Flamurtari #1

[zeus]

-----------------------------------------

Flamurtari - Skënderbeu 126-101
(37-22, 35-25, 29-28, 25-26)

Një ndeshje spektakolare ajo midis Flamurtarit dhe Skënderbeut në basketboll për femra luajtur dje në Vlorë, ku gjithsej u shënuan 227 pikë dhe shifrat përfundimtare të lojës kanë qenë 126-101. Ky është rekordi i ri i pikëve të realizuara në një ndeshje femrash këtë kampionat. Të dyja ekipet luajtën hapur gjatë gjithë kohës, duke u mbrojtur jo mirë, por duke qenë rezultative në sulm. Skuadra vlonjate e siguroi epërsinë që në pjesën e parë, duke u shkëputur 37-22 në periodën e parë dhe pjesa e parë u mbyll 72-47. Në 20 minutat e dyta korçaret e ngushtojnë disi diferencën, por loja kontrollohet gjithnjë nga vlonjatet, që fitojnë 126-101. Flamurtari rikthehet sërish në vendin e parë pas këtij suksesi.

-----------------------------------------

[Deni_Boy]

E ke Myt lale si sje lodh

[zeus]

------------------------------------------------

Flamurtari: Dine, Driza, Behari, Sakaj, Kuqi, Imeraj (F.Liçaj 60'), Guna (Sisoko 42'), Bega, Nenaj (Beqiri 64'), Dikson, Strati. Trajner: V.Ruci

Tomori: Bytyçi, Fani, Aliaj (Kuçi 70'), Dino, G.Arbri, Peshtanaku, Prela, Dalipi (Kurti 70'), Lako (Shinko 71'), P.Arbri, Lamnica. Trajner: K.Mile

Shënues: Nenaj 30', Sisoko 48', 50', Dikson 61'

Gjyqtarë: E.Peza (Tiranë), F.Elezi (Durrës), I.Alla (Lushnjë)

Flamurtari ka fituar me rezultatin e thellë 4-0 ndaj Tomorit. Ndryshe nga sa ishte parashikuar, 90-minutëshi ndaj beratasve ka kaluar pa shumë vështirësi. Skuadra e Vasil Rucit është shfaqur e papërmbajtur në aksionet e përhershme sulmuese ndaj një kundërshtari që shpreson për t'u renditur në 4-shen më të mirë, por që i mungoi forca e duhur për të arritur rezultatin pozitiv. Në pjesën e parë, veç golit të parë të shënuar nga Nenaj, Flamurtari ka pasur edhe shumë raste të tjera, por Dikson, Sakaj dhe Bega nuk ishin të saktë. Ndërkohë, vetëm në dy momente i është afruar portës së Dines Tomori, me anë të G.Arbrit dhe Lakos. Në pjesën e dytë gjithçka ka qenë nën administrimin e vlonjatëve, të cilët shënuan edhe 3 gola të tjerë. Në këtë pjesë loje, skuadra e Tomorit, veç dy gjuajtjeve të Lamnicës, nuk mundi të bënte asgjë. Ndërkohë që Sisoko, i cili u fut në lojë në minutën e 42-të, në harkun kohor të 2 minutave, ka shënuar dy gola, duke e thelluar rezultatin në 3-0. I furishëm në depërtimet brenda zonës së kundërshtarit, nigeriani Dikson ka shënuar edhe golin e 4-t për Flamurtarin në minutën e 61-të, pasi në momentet e tjera portieri Bytyçi ka ditur ta frenojë atë. Ishte thënë nga vlonjatët gjatë javës se kushtet e mira të stërvitjes do të sillnin një lojë të mirë, dhe kështu ndodhi. Flamurtari ka bindur në lojën e tij, që përballë një ekipi me pretendime si Tomori, u konkretizua me 4 gola. Pas kësaj fitoreje, vlonjatët vazhdojnë të kryesojnë të shkëputur me pikë nga ndjekësit e tyre, ndërsa Tomori e ka vënë në dyshim realizimin e objektivit. Edhe pse janë edhe disa ndeshje për t'u luajtur, beratasit kanë fare pak shanse për të zënë një nga 4 vendet që të çon në superligë.

