Tifozat e te modhes ''TIRANA'' <2>

[BlueBaron]

... Marc Libbra eshte sulmuesi francez qe po provohet keto dite te Tirona ...

Skeda e tij:

Marc Libbra

Roli: Slmues
Kombesia: Franceze
Pozicioni: Qender
Ditelindja: 5/8/72
Vendlindja: Toulon
Shtatlartesia: 189 cm
Pesha: 82 Kg

[Moltisanti]

Tirona Fiton Sot Ne Rrogozhine 1--0
Elbasoni Rrifet 3--2 Nga Lushnja
Gjithashtu Vllaznia Rrifet Nga Dinamo 1--0 Ne Fushen Asnjanese Te Elbasonit ...

Tirona Shkeputet 7 Pike Nga Veni 2t Elbasoni

Tirona 50
Elbasoni 43
Vllaznia 36

Forca bardh e blute

[BlueBaron]

Merkatoja e Tiranës duket se është mbyllur përfundimisht, pas largimit të sulmuesit frances Libre, që, ashtu siç pritej, nuk ka mundur të realizojë një kontratë me drejtuesit bardheblu. Drejtuesit bardheblu thonë se ky grup është i mjaftueshëm, ndaj do të vijojnë rrugën drejt realizimit të objektivave. "Tirana ka një grup shumë të mirë lojtarësh, që kanë luajtur bashkë dhe janë të denjë për të përmbushur objektivat e klubit. Libre është larguar sepse nuk ka arritur një marrëveshje me donatorët. Por ekipi ynë ka sulmues të tjerë shumë të mirë, prandaj nuk jemi shumë të shqetësuar në këtë drejtim. Deri në fund të muajit, merkatoja do të jetë e hapur për të gjitha ekipet, kështu që nëse mund të afrohet ndonjë lojtar tjetër dhe nëse ia vlen vërtet, mund ta marrim," - shprehet ndër të tjera ata. Kësisoj, Tirana i ka të gjitha gjasat që ta vijojë rrugën me këtë grup futbollistësh. Pas dy fitoreve të fundit, trajneri dhe drejtuesit e skuadrës janë të kënaqur për faktin se skuadra e tyre është shkëputur nga Elbasani, që dukej kërcënuesi kryesor i kreut të klasifikimit. Por nga të ardhurit e fundit, vetëm sulmuesi i huaj mund të nënshkrunate një kontratë me bardheblutë. Një gjë e tillë nuk është realizuar dot. Në fakt, francezi i larguar nuk ka marrë "ok"-in e trajnerit, i cili në testin e parë, pas ndeshjes miqësore me Apoloninë, u shpreh se sulmuesi do të provohet në të ardhmen. Kjo nuk ka ndodhur, kështu që Libre nuk e ka marrë dot pëlqimin e trajnerit që në provën e parë. Mësohet se një arsye ishte mosha e tij, por edhe shuma e konsiderueshme që kërkohej nga lojtari, që ka luajtur dikur edhe me Olimpikun e Marsejës. "Nuk më ka bindur dhe dua ta shoh sërish. Te Tirana luajnë në sulm lojtarë të tjerë mjaft cilësorë, kështu që nuk kemi pse rrezikojmë. Vetëm nëse bëhet fjalë për lojtarë më të mirë se këta që kam në dispozicion, më duhet të jap pastaj sugjerimet e mia," - ishin fjalët e Starovës, që vinin mjaft pikëpyetje mbi të ardhmen e francezit që në ditën e parë. Në fillim të fazës së tretë, me Tiranën janë federuar dy lojtarë, Bakalli dhe Pema. Deri në fund të merkatos i ka të gjitha gjasat që të federohet edhe mbrojtësi vlonjat Ervin Fakaj. Ish-shtatlarti i mbrojtjes sonë ka filluar stërvitje me kampionët dhe vetëm kontrata e ndan tani me skuadrën kampione. Fakaj, që ka bërë një periudhë pushimi, ka vendosur t'i rikthehet futbollit, duke zgjedhur Tiranën, ashtu si edhe shoku i tij, Çipi. Sipas drejtuesve të Tiranës, mbrojtësi gëzon momentalisht një formë relativisht të mirë, por duke qenë se është lojtar i njohur i futbollit shqiptar, do të bisedohet hollësisht për një kontratë të mundshme me të. Ervin Fakaj, pasi ka luajtur disa vite nëpër ekipe me emër të Europës, si në Belgjikë me Gentin, dhe ka provuar madje edhe kombëtaren, i është rikthyer vjet për një kohë të shkurtër kampionatit tonë, kur vendosi të veshë fanellën e Partizanit. Vlonjati nuk arriti ta gjejë dot formën me të kuqtë dhe tashmë mund të konsiderohet te Tirana "i fundmi i mohikanëve".

