Arkiv X

[Prototype]

te dyja o brari te dyja por me shume ajo e para

[Brari]

Protos...mua me ka pelqyer veprimi i fshatarit. Ai ka pare shume dhe i ka humbur besimi te qeverite moderne dhe mendon se Duhet nji Mbret i Forte shqiptar.

A durohen keta banditet psh...?

Gazeta Shqiptare sot thote..
--------


"Mersin Fida, Durima Lushaj e Florian Nuredini e kishin trafikuar në Greqi

Në gjykatë, 13-vjeçarja "burgos" 3 përdhunuesit


--------------------------------------------------------------------------------

Suela Gera

TIRANE

Rrëfimi i 13-vjeçares nga rrethinat e Tiranës lë në burg tre "tutorët" e saj. Mersin Fida, Durim Lushaj dhe Florian Nuredini janë akuzuar nga e mitura si tre njerëzit, që, pasi e kanë përdhunuar sistematikisht e kanë dërguar në Greqi për t'u prostituar.
Dje, gjyqtarja e gatshme e Gjykatës së Shkallës së Parë e Tiranës, Alkelina Gazidede dha masën e arrestit "burg pa afat" për Fidën, Lushajn, dhe Nuredinin.

Historia e dhimbshme ka filluar rreth dy muaj më parë, kur prindërit e 13-vjeçares kanë denoncuar në polici rrëmbimin e vajzës së tyre. Ndërsa familjarët e të miturës nuk dinin më shumë për fatin e vogëlushes, për këtë të fundit sapo kishte filluar një jetë plot dhunë dhe vuajtje.
Sipas dëshmisë së 13-vjeçares përpara bluve të Tiranës, tre të rinjtë, Mersin Fida, Durim Lushaj dhe Florian Nuredini, kishin përdhunuar sistematikisht të miturën dhe më pas e kanë dërguar për në shtetin helen.
Atje 13- vjeçarja, sipas dëshmisë, kishte ushtruar profesionin e shumë moshatareve të saja bashkatdhetare. Por tmerri i të miturës nga rrethinat e Tiranës, ka përfunduar kur policia greke e ka arrestuar dhe riatdhesuar për në Shqipëri.
Me të mbërritur këtu, vajza ka pranuar të rrëfejë përpara policisë emrat e "tutorëve" dhe njëkohësisht "përdhunuesve" të saj. Ajo ka treguar në detaje të gjitha vendet ku e kishin mbajtur të fshehur, gjersa e kishin dërguar në shtetin fqinj, Greqi.
Tre ditë më parë, me denoncimin e prindërve dhe dëshminë e 13-vjeçares, agjentët e Zyrës Kundër Trafikut të Qenieve Njerëzore, kanë arrestuar shtetasit Mersin Fida, Durim Lushaj dhe Florian Nuredini.
Ata akuzohen për "marrëdhënie seksuale me dhunë me të mitur të moshës nën 14 vjeç në bashkëpunim", ndërsa për Nuredinin rëndon edhe akuza "trafik prostitucioni". Dje në Gjykatën e Shkallës së Parë të Tiranës, është marrë masa e arrestit për tre të rinjtë.
Gjyqtarja Gazidede, pasi ka dëgjuar prokuroren e çështjes, Lindita Ziguri, dhe avokatët mbrojtës të të pandehurve, vendosi burg pa afat për të arrestuarit. Kjo masë arresti ishte kërkuar edhe nga përfaqësuesja e organit të hetimit, ndërsa avokatët mbrojtës kërkuan një masë më të butë arresti."
-----------

Sa shpejt i gjejn familjet e Banditve avokatet qe ti nxjerrin pa lagur keto bisha te ndyra..
Po vajzen e atyre prinderve pse nuk e shpetuan keto familje nga bijt e tyre te felliqur..?

Duhet te denohen dhe prinderit e Banditve se ndryshe "***" do shkoj kjo pune.

Enver Hoxha kur llapte ndonjeri ne kohen e tije..si psh ..thoshte..
"Ne Shqiperi eshte djathi e mishi me Tollon kurse jashte ka sa te duash.." ky njeri shkonte 10 vjet ne burg dhe familja internohej.
Nga qe Enveri vepronte keshtu.. 50 vjet populli qepi gojen..

Edhe sot ashtu duhen denuar banditet..familjarisht..ne se duam qetesi .

Demokracia qe erdhi mbas 90-tes per kete MERSININ e NUREDININ ka ardhur.

[Brari]

PESCARA (28 Gusht) - Branda një viti e gjysëm është 36 numri i minorenëve shqpitarë që janë futur në mënyrë klandëstine në Itali të shoqëruar nga një çift shqiptar që tani ndodhetn në burgun e Peskarës. Ata janë akuzuar për sekuestrim personash, fallsifikim dokumentash, por ndërkohë nuk japin asnjë të dhënë se ku mund të kenë përfunduar fëmijët. Minorenët, për të ciët policia e Peskarës di vetëm që janë trafikuar nga çifti i arrestuar gjatë 15 udhëtimeve. Vetm listat e udhëtimeve janë të vetmet prova të kalimit të tyre këtu. Çifti i Ramiz e Xhuljeta Petallit, përkatësiht 39 dhe 33 vjeç, duke fare normal dhe sipas dokumentave të tyre ata jetojnë në Peskara qe nga viti 1991 dhe kanë leje të rregullt qëndrimi.Ramizi punon si varrmihës, ndërsa Xhuljeta është shtëpiake. Ndërkohë Prokuratori Giampiero Di Florio ka hapur një pistë hetimi mbi këë ngjarje. Është kontrolluar edhe banesa e çiftit, të cilët nuk kanë deklarar asnjë gje për aktivitetin e tyre apo për vendndodhjen e fëmijve.

ed/mr (BalkanWeb)
-------------------------------

Ku jane keta femije..???
Cka bere varrmihesi me keta te gjore??
Pse shteti shqiptar nuk di ku jane 36 femije?
Italia dhe Greqia do na i kapin Vampiret tane?

[Brari]

Dikur,..ne kohen e Partise punes profesioni me i perhapur ne rini ishte xhenerik-motorrist...ose Murator-hekurthyes.. ose Tornitor -frezator..ose Saldator-axhustator..etj.
Ne vitet pluraliste PD-iste.. PS-iste, profesioni me i perhapur nder te Rinjte Shqiptar eshte Rrembyes -perdhunues... Tutor-Trafikant.. Skafist-mask-ist..
C'vete more shoke c'vete..


Cdo dite gazetat te kernaqin me kto lajme..
---------------------------------------------------------
Kapet rrëmbyesi i dibraneve.