Vasil Ruci, trajner i Flamurtarit: "Kemi luajtur një ndeshje të mirë dhe fituam thellë, ndryshe nga ndeshjet me Laçin dhe Tepelenën. Kjo fitore shërben si nxitje për të fituar në transfertën me Turbinën dhe më pas me Luftëtarin."
Kristaq Mile, trajner i Tomorit: "Nuk mund ta prish miqësinë time me vlonjatët për shkak të rezultatit të ndeshjes së sotme. Jam shumë i mërzitur nga loja e skuadrës."

------------------------------------------------

[chi_mai]

skuadra me e mire per A1 eshte padyshim Flamurtari
megjithese jam me Apolonine kete se mohoj dot.
Flamurtari ja vlen te luaj ne superlige kete vit

[zeus]

------------------------------------

Flamurtari Apolonia 2 0

Flamurtari: Dine, Driza, Begaj (O.Beqiri 25'), Imeraj, Sakaj, Nenaj, Guna, Strati (Guga 84'), Bedini, Sisoko, Dikson (Mehmeti 87'). Trajner: V.Ruci.

Apolonia: Miço, Shoshi (Grizha 15'), Demiri, Bega, Emanuel, Kule, Zheraldinjo, Gërço (Meto 38'), Gega, Mema, Hyso.

Trajner: Dh.Papuçiu.

Shënues: Guna 56', Diskon 73'

Gjyqtarë: A.Janku, S.Avdo, E.Doda (Tiranë)

Kartonë të verdhë: Bedini, Sakaj

Karton i kuq: Bega

Pas dy humbjeve, Flamurtari është rikthyer te fitorja. Fitorja e djeshme ka qenë mjaft e rëndësishme për të, pasi ka mundur Apoloninë rivale, me rezultatin 2 0. Kjo ishte edhe autokritika e skuadrës së Vasil Rucit para sportdashësve vlonjatë, të cilët gjatë gjithë 90-minutëshit e kanë mbajtur ndezur atmosferën sportive në shkallët e stadiumit të "Flamurtari". Interesimi për këtë ndeshje ka qenë i jashtëzakonshëm, si nga tifozët e të dyja skuadrave, ashtu dhe nga autoritetet e pushtetit lokal të dy qyteteve. Në tribunën "VIP" të stadiumit, bashkë me kryebashkiakët e dy qyteteve, Baftjar Zeqos së Fierit dhe Shpëtim Gjikës së Vlorës, ka qenë presidenti i Apolonisë, Koço Kokëdhima. Vlonjatët ishin mjaft të motivuar për të fituar dhe që në minutat e para e deri në përfundim të pjesës së parë, ata janë shfaqur mjaft të rrezikshëm. Serinë e gjuajtjeve drejt portës së Miços e çeli Sakaj, ndërsa më pas provuan Sisoko, Guna, Nenaj dhe Strati. Gjuajtjet e tyre u neutralizuan nga portieri mik, Miço. Rasti më i rrezikshëm për vlonjatët ishte ai i minutës së 28-të, kur portierit Miço i shpëtoi topi nga duart, pas një gjuajtjeje të fortë të Nenajt. Më pas, pas një gjuajtjeje të fortë të Sisokos, Emanuel për pak sa nuk shkaktoi autogol, duke e devijuar topin në shtyllën pingule të portës së tij. Vetëm në dy raste fierakët e vizituan portën e Dines, nëpërmjet Zheraldinjos. Në pjesën e dytë, të dyja skuadrat e ngritën nivelin e lojës së tyre. Nenaj dhe Zheraldinjo mund të kishin shënuar, pasi gjuajtën rrezikshëm, por në të dy rastet kanë qenë portierët Miço dhe Dine, që nuk kanë lejuar prekjen e rrjetës. Hyso i Apolonisë ka qenë shumë pranë golit dhe vetëm një minutë pas rastit të humbur prej tij, Flamurtari kaloi në avantazh me anë të Gunës. Për nga mënyra e ekzekutimit, goli ishte mjaft i bukur, ndërkohë që i qetësoi vlonjatët. Më pas, ata e zhvendosën lojën në gjysmëfushën e kundërshtarit. Pas disa aksioneve me protagonistë Nenajn, Sisokon dhe Diksonin, ky i fundit arriti të shënonte dhe golin e sigurisë për Flamurtarin. Vlonjatët përfituan nga epërsia numerike, pasi Bega u ndëshkua me karton të kuq në minutën e 67-të. Fierakët u zgjuan me vonesë dhe pas minutës së 75-të ata krijuan përshtjellimin në mbrojtjen vlonjate. Mema, Hyso dhe Grizha u përpoqën ta ngushtonin rezultatin, por nuk arritën. Në minutën e 85-të, Apolonia kishte rastin më të mirë për të shënuar, pasi gjyqatri dha një 11-metërsh në favor të saj, pas një ndërhyrjeje të parregullt të Gunës, por Zheraldinjo gaboi në gjuajtje.

