Bob Dol në Prishtinë

[Arb]

Prishtinë, 8 tetor - Ish-senatori amerikan dhe Ambasadori Nderi i Kosovës në SHBA Bob Dol mbërriti sot në Prishtinë për një vizitë triditëshe.

Presidenti Ibrahim Rugova e priti zotin Dol në aeroportin e Prishtinës për t'i uruar mirëseardhje në vendin tonë.

Bob Dol u shpreh para gezatarëve se viti 2005 do të jetë shumë i rëndësishëm dhe do të shënojë pavarësinë e Kosovës. "Me vite të tëra jam interesuar dhe kam punuar për Kosovën si një vend të rëndësishëm të cilit vazhdimisht jam munduar t'i ndihmoj", tha zoti Dol.

Gjatë qëndrimit në Kosovë Bob Dol do të nderohet nga Presidenti Rugova me "Madaljen e Artë të Lirisë" për kontributin e tij në çështjen e Kosovës, si dhe do të ketë takime të ndryshme me spektrin politik kosovar.

Gjatë rrugës prej aeroportit për në Ptishtinë në Fushë Kosovës Bob Dolin kishin dalë për të paritur me qindra qytetarë. Me këtë rast zoti Dol bashkë me Presidentin Rugova u ndalën për disa çaste për ta përshëndetur masën e tubuar.

Presidenti Rugova dhe senatori Dol me të arritur në Prishtinë zhvilluan një takim në rezidencën e Presidentit në Velani.

Ndërkohë me qindra qytetarë të kryeqytetit janë tubuar para hotelit "Grand" për ta pritur dhe përshëndetur mysafirin e nderuar dhe mikun e madh të shqiptarëve, i cili do të vendoset në këtë hotel.



QIK-u

[Genti^Itali]

[IMG]Bob Dol u shpreh para gezatarëve se viti 2005 do të jetë shumë i rëndësishëm dhe do të shënojë pavarësinë e Kosovës. "Me vite të tëra jam interesuar dhe kam punuar për Kosovën si një vend të rëndësishëm të cilit vazhdimisht jam munduar t'i ndihmoj", tha zoti Dol.

Me behet qefi qe qenka shprehur kshu Z.Dol... vetem te shpresojm qe e mban fjalen!

[Arb]

Presidenti Rugova: Dol është shembull i veçantë e i ndritur si punohet për vendin dhe si ndihmohet liria e popujve të tjerë

Prishtinë, 9 tetor - Në një mbledhje solemne, sot në Teatrin Kombëtar të Prishtinës u zhvillua ceremonia e nderimit të senatorit Robert (Bob) Dol me "Medaljen e Artë të Lirisë", me të cilën Presidenti i Kosovës Ibrahim Rugova e ka dekoruar më 12 qershor të këtij viti në 5-vjetorin e hyrjes së trupave të NATO-s në Kosovë.

Në këtë ceremoni merrnin pjesë personalitete të shquara të jetës shoqërore, politike e kulturore të kryeqytetit e të Kosovës.



Presidenti Rugova në fjalën e tij, pasi shprehu kënaqësinë e veçantë të hapë këtë ceremoni me rastin e dorëzimit të dekoratës "Medalja e Artë e Lirisë" për Ekselencën e tij Robert Dol, tha: "Në këtë moment solemn dëshiroj të them se Ju për pesëmbëdhjetë vjet me radhë e keni përkrahur çështjen e Kosovës për liri, pavarësi e demokraci në Senatin dhe Administratën e SHBA dhe në opinionin e gjerë amerikan e botëror".

"Senator Dol, Ju ishit ndër zyrtarët e parë të lartë amerikanë që shkelët në tokën e Kosovës para 14 vjetësh, kur përgatitej eksterminimi i popullit të saj", tha Presidenti Rugova duke iu drejtuar zotit Dol. "Por, falë angazhimit Tuaj dhe të popullit të madh amerikan, sot Kosova është një vend i lirë, që kërkon njohjen e pavarësisë", theksoi Presidenti Rugova.

