Lajme nga Bota Orthodhokse

[Eni]

U përurua katedralja "Ngjallja e Krishtit" në Korçë








Në datën 7 gusht, besimtarët Orthodhoksë të Korçës morën pjesë në përurimin dhe shenjtërimin e Katedrales së tyre, i cili u krye nga Kryepiskopi Anastas, me pjesëmarrjen e Hirësisë së Tij Ignatit, Mitropolit i Beratit dhe Hirësisë së Tij Joanit, Mitropolit i Korçës, në prani edhe të përfaqësive nga të gjitha mitropolitë e vendit, të autoriteteve shtetërore e fetare të Korçës. Të ftuar në këtë shenjtërim ishin edhe Mitropoliti i Follorinës, Hirësia e Tij Theokliti dhe disa klerikë si edhe miq të Kryepiskopit, donatorë dhe arkitektë, nga Greqia fqinje.

Katedralja e Korçës "Ngjallja e Krishtit" është ndërtuar në formë kryqi, me katër apsida , me një kupolë qendrore, e rrethuar me hajat dhe me dy kambanore të larta. Ajo zë një sipërfaqe prej 1100 m2, ka volum rreth 12500 m3, lartësi 28 m. Në katin e nëndheshëm (970 m2), ka mjedis për pagëzimet, paraklis dhe sallë mbledhjesh. Për ndërtimin e saj u shpenzuan më shumë se 2.5 milion USD.

Më 2 gusht të vitit 1994, u bë bekimi i gurit të themelit të Katedrales së re të Korçës, "Ngjallja e Krishtit", e cila do të plotësonte boshllëkun e madh që la prishja e shumë kishave në këtë qytet me tradita të shquara orthodhokse. Ai ishte paraprirë nga një odise e zgjatur për vendin ku ajo do ngrihej. Vendimi për sheshin e parë të ndërtimit u anullua nga ndërhyrje keqdashëse dhe ishte protesta e vendosur dhe energjike e besimtarëve korçarë, që detyroi autoritet shtetërore të kohës të jepnin një truall edhe më të përshtatshëm se i pari. Fondet për ndërtimin e saj u siguruan tërësisht nga Kryepiskopi Anastas, i cili do të deklaronte në atë kohë, se "Kur na gjuajnë me gurë, ne i mbledhim ato për të ndërtuar". Nisën punimet, të cilat patën edhe ato peripeci e ndërprerje në periudhën e krizave të viteve ’97-’98 etj. Punimet mbaruan në vitin 2000 dhe në fillim nisi të shërbejë si kishë mjedisi i poshtëm, ndërkohë që punohej për pajisjen e kishës me të gjitha mjetet e nevojshme.

Paralelisht, në të gjithë vendin punohej për ngritjen nga themelet të 84 kishave të reja, ndërtoheshin mbi 20 godina administrative e ndihmëse, riparoheshin rreth 150 kisha, si dhe restauroheshin më shumë se 75 kisha e manastire monumente kulture.

Pas Shenjtërimit të Kishës u shtrua një drekë në restorantin e qendrës polifunksionale kishtare "Shën Gjergji" për të gjithë të ftuarit.









©Ngjallja

[Eni]

E Merkure, 29 Shtator 2004



Kisha Ortodokse Autoqefale reagoi dje pas dhunes qe sipas saj eshte ushtruar mbi nje grup te rinjsh ortodokse te cilet kishin ngritur nje kamping prane Manastirit te Shen Gjergjit, ne Cuke te Sarandes. Po keshtu, Kisha Ortodokse reagoi edhe per dhunen qe sipas saj eshte ushtruar ne kishen e Bularatit, e cila u thye dhe u grabit nga persona te maskuar. Duke marre shkas nga keto akte, kjo kishe ka kerkuar nga shteti shqiptar te nderhyje ndaj dhunes se ushtruar ndaj simboleve te ortodokse gjate ketyre diteve. "Ne kuader te fushates se nxitur kunder simboleve ortodokse, qe nisi me kryqin e Fikasit dhe vazhdoi me kryqin e Xares, por qe nuk u mjaftua vetem me kaq, perseri ka ndodhur nje ngjarje e dhunshme", thuhet ne njoftimin per mediat te Kishes Shqiptare. Dy dite me pare, u demtua kampingu i te rinjve ortodokse, i ngritur prane Manastirit te Shen Gjergjit ne Cuke te Sarandes. Sipas njoftimit te Kishes, "keqberesit fillimisht demtuan terrenin sportiv, duke rrezuar tabelen e basketbollit dhe duke shkulur shtyllat e volejbollit. Pas kesaj vandalet rrezuan nje pjese te rrethimit, hyne ne dhomen e rojes, te cilin e lidhen, e kercenuan qe te mos guxonte te fliste. Ata shanin dhe ulerinin se nuk do t'iu leme te ngrini kryqe e te ndertoni kisha apo objekte te tjera ortodokse. Dhuna vazhdoi duke shkulur mbulimet e dhomave te fjetjes, dyert e banjave, te cilat i kishin marre me vete, ndoshta per te krijuar pershtypjen e grabitjes, sepse nje pjese i kishin hedhur rruges".