Vasil Ruci, trajneri i Flamurtarit: "E merituam plotësisht fitoren, sepse zhvilluam një lojë me nivel të mirë, veçanërisht në pjesën e dytë. I rëndësishëm është fakti, se jemi duke realizuar objektivin tonë për t'u shpallur kampionë të kategorisë së parë. I uroj suksese Apolonisë".
Dhimitër Papuçiu, trajneri i Apolonisë: "Sot kam parë një Flamurtar me një nivel të mirë loje dhe shpirt të lartë gare. E meritoi fitoren".

------------------------------------

[Flamurtari]

Pas nje mungese 2 vjetore rikthehet ne Super league ekipi me i mire ne Shqiperi.



Flamurtari fiton dhe shpallet kampion

Kastriot Brahimi


Flamurtari Pogradeci 2 0

Nga Vlora, Kastriot BRAHIMI
Flamurtari: Dine, Driza, Behari, Bedini, Kuqi, Sakaj, Imeraj (F.Gjondeda 73'), Guna, Strati, Dikson (Plepi 83'), Sisoko (O.Beqiri 20'). Trajner: V.Ruci
Pogradeci: Dimitrevski, Jakupi, Baçi, Muska, Fetollari, Marolli (Çollaku 76'), Çerepi, Sejfullai, Froku (Molla 60'), Laçka, Pengu (Çekiçi 78'). Trajner: A.Abazi
Shënues: Dikson 47', Strati 68'
Gjyqtarë: E.Peza, D.Agaraj (Tiranë), R.Zhuli (Gjirokastër)
Karton i verdhë: Imeraj

Flamurtari, një javë para përfundimit të kampionatit të kategorisë së parë, është shpallur kampion i saj. Ekipi vlonjat ka fituar dje ndaj Pogradecit me rezultatin 2 0. Tashmë vlonjatët e kanë realizuar plotësisht objektivin e tyre dhe ndeshja e fundit me Adën duket se do të jetë një formalitet për ta. Disa nga drejtuesit e lartë të FSHF-së, Arben Bici dhe Besnik Çela, të shoqëruar nga kryetari i Bashkisë së Vlorës, Shpëtim Gjika, kanë kurorëzuar ekipin kampion, duke dhënë kupën e kampionit të kategorisë së parë. Ndeshja e zhvilluar dje me Pogradecin ishte mjaft korrekte, me momente të bukura, veçanërisht nga vendësit, të cilët kanë ushtruar presion të vazhdueshëm ndaj kundërshtarit. Flamurtari shënoi dy gola, nga një për çdo pjesë loje. Si dhe në ndeshjet e mëparshme, vlonjatët nuk falën në fushën e tyre. Në pjesën e parë Flamurtari sulmoi dendur dhe Guna, Dikson, Strati, Sisoko dhe Sakaj kanë qenë shumë pranë golit, por Dimitrevski e ka shmangur disa herë rrezikun. Ishte minuta e 2-të shtesë e pjesës së parë që solli golin e parë të vlonjatëve, me autori Diksonin, i cili realizoi golin e 15 të në këtë kampionat. Ndërkohë, pogradecarët vetëm në dy raste kanë gjuajtur me anë të Sejfullait dhe Laçkës, por portieri Dine e ka zotëruar topin. Ndërrimet e bëra nga trajneri Ruci i kanë dhënë një impuls të ri lojës së vlonjatëve. Një paraqitje të mirë bëri mesfushori O.Beqiri, i cili luajti mjaft mirë në krah dhe në dy rastet që ai gjuajti, topi u përplas në traversat e portës së Dimitrevskit. Një tjetër talent i Flamurtarit, Ermir Strati, ka shënuar golin e dytë në minutën e 68-të. Me rezultatin 2-0 u mbyll ndeshja e djeshme, në fund të së cilës Flamurtari ka marrë trofeun e kampionit dhe ka festuar bashkë me sportdashësit vlonjatë. Në sezonin e ardhshëm Flamurtari do të jetë pjesë e më të mirëve, aty ku e ka pasur vendin gjithmonë. Ndërsa Pogradeci, me humbjen e djeshme, i ka humbur shpresat për ngjitjen e mundshme në superligë.

