Tifozat e te modhes ''TIRANA'' <2>

[StormAngel]

Pershendetje bardheblu!

Me duhet nje foto e Indrit Fortuzit, mund te me ndihmoje ndonjeri?
Faleminderit

Forca kuqeblute

Këto gjeta Bianconero:

[Moltisanti]

Tirana, Bushi, në vend të Fortuzit


Aranit MURAÇI



Alban Bushi është shumë pranë rikthimit në kampionatin tonë. Nuk është çudi që edhe një herë tifozët e Tiranës të shohin në gjirin e skuadrës së tyre, në sfidën e parë zyrtare të këtij viti, një lojtar tjetër të kalibrit të kombëtares. "Bushi është një lojtar që ka dalë nga gjiri i Tiranës, ndaj e mirëpresim te skuadra jonë," - deklaron sekretari i kampionëve në fuqi, Shkëlqim Muça, duke zyrtarizuar në njëfarë mënyre interesimin e klubit kryeqytetas për sulmuesin e njohur. Ndërkohë, një burim tjetër brenda klubit bardheblu thekson se gjatë dy ditëve të fundit palët kanë nisur bisedimet. Për momentin, marrëveshja ka "ngecur", sepse klubi bardheblu është në pritje të konfirmimit të fundit të lojtarit. Madje mësohet se gjatë bisedimeve Bushi në fillim fare i ka kërkuar Tiranës plot 100.000 dollarë. Por duke qenë se shuma e deklaruar nga donatorët për pasuesin e Fortuzit do të jetë jo më shumë se 80.000 dollarë dhe në këtë pikë drejtuesit e Tiranës kanë këmbëngulur për të mos lëshuar pe, goleadori kuqezi mësohet ta ketë pranuar këtë shumë, duke thënë në fund se është i gatshëm t'i rikthehet formacionit bardheblu. Por më parë atij i duhet të zgjidhë kontratën me skuadrën turke, Istambulspor. Sidoqoftë, sipas gjasave, ka të ngjarë që Tirana dhe Bushi ta nisin së bashku fazën e tretë të këtij kampionati. Për "boom"- in e radhës pritet zyrtarizimi i drejtuesve të Tiranës. Edhe sekretari i kampionëve thotë se, nëse Bushi pranon e rikthehet, do të diskutohet hollësisht për shumën që do të përfitojë. "Një gjë është e sigurt për Bushin, - sqaron Muça. - Nëse vjen, dera është e hapur për të. Për kontratën dhe gjithça tjetër në lidhje me rikthimin e tij, ne do të ulemi dhe do të bisedojmë hollësisht për të arritur marrëveshjen. Megjithatë, deri dje pasdite nuk kishte asgjë konkrete. Menjëherë sapo ta konkretizojmë merkaton tonë me Bushin, apo ndonjë tjetër, ne do ta deklarojmë zyrtarisht emrin e tij. Dëshira jonë është që ta sjellim lojtarin brenda 2-3 ditëve, para fillimit të fazës së tretë," - thotë Muça. Ndërkaq, sekretari Muça dhe trajneri Starova, gjatë ditëve të fundit kanë biseduar gjatë dhe shpesh për sa i përket merkatos së dimrit. Prej disa ditësh kërkohet me ngulm një sulmues dhe një mbrojtës.
Megjithatë, blerja e Bushit bëhet edhe më shumë e realizueshme, sepse më tej sekretari i Tiranës deklaron: "Po, është e vërtetë dhe njëkohësisht normale të konsultohem me trajnerin, madje këtë e bëj çdo ditë. Nga bisedat tona mund të them se për momentin nuk bëhet fjalë fare për lojtarë të kampionatit shqiptar, që luan me skuadrat rivale të Tiranës. Por ne nuk jemi shumë të interesuar edhe për lojtarë të tjerë të huaj. Pak a shumë, skuadrës sonë i duhet një futbollist cilësor, i kalibrit të kombëtares, siç është shumica e grupit tonë," - përfundon Muça.
Pra, para fillimit të fazës së tretë, emri i sulmuesit mund të jetë goditja më e mirë e Tiranës në merkaton e dimrit, për të mbyllur një herë e mirë "çarjen", që shkaktoi ikja e Fortuzit. Alban Bushi luan në Turqi me Istambulsporin, pas largimit të Fortuzit dhe interesimit të donatorëve për një lojtar tjetër sulmi, duket se do ta përfundojë karrierën vërtet në Shqipëri. Vetëm pak ditë më parë, Bushi ka deklaruar nga Turqia se dëshiron ta përfundojë karrierën në vendin tonë me atë skuadër që e ka nisur, pra me Tiranën. Tifozët presin realizimin e premtimit.

