Debatet televizive Bush-Kerry ne garen presidenciale

[Genti^Itali]

Dy kandidatët për president në zgjedhjet e nëntorit në SHBA, janë ndeshur ballë për ballë për Irakun dhe mbrojtjen e vendit

Kerry sfidon Bushin në debatin televiziv


E. Kushova

Kandidati për president John Kerry ka fituar shumë pikë pas debatit të parë televiziv me presidentin aktual George Bush. Madje shikuesit kanë mundur të vënë re se presidenti Bush disa herë mbeti pa fjalë përballë argumenteve të rivalit të tij. Menjëherë sondazhet e kryera nga tre rrjete televizive të mëdha treguan se shumica e shikuesve të këtij debati kanë menduar se ishte Kerry që fitoi atë garë gojore, të organizuar në Universitetin e Miami-t. Ky ishte debati i parë nga tre debate që parashikohen në muajin e fundit të fushatës për zgjedhjet presidenciale të nëntorit. Edhe pse dy kandidatët ishin kundër në shumë çështje të politikës së brendshme e të jashtme, media ka shpërfillur plotësisht ato pika në të cilat ata binin dakord. Ajo që u vu re ishte se Bushi shpeshherë u bë nervoz në lidhje me ca deklarime të Kerry-t. Mediat kujtojnë se ishte pikërisht e njëjta situatë katër vjet më parë ku Bush la pa fjalë kandidatin Al Gore duke arritur kështu të mblidhte pikë të mjaftueshme në fushatën e tij. Menjëherë pas debatit, demokratët e bënë të qartë se do të përdorin në maksimum pamjet e trishtuara e të zemëruara të Bushit gjatë fushatës së tyre. Megjithatë ajo për të cilën gjithë vëzhguesit kanë rënë dakord, është se Kerry ka qenë në formë të shkëlqyer, i qartë dhe dominues. Pika kryesore ku u ndeshën ishte Iraku. Kerry hodhi poshtë plotësisht deklaratën kryesore të Bushit se Iraku ishte fronti qendror në luftën kundër terrorit. Dy liderët debatuan edhe për të ardhmen e Irakut, për Iranin, Korenë e Veriut dhe prodhimin e armëve bërthamore, ku mendimet e tyre ishin të kundërta.
Çështjet kryesore të debatuara
A mund të parandalohet një tjetër 11 shtator?
Kerry: Unë kam një plan më të mirë për të luftuar terrorin duke fuqizuar ushtrinë tonë, zbulimin tonë dhe duke i financuar paratë në mënyrë më autoritare, duke bërë atë që duhet për të riforcuar aleancat tona, duke afruar madje edhe botën myslimane, gjë që presidenti thuajse nuk e bëri fare.
Bush: Ne po e ndjekim “Al Kaedan” kudo që ajo fshihet. 75 % e liderëve të njohur janë nxjerrë para drejtësisë. Të tjerët po i kërkojmë.
A ishte Iraku një gabim?
Kerry: Para së gjithash, ai ka bërë një gjykim të gabuar duke u thënë amerikanëve se do të ndërtonte një aleancë të vërtetë, se do të shteronte të gjitha mjetet e OKB-së dhe do të vazhdonte inspektimet…Ai gjithashtu i premtoi Amerikës se lufta do të ishte mjeti i fundit që mund të përdorej. Tani ju duhet të jeni i aftë të shihni në sy familjarët dhe t’u thoni atyre: Unë u përpoqa të bëja gjithçka që mundja për të shmangur humbjen e djemve dhe vajzave tuaja”. Kur sekretari i përgjithshëm Kofi Anan i ofroi si zgjidhje OKB-të, ai tha: Jo, jo, ne do ta bëjmë këtë të vetëm. Për t’i kursyer kompanisë “Halliburton” fitimet e luftës, ata madje lëshuan një memorandum nga Departamenti i Mbrojtjes duke thënë: Përderisa nuk ishit me ne në luftë, mos e merrni mundimin të aplikoni për asnjë ndërtim në Irak.
Bush: Kjo është krejt absurde. Sigurisht OKB u ftua. Kundërshtari im thotë se ne nuk kishim asnjë aleat në luftë. Çfarë mund të thotë ai për Tony Blair? Po për Alexander Kwasniewski e Polonisë? Nuk mund të presësh të ndërtosh një aleancë kur denigron kontributet e atyre që kanë shërbyer krah përkrah me trupat amerikane në Irak…
Kerry: Kur ne filluam luftën ishin tre shtete: Britania e Madhe, Australia dhe SHBA-të. Ky nuk është ndonjë koalicion i madh. Ne mund ta kishim bërë më mirë
Bush: Në Irak, ne pamë një kërcënim, dhe kuptuam se pas 11 shtatorit ne duhej ta shihnim edhe këtë kërcënim me seriozitet, para se ai të materializohej plotësisht. Sadam Huseni tashmë qëndron në qeli. Amerika dhe bota janë më të sigurta pa të.
Sadami ndaj Bin Ladenit
Të pyetur se cili ishte më prioritet: të ndiqej Bin Laden, apo Sadam Huseini, kandidatët u përgjigjën.