TIRANË- Dy persona kanë rrëmbyer në Kombinat dy motrat nga Dibra, të cilat i kanë përdhunuar më pas në hotel "Real Park". Ngjarja e rëndë ka ndodhur mbasditen e së premtes, në lagjen e Kombinatit ku Xhevahir Hyka, në bashkëpunim me fqinjin e tij Alfred Lleshi, kanë rrëmbyer motrat 16 dhe 22 vjeçe. Pasi i kanë tërhequr me forcë në makinën e tyre, Hyka dhe Lleshi i kanë dërguar vajzat në hotel "Real Park", ku i kanë përdhunuar. Pasi janë lënë të lira, dy motrat janë paraqitur në mjediset e komisariatit numër 2 të Tiranës ku kanë denoncuar dy përdhunuesit. Menjëherë janë vënë në lëvizje uniformat blu të komisariatit numër 2 të Tiranës, të cilët i kanë vënë prangat njërit prej përdhunesve. Ndërsa tjetri ka mundur t'i shpëtojë policisë, duke u larguar nga autostrada. Pasi është arrestuar, Xhevahir Hyka është dërguar në mjediset policore, ku është marrë në pyetje nga agjentët e policisë kriminale. Ndërsa bashkëpunëtori i tij është shpallur në kërkim për rrëmbim personi dhe përdhunim. A.B

-----------
Cduhet bere me keta te dy??

A nuk meritojne Varje ne Litar?
Po me Hotelxhiun e REAL PARKUT..cben shteti?
Nji mu-t..te madh.

[Brari]

"Unë, shqiptari nga Franca, do të ndihmoj homoseksualët"


--------------------------------------------------------------------------------

i.sh.

Vetvrasja e kreut të homseksualve Bashkim Arapi, duket se nuk ka kaluar pa lënë gjurmë. Arapi që vendosi t'i jepte fund jetës brenda një shoqërie që nuk e pranoi kurrë si të barabartë që i mohoi punën dhe respektin për shkak të të qenit ndryshe, nuk shërbeu vetëm për të irrituar fanatikët shqiptarë, por edhe për të zgjuar ndjenjat njerëzore tek të tjerët. Dy ditë më parë në redaksinë e "Gazeta Shqiptare" ka telefonuar një burrë. Ardian Doga, quhet njeriu që kërkoi një adresë të saktë të shoqatës për të krijuar urat lidhëse me ta. "Më erdhi mjaft keq kur lexova shkrimin tuaj, ndaj dua t'i ndihmoj, gjendja ime ekonomike me lejon ta bëjë një gjë të tillë", u shpreh Doga. Ndërkohë ai shtoi se në Francë ka aktivitet tregëtar. Doga nuk shprehu asgjë për prirjet e tij seksuale, sipas tij arsyeja e vetme që donte të kishte kontakt me shoqatën ishte fakti që në Shqipëri ekziston ende opinioni që i diskriminon këta njerëz, kështu që ndihma e tij financiare në një kohë të tillë ka mjaft domethënie. Bashkim Arapi krue i homseksualëve i ka dhënë fund jetës së tij me fotoksinë. Ka qënë e premtja e dy javëve më parë, kur Arapi përfundon në spitalin ushtarak në gjendje të rëndë. Edhe kujdesi i mjekëve nuk e riktheu dot mbrapsht. Askush prej miqve të tij nuk e dinte që Bashkimi kishte marrë një vendim të tillë. U largua në heshtje ashtu edhe si kishte jetuar. I mbytur në borxhe, në stres në mohim prej familjarëve të tij. E varrosën pa asnjë ceremoni. Të vetmit që bënë një gjë të tillë ishin miqtë e tij homoseksualë. Me ca para të ardhura nga Italia ata organizuan një darkë për të. Miqtë e tij gjithsesi nuk e falin dot që në një moment të vështirë miku i tyre nuk u tregua i fortë, ndërkohë që në kohën e diktaturës Bashkimi ka bërë edhe burg nga fakti i të qenit ndryshe.

---------
gaz.shqiptare

[Brari]

VENDIMI
S'ka prova për përdhunimin e dy dibraneve

TIRANË - Xhevahir Hyka pasi qëndroi dy ditë në ambientet e komisariatit numër dy, të dielën me vendim gjykate është kthyer në shtëpi. Gjyqtari Petrit Çomo, pasi mori në shqyrtim provat e paraqitura nga organi i akuzës dhe dëgjoi me vëmendje deklarimet e bëra nga i pandehuri, vendosi të japë si masë arresti atë të detyrimit për paraqitje. Hyka u akuzua nga dy motra dibrane me banim në lagjen "Kombinat" të Tiranës, për kryerje të marrëdhënieve seksuale me dhunë. Bashkë me Hykën motrat nga Dibra, akuzuan edhe shtetasin Alfred Lleshi. Akuza kërkoi për të pandehurin masën e arrestit burg pa afat, por gjykata nuk e mori në konsideratë kërkesën e akuzës. Sipas gjyqtarit, akuza nuk ishte e sakë në paraqitjen e provave, madje edhe vetë vajzat në deklarimin e tyre nuk ishin të qarta. Megjithatë i pandehuri Hyka do të paraqitet në policinë gjyqësore një herë në javë deri sa të zbardhet ngjarja. Dy motrat me banim në Kombinat, më datë 30 gusht iu drejtuan komisariatit numër dy për të bërë kallëzim se ndaj tyre ishte ushtruar dhunë dhe më pas ishin përdhunuar nga të pandehurit. Motrat janë shprehur se u përdhunuan në ambientet e hotel "Real Park".
A.Çuka

----------

Bravo shteti..
Te mjerat ato dy motrat....eshte dashur te mendojne per PROVA ne ato caste tmerri..
Shtet i qelbur!

[Brari]

gaz.shqiptare
---------------------
KORÇE/ Bashkëshorti e dërgon vetë në polici 30-vjeçarin Ardian Piperi

Burri kap maniakun duke i përdhunuar gruan në banjo


--------------------------------------------------------------------------------

KORÇE

Përdhunohet nga një manjak i dehur vetëm pak metra larg bashkëshortit. Ky i fundit ka mundur ta shpëtojë ndërkohë që, 30-vjeçari Ardian Piperi, ishte duke kryer aktin e dhunshëm seksual.

