Rreth 60.000 femra shqiptare punojnë si skllevër të seksit në Evropë. Mbi
gjysma e tyre janë vajza nën 18 vjet, të shitura në industrinë seksuale të
mafisë shqiptare.
Është duke u kryer një tregti e madhe në Shqipëri, dhe shumica prej tyre
janë femijë. Disa gënjehen duke u ofruar atyre mundësi largimi nga shteti
dhe mundësi për martesa ose vende pune në shtetet perendimore. Të tjerët
detyrohen, kidnapohen dhe shiten si skllevër në tregun seksual Evropian.
Këtë e dokumenton "Redd Barna" e Norvegjisë në një raport. Organizata këtë
llojë organizimi e quan "tregtia e kohës së sotme e skllevërve".
Nuk mund të përjashtohet mundësia se femrat dhe vajzat shqiptare të
zhdukura mund të plasohen edhe në Skandinavi, thotë sekretaresha e "Redd
Barna", Gro Brakken.
Ajo e lutë qeverinë norvegjeze që të vlerson mënyra për ndihmë të këtyre
fëmijeve të cilët i nënshtrohen këtijë organizimi mafioz.
“1000 gangsterë shqiptarë në SHBA”
FBI: Ata po i zënë vendin Cosa Nostra-s italiane
“Rreth 1000 gangsterë nga Shqipëria, dhe vende të tjera të Ballkanit po ushtrojnë aktivitetin e tyre kriminal në Shtetet e Bashkuara të Amerikës, madje ata po zënë vendin e Cosa Nostra-s”, ka deklaruar dy ditë më parë në gazetën më të shitur në SHBA, “Usa Today” , njëri prej drejtorëve të sapoemëruar të FBI-së për çështjet e krimit investigativ
.Sipas tij, mafia shqiptare po fuqizohet fuqishëm duke zëvendësuar familjet e mëdha mafioze italiane të cilat kanë qenë shumë të fuqishme në Nju-Jork vite më parë. Kujtojmë se goditjen më të madhe Cosa Nostra e mori kur prokuror i Nju-Jorkut ishte italiani Rudolf Xhuliani, i cili shkatërroi familje të mëdha mafioze duke filluar që nga Karlo Gambino e duke përfunduar tek Laki Luçiano. Por specialistët e krimit ivestigativ, thonë se mafia ka ligjin e saj. Edhe pse asaj i priten rrënjët, ripërtërihet si oktapodi. Kështu po ndodh edhe me mafian shqiptare, e cila po ripërtërihet duke i zënë vendin edhe Cosa Nostra-s. Këtë e ka pohuar në po të njëjtin artikull, edhe U. Uilliam, kreu i FBI-së për krimin e organizuar. “Kohët e fundit, tha ai, gangsterët shqiptarë kanë marrë kontrollin në territoret e disa familjeve mafioze në Nju-Jork, të cilat u dobësuan disi mbas hetimeve të FBI-së”. Sipas tij, për vite me radhë, gangsterë nga Ballkani, veçanërisht nga Shqipëria, janë përdorur nga mafia amerikane për punë të pista, të tipit vrasje apo rrëmbime. Kështu, organizatat krimininale shqiptare, të cilat operojnë kryesisht në Nju-Jork, por edhe në qytete të tjera lindore të SHBA-së paraqesin një problem serioz për agjentët federalë nga veprimet e tyre të dhunshme dhe të jashtëligjshme.Karakteristikat e mafias shqiptare“Ato janë grupe të mëdha, të cilat veprojnë në mënyrë shumë mirë të organizuar”, tha Sueker, drejtor në FBI për krimin investigativ në një prononcim në televizionin “CNN”. Ai shtoi se mijëra shqiptarë dhe të tjerë që kanë lënë Ballkanin për të arritur në SHBA në këto vitet e fundit, janë bërë faktor kryesor i çështjes së krimit të organizuar duke tentuar të zëvendësojnë kështu familjet e mëparshme mafioze italiane. Sipas ekspertëve të FBI-së, shqiptarët patën hapësirën e nevojshme për të operuar, ndërkohë që tashmë grupet e tyre janë fuqizuar së tepërmi duke u lidhur ngushtë me organizatat e fuqishme të krimit botëror. Kështu, edhe shqiptarët etnikë nga Kosova, Maqedonia dhe Mali i Zi janë të përfshirë në klane kriminale dhe kanë bërë një hyrje të fuqishme në botën e krimit të organizuar. Po sipas ekspertëve, mafia ruse, si dhe grupe të tjera kriminale në SHBA, është e mirorganizuar, por paraqet rrezikshmëri më të vogël, në krahasim me grupet shqiptare.
