Mafia politike Serbe dhe lidhjet e saja me Irakun

[Hyllien]

Raporti i CIA-s: Bagdadi e Beogradi këmbyen naftën me armët

"Partitë serbe fituan miliona nga nafta e Irakut"



--------------------------------------------------------------------------------


Nuk kanë fituar pak, por miliona dollarë nga kontrabanda e naftës me Irakun. Partitë serbe, si dhe kompania më e madhe jugosllave e naftës, kanë siguruar shuma të majme nga tregtia e fshehtë e tyre me autoritetet irakene gjatë viteve. "Biznesi" i realizuar gjatë viteve '90 e deri në vitin 2002 është zbuluar nga një raport i ri i shërbimeve sekrete amerikane dhe është publikuar nga gazeta "Uashington Post". Sipas raportit të CIA-s, "Jugopetrol", prodhuesi serb i naftës, Partia Radikale e Vojisllav Sheshelit, Partia Socialiste e Sllobodan Millosheviçit, partia e Koshtunicës, si dhe Partia Demokratike e drejtuar nga reformatorët serbë, kanë përfituar miliona dollarë nga shitja e naftës irakene. Nafta është sjellë nëpërmjet lidhjeve që kishin partite serbe me regjimin e Sadam Huseinit dhe shumica e faturave janë mbajtur si provë, edhe pse palët s'e kanë pranuar paktin. Sipas të dhënave, Partia Radikale Serbe ka marrë rreth 7 milionë fuçi naftë nga regjimi i Sadam Huseinit, Partia Socialiste ka marrë 3 milionë, ndërsa Partia Demokratike ka përfituar më pak se një milion fuçi nga kjo tregti. "Në disa raste nafta është përdorur për të marrë armë nga Beogradi", thuhet në raportin e shërbimeve sekrete amerikane. E përditshmja amerikane, duke iu referuar dokumenteve të CIA-s, shpjegon se në vitet 1990-2002 zyrtarë të Unionit Serbi-Mal i Zi shitën motorë avionësh për Irakun, diskutuan për shkëmbime në teknologjinë e raketave dhe pjesë këmbimi tankesh. Sipas gazetës, shitjet u ndërprenë vetëm pas presioneve të bëra nga qeveria amerikane, si dhe forcat aleate, që u vunë në dijeni të skandalit.
_____________________


Ku eshte ai shefi, ai koka e madhe e sherbimeve sekrete Gjermane se mos na nxjerri ndonje padrino Shqiptar ketu ne krye te negociatave.

[antares]

Po sigurisht Gomari fluturon, CIA i di aq mire keto pune sa dinte edhe WMD e Irakut bile edhe vendndodhjen! Kjo agjenci spiunesh dhe banditesh eshte vene teresisht nen diktatin e Shtepise se Bardhe per te shpifur per te gjithe armiqte e amerikes. P.Sh. po doli A. Saudite si shtet qe kercenon Sistemin Diellor (Si Sadami) atehere do thone qe edhe A.Saudite ka marre nafte nga Sadami (le te thone arabet e shkrete qe ne mezi po shesim naften tone).
Cuditem qe ka akoma njerez qe i marrin me per baze percartjet e CIA.

[Hyllien]

Keto jane fakte qe dihen qe ne Serbi politikanet merren me pune te ndyra. Apo mos valle ke dalur ti qe ti mbrosh keto? Kujdes kur flet per Ameriken sepse duhet te kesh parasysh amerikan para Bush, ajo qe goditi Serbine, dhe Ameriken pas Clinton, ajo qe goditi Afghanistanin dhe Irakun.

[antares]

Nuk them qe nuk merren, po ka te tjere me ne jug qe merren me pune akoma me te ndyra. Sa per Ameriken nuk te duket se eshte bere ca si Jugosllavia ne 45-48 Rusia 48-60 Kina 61-78 pra po ti shash shkon ne burg per agjitprop.?
Akoma ne me keto komplekse? Jankite nuk i preu barku per arnautistanin po sulmoi Jugosllavine per ti bere karshillek Europes dhe per te tatuar pulsin e ariut Rus. Mos harroni qe 97 e kemi pjeserisht peshqesh nga ajo Amerika juaj e dashur!

[Hyllien]

Kush jane keta me ne JUG qe merren me pislliqe ? Shqiptaret e? Nuk di un te merren me arme nga Iraku Shqiptaret se edhe te duan nuk i len njeri. Nje tren qe u cua nga Turqia me tanqe per ne Kosove ne kohen e luftes u ndalua ne Bullgari. Shqiperia nuk ka shpresa te merret me gjera te tilla.
Ne Amerike tani per shkak sigurie eshte Patriot Act qe perpara te drejtave te individid ven ato te sigurise kombetare.... mos kishe ndonje gje kundra kesaj ti? Mua sme duket ndonje gje per tu hedhur perpjet... edhe pse te vetmit qe dalin ne protesta jane Hippiet nostalgjik.

[antares]

Per pislleqe e kisha fjalen per tregetine e narkotikeve dhe te njerezve (shqiptaret shesin shqiptaret), kriminalitetin qe projektojme dhe prishim edhe ate pak imazh qe kishim. Sa per armet Irakut sigurisht qe nuk i kemi shitur se nuk kemi mundur ose ngaqe nuk kemi meqe po cojme per skrap artilerine tanket e aviacionin qe te japim shembullin e mire ne Ballkan. Punen e mbrojtjes ne mund ta bejme "outsource" ne Greqi apo Serbi, dhe keto jane fakte. P.Sh. pas 1997 u ngarkua Greqia qe te riorganizonte dhe "modernizonte" ushtrine Shqiptare, a thua se Shqiperia ka tensione e kercenime nga Hong Kongu e Ishulli i Pashkeve e jo nga keta dy fqinje qe duan ta shohin Shqiperine gjithmone barkaz.
Nuk kuptoj c'hyn ketu Patriotic Act? Ne nuk po flisnim per kete.......