[BlueBaron]

Një futbollist në kampin bardheblu mund të ndëshkohet rëndë nëse godet kundërshtarin gjatë ndeshjes ...

Një futbollist në kampin bardheblu nuk mund ta godasë kundërshtarin me grusht fjala vjen, pasi një veprim i tillë do t'i kushtojë vërtet shtrenjtë financiarisht. Mësohet nga drejtuesit e Tiranës se në kontratat e futbollistëve janë parashikuar sanksione të forta nga donatorët, të cilat i detyrojnë lojtarët të mos bien pre e ndonjë sherri të mundshëm me kundërshtarët e tyre. Gjithashtu, në bazë të të dhënave të siguruara në klubin "Tirana", gjoba për lojtarët e tyre, në rast goditjeje të kundërshtarit, është e ndryshme. Për llogaritjen e saj duhet të merren parasysh dy faktorë. Së pari, ajo luhatet nga shuma që lojtari përfiton në kontratë, si dhe nga shpërblimet që ai duhet të marrë, por në realitet nuk i merr gjatë ndeshjeve që është i pezulluar. Sipas rregullores së FSHF-së, ai lojtar që në një ndeshje zyrtare godet me grusht kundërshtarin, pezullohet automatikisht nga loja. Kështu, titullari i Tiranës që, sipas rregullores së klubit, merr 500.000 lekë të vjetra shpërblime në rast fitoreje, kur nuk luan, sigurisht që nuk ka të drejtë përfitimi. Kurse nga ana tjetër, një klauzolë e kontratës së bardhebluve thotë se, në rast dënimi nga FSHF-ja të një futbollisti për shfaqje antisportive, lojtarëve në kampin bardheblu u hiqet një 2% përfitim nga kontrata. Ndaj dhe fatura totale peshon ndryshe për xhepat e lojtarëve bardheblu. Nëse do të marrim si shembull tre lojtarë, duke filluar me një ndër më të paguarit, e më pas me lojtarin që ka një pagë mesatare e duke përfunduar me futbollistët e stolit, përllogaritjet nxjerrin shuma të ndryshme. Për shembull, sulmuesi i Tiranës, Altin Rraklli, një ndër më të paguarit në kampin bardheblu, që merr afro 80.000 $, do të humbasë afro 2000 $ nga shuma totale, nëse godet kundërshtarin. Por duke qenë se Rraklli është lojtar titullar, në rast fitoreje të Tiranës, ai nuk arrin të marrë dot as shpërblimet. Në përllogaritjen e shumës presupozohet se bardheblutë i fitojnë katër ndeshjet e radhës, kështu që totalit që humbet Rraklli, nëse ka goditur kundërshtarin dhe pezullohet, i shtohen edhe 2.000 $ të tjera, që do të thotë se për të grushti peshon 4.000 $. Ndërsa Patushi që, sipas drejtuesve të Tiranës, futet te ata që paguhen mesatarisht, mund të humbasë 3.000 dollarë, sepse zbritja që i bëhet vlerës së shumës në kontratë në rastin konkret është më e vogël. Në fund, risku i një grushti për lojtarët e stolit është shumë më i vogël. Presupozohet se një nga lojtarët e stolit që luan titullar dhe në ndeshjet e tjera do të qëndrojë sërish në stol, prandaj dhe nuk mund t'i përfitojë dot shpërblimet. Nga ana tjetër, edhe kontratat e lojtarëve të stolit të Tiranës nuk shkojnë më shumë se 30.000 dollarë, kështu që fatura e gjobës, duke përfshirë vetëm 2%, nuk i kalon 600 dollarët. Megjithëse shifrat janë të rrumbullakosura, ato tregojnë realisht se një futbollist i Tiranës duhet të matet mirë para se të godasë kundërshtarin me grusht. Një politikë e tillë ndiqet vetëm nga kryeqytetasit, që tashmë kryesojnë bindshëm kampionatin.

[Moltisanti]

TIRONA--LACI 6-0

3' Tafaj
13' D.Muka
52' Patushi
70' Patushi
72' Pema (p)
75' Pema

elbasoni--teuta 3-0
vllaznia-- egnatia 2-0
morri kuq -- dinamo 0--2

kryeson tirona 53 pike
elbasoni 46
vllaznia 39

forca zebrat bardh e blu !!

