Rama: Do te prishen te gjitha ndertimet pa leje ne Tirane

[Genti^Itali]

Rama:Asnjë lloj godine që cënon zhvillimin urban nuk do të mbetet mbi sipërfaqen e tokës


Tiranë- "Ne do të legalizojmë për të urbanizuar çdo ndërtesë që nuk prek dhe cënon standartet e infrastrukturës së kryeqytetit europian të shqiptarëve dhe do të prishim çdo centimetër të paligjshëm që cënon rrugët, kanalizimet, ujësjellësat dhe hapësirat publike të këtyre zonave". Kjo ka qënë përgjigjia e kryetarit të bashkisë së Tiranës, Edi Rama, ndaj pretendimeve të banorëve të unazës së re dhe të cdo banori tjetër të kryeqytetit që është i paqartë në lidhje me këtë cështje. Rama ka dhënë edhe arsyet pse ky vendim është i pakthyeshëm dhe i papërkulshëm për asnjë banor të Tiranës. "Nuk jemi këtu për të vulosur barbarinë e viteve '90, por jemi këtu për t'i dhënë një shans këtyre komuniteteve që të integrohen si qytetarë të kategorisë së parë dhe jo si qytetarë të kategorisë së dytë". Ai është shprehur i bindur se të gjithë qytetarët e zonave informale janë shumë të qartë dhe nuk ka vend këtu për të bërë diskutime dhe spekullime. "Asnjë lloj godine e cila cënon zhvillimin urban të këtyre zonave nuk do të mbetet mbi sipërfaqen e tokës". Kryebashkiaku tha se këtë vendim e dinë gjithë qytetarët e asaj zone, apo kudo ku ndërhyhet, sic e dinë gjithashtu edhe pjesa tjetër, shumë më e madhe që do të jenë banor të ligjshëm. "Këtë e dinë shumë mirë të gjithë qytetarët e atjeshëm, siç dinë që një përqindje shumë e lartë, afro 90% e tyre, do të legalizohen për arsye se nuk prekin rrjetin e infrastrukturës publike".

[Genti^Itali]

Banorët e unazës së re bllokojnë trafikun,qëllojnë policinë

Tiranë- Banorët e zonës së unazës së re kanë mbajtur për rreth një orë të bllokuar trafikun. Të tubuar rreth deputetes së tyre kanë protestuar për prishjen e ndërtimeve nga ana e bashkisë, e cila ka nisur zgjerimin e rrugës. Madje nuk kanë munguar as goditjet me gurë ndaj makinave të policisë bashkiake, thirrjet dhe kaosi në trafik. Banorët pretendojnë se punimet në këtë zonë duhet të nisin pas legalizimit. Kjo do të sjellë si pasojë që për cdo prishje, shteti duhet të paguajë shpërblimin. Ndërkohë që kjo nuk është e drejtë përderisa këto ndërtime janë të paligjshme. Vetë banorët nuk janë të qartë për atë që kërkojnë. Duan një rrugë, por njëkohësisht nuk duan që t'u shembet asgjë. Pas largimit të turmës nga rruga, prishjet në këtë zonë kanë vazhduar. Kjo nuk është as zona e parë dhe as e fundit që po u nënshtrohet ndërhyrjeve në rrugë e blloqe banimi nga ana e bashkisë. Megjithatë është zona e parë që ka pritur me gurë policinë dhe ka penguar punën e saj. Deri tani në gjithë Tiranën mund të jenë prishur rreth 4 mijë ndërtime, shtesa, shtëpi apo dyqane e magazina, por asnjë nga banorët nuk ka kundërshtuar kur ka parë të shembet ndërtimi i tij i paligjshëm. Kurse në unazën e re, me pretendimin se janë pronarë të tokës dhe me fjalët e ngrohta të deputetes se do të legalizohen të gjitha ndërtimet, po ndodh ajo që nuk është parë në asnjë cep të kryeqytetit.

[manoklla]

A sve mend ai milet. Vetem dajaku qe ka dal ka xheneti i terezit ata njerez. Mir ja bote Enver Hoxha po hajt.

[Dito]

Jam dakort me Edi Rama packa se si njeri nuk e honeps dot, gjithsesi flitet per zhvillim dhe te jemi realiste ka te drejte zoteria.

