Tifozat e te modhes ''TIRANA'' <2>

[BlueBaron]

... o Berrnutso, boll lale me Shkurtin se na hoqe menjen, na e bone si me qene Lev Jashini apo Toni Shumakeri, boll or burr i dheut e lavdrove Shkurtin e Kavajen ke tema Tirones, hap edhe ti nje teme per Kavajen edhe do vijme te diskutojme aty per Kavajen dhe arritjet e Kavajes ...

[CIM MUCA]

E MODHJA TIRON ka fitu edhe me SHKODREN 2-1 dhe un nuk besoj qe ka per t'i nal
n'anji mo po duhet me i thon ''GEZUAR KAMPJONATIN'' pa maru faza e 2.O Bermuto
shum pytjeve tuja un s'kom munsi me j'u pergjigj[jo se nuk di po ti permen ca emra
qe nuk besoj qe i njef njeri]po normalisht Kavaja jote ka qen mo shum kontigjent
per kategorin e 2 se per me nejt te e para.Edhe nji gjo tjeter,me neshjen me Partizonin
ZOGU prap ka per te vesh dy bluze qi kur te boj t'parin ka per t'ja hudh tifozave
tjetren[SUKTHI I VOGEL ti nuk e besoj qe i di ose i ma men ato strofat e konges
se TIRONES[te vjetrat]k'shu si autori qe un e kom thon[edhe un kom te drejten me
ma thon e thon emrin e atij qi i majti men.Jo si te TIRONA.

[CIM MUCA]

Edhe nji gjo tjeter[un sigurisht e kom me te tregume se jom larg vet]si ghithmon
neshja ka qene shum e fort[ne aspektin e luftes sportive ashtu sic kan qene kto dy ekipe
[duhet te s'qarojm ketu qe vetem kto dy ne te kohrat kan bo futbollin me te bukur me
kuptoni mes njera-tjetres]TRONAE KA DOMINU pjesen me te madhe te neshjes
ashtu si ka bo por ti dhon nji pergjigjeatij Tifozit te Vllaznis[qe ka jo pak po 5 vjet qe
nuk fiton me TE MODHEN TIRON EDHE SIC KA ARDHE PUNA le te krenohen me 2 barazime
jo me fal se njoni u zgjidh me penallti

[Bërrnutsi]

Cim Muca dhe Skuthi , keni te drejte kjo eshte tema e Tirones.
Por si nuk po llafosni iher per lojtarin me te mire Altin Rraklli qe pa kontributin e tij ma merr menja qe Elbasoni do ishte i pari ne renditje??
3 gola i ka rras Vllaznise deri tashi

--------------------------------------------------------------------------------------------------------
Altin Rraklli, "xhelati" i Vllaznisë

Aranit MURAÇI

Tirana nuk fal as Vllazninë, e mposht me të njëjtin rezultat si në "Loro Boriçi", 2-1, dhe tani marshon pa iu dridhur fare "qerpiku" drejt suksesit të tretë radhazi. Në "Qemal Stafa", bardheblutë kanë siguruar një tripikësh, që me plot gojën duhet thënë se me atë çka dhanë përballë kuqebluve, i kanë bindur të gjithë se ky ekip nuk i ka rivalët në Shqipëri, por diku tjetër jashtë kufijve. "Djemtë" e Starovës për javën e 13-të kanë mposhtur për herë të dytë një rival historik të tyrin, që nisur nga pikët e grumbulluara deri tani dhe elementët që ka në përbërje, "gënjen" shumë. Dhe jo vetëm kaq, por bardheblutë dje e kanë thelluar akoma më tepër diferencën me Elbasanin, ndjekësin e tyre më të afërt. Dje, përballë Vllaznisë, në fakt, deri diku loja e kampionëve në fuqi ishte e barabartë. Madje miqtë në pjesën e parë kishin njëfarë epërsie ndaj kryesuesve të kampionatit. Aq më shumë që kuqeblutë, me të sapokthyerin Sinani, shënuan të parët dhe për një moment u duk se kishte ardhur koha që djemtë e Starovës të ndalnin për herë të dytë marshin e fitoreve. Atëherë përse në fund takimin e fitoi Tirana dhe kush e bëri diferencën në fushë? Ndoshta janë disa arsye dhe shpjegime për këtë çështje, por nga ndeshja e djeshme dolën fare qartë në pah kualitetet e veçanta të 21 herë kampionëve të Shqipërisë. Mbi të gjithë, dje është dalluar sulmuesi i mirënjohur Altin Rraklli, ai që "vrau" dy herë shpresën shkodrane, ai që përmbysi rezultatin brenda një kohe të shkurtër. Kujtojmë këtu se kavajasi ka shënuar në "Loro Boriçi" përballë Vllaznisë golin e tij të parë në takimin e tij të parë me fanellën bardheblu. Ndërkaq, "snajperi" kuqezi del gjatë ndeshjes së djeshme katër herë para portës dhe shënon dy gola, statistikë kjo që nuk kërkon shumë komente. Të njëjtën gjë bën te Mançester Junajtid edhe një "monstër" e sulmit botëror, holandezi Rud Van Nilstëroi, i cili realizon thuajse gjysmën e rasteve përballë portës kundërshtare. Megjithatë, për Tiranën nuk mbeten pas edhe të tjerët. Indrit Fortuzi ishte i pakrahasueshëm në sulm, teksa me një lehtësi dhe qetësi të admirueshme driblonte tre lojtarë shkodranë. Sakaq, shërbimet që jepte për të tjerët ishin të pakrahasueshme dhe dallonin nga të tërë protagonistët në fushë. "Zogu" ishte ai që dha pasimin e fundit te goli i barazimit dhe shërbeu dy herë të tjera për Rrakllin. Pra, edhe pse pa një tjetër element tepër të rëndësishëm në fushë (kujtojmë që mungonte kapiteni Muka) Tirana është e papërmbajshtme me dy sulmues të vetëm. Dihet tashmë se në një ndeshje futbolli kualitetet mund ta përmbysin rezultatin në çdo moment të lojës dhe kjo u pa qartë te fitorja e fundit e Tiranës përballë Vllaznisë.


