith te mirat

[zeus]

---------------------------------------------

Edhe une te pershendes!

---------------------------------------------

Ndryshe nga shumë skuadra të superligës dhe të kategorisë së parë, stafi teknik i Flamurtarit po punon mjaft mirë për përgatitjen e elementit të ri. Stërvitja e Flamurtarit ka vazhduar normalisht, madje edhe në fundjavë, sepse kampionati i kategorisë së parë është ndërprerë.

Një pjesë e stafit teknik, me në krye drejtorin teknik Përparim Lushaj, në fundjavë e përqendroi vëmendjen te ndeshjet e të rinjve, paratërinjve dhe ato të ligës amatore. Kjo metodë pune është ndjekur nga drejtuesit vlonjatë edhe sezonin e shkuar.
Si rezultat i saj, në formacionin e Flamurtarit aktualisht aktivizohen të rinjtë Aldo Guna, Bledion Guga, Taulant Kuqi, Arlind Rustemi, Halim Bega, Ermal Moqi, Olti Beqiri.
Ish-futbollistët e viteve '80-'90, Sokol Kushta, Përparim Lushaj, Vasil Ruci, Eqerem Memushi, Latif Gjondeda dhe Theodhori Rama, të cilët përbëjnë stafin drejtues të skuadrës bregdetare, kërkojnë që me këta të rinj dhe të tjerë të përgatisin Flamurtarin e së ardhmes në superligë.
Drejtori teknik Përparim Lushaj, pasi ka ndjekur nga afër ndeshjen e ligës amatore, Flamurtari-Apolonia, u shpreh:
"Flamurtari ka në përbërjen e tij shumë djem të rinj, të përgatitur në shkollën vlonjate të futbollit. Strategjia jonë është të përgatisim Flamurtarin e superligës dhe për këtë duhen lojtarë të rinj, që premtojnë."

Stafi vlonjat po i kushton vëmendje dhe të riut Ermir Imeraj, i cili vjen nga jashtë. Vlonjati Imeraj po kryen fazën e plotë përgatitore, për të qenë i gatshëm, sipas drejtuesve të skuadrës, për fazën e dytë të kampionatit. Gjatë ditëve të fundit, drejtuesit e Flamurtarit, pas bisedimeve me presidentin e Partizanit Albert Xhani, kanë bërë të mundur kthimin e 19-vjeçarit të talentuar Arbër Abilaliaj.
"Po, është e vërtetë që sulmuesi Abilaliaj, nga dita e hënë, do të fillojë stërvitjen me Flamurtarin, pasi kemi rënë dakord me presidentin Xhani që ai të federohet me Flamurtarin. Puna për afrimin e të rinjve të talentuar te Flamurtari do të vazhdojë edhe në të ardhmen," - ka thënë Lushaj.

---------------------------------------------

[zeus]

------------------------------------------------

Flamurtari - Tepelena 4 :1

Flamurtari: Gjondeda, Çela, Behari, Bedini, Imeraj, Kuqi (D.Hoxha 70'), Sakaj (Moqi 71'), Begaj, Guna, Dikson, Sisoko.
Trajner: P.Lushaj

Tepelena: Kocali, Beshaj, Delibashi (Sheka 46'), Gaba, Kasneci, Zhupa, Heqimaj, Bilaj, Karamani, V.Xhafa, Ruçi.
Trajner: A.Ymeri

Shënues: Dikson 26', 68', Guna 50', Bedini 60', Gaba 64'
Gjyqtarë: S.Velçani (Patos), S.Zeka, M.Dervishi (Shkodër)
Karton i verdhë: Heqimaj

