Flamurtari #1

[StormAngel]

Kur do kete lajme per Flamurtarin do i postoj une.
Ose te tjeret moderatore qe do kene lajme.

[KoTeLja_VL]

Ok Stormo faleminderit

[KoTeLja_VL]

Sot në stadiumin "Flamurtari" të qytetit të Vlorës është zhvilluar ndeshja e futbollit midis Flamurtarit të Vlorës dhe Pogradecit. Flamurtari i gjendur tashmë në Kategorinë e Parë (emërim i kategorisë së dytë) të kampionatit Shqiptar të futbollit pas zbritjes në këtë kategori vitin e kaluar ka fituar edhe sot me Pogradecin me rezultatin e ngushtë 1 - 0. Loja sot ka qenë e mirë për Flamurtarin dhe djemtë kanë ushtruar presion të vazhdueshëm në portën pogradecare gjatë gjithë lojës.

Vjen minuta e 15-të e pjesës së parë ku do të konkretizohej epërsia e vlonjatve, shënon Gaqo Diamanti, mbrojtësi veteran i Flamurtarit dhe rezultati shkon në 1-0 për Flamurtarin. Gjatë gjithë takimit loja ka qenë në favor të Flamurtarit dhe pogradecarët nuk kanë pasur raste të pastra për shënim në portën tonë të mbrojtur nga Halili. Rikthehet në skuadër i dëmtuari i shumëpritur Roland Nenaj që do ti jap ndihmesë të madhe në sulm në ndeshjet e ardhëshme, pikërisht në repartin ku vuan më shumë Flamurtari. Një javë më parë Flamurtari kishte fituar në fushën e Naftëtarit të Kuçovës me rezultatin 2 - 0 me golat e shënuar nga Gjoni. Të mërkurën Flamurtari u kualifikua në turin e tretë të Kupës së Shqipërisë dhe shorti i ka vënë përballë Teutën e Durrësit. Ndeshja e parë për kupë do të zhvillohet në datën 20 tetor në stadiumin e qytetit të Durrësit, ndërsa ndeshja e kthimit do të zhvillohet në datën 27 tetor në Vlorë. Flamurtari me këtë fitore tashmë ka 7 pikë.
Rezultatet e tjera janë:
Tomori - Luftëtari 2 - 2
Skënderbeu - Kastrioti 2 - 1
Ja dhe Klasifikimi për kategorinë e parë
Luftëtari 10 pikë
Skënderbeu 10
Tomori 8
Flamurtari 7
Besa 7
Kastrioti 4
Apolonia 4
Erzeni 4
Besëlidhja 2
Pogradeci 1
Bylis 0
Naftëtari 0



2 Oct 2004

[zeus]

----------------------------------------------------------------------------

Flamurtari kthehet përsëri te fitorja. Pas humbjes 0-2 një javë më parë me Besëlidhjen, vlonjatët kanë reaguar mirë, duke mposhtur pastër 3-0 Bylisin në stadiumin e Fierit "Loni Papuçiu". Minutat e para të këtij takimi janë karakterizuar nga një epërsi e lehtë e kuqezinjve, të cilët organizohen mirë në mesfushë, ku evidentohet i talentuari Aldo Guna. Të parët që vizitojnë portën e Bylisit janë Shtrepi, Veizi dhe Bakiu, por gjuajtjet e tyre nuk përfundojnë brenda kuadratit. Pas 15 minutave të para, vlonjatët futen plotësisht në rrjedhën e lojës dhe janë Bega, Sejfullai dhe Kuqi që përdorin mjaft mirë lojën nga krahët në drejtim të Serjanit dhe Shtrepit. Në minutën e 27-të, Shtrepi realizon golin e parë për Flamurtarin, pasi ka tribluar dy mbrojtës ballshiotë dhe portierin Nexhipi. Në këto minuta, kuqezinjtë shfaqen në lojën e tyre tradicionale të pasit me një takim dhe, për pasojë, dyshja Sejfullai-Shtrepi shërben mjaft mirë për Serjanin, i cili realizon edhe golin e dytë. Pjesa e parë e takimit përfundon me rezultatin 2-0 për vlonjatët, loja e të cilëve ka qenë e një niveli mjaft të mirë. Gjithsesi, ballshiotët e kanë ndryshuar disi lojën e tyre në pjesën e dytë, por aksionet e Zeqos, Shabanit, Jahajt dhe Rexhës thyhen lehtësisht nga mbrojtja vlonjate, me në krye Drizën. Djemtë e trajnerit Bifsha, ndonëse shënojnë edhe golin e tretë me anë të Serjanit, kanë shpërdoruar edhe shumë raste të tjera të pastra. Zëvendësimet e bëra nga të dy trajnerët nuk dhanë ndonjë efekt të veçantë në mënyrën e lojës dhe nuk ndikuan aspak në rezultatin e arritur. Në përfundim të takimit, kryetari i Bashkisë së Vlorës, Shpëtim Gjika, ka bërë një përshëndetje falënderimi për homologun e tij nga Fieri, Baftjar Zeqo, presidentin e Apolonisë, Koço Kokëdhima, si dhe për drejtuesit e këtij klubi për kushtet e mrekullueshme që i janë krijuar Flamurtarit.