Thanë pas ndeshjes:
Sulejman Starova, trajner i Tiranës:
"Jam i kënaqur, sepse u zhvillua një lojë e bukur nga të dyja skuadrat. Për këtë kanë meritë të dyja skuadrat. E prisnim në fakt këtë lojë të shkodranëve, sepse në radhët e tyre ka elementë cilësorë. Megjithatë, ekipi ynë fitoi me meritë dhe tashmë ka thelluar diferencën me rivalët."

Vasil Bici, trajner i Vllaznisë:
"Pavarësisht se e humbëm ndeshjen, më pëlqeu loja e skuadrës. Ishte një ndeshje e nivelit të lartë. Vllaznia, megjithëse nuk është në pozicionin e duhur, ka luajtur si e barabartë përballë Tiranës. Humbëm shumë raste gjatë takimit. Ndërsa i uroj suksese Tiranës, kam një vërejtje për gjykimin, sepse në një moment gjyqtari kryesor jep 11-metërsh për ekipin tonë dhe më pas e anulon."

Të veçanta...
- Në tribunën "VIP" ishte i pranishëm trajneri kuqezi, Brigel, kryebashkiaku i Tiranës, Edi Rama, presidenti i Vllaznisë, Çela, si dhe disa nga donatorët e Tiranës.
- Një rast ndoshta unik në futboll. Kur Tirana shënon golin e dytë dhe të fitores, gjyqtari i katërt, Kridens Meta, iu bashkua pjesëtarëve të stolit të Tiranës për të festuar bashkë me ta.
- Takimi mes Tiranës e Vllaznisë është transmetuar nga "SAT+", i cili ka blerë të drejtën televizive të ndeshjeve që bardheblutë do të luajnë në kryeqytet.
- Gëzim i dyfishtë për bardheblutë pas ndeshjes. Trajneri Starova dhe disa nga lojtarët u gëzuan kur mësuan se Elbasani kishte barazuar me Dinamon.

[BlueBaron]

... nuk permbahen me Kampionet, eshte rradha e "dopio dyshave" kete vit "22", 22 here Kampion te Shqiperise, SK TIRANA eshte Juvja e Shqiperise ...

... Ec TIRONA ...
... Perpara çuna ...




P.S. Berrnutso, i ka ik koha tani perkatesise krahinore ne futboll, qekur futbolli ne Shqiperi u be profesionist, nuk shihet me kujt qyteti i perket lojtari, tifozet e admirojne ate per aq kohe sa mban veshur fanellen e ekipit te tyre.

[Moltisanti]

AHAH i bom 22 mduket skena rival mer daj ,,kush do na kapi elbasoni hahahahaha,ai rraklli ma kishte qa ate golin e pare hajde gol gol hajde eurogol fare ,,nejse nesje ,, urime cunave tirones !!!

[BlueBaron]

... ësht Tirona, ësht Kampionia ...
... ësht Tirona, vija - vija ...
... e ka zili gjith Shqipëria ...

[BlueBaron]

Bardheblutë: Ne s'jemi "galaktikë".

Trajneri Starova dhe disa lojtarë kryesorë thonë se nuk janë superskuadër e kampionatit.

