Fillon fushata parazgjedhore në Kosovë

[Brari]

Flmn Arb per fjalet e mira.. e do te perpiqem ti meritoj dhe ne te ardhmen..

Sot perfundoj Fushata zgjedhore e Subjekteve politike te Kosoves dhe populli ne 23 Tetor do te votoje per partine qe simpatizon..

Ne RTK sapo u dha nje permbledhje e aktiviteteve permbyllse te te gjitha partive politike dhe mbas kesaj do te jete ajo heshtja para votimit deri ne mengjesin e 23 Tetorit.

Ne Stadiumin e Prishtines ne mesin e mijra e mijra qytetareve mbylli fushaten dhe LDK.. partia me emadhe e Kosoves..ku fjalemn mbyllese e mbajti kryetari i LDk-se Ibrahim Rugova.

Ne mesin e mysafireve te nderuar pashe dhe profesor Bujar Hoxhen..

Meqense prof Bujar Hoxha si bir i Atdhetarit te Madh Hoxh Kadri Prishtines.. dhe vet si njohes i mrekullueshem i politikes e veteran i ceshtjes kombetare.. ka lene shtepine dhe ashtu i semure ka ardhur per ti dhene mbeshtetje LDK-s dhe Presidentit Rugova athere do te thote se Vota per LDK-ne eshte vota per ceshtjen Kombetare..

Kush e do Kosoven te Pamvarur, te perparuar e pa vrases duhet te votoje LDK-ne..

[Mesnata]

Kush e do Kosoven te Pamvarur, te perparuar e pa vrases duhet te votoje LDK-ne..

Zotëri Brari, unë këtu kisha ndërhyer në atë që ke thën ''Kush e do Kosovën të Pamvaruar, të përparuar e pa vrasës duhet të votojë LDK-në''

Po gjer tani LDK-ja kishte Kosovën, e ndodhën gjithë këto vrasje, e plaçkitje e poslloçe të tjera, e nëse dëshriojm që ende Kosova të jetoj nën atë ankth, me atë frikë, të vazhdojm pra të votojm për LDK-në!!!
A po më mirë të themi ''Kush e do Kosovën të Pamvarur, të jetojm të lirë, të shkojm rrugës së drejt, të mos ndëgjojmë zë shkau në Kosovë, të marrim frymë lirë, atëher të votojmë për ata që luftuan, që sakrifikuan çdo gjë të tyre, e meritojn.
Po sikur unë tani të ta shkruaj një bisedë të imagjinuar me një ushtar të lirisë, e sikur ju të ta lexoni, e jam e bindur që do kuptoni jetën më ndryshe, realitetin do e shikoni më kjrat, sepse ndonjëher më duket, popullin e ka kapluar një gjumë i rënd dhe nuk e shikojn ende realitetin me sy!!!

"Bisedë e imagjinuar me një dëshmor të lirisë"

Sytë e tij kishin një qendrim te mprehtë, fytyra e tij e ftohet qendronte pa levizur, i mbuluar me nje flamur te bukur dukej madheshtor. Ju afrova ngadalë, nuk frigohesha nga ai, sepse heronjët jane edhe te vdekur te bukur janë. Frymemarja e tij kishte pushuar per te mare fryme nje popull i tërë, nje popull që kishte arritur në kulmin e poshtërimeve dhe malltretimeve, nga armiqet me te felliqur qe mund te kishte.
Ne imagjinatën time e pashe qe u ngrit ne kembe, shikoi gjate ne te gjitha anet dhe dy pika loti i ranë mbi fytyren e tij, kreshnike. Me drejtoi syte e tij te imtë me aq dashuri saqe per kete moment do te falja te gjitha çka qe kisha.

Para se te them nje fjale te vetme, me lejo te te perkulem, me lejo te te falenderoj,te prek doren tende-i thashe. Nuk me erdhi turp te ulem ne gjunj para tij,perkundrazi isha krenare, nje kenaqesi qe nuk do te mund te blihej me te gjitha te hollat e kesaj bote te cuditshme.
Zgjohu- me tha, zgjohu o motra ime, dua te te shoh te zgjuar, te madhe, te lumtur, dua te shoh buzeqeshjen ne fytyren tende, te shoh frymemarjen tende te lire, kjo eshte deshira ime e fundit. U zgjova dhe ne gjoksin tim u mblodhen ndjenja aq te perziera, saqe trupi me dridhej i tëri. Ne koken time shihja njerez qe notonin neper ditë, perditshmeria e tyre kishte mare ne rjedhe normale dhe endeshin ne rrugen e tyre duke mos shikuar anash, e as prapa. Me shfaqeshin njerez qe valvitnin flamuj e ju shterrej zeri duke bertitur per demokraci, duke treguar per "trimerite" qe kishin bërë; turma qe ju shkonin prapa dhe ne jeten e tyre e sotmja kishte lindur vetem sot, sepse besonin se kishin ndryshuar dhe ishin bere pjese e nje bote moderne, nje modernizem te cilit nuk ja dinin rrenjet.