Pasi vlerësoi se gjatë pesë vjetëve në liri Kosova ka bërë një progres të madh në të gjitha fushat e jetës, Presidenti Rugova theksoi se "ka ardhur koha që të njihet pavarësia e Kosovës, në formë të drejtpërdrejtë nga SHBA dhe nga vendet e BE, çfarë do të qetësonte këtë pjesë të Evropës e të botës".

Ndërkaq, duke folur për personalitetin e senatorit Dol, Presidenti Rugova tha: "Senator Dol, Ju jeni një legjendë e gjallë e Senatit amerikan që të gjithë duhet t'ju marrin si shembull të veçantë e të ndritur si punohet për vendin e vet dhe si ndihmohet liria e popujve të tjerë". "Ju jeni mik i madh i Kosovës dhe i shqiptarëve në përgjithësi. Ne jemi krenarë me Ju".

"Senator Dol, Ju shpreh mirënjohje të lartë në emër të popullit të Kosovës për punën që keni bërë gjatë këtyre viteve për vendin tim. Po ashtu Ju shpreh mirënjohje për angazhimin Tuaj në cilësinë e Ambasadorit të Nderit të Kosovës në SHBA që Kosova të gëzojë pavarësinë sa më parë dhe t'i bashkohet familjes së madhe të kombeve të lira të botës së lirë", tha Presidenti Rugova në fjalën e tij dhe theksoi se Kosova edhe më tutje pret përkrahjen e çmueshme të zotit Dol për vendin tonë.

Duke u falenderuar për dekoratën, senatori shumëvjeçar amerikan Bob Dol tha se e njeh Presidentin Rugova prej 14 vitesh, që është një njëri me parime, me vizion dhe integritet.

Pastaj zoti Dol kujtoi takimin e parë me Presidentin Rugova në vitin 1990, kur në Kosovë kishte sjellë një delegacion të Senatit amerikan, ndërkaq, siç tha, Millosheviqi kishte dërguar gaz lotësjellës që t'i kthejë mbrapa njerëzit e vullnetit të mirë.

Ky ishe vetëm fillimi, tha Dol dhe për një periudhë të shkurtër Millosheviqi dhe regjimi i tij i mbyllën shkollat e Kosovës, spitalet dhe të gjitha institucionet e tjera.

"Më pas, në 1997 dhe 1998 më e keqja ndodhi. Regjimi i Millosheviqit filloi të masakrojë me mijëra shqiptarë dhe i largoi nga shtëpitë e tyre qindra të tjerë. Kur erdha këtu më 1999 menjëherë pas luftës dhe pasi që NATO u vendos këtu Presidenti Klinton më ngarkoi që të jem udhëheqës i Komisionit Ndërkombëtar për Persona të Zhdukur. Jam takuar me familjet e personave të pagjetur".

"Duke ardhur dje nga aeroporti duke menduar atë që kisha parë më 1999 po në këtë relacion unë kurrë nuk kam menduar se ky vend dhe ky popull kanë mundur të jenë cak i luftës për një kohë të shkurtër", tha Dol dhe shtoi se nga ajo kohë e vështirë, sot Kosova ka kompletuar rindërtimin e saj dhe ka bërë progres të madh.

"Presidenti Rugova ka qenë një konstantë e mrekullueshme, një zë për paqe, një zë për unitet, një zë për përfshirje, një zë për pajtim dhe, më e rëndësishmja, një zë për demokraci", tha Dol dhe theksoi se të gjithë njerëzit e mendimit të mirë të Kosovës e ndajnë vizionin e tij për një Kosovë të lirë demokratike, të pavarur dhe me njohje ndërkombëtare.



