Pret damarët se i humbi celulari!!

[Shpirt Njeriu]

TIRANE

Eshtë kthyer nga puna dhe, pasi ka ngjitur shkallët e katit të pestë, e ka gjetur të bijën 17-vjeçare mbi një pellg gjaku në korridor. A.H., nxënëse e vitit të tretë të shkollës së mesme "Ismail Qemali", është gjetur me damarët të prerë në banesën e saj në bulevardin "Zhan d'Ark", pranë Bërrylit në Tiranë. Sipas familjarëve, ka qenë sedra e sëmurë e adoleshentes simpatike që e ka çuar atë në këtë veprim. 17-vjeçares i kishte humbur dje në shkollë celulari i dytë, vetëm pak ditë pas humbjes së të parit, dhe kishte turp t'i dilte përpara të atit. Vajza, në kushtet e një depresioni të momentit, ka marrë një bisturi që i ati përdorte për të zhveshur kabllot e antenës dhe ata elektrikë, e me të ka tentuar të presë damarët. Fatmirësisht ajo është gjetur në kohë nga e ëma, ndërsa bisturia nuk i ka dëmtuar rëndë damarët e saj. Kështu, pas ndërhyrjes së parë mjekësore, ajo e ka marrë përsëri veten dhe është lejuar të kthehet në banesë.

Ngjarja
Adoleshentja duhet të ketë humbur ndjenjat menjëherë pasi ka parë currilat e para të gjakut t'i dilnin nga kyçet e dorës. 17-vjeçarja A.H. duket të ketë qëndruar për disa minuta e shtrirë në korridor, kur është gjetur nga e ëma. Kjo e fundit punonte në një byrektore dhe rreth orës 16.00 është kthyer në shtëpi. Ndërsa ka parë të bijën që rënkonte, gruaja ka kërkuar menjëherë ndihmën e fqinjëve dhe së bashku e kanë dërguar adoleshenten me një makinë të rastit për në urgjencën e spitalit numër 2 të Qendrës Spitalore Universitare "Nënë Tereza".

Motivi
Vajza dyshohet të ketë tentuar të vrasë veten në kushtet e një depresioni psikik të momentit. Sipas policisë, është ky konkludimi i veprimeve të para të një grupi hetimor. Sakaq, familjarët janë shprehur se mes tyre dhe vajzës nuk ekzistojnë probleme apo zënka. Madje, ata kanë thënë se nuk dinë nëse vajza ka të dashur dhe vetë 17-vjeçarja, përballë hetuesve dhe familjarëve, ka mohuar një shkak të tillë. Sipas saj, ka qenë vetëm sedra se si do t'u dilte përpara prindërve tani që kishte humbur sërish celularin ajo që e ka shtyrë të bënte një veprim të tillë.

[PINK]

LoooooooooooooooL .. per te qeshur eshte ... i humbi cell dhe tenton te vrase veten ??

do kete ndonje gje mangut ajo .. se ska mundesi .. ne qafe pacin veten ( cfare te bejme ..kur e bejne nga hallet .. por dhe kete se kisha degjuar me pare ) ...

ps: a jeni te sigurte qe e beri nga cell .. apo kishte ndonje arsye tjeter ... ?

[StormAngel]

Po une qe shita vet me doren time celularin c`duhet te bej?
Zot i madh,edhe per celular njerezit bejne gabime te ketilla.

[Chingy]

Une them te bledhim ca leke edhe ti blejme nje celular se po na vdes kot bije e botes.Kush e njeh ta pysi icik edhe se ca marke e don.

[PINK]

Une them te bledhim ca leke edhe ti blejme nje celular se po na vdes kot bije e botes.Kush e njeh ta pysi icik edhe se ca marke e don.

Hhahahahahhahaha lol ... e forte kjo :PP

ca vuajne per $$$$$ .. ca vuajne per Tru

[Shpirt Njeriu]

TIRANE - Tenton t’i jape fund jetes, duke prere damaret, e frikesuar nga humbja e aparatit te saj celular. Ngjarja e cila ishte pa pasoje per 17 vjecaren Alba H. nga Tirana, ndodhi dje pasdite. Adoleshentja banuese ne nje pallat ne bulevardin "Zhan d’Ark", ka tentuar dje rreth ores 18.30 tentoi te vetevritet nepermjet prerjes se damareve, pas nje gjendjeje depresioni. Lajmin e pohuan burime te policise se komisariatit nr.1 ne kryeqytet, te cilet thane se vajza ishte futur ne dhomen e gjumit ku ne te kishte fshehur nje brisk dhe me te, kishte tentuar te vetevritej. Nje burim policor i tha "Korrieri"-t se ngjarja erdhi pak ore pasi vajza 17 vjecare ne nje nga rruget e kryeqytetit, papritur kishte humbur aparatin e saj celular. Kjo e ka merzitur shume adoleshenten e cila duke u ndjere e frikesuar, ka vendosur te veteflijohet, pa dashur te flase me shume me prinderit per incidentin e thjeshte. Per fat te mire eshte gjetur ende e gjalle dhe pas dergimit ne spital, eshte jashte rrezikut

[mad]

Ne shqiptaret, e kemi marre ne dore jeten qe ne vegjeli! plus qe jemi edhe fansa te medhenj te filmave me hakmarrje, me vetvrasje. dhe kete e shikon shume te perhapur te femrat! se kane pare qe e vetma menyre hyjnore per ti shpetuar te keqes eshte vdekja! jam mese i sigurt se kjo nxenesja, edhe kur te ushqehet qe ketej e tutje, do haj vetem me luge e me pirun, se thika(ose gjerat e mprehta) do ti jene bere fobi!

{^_^}

[bebushe]

S'thone kot .. mosha e adoleshences eshte me delikatja , une them ja ka fajin mosha e papjekuria se per nje cope celular su be qameti , pervec kesaj i shtohen dhe problemet ekonomike qe kemi ne shqiptaret , plus dhe fakti qe ajo paska humbur nje me pare dhe ky ishte i dyti qe humbte mbase ka probleme memorie ose eshte shume e pavemendshme dhe e vuan kete gje prandaj ka bere ate akt ose thjesht eshte nje koicidence e keqe qe e ka merzitur aq shume sa qe ka arritur der aty , shyqyr qe nuk i ka shkaktuar probleme me te medha .....

[TiLoNcE]

Me duket pak e cudithsme.Kushedi si i ka prindrit e shkreta,se te arish deri aty per nje cell.Noshta ka pas gjojna shum personale qe ska dash ti bijn ne dor njeriu,Nejse shyqyr me kaq thuj

P.S.Bebushe ate kongen e kom ene un qef shum...Nothing compares 2 u

[Dito]

Nese vertet ka prere damaret per nje celular atehere sme mbetet te them vetem qe eshte nje e semure psikike dhe per kete duhet kuruar. Pak e veshtire per tu besuar si arsye e atij veprimi! Mbase ka ndonje aspekt ndienje ne mes dhe jo ajo qe shprehet per opinionin. Nejse gjithsesi gezohem qe ja ka hedhur paq dhe uroj te jete e fundit per te se qeka dhe ne kat te peste.