Njerez qe kishin bere poshtersine me te madhe, qe do te mund te benin: kishin harruar se shkelnin mbi gjakun e dikujt dhe cdo hap i tyre shkelte mbi trupa trimash qe kishin qëndruar dhe rënë heroikisht.
Shikoja fytyra nenash qe ende kishin lotë te patharë mbi rudhat e tyre, rudha te jetes e te vuajtjes, te dhimbjes per bijte e tyre. Shikoja njerez qe ngrinin pallate prej tullash, te bukura, te ngrohta...shikoja nerez nën tënda, femije te merdhire, te paveshur dhe nuk mund ta besoja se te gjithe keta jetonin ne te njetin nënqiell.


E ktheva kokën edhe nje here nga vigani i lirise dhe e shikova teper permallueshem, me erdhi aq turp qe isha kujtuar aq rrallë per të, me erdhi aq rende kur shikova edhe nje here plagen e tij, aq keq kur pashe rinine e tij te humbur. Qielli sikur m'u ngrys dhe kembet sikur me leshuan. O shpirt i shtrenjte, o jete e pajetuar, ti rruge e jetes sime, si do te mund qe te te harronim? A thua edhe toka e vendlindjes rendohet me hapat tone mosperfilles? Te perkulem o shpirt i paster dhe do te mbaj me vete cdo minute te ekzistenes sime, nuk do te lejoj qe te harroj.

E di qe kurre nuk do te arrij madheshtine tende dhe une as qe e mendoj kete, por une do te perpiqem qe me cdo hap, me cdo fjale te jem pjese e renies tende, e endrres tende qe po e jetoj une.
Me shikoi edhe nje here dhe pashe nje dridhje te lehte ne buzen e tij dhe sikur deshironte te me thoshte, jeto o motra ime, sepse tani do te pushoj i qete, sepse tani zemra ime do te ndalet e qete.

Vetem tani do te kuptoj se une kam rënë, për tua sjellur LIRINE.

Duajeni Lirinë, jetojeni dhe ndertojeni LIRINË, ajo është më e shtrenjt se Jeta.

(e tani më thuani, si mundemi ta humbim gjakun e tyree që dhan jetën për liri,si mundë ti quajm vjedhësa ata si mund të votojmë për ata, që luftuan vetëm për karierën e tyre, që luftuan vetëm për vendin e tyre, amaaaan mosni )

[Brari]

Mesnat..ti shkruan bukur..

A mundesh nji bised imagjinare ta besh me Drinin e Prizrenit?

edhe ai luftar i Liris ishte.

[Llapi]

Thaçi: Ne nuk ju ofrojmë lekë dhe republika autonome nëpër fshatra, por shtetin e Kosovës, siguri dhe dinjitet

Partia Demokratike e Kosovës (PDK) të mërkuren përmbylli fushatën e vetë elektorale edhe në qytetin e Gjakovës.

Lideri i demokratëve, Hashim Thaçi, duke folur para mijëra simpatizantëve tha se PDK-ja nuk ofron lekë dhe republika autonome nëpër fshatra, por shtetin e Kosovës, siguri dhe dinjitet.

“E di se këtu kanë ardhur njerëz me zarfa e me lekë në to për të kërkuar votën tuaj, për të blerë votën tuaj, dinjitetin tuaj. Por e di dhe jam thellësisht i bindur se ata s’kanë mundur t’i blejnë ato, sepse unë e njoh fort mirë dinjitetin dhe pathyeshmërinë e qytetarëve të Gjakovës”, u shpreh Thaçi.

“E di se këtu kanë ardhur të tjerë me premtime të fryra se do të bëjnë kushtetuta e se do të ndërrojnë korniza e rezoluta…, por edhe për këtë më duhet të them se ata që dje pranuan korniza kushtetuese, s’kan guxim e as dije që të bëjnë kushtetuta dhe të ndërrojnë rezoluta”, u shpreh ai.

Hashim Thaçi premtoi se me fitoren e PDK-së në krye të institucioneve të Kosovës do të ketë edhe gjakovarë.

“Ata që dje dhe sot po mundohen të fitojnë votën në Gjakovë duke izoluar këtë qytet janë gllabëruesit më të mëdhenjë të dinjitetit të kësaj komune, të këtij vendi me tradita të shquara atëdhetarie, e cila vazhdimisht ishte në ballë të proceseve më të rëndësishme gjithshqiptare”, theksoi Thaçi.