Sipas deklarates se Kishes, po ne te njejten zone, pak dite me pare ishte organizuar dhunimi i disa kishave. Madje nder te tjera ne kete deklarate nenvizohet dhe neni 24 i Kushtetutes, ne te cilin theksohet se "Liria e ndergjegjes dhe e fese eshte e garantuar". E duke u bazuar ne kete nen, Kisha Ortodokse shprehet mosbesuese, lidhur me faktin se "kush e garanton" kete liri. "Te gjitha keto u shtohen akteve te dhunes e vjedhjeve ndaj kishave ortodokse edhe ne mitropoli te tjera, si vjedhja skandaloze e 17 ikonave dhe e nje pjese te ikonostasit ne kishen e Shen Thanasit ne Voskopoje apo grabitja e sendeve te shenjta dhe parave ne kishen e Ersekes", thuhet ne njoftimin per mediat. Ne kete menyre, Kisha Ortodokse Autoqefale, me ane t` kesaj deklarate kerkon nga shteti qe te nderhyje per t'i dhene fund ketyre akteve vandale, qe kerkojne te dhunojne lirine fetare.


©KJ

[Albo]

KISHAT, VAZHDOJNE REAGIMET NGA PRIFTERINJTE ORTODOKSE

Ende nuk eshte mbyllur ceshtja e dhunimit te kishave

Precedenti

Ngjarja e fundit qe rindezi shpirtin fetar ortodoks ishte vjedhja e ikonave apo baltakinit ne kishen e Shen Athanasit ne Voskopoje, autoret e te ciles nuk jane zbuluar e kapur ende. Ky incident erdhi pas debateve per ngritjen e kryqit ne Krrabe te Elbasanit, dhe u mbajt gjalle edhe nga qendrimet pro e kunder per prishjen e kryqit ne Xare te Sarandes. Komuniteti ortodoks i dioqezes se Korces ishte i vetmi qe reagoi serish publikisht, me nje leter proteste drejtuar mediave. Ne vazhden e ketyre perpjekjeve per sensibilizim te ruajtjes se vlerave fetare ortodokse, nga ana e komunitetit te tij jane sinjalizuar rregullisht ne polici edhe vjedhje te nje kishe ne Erseke, apo e nje tjetre ditet e fundit ne Pogradec ku jane grabitur vlera monetare