Ai tha se çdokund ku ka qenë në Kosovë qytetarët e kanë falenderuar për interesimin dhe kërkesën e tij që të promovohet paqja dhe drejtësia. "Unë ndiehem i bekuar që të kem mundësinë që të bart një kauzë kaq të rëndësishme. Unë duhet t'ju shpreh mirënjohje, ju që më keni ngarkuar këtë kauzë. Me veprimet tuaja ju keni inspiruar liderët në Shtëpinë e Bardhë, në Kongres, në media dhe në publikun e përgjithshëm t'u ndihmoj popujve në vendet e trazuara që të gjejnë rrugën e tyre".



Bob Dol tha se edhe në kohët më të vështira të shqiptarëve ai gjithnjë ka pasur një shpresë të madhe për Kosovën. "Sot shpresa është edhe më e madhe se gjithnjë më parë".



Viti 2005 duhet të jetë një nga vitet më të rëndësishme të historisë së Kosovës. "Gjithësecili këtu dhe të gjithë miqtë tuaj në Shtetet e Bashkuar, në Evropë duhet të punojnë së bashku që të sigurojnë që Kosova të arrijë potencialin e saj të plotë", tha në fund Bob Dol.

QIK-u

Zoti të bekofte O Mik i madh i Shqiptarëve!

[Llapi]

Bob Dol: Procesin e zgjidhjes së statusit duhet ta udhëheqin SHBA-të


Prishtinë, 9 tetor (Kosovapress) Time: 16 : 25

Ish-senatori amerikan Rober (Bob) Dol, njëherit edhe ambasador nderi i Kosovës në SHBA, ka thënë të shtunën në Prishtinës pas një takimi me kryeministrin e Kosovës, Bajram Rexhepi, se procesin e zgjidhjes së statusit të Kosovës duhet ta udhëheqin SHBA-

[Albo]

Bob Doll eshte nje prej personaliteteve me te dashura per publikun amerikan, ku spikat jo vetem pjesmarrja e tij ne luften e II boterore, jo vetem pjesmarrja e tij ne politiken amerikane si ish kryetar i grupit parlamentar konservator ne senatin amerikan, jo vetem fakti se ai ishte kandidat per president ne garen e vitit 1996, por edhe fakti se Doll ka nje sens te zhvilluar humori dhe nje te folur spontant dhe shume te sinqerte.

Fakti qe ai eshte ne Prishtine tregon fare hapur perkushtimin e tij per ceshtjen shqiptare, pasi prej 1996 ai eshte terhequr nga politika amerikane. Gruaja e tij, Elisabeta Doll, eshte senatore e Karolines se Veriut ne senatin amerikan.

Doll do te luaje nje rol shume te rendesishem ne prezantimin e interesave tona kombetare ne Washington, nese ne zgjedhjet presidenciale te nentorit, Bush, nje republikan, do te fitoje nje mandat te ri 4 vjecar.

Ndihem mire qe pritja qe populli shqiptar ne Kosove i ka bere Doll duket si nje pritje madheshtore. Pershtypjet me te mira qe politikanet amerikane marrin kur vizitojne Kosoven, nuk jane thjeshte takimet me politikanet dhe burrat e shtetit, por edhe ndjenja e sinqerte e dashurise dhe miqesise qe populli shqiptar shfaq per ate amerikan. Amerikanet e cmojne kete me shume se cdo gje, pasi nje miqesi dhe mikpritje te tille nuk e gjejne ne asnje vend tjeter ballkanik apo me gjere.

Albo

[RTP]

Bob Dol: Procesin e zgjidhjes së statusit duhet ta udhëheqin SHBA-të


Prishtinë, 9 tetor (Kosovapress) Time: 16 : 25

Ish-senatori amerikan Rober (Bob) Dol, njëherit edhe ambasador nderi i Kosovës në SHBA, ka thënë të shtunën në Prishtinës pas një takimi me kryeministrin e Kosovës, Bajram Rexhepi, se procesin e zgjidhjes së statusit të Kosovës duhet ta udhëheqin SHBA-

ahahaahahahah
Llapi,
ore,ti paske prirje per humor!