Karakteristikat e mafias shqiptare në SHBA·
1 mijë gangsterë shqiptarë kanë hyrë në SHBA
Grupet shqiptare në krahasim me grupet e tjera janë më të dhunshme
Ato përdoren nga mafia amerikane për vrasje dhe rrëmbime ·
Organizatat shqiptare janë grupe të mëdha, të cilat veprojnë në një mënyrë shumë mirë të organizuar ·
Bashkëpunojnë ngushtë me organizatat e tjera të krimit botëror ·
Grupet shqiptare rriten shpejt dhe marrin kontrollin në territoret familjeve të tjera mafioze
Super: Mafia shqiptare s´ka lidhje me terroristët islamikë
Megjithëse mafia shqiptare po rritet me shpejtësi, sipas drejtorit të krimit investigativ në FBI, Kris Sueker, ende nuk janë gjetur lidhje terrorizmi midis militantëve islamikë dhe gangesterëve shqiptarë. Gjithsesi, në prononcimin e tij për stacionin televiziv “CNN”, ai tha se FBI-ja është duke hetuar për dyshimet që kanë të bëjnë me ndonjë financim të mundshëm.
“Ju rrëfej mafian shqiptare”
Kryeprokurori i Antimafias italiane: Ja karakteristikat
Nxiton, flet, qesh. Në katin e dytë të hotel “Grandit” e presin me ngut për të darkuar pesë ministra. Ndërsa një duzinë badigardësh me syze dhe kostume më të zeza se nata e rrethojnë çdo çast.Por hija e rëndë e detyrës së prokurorit kombëtar të Antimafias italiane nuk përputhet kurrsesi me emrin Pier Luixhi Vinja. Rrezaton kudo thjeshtësi dhe e gjen kohën të të presë me buzë në gaz. Të të durojë madje edhe rrebeshin e pyetjeve. Të durojë njëkohësisht edhe përkujdesjen e tepruar të ca anonimëve rreth e rrotull. Dhe merreni me mend, ky njeri ka zbërthyer Cosa Nostra-n, lufton Kamorrën, Ndragetën e së fundi dhe kapot e mafias shqiptare që punojnë e jetojnë në Itali. Në një intervistë ekskluzive për gazetën “Panoramën” ai bën radiografinë e mafias shqiptare. Përse është fuqizuar. Cilat janë karakteristikat e saj. Por edhe përpjekjet e hartimit të një ligji që për Vinjën do të thotë që shteti demokratik shqiptar të mos bjerë nën kthetrat e saj. Në krah të tij ndihmësi besnik, Françesko Mandoi, I cili nuk I ndahet për asnjë çast dhe që ndërhyn aty ku intervista kthehet në debat. Madje, të sqaron se edhe italianët vetë nuk e dinë se nga vjen fjala mafia.Kjo është e shtata herë që z. Vinja vjen në Shqipëri. Nga hera e parë që keni ardhur në Shqipëri deri në këtë vizitë, cili është ndryshimi që, sipas jush, ka pësuar drejtësia shqiptare në luftë kundër mafias?Përpara se të flisja për drejtësinë, do të flisja për përshtypjen që më ka lënë Tirana. Kur kam ardhur për herë të parë në 1997-ën, Tirana ishte e mbështjellë nga një re pluhuri dhe kishte dhjetëra e dhjetëra njerëz të ndalur në mes të rrugës pa bërë asgjë. Duhej të qarkullonim të shoqëruar nga karabinierët, dhe, para së gjithash, ka pasur një ndryshim të qytetit dhe pak a shumë të të gjithë Shqipërisë. Për sa i përket drejtësisë, ne kemi qenë shumë miq të prokurorit të përgjithshëm Arben Rakipi, i cili i ka dhënë një impuls të rëndësishëm këtij bashkëpunimi, mes zyrës sonë dhe Prokurorisë së