Korce - Kapitulli ende i pambyllur i dhunimit te kishave, prishjes se simboleve fetare apo ruajtjes se tyre, hapet me nje faqe te re nga reagimi i vete prifterinjve ortodokse te Mitropolise se Korces. Ne dy ditet e fundit, nje perfaqesi prifterinjsh te Mitropolise se Shenjte, mesohet se kane zhvilluar takime me drejtorin e policise te qarkut dhe prefektin Paqesor Zeneli. Ne keto takime te mbyllura, ka te dhena se shqetesimi kryesor qe kane bere prezent prifterinjte ishte ai qe ka te beje me ekzistencen dhe vlerat e objekteve fetare te kultit ortodoks si dhe simboleve te tij. Burime te rezervuara nga keto takime, thane se njerezit institucionale te Zotit jane mbeshtetur tek faktet qe sipas tyre deshmojne herezine ndaj ortodoksise. Duke renditur para autoriteteve rajonale te policise dhe qeverise shembuj te ndryshem qe nga viti 1990 e ketej. Dhe ne fakt, rastet e dhunimit, vjedhjes apo demtimit te objekteve fetare ortodokse ne rajonin e Korces nuk mungojne. Qe nga me banalet ne aspektin e vjedhjes se vlerave te pakta monetare, deri tek gervishtja e afreskeve te nje kishe ne Voskopoje dhe shkrimi i mesazheve islame mbi afreske. Here pas here komuniteti ortodoks ka denoncuar publikisht cenimin e interesave te tij tek objektet e kultit. Ngjarja e fundit qe rindezi shpirtin fetar ortodoks, ishte vjedhja e ikonave apo baltakinit ne kishen e Shen Athanasit ne Voskopoje, autoret e te ciles nuk jane zbuluar e kapur ende. Ky incident erdhi pas debateve per ngritjen e kryqit ne Krrabe te Elbasanit, dhe u mbajt gjalle edhe nga qendrimet pro e kunder per prishjen e kryqit ne Xare te Sarandes. Komuniteti ortodoks i dioqezes se Korces, ishte i vetmi qe reagoi serish publikisht, me nje leter proteste drejtuar mediave. Ne vazhden e ketyre perpjekjeve per sensibilizim te ruajtjes se vlerave fetare

ortodokse, nga ana e komunitetit te tij jane sinjalizuar rregullisht ne polici edhe vjedhje te nje kishe ne Erseke, apo e nje tjetre ditet e fundit ne Pogradec ku jane grabitur vlera monetare. Nuk dihet nese perfaqesia e prifterinjve te Mitropolise se Shenjte ka mare shkas edhe nga vjedhja e kishes ne ytetin e Pogradecit per te kerkuar serish ndihmen e institucioneve shteterore. Megjithate, reagimet ne mbrojtje te ortodoksise nuk kane reshtur nga perfaqesues te ketij komuniteti qe duket se kerkojne pergjegjesi per demtimin e kishave apo dhunimin e tyre nga policia dhe shteti.

G.Ashimi

KJ

[Albo]

Mes kremtimesh grabitin kishen ortodokse

E Diele, 26 Dhjetor 2004
Persona qe nuk u arrit te identifikohen, perfituan ne kohen kur lumi i njerezve zbrazi kishen ne hyrje te qytetti te Patosit, per ta grabitur ate. Pasi shqyen tre portat te "Ngritja e Kryqit", keqberesit rrembyen 4 ikona te lashta si dhe te gjitha parate e hedhura nga besimtaret. Tregimi i famulltarit dhe thirrja: "Dorezoni ikonat se nuk ju bejme asgje"

FIER - Ne naten e madhe te Krishtlindjes, kur te gjithe kremtonin lindjen e profetit ne Betlehem, disa keqberes kishin planifikuar te grabisnin ikona te lashta dhe para ne kishen e qytetit te Patosit. Ata kane perfituar nga minutat kur salla kryesore e kishes "Ngritja e Kryqit" u zbraz nga besimtaret, pas perfundimit te sherbeses fetare, duke rrembyer kater ikona si dhe te gjitha kursimet e mbledhura ne ditet e kaluara si dhe ne naten kremtuese, e po ashtu edhe fitimet nga shitja e qirinjve tradicionale.

Intervali nga mesnata ne mengjes, ishte shume i pershtatshem per personat qe mendohet se njohin mire veprimtarine e kishes se dhunuar, sepse akti i shemtuar eshte zbular vetem ne vigjilje te 25 dhjetorit. Policia e mberritur ne vendin e ngjarjes, tha se po heton per te gjetur autoret e grabitjes ne naten festive. Shume shoqerime u kryen dje nga agjentet policore, por ende nuk raportohet per persona te ndaluar.

Flet at Konstandini

Kisha "Ngritja e Kryqit, ndodhet ne hyrje te qytetit te Patosit dhe prej shume vitesh frekuentohet nga besimtaret e krishtere ortodokse. Ne te kryhen rregullisht sherbesa fetare. Besimtaret hedhin shpesh shuma simbolike, si dhe kontribuojne duke blere qirinj per ritet e tyre kristiane. At Konstandini drejton prej kohesh kete kishe. Dje ne mengjes, ai isjhte i pari qe zbuloi grabitjen e shemtuar sic e cileson, se bashku me disa besimtare te tjere qe renden atje. "Erdha si cdo mengjes edhe kete te sotmin rreth ores 6 e 30 minuta. Sapo u futa ne oborrin e kishes pashe se tre portat kryesore te saj, ishin shqyer. Menjehere u futa brenda dhe e mendova se cfare kishte ndodhur, nderkohe qe njoftova me ane te telefonit edhe policine".