Thanë
Vasil Ruci, trajner i Flamurtarit: "Jam shumë i emocionuar për fitoren e sotme dhe fitimin e titullit kampion nga Flamurtari. Besoj se ishte kurorëzimi i punës së bërë që nga drejtuesit e ekipit, stafi teknik dhe futbollistët. Flamurtari e meritonte një sukses të tillë."
Ardian Abazi, trajner i Pogradecit: "I uroj suksese Flamurtarit për titullin kampion. Pogradeci u mundua, por nuk e realizoi dot objektivin e tij për ngjitjen në superligë."

[zeus]

------------------------------------------------

Ka përfunduar në pallatin e sportit "Tamara Nikolla" në Korçë kampionati kombëtar i të rejave në basketboll, që ka kurorëzuar me titullin kampion ekipin e Flamurtarit. Vlonjatet kanë arritur të fitojnë në finale përballë vendaseve të Skënderbeut me rezultatin 92 72 dhe kanë ngritur lart kupën, që do të thotë kurorëzim i një viti pune dhe djerse për vajzat vlonjate. Në ditën e parë, në takimet gjysmëfinale, kanë qenë të pranishëm në Korçë katër ekipet më të mira të vendit, Skënderbeu, Flamurtari, Tirana dhe DHL ja. Sipas shortit, në ditën e parë janë ndeshur Tirana dhe Flamurtari, një ndeshje e bukur dhe me rivalitet, ku vlonjatet kanë arritur të fitojnë vetën në minutën e fundit me shifrat 70 62. E bukur dhe interesante ka qenë edhe ndeshja e dytë mes Skënderbeut dhe DHL së, që është mbyllur me shifrat 116 95 për korçaret. Në dytën e dytë, për vendin e tretë dhe të katërt, ekipi privat i DHL së ka fituar ndaj Tiranës 88-82 dhe është renditur në vendin e tretë. Në finale janë përballur Skënderbeu dhe Flamurtari, takim i ndjekur nga një numër i madh sportdashësish. Miket nga Vlora, me një epërsi më të madhe se korçaret, janë shpallur kampione, duke fituar me shifrat 92 72 dhe në këtë mënyrë kanë merituar titullin kampion, si ekipi më i mirë në basketbollin e të rejave në këtë sezon. Por duhet përmendur se këto finale kanë qenë një eveniment për qytetin e Korçës, falë një organizimi të përkryer të klubit "Skënderbeu". Në fund të aktivitetit, kupa i është dorëzuar Flamurtarit nga kryetari i Bashkisë së Korçës, Robert Damo.

------------------------------------------------

[King_Arthur]

ishalla po hecni mire kete vit qe vjen dhe mireseershet

[zeus]

Flamurtari - Tirana 88-76
(13-18, 22-16, 21-21, 32-21)

FLAMURTARI: Myrto, Gjoka, Baxhaj, Rrapaj, Çakiçi, Deneko, Hasanaj, Plasa, Demiraj, Sako. Trajner: V. Toska

TIRANA: Vërria, metani, Hoxhaj, E.Bujari, G.Bujari, Përmeti, Çaushaj, M.Alibegaj, Zykaj, Shytaj. Trajnere: E. Alibegaj
Gjyqtarë: A. Shundi, G. Dumba