Përgjithshme, bashkëpunim që ka vazhduar edhe me prokurorin e tanishëm, zotin Theodhori Sollaku. Proku-rorët e përgjithshëm, së bashku me drejtorin e Drejtorisë së Marrëdhënieve me Jashtë, Ardian Visha, si dhe gjyqtarët e tjerë, kanë ardhur më shumë se një herë në zyrën tonë në Romë dhe patën mundësinë të njiheshin me gjithë prokurorët e provincave italiane, e kështu edhe të lidhnin marrëdhënie të drejtpërdrejta. Një njohje e tillë e drejtpërdrejtë i lehtëson edhe ndihmat që mund të jepen në sektorin e drejtësisë. Gjyqtarët italianë erdhën në Shqipëri për të kryer hetime e për të vënë në dispozicion të prokurorisë shqiptare prova dhe akte që ata kishin kryer, dhe u pa një zhvillim goxha i madh në sektorin ligjor. Për shembull, miratimi i ligjit për bashkëpunëtorët e drejtësisë, i cili në Itali ka qënë një nga instrumentet më të rëndësishme në luftën kundër krimit të organizuar, është një arritje e spikatur edhe për vendin tuaj. Dhe tani, kjo paketë reformash, që ne shpresojmë të aprovohet nga Parlamenti, mua, por dhe kolegut tim, i cili ka bashkëpunuar dhe ka dhënë sugjerime për këto dispozita, na ka bërë përshtypje shumë pozitive, veçanërisht ato norma që parashikojnë konfiskimin dhe sekuestrimin e pasurive që zotërohen nga persona që u përkasin grupeve kriminale. Në Shqipëri ka ndodhur ajo që ndodh në të gjitha vendet, d.m.th. kriminaliteti, pasi grumbullon kapitalet me anë të trafiqeve të paligjshme, pra, me drogë, armë e kështu me radhë, duhet t’i riinvestojë këto para në sistemin ekonomik dhe ky është rreziku më i madh që mund të ekzistojë për një shtet demokratik, sepse nëse kriminaliteti arrin të shtjerë në dorë ekonominë, do të jetë ai që do të drejtojë vendin. Pastaj ekonomia është burim korrupsioni, sepse jep disponibilitet parash dhe shërben për të kontrolluar territorin, shërben për të tërhequr persona të papunë në grupin kriminal. Pra, ky ligj është shumë pozitiv. Është pozitiv, edhe pse si ligji ynë, parashikon që pasuritë e sekuestruara më pas të destinohen për aktivitete publike dhe sociale, kështu që kjo i dëshmon popullsisë se shteti i kthen shoqërisë, atë që është mbledhur me punët e paligjshme. Pra, është një ligj që nën këtë aspekt, ka një ndikim të fortë edhe mediatik, komunikues dhe kjo është shumë e rëndësishme. Ka edhe ligje të tjera të rëndësishme që kanë të bëjnë me reformën e Kodit Penal, si ai që parashikon shoqatat kriminale, shoqatat terroriste, financimin e terrorizmit dhe ndëshkimin e korrupsionit. Është i rëndësishëm, gjithmonë nën këndvështrimin për të cilin fola më lart, fakti që të parashikohet ndëshkimi edhe i korrupsionit privat. Pra, jo vetëm në rastin kur dikush korrupton një nëpunës publik, por edhe nëse një sipërmarrje i derdh një shumë parash një shoqërie tjetër, për të pasur p.sh. monopolin e një aktiviteti të caktuar ekonomik. Atëherë kur ka sipërmarrje kriminale, është shumë e rëndësishme të ndëshkohet edhe ky tip korrupsioni. Në këtë pikë jemi njësoj si në Itali, sepse