[Albo]

Pasi prishen te gjitha kioskat me te cilat familjet shqiptare nxirrnin buken e gojes, pasi prishen te gjitha lokalet lluksoze per ti sjelle "gjelberimin dhe barin jeshil parkut Rinia", tani e kane zene qe te prishin edhe godina biznesesh, pallate dhe shtepi banimi.

A ngeli njeri ne Tirane qe nuk eshte prekur nga vendimet e bashkise?

Sigurisht, qe godinat "pa leje" duhen prishur, ne menyre qe tu bejme vend hoteleve shumekateshe te droges, pallateve te krimineleve te Hakmarrjes per Drejtesi, pallateve te ministrave socialiste, e partnereve ne biznes te kryebashkiakut. Perse mos ta beje, ai eshte kryebashkiak i Tiranes.

Sot qe eshte kryetar bashkia, i lejohet qe te fryhet dhe kercenoje gjithe banoret e Tiranes. Por neser kur te mos jete kryetar bashkie, i duhet qe te gjeje vend qe te futet ne Tirane, se me keto veprime, nuk po ben miq, po ben armiq, dhe jane armiq qe nuk duan tia dine per "politike".

Albo

[Albo]

Te dashur banore te Tiranes, Edi Rama ju shkruan sot ne gazete, asgje e jona nuk eshte juaja.