Ikonat, te dhuruara

At Konstandini pohon faktin se vjedhesit kishin marre nga mjediset e brendeshme te saj kater ikona te lashta, shumen monetare ende te pasaktesuar, qe ndodhej ne kasen metalike ku blihen qirinjte si dhe disa pije te cilat stafi i sherbeses se kishes i kishte ruajtur per sherbesen e dites se djeshme. Nderkohe per kater ikonat, At Konstandini pohoi, se ato ishin shume te vjetra dhe i ishin bere dhurate kishes prej emigranteve shqiptare te cilet kishin shkuar te punojne dhe jetojne jashte kufijve te vendit. Ndersa per vleren monetare te ndodhur ne kasen metalike At Konstandini pohoi se nuk ishin llogaritur, se sa mund te kete qene shuma brenda ne te.

"Dorezoni ikonat"

Megjithese, te tronditur para nje fakti te tille, qe naten e madhe te ndodhe nje ngjarje e shemtuar, njerezit e kishes kane zhvilluar paraditen e djeshme meshen normalisht. Nderkohe qe gjate zhvillimit te saj At Konstandini u ka bere thirrje vjedhesve qe te kthehen ne pendim dhe te rikthejne ikonat, sepse "ndaj tyre nuk do te marrim asnje mase".

Denohet akti i vjedhjes

Besimtaret te cilet ndodheshin dje ne kishe e kane denuar kete akt dhe ne te njeten kohe edhe atat kane bere thirrje qe hajdutet te kthejne ato qe kane marre ne kishe. "Eshte shume e turpshme qe ne naten e Krishtlindjeve te ndodhe nje gje e tille. Ata te cilet e kane kryer kete veprim, kane bere nje akt jo njerezor"- pohon nje nga besimtaret qe ndodhej paraditen e djeshme ne meshe. Nga ana e saj, policia me te marre njoftimin ka shkuar ne vendin e ngjarjes ku ka marre edhe shenjat e lena ne mjediset e brendshme dhe te jashtme te kishes. Burimet e policise bene te ditur per gazeten se po punojne per identifikimin e autoreve te vjedhjes dhe per kapjen e tyre.

Xhemil Beharaj

[Albo]

Myslimane e kristiane, bashke ne mesha

E Diele, 26 Dhjetor 2004

ELBASAN - Kane qene te paket ne numer, por mesazhi eshte domethenes nga qyteti qe prej disa muajsh zien nga ceshtja e Kryqit ne Qafekrrabe te rruges kombetare Elbasan-Tirane. Myslimanet marrin pjese ne meshat e organizuara nga prifterinjte ne kisha. Ne fakt prej kohesh ky qytet ka rrezatuar mesazhe paqe e bashkepunimi mes besimtareve. Sepse ka ndodhur shpesh qe ne ritet fetare te myslimaneve te jene te pranishem te krishtere e ortodokse. Bajram Idrizi nje besimtar mysliman ishte dje i pranishem ne nje nga kishat e Elbasanit. "Jam ketu te uroj vellezerit e mi te krishtere, shprehet Bajrami. Edhe ata me kane uruar kur ne kishim festen e Bajramit. Djali im e ka gruan Ortodokse. Gjysma e rrethit tim miqesor jane te krishtere e ortodokse. Festojme te gjithe se bashku ne rast festash. Jemi miq, por me shume vellezer sepse na ka bashkuar feja. E rendesishme per mua eshte qe te gjithe te besojme ne Zot". F.Salliu

[Albo]