Të martën gruaja 38-vjeçare R.M., dhe bashkëshorti i saj nga fshati Vreshtas i Korçës kishin shkuar në qytet për të bërë pazarin. Pasi kanë mbaruar punë dy bashkëshortët kanë shkuar në stacionin e autobusit për t'u kthyer në shtëpinë e tyre. Pikërisht pranë stacionit ata kanë hyrë në banjot publike. Sipas burimeve në Drejtorinë e Policisë së Korçës "pikërisht në këtë vend ka ndodhur dhe fatkeqësia për gruan". Meqenëse ka qenë mesditë dhe vapa ka qenë e madhe në atë orë ka pasur pak lëvizje në stacionin e autobusit dhe ambientet përreth. Për këtë arsye, Piperi, i ulur në një lokal përballë banjove publike e ka pasur të lehtë të vërë re çiftin e fshatarëve. Ai gjithashtu ka parë se gruaja dhe burri janë ndarë duke u futur secili në banjot përkatëse. Pasi ka ndjekur gjithë lëvizjet e çiftit, është çuar nga tavolina ku po konsumonte pije alkoolike dhe i ka shkuar nga mbrapa gruas.

Përdhunimi
Pasi ka hyrë me forcë në banjën e grave ai ka kapur me forcë gruan dhe e ka sulmuar atë. Për fat thirrjet e gruas për ndihmë janë dëgjuar edhe nga bashkëshorti i saj, i cili ndodhej në banjën ngjitur. Bashkëshortit i janë dashur disa minuta që të kuptonte se ç'po ndodhte dhe menjëherë ka vrapuar për t'i ardhur në ndihmë të shoqes. Kur ka hyrë në banjën e grave ai ka kapur Piperin, i cili po abuzonte me të shoqen. Menjëherë ai e ka goditur përdhunuesin me grushta dhe duke përfituar edhe nga epërsia trupore ka arritur që ta mposhtë, madje e ka çuar vetë deri në rajonin e policisë së Korçës ku kanë bërë denoncimin. Kanë qenë vetë bashkëshortët që kanë treguar më pas në komisariat gjithë ngjarjen. Sipas uniformave blu të Korçës, 30-vjeçari në momentin e ndalimit ka qenë në gjendje të dehur. Ai kishte pirë për një kohë të gjatë në një lokal që ndodhej pranë banjove publike dhe trullosja e ka çuar drejt aktit ekstrem. Nuk dihet nëse 30-vjeçari ka pasur edhe më parë probleme të tilla, megjithatë këto detaje pritet të dalin në pah gjatë hetimeve.

---------------------

Policia jone e qelbur e Korces (Korca qe ka pjelle gjysmen e operativave e hetusve te Sigurimit te Enver Hoxhes)..sa bukur ja gjen rrug daljen banditve..
"Sipas uniformave blu të Korçës, 30-vjeçari në momentin e ndalimit ka qenë në gjendje të dehur. Ai kishte pirë për një kohë të gjatë në një lokal që ndodhej pranë banjove publike dhe trullosja e ka çuar drejt aktit ekstrem".

Sa mir keta bandit te dehur nuk hidhen nen rrotat e Makinave po gjejne rrugen me perdhunue grate e njerzve te mjere.
Pis Milet.

[Brari]

"Ja pse hoqa dorë nga shtetësia shqiptare"
Azhena Abraham
abrahaz@isp.state.il.us


E kam ndjekur nga afër situatën me pasaportat shqiptare. Lajmi i fundit i hapur drejt publikut, rreth skandalit, tregon qartë rrjetin keqbërës që ekziston në fuqinë zyrtare të këtij populli të lodhur. E shkruaj këtë letër, pasi në këtë çështje, shteti shqiptar ka fyer shtetasit e tij në mënyrën më të paturpshme. Edhe qentë e macet regjistrohen e kanë kartelë identifikimi. Është skandaloze për një shtet që të mos arrijë t'u ofrojë shërbimin më minimal shtetasve të vet. Unë personalisht kam pritur për pasaportë për dy vjet pothuajse. Tani jetoj larg. Me indinjatë dhe keqardhje them se hoqa shtetësinë shqiptare, pasi shteti shqiptar nuk begenisi të më respektoje si shtetase të tij. Më vjen keq të pranoj, që pak patriotizëm që mund të ekzistonte brenda meje, është shuar plotësisht. Një këshillë të rëndomtë praktike, për ata zyrtarë përgjegjës: I gjithë populli shqiptar meriton pajisjen me pasaportë FALAS. Kjo është një kërkesë minimale. Kjo është detyrë e çdo administrate.

Letër z.Moisiu dhe z.Meta nga studentët e Veriut

Me anë të "Shekulli"-t duam t'i drejtohemi Presidentit të Republikës së Shqipërisë z.Alfred Moisiu, Parlamentit Shqiptar dhe Ministrit të Jashtëm z.Ilir Meta
Jemi studentë nga zona veriore e Shqipërisë që padrejtësisht na u refuzua viza për studime në Itali, megjithëse të miratuar nga Universitetet Italiane. Kemi 10 ditë që protestojmë pranë dyerve të Konsullatës Italiane në Shkodër për të kërkuar dhe marrë të drejtën tonë, vizën për studime. Ishte protesta e parë e kësaj natyre e studentëve dhe prindërve të mbarë Veriut të Shqipërisë, që u pasua nga protestat e tjera para Ambasadës Italiane në Tiranë. Ishim të parët që kërkuam ndihmën e Qeverisë nëpërmjet Ministrisë së Punëve të Jashtme më datë 28.08.2002, shoqëruar kjo me dhjetra fakse të bëra gjatë këtyre ditëve Ministrisë së Punëve të Jashtme Shqiptare, Konsullatës Italiane në Shkodër dhe Ambasadës Italiane në Tiranë por asnjë përgjigje. Na vjen mirë që problemi i studentëve në Ambasadën Italiane në Tiranë me ndihmën e Qeverisë Shqiptare shkoi drejt zgjidhjes, por të nderuar zotërinj parlamentar e qeveritarë, edhe ne jemi binj e bija të këti vendi, pra interesohuni edhe për ne. Mendojmë se i njëjti problem në lidhje me hapjen e proçedurave për rishikimin e vizave nuk mund të ketë dy përfundime të ndryshme.
Ne nuk jemi klandestinë, se po të dëshironin atë rrugë, shpenzimet e bëra për aplikim dhe shpenzimet e bëra për shkollën do të mjaftonin për t'i hipur gomoneve por ne duam të studjojmë dhe të kthehemi për t'i shërbyer vendit tonë. Ne pasi jemi pranuar në Universitetet Italiane dhe pasi kemi plotësuar gjithë dokumentacionin e nevojshëm sipas kërkesave të Ambasadës Italiane, na është refuzuar dhënia e vizave, me arsye nga më qesharaket dhe të pabazuara. Ne gëzohemi me të vërtetë kur dëgjojmë që Qeveria kërkon mbrojtjen e shqiptarëve kudo në botë, por Z. President, Zotërinj qeveritarë e parlamentarë nuk mund ta durojmë një diskrimin të dyfishtë, prandaj NA MBRONI. Afati i paraqitjes sonë në Universitetet Italiane po i afrohet fundi. Ju lutem të ndërhyni urgjentisht që të pajisemi me vizë për të pasur mundësinë e studimit në Itali, gjë e cila do të na shërbejë jo vetëm ne, por edhe vendit e kombit tonë.
Me respekt
Përfaqësia e Studentëve Protestues
Shkëlzen Hasanaj Artelinda Zaganjori
Ervin Gjonej Arber Gokovi
Rezarta Cakaj Lindita Kodra
Blerim Anamali Astrit Lleshi
Brilant Hoxha Anton Sukori


