Te rejat nga energjitika (kesh fitimi sivjet 40$)

[dodoni]

KESH-i 1 milionë e 750 mijë dollarë dhe 191 milionë e 250 mijë lek investime
Shkoder- Investime të fuqishme ka nisur Ministria e Industrisë dhe Energjitkës në sistemin e transmetimit dhe rrjetin e shpërndarjes së energjisë elektrike për Shkodren. Kështu për projektin e zhvillimit të rrjetit 20/0.4 kv në qytet eshtë planfikuar të investohen 1 milionë e 750 mijë dollarë nga financimet e huaja për energjitikën dhe 121 milionë e 250 mijë lekë nga buxheti i shtetit.

Ndersa në sistemin e transmetimit, pasi u fuqizua n/stacioni SHKODRA 1 me transformator të ri të fuqisë mbi 40 mega, do të fuqizohet edhe n/stacioni SHKODRA 2. Financimi për fuqizimin e këtij n/stacioni eshtë planifikuar nga fondi prej 5 milionë e 200 mijë dollarësh, që eshtë dhenë ga Japonia për n/stacionet e vendit tonë si dhe nga financimi i prej 70 milionë lekësh i buxhetit të shtetit për këte qëllim.

Puna e nisur këto ditë në sistemin e shpërndarjes së energjisë elektrike në Shkoder konsiston në: ngrirjen e faturave të papaguara deri me 1 dhjetor të vitit të kaluar, venien e matësave, përfundimin fuqizimit të n/ stacionit SHKODRA 1 për të avancuar më pas në n/stacionin SHKODRA 2, shtrirjen e rrjetit 20 kv dhe instalimin e mbi 40 kabinave ajrore. Për disa nga këto projekte janë planifikuar fonde të tjera shtesë, veç atyre që përmendëm më lart. Zbatimi i gjithë këtyre projekteve në kompleks garanton njëherë e mirë furnizimin normal me energji elektrike 24 orë pa nderprerje në Shkoder.

Musa Kurtulaj

Pershendetje
Rrofshin Shqiptaret e Bashkuar dhe Shqiperia e Bashkuar

[dodoni]

Ministri Doda takon nëndrejtoreshën e bankës gjermane dhe tha se shuma është për linjën elbasan-Podgoricë

Kf/, 86 milion euro për energjetikën


Shekulli

TIRANË-Përfaqësues të Bankës Gjermane për Rindërtim e Zhvillim (KfË) kanë negociaur gjatë ditës së djehsme me ministrin shqiptar të Industrisë dhe energjetikës lidhur me disa projekte në fushën e energjetikës. Kështu, zëvëndës presidentja e Kf/, Doris Koehn dhe ministri Viktor Doda kanë nisur negociatat e para për konkretizimin e financimit të linjës 400 kilovolt Elbasan-Podgoricë, linjë kjo e interkonjeksionit midis Shqipërisë dhe Malit të Zi. Ministri doda ka bërë të ditur se negociatat kanë filluar sepse organet dhe specialistët i kanë përfunduar studimet e nevojshme lidhgur me projektin, si dhe marrëveshjet përkatëse me Kompaninë Elektroenergjetike të Malit të Zi. Nga ana e saj, Doris Kohen, bëri të ditur se banka e Kf/ ka filluar shqyrtimin dhe se shumë shpejt pritet të akordohet fondi për ndërtimin e linjës së interkonjeksionit. Në takim është bërë e ditur se marrëveshja që pritet të nënshkrohet me përfaqësuesve shqiptarë dhe drejtuesve të bankës Kf/ do të ketë një vlerë mbi 80 milion euro. “Shumë shpejt pritet të caktohet vendi, data dhe garancia e draft-marrëveshjes për ndërtimin e kësaj linje, e cila në bazë të studimit të fizibilitetit kushton 86 milionë euro” kanë deklaruar pjesëmarrësit në takim. Për këtë projekt, ministri i Energjetikës, Viktor Doda dhe homologu malazez Drako Ushkoviç pak kohë më parë kanë firmosur një marrveshje bashkëpunimi e cila kishte si qëllim gjetjen e financuesit dhe ndërtimit sa më shpejt të kësaj linje. Ministri Doda u shpreh se “Linja e interkonjeksionit 400 kilovolt Elbasan-Podgoricë u shërben të dy vendeve, si Shqipërisë ashtu edhe Malit të Zi, për shkëmbimin dhe tranzitimin e energjisë”. Në projekt është parashikuar ndërtimi i një linje dyfishe deri në Vaun e Dejës, kjo duke lënë një mundësi dalje për t’u lidhur me Prishtinën nëpërmjet linjës së interkonjeksionit Tiranë-Prishtinë, ndërsa Kooperacioni Italian ka akorduar një shumë prej 30 milionë eurosh si kredi për ndërtimin e pjesës së parë të linjës së tensionit të lartë Elbasan-Podgoricë. Paratë e akorduara nga ana e Koperacionit Italian do të përdoren për ndërtimin pjesës Elbasan-Tiranë si dhe për ndërtimin e nënstacionit elektrik për përpunimin e tij.



