Desha te vras tutorin e motres sime, nuk jam hajdut

[Shpirt Njeriu]

MALLAKASTER

Masakrën në Albapostën e komunës së Fratarit, ku shpërndaheshin lekët për pensionistët, e bëra unë. Atje shkova me bindje të plotë për të grabitur paratë, të cilat më duheshin për të vrarë tutorin e motrës sime". Kështu ka deklaruar para policisë së Fierit Klodian Muho, i cili dje rreth orës 10.30 hodhi një granatë në zyrën ku shpërndaheshin paratë, ku për pasojë mbeti i vdekur pensionisti Ethem Levanai, si dhe u plagosën rëndë Ramadan Metaj, Xhevit Demiri, Bektash Serjani dhe Kadri Mukaj. 20-vjeçari, banues në fshatin Qenas të Fierit, ka sqaruar para bluve se në ambientet e Albapostës hyri i maskuar e me një pistoletë lodër, jo për të vrarë njerëz. Ai ka deklaruar se plani i tij i përgatitur që një muaj më parë, në bashkëpunim me shokun e tij Endri Hila, përfundoi padashur në një masakër të vërtetë. Burime nga policia bëjnë të ditur se i riu vrasës ka këmbëngulur në faktin se thjesht donte të merrte ca lekë për t'u hakmarrë ndaj njeriut që i kishte dërguar motrën prostitutë në Itali. Madje, autori i krimit është shprehur se e hodhi granatën, pasi u tremb se mos e kapnin arkëtari Vladimir Tahiri dhe të tjerët brenda në Albapostë. Polica shpallë në kërkim Endri Hilën.

Akuzoheni për vrasjen e pensionistit Ethem Levanai dhe plagosjen e katër personave të tjerë në ambientet e filialit të Albapostës në fshatin Fratër të Mallakastrës. Përse e bëtë një krim të tillë?
Po. Unë e bëra masakrën në Fratër. Në fakt atje nuk shkova për të vrarë njerëz. Kur hyra në zyrën ku shpërndaheshin lekët për pensionistët, kisha një plan tjetër, të cilin nuk e realizova.

Cili ishte plani juaj?
Në Albapostën e Fratarit shkova me bindje të plotë për të grabitur paratë. Ato më duheshin për të vrarë tutorin e motrës sime. Para disa kohësh një person ka dërguar motrën time në Itali, ku e shfytëzon si prostitutë. Unë nuk mund ta pranoj një gjë të tillë, ndaj doja që të kisha ca lekë për ta vrarë tutorin. Personi që ka trafikuar motrën tënde është arrestuar para një viti dhe është në burg.

Si do ta vrisnit atë në qeli?
I arrestuari është tutori i motrës së parë. S'kisha punë me të, pasi ai është në burg. E denoncoi vetë motra ime. Unë doja të vrisja tutorin e motrës së dytë.

Kur e bëre planin për grabitjen e lekëve të pensionistëve?
Planin e kam bërë që një muaj më parë.

Me kë e bëre planin për grabitjen e Filialit të Albapostës së Fratarit?
Me shokun dhe bashkëmoshatarin tim Endri Hila. Bashkëmoshatari im Hila është nip në fshatin Symizë të komunës së Fratarit. Ai shkonte shpesh tek gjyshi i tij dhe aty merrte të dhënat e duhura për planin tonë.

Çfarë të dhënash kishte mbledhur shoku juaj?
Ai kishte mësuar për vendin ku shpërndaheshin paratë, për oraret dhe arkëtarin.

Kur mbërrite në Fratër?
Një ditë më parë. I telefonova Endrit dhe ai më tha të shkoja tek shtëpia e gjyshit të tij në fshatin Symizë. Sot me furgonin e linjës u nisa për në Fratër.

Si ndodhi ngjarja?
Rreth orës 10.30 hyra në Albapostë i maskuar. Aty më kapi arkëtari dhe unë i trembur hodha granatën dhe ika me të shpejtë. Pas 5 minutash më kapi policia.