Asgjë e Jona, nuk është e Jotja

Edi Rama

Në radhë të parë duhet të dihet që “biznesmenëve” të Unazës së Re u kam bërë prezente faturën e xhamit, të pasqyrës dhe të fenerit të veturës së Policisë Bashkiake që u godit me gurë prej tyre. Kam kërkuar që kjo faturë të paguhet me kontributet e tyre pasi askush dhe aq më pak njerëz që janë në kundërshtim me ligjin, rendin, qytetin dhe drejtimin e rrugës së përbashkët të së ardhmes tonë europiane, nuk mund të guxojnë të ngrejë dorën kundër përfaqësuesve të ligjit dhe mbrojtësve e ndërtuesve të kësaj rruge.
Në të vërtetë një valë spekulimesh kanë filluar mbi këtë segment të përvetshëm të punës sonë në kantieret e shumta të këtij viti, natyrisht edhe në kontekstin më të gjerë të diskutimeve irracionale që po bëhen për projektligjin për legalizimin. Është një valë e cila natyrisht nuk do të ketë asnjë shans të bëhet mbrojtje e asnjë centimetri kub ndërtimi të paligjshëm, aty ku Bashkia e Tiranës do të ndërtojë infrastrukturën moderne të kryeqytetit të të gjithë shqiptarëve, por njëkohësisht është një valë e ngjizur me cinizëm, padituri, mungesë sensi të ligjit, të shtetit, të qytetit, të vetë komunitetit dhe, mbi të gjitha, që shpreh një moskokëçarje të frikshme për të ardhmen e tërë fëmijëve tanë, nga periferia në qendër, ndaj të cilëve e kemi të gjithë për detyrë të ndërtojmë një qytet të jetueshëm. Cinizmi e padituria, mungesa e njohjes dhe e kompetencës profesionale, shpërfaqen në fjalëthurrjet e atyre që i kundërvihen këtij procesi, por edhe në një sërë komentesh që janë bërë në media duke krijuar një mjegull artificiale ku dëgjohen dënesa patetike krokodilësh, kllounësh, sharlatanësh, tregtarësh të pazarit të parimeve të mëdha e ambulantësh të interesave të vogla, përzier në një kor të izoluar nga realiteti me gjithëfarë ilegalësh urbanë, nga më ordinerët deri tek më të pafajshmit në “gabimin” e tyre të zaptimit të tokave të tjetërkujt.
Duke provuar një sekëlldi të madhe urbane karshi zhurmës së këtyre dënesave në mjegull, po ritheksoj pikëpamjen time edhe si një nismëtar e promotor i idesë së legalizimit, qysh në kohën kur kjo ide u hodh nga maxhoranca aktuale. Dhe duke qenë nismëtar e promovues i kësaj ideje, ndoshta pa modesti po njëkohësisht për hir të së vërtetës, nënvizoj se kjo ide është përpunuar përsëpari nga ekipi i Bashkisë së Tiranës me qëllimin për t’i dhënë perspektivë zonave informale përmes integrimit urban të tyre, por edhe, pse jo, për t’i dhënë maxhorancës një argument të fortë politik e një instrument të provuar teknik për të zgjidhur problemin e mijëra e mijëra njerëzve në nevojë, të cilët gjatë lëvizjes së lirë të viteve ‘90 u shpërngulën jashtë çdo kontrolli drejt qyteteve të mëdha e veçanërisht drejt Tiranës për një jetë më të mirë.
Kësisoj, marr shkas nga ekspertiza dhe argumentat që disponojmë mbështetur mbi përvojën tonë disavjeçare e atë shumëvjeçare botërore e jo mbi nevojat elektorale të kujtdo që synon pushtetin, piruetat politike të radhës, llafet e rrugëve të zëna nga ndërtimet pa leje apo emocionet aktoriale me karakter social. Në përvojat botërore nuk rezulton të ketë zënë vend ndokund ideja e legalizimit të gjithçkaje të ngritur pa leje. As në Brazil, as në Argjentinë, as në Peru e as në ndonjë vend tjetër të ngjashëm me një traditë të madhe të ilegalitetit në ndërtim dhe me një traditë po kaq të çmuar në drejtim të urbanizimit përmes legalizimit, nuk rezulton të jetë dëgjuar varianti i legalizimit të godinave të paligjshme aty ku kalojnë rrugët, kanalet, ujësjellësat, rrjetet e ndriçimit e telefonisë, apo aty ku lipsen çerdhet, kopshtet, shkollat për mijëra fëmijët e zonave informale apo ambulancat e hapësirat e gjelbëra për mijëra njerëz të shpërngulur nga nevoja, por që s’mund të vdesin në nevojë.