Ai kërkoi nga elektorati gjakovar që në ditën e zgjedhjeve të dalë masovikisht në votime dhe të votojnë për numrin 50.

“Për dallim nga të tjerët të cilët këtu në Gjakovë u kanë ofruar lekë dhe republika autonome nëpër fshatra, PDK ju ofron shtetin e Kosovës, siguri dhe dinjitet. Andaj ju ftoj që t’i bashkoheni vizionit të PDK-së, që është vizion i shpresës, i guximit dhe i kthesave pozitive për shtetin e pavarur dhe sovran të Kosovës”, tha, ndër të tjera, lideri Hashim Thaçi.

Nga ana e tij, kryeministri aktual i Kosovës, Bajram Rexhepi, tha se gjakovarët u kanë dhënë më parë gabimisht votën atyre që nuk bënë asgjë për ta. “Por, nuk është vonë që Gjakova t’i bashkohet PDK-së dhe vizionit të saj. Nëse Gjakova diti të rreshtohet në anën e drejtë dikur, atëherë besoj se edhe tani do ta bëjë një gjë të tillë, pra duke u rreshtuar në radhët e PDK-së”, u shpreh Rexhepi.

[Mesnata]

Mesnat..ti shkruan bukur..

A mundesh nji bised imagjinare ta besh me Drinin e Prizrenit?

edhe ai luftar i Liris ishte.

Zotëri Brari, flmnd

Por kjo ishte një bisedë e imagjinar me një luftëtar të lirisë, nuk ishte i cekur asnjë emër i ndonjë luftëtari... unë luftëtarët nuk i ndaj, të gjithë kan rrespektin e veçant nga unë ata që luftuan...

Me nderime Mesnata

[Arb]

NJERIU QE I PRIU PAVARESISE SE KOSOVES

Shkruan: Teki Dervishi

Cili lider Shqiptar, vitin e ardhshem, do te vere nenshkrimin e pare ne dokumentin historik te Paveresise se Shtetit te Kosoves? Do ta vere Ai qe I vuri themelet e Shtetit te pare te Kosoves? Ai qe populli I Kosoves e zgjodhi ne dy referendume dhe ne zgjedhjet nacionale te para tre vjeteve. Ai eshte dr. Ibrahim Rugova, President I Shtetit te Kosoves.

1. (Kush do ta nenshkruaj dokumentin zyrtar te Pavaresise)

Ne vitin 2005 do te nenshkruhet (zyrytarizohet) Pavaresia e Shtetit te Kosoves. Ky fakt tashme u shpall zyrtarisht nga instancat me te larte te Fuqive te Medha, sidomos nga ato te SHBA-se.

Cili lider Shqiptar, vitin e ardhshem, do te vere nenshkrimin e pare ne dokumentin historik te Paveresise se Shtetit te Kosoves? Do ta vere Ai qe I vuri themelet e Shtetit te pare te Kosoves? Ai qe populli I Kosoves e zgjodhi ne dy referendume dhe ne zgjedhjet nacionale te para tre vjeteve. Ai eshte dr. Ibrahim Rugova, President I Shtetit te Kosoves.

Prijesi I pare, Lideri I Kosoves, dr. Ibrahim Rugova, menjehere pas luftes (pas hyrjes se trupave te NATO-s ne Kosove), tha: "Tash Kosova, faktikisht, eshte e pavarur. Pritet vetem njohja formale e kesaj Pavaresie! Dhe keshtu u be!"

Presidenti Rugova e tha kete I pari. Sot kete fakt e vertetojne personalitete te medha te SHBA-ve dhe te Europes. Te gjithe thone: "Pavaresia de fakto e Kosoves, ne menyre de jure, do te zyrtarizohet ne vitin 2005." Eshte ky personaliteti suprem I kohes sone te sakrifices, njeriu qe me urtesine e tij intelektuale, nuk lejoj te shkeputet vazhdimesia e Levizjes Kombetare ne Kosove.

Makineria e propagandes Serbe nje shekull kishte satanizuar ceshtjen e Kosoves, dhe e kishte bindur boten se Shqiptaret jane popull komunist, lindor, popull antiperendimor. Sot, bota shpall publike sondazhe qe vertetojne se 95 per qind e popullit te Kosoves, eshte pro-Amerikan, qe do te thote pro-Perendimor.

2. (Themeluesi I Insitucioneve te para te Shtetit te Kosoves)

Qe kur dihet, Shqiptaret kane luftuar per liri, per te drejten me elementare njerezore, per shtetformim. Por u desh te dilte ne skenen historike Personaliteti suprem I dr. Rugoves, qe I dha emer qellimit dhe idealeve te Rezistences Historike paqesore dhe ushtarake Shqiptare - Pavaresine!