Bush: Ne kishim aftësinë për t’i kapur të dy. Në fakt kjo është një përpjekje globale. Ne po përballemi me ca armiq që kanë urrejtje në zemrat e tyre, ata do të godasin kudo, me çdo mjet. Ja pse ishte e rëndësishme që ne të siguroheshim që armët e shkatërrimit në masë të mos binin në duar të njerëzve si të “Al-Kaedas”… Sigurisht që ne po e ndjekim edhe Sadam Husenin, e kisha fjalën për Bin Ladenin. Ai tashmë është i izoluar.
Kerry: Iraku nuk ishte as afër qendrës së terrorit para se presidenti ta pushtonte. Presidenti gjykoi t’i zhvendoste forcat nën drejtimin e Tommy Franks nga Afganistani para se Kongresi ta miratonte këtë, dhe nisi të përgatitej për në luftën e Irakut. Dhe ai vrapoi për luftën në Irak pa asnjë plan për të fituar paqen.
Shpenzimet
Kerry: Çfarë mesazhi sillni ju duke dërguar para për të hapur bunkerë në Irak, ndërsa këtu ne po i mbyllim ato që janë vendet për përgjigjen e parë ndaj zjarrit në SHBA. Presidenti nuk ka vënë asnjë monedhë në përpjekjet për të riparuar disa nga tunelet tona dhe urat, dhe sistemet më të ekspozuara të metrove. 95% e kontenierëve që vijnë në port, pikërisht këtu në Florida nuk inspektohen. A ju bën kjo të ndiheni më të sigurtë në Amerikë. Presidenti mendon se është më e rëndësishme t’u japë njerëzve më të pasur në Amerikë një reduktim taksash sesa të investojë në sigurinë e brendshme.
Bush: Unë nuk mendoj se ne mund ta kuptojmë se si do t’i paguajë ai gjithë këto premtime. Administrata ime e trefishoi sasinë e parave që po shpenzohen për sigurinë e brendshme në rreth 30 miliardë dollarë këtë vit.
Kerry: Pyetja nuk është nëse ju po i shpenzoni ato para. Por a po bëni të pamundurën për ta bërë Amerikën të sigurtë? Nuk kemi nevojë për reduktim taksash. Amerika ka nevojë të ndihet e sigurt.
Bush: Sigurisht po bëj të pamundrën të mbroj Amerikën. Zgjohem përditë duke menduar se si ta mbroj më mirë Amerikën.
Kthimi i trupave në atdhe
Bush: Treguesi më i mirë për të kthyer trupat tanë në shtëpi është të shohim se irakianët po e kryejnë këtë punë dhe të shohim se irakianët po bëjnë përpara për të marrë përgjegjësitë e tyre. …Kur Iraku të jetë gati të mbrojë veten nga terroristët, kur të bëhen zgjedhjet, dhe stabiliteti është duke u vënë në vijë, pra kur ky komb të jetë i lirë, atëherë do të tërhiqemi.
Kerry: Unë besoj se trupat tanë kanë nevojë për ndihmën e aleatëve. Unë do të mbaj një samit. Do të sjell besueshmëri të re, një fillim të ri dhe ne do ta bëjmë punën më së miri.
Deklaratat përfundimtare
Kerry: U kërkoj të gjithë prindërve në SHBA që mendojnë për fëmijët e tyre kur shkojnë në shkollë dhe kudo tjetër në botë,… të më shohin në sy dhe unë u them: E mbrojta këtë vend kur isha i ri me armë në dorë, dhe do ta mbroj edhe si president i SHBA-ve. Ndryshimi im me këtë president është se unë besoj se jemi më të fortë kur zgjasim duart, drejtojmë botën dhe ndërtojmë aleanca të forta. Unë kam një plan për Irakun dhe ne mund të jemi të suksesshëm. Nuk them të largohemi, por të fitojmë. Por kemi nevojë për një fillim të ri, një besueshmëri të re, një president që mund të sjellë aleatët në anën tonë…Ju kërkoj të jepni mundësinë ta drejtoj këtë komb të madh, kështu ne mund të jemi më të fortë, më të respektuar përsëri në botë dhe të kemi drejtuesin e përgjegjshëm që meritojmë.
Bush: Nëse Amerika tregon pasiguri apo dobësi në këtë dekadë, bota do të shkojë drejt tragjedisë. Kjo nuk do të ndodhë, për sa kohë që unë jam presidenti juaj. Në katër vitet e ardhshme ne mund të vazhdojmë të forcojmë mbrojtjen e vendit tonë. Do të reformojmë ushtrinë. Do të luftojmë terroristët në gjithë botën, në mënyrë që të mos përballemi me ta në atdhe. Do të ndërtojmë aleanca… Mendoj se një Irak i lirë dhe një Afganistan i lirë do të shërbejnë si një shembull i fuqishëm për miliona vetë që kërkojnë në heshtje lirinë e gjithë Lindjes së Mesme. Ne ngjitëm malin më të lartë. Atje poshtë unë shoh një lëndinë dhe ajo është lëndina e paqes. E vlerësoj që më dëgjuat sonte. Ju kërkoj të më votoni.