Përkundrazi, përvojat tregojnë se legalizimi nuk është një qëllim por një instrument për të realizuar urbanizimin, pra ndërtimin e infrastrukturës jetike, nxitjen e ekonomisë përmes daljes në jetë të kapitaleve të vdekura dhe të kohezionit social. Nënvizoj këtu se një çështje themelore e vendeve të pazhvilluara ku bëjmë pjesë edhe ne, një çështje themelore e vendeve si yni me një nivel varfërie ku një e katërta e popullatës jeton nën të ashtuquajturën linjë kufiri e varfërisë, një çështje themelore e ringjalljes dhe rimëkëmbjes së vendeve me nevojat e këllqet tona të këputura, është nxjerrja nga gjendja e vdekur e kapitalit që disponojnë vetë njerëzit. Në kuptimin e përvojës botërore që lartpërmenda, zonat informale janë njëkohësisht varreza kapitalesh të vdekura. Përmes legalizimit, çdo ndërtesë e paregjistruar në asnjë hartë, hipotekohet e kthehet në titull pronësie duke i dhënë mundësinë e menjëhershme atij që e zotëron për ta kthyer përmes bankës në një kapital të gjallë që gjeneron investim.
Të thuash legalizim, pastaj urbanizim do të thotë të zgjasësh jo vetëm kalvarin e atyre që jetojnë në zonat informale, pa u dhënë shanse të zhvillojnë ekonominë e familjes së tyre për shkak të një titulli pronësie që s’ka asnjë garanci, por edhe të zgjasësh në pafundësi rrugën e rindërtimit të qytetit për të gjithë qytetarët. Të mendosh për legalizimin si një qëllim të epërm mbi urbanizimin e jo si një instrument për realizimin e këtij të fundit, do të thotë të lësh pa kufi periudhën e braktisjes së mijëra fëmijëve të zonave informale, sepse fëmijët të cilët rriten në ato zona pa asnjë lloj kushti dhe standardi urban, janë fëmijë të lënë në mëshirë të fatit, janë fëmijë që nesër do të jenë të rritur pa asnjë instrument kulturor apo material të integrimit shoqëror. Këto thotë historia e dhimbshme e zonave informale në vendet në nevojë, kjo është përvoja e integrimit urban të zonave informale, në gjithë ato vende që rreken seriozisht t’i zgjidhin hallet e të ardhurve e jo t’i përdorin të ardhurit si mish për topat elektoralë. Të duash legalizim dhe pastaj urbanizim do të thotë të mos duash të kuptosh apo rëndomti të mos kuptosh asgjë, do të thotë të mos i njohësh këto përvoja e as të përfillësh nevojën për t’i konsultuar, do të thotë të mos shikosh nga e ardhmja por të rikthesh të kaluarën dhe ta ngulësh përpara si një mallkim që përsëri i krijon Shqipërisë një kosto që duhet të përballohet nga të gjithë qytetarët.
Sepse në fakt ç’do të thotë ta paguajë shteti këtë kosto? Do të thotë që në xhepin e çdo qytetari taksapagues, ku është forca paguese e shtetit, pra në xhepin e çdo qytetari taksapagues i cili kontribuon për të pasur rrugë, kanalizime, ujësjellësa, ndriçim, gjelbërim, shkolla, kopshte, çerdhe, spitale, ambulanca, të fusim dorën për të paguar shtëpitë, kafenetë, serviset, lavazhet, magazinat, mbeturinat e gjithçka tjetër që i ka zënë qytetit e komunitetit rrugën e që u dashka legalizuar për hir të arsyes së mosarsyes politike. Pra, qytetari taksapagues nuk mund të futet në qytetin e tij pa paguar për të hequr fillimisht nga rruga atë që është ngulur aty pa leje e pastaj pa ndërtuar, po me paratë e tij, infrastrukturën që e ngulura pa leje në pronën e përbashkët ka shkatërruar e nxjerrë jashtë përdorimit! Ç’do të thotë “nuk ekzistonte shteti” kur ndërtohej pa leje në aksin e rrugës apo mbi kolektor? Shteti nuk ekzistonte, por ligji ekzistonte, sepse po të mos kishte ekzistuar edhe ligji do ta kishin bërë këtë punë të gjithë shqiptarët e jo vetëm ata më trimat apo ata “më në nevojë”, në kohën kur s’kishte shqiptar që s’ishte në nevojë. Fakti që shteti nuk ekzistonte nuk i jepte të drejtën askujt të shkelte ligjin që ndalonte ndërtimin mbi rrugë e mbi lumë, gjë kjo e pajustifikueshme bash si vrasja, vjedhja dhe çdo lloj formë e shkeljes së ligjit në kohën e mosekzistencës së shtetit, dënohen me t’u rikthyer shteti.