Një numër i madh golash, 5 të tillë, janë shënuar dje në takimin
Flamurtari Tepelena, që u fitua nga vlonjatët 4-1. Të dyja skuadrat kishin kohë që përgatiteshin për këtë ndeshje, pasi kampionati i kategorisë së parë u ndërpre për dy javë. E veçanta e takimit të djeshëm kishte të bënte me mungesën në stol të dy trajnerëve, Vasil Rucit të Flamurtarit dhe Ilir Selimit të Tepelenës, të cilët janë dënuar nga komisioni i disiplinës në FSHF. Gjithsesi, këto mungesa nuk kanë sjellë të papritura dhe as nuk kanë prishur parashikimin e fitores së vlonjatëve. Duhet të theksojmë se minutat e para të këtij takimi ishin të barabarta, me një lojë të përqendruar në mesfushë nga të dyja skuadrat. Pas minutës së 10-të, lojtarët e Flamurtarit janë shfaqur para portës kundërshtare, falë një organizimi më të mirë të lojës të mesfushorëve të krahëve Sakaj dhe Begaj, si dhe pas pasimeve të sakta të Gunës. Përgatitja e manovrës sulmuese të vendësve u ka shkuar për shtat të dy sulmuesve me ngjyrë Dikson dhe Sisoko, të cilët kanë shpërdoruar shumë raste, pavarësisht se rezultati përfundimtar ishte i thellë në favor të skuadrës së tyre. Gjithsesi, po të mendojmë se rezultati nuk u thellua më tej, merita i takon portierit Kocali, që me disa pritje mjaft të vështira është bërë shpëtimtar i skuadrës tepelenase. Minuta e 26-të solli golin e parë të Flamurtarit, të shënuar nga Dikson, i cili realizoi në pjesën e dytë edhe golin e fundit të ndeshjes.
Pushimi duket se u bëri mirë vlonjatëve, që u shfaqën më këmbëngulës në 45 minutat e dyta. Pas fillimit të pjesës së dytë, vlonjatët trefishuan rezultatin me Gunën dhe Bedinin, ndërsa goli i nderit për Tepelenën u shënua nga Gaba. Tepelena u mundua të bënte një qëndresë të fortë në Vlorë, por lojtarët e saj nuk mundën ta bënin një gjë të tillë përballë vlonjatëve të karikuar.

Sporti
------------------------------------------------

[FsHaTaRi]

Lol ecc aty e paskemi kap veten

Flamurtari Flamurtari Flamurtari Ole Ole oleeeeeeeeeeeeeeeee

[Dr Rieux]

Pyetje (pa kunj) per tifozat vlonjate: a ka dale ndonjehere Flamurtari kampion ne Shqiperi? Nqs po ne cfare viti ? Me sa di une ka dale shume here i dyti po asnjihere i pari. Po pys se ne shkolle te mesme kemi pas debatu me nje shokun tim nga Vlora qe pretendonte qe Flamurtari ka dale njehere kampion.

[zeus]

--------------------------------------

1990-1991

--------------------------------------

[Dr Rieux]

Po e drejte qenka. Paska luajtur me Goterborgun ne Kupe te kampioneve, 0-0 ne Suedi, 1-1 ne Vlore.

[zeus]

-----------------------------------------------------------------

Java e shtatë e Kategorisë së Parë e luajtur dje ka sjellë ndryshime në kreun e renditjes. Kështu, në supersfidën e luajtur në stadiumin e Beratit midis Tomorit kryesues dhe Flamurtarit të vendit të dytë, triumfues kanë dalë miqtë që kanë arritur të fitojnë me meritë 2-1. Në fakt, ekipi vlonjat ka bërë një lojë mjaft të bukur, duke kënaqur edhe spektatorët e shumtë të mbledhur në stadiumin beratas. Gjithsesi, rezultati është zgjidhur pas mesit të pjesës së dytë.
Në minutën e 71-të, Guma kalon në avantazh kuqezinjtë, ndërsa katër minuta para përfundimit nigeriani Dikson dyfishon shifrat. Goli i Çerçizit në minutat shtesë nuk sjell asnjë ndryshim. Kësisoj, Flamurtari ngjitet në vendin e parë me 18 pikë, duke lënë në vendin e dytë pikërisht Tomorin me 16 pikë.

-----------------------------------------------------------------

[GeNi_25]

Urime, urime Vlora, por shume shpejt do ta shikoni veten ne vend te dyte, nuk vjen kreu me nje fitore