[antares]

Gojet e keqia thone qe guaku i rradhes aktualisht qiraxhiu aktuak i Shtepise se Bardhe ishte i pajisur me mikrofona e djallezi te tjera elektronike meqenese dihet se ai nuk eshte ne gjendje te formuloje vete fjali te lidhura apo qe fjalia e dyte te kete lidhje me te paren. Sigurisht qe Kerri eshte me i zoti ne elokuence e logjike te foluri po kjo nuk do te thotese do ndryshoje ndonje gje nga politika e Shtepise se Bardhe.Ja nje fotografi.

[bebushe]

Bushi ne fjalimet qe ben si kupton as vete ato qe thote e jo me ti kuptojne te tjeret lol

[StormAngel]

Procesi parazgjedhor eshte problem kombetar,ndersa pasi te zgjidhet njeri prej ketyre per kryetar,atehere kemi problemin nderkombetar.
Dmth tashi per tashi,ky problem i zgjedhjes eshte direkt i involvuar me elektoratin amerikan dhe ne s`kemi c`thojme (flas per neve qe nuk jetojme ne USA) ndersa pas zgjedhjes do jete pak me ndryshe.

[sweet_babe]

GO KERRY GO!!!!!!!!!!!!!

[dodoni]

Debati i tretë sonte u zhvillua në univerzitetin ku jam duke vazhduar studimet unë.
Debati ishte shumë interesant dhe urojmë që edhe politikanët shqiptarë ta kenë ndjekur dhe të marrin mësim se si bëhen fushatat/kërkohen votat nga kombi dhe se si udhëhiqet kombi.
Kerri bindshëm ishte triumfues, shumë më i përgaditur në të gjitha aspektet për të udhëhequr Amerikën e ardhshme dhe gjithë botën. Me plane konkrete, specifike në të gjitha fushat e jetës shoqërore, për gjithë atë çfarë do të bëj në katër vitet e ardhshme. Me planet/programet/projektet më të mira në të gjitha fushat e jetës shoqërore, të ofruara ndonjëherë nga ndonjë politikan.