edhe atje kemi një ligj për të ndëshkuar korrupsionin privat. Kemi pasur disa takime shumë interesante me kryeministrin Fatos Nano, me ministrin e Drejtësisë Fatmir Xhafa dhe me ministrin e Rendit Publik, Igli Toska. Natyrisht, përveç ligjeve, janë të nevojshme edhe strukturat, pra mjetet teknike, për shembull përdorimi i përgjimeve telefonike, por edhe një personel policior shumë i përgatitur, i cili duhet të jetë edhe mjaftueshmërisht i shpërblyer për punën e tij...Ky është një problem që ne e hasim në të gjitha vendet e Evropës Lindore, ku, për fat të keq, forcat e policisë nuk paguhen aq sa duhet, e kështu që mund të ndodhin fenomene devijimi. Pra, tabloja ka ndryshuar shumë, më parë ishte një tablo e zezë, tani shihet bojëqielli, shihet pak qiell, shihet pak det.Ekziston një debat në media, sipas të cilit nuk është e vërtetë që mafia shqiptare është më e fuqishme se ajo italiane, me pak fjalë, nxënësi i ka kaluar mësuesit. Unë personalisht fjalën mafia për herë të parë e kam dëgjuar në një film italian, me titull “Kush e bën ligjin”. Ndërsa tani në këtë moshë dëgjoj se mësuesit e këtyre mafiozëve që bënin ligjin janë patriotët e mi. A mendoni ju se nxënësi ka dalë mbi mësuesin?Ndërhyn Françesko Mandoi, zëvendësprokuror i Antimafias italiane(Nuk jemi në olimpiadën e mafies)Pier Luixhi VinjaMafia italiane është po aq e rrezikshme sa mafia shqiptare, ajo ruse, kineze, kolumbiane etj. Ndoshta, ajo që thoni ju mund të shpjegohet kështu: bota jonë nuk është më e mbyllur, nuk ka më një shtet të mbyllur në vetvete, globalizimi ka prekur edhe kriminalitetin. Ashtu si ne përpiqemi të ndërtojmë ligjet më të mira, ashtu edhe ata marrin teknikat më të mira kriminale. Pra, ka një përhapje metodologjie, që i dedikohet edhe marrëdhënieve që kanë grupet kriminale mes tyre. Por ne nuk jemi këtu, ashtu si tha edhe kolegu im, për të dhënë medalje. Duhet të them edhe diçka tjetër: ashtu si globalizimi i ekonomisë ka bërë që “hamburgeri” të quhet njësoj si në Itali edhe në Amerikë e Shqipëri, në të njëjtën mënyrë, një fjalë ndërkombëtare është bërë edhe fjala “mafia” që nuk ka të njëjtin kuptim në të gjitha vendet, por që përdoret për të përkufizuar një gjë të caktuar, ashtu siç përdoret edhe fjala “hamburger” për të përkufizuar “hamburgerin” i cili në Itali mund të quhet edhe “polpeta”, në Shqipëri mund të përkufizohet me një fjalë tjetër, në Kinë mund të përkufizohet me një tjetër. Mafia është një etiketë, vlera e së cilës është një fjalë tashmë e ndërkombëtarizuar, por kjo s’do të thotë aspak se ajo përfaqëson të njëjtin fenomen në Itali e në Shqipëri. Veprimet e mafias janë fenomene lokale, me karakteristika të veçanta, për të cilat është është e pamundur të thuhet që njëri ia mësoi tjetrit apo anasjelltas.Cili është pozicioni aktual i mafias shqiptare? Sa e fuqishme është ajo?Sipas meje, mafia shqiptare është e fuqishme për dy arsye: para së gjithash, sepse ka qenë e aftë të praktikojë më shumë se një formë