[Bianconero]

Këto gjeta Bianconero:

Faleminderit shume StormAngel

[StormAngel]

Bianconero,
Tek www.futbolli.com ke edhe foto galerinë e Sk Tirana.
Mbase gjen edhe fotot tjera.

P.S: S`ka përse.

[BlueBaron]

Merkatoja e Tiranës nuk është mbyllur vetëm me blerjen e Bakallit, sepse trajneri i kampionëve në fuqi, Sulejman Starova, pas stërvitjes së djeshme la të nënkuptohej se mund të ketë blerje të tjera. "Unë në fakt besoj te ky grup dhe po punoj për ndeshjet e gjysmës së dytë të kampionatit. Por kjo nuk do të thotë se merkatoja jonë është e mbyllur. Data e mbylljes është 31 janari, çka do të thotë se deri atëherë i kemi dyert e hapuara," - sqaron trajneri i Tiranës. Më tej, njëshi i stolit bardheblu flet për grupin e futbollistëve, para ndeshjes së parë të vitit 2005. Dje ai e ka pasur për herë të parë të gjithë grupin në dispozicion, teksa i janë kthyer elementët më cilësorë të skuadrës. "Jam i kënaqur me gjendjen e përgjithshme të skuadrës. Para ndeshjes së radhës me Shkumbinin, mund të them se është konsoliduar më në fund grupi, pasi gjatë ditëve të fundit na mungonte shumica e elementëve cilësorë. Pra, presim ta nisim sa më mbarë fazën e tretë," - thekson në fjalën e tij trajneri i Tiranës, Sulejman Starova.

[CIM MUCA]

Un s'e di se si do t'ja dalin pa ''ZOGUN'' po prap ket kamjonat e kemi gati te sigu
rum.Po c'a do bojn kto donatoret per TIRONEN kur nuk qen te zot me majt ZOGUN

[Moltisanti]

Un s'e di se si do t'ja dalin pa ''ZOGUN'' po prap ket kamjonat e kemi gati te sigu
rum.Po c'a do bojn kto donatoret per TIRONEN kur nuk qen te zot me majt ZOGUN

Me sa nigjova une ZOGU kishte dash me ik vet ke IRAKLIS ...

gjithsesi ZOGU osht lojtari me i mire qe kena nxjerr 10 vjecarshin e funit

U ka pas fol per lokun ose bushin me mire per tu kthy ke tirona po nuk ran dakort me pagesen e tij pasi BUSHI kerkote 100.000 euro nvit ,ndersa tirona i jepte vetem 80.000 edhe sdi ca do bohet me tutje ,se merkatoja myllet me 31 do zoti po kthehet prap ke TIRONA qe tbojme i cik buj ne champions league se kampjonatin e kena tmor dhe ket vit !!!

TIRONA-SHKUMBINI 2-0 sot ne fier me gola te merkocit dhe mukes 4 pike para ELBASONIT

[BlueBaron]

Kampionët kanë fituar bindshëm në Fier përballë Shkumbinit, ku ka shkëlqyer kapiteni Muka.