[BlueBaron]

Vllaznia - SuperKlub TIRONA 0 - 2

... SK Tirona ka mundur ne Shkoder Vllaznine me rezultatin e paster 2 - 0 me gola te shenuar nga Patushi ne min '27 dhe Xhafa ne min '47. Tirona i largohet 9 pike ndjekesit me te afert Elbasanit qe sot barazoi me Dinamon 0 - 0 ne fushen e stadiumit te Fierit ...

... Urime Superskuadres Kampiones TIRONA ...

[BlueBaron]

Bardheblutë arrijnë për të tretën herë të mposhtin kuqeblutë, madje dy herë në shtëpinë e tyre ...

Vllaznia - Tirana 0-2

Vllaznia: Shehi, Teli, Kraja, Alcani (Brajoviç 51'), Lici, Gjokoviç, Ahi, (Sukaj 46') Belisha, Hoti, Sinani, Abilio, Trajner: V.Bici

Tirana: Hidi, E. Bulku, Çipi, Dabulla, Sina, Papa Sene, Bakalli, Patushi, Agolli, Muka(Behari 89), Rraklli(Xhafa 22', Pema 85'), Trajner: S.Starova

Golat: Patushi 27', F.Xhafa 45'+1.

Edhe për të tretën herë brenda këtij sezoni, Tirana arrin të mundë Vllazninë. Kjo ka qenë e dyta radhazi në "Loro Boriçi". Djemtë e Starovës, duke luajtur qetë-qetë, arritën të shënonin atëherë kur duhej dhe më pas nuk e patën të vështirë ta kontrollonin lojën. Nga ana e saj, Vllaznia e nisi keq ndeshjen. Lojtarët e saj dukej se nuk e kishin të qartë se para tyre ishte Tirana. Ata luajnë shumë të shpërqendruar dhe po ashtu arrijnë të humbasin shumë topa. Reparti që nuk arriti të dalë në lojën e tij ishte mesfusha. Gjokoviç dhe Belisha e patën shumë të vështirë të ndërtonin lojën e Vllaznisë, duke pasur përballë një "mur" bardheblu. Starova kishte sakrifikuar një sulmues, duke hedhur në fushë Papa Senen, i cili së bashku me Patushin dhe Bakallin thyenin çdo sulm të vendësve. Po ashtu, Tirana kishte menduar mirë edhe lojën nga krahët. Si në të majtin, edhe në të djathtin, Agolli dhe Sina dolën thuajse çdo herë fitimtarë ndaj Hotit dhe Ahit. Dhe pikërisht nga kjo lojë në krahë erdhën edhe dy golat e Tiranës. Spostimi i Devi Mukës nga krahët krijonte korridore të lira për Patushin dhe Xhafën, të cilët të qetë dhe të pambuluar nga asnjëri prej mbrojtësve të Vllaznisë nuk e patën të vështirë të shënonin. Kaq do të mjaftonte që në pjesën e dytë bardheblutë të "sodisnin" me kënaqësi zemërimin e tifozërisë shkodrane, që kishte ardhur për të parë një tjetër ndeshje nga skuadra e tyre. Trajneri Bici u mundua që në pjesën e dytë të ndryshonte diçka, por në të vërtetë nuk pati çfarë të ndryshojë. Ata që hynë nuk kishin kualitetin dhe aftësinë e duhur për të ndryshuar gjë. Për rrjedhojë, 45 minutat e dyta kanë qenë më se të mërzitshme, aq sa të gjithë të pranishmit në këtë ndeshje u penduan që erdhën në "Loro Boriçi", për të sfiduar të ftohtin e madh vetëm e vetëm për të parë pak futboll cilësor. I zhgënjyer do të ketë mbetur edhe Brigeli, i cili, si shumë tifozë shkodranë, nuk preferoi ta shihte fundin e kësaj ndeshjeje të rëndomtë, por u largua nga stadiumi disa minuta para se ajo të përfundonte. Përfundimisht, Tirana e meritoi fitoren, sepse me lojtarët e saj kualitativë e zgjidhi shpejt ndeshjen. Bardheblutë fituan edhe sepse patën në radhët e tyre një Devi Mukë, që fitoi duartrokitjet edhe të tifozërisë shkodrane. Vllaznisë, ndërkohë, dje i mungoi një lojtar i tillë, ose më mirë të thuhet i pati ata, por pati në fushë edhe 3 apo 4 lojtarë që nuk e meritojnë të veshin fanellën kuqeblu.
Deklarojnë:
- Vasil Bici, trajner i Vllaznisë: "Ne e kishim vlerësuar ndeshjen, por edhe një herë tjetër na mundën kualitetet e Tiranës. Kundërshtari ishte më lart se në të gjithë repartet dhe për rrjedhojë, pas shënimit të dy golave plotësisht të evitueshëm nga mbrojtja jonë, e kontrolloi me qetësi lojën. Ne jo se nuk u përpoqëm, jo se nuk bëmë presion, por ishim të pafuqishëm për të bërë më tepër. Në stol kishim lojtarë 17-vjeçarë. U kërkojmë falje tifozëve shkodrane për këtë zhgënjim, sepse e dimë që prisnin më shumë prej nesh."
- Sulejman Starova, trajner i Tiranës: "Fitorja, duhet ta pranoj, ishte më e lehtë nga sa e mendonim. Gjatë gjithë javës ishim përgatitur për të përballuar një ndeshje të vështirë dhe jam shumë i kënaqur që e zgjidhëm shpejt këtë ndeshje. Kjo fitore na ndihmon për të vazhduar të qetë rrugën drejt titullit, megjithëse vazhdoj të këmbëngul që edhe 9 pikë nuk janë shumë."