Që Tirana ndodhet në krye të klasifikimit, e shkëputur prej të tjerëve dhe që ecën e sigurt drejt titullit kampion, këtë e thonë me gjuhën e tyre shumë më qartë shifrat dhe e dinë të gjithë. Por kur flitet nëse janë bardheblutë një superskuadër apo jo, ose më saktë "galaktikët" e kampionatit tonë, këtë e mohojnë kategorikisht vetë protagonistët kryesorë të kampit kryeqytetas.
Gjatë ndeshjeve të fundit, Tirana ka triumfuar, ndonjëherë edhe me vështirësi, megjithatë ka grumbulluar pikët maksimale, ndërsa loja e tyre shpesh ka qenë mbresëlënëse për tifozët. Mjaftojnë vetëm faktet e sezonit të shkuar, kur bardheblutë gjatë fazës së parë ishin poshtë Teutës, më pas u renditën pas Partizanit dhe vetëm në fund të fazës së dytë dolën në krye të tabelës. Gjatë rrugës, ata kishin pësuar disa humbje dhe vetëm në fazën e katërt krijuan diferencën me të tjerët.
Ndërkohë, në këtë sezon, edhe pse diferencat qëndrojnë dukshëm në disa aspekte, trajneri Starova duket se me diplomaci ka gjetur një mënyrë për të larguar ndoshta euforinë në skuadër, pasi, përveç tij, edhe futbollistët kryesorë deklarojnë se Tirana nuk është superekipi i këtij kampionatit. Pas fitores në përfundim të ndeshjes së kaluar me Egnatian, trajneri deklaroi: "Kemi mangësi të theksuara, sepse loja nuk ka qenë e mirë. Kemi hasur në disa defekte. Tirana ka fituar, por nuk është superskuadër, kështu që na mbetet shumë për të bërë në të ardhmen."
Së fundi, pas triumfit kundër Vllaznisë, njëshi i stolit bardheblu deklaron sërish: "Më pëlqeu loja e skuadrës, sikurse edhe e kundërshtarit. Pra, ishte një ndeshje e bukur, por Tirana e ka bazuar lojën e saj në grup dhe ia del mbanë edhe falë kualiteteve, si në rastin konkret, kur Rraklli shënon dy gola të rëndësishëm. Megjithatë, ne nuk jemi superskuadër dhe kemi shumë për të bërë," - kanë qenë disa nga fjalët e Starovës pas fitores së rëndësishme me shkodranët.
Një diplomaci të tillë, të cilën trajneri ua ka imponuar edhe futbollistëve në analizat e zakonshme gjatë javës së fundit, synon të mos ndalet derisa bardheblutë të sigurojnë matematikisht titullin. Pra, për momentin i druhet ndonjë krize të mundshme. Jo më kot, sulmuesi i bardhebluve Altin Rraklli deklaron të njëjtën gjë, duke thënë se Tirana nuk është superekip. "Gëzohemi që po fitojmë nga javë në javë, madje këtë herë triumfuam përballë një kundërshtari të fortë, siç është Vlaznia. Luajtëm shumë mirë. Megjithatë, Tirana nuk është superekip. Pra, kërkohet më shumë nga ne," - thotë Rraklli e të tjerë protagonistë në kampin bardheblu, që pajtohen plotësisht me deklaratat e trajnerit Starova.
Megjithatë, Tirana ka lojtarë të paguar më shumë se kudo tjetër, kontigjenti i saj përbëhet nga dy formacione me lojtarë të konfirmuar, prandaj aty ka pakënaqësi vetëm për shkak se të gjithë dëshirojnë të luajnë sa më shumë.

[BlueBaron]

Tirana, skuadra "më e mirë në Evropë".

Sipas statistikave, bardheblutë kryesojnë.


Rezultatet e fiksuara nga kampionët tanë gjatë 13 javëve të para të kampionatit, jo vetëm i kanë dhënë një pozicion komod në tabelën e renditjes, por në të njëjtën kohë, e krahasuar me të gjitha kampionatet e tjera të kontinentit është skuadra që ka marrë përqindjen më të madhe të pikëve. Një statistikë e tillë krejt natyrshëm nuk mund të shërbejë për t'u ndjerë më i fortë në krahasim me rivalët tanë kontinentalë, por me siguri është një vlerësim i nivelit të ulët të konkurrencës në kampionatin tonë. Kampionët në fuqi i kanë dhënë një tjetër goditje të fuqishme rivalitetit në kampionatin tonë, pas fitores në fundjavë, kundër një rivali të drejtpërdrejtë, të paktën në mentalitet dhe histori, Vllaznisë, madje ky rezultat është shoqëruar me frenimin e ndjekësve më të afërt, Elbasanit, duke e rritur diferencën me vendin e dytë në shtatë pikë. Një diferencë e tillë në një farë mënyre mund të konsiderohet edhe si rrjedhojë logjike e forcës, e mundësisë, e investimit të kryer te kampionët, të cilët duke pasur në ndihmë traditën, duke pasur në përbërje një grup prej 20 futbollistësh, të gjithë të aftë për formacionin e parë, një staf teknik këmbëngulës dhe me ide të qarta dhe mbi të gjitha një mbështetje financiare të admirueshme, nuk mund të prisnim rezultate të tjera. Ndërkohë, ndjekësit e kampionëve, pavarësisht këmbënguljes se elbasanasve, skuadra e vetme, që e di sesi thyhen kampionët, e kanë pranuar forcën dhe superioritetin e bardhebluve.

[BlueBaron]

O jeni ju, o jeni ju
O jeni ju lojtaret bardheblu
Lojtar t'Tirones, Tirones vija-vija
Q'e ka zili e gjith Shqipnia

O jemi ne, o jemi ne
O jemi ne tifozat bardheblu
Tifoz t'Tirones, Tirones vija-vija
Q'e ka zili e gjith Shqipnia