Ndërtesat private dhe fasadat shoqërore…

Para pak kohësh në një të përditshme dhe në televizion, u shtrua me forcë shqetësimi lidhur me vërshimin e fjalëve të huaja në median e shkruar dhe elektronike, që rrjedhin sidomos nga fjalimet e politikanëve. Megjithatë, nuk po shohim ndonjë përpjekje për të reflektuar. Përkundrazi, vazhdohet "avazi i Mukes". Populli shqiptar është i vetmi, të paktën në Evropë, që edhe i pushtuar e i sunduar përgjatë historisë së tij arriti të ruajë gjuhën dhe kulturën e tij. Për fat të keq, disa "oratorë" sot po i ngjitin "çibanë modernë" për ta hequr veten ata që nuk janë. Po aq i dëmshëm për gjuhën shqipe dhe dinjitetin shqiptar është edhe vërshimi i tabelave në gjuhë të huaja në fasadat e rrugëve të Tiranës e të qyteteve të tjerë. Ky fenomen bie në sy sidomos në ato rrugë, që në sajë të përpjekjeve të bashkisë së kryeqytetit janë kthyer në identitet, siç thuhet sot. Kështu, në Rrugën e Kavajës, nga 47 ndërtime, majtas e djathtas, 36 janë në gjuhë të huaja. Për kuriozitet shkoni në stacionin e fundit të autobusit të Tiranës së Re dhe do të shikoni tabela lokalesh pa ndonjë lidhje kuptimore ose të papërshtatshme. Disa nuk vënë emërtime në gjuhë të huaja, por na kthejnë në shqiptime të dikurshme, dialektizma e shtrembërime shqiptimi si: "Tirona…", "Honi…" (për hani) etj. Është tjetër emërtimi i dikurshëm si Skampa, Aulona, Lisus etj. që janë historike, jo krahinizma që kthejnë a në o ose y në i, tashmë të kapërcyera. "Arsyetimet" e disa nga pronarët e këtyre tabelave janë pa baza. Dikush thotë se kështu tërheq klientin. Çudi! Mbeti amerikani të vejë në Laprakë ose në Kombinat për "Fast Food", apo italiani a francezi të kërkojnë modën në Rrugën e Kavajës! Më pa logjikë janë tabelat në dy gjuhë. Kjo ndodh vetëm në ato vende ku zyrtarisht njihen dy gjuhë, sepse janë dy kombe, si në Maqedoni, Kanada, por jo në Shqipëri - një komb, një gjuhë. Kjo ndodh edhe në disa vende që shkruajnë me hieroglife, si në Kinë, Izrael a gjetkë, por edhe këta nuk bëjnë përkthim gjuhe, por transkriptojnë në latinishte, sepse hieroglifet e tyre nuk lexohen nga mbarë bota. Ne, falë mendjes tejpamëse të Rilindasve tanë, që përcaktuan alfabetin latin, s'kemi pse të bëjmë nga këto çudira.
Vërtet ndërtesat janë private, por fasadat e rrugëve janë shoqërore, prandaj mendoj se shoqëria nuk duhet ta pranojë këtë cënim dinjiteti, ndërsa bashkia nuk duhet t'i lejojë, por t'i konsiderojë edhe këto tabela si "kioskat" e Lanës. Në radhë të parë, vetë pronarët duhet ta kuptojnë se me ato emërtime të pavend cënojnë dinjitetin e tyre.
Selim Beqiri
Tiranë



Njerëzit rrezikojnë të harrojnë të lexojnë
Arshi Dolla
Tiranë

Është shqetësim jo vetëm në Shqipëri, por edhe në shumë vende të zhvilluara të botës, që njerëzit janë vënë pas shikimit të televizorit me orë të tëra dhe pak, për të mos thënë shumë, nuk lexojnë. Në vendin tonë, pas viteve '90 u krijua mundësia që njerëzit të shohin televizor, ndryshe nga më parë që ishte e kufizuar. Ne, si të uritur në këtë drejtim, me ankth e dëshirë të papërshkrueshme, me orar e pa orar, qëndrojmë pranë ekranit të televizorit. Këto kohët e fundit kanalet televizive janë aq të shumtë sa nuk numërohen dhe nga kureshtja e madhe që na karakterizon, duam t'i shikojmë të gjitha. Kjo gjë ka bërë që të hiqet dorë nga leximi. Për të shkruar këtë artikull mora shkas nga një vëzhgim që pata për të parë sa librari kemi aktualisht (natyrisht jo gjithsej në Tiranë e në tërësi se nuk e kam mundësinë ta bëj këtë). Por duke udhëtuar me autobus (urban) nga sheshi "Skënderbej" - Kinostudio dhe në kthim në këmbë anasjelltas, gjithë kjo rrugë e gjatë që dihet sa km është, djathtas e majtas banesat, muret e tyre ishin të mbuluara nga mallrat që reklamoheshin për shitje. Pyeta ku ka ndonjë librari, përgjigja ishte "s'ka kurrkund". Edhe në qendrën e Kinostudios nuk kishte, po kështu edhe në gjithë këtë largësi të themi me saktësi jo më pak se 100 000 banorë. Kjo më detyroi të shkoj edhe në lagjen Laprakë, edhe këtu dyqane, lokale shitje mallrash pa hesap, por librari as këtu nuk kishte. Më erdhi me të vërtetë keq, sepse libraria të nxit të lexosh, të blesh libra e të mësosh shumë për jetën e aftësimin e njerëzve. Mendoj që Ministria e Arsimit duhet të mendojë më shumë për këto që përmenda më lart. Madje edhe vetë Radiot dhe Televizioni të shërbejnë për të sensibilizuar njerëzit mbi domosdoshërinë e zakonit të leximit.