Tirana nuk fal më. Kampionët në fuqi e kanë nisur fazën e tretë me "fytyrën" që i ka karakterizuar shpeshherë, atë të kampiones. Bardheblutë, në përballjen e parë zyrtare të këtij viti, janë detyruar të udhëtojnë disa kilometra larg kryeqytetit, por megjithatë asgjë nuk i ka penguar të seleksionojnë fitoren e radhës. Në takimin e fundit të javës së parë, djemtë e Starovës kanë mposhtur 2-0 Shkumbinin, duke u dhënë fund disa luhatjeve të çuditshme që hasën në katër ndeshjet e kaluara. Dje, në tapetin e saposhtruar të stadiumit të Fierit, "Loni Papuçiu", ekipit të Starovës i ka mjaftuar vetëm pjesa e parë për t'i dhënë "shuplakën" e radhës Shkumbinit. Dy gola të shënuar në këtë pjesë, një nga Eldorado Merkoçi dhe i fundit nga kapiteni Devi Muka, i kanë mjaftuar Tiranës për një tripikësh, që për momentin konsiderohej shumë i vlefshëm, jo vetëm për trajnerin Starova, por edhe për kreun e klasifikimit. Në fillim të ndeshjes, të dyja skuadrat dukeshin të motivuara për fitore. Kryeqytetasit e nisin më me vrull lojën dhe që në fillim aksionet e tyre kishin theks sulmues, çka linte vend për t'u nënkuptuar se trajneri bardheblu dëshironte ta zgjidhte sa më parë rezultatin në favor të Tiranës. Por si mund të ndodhë ndryshe, kur dihet nga të gjithë se kjo skuadër i ka të tëra kushtet e nevojshme për ta fituar një ndeshje normale të kampionatit? Shkumbini e kishte të pamundur të depërtonte në portën e kryeqytetasve, sepse jo vetëm që përballej me një mesfushë shumë të organizuar të Tiranës, por edhe në mbrojtje duheshin llogaritur lojtarë të kalibrit të tillë, si Geri Çipi. Kështu, Tirana, duke qenë e sigurt në mbrojtje, me dyshen Xhafa-Merkoçi kërkonte me ngulm golin. Ky i fundit, në momentin ideal, pas një asisti të kapitenit Muka, nuk fal portën peqinase. Më tej, miqtë, edhe pse janë përpjekur të rrezikojnë portën e Hidit, nuk kanë mundur dot të shënojnë për të barazuar rezultatin. Shkumbini i është afruar vetëm një herë golit, në një rast me protagonist Stojkun, që goditi shtyllën. Të njëjtën gjë bën më vonë edhe E. Bulku për bardheblutë. Kur fraksionit të parë po i vinte fundi, kapiteni Muka, i cili vazhdimisht ka shkëlqyer gjatë organizimit të lojës, nuk mbetet pas edhe në shënimin e golave, sepse falë klasit të tij, i ka dhënë një "krehje" të dytë Billës, duke e mbyllur shumë herët takimin në favor të bardhebluve. Pas këtij goli, Tirana e qetësoi lojën dhe miqtë dalëngadalë u dorëzuan përballë kryesuesve. Kështu, pjesa e dytë ishte më e mirë për Shkumbinin, që e dominoi lojën, por pa arritur të gjejë hapësira në mbrojtje. Edhe pse jo më shumë emocionuese, pjesa e dytë mbyllet me të njëjtin rezultat si në pjesën e parë. Pra, i tërë takimi mbyllet me një fitore të pastër dhe të merituar të Tiranës, që e ka nisur fazën e tretë me petkun e kampiones, duke qenë se jo vetëm kryeson kampionatin, por mbart në gjirin e saj edhe lojtarë të kalibrit të kombëtares sonë.
Sulejman Starova, trajner i Tiranës: "E kishim vlerësuar maksimalisht këtë ndeshje, sepse përballë kishim një skuadër tepër të fortë. Nga ana tjetër, na duhej shumë fitorja për vetë pozitat e kreut të klasifikimit. Golat e shënuar qysh në pjesën e parë na e lehtësuan punën dhe më tej loja jonë ishte më e thjeshtë. Edhe pse vazhdojmë të jemi vetëm 4 pikë larg nga vendi i dytë, nuk duhet ta humbasim për asnjë çast vigjilencën. Djemtë luajtën të mobilizuar gjatë gjithë ndeshjes. Jam i kënaqur me atë çka dhanë në fushën e lojës."

[BlueBaron]

Tirana i rikthehet fitores, por edhe Eldorado Merkoçi i është kthyer formacionit bazë. Madje lojtari është rikthyer me një gol shumë të rëndësishëm, që pas hmbjes me Dinamon i ka hapur "derën" fitores së parë zyrtare të bardhebluve për këtë vit. Sulmuesi i njohur i Tiranës flet pas rikthimit në formacionin e parë, duke theksuar se në fund të fundit më i rëndësishëm se goli mbetet fitorja e skuadrës: "E rëndësishme ishte fitorja e Tiranës. Ne duhet ta fitonim këtë ndeshje dhe fakti që ia arritëm qëllimit më gëzon më shumë se goli që shënova në fillim të lojës ndaj Shkumbinit. Ne luajtëm të gjithë për një qëllim dhe për pasojë kontribuan pak a shumë të gjithë njëlloj për këtë tripikësh tepër të rëndësishëm. Tashmë skuadra jonë mbetet në krye, por pas disa rezultateve jo fort të pëlqyeshme në javët e fundit. Duhet të vazhdojmë me këtë ritëm," - shprehet në fillim të fjalës së tij lojtari i kampionëve në fuqi. Më tej, për të ardhmen e tij, Merkoçi, që është kthyer vetëm në javën e parë formacionit të parë thekson: "Kam qenë i dëmtuar, madje në sfidën kundër Shkumbinit nuk isha në formën e duhur. Para pak kohësh kam bërë një operacion në gishtin e madh të këmbës, çka më ka penguar, ose më ka mbajtur larg fushës së blertë. Pra, ka qenë një ndër faktorët që ka ndikuar në aktivizimin dhe paraqitjen time. Megjithatë, pas ndeshjes së Shkumbinit pres të luaj në të ardhmen për të dhënë kontributin tim për Tiranën. Një sulmues ka për detyrë të shënojë sa më shumë gola dhe unë nuk mund të pretendoj të kundërtën. Megjithatë, së pari duhet të vij 100% në formë," - vijonë më tej Merkoçi. Në fund të fjalës së tij, lojtari komenton ecurinë e këtij kampionati, duke qenë optimist për të ardhmen e Tiranës. Sipas tij, nuk diskutohet fare titulli kampion nëse skuadra luan me impenjimin e ndeshjes së fundit. "Tirana është në krye. Por për t'ia dalë mbanë, në pjesën e mbetur të sezonit nuk duhet ta lëshojë vendin e parë. Ekipi ynë është favorit në dy fronte. Së pari, ne luajmë për titullin kampion, por do të luajmë me tëra forcat për të fituar edhe Kupën e Shqipërisë. Tirana duhet të tregohet e vëmendshme në çdo ndeshje, sepse për mua është në gjendje të fitojë përballë të gjithë skuadrave të kampionatit tonë. Ajo që na gëzon është fakti që në skuadër nuk ka krizë, sepse ekipi, pas një barazimi apo humbjeje, i kthehet menjëherë fitores, një rezultat që i shkon gjithmonë për shtat Tiranës," - përfundon sulmuesi i Tiranës.

