GP Suzuka

[kolombi]

Ska komente miku im Storm,per sa kohe sundimtari i kuq do te pilotoje.
Komente do kesh nga keta tipat e mesiperm,qe ngjyra e kuqe dhe magjia e pilotimit nga Schumi u verbon syte ,dhe humbasin mendjet.

Kur Schumi do largohet ,pistat e F1,do jene aq te varfera sa muzika pa Bethovenin dhe Mozartin.

[StormAngel]

Në përfundim të Çmimit të Madh të Suzukës, shumë skuadra dhe pilotë regjistruan rekorde të reja 12-10-2004

Gara e Japonisë, aty ku ndryshuan shifrat

Endi Tufa


Ka përfunduar Çmimi i Madh i Suzukës me një tjetër fitore të dyshes Ferrari-Shumaker. Ja disa të dhëna për secilën skuadër, tashmë që ka mbetur edhe 1 garë nga përfundimi i këtij sezoni 2004, ku Ferrari dhe Majkëll Shumaker janë shpallur kampionë përpara kohe.
Ferrari (Majkëll Shumaker 1, Rubens Barrikelo i tërhequr).
Shumakeri ka arritur fitoren e tij të 13-të në këtë sezon dhe të 15-n me Ferrarin. Gjermani ka marrë polin përpara garës dhe më pas ka arritur të fitojë garën. Barrikelo u nis nga vendi i 15-të, por nuk arriti ta përfundonte garën pas një incidenti që pati me pilotin skocez të McLaren-it, Devid Kulthardin.
BAR-Honda (Xhenson Baton 3, Takuma Sato 4).
Mund të themi që tani se kjo skuderi e ka siguruar vendin e dytë në klasifikimin për konstruktorë pas kësaj gare. Batoni arriti në Suzuka podin e tij të 11-të në këtë sezon, ndërsa Sato zhvilloi një garë disi të vështirë pas problemeve që kishte me makinën.
Renault (Fernando Alonso 5, Zhak Villnëv 10)
Villnëvi u kualifikua në provat zyrtare përpara shokut të tij të skuadrës, megjithatë në përfundim të garës ai nuk mori sërish pikë. Me këtë rezultat, skuderia franceze ka humbur luftën e saj për vendin e dytë në klasifikimin për konstruktorë.
Williams-BMW (Ralf Shumaker 2, Huan Pablo Montoja 7)
Ralfi arriti të rikthente Williamsin në podium. Hera e fundit që kjo skuadër kishte arritur të ngjitej në podium, ka qenë në prill të këtij viti. Skuderia nga Grove ka mundur të sigurojë vendin e katërt në klasifikimin për konstruktorë. Montoja ka bërë një gabim gjatë një tentative për të parakaluar Toyotën e Trulit, me atë gabim ai ka humbur disa pozicione.
McLaren-Mercedes (Kimi Raikonen 6, Devid Kulthard i tërhequr).
Kulthardi dukej se kishte një ritëm të shpejtë, por ai ka pasur një incident me Rubens Barrikelon dhe nuk ka arritur ta përfundojë garën e Suzukës. Raikoneni, i cili e ka përfunduar sezonin e shkuar këtë garë në vendin e 2-të, në këtë sezon nuk arriti të paraqitej mirë.
Sauber (Xhankarlo Fizikela 8, Felipe Masa 9).
Fizikela mund të kishte zënë një vend më të mirë në këtë garë, por gabimi që bëri në kthesën "Spoon", i ka kushtuar shtrenjtë. Masa nuk mund të arrinte një rezultat më të mirë, pasi u nis nga vendi i 19-të. Sauberi ka siguruar vendin e 6-të në klasifikim, por nuk mund të kalojë dot McLaren-in për vendin e 5-të.
Jaguar (Kristian Klien 12, Mark Veber i tërhequr).
Veberi ka arritur të zërë vendin e tretë në provat zyrtare, megjithatë në garë nuk arriti të paraqitej mirë. Ai është tërhequr pas 20 xhirosh. Klieni ka bërë një paraqitje të mirë. U nis nga vendi i 14-të dhe e përfundoi garën në vendin e 12-të, në një pistë të cilën nuk e njihte.
Toyota (Jarno Truli 11, Olivier Panis 14).
Truli ka bërë debutimin me Toyotën në këtë garë, si shoku i skuadrës i Olivier Panisit. Për italianin kjo ishte një garë për t'u harruar, edhe pse ishte gara e 50-të e Toyotës.
Jordan (Nik Haidfilld 13, Timo Glok 15).
Haidfeldi kishte disa probleme elektronike me makinën që në fillim të garës. Përsa i përket shokut të tij të skuadrës, Glok, ai kishte probleme mekanike me motorin, për këtë arsye nuk arriti të paraqitej mirë.