Moisiu, meshe ne shqip per Krishtlindje

E Diele, 26 Dhjetor 2004

Presidenti i Republikes, Alfred Moisiu, e ka kaluar festen e Krishtlindjeve mes banoreve te qytetit te Gjirokastres. Gjate vizitave ne Gjirokaster, Moisiu shoqerohej nga vajza e tij e vogel, Mirela. Mengjesin e djeshem, Kreu i Shtetit ka qene i pranishem ne sherbesen fetare per diten e Krishtlindjeve ne kishen e Metamorfozes ne lagjen Pazari i Vjeter. Mesha per besimtaret e pranishem eshte mbajtur nga pater Anathanaili. "Ndodhem ne qytetin e Gjirokastres per t'u uruar besimtareve te krishtere dhe gjithe banoreve te rrethit te Gjirokastres, 'Gezuar' dhe per shume vjet Krishtlindjet", ka pohuar pas mbylljes se meshes Presidenti Moisiu. "Me vjen shume mire, - tha Kreu i Shtetit, - qe degjova lutjet ne gjuhen shqipe, sepse shqiptari do qe ta degjoje fjalen e Zotit ne gjuhen e tij. Ashtu ato i kupton me mire, ashtu e ndihmojne ate, qe jo vetem t'i degjoje fjalet e Zotit, por t'i kete parasysh dhe t'i zbatoje ato".

Me pas, gjate nje takimi ne bashkine e qeytetit, Presidenti i Republikes, e ka vecuar bashkejetesen fetare ne Shqiperi si nje prej virtyteve me te cmuara te kombit tone. "Personalisht festat fetare, - vijoi Moisiu, i kam zhvilluar ne qytete te ndryshme. Pashket i kam zhvilluar ne Korce, Festen e Bajramit ne Shijak dhe per Krishtlindje jam ne Gjirokaster".

[Seminarist]

Të dielën më 12 dhjetor, celebroi
në Liturgjinë Hyjnore në Kishën
e Ungjillëzimit At Artur Liolini,
Kryekancelar i Dioqezës
Shqiptare të Kishës Orthodhokse
në Amerikë. Ai mbajti edhe predikimin
e ditës, pjesë nga i cili po e
japim më poshtë.
…Disa javë më parë festuam
Ditën e Flamurit, Pavarësisë së
kombit tonë ashtu siç e festuat dhe
ju. Në Amerikë në Boston kremtuam
me bankete, me valle, me
ngazëllim. Edhe disa javë më pas
do të kremtojmë Krishtlindjet me
festë, me darka, me të ngrëna të
veçanta, të cilat mbeten në mendjen
e fëmijëve si kujtime të paharruara.
Një shenjtor ka thënë, se
në moshën e njomë, kur jemi ushqyer
nga kujtime të mira, të bekuara
shpëtohemi për tërë jetën. Por
edhe kujtojmë darkën, mikpritjen
e Abrahamit dhe Sarën, kur ftuan
tre në veçanti që shëmbëllejnë
Shën Trininë tonë, Atin, Birin dhe
Shpirtin e Shenjtë, kujtohen në
Dhiatën e Vjetër. Pra, kujtojmë
edhe Darkën Mistike, kur Zoti
vetë mblodhi dishepujt e Tij rreth
tavolinës dhe më shumë kujtojmë
këtë darkë që u shtrua sot brenda
shenjtërores, në ajodhimë, darkën
e trupit të Shpëtimtarit tonë Jisu
Krisht, të cilën duke e ngrënë shpëtohemi,
në qoftë se pendohemi
dhe jemi të sinqertë me zemër dhe
ndërgjegje të pastër dhe me bekimin
dhe zemrën e Fuqimadhit.
Gjithashtu, Ungjilli që lexuam
ishte i ditës së diel, kurse Apostulli
ishte nga shenjti i ditës, Shën
Spiridhoni, i cili kujtohet sot, një
shenjt që vazhdon edhe sot pas
1700 vjetësh të bëjë çudira. Në
leximin e Apostullit këtë ditë, Shën
Pavli na sugjeron që të kemi kujdes
për ushqimet. Nuk e ka fjalën për
ushqimet e trupit, të tavolinës, por
e ka fjalën për ushqimet shpirtërore,
çfarë librash lexojmë ose programesh
televizive shohim, miqtë
tanë çfarë njerëzish janë. Shokët
dhe shoqet a na ushqejnë me sjellje
etike të lira? Edhe ne si përgjegjës
të të gjithë brezave, ne vetë ushqejmë
fëmijët tanë ose rininë e mëhallës,
të lagjes i ushqejmë me shembuj
të tillë.