Media si biznes dhe si vlerë kombëtare
Daut Zeraj
Vlorë

Askush s'mund të mohojë rolin e medias së shkruar dhe asaj elektronike për informacionin që i transmetojnë publikut. Megjithatë, është e vështirë të thuhet se mediat tona janë të shqetësuara seriozisht për problemet, të cilat janë përcaktuese për konsolidimin e shtetit, shoqërisë dhe familjes shqiptare. Nëse shikojmë emisionet televizive, veçanërisht lajmet i dominojnë takimet e politikanëve, intervistat me ta, ku dhe me kë e pinë kafen ata. Janë të shumtë emisionet e tipit opinione në të cilat, orë të tjera transmetimi shfaqen për të na treguar se cili politikan ia hodhi tjetrit, cili prej tyre ka më shumë të tjerë në rresht për të fituar mbi tjetrin apo për të goditur dikë tjetër.
Emisione të tjera sidomos ato që trajtojnë problemet sociale edhe kur këto janë shumë serioze, pjesëmarrësit në to më shumë të krijojnë përshtypjen sikur duan t'i nxisin ato. Ndonëse droga dhe prostitucioni janë me pasoja të rënda për shoqërinë, në ekrane na prezantohen prostituta që i janë futur vetë kësaj rruge, të cilat nga tregojnë sa fitojnë. Na japin opinionet e tyre për mënyrën e forcimit të familjes njerëz, të cilët e kanë prishur atë, pasi sipas tyre nuk mund të jesh modern pa patur shumë eksperienca dashurie (seksuale). Në tërësi spektaklet pa asnjë vlerë, dhuna, seksi e paradat e modës dominojnë a thua se Shqipëria popullohet veç nga adoleshentë, të cilët pengohen nga prindërit e mësuesit në kënaqësitë e tyre për … të bërë një jetë kushedi se si …
Edhe në shtyp trajtohet kryesisht politika. Në fakt njerëzit e thjeshtë, ata që konsumojnë çdo ditë ushqimin që u servir media, duan të tjera gjëra. Ata duan të dinë përse nuk pajisen qytetarët me pasaporta lirshëm, ndërkohë që koston e tyre e paguajnë vetë. Kur do të përfundojnë ndërtimet pa leje, prishja e tyre, dhe rindërtimi i tyre përsëri pa leje. A do të ketë ndonjëherë plane rregulluese për qytetet, për zonat turistike dhe a do të ketë transparencë për to. A do të ketë ndonjëherë bujqësi apo industri shqiptare? A do të vendoset ndonjëherë siguria në vend, arsimi kur do të rimarrë vendin që i takon edhe për edukimin e rinisë? Këto probleme e të tjera si këto, për mendimin tim mund të trajtohen kur media e identifikon veten jo vetëm si biznes, por në radhë të parë si vlerë kombëtare, si një ndër faktorët që mund të ndikojë në vlerësimin e asaj që është pozitive dhe kritikën e fenomeneve negative dhe shkaktarëve të tyre.

--------
gaz.shekulli

[Brari]

KORCE.
----------------

Të arrestuarit pranojnë në polici të kenë trafikuar të paktën 10 të porsalindur. Hetimet e policisë dhe misteri për pritësit e "mallit" dhe anëtarët e tjerë të rrjetit
Policia e Korçës nuk ka bërë të ditur nëse ky trafik drejtohet nga persona brenda apo jashtë vendit, madje nuk dihet as nëse krerët janë shqiptarë apo jo. Vetë çifti i arrestuar dje ka pohuar se merreshin vetëm me gjetjen e nënave të pafata

Ja si funksiononte skema. Nënat i lindnin fëmijët në klinika private greke pasi bënin pazarin me çiftin

Kapet çifti i trafikut të foshnjave
Nga Korça, quhen Nazmi Kreka e Lauresha Hoxha


--------------------------------------------------------------------------------

KORÇE

Një çift të dashuruarish, ai 47 dhe ajo 23 vjeçe, të cilët bashkëjetonin në një shtëpi në periferi të Korçës, nuk kanë pasur të veçantë vetëm historinë e tyre të dashurisë. Aspak e zakontë është edhe akuza me të cilën ata janë arrestuar dje nga Policia Kriminale, në kuadrin e një operacioni antitrafik. Ata akuzohen për trafikimin e 10 foshnjave të porsalindura, të blera nga nënat e tyre të varfra.

Sipas dyshimeve të deritanishme Nazmi Kreka dhe Lauresha Hoxha bashkëjetonin prej vitesh. Por shtëpia e tyre në periferi shërbente si bazë ku strehoheshin gra shtatzëna. Burime nga Ministria e Rendit bënë të ditur dje se, të dhënat e para flasin për një rrjet të gjerë të trafikimit të fëmijëve të porsalindur nga Korça në drejtim të Greqisë dhe të Italisë.

Rrëfimi
Burime nga Drejtoria e Policisë së Korçës bëjnë të ditur se, Nazmi Kreka dhe Lauresha Hoxha, të cilët janë prangosur dje paradite, janë marrë menjëherë në pyetje. Ata jo vetëm që i janë përgjigjur të gjitha pyetjeve të hetuesve, por kanë pranuar edhe të rrëfehen për pozicionin e tyre dhe për aktivitetin e rrjetit në të cilin bënin pjesë. Si kanë treguar dy të dashuruarit, skema ishte e gatshme. Ata zgjidhnin gra shtatzëna me probleme sociale apo ekonomike. Këto të fundit, pra gra tepër të varfra, kanë qenë dhe më të preferuarat. Fillimisht ata iu ofronin ndihmën e tyre këtyre grave. Më pas i strehonin në shtëpinë e vet për pak kohë deri sa iu siguronin dokumente të falsifikuara. Me anë të këtyre dokumenteve çifti i dërgonte gratë në klinika private të Selanikut dhe të Athinës, ku dilnin në jetë fëmijët. Në këtë pikë përfundonte dhe detyra e dy korçarëve. Persona të tjerë merrnin në dorëzim të porsalindurit dhe më pas fati i tyre nuk dihej. Të paktën këto kanë qenë të dhënat që i kanë ofruar dje policisë së Korçës, Kreka dhe Hoxha.

Fati i të porsalindurve
Megjithatë policia tashmë i ka ngritur pistat e para të hetimeve. Ajo që duket si pista më e mundshme deri tani, është që fëmijët shiteshin për transplantim organesh. Por nuk përjashtohet as mundësia e dërgimit të tyre në shtete të ndryshme, ku më pas birësoheshin. Nazmi Kreka dhe Lauresha Hoxha kanë pranuar deri tani të kenë trafikuar mbi 10 fëmijë. Asnjëri prej tyre nuk dihet se ku ka përfunduar, ndërkohë që lista e personave që do të merren në pyetje në ditët në vazhdim është tepër e gjatë. Të parat që do të pyeten janë vetë nënat e foshnjave, të cilat nuk dihet nëse do ta pranojnë apo jo që kanë shitur fëmijët e tyre. Ndërkohë hetimet vazhdojnë intensivisht për të zbuluar emrat e bashkëpunëtorëve të çiftit korçar dhe të krerëve të trafikut. Policia e Korçës nuk ka bërë të ditur nëse ky trafik drejtohet nga persona brenda apo jashtë vendit, madje nuk dihet as nëse krerët janë shqiptarë apo jo. Vetë çifti i arrestuar dje ka pohuar se merreshin vetëm me gjetjen e nënave të pafata. Pasi bënte pazarin e rastit me to, çifti korçar kujdesej deri sa i dërgonte përtej kufirit. Më pas merrnin paratë në dorë dhe detyra e tyre merrte fund. Policia po vazhdon operacionin për të zbuluar hallkat e tjera dhe për këtë qëllim kanë kërkuar edhe bashkëpunimin e homologëve grekë.