23/09/2004
KATEGORIA: Ekonomi

[ganoid]

Teuta Shamku

Ne muajin dhjetor te ketij viti qytetaret e Shkodres dhe ata te Gjirokastres do ta paguajne me pare energjine, e me pas do ta harxhojne. Ne keto qytete do te vendosen mates me karte ose parapagim. Konsumatori do te bleje me pare karten me nje vlere te caktuar dhe do ta instaloje ate ne matesin e tij nepermjet nje numri sekret. Ky numer sekret qe do te instalohet ne aparat eshte celesi qe do te furnizoje banesen me energji. Lajmin e ka bere dje publik Drejtori i Pergjithshem i KESH-it, Andis Harasani, ne nje konference shtypi. Harasani paraqiti para gazetareve fillimin e nje projekti teresisht te ri ne sistemin elektroenergjitik shqiptar, ate te matesve me karte ose parapagim. "Lidhur me projektin qe kemi biseduar para disa muajve, ate te matesve, jemi duke biseduar me tre kompani: nje franceze, nje kineze dhe nje e Afrikes Jugut per matesit me karte". Drejtori Harasani ka paraqitur para gazetareve edhe llojin e matesve qe perdoren ne kesi rastesh. Menyra se si ato funksionojne eshte si kartat e telefonise, do te kete nje numer sekret te cilin do ta marre klineti dhe do ta vendose vete ne mates. "Do te fillojme ne Shkoder dhe Gjirokaster dhe pastaj do te shikojme ta shtrijme ne te gjithe Shqiperine. Jane zgjedhur keto dy qytete, per nje arsye te thjeshte, se Shkodra eshte qyteti me problematik me pagesa dhe Gjirokastra qyteti me i rregullt. Projekti mendohet te filloje ne dhjetor, kur edhe do te marrim 5 mije mates falas nga kompania afrikano-jugore dhe franceze. Do te behet nje periudhe prove rreth 3 muaj per te shikuar si do te ece dhe pastaj do ta shtrijme ne te gjithe Shqiperine"- sqaron projektin ambicioz drejtori i Pergjithshem i KESH-it. Numri i konsumatoreve qe do te perdorin keta mates eshte 100% i numrit te konsumatoreve qe ne kemi, qe eshte rreth 800 mije, por fillimisht do te startohet ne keto dy qytete.

............
Koha Jone

[ganoid]

....................

[ganoid]

Deklarata për bilancin e KESH shkakton reagime në takimin e organizuar nga ERE për çmimet e energjisë

Ervin Qafmolla

TIRANË-Duke i qëndruar besnike variantit të shitjes së energjisë nën kosto, Korporata Elektroenergjetike Shqiptare ka deklaruar 41 milionë dollarë fitim neto për vitin 2004. Sipas drejtuesve të Korporatës, kjo shumë është rrjedhojë e rritjes së prodhimit vendas, i kombinuar me rritjen e çmimit të energjisë dhe me uljen e humbjeve në rrjet. Ndërsa për vitin financiar 2005, fitimi parashikohet të arrijë mbi 50 milionë dollarë. Deklarata për fitimin e këtij viti është bërë gjatë së premtes në takimin që ka organizuar Enti Rregullator i Energjisë mes KESH dhe konsumatorëve të ndryshëm të energjisë. Kështu deklarata e përfaqësuesve të Korporatës ka shkaktuar reagimet e të pranishmëve në takim, mes të cilëve përfaqësues të komunitetit të biznesit dhe shoqatës për mbrojtjen e qytetarëve, të cilët kërkuan t’u shpjegohej se si ishte e mundur që bilanci i Korporatës të rezultonte pozitiv, e për më tepër me shifra të tilla, kur nga ana tjetër deklarohet se energjia shitet nën kosto. Përfaqësuesit e KESH-it kanë kërkuar një rritje mesatare të mëtejshme prej 14.7 për qind të çmimit aktual, çmim i cili do të gjejë zbatim në vitin e ardhshëm. Çmimi prej 7.7 lekë për kilovat i kërkuar nga KESH-i, ka ndeshur në protestat e pranishmëve, të cilët u kanë kërkuar përfaqësuesve të Korporatës arsye bindëse për një rritje të tillë, duke u kujtuar se tashmë çmimet e enrgjisë në Shqipëri janë më të lartat në rajon. Ndërkohë që Korporata nga ana e saj e argumenton kërkesën për rritje të çmimit të energjisë duke thënë se “nëpërmjet këtyre çmimeve, synohet barazimi i kostos me çmimin, mbulimi i humbjeve në rrjet, niveli i të cilave ende është në nivele të larta, si dhe përballimi i nismave të investimeve që KESH-i ka ndërmarrë kohët e fundit.” Por nga ana tjetër, përfaqësuesit e Korporatës nuk u kanë dhënë përgjigje pyetjeve të përsëritura në adresë të tyre mbi “kontradiktën ekonomike të dhjetëra milionë dollarëve të fituara në kushtet e operimit nën kosto.” Përfaqësuesit e KESH-it kanë deklaruar se Korporata ka ulur nivelin e humbjeve në rrjet në masën 32 për qind, ose me 4 për qind krahasuar më një vit më parë kur këto humbje ishin në masën 36 për qind. Sipas oponentëve të KESH-it, çdo vit kostoja e energjisë po bëhet më e ulët, për shkak se humbjet zbresin nga viti në vit. Kështu, aktualisht, sipas shifrave të publikuara nga INSTAT, niveli i humbjeve për këtë vit rezulton të jetë në masën 32 për qind e totalit të energjisë së konsumuar. Prej këtej ajo rezulton të jetë ulur në 32 për qind, nga 36 për qind që ishte një vit më parë, apo 47 për qind dy vjet më parë.


Gazeta Biznesi
22/11/2004