kriminaliteti, fjala vjen armët, lëndët narkotike, qeniet njerëzore. Mafia shqiptare është tepër e dhunshme, në krahasim me grupet e tjera kriminale në Itali, aq sa në disa zona të territorit tonë shqiptarët kanë marrë pushtetin mbi grupet e tjera të huaja kriminale. Mafia shqiptare është e rrezikshme edhe sepse për disa lloje trafiqesh, p.sh. ato të lëndëve narkotike, shërben si një lloj strukture shërbimi për organizatat tona kriminale. Pra, në Itali nuk kultivohet, p.sh. papaverina, kokaina, as mariuana, atëherë janë grupet kriminale, si ato të Kolumbisë apo edhe grupet shqiptare të cilat e marrin heroinën nga Turiqia dhe Bullgaria, të cilat u shërbejnë organizatave tona kriminale si një lloj supermerakti ku oraganizatat tona kriminale furnizohen. Pastaj, shiko se as ne italianët nuk e dimë se ç’do të thotë mafia, nuk e dimë nga vjen kjo fjalë. Thonë se vjen nga arabishtja.Françesko MandoiDoja t’u shtoja diçka këtyre që tha kolegu. Atëherë nuk do të bëja pyetjen “sa e rrezikshme është mafia shqiptare”. Këtë pyetje do t’ua bëja shqiptarëve, të cilët janë në Shqipëri dhe duhet ta njohin mirë realitetin e kriminalitetit shqiptar.Por ama shqiptarët, mafian e mësuan në Itali, jo këtu dhe, pikërisht për këtë po ju pyes ju...Në të vërtetë, shqiptarët kanë mësuar dobinë e të qenit mafioz, këtu qëndron ndryshimi. Nuk kanë mësuar mafian. Ata kanë mësuar se u leverdis të jenë mafiozë e se kështu fitojnë shumë, kështu grumbullojnë pushtet, kështu drejtojnë ekonominë dhe kushtëzojnë policiët. Pra, me pak fjalë, shqiptarët nuk mësuan mafian, mësuan leverdinë e saj.Kohët e fundit është vënë re se ju keni bashkëpunuar shumë me Ministrinë e Drejtësisë dhe konkretisht me ministrin Fatmir Xhafa. Çfarë rezultatesh ka pasur ky bashkëpunim dhe çfarë parashikon ai në ta ardhmen?Në fakt, kjo që thoni ju është e vërtetë. Ne kemi pasur një bashkëpunim shumë të mirë. Vlera thelbësore është që Shqipëria ka nisur udhën drejt një sistemi ligjshmërie. Kjo është vlera më e madhe. Natyrisht, më pas, për ta vënë në praktikë këtë vlerë, janë të nevojshme edhe strukturat, sepse ndryshe do të ishte shumë e thjeshtë, do të mjaftonte të nxirrnim një ligj e kaq. Atëherë, edhe në këtë rast, Italia dhe vende të tjera kanë dhënë një shembull. Para do kohe u krijuan gjykatat për krimet e rënda. Kjo është një ide e fortë, por nuk është e mundur që për të gjykuar krimet më të rënda të ketë shumë gjykata. Është i nevojshëm përqendrimi. Ka prokurorë pranë këtyre gjykatave speciale, edhe kjo është çështje strukture. Këta prokurorë, siç ndodh tek ne, duhet të kuptojnë mënyrën e veprimit të kriminalitetit. Natyrisht, janë të nevojshme edhe forcat e specializuara të policisë, janë të nevojshme burimet njerëzore e teknike. Shqipëria po lëviz edhe në këtë drejtim. Nuk është e mundur sot të bëhen hetime mbi krimin e organizuar kur mungon një sistem efikas përgjimi, pra edhe ky është një shembull. Pra edhe ky është një sektor i rëndësishëm, por, para të gjithave, ligji.