Historia e familjes së 20-vjeçarit që vrau 1 e plagosi 4 vetë

Dy vajzat në trotuare, djali në qeli

Problemet e familje së ardhur nga Tepelena në Fier
Për familjen Muhaj, duket se djali që shkaktoi tragjedinë e djeshme nuk ka qenë i vetmi problem. Madje, duket se për prindërit ky ka qenë "incidenti" më i vogël në familje. Burime zyrtare nga policia e Fierit kanë bërë të ditur se babai i Klodianit, Sovjet Muhaj, është ankuar disa herë para uniformave blu, tek të cilat ka denoncuar largimin e dy vajzave të tij në drejtim të paditur. Për këtë, ai kishte denoncuar zhdukjen e tyre. Por, sipas të njëjtave burime, pas hetimeve intensive, është mësuar se dy vajzat e familjes Muhaj, në kohë të ndryshme, janë larguar në Itali me dëshirën e tyre, ku kanë nisur prostitucionin. Sipas të njëjtave burime, ato nuk janë rrëmbyer nga askush, por kanë mbajtur lidhje me disa djem dhe së bashku kanë kaluar detin. Pas disa kohësh, njëra nga vajzat e familjes Muhaj është kapur nga policia italiane dhe më pas është riatdhesuar. Kur ka mbërritur në tokën shqiptare, vajza ka denoncuar njeriun për të cilin ajo kishte punuar, duke thënë se e kishte rrëmbyer. Ndërkohë, sipas të njëjtave burime, vajza tjetër ndodhet aktualisht në Itali. Familja Muhaj, me origjinë nga fshati Qesarat i rrethit të Tepelenës, prej disa vitesh banon në një shtëpi me qira në fshatin Qenas të Fierit. Megjithëse kjo familje kishte ardhur nga një zonë e thellë malore për një jetë më të mirë, problemet e saj duket se nuk kanë të sosur. Veç merakut të vajzave, tashmë prindërit do të stresohen edhe për djalin 20-vjeçar, i cili nga dje ndodhet në qelitë e policisë.

[KoTeLja_VL]

..... sdi cte them , me vine shume keq per tere familjen

[Shpirt Njeriu]

Masaker me nje te vrare dhe 4 te plagosur mes pensionistesh dje ne arken e Kursimit ne Fratar te Mallakastres. Klodian Muhaj, me granate ne dore tenton te rrembeje parate por nen rezistencen e pleqve dhe arketares, i shperthen duke u plagosur edhe vete. Pohimi: "Doja te mblidhja para per te ekzekutuar tutorin e motres, qe ndodhet ne burg"