----------------------------------------------------------------------------

[zeus]

------------------------------------------------------------

Ish futbollisti i Flamurtarit, Edmond Lutaj është përzgjedhur si sportisti i muajit shtator në Suedi nga gazeta “Stokholm City”. Lutaj, përveç se si lojtar, mban dhe rolin e trajnerit të ekipit Assyriska që luan në kategorinë e dytë të vendit skandinav. Futbollishqi shqiptar, aktualisht në moshën 37 vjeçare, luan edhe në rolin e mbrojësit në ekipin e qytetit Sëdertjele në afrësi të Stokholmit. Skuadra që ai drejton si trajner dhe aktivizohet njëkohësish edhe si lojtar, Assyriska, pretendon që në sezonin e ardhshëm ngjitet e në kategorinë e parë ta kampionatit suedez të futbollit.

------------------------------------------------------------

[zeus]

--------------------------------------------------------------

Lapsus: Stokholmasi i vitit!

--------------------------------------------------------------

[zeus]

------------------------------------------------------------------

Trajneri i Flamurtarit, Petraq Bifsha, ka dhënë dje dorëheqjen. Kryetari i bashkisë, Shpëtim Gjika, pas barazimit që Flamurtari arriti me Erzenin, shprehu shqetësimin e tij në lidhje me gjendjen e skuadrës. Në takimin që zhvilloi dje me drejtuesit e skuadrës, trajneri Bifsha kërkoi dorëheqjen për shkak të rezultateve të dobëta dhe kryebashkiaku e pranoi atë. Në të vërtetë, Flamurtarit i kanë munguar rezultatet pozitive gjatë tetë javëve të para të kampionatit. Bëhet e ditur se skuadra do të drejtohet përkohësisht nga sekretari i klubit, Sokol Kushta, ndërsa Petraq Bifsha do të kalojë në detyrën e tij të mëparshme, atë të inspektorit. Kujtojmë që ai e kishte marrë drejtimin e skuadrës para fillimit të sezonit, madje edhe faza përgatitore është kryer prej tij. Gjatë tetë javëve që Flamurtari u drejtua nga trajneri Bifsha, nuk arriti të merrte më shumë se 11 pikë, pas 3 fitoresh, 2 barazimesh dhe 3 humbjesh.

------------------------------------------------------------------

[KoTeLja_VL]

niceee ... zeus flm per informacionet

[zeus]

---------------------------------------------------------------------------

Golat e Cenkos dhe Gaxhajt, njëri i hapjes dhe tjetri i sigurisë, i kanë dhanë një tripikësh të çmuar Luftëtarit, i cili vazhdon të qëndrojë në vendet e para, ndërkohë që vlonjatët shënuan vetëm golin e nderit me anë të Gugës. Luftëtari tregoi karakter të fortë në këtë takim, duke pasur parasysh faktin se i mungonte kapiteni Çoni për efekt kartonësh, ndërkohë që në momentet e fundit u "u tradhtua" edhe nga sulmuesi kryesor, Shehaj. Ky i fundit mungoi për shkak të gripit dhe në sulm mbeti i vetëm Muço, i cili u ndihmua nga Cenko, Brahimi dhe të tjerë. Ndërkohë, Flamurtari disa herë ndërmori sulme ballore, ku krahas Serjanit dhe Shtrepit, shfaqeshin përballë portës vendëse Sejfullai dhe Nenaj, i cili ishte më i rrezikshmi për vlonjatët. Sinjalin e parë në portën e Dahriut e jep Gaxhaj, një nga më efektivët nga vendësit. Më pas ka provuar edhe Brahimi, por pa rezultat, ndërsa miqtë kundërpërgjigjen me Nenajn. Portieri i Luftëtarit, Toçi, ka reaguar mjaft mirë ndaj gjuajtjeve të vlonjatëve, të cilët e kërkuan golin, por pa mundur ta gjejnë atë. Nga ana tjetër, gjirokastritët kanë krijuar një pështjellim në zonën vlonjate pas një goditjeje nga këndi, ku finalizimi i Kacit e ka detyruar mbrojtësin Driza ta nxjerrë topin sërish në këndore, duke rrezikuar autogolin. Pjesa e parë mbyllet me një gjuajtje të Dhimës dhe me rrjeta të paprekura. Pjesa e dytë nis me një aksion të rrezikshëm të vendësve, që finalizohet nga Muço, i cili ishte i pafat, pasi topi goditi vetëm shtyllën e majtë të Dahriut. Goli i parë i Luftëtarit vjen në minutën e 53-të, kur Cenko ekzekuton me mjeshtëri një goditje dënimi jashtë zonës së rreptësisë dhe topi ndalon vetëm në rrjetë. Edhe pas avantazhit, Luftëtari ka ushtruar presion me anë të Gaxhajt, Muços dhe Brahimit, duke e kërkuar me këmbëngulje golin e dytë. Ai vjen pikërisht në minutën e 67-të, me autor Gaxhajn. Ky gol i qetëson disi vendësit, ndërsa miqtë vlonjatë i vërsulen gjyqtarit me pretendimin se topi nuk e kaloi vijën fatale. Por anësori Lamçe e ndoqi me kujdes aksionin dhe konstatoi se topi e kishte kaluar vijën fatale para se të grushtohej nga portieri Dahriu. Begaj krijon dy situata të vështira në portën gjirokastrite, por Toçi është i pathyeshëm. Kur ndeshja po i afrohej fundit, Flamurtari arrin të shënojë me anë të mbrojtësit Guga, që e përcjell topin në rrjetë. Në minutat e mbetura nuk ka asgjë për t'u përmendur dhe gjithçka përfundon me fitoren e vendësve. Thanë pas ndeshjes Mustafa Hysi, trajner i Luftëtarit: "Luajtëm një pjesë të parë shumë të mirë pa gabime në të gjitha repartet. Shënimi i golit të parë ndikoi mjaft pozitivisht në lojën tonë, por gjatë 10 minutave të fundit ne lëshuam në lojë. Gjithsesi, jam i kënaqur nga rezultati." Sokol Kushta, trajner i Flamurtarit: "Nuk mund të flitet për futboll në ndeshje të tilla, kur gjykimi e prish lojën. Më pëlqeu pjesa e parë, ku si ekipet ashtu dhe gjyqtarët ishin në lartësinë e duhur. Po të vazhdonte kështu, le të fitonte edhe Luftëtari."