-----------gaz.shqiptare..................

[Brari]

Edhe gazetat e huaja qe kane permendur sHQIPERINE VETEM NE 97 KUR DILTE ZJARR E TYM dhe me vone heshten kane folur perseri sot per Skandalin e trafikimit te femijve.

12 vjet demokraci, 12 vjet liri fetare, 12 vjet trafikim femijesh...turp e faqe zeze.

ja cthot Gazeta Shqiptare qe ben dhe nji fare panorame te keti fenomeni c'njerzor.
-------------------------------------

--
Drejtori i Institutit Kombëtar të Jetimëve: Aventura jonë me ardhjen e demokracisë. Komiteti i Birësimeve dhe trafiku me fëmijët

Drejtuesit e jetimëve tregojnë si nisi trafiku i fëmijëve në '91. Sot kërkojmë verifikimin

"I kërkuam Ramiz Alisë të bllokonte ligjin e birësimeve"


--------------------------------------------------------------------------------

Ilir Bushi

TIRANE

Ne i kërkuam Ramiz Alisë bllokimin e Ligjit të Birësimeve, por ai na u përgjigj: Ju kërkuat Kapitalizmin dhe ne jua sollëm, tani përballojini vetë pasojat kriminale të sistemit". Kështu e nis rrëfimin e tij për bise-dën me presidentin Alia, në maj të vitit 1991, drejtori i Institutit Kombëtar të Integrimit të Jetimëve, Ilir Çumani.

I shqetësuar prej ngjarjeve të fundit ndaj trafikimit të fëmijëve, ai dëshmon se ky fenomen ka nisur qysh në ditët e para të hapjes së Shqipërisë, kur Ramiz Alia përjetonte muajt e fundit të drejtimit si President i vendit. "Pasi na tha që sistemi kapitalist e nënkupton trafikun e mafiozëve mbi fëmijët, atëherë ne i deklaruam se jetimët do të hidhen në grevë urie, nëse ligji i birësimeve nuk bllokohet", thotë ai. Kësisoj, gjatë ditëve kur në sheshet e Shqipërisë njerëzit thërrisnin "Liri-Demokraci", jetimët e Tiranës u mblodhën dhe vendosën njëzëri të hidheshin në grevë urie, nëse Ligji i Birësimeve nuk zhvlerësohej. Por Çumani tregon se pikërisht "dy ditë më vonë Alia nxorri një dekret ku ndalohej birësimi i fëmijëve për një periudhë të pacaktuar". Dhe ishte koha kur të frymëzuar në mënyrë të mbrapshtë nga ligjet e ekonomisë së tregut, dhjetra avokatë, intelektualë, artistë, apo nëpunës të jetimores kishin nisur numërimin e dollarëve të fituar, nga proceset gjyqësore të birësimeve, ku ata ishin me cilësinë e zyrtarit, ose dëshmitarit. Sipas Çumanit, prej dhjetra dhe qindra fëmijëve që u birësuan gjatë asaj kohe, vetëm disa prej tyre mbijetuan. Por historia e kriminalizimeve nuk mbaroi këtu. "Pas vitit '94, qeveria krijoi një Komitet të Birësimeve që do të merrej me ligjin dhe specifikat e birësimeve, për të garantuar që fëmijët nuk do të rrezikoheshin", thotë Çumani. Faktikisht ky komitet funksionon edhe sot pranë Kryeministrisë, por faktet e fundit (arrestimet në Itali), tregojnë që mafia ka depërtuar deri në stadet më të larta. Para një jave kreu i Shoqatës së Jetimëve, Bujar Avduli ka denoncuar zhdukjen e fëmijës së Tatjana Tushos, (e cila aktualisht gjendet e shtruar në psikiatri). Por tragjedia nuk mbaron as këtu. "Fëmijët shqiptarë janë birësuar ose trafikuar në Itali, Greqi, Kanada, Suedi, Norvegji, Finlandë, Gjermani e shumë vende të tjera dhe në shumicën e përpjekjeve tona për t'u lidhur me fëmijët, ata rezultojnë të humbur", thotë Çumani. Duke shprehur revoltë, ai shton se ka bërë të gjitha përpjekjet që të lidhet me fëmijë nga Tirana, Gramshi, Librazhdi, Korça, etj, të cilët janë birësuar nëpër botë por rezultati ka qenë drithërues. "Për këtë gjë Instituti Kombëtar i Integrimit ka ngritur një grup pune për verifikimin rast pas rasti dhe emër për emër të gjithë fëmijëve të birësuar, qysh nga viti '90 e deri më sot", thotë Çumani, i cili për këtë gjë kërkon edhe mbështetjen e Qeverisë.

---------
Sekserët e fëmijëve lëvizin nga Bregu i Lumit tek Unaza e re


--------------------------------------------------------------------------------

"Sekserët e trafikimit të fëmijëve ndërrojnë njerën prej bazave të kontakteve dhe nga Bregu i Lumit kanë kaluar diku pranë Unazës së Re". Ky është informacioni i fundit për lëvizjen e trafikantëve që vjen nga një burim i besueshëm, i cili konfirmon gjithashtu se trafikantët po bëhen gjithnjë e më të kujdesshëm ndaj ndjekjeve të policisë. "Për ta çdo bazë kontakti është e ndryshueshme dhe formale, sepse veprimtaria e tyre kriminale është thjeshtuar teknikisht dhe planifikimet paraprake zhvillohen edhe në tryeza klubesh", shtojnë burime të tjera. Faktikisht pas arrestimeve të fundit që iu janë bërë trafikantëve shqiptarë në Itali, duket se krerët e mafias shqiptare kanë filluar të lëvizin. Në këtë rrjet mafiozësh janë të përfshirë një numër i madh njerëzish, duke filluar nga vagabondët e deri tek intelektualët e zyrave shtetërore, që garantojnë pasaporta, viza të falsifikuara, lehtësira kalimi e birësimi, si edhe platforma të vazhdimësisë së krimit.
------------
Anila rrëfen pagjumësinë që kalon për krimin ndaj djalit

"Si shita fëmijën tim 1.2 milionë lekë"
Vajza nga jetimorja: Jap gjithçka për ta gjetur