Poashtu edhe për çështjet tona kombëtare (edhe pse edhe Bush patjetër që do të ishte i mirë për ne, po të rizgjidhej) është më i mirë se Bush. Pavarësia dhe ribashkimi i Dardanisë me Shqipërinë do të vij jo më larg se vitin e ardhshëm dhe poashtu do të kemi më shumë ndihmë në investime dhe në integrimet euro-atlantike.


Go Gjon Kerri Go

[friendlyboy1]

Debati qe u be sot kishte te bente me politiken e brendshme ndryshe nga ai i pari qe ishte i pergjithshem. Puna esht se kerri esht me i mir per ekonomin, te pakten nga ato qe ka then e besoj te jet me i mir. kjo sepse do e mbylli incentivat per te levizur bizneset jasht amerikes duke rritur taksat bizneseve qe jan jashte SHBA. Bushi esht me mir per politiken e mbrojtjes, sigurin. Ne vitet e kaluara ceshtja e ekonomis ka qen gjithmon nje gjigand perpara siguris se vendid por pas 11 shtatorit gjerat kan ndryshuar shum. Edhe ky votim do jet po aq i ngusht sa 2000. AJo qe do e vendosi eshte nese shumica e njerzve kan prioritet ekonomin apo politiken, ceshtjet e tjera si gay rights, stem cell research etj kan pak rendsi. Un per vete po votoj per bush pasi siguria esht me e rendsishme se ekonomia.

[manoklla]

Ste pyti njeri ty se ku e ke maru shkollen.

Debatin e trete e fitoi Kerry. Sipas aol poll, 54% votuan per Kerry e 46 per Bush. Ne yahoo poll, 66-32 per kerryn. Ko Kerry. Mos harroni te votoni.

[Albo]

Ste pyti njeri ty se ku e ke maru shkollen.

Debatin e trete e fitoi Kerry. Sipas aol poll, 54% votuan per Kerry e 46 per Bush. Ne yahoo poll, 66-32 per kerryn. Ko Kerry. Mos harroni te votoni.

Sikur presidentet, kongresmenet dhe senatoret te zgjidheshin me votat e aol dhe yahoo, demokratet sot nuk do ta gjenin veten ne minorance absolute. Zgjedhjet fitohen me numerimin e votave ne 2 nentor, ku nuk votojne vetem ata qe perdorin internetin, por edhe ata qe nuk perdorin internetin, gjithe amerikanet.

Debatet ishin te rendesishme dhe shume interesante per ata qe duan te mesojne dallimet e mprehta midis dy kandidateve. Debatet televizive asnjehere nuk te sigurojne fitoren, por sherbejne si nje mjet per te zgjuar interesin tek votuesi qe te mesoje me shume mbi planet e tua. Nuk mund te pretendosh se per 90 minuta apo per 2 minuta te diskutosh ne detaj gjithcka mbi nje problem.

Ne 3 javet qe do te vine, ai kandidat qe do te beje fushaten me intensive dhe do te organizoje me mire elektoratin e vet per te dale ne votime ne 2 nentor, do te fitoje. Sfida per Bush eshte qe te nxjerri ne votime elektoratin e tij konservator qe e votoi edhe ne 2000 dhe te fitoje vetem 1 shtet ekstra qe votoi per Gore ne 2000. Sfida per Kerry eshte paksa me e veshtire, pasi atij i duhet qe te fitoje jo vetem shtetet tradicionale demokratike qe i fitoi edhe Gore ne 2000, por edhe te pakten 2 shtete tradicionalisht republikane ne jug te vendit.

Florida,
Ohio
Pennsylvania

jane shtetet qe jane ne loje me me shume vota kolegjiale dhe kush fiton 2 prej tyre, ka fituar mandatin per 4 vjet. Mdryshe nga zgjedhjet elektorale ne vendet e tjera, sistemi elektoral amerikan eshte kolegjial, nuk ka rendesi kush merr nje shumice votash ne rang kombetar, por kush fiton zgjedhjet ne me shume shtete.

Albo

[manoklla]

Shqiptaret e amerrikes duhet me votu per Kerrin se ai ka me e ndihmu shqiprine me shume se ai kokgjiza, Bushi.