Thëniet më të rëndësishme·
Prokurorët italianë erdhën në Shqipëri dhe kryen hetime, por edhe sollën fakte e prova për elementët kriminalë shqiptarë ·
Përdorimi i përgjimeve telefonike dhe shpërblimi për policinë janë të nevojshme
· Mafia italiane është po aq e rrezikshme sa mafia shqiptare, ajo ruse, kineze, kolumbiane etj. ·
Mafia është një etiketë vlera e së cilës është një fjalë tashmë e ndërkombëtarizuar, por kjo s’do të thotë aspak se ajo përfaqëson të njëjtin fenomen në Itali e në Shqipëri ·
Mafia shqiptare është e fuqishme për dy arsye: para së gjithash, sepse ka qenë e aftë të praktikojë më shumë se një formë kriminaliteti dhe sepse për disa lloje trafiqesh, p.sh. ato të lëndëve narkotike, shërben si një lloj strukture shërbimi për organizatat tona kriminale ·
Shqiptarët kanë mësuar se u leverdis të jenë mafiozë e se kështu fitojnë shumë, kështu grumbullojnë pushtet, se kështu drejtojnë ekonominë e kushtëzojnë policët Kush është pasardhësi i Falkones dhe BorselinosPier Luixhi Vinja, një luftëtar i AntimafiasKarriera e Pier Ligi Vinjës ka kaluar përmes një lufte ballë për ballë me mafian. I ardhur nga detyra e prokurorit të përgjithshëm të Firences, juristi 60-vjeçar u ul në kolltukun e kryeprokurorit kombëtar të Antimafias italiane në kohën kur kishin rënë dëshmorët më të spikatur të kësaj beteje. Xhovani Falkone dhe pasardhësi i tij, Paolo Borselino, të vrarë nga organizatat mafioze në atentate makabre, dhe Vinjës i duhej jo vetëm të përballej me ligjet e egra të mafias, por edhe me atë të zbulimit dhe arrestimit të atyre që ekzekutuan njeriun që shumë shpejt u shndërrua në një idhull të së drejtës. Që në vitin 1994, kur Vinja mori detyrën, pa dyshim që mafia italiane ka marrë goditjet më të forta. Cosa Nostra nuk është më ajo. Organizata të tjera si Ndrageta dhe Kamorra thuajse nuk ekzistojnë. Por, ama, mbështetur në ligjin se mafia i ngjan oktapodit i cili jeton përmes ligjit të ripërtëritjes, riaktivizimi i tyre bëhet evident. Piëkrisht mënjanimi i këtij rreziku është dhe ka qenë një nga objeksionet e bëra publike të këtij luftëtari të ri të mafias. Ndërkohë, marrëdhëniet e tij me Shqipërinë kanë njohur zhvillime shumë interesante. Tash duket edhe më i largët ai takim i vitit 1997, kur zyrtarët e lartë e pritën ftohë, madje në media u shkrua edhe për një skandal që lidhej me mosshoqërimin e tij me skortë. Sot ai cilësohet si një nga personalitetet më të larta që viziton vendin, falë bashkëpunimit të të cilit janë shkatërruar me dhjetëra grupe mafioze. Mandoi, njohësi super i mafias shqiptareSa herë që Pier Luixhi Vinja përgatitej të thoshte diçka për mafian shqiptare, sytë i hidhte nga Françesko Mandoi. “Ai është një njohës shumë i mirë i mafias shëiptare”, shprehet shefi i Antimafias italiane. Këtij vlerësimi pune ai i shton edhe një tjetër: ai ndihet shumë shqiptar. Dhe nuk kishte si të ndodhte ndryshe. Që nga koha kur Mandoi zëvendësoi Alberto Maritatin në detyrën e zëvendësprokurorit të Antimafias italiane, zbarkimet e tij në bregun këtej Adriatikut kanë qenë më shumë se të shpeshta. Ai ka marrë pjesë vetë në hetime dypalëshe e në disa raste i ka lëshuar vetë urdhërarrestet për shqiptarë të akuzuar për trafik droge e prostitucioni. Ai njihet gjithashtu si një nga bashkëpunëtorët më të ngushtë të prokurorisë shqiptare gjatë viteve të fundit, sidomos në zbulimin dhe arrestimin e grupit të kokainës, të kapur në vitin 2001 në Tiranë.
Përgjigju Duke Cituar
fare eshte nje gje qe ben ham ham.
Postuar më parë nga benar
Krijoni Kontakt