--------------------------------------------------------------------------------

il.bu

TIRANE

"Kam bërë një krim të pafalshëm në jetën time sepse kam shitur fëmijën për një 1 milion e 200 mijë lekë të vjetra, por tani jam gati të marr borxh, për të rigjetur tim bir". Me këto fjalë e nis pendimin e saj 21 vjeçarja Anila K., që aktualisht banon në rrethinat e Qytetit të Nxë-nësve. Duke rrëfyer detaje nga ky akt tragjik ajo thotë që në fillim, se gjithçka e ka bërë për bukën e gojës. "Jam vajzë e Shtëpisë së Fëmijës dhe aktualisht gjendem pa punë dhe pa mbështetje sociale, në një dhomë gjysëm të shkatërruar, ku jetoj e vetme", shton ajo. Ndoshta fillimi rrënqethës i rrëfimit të Anilës, është një argument i mjaftueshëm për t'u bindur se në trafikimin e fëmijës së saj është pjesëmarrës një rreth i gjerë shoqëror ku politikanët kanë për-gjegjësitë e tyre në montimin e varfërisë. Më tej Anila thotë se kjo ndodhi në marsin e këtij viti. "Babai i fëmijës tim është njëri prej sekserëve të këtij trafiku, i cili me paramendim ma mbushi mendjen të lindnim një fëmijë, për ta shitur në Itali". Për bashkëfajësinë e saj në krim, Anila thotë se pranoi, ngaqë ishte e mbytur në borxhe dhe nuk kishte asnjë alternativë tjetër për jetën. "Unë merrja ushqime dhe bukë me listë nga dy dyqane aty afër, por lista ishte mbushur plot dhe dyqanxhinjtë nuk më jepnin më, pa likuiduar detyrimet e para", nënvizon ajo. Për të gjitha këto Anila shton se ajo pranoi kundrejt një paradhënieje, prej 200 mijë lekësh. "Sekseri interesohej vazhdimisht për ecurinë e barrës dhe gjithmonë më këshillonte të konsultohesha tek mjeku, (ata donin fëmijë të shëndetshëm) dhe shpesh më jepte ndonjë lekë xhepi për të blerë bukë", vazhdon ajo. Por pas lindjes së fëmijës Anila tregon se e kishte ushqyer për 3 muaj rresht, madje për këtë kishte marrë edhe këstin e dytë të paradhënies, por më vonë fëmijën ia kishin marrë. "Sekseri erdhi një natë në shtëpi dhe më tha të bëhesha gati se do të shkonim në Durrës me një makinë, (brenda ishte edhe një shofer), por sapo mbrritëm në Pezë, ai më dha pjesën tjetër të lekëve duke më futur në xhep edhe (10 mijë të vjetra për t'u kthyer) dhe më tha të gjeja ndonjë makinë të rastit". Ajo tregon se nuk donte të zbriste, por tanimë ishte e detyrueshme. "Sekseri më tha se do të takoheshim prapë për të bërë të njëjtën gjë, por qysh atëherë nuk e kam parë më, ndërkohë që po torturohem nga meraku për fëmijën tim", përfundon ajo.

-------------
Nga hetimet paraprake është mësuar se ky lloj trafiku e ka fillesën në muajin prill të këtij viti. Gjatë kësaj periudhe të shkurtër me intesitet është bërë i mundur trafikimi i 10 foshnjave

Skema e trafikut të bebeve nga Nazmi Kreka dhe Floresha Hoxha. Zbulohet greku që priste "mallin"

"Ku i çonim foshnjat e blera"
Çifti i arrestuar në Korçë dëshmon para hetuesve


--------------------------------------------------------------------------------

Roland Beqiraj

KORÇE

Fati i të porsalindurve që kanë përfunduar kush e di se ku ishte përcaktuar që më parë nga trafikantët e tyre. Çifti i arrestuar dy ditë më parë nga policia për trafikimin e foshnjave në Greqi, ka rrëfyer përpara policëve gjy-qësorë gjithë skemën e këtij trafiku, në të cilin janë implikuar edhe shumë persona të tjerë.

Dje policia e Korçës ka identifikuar 3 korçarë arrestimi i të cilëve pritet të jetë shumë i shpejtë. Gjithashtu po dje është identifikuar edhe kreu i këtij trafiku, një grek emri i të cilit tashmë i ka kaluar Interpolit grek.

Rrëfimi
Burime policore bënë të ditur për "Gazetën" se çifti i arrestuar, pasi lidhte kontratën me gruan shtatzënë dhe pasi paguante kaparin, priste deri sa afrohej dita e lindjes dhe së bashku me nënën e foshnjës shkonin në një klinikë private gjinekologjike në qytetin grek të Selanikut, ku lindte foshnja. I porsalinduri binte menjëherë në duart e trafikantit grek, ndërsa lehonës i jepej kësti i dytë i 1 mijë dollarëshit.

Nga hetimet paraprake del se ka qenë Nazmiu ai që e implikoi gruan e tij të re në trafikun e foshnjave. Kjo rrugë, sipas hetuesve, u zgjodh nga ana e Krekës, pasi kështu e kishte më të lehtë që të penetronte për të biseduar me gratë që do të lindnin një fëmijë me qëllim trafikimi. Madje ajo u qëndronte shtatzënave "te koka", kur ato lindnin, dhe kjo për arsye sigurie. Mendohet se nga ky "biznes" fitimet kanë qenë marramendëse. Nga hetimet paraprake është mësuar se ky lloj trafiku e ka fillesën në muajin prill të këtij viti. Gjatë kësaj periudhe të shkurtër me intesitet është bërë i mundur trafikimi i 10 foshnjave. Fitimi i Krekës dhe i Hoxhës ka qenë shumë i madh pasi ata përveç shpërblimit prej 1 mijë dollarësh që merrnin për çdo foshnje, përfitonin edhe nga paratë e tjera që kishin nëpër duar. Sipas të dhënave të deritanishme ata për çdo foshnje fitonin 8-9 mijë dollarë, të cilat iu mbeteshin pasi jepnin rrushfetet e duhura për viza, udhëtime e vizita mjekësore.

Historia e çiftit
Nazmi Kreka, 47 vjeç, dhe Floresha Hoxha, 23 vjeçe, pas dështimit të martesave të para, katër vjet më parë vendosën të bashkëjetojnë, madje kanë edhe një fëmijë. 47-vjeçari Kreka, lindur në fshatin Velitërnë, 20 kilometra larg qytetit të Korçës, pas divorcit me gruan e parë, u largua nga fshati dhe vendosi të jetojë në qytet. Dy vjet më pas, në vitin 1998, u njoh me Floreshën 23-vjeçare. Ajo, edhe pse vite më e re se Kreka, kishte dështuar në martesën e saj të parë. Pas njohjes së re ajo vendosi të largohet nga familja, që jetonte në qytetin e Përrenjasit, dhe filloi bashkëjetesën e re me Nazmiun . Si rezultat i kësaj bashkëjetese atyre u lindi edhe një fëmijë.