---------------------------------------------------------------------------

[zeus]

-------------------------------------------------------------------------------

Ka qenë i pafat Flamurtari për të marrë, qoftë edhe një pikë, në takimin me Tomorin, pasi sulmuesi Vangjel Mile, i futur në lojë si zëvendësues, ka shënuar golin e fitores për beratasit në minutat shtesë. Ai ka përfituar nga plogështia e momentit e tre mbrojtësve vlonjatë, duke e shtyrë lehtë topin në rrjetë. Takimi i zhvilluar dje në stadiumin "Loni Papuçiu" ka qenë vërtet i bukur, me raste të pambarimta shënimi për të dyja skuadrat. Pranë golit kanë qenë Shtrepi, Nenaj, Serjani dhe Liçaj, për Flamurtarin, ndërsa për Tomorin kanë rrezikuar Memelli, Varfi, Veliaj dhe Novi. Asnjë prej tyre nuk mundi të shënojë e ta zhbllokojë rezultatin, për mungesë përqendrimi në momentin final. Formacioni i hedhur në fushë, nga trajneri Mile, e ka qarkulluar mirë e shpejt topin dhe është shfaqur më i freskët fizikisht. Duhet thënë se në rezultatin e këtij takimi, jo pak, ka ndikuar edhe gjykimi i kryesorit Çekaj nga Laçi, i cili nuk ka dhënë një 11-metërsh të pastër, në favor të Flamurtarit, pas pengimit në mënyrë të parregullt të Nenajt, brenda zonës. Ishte një 11-metërsh i pastër që ndoshta mund ta ndryshonte rrjedhën e ndeshjes. Gjithsesi, Flamurtari nuk duhet të shfajësohet me gjykimin për humbjen e djeshme, sepse shkaqet e saj duhen gjetur brendapërbrenda skuadrës dhe stafit të saj drejtues. Ndonëse dje ishte i pafat, Flamurtari mund të kishte bërë diçka më shumë, gjatë këtyre javëve, pasi i ka pasur mundësitë. Shumë prej specialistëve të njohur të futbollit vlonjat, të pranishëm në disa ndeshje të Flamurtarit, janë shprehur se duhen bërë menjëherë ndryshime në skuadër, por edhe në stafin drejtues. Humbja e djeshme kuqezonjtë thuajse i ka nxjerrë jashtë objektivave, që kishin për këtë sezon. Thanë pas ndeshjes: Kristaq Mile, trajneri i Tomorit: "Ndeshja ishte e bukur dhe e hapur për të dyja skuadrat. Lojtarët e Tomorit e të Flamurtarit kanë shpërdorur raste të shumta në portat respektive. Më erdhi keq për Flamurtarin që u mundua aq shumë, por fati na ndihmoi ne." Sokol Kushta, trajner i Flamurtarit, nuk u prononcua.

-------------------------------------------------------------------------------