Xhemil BEHARAJ

MALLAKASTER - Eshte munduar te realizoje nje grabitje, duke imituar ato qe ka pare ne filma por, fatkeqesisht fundi i tij nuk ka qene roze. Klodian Muhaj 17 vjec, nga "Qenaj" i Fierit, rreth ores 9 e 30 minuta te mengjesit te djeshem ka shkuar me mendje te plote per te grabitur i vetem (pasi bashkepunetori i kishte pergatitur terrenin) arken e komunes Fratar me pistolete, maske dhe granate. Ka qene i bindur ne ate qe po bente, pasi parate i duheshin per te vrare tutorin e motres qe ia kishte derguar prostitute (sipas deklarimeve qe ka bere ne polici), por nuk ia ka arritur qellimit, pasi arketari i ndihmuar dhe nga pensionistet qe prisnin per te marre pensionin, ka mundur qe t'i heqe masken dhe t'i marre armen. I ndodhur ne keto rrethana 17 vjecari, ka nxjerre granaten nga xhepi i ka hequr siguresen dhe e ka hedhur ne toke. Si pasoje e shperthimit, ka mbetur i vdekur 65 vjecari Et'hem Levani, babai i pese femieve dhe jane plagosur Kadri Muka 60 vjec, Xhevit Demiri 71 vjec, Ramadan metaj 41 vjec dhe Bektash Serjani 75 vjec. Eshte munduar qe te largohet, por eshte penguar nga njeerzit qe ishin aty per te marre pensionin. Nderkohe qe pas disa minutash ka mberritur edhe policia qe ka bere te mundur ndalimin e djalit. Shefi i komisariatit te Mallakstres Besnik Kongjoni, ne nje prononcim te dheen per "Korrierin" tha se "autori eshte kapur pese minuta me vone pasi ka ndodhur ngjarja dhe eshte derguar ne komisariat dhe po merret ne pyetje. Edhe ai eshte plagosur, por shume lehte ne pjeset e fytyres". Kongjoni shtoi se, nga kontrolli qe u ushtrua ndaj Klodianit iu gjeten tre granata, dy thika, nje maske dorashka dhe pistolete loder qe ai kishte trembur pensionistet. Grabitesi 17 vjecar Klodian Muhaj kishte shkuar ne Fratar me ane te nje furgoni te zakonshem pasagjeresh, dhe kishte zbritur ne Ballsh dhe qe aty ka shkuar ne Fratar. Autori i masakres se djeshme ka treguar ne polici edhe bashkepunetorin e tij i cili eshte Andri Hila, nip ne fshatin Symize te komunes se Fratarit, edhe ky po nga lagjja "Qenas" Fier. Ky i fundit kishte shkuar ne kete fshat nje dite me pare per te marre te dhena te plota mbi "situaten" e shperndarjes se pensioneve ne kete fshat dhe ate qe do te ndodhte pas grabitjes se parave. Komunikimi i tyre gjate dites se djeshme deri ne momentin e mberritjes ne Fratar eshte bere nepermjet celularit. Burimet zyrtare nga komisariati i Mallkastres, bejne te ditur se per nje kohe te gjate grabitesi 17 vjecar, gjate marrjes ne pyetje nga policia nuk ka treguar emrin e bashkepunetorit te tij. Aksioni per kapjen e tij eshte bere i rrufeshem, dhe per gati pese minuta ai eshte vene ne pranga nga efektiva te rrugores se Mallkastres.

Viktimat

I vdekur

ET'HEM LEVANAI 65 vjec

Te plagosurit

KADRI MUKA 60 vjec

XHEVIT DEMIRI 71 vjec

RAMADAN METAJ 41 vjec

BEKTASH SERJANI 75 vjec

[Shpirt Njeriu]

FIER

Djali im bëri një vrasje, ndaj le të dënohet sipas ligjit. U kërkoj ndjesë publikisht familjes së viktimës dhe familjeve të shtatë të plagosurve, për fatkeqësinë që u solli djali im". Kështu ka deklaruar dje Sovjet Muho, babai i 18-vjeçarit, i cili më 2 tetor të këtij viti, gjatë një tentative grabitjeje në ambientet e "Albapostës" të komunës së Fratarit në Mallakastër, vrau pensionistin Hetem Levanaj dhe plagosi shtatë të tjerë. Në një intervistë për gazetën, Sovjet Muho pohon se nuk është e vërtetë se djali i tij, Klodiani, donte të vidhte paratë e pensionistëve për të vrarë tutorin e motrës së tij. Babai i vrasësit thotë se ajo që ndodhi në Fratar, ishte thjesht një aventurë e adoleshentit. Ndërkohë, dje Gjykata e Fierit ka vendosur masën e sigurisë "burg pa afat" ndaj autorit të krimit, për akuzën "vjedhje e mbetur në tentativë me pasojë vdekjen e një personi".

Gjykata e Shkallës së Parë e Fierit vendosi masën e sigurisë "burg pa afat" për djalin tuaj, Klodianin. Si e pritët këtë vendim?
Seancën gjyqësore po e prisja me padurim, jo thjesht vetëm për vendimin që do të jepej, por më shumë për të parë djalin tim, të cilin nuk e kisha takuar që prej tre ditësh. Policia nuk më dha mundësi ta takoja Klodianin pas ngjarjes në "Albapostën" e Fratarit. Sikur të kërkoja të bëja një takim në burgjet e Irakut, mbase do ta kisha më të lehtë. Djali im bëri një vrasje. Ligji është i shkruar dhe të dënohet për atë që bëri.