Nga hetimet është mësuar se në këtë trafik janë implikuar edhe persona të tjerë në Shqipëri dhe në Greqi. Të marra në pyetje nga ana e policisë, gratë që kanë shitur fëmijët e tyre, kanë deklaruar se çifti Kreka-Hoxha në qytetin grek të Selanikut i kanë prezantuar me një shtetas grek me emrin Foti. Pasi ka mbledhur të dhënat e para, Policia e Korçës u kërkoi homologëve të tyre të shtetit helen, që të ndihmojnë për këtë çështje. Ndërkohë burime konfidenciale nga Drejtoria e Policisë së Korçës bëjnë të ditur se është bërë indentifikimi i plotë i trafikantit grek, por edhe i disa personave të tjerë. Ditën e martë në Gjykatën e Faktit në Korçë do të vlerësohet për çiftin e arrestuar edhe masa e sigurisë.

-----------
Prill, foshnja e parë lindi në Korçë

KORÇE - Ka qenë mesi i muajit prill, kur Nazmi Kreka me Floresha Hoxhën realizuan trafikimin e parë. Pasi ranë në kontakt me grekun i cili iu propozoi rrugën që duhej të ndiqnin dhe iu ofroi shpërblimin përkatës, ata iu përveshën punës. Në fakt fillimisht Nazmiu tentoi të bënte gjithshka i vetëm. Por më pas ndjeu nevojën e një bashkëpunëtoreje femër, dhe Floreshën e kishte gati. Duke bashkëpunuar me njëri-tjetrin, sipas zëdhënësit të Drejtorisë Rajonale të Policisë, ata mundën ta bindnin 37-vjeçaren nga Korça, Donika Hajdinin, që fëmijën që do të lindte, t'ua jepte atyre kundrejt një shume të caktuar. Pas disa bisedash u bë e mundur që, edhe me pëlqimin e Hajdinit, për fëmijën e porsalindur ajo të merrte shumën prej një mijë dollarësh. Nga grupi hetimor mësohet se lindja e kësaj foshnje u krye në maternitetin e Korçës dhe pas një muaji ajo u trafikua në Greqi, duke u përdorur një vizë greke Shengen. Kjo ishte dhe foshnja e parë që e pësoi nga rrjeti i trafikantëve. Sipas çiftit Kreka-Hoxha, 37-vjeçarja ka qenë dakord që ta shiste fëmijën e saj, madje edhe kur ka mësuar që foshnja më pas do të përfundonte jashtë kufijve.


Fëmija e dytë vdiq pas tri ditësh

KORÇE - Pasi e provuan me fëmijën e Donika Hajdinit dhe gjithshka përfundoi me sukses, të dashuruarit Kreka e Hoxha nisën kërkimet për "gjahun" e dytë. Pas pak ditësh, i njëjti propozim iu bë edhe një gruaje tjetër. Kundrejt së njëjtës vlerë u ra dakord edhe me 41-vjeçaren Valentina Koraqi, minoritare greke e lindur në Sarandë dhe banuese në Korçë. Koraqi kishte dy fëmijë dhe jetonte në kushte të vështira ekonomike, kështu që ata nuk e patën të vështirë ta bindnin që të shpëtonte nga fëmija i dëshiruar dhe për të tepër të përmirësonin disi gjendjen e saj ekonomike. Shtatzania e radhës ishte e padëshiruar për të, pasi ishte edhe e divorcuar. Kështu Koraqi ra dakord me Krekën. Pra ndryshe nga sa kishte vendosur 41-vjeçarja do të hiqte dorë nga aborti që kishte në plan dhe në shkëmbim të të porsalindurit do të merrte 1000 dollarët. Por, sipas zëdhënësit, kjo vepër penale mbetet e pakonsumuar, pasi foshnja e porsalindur vdiq pas tri ditësh, kështu që pazaret mes dy palëve u prishën. Këto kanë qenë të vetmet foshnje që kanë lindur në maternitetin e Korçës. Më pas trafikantët i morën masat që gjithshka të ishte më e sigurtë dhe i dërguan nënat të lindnin në Greqi.
---------
Italianët e transferojnë në psikiatri

Xhulieta Petalla tenton vetvrasjen


--------------------------------------------------------------------------------

PESKARA

Xhulieta Petalla tenton të vetëvritet. Ka ndodhur në spitalin psikiatrik, aty ku sapo ishte transferuar nga autoritetet italiane. Burgu nuk e ka mposhtur dot rezistencën e Xhulieta Petallit, por largimi traumatik nga fëmijët është një grusht në zemër i vështirë për t'u përballuar. Kjo edhe për një nënë e cila akuzohet si rrëmbyese fëmijësh. Mëngjesin e së dielës, 33-vjeçarja shqiptare nga Elbasani nuk ndodhet më në qeli, por është shtruar në repartin e psikiatrisë në spitalin civil. Gruaja, e cila ka qenë dy ditë në izolim, do t'u nënshtrohet analizave të ndryshme për të verifikuar nëse gjendja e saj mund të përballojë regjimin e burgut. Xhuljeta Petalla është arrestuar në Itali më datë 28 gusht të këtij viti pasi u kap bashkë me bashkëshortin e saj Ramis Petalla duke transportuar tre fëmijë nëpërmjet dokumentave të fëmijëve të tyre. Ajo dyshohet për trafikimin e 36 fëmijëve shqiptarë në Itali.

---------
Falsifikoi dokumentat e vajzës 14 vjeç

Brindisi, kapet gruaja shqiptare


--------------------------------------------------------------------------------

BRINDISI

Ka falsifikuar dokumentet dhe është munduar të fusë në Itali një vajzë 14-vjeçare dhe një djalë 22-vjeçar, duke u hequr sikur ishin fëmijët e saj. Për këtë "shërbim" 41-vjeçarja Leze Kruveri ka marrë 2000 euro. Por, sapo ka mbërritur në Itali është zbuluar nga policia e portit të Brindisit dhe është arrestuar. Vajza 14-vjeçare është dërguar në një qendër për të miturit ndërsa 22-vjeçari është riatdhesuar. Vetëm dy ditë më parë, po në këtë port u arrestua një shqiptar 52-vjeçar, i cili kishte marrë me vete një fëmijë 12 vjeç, të cilin e deklaroi si të birin. Pasi u pyet fëmija tregoi se nuk e njihte aspak burrin që pretendonte se ishte i ati, por tek ai e kishin dorëzuar familjarët.

-------------

kulmi.