Më vjen shumë mirë që me
përulësi të ndodhem këtu bashkë
me ju edhe njëherë me lejen e
Kryepiskopit Anastas dhe me mirësjelljen
e At Justinit dhe kolegëve
priftërinj të tij, që të marr në
këtë meshë të shenjtë bashkë me
ju.




Ju sjell edhe urimet tona nga
Bostoni, në Kryekishën e Shën
Gjergjit, atje ku shërbej edhe unë,
nga im vëlla peshkop Nikoni, të
Kryepiskopatës Orthodhokse të
Amerikës. Gjithashtu uroj psaltët
që me korrektësi plotësojnë shërbesën.
Ju uroj ju, si edhe korin, (kam
një dashuri të veçantë për korin,
sepse në moshën e njomë unë i
bija organos në Kishën tonë. Ju
keni kapërcyer edhe korin tim në
Boston dhe do t’iua them kur të
kthehem), nxënësit e shkollës suaj,
mësuesit dhe në veçanti priftërinjtë
e Enorisë të Kryekishës “Ungjillëzimi
i Hyjlindëses” këtu. Kërkojmë
edhe lutjen tuaj që në këtë
ditë të shënuar përkujtoni Shën
Spiridhonin e Madh, në emrin e
Atit Birit edhe të Shpirtit të Shenjtë.
Amin.

[Albo]

Denoncohen 3 kisha te vjedhura brenda nates

E Merkure, 29 Dhjetor 2004

VLORE - Brenda nje nate, bastisen tre kisha ne zonen e Himares. Policia e Vlores, konfirmoi dje se ka marre nej denoncim mbi demtim kishash ne rajonin jugor. "Kujdestari i kishave ne Himare, denoncoi se jane vjedhur kishat e Shen Pantes ne Himare, Shen Marise ne fshatin Spiles dhe Shen Dhimitri ne Qeparo, ku jane marre nga nje sasi lekesh ne secilen prej tyre". Policia tha se po heton per gjetjen e autoreve te vjedhjes ne seri. M.Merkuri

[Albo]

Kreu i Kishës Orthodokse Shqiptare u operua në sy dhe grykë. Kishën e drejtojnë mëkëmbësit e tij

Janullatosi i sëmurë, kishën e drejtojnë mëkëmbësit e tij

Lindita Çela

TIRANË - Kryepeshkopi i Kishës Orthodokse, Anastas Janullatos ndodhet në gjendje kritike shëndetësore. Para pak ditësh, Janullatosi i është nënshtruar një ndërhyrje kirurgjikale në sy dhe në fyt. Zyrtarët e Kishës Orthodokse janë tejet të rezervuar, për të dhënë informacione mbi gjendjen shëndetësore të kryepeshkopit, por mungesa e tij gjatë tre muajve të fundit, në ceremonitë fetare më të rëndësishme, nuk ka kaluar pa u vënë re. Prej kohësh ka munguar në ceremonitë zyrtare fetare, ndërkohë që më shumë se kurrë, mungesa e tij u vu re në festën e Krishtlindjeve. Edhe në ditën që besimtarët ortodoksë kremtonin ujin e bekuar, udhëheqësi i tyre shpirtëror, Janullatos ndodhej kilometra larg Shqipërisë. Gjendja e tij shëndetësore e ka detyruar kryepeshkopin e Kishës Orthodokse të rikthehet në vendin e tij, ku i është nënshtruar një operacioni kirurgjikal. Sipas zëdhënësit të Kishës Orthodokse, Thoma Dhima, Kryepeshkopi është jashtë rrezikut për jetën. Dhima nuk jep detaje të hollësishme mbi shëndetin e Janullatosit, por thotë se kryepeshkopi i është nënshtruar një operacioni kirurgjikal dhe aktualisht është në periudhë kovaleshence në Athinë.