Flamurtari në basketboll për femra ka fituar dje në Vlorë për të katërtën herë në historinë e tij Superkupën e Shqipërisë, duke mundur Tiranën me shifrat 88-76. Një sukses i vështirë i vlonjateve, që vetëm në 10 minutat e fundit arritën që të krijojnë epërsinë ndaj mikeshave nga kryeqyteti, duke ngritur kështu kupën e aktivitetit të parë të vitit 2007. Për 30 minuta ndeshja ka qenë e ekuilibruar, ku herë udhëheq Tirana e herë Flamurtari. Madje është Tirana ajo që e nis mirë ndeshjen, e cila arrin të udhëheq në fillim të lojës 2-14 dhe perioda e parë do të përfundonte 13-18. Por vlonjatet arrijnë që ta ngushtojnë diferencën në periodën e dytë, madje Flamurtari udhëheq me 1 pikë në përfundim të pjesës së parë, 35-34. Por ekuilibri do të vijonte edhe në 10-minutëshin e tretë, ku pas barazimit 41-41 janë vlonjatet që shkëputen 53-47, por Tirana e ngushton në 56-55 rezultatin në përfundim të kësaj periode, ku skuadrat shënuan secila nga 21 pikë. Në periodën e fundit eksperienca e Hasanajt, Sakos dhe Denekos, së bashku me Çakiçin e Demirajn bëjnë që diferenca të rritet 69-59, 73-63 dhe në 2 minutat e fundit të shfrytëzojnë edhe gabimet e skuadrës kryeqytetase, për të fituar ndeshjen 88-76. Të pranishëm në këtë takim ishin ministri Bujar Leskaj, kryebashkiaku i Vlorës, Shpëtim Gjika, Princi Leka, deputeti Arben Isaraj etj. Pas takimit, trajneri Viron Toska u shpreh i kënaqur për objektivin e arritur dhe fitimin e trofeut të tretë në këtë sezon.

[xhori]

Yeap ... ka qene

TRE SHTATA KISHTE BOTA
KIGAN
VASIL RUC dhe
POPIVODA

[xhori]

FUTBOLLISTI I TALENTUAR VASIL RUCI NGA DHERMIU I HIMARES NE NDESHIEN ME BARCELONEN ME 1986

TRE SHTATA KISHTE BOTA
KIGAN
VASIL RUC dhe
POPIVODA

[zeus]

-------------------------------------------

Ne ndeshjen e superligës Flamurtari-Partizani, vlonjatët kanë arritur të shënojnë në minutën 46' duke e mbyllur takimin me fitore. Kjo fitore vjen pas një jave me deklarata nga stafi i Partizanit se në Vlorë do të "hakmerreshin" për humbjen e pësuar në Tiranë.

-------------------------------------------

[zeus]

-------------------------------------

Skuadra e Flamurtarit u shpall kampion kombetar pas fitores ndaj Apolonise me rezultatin 104-70, ne takimin qe u zhvillua ne Pallatin e Sportit te qytetit te Vlores. Ne kete takim, qe ishte i pesti ne kuadrin e play-off per titullin, vajzat vlonjate treguan nje nivel te larte loje. Ato dominuan ndaj skuadres fierak ne te gjitha drejtimet, por veçanerisht ne gjuajtjet nga distanca.

-------------------------------------

[zeus]

--------------------------------------------

Dje pasdite ne stadiumin e qytetit te Vlores eshte zhvilluar ndeshja e pare e ekipit vlonjat per kete sezon. Perballe Flamurtarit ishte ekipi kampion i Tiranes i cili u mposht me rezultatin 1-0 me gol te shenuar nga Franc Veliu. Ne ceremonine e hapjes se Superliges merrnin pjese presidenti i FSHF Armando Duka dhe kryetari i bashkise Shetim Gjika.

--------------------------------------------

[NBAlbania]

Sot 08.12.2007
Vlore

Flamurtari - Besa 1 : 0
Bledion Guga 48'

[toni007]

flamurtari nje emer nje legjend

ja dhe tifozat tane duke vajtur ne stadium..............

[puroshkodran]

Urime per kalimin ne finale te Kupes se Shqiperise

[goldian]

urime kualifikimin ne finale
e mirupafshim ne finale
se puro ka harru me than

[toni007]

urime kualifikimin ne finale
e mirupafshim ne finale
se puro ka harru me than

shume flm per lajmin e mire ....respekte goldian

[puroshkodran]

urime per fitoren e kupes flamurtarit. e keni meritu