Dhe mbi të gjitha ajo që është më shqetësuesja, më primitivja, më e pajustifikueshmja në ngrehinën e alibisë së legalizimit pa urbanizim, është se po krijojmë kulturën e vënies së qytetarit korrekt në shërbim të qytetarit problematik apo të zgjidhjes së problemeve të trashëguara nga koha kur qytetari korrekt ndoshta s’kishte lindur ende. Qytetari korrekt u dashka të paguajë fatura marramendëse të së kaluarës, a thua se ka bërë faj që s’ka hyrë në burg, u dashka të paguajë drita e ujë, a thua se ka bërë faj që dritat e ujin nuk i vjedh, u dashka të paguajë kreditë për ata që humbën shtëpitë në firmat piramidale, a thua se ka bërë faj që nuk ka besuar tek Sudja e “Populli”, u dashka të paguajë gjithçka për të gjitha fajet që s’i ka bërë. Dhe këtu dua të rikthehem. Spekulimi më i madh bëhet kur thuhet se në mënyrën e paraparë nga projekt-ligji nuk do të ketë legalizim. Nuk është e vërtetë, gënjeshtër me bisht të trashë!
Unë i kam qëndruar dhe i qëndroj koherent asaj që kam thënë qysh në fillim, pra se do të legalizohet çdo gjë, çdo shtëpi e çdo centimetër kub ndërtimi i vendosur me mund dhe me djersë, aty ku nuk cënohet e ardhmja e përbashkët. Që do të thotë se numri dërrmues i ndërtimeve në zonat informale, janë të legalizueshme dhe do të legalizohen.
Projekti ynë te Unaza e Re, si çdo projekt tjetër, nuk është ngritur nga qëllimi për të prishur shtëpi, por është nisur nga nevoja për të bërë rrugë dhe rruga aty e kudo, në Allias, në Selitë, në Laprakë, në Kombinat, kudo tjetër ku ne do të ndërhyjmë, do të bëhet sipas standardeve që meritojnë fëmijët tanë, jo sipas standardeve që duan të vendosin me dhunë baballarë të cilët nuk duan t’ia dinë për të ardhmen e një komuniteti të tërë përpara metrit katror që kanë fituar përmes shkeljes së ligjit. Eshtë e turpshme që në të gjithë këtë valë spekulimi përsëri nuk ka referim ndaj fakteve, të vërtetave, dokumentave, por vetëm ndaj nevojave për të fituar politikisht duke kalëruar mllefin e të prekurve. Kurse ne, në projektin në fjalë, ashtu si në të gjitha projektet e tjera, jo vetëm nuk kemi shkelur asnjë princip të paravendosur, por u jemi referuar premtimeve elektorale të bëra me harta në dorë. Kujtoj që gjatë fushatës elektorale në këto zona, unë kam shkuar me harta e jo me llafe të kërryera nga fjalorët e demagogjisë provinciale. Dhe hartat kanë qenë të vendosura përpara të gjithë qytetarëve të interesuar, të cilëve u kam thënë shprehimisht, “Do të legalizojmë çdo gjë që nuk cënon infrastrukturën që shikoni në hartë”! Qytetarët votues kërkonin e gjenin shtëpinë e tyre në këto harta sapo mbaronte takimi. Kurrë nuk kam pasur kurajon të them “T’i gëzojnë ndërtimet e tyre pa leje edhe ata që cënojnë infrastrukturën”, sepse këtë kurajo duhet të ma jepnin ata që më kanë votuar, të cilët s’më kanë ulur në krye të Tiranës që përpara mikrofonave të tallem me jetën e tyre dhe të fëmijëve të tyre. Ata që më kanë votuar mua, po edhe të gjithë të tjerët, na kanë mandatuar të mbrojmë interesat e këtij vendi, të mbrojmë qytetin, shtëpinë e tyre, familjen e tyre, të ardhmen e fëmijëve të tyre. Dhe në rast se ne nuk e përdorim legalizimin si një instrument për integrim urban, zhvillim ekonomik e kohezion social, po e deformojmë si një vegël politike për mustaqet e burrave të Kuvendit, ne nuk mbrojmë as shtëpitë, as familjet dhe as të ardhmen e qytetarëve e të fëmijëve të këtij vendi në përgjithësi, por as edhe të atyre mijëra fëmijëve të zonave informale në veçanti, të cilët në qoftë se do t’i lëmë kështu, nën efektin e kulturës së gurëve e të mjedisit jourban, nesër do t’i kemi problemin më të madh të qytetit tonë. Sepse ata fëmijë do të hakmerren duke urryer qytetin, siç bëjnë në të gjitha periferitë problematike të planetit, e ndoshta më keq. Prandaj ne duhet e do të bëjmë shkolla, kopshte, rrugë, trotuare, duhet e do t’u çojmë ndriçimin publik, duhet e do t’u mbjellim pemë, që të rriten në rrugën e kohezionit social e jo të margjinalizimit ekstrem, plot baltë e komplekse inferioriteti.