Shëndeti i Kryepeshkopit

Gjendja e rënduar shëndetësore e Kryepeshkopit është mbajtur e fshehtë nga drejtuesit e Kishës Orthodokse Shqiptare. Ajo që dinë klerikët e kësaj kishe është fakti që për një kohë të gjatë, Janullatosi nuk ndodhet në Shqipëri. Askush nuk di të thotë më shumë, përveç faktit që Kryepeshopi nuk është parë për një kohë të gjatë në zyrën e tij, aty ku ndodhet edhe selia e Kishës Ordhodokse Shqiptare. Burime të besueshme pranë kësaj selie i thanë gazetës “Shekulli” se gjendja shëndetësore e Kryepeshkopit ka qenë kritike. Sipas të njëjtave burime mësohet se fillimisht Janullatosi i është drejtuar një klinike në Vjenë dhe më pas në Athinë, ku ka kryer operacionet në sy dhe në grykë. Por zëdhënësi i kishës Orthodokse, Thoma Dhima, nuk sqaron arsyet se përse numri një i Kishës Orthodokse i është nënshnshtruar operacionit kirurgjikal. “Që Kryepeshkopi është i sëmurë, kjo dihet nga të gjithë, por tani gjendja e tij shëndetësore është drejt përmirësimit. Ka qenë sëmurë dhe ka kryer një operacion. Aktualisht ndodhet në një periudhë pushimi dhe nën mbikëqyrjen e mjekëve në Athinë”,-thotë zëdhënësi i Kishës Ordhodokse.


Kisha, nën drejtimin e mëkëmbësve të Janullatosit

Edhe pse i sëmurë, Janullatos e ka drejtuar Kishën Orthodokse Shqiptare nëpërmjet mëkëmbësve të tij. Sipas zëdhënësit të Kishës Orthodokse, Kryepeshkopi vazhdon të drejtojë Kishën Orthodokse Shqiptare. Dhima saktëson se edhe në ceremoninë e fundit të besimit orthodoks, atë të kremtimit të ujit të bekuar, ka qenë Janullatosi ai që ka përcaktuar drejtimin e kësaj ceremonie nga mëkëmbësit e tij. Ndërkohë që thuhet se prej të paktën 3 muajve, kryepeshkopi Janullatos nuk ka shkelur në Shqipëri. Gjendja e rënduar shëndetësore e ka detyruar Kryepeshkopin të largohet, për t’iu nënshtruar ndërhyrjeve kirurgjikale. Gjatë gjithë kësaj kohe, ceremonitë fetare dhe drejtimi i Kishës Orthodokse ka qënë në duart e At Jovan Karaveshit dhe At Jani Trebickës. Sipas zëdhënësit të kishës Orthodokse, janë këta dy klerikë të lartë që në mungesë të Janullatosit drejtojnë jo vetëm ritet fetare, por edhe detyrat administrative të Kishës Orthodokse. Por Dhima saktëson se dy klerikët e lartë, gjatë gjithë kohës janë në komunikim të vazhdueshëm me kryepeshkopin Janullatos, megjithëse ky i fundit nuk është ndierë mirë nga ana e shëndetit. Zëdhënësi Dhima shton se gjendja shëndetësore e Kryepeshkopit nuk ka ndikuar në vijimësinë e punës administrative të Kishës Orthodokse dhe se pritet shumë shpejt rikthimi i tij në krye të Kishës Orthodokse Shqiptare.


Kush është Anastas Janullatos

Para se të vinte në Shqipëri me detyrën e Kryepeshkopit të Kishës Orthodhokse, Anastas Janullatos ka dhënë mësim në një nga universitetet e Athinës, në lëndën “Historia e Feve”. Më pas, ai emërohet numri një i Kishës Orthodhokse në Shqipëri, duke mbajtur të njëjtin pozicion, pa ndryshim, edhe sot e kësaj dite. Në vitin 2001 ka qenë kandidat për çmimin Nobel për Paqen. Po në të njëjtin vit, është dekoruar me titullin “Nderi i Kombit”. Aktualisht, ai vazhdon të jetë Kryepeshkop i Kishës Orthodokse. Ardhja një kleriku grek në shkallën më të lartë të hierarkisë së Kishës Ortodokse Shqiptare është komentuar me faktin se në vendin tonë, mungonte një Kryepeshkop me njohuri dhe grada shkencore të mjaftueshme. Qendrimi i tij për shumë kohë është protestuar nga Kisha Orthodokse e shqiptarëve të Amerikës dhe Kanadasë. Sipas tyre, tashmë ka ardhur koha që drejtimin e kishës duhet ta marrë një kryepeshkop shqiptar. Megjithatë, është vlerësuar fakti se Janullatos ka ditur të gjejë gjuhën e bashkëpunimit me të gjithë përfaqësuesit e feve të tjera, lidhur me zhvillimin e shoqërisë shqiptare. Në Shqipëri janë rreth 80 kisha të reja të ndërtuara gjatë 10 vjetëve të drejtimit të Janullatosit, pesë manastire të restauruara, 70 kisha monument kulture. L.Ç