[BlueBaron]

... SK Tirona sot ka luajtur nje nga ndeshjet me te dobta te kampionatit, ku ka barazuar me Lushnjen 1 - 1. Nje ndeshje ku te dukej se nuk po shikoje SK Tironen, por ndonje ekip lagjeje. Lojtaret e Tirones dukej sikur i kishin kembet e lidhura ne fushe. Per me teper pasiviteti i pankines se Tirones, ku Starova levizi pak fare ose aspak. Nqs kerkojme nje fitore ndaj morrit javes tjeter, nuk duhet te shohim ne fushe kete Tirone ...

[BlueBaron]

Tifozat e Tirones jane te acaruar me lojen e saj dhe per me teper me trajnerin "e importuar" nga federata, morrin e kuq Sulejman Starova. Neve si tifoza na bohet qefi qe te Tirona eshte vendos rregulli per cdo gjo - kontrata, pagesa, levizje lojtaresh etj. Po nuk duhet me e bo ekipin si ZBOR qe Sula ka pas te Morri.
Problemi i Sules fillon te menyra e manaxhimit. Atij i duket vetja drejtor dhe pret qe lojtaret ta respektojn nga vete pozita qe ka. Kto jon kohet e shkume dhe nuk manaxhohet mo ashtu se nuk jemi ne kohen e Dulles. Ai me te vertet e ka poziten dhe esht nje pozit e respektushme, po dicka i mungo - ai po manaxho nji grup lojtaresh qe nuk e kan qef, nuk e respektojn, nuk besojn te strategjit e tij dhe ai nuk mund t'i motivoj dot. Lojtaret nuk dun me lujt per ate. Ai nuk na ka sjell asgjo tjeter pervec percamjes ne ekip. AI erdhi te nji ekip qe ishte nji penallti ose nji shtyll larg turit te tret te Kupes Kampjoneve. Tirona me kontigjentin qe kishte dhe ka mund te dal kampjon pa nevojen e tij. Ai erdhi si trajner me e pregatit ekipin per te ardhmen, per Kupen e Kampjoneve me strategjit e veta si profesor qe ka qen. Jo vetem qe nuk i ka bo kto gjona, po per menimin tim ai e ka demtu Tironen. Ai e ka kthy Tironen ne nji ekip ordiner pa facaden lluksoze qe ka pas kto vitet e funit. Tirona mezi fito 1-0 ose 2-1 me ekipe qe ajo duhet ti shpartalloj. Lojtaret akoma nuk jon ambjentu me njonji tjetrin se nuk lujn mo shum se dy neshje bashk ose mo shum se dy neshje ne te njejtin pozicion. Pranej per kto gjona e ka fajin Sula.
Edhe lojtaret kundra Lushnjes tregun pakenaqsin e vet kundra trajnerit te tyre. Jo se nuk kishin fuqi me lujt, jo se nuk kishin fuqi me fitu, po nuk kishin deshire me lujt per Sul Staroven.

... NEVIL DEDE, INDRIT FORTUZI, MIREL JOSA te Tirona ...

[miki_al2001]

ej urime fortuzi sot lojtar i ndeshjes iraklis panionios.gol fantastik