Si ndiheni tani, pas takimit me Klodianin?
Ndihem si cilido prind në raste të tilla. Djali im ishte i vrarë dhe i përhumbur. Ngjarja e tre ditëve më parë e ka shkatërruar nga ana psikologjike. Ai duhet të rimarrë veten dhe të reagojë në ndërgjegjen e tij për krimin që bëri.

Cili ju lajmëroi për masakrën e bërë nga djali juaj në komunën e Fratarit?
Isha duke udhëtuar me makinën time, kur dëgjova në radio për ngjarjen, në të cilën u përmend dhe djali im. Për një moment u mpiva i tëri dhe nuk doja t'u besoja veshëve. Më pas më telefonuan miq e të afërm, të cilët më konfirmuan atë që dëgjova në radio.

A e dinit ku do të shkonte djali juaj ditën që ndodhi ngjarja?
Kur po dilte nga shtëpia, më tha se do të shkonte në ekskursion me shkollën në Apoloni. I thashë që ta shoqëroja, por ai më kundërshtoi. Nuk kisha pse dyshoja, se djali im ishte nxënës i shkëlqyer dhe nuk më kishte sjellë kurrë shqetësime.

Sa fëmijë keni?
Kam gjashtë vajza dhe dy djem.

Djali juaj ka deklaruar se shkoi në "Albapostën" e Fratarit për të grabitur paratë, pasi i donte për të vrarë tutorin e motrës. Sa i vërtetë është ky pohim?
Nuk besoj se ka thënë ashtu në polici. Të gjashtë vajzat i kam të martuara në Itali me shqiptarë dhe italianë. Me ato unë mbaj kontakte të rregullta. Besoj se Klodiani bëri thjesht një aventurë, i nxitur mbase nga ndonjë bashkëmoshatar i tij. E them me bindje se djali im nuk kishte me kë të hakmerrej.

Keni kontaktuar me familjen e viktimës dhe të të plagosurve?
Kur të gjej momentin e përshtatshëm, do të shkoj te këto familje. Gjithsesi, nëpërmjet Gazetës u kërkoj ndjesë publikisht për fatkeqësinë që u solli djali im.

[TiLoNcE]

cti bosh,robi osht i gatum me gjak e nerva
gjynof kujt i bin kto halle

[Vinjol]

degjoni djema para 8 vjetesh mua me vrane babain megjithe xhaxhain por u vrane pa faj babai im 2 persona a mbrapa mua dhe te shoqen d,mth, maman time po se ja q.... robet 6 muaj mbajme i ne kosovaret i shker........ motren e varem e dogjem pastaj e vrame
per kete edhe une njihem me kete emer ASSAS|NS = vrasesit njeriu ne qae si bie po me ra i q.... robet e cfare te kete Respect ASSAS|NS dora vete

[Genti^Itali]

ASSAS|NS bon mir qe gjerat e tua personale mos ti hedhesh ktu
Genti:

[dEvoLLiU]

[B]e po sdi cte thush me kete milet
ne radh te pare shpreh keqardhejn per familjen e (17, 18 ,20 )vjecarit se me then te drejten se mora vesh se sa vjec ishte nejse>>....
nuk e di po nese ka qen me moshen 20 di te them se pak me i pjekur dhe duhet ta kishte menduar me mire se mir ai kishte hall po puna esht se i shtovi me keq hallet e vetes e familjes se tij!
Nuk di cte them nuk me duket e drejt ruga qe ka ndjekur dhe te them te drejten po me vjen keq edhe per pensionistet egjore qe nuk gjejn dot prehje edhe tani

[Genti^Itali]

Thua vallë te jet e vertet që i ka dash lekët per te vrar tutorin e motres?
Pasaj pse duhet te bente lekë te pist Klodiani, per te vrar nje njeri qe merej me pun te pist e fitonte lekë te pist???

Ne kishte b*y*th tja fuste mes dites ,e te vinte ne polici te deshmonte siç po deshmon tani. Perça i duhen lekët ne burg?