PATRIARKU

Kompromisi që solli Janullatosin në Shqipëri

Anastas Janullatos ka ardhur në Shqipëri më 16 korrik 1991, pas një kompromisi të bërë në Korfuz, më 2 korrik 1991 midis ministrave të jashtëm të Shqipërisë dhe Greqisë, përkatësisht mes Muhamet Kapllanit dhe Antonios Samaras. Patriarkana Ekumenike e Kostandinopojës, që është froni i parë i njohur zyrtarisht nga të gjitha kishat ortodokse (ruse, serbe, rumune, bullgare, greke, shqiptare), mori iniciativën e emërimit të Janullatosit në Shqipëri si patriark. Sipas At Artur Liolinit, Janullatosi erdhi në Shqipëri si misionar i përkohshëm, ndërkohë që prej më shumë se një dekade ai drejton Kishën Orthodokse Shqiptare. Emërimi i Janullatosit në krye të Kishës Orthodokse është shoqëruar me reagime të orthodoksëve shqiptarë, sidomos të atyre me banim në Amerikë. Kulmi i këtij konfliki ka qënë viti 2001, kur komuniteti grek i Shteteve të Bashkuara të Amerikës shpalli Kryepeshkopin Janullatos si fitues të një çmimi të përvitshëm për të drejtat e njeriut. Motivacioni i këtij çmimi ishte: "për impenjimin misionar të Anastasios në Afrikë dhe për "rikostruktimin e mrekullueshem të Kishës Autoqefale Orthodokse Shqiptare".

[Albo]

Sipas zyrës së shtypit të Kishës Ortodokse, Janullatosi nuk është shkëputur nga drejtimi i kishës

“Kryepeshkopi Janullatos, në gjendje të mirë shëndetësore”


Shekulli

“Kryepeshkopi Anastas Janullatos ka qenë i sëmurë, por pas një ndërhyrjeje kirurgjikale gjendja e tij shëndetësore është e mirë ”. Kështu thuhet në deklaratën për shtyp të bërë nga zyra e shtypit pranë Kishës Ortodokse Autoqefale të Shqipërisë. Deklaratë e bërë pas një shkrimi të botuar vetëm pak ditë më parë në gazetën “Shekulli”. Sipas zyrës së shtypit, kryepeshkopi nuk ka qenë në Shqipëri vetëm gjatë një periudhe të muajit dhjetor, por për Krishtlindje ai i uroi besimtarët dhe gjithë popullin nëpërmjet ekraneve televizive. “Në fund të dhjetorit kryepeshkopi Anastas ndodhej në Tiranë dhe drejtoi Liturgjitë Hyjnore të datave 1 dhe 2 janar 2005, si dhe mbledhjen e Sinodit të Shenjtë të datës 3 janar, duke u larguar më pas për disa kontrolle rutinë mjekësore”,- thuhet në deklaratë, ku shtohet se kryepeshkopi Anastas, për asnjë çast nuk është shkëputur nga drejtimi i kishës. Sipas të njëjtit burim sqarohet se organi më i lartë i kishës është Sinodi i Shenjtë, i përbërë nga kryepeshkopi Anastas, mitropoliti i Beratit Ignati, mitropoliti i Korçës Joani, Imzot Ilia dhe nga kryesekretari, Protopresviter Jani Trebicka. Ndërsa, të gjitha detyrat e tjera të drejtimit janë administrative dhe nuk zëvendësojnë funksionet e kryepeshkopit dhe të anëtarëve të Sinodit të Shenjtë. “Fakti se At Jani Trebicka kryesoi ceremoninë e Ujit të Bekuar në Tiranë, nuk do të thotë se ai drejton në vend të kryepeshkopit”,- theksohet më tej në të.