Po ato shkronjat pse i rrite aq shume
ke probleme me sy?!

Nejse

Te fala te gjitheve
RTP

ps.Diçka nuk e kam te kjarte,disi s`me besohet se lexoj nje artikull gazete
me kaq shume gabime drejtshkrimore!!!
A thu...?

[StormAngel]

BOB DOLL QENDROI KETO DITE NE KOSOVE: Statusi perfundmitar i Kosoves duhet te udhehiqet nga SHBA-te


Gjate percaktimit te statusit perfundmitar te Kosoves, mendoj se Shtetet e Bashkuara te Amerikes duhet te marin rolin prijes. Pa udheheqjen e Shteteve te Bashkuara te Amerikes nuk do te ndodh asgje. Ne duhet ta hapim kete ceshtje me kryetarin e ardhshem, pa mare parasysh ne do te jete Bush apo Kerri, thote Bob Doll
.
Gjithmone kam dashur qe Kosova te jete nje vend demokrtaik dhe i pavarur dhe mendoj se viti 2005 do te jete nje vit shume i madh per Kosoven, kjo ishte porosia, ne adrese te shqiptareve, nga ish senatori amerikan, Bob Doll, i cili qendroi ne Kosove. Shetet e Bashkuara te Amerikes, sipas ish senatorit republikan, Bob Doll, duhet ta kene rolin prijes gjate percaktimit te statusit perfundmitar. Ne te kunderten, sipas tij, nuk do te ndodh asgje. Duhet pare c'do te ndodh, megjithkete, zgjidhja e statusit perfundimtar ka nevoje per ballafaqim te fuqishem me rrethanat dhe realitetin, vleresoi Doll pas takimit me kryeministin e Kosoves Bajram Rexhepi, duke vene ne pah edhe te drejtat e pakicave kosovare ndonese sipas tij ne demokraci gjithmone ekziston klasa e dyte.


Eshte shume e rendesishme qe diskutimi rreth statusit perfundmitar te Kosoves te filloj kah mesi i vitit te ardhshem, ashtu sic ehste parapare, vleresoi kryeministri Rexhepi, optimist se procesi do te perfundoj ne fillim te vitit 2006. Senatori Dole, ishte nder njerezit e pare qe i tregoi botes per diskriminimin, dhunimin e te drejtave njerezore dhe te drejtave kombetare ne Kosove. Nga ajo kohe, senatori Dole vazhdimisht ka kontribuar per nje te mire te Kosoves. Kemi kenaqesine qe ai eshte ambasador nderi ne SHBA, dhe shpresojme se se shpejti do te hapim edhe zyren ne Uashington, Nju Jork dhe Bruksel", theksoi kryeministri Rexhepi Nderkaq kryetari i Kosoves Ibrahim Rugova,dekoroi ish senatorin amerikan me "Medaljen e Arte te Lirise", nderkaq nje vit me heret Doll u emerua Ambasador Nderi i Kosoves ne Shtetet e Bashkuara te Amerikes. Dole, te shtunen, zhvilloi nje takim edhe me shefin e UNMIK-ut, Soren Jessen-Petersen, pas te cilit deklaroi se duhet te shpejtohen proceset politike ne Kosove, ne menyre qe te arrihet sa me shpejt deri te zgjidhja e statusit. Ish-senatori republikan, i njohur per angazhimin e tij ne lidhje me ceshtjen e Kosoves, qendroi ne Kosove ne vizite trediteshe. Kjo eshte vizita e tij e dyte. Vizita e para 14 viteve e senatorit Bob Dole ishte percjelle me tensione dhe maltretime te shume qytetareve shqiptare nga ana e forcave policore serbe. Bob Dole eshte zgjedhur senator i Kansas-it ne nentor te vitit 1968, ndersa eshte rizgjedhur me pas me 1974, 1980, 1988 dhe 1992.

Nga:
Lindita Aziz