[Zarathustra.]

Kioskat dhe bizneset e felliqura buza Lanes dhe te parkut Rinia, nuk u eleminuan, ato vetem u rilokalizuan, u disiplinuan dhe jane kthyer ne biznese te rregullta dhe te ligjshme.

Te gjithe e dine shume mire, se sot nuk ka me pak dyqane apo lokale ne Tirane por sot ato jane me te mireorganizuara, paguajne taksat qe duhet te paguajne, nuk vjedhin me uje e drita, dhe nuk na qelbin me Tiranen qe dikur dukej si Kandahari.

Llogjika qe prishja e kioskave, eleminoi pune dhe sherbime ne Tirane eshte boshe dhe irracionale.

Me tej edhe ne amerike dikur shteti eleminoi urbanizimin jofunksional, dhe a e dini se cilat ndertesa ngelen ne kembe si qendra biznesi? Ato te Rockfelereve, qe i vune parate ne menyre shume te dyshueshme. Edhe sot ndertesat e tyre jane ne zemer te qyteteve amerikane si kryeqendra biznesi.

Dhe sigurisht, nje kercenim ne fund fare u shkon per shtat atyre qe nuk kane breke ne by***. Atyre........pirateve te betonit dhe nostalgjikeve muhaxhadine te getove alla-Kabul.

[Dito]

Pasi prishen te gjitha kioskat me te cilat familjet shqiptare nxirrnin buken e gojes, pasi prishen te gjitha lokalet lluksoze per ti sjelle "gjelberimin dhe barin jeshil parkut Rinia", tani e kane zene qe te prishin edhe godina biznesesh, pallate dhe shtepi banimi.

A ngeli njeri ne Tirane qe nuk eshte prekur nga vendimet e bashkise?

Sigurisht, qe godinat "pa leje" duhen prishur, ne menyre qe tu bejme vend hoteleve shumekateshe te droges, pallateve te krimineleve te Hakmarrjes per Drejtesi, pallateve te ministrave socialiste, e partnereve ne biznes te kryebashkiakut. Perse mos ta beje, ai eshte kryebashkiak i Tiranes.
Albo

S`jam aspak dakort Albo me menyren si kerkon ta devijosh zhvillimin, normalisht ndodhin edhe nga keto qe thua por te jemi realiste dreqi e mori, si eshte tirana sot ne krahasim me vitet 95-96-97-98 besoj ka ndryshuar apo jo? Vete zoteria Edi Rama ka thene qe ato bisnese qe nuk prishin urbanizimin e tiranes do te legalizohen dhe mesa di une plani urbanistik i tiranes eshte projektuar nga nje kompani projektuese Franceze dhe jo nga kryetari i bashkise. Cdo gje qe prish bukurine e nje metropoli eshte e destinuar te vdese dhe ky eshte nje ligj nderkombtar mbi zhvillimin.

[manoklla]

Amen. Po ishalla po i prishin me verte jo vetem me llafe.

Vetem qorrat dhe inatcinjte nuk duan ta shohin punen kolosale qe ka bere Edi Rama ne krye te bashkise se tirones. Jo se Edi e rru shum per tipa karallonj te tille por se pari keta njerez duhen te jene te se pari te sinqerte me ndergjegjen e tyre injorante para se te na japin mend ketu ne forum si don kishoti.

[Albo]

S`jam aspak dakort Albo me menyren si kerkon ta devijosh zhvillimin, normalisht ndodhin edhe nga keto qe thua por te jemi realiste dreqi e mori, si eshte tirana sot ne krahasim me vitet 95-96-97-98 besoj ka ndryshuar apo jo? Vete zoteria Edi Rama ka thene qe ato bisnese qe nuk prishin urbanizimin e tiranes do te legalizohen dhe mesa di une plani urbanistik i tiranes eshte projektuar nga nje kompani projektuese Franceze dhe jo nga kryetari i bashkise. Cdo gje qe prish bukurine e nje metropoli eshte e destinuar te vdese dhe ky eshte nje ligj nderkombtar mbi zhvillimin.

Zhvillimi matet me pallate shumekateshe qe ngrihen me parate e droges dhe trafikut, apo me kartodrome marramendes dhe hotele me 5 yje ne nje shoqeri qe klasifikohet si e botes se trete?

Matet tek te ardhurat per fryme, vendet e punes se hapura, numri i vogel i vetvrasjeve qe vijne si pasoje e mosperballimit te jetes. Na rrofte bukuria e Tiranes, kur lexojme perdite vetvrasje nga me prekeset ne faqet e gazetave. Keta viktima i vret pikerisht bukuria e madhe e Tiranes!

Mbase per ty "bukuria e Tiranes" eshte kryesore, per mua mireqenia e gjithe shqiptareve eshte kryesore. Kuptohet, qe ai qe e ka barkun plot, kerkon bukurine. Ai qe e ka barkun bosh kerkon pune per te siguruar buken e gojes se familjes se tij. Prandaj ai "kioskaxhiu i qelbur" qe me ate "kiosken e qelbur" mbante familjen e tij me buke, sot e gjen veten te papune ne rruge. Ne te mburremi pak me bukurine e Tiranes, packa se njerezit vdesin per buken e gojes.

Cfare te mbjellesh do te korresh! - thote populli.
Ata qe mbjellin shkaterrim, do te gjejne shkaterim.