[BlueBaron]

Tirana jo vetëm synon të fitojë ndeshjen e radhës kundër Egnatias, por shpreson që këtë javë të shkëputet nga ndjekësi më i afërt, Elbasani, i cili ndodhet 4 pikë larg dhe të shtunën do të luajë me Lushnjën në fushën e kësaj të fundit. "Tirana nuk i diskuton ndeshjet me asnjë skuadër të kampionatit, qoftë kur luan brenda, qoftë edhe jashtë fushës së vet. Në Rrogozhinë do të shkojmë për një fitore bindëse për të ruajtur pozitat e kreut të klasifikimit. Me ekipin rrogozhinas i kemi fituar dy ndeshjet e para dhe tani besojmë se do të fitojmë edhe të tretën. Nuk ka diskutim që Tirana futet në fushë vetëm për një qëllim. Barazimi jashtë fushës sonë konsiderohet humbje. Megjithatë, ne e kemi nisur shumë mirë fazën e tretë dhe tani shpresojmë të shkëputemi përfundimisht nga vendi i dytë. Elbasani ka një ndeshje më se të vështirë në Lushnjë, që do të thotë se, nëse gabon këtë javë, ne kemi rastin ideal për ta thelluar diferencën me të. Megjithatë, kjo nuk do të thotë që të heqim vëmendjen nga ndeshja e Rrogozhinës dhe të nënvlerësojmë kundërshtarin tonë. Duke qenë se do të luajmë në një fushë të amortizuar, fitorja mund të jetë më e vështirë nga ç'mund të mendohet, prandaj duhet të jemi që në fillim të mobilizuar. Pikësëpari, duhet të japin maksimumin për të fituar përballë Egnatias," - thekson futbollisti i mesfushës së Tiranës. Kësisoj, për Patushin, Tirana mbetet ekipi më i arrirë, sepse kushtet e skuadrës së tij të tilla janë në krahasim me të tjerët. "Ne vazhdojmë të qëndrojmë në krye dhe njëkohësisht të mos konkurrohemi fort nga të tjerët. Ekipi ynë e ka filluar mirë fazën e tretë, duke lëshuar një sinjal pozitiv drejt titullit të tretë kampion. Tirana është mësuar të fitojë dhe asnjë rezultat tjetër nuk i shkon për shtat kësaj skuadre. Edhe pse ekipi ynë e mbylli fazën e dytë në krye të klasifikimit dhe në gjirin e saj aktivizohen shumë futbollistë cilësorë, merkatoja jonë përsëri vazhdon të jetë aktive. Pra, kjo skuadër është mësuar të qëndrojë në krye, çka nënkupton se ne do të mbetemi gjithmonë në vend të parë të klasifikimit," - thekson lojtari i formacionit bazë të bardhebluve. Në fund të fjalës së tij, pas dy titujve kampionë me kryeqytetasit, Patushi shpreson të seleksionojë trofe të tjera. "Për mua, Tirana është kulmi i karrierës sime, sepse me këtë fanellë kam fituar shumë. Në dy sezonet e shkuara kam dalë dy herë kampion. Ky është sezoni i tretë dhe premisat janë për të fituar edhe të tretin radhazi. Në këtë mes nuk mund të lë pas dore kupën, një trofe që më mungon te Tirana. Për më tej, në kupat e Europës, mendoj se ka kohë. Më parë duhen përmbushur objektivat e kampionatit," - shprehet në fund Patushi, një nga pikat më të forta të mesfushës së Starovës.