Ai tha se, "Nuk luftojme per fe, nuk luftojme per ideologji, nuk luftojme as per shoqeri civile (qe do te thote socialiste), por luftojme per te drejten kombetare, qe do te thote per shtet. Pa shtet nuk mund te kete kurrnje lloj lirie, kurrnje lloj drejtesie!"

Se shkenca thote: "Kombi eshte shteti!" Kur nje popull eshte I pavarur dhe di te shtetformohet, ne liri, ai mund t'I sendertoj te gjitha qellimet e veta fetare, ideologjike, qytetare, sociale, arsimore, kulturore etj.

Dhe, keshtu, zgjedhjet para tre vjeteve krijuan institucionet e para te Shtetit te Kosoves. Kjo ishte e arritura me e madhe e Kosoves, qe kur dihet per Kosoven, krijimi I institucioneve te para te Shtetit. Tre vjet vazhdon sakrifica e te gjitheve qe u bejne sfide atyre forcave desktruktive politike qe I pengonin dhe I pengojne keto institucione, ne te cilat institucione u angazhuan te gjithe ata qe kane kontribuar per lirine e Kosoves, me nje fjale te gjithe ata qe I zgjodhi populli I Kosoves.

Sot, ne "emer" te fushates parazgjedhore, propagandistet meskine mohojne kontributin e madh te institucioneve te para te Shtetit te Kosoves, duke fajesuar themeluesit e ketyre institucioneve per situaten e rende sociale.

Ata qe kane heshtur deri dje, ata qe e kane ngritur flamurin e majtizmit te Nanos ne Kosove, sikur nuk kuptojne se shteti modern dhe zhvillimi ekonomik I nje vendi te shkaterruar nga lufta nuk behet dot per vjet jete institucionale, ne fazen kur shteti ende eshte nen protektoratin e Fuqive te Medha, pra kur ende, formalisht, nuk eshte pranuar.

Kosova per keta tre vjet te udheheqjes se Presidentit Rugova e ka bindur boten se ajo di te bej shtet, se populli I Kosoves, eshte pro-perendimor, e jo pro-lindor, ndaj Fuqite e Medha sot e pranojne zyrtarisht se pavaresia formale e Shtetit te Kosoves do te njihet ne vitin 2005.

3. (Njeriu qe Kosoven e beri qender politike te Botes)

Kush e institucionalizoj I pari ceshtjen e Kosoves? Derisa ne skenen politike Shqiptare nuk u paraqit individi suprem I dr. Ibrahim Rugoves, per Kosoven eshte folur vetem neper tavolinat diplomatike konspirative te Fuqive te Medha, te cilat nuk kane lejuar internacionalizimin e ceshtjes se Kosoves, nen trysnine e euro-komunisteve dhe te disa vendeve te medha pro-Ruse dhe pro-Kineze.

Pse, pikerisht sot, I vetmi Personalitet Shqiptar qe pranohet, dekorohet, nderohet dhe cmohet lart nga te gjitha instancat kulturore dhe politike te shteteve me te medha perendimore, eshte dr. Ibrahim Rugova, Presidenti legjitim I Kosoves?

Sepse, populli I Kosoves asnjehere nuk e ka nderprere vazhdimesine e rezistences se tij kunder okupatorit Serb, por I pari qe ngriti zerin para mediave gjitheboterore per ceshtjen e Kosoves ishte dr. Ibrahim Rugova.

Ishte fillimi I dekades se fundit te shekullit XX. Kryetari I atehershem I Shoqates se Shkrimtareve te Kosoves, Zoteri Ibrahim Rugova, ne takimin e pare te intelektuale Shqiptare dhe Serbe ne "Francuska 7," te Beogradit, I dha nje leksion nokdauni Akademise shoveniste te Shkencave dhe te Arteve te Serbise.

E nxori ne pah superioritetin e diturise dhe te kultures politike Shqiptare midis taborrit te armiqeve shekullore. I beri te ndihen inferiore! Intelektualet qe Serbet I marrin per me te medhenjte e tyre, u ndien te vegjel dhe te mjere para madheshtise intelektuale te dr. Ibrahim Rugoves. Ishte trimeri e jashtezakonshme te nxjerresh publikisht te gjithe atute historike te Shqiptareve, pikerisht midis atyre qe I kishin falsifikuar ato me pasion shovenist, militarist dhe levanist.

Kryetarin e atehershem te Shoqates se Shkrimtareve te Kosoves e versulen qindra gazetare nga te gjitha anet e botes. Para tyre, cdo dite, fliste dr. Ibrahim Rugova, I vetmi Ai, dhe nuk kaloi as nje vit dhe nga keto qendrime te guximshme, dhe ceshtja e Kosoves, rreshqiti nga tryezat diplomatike te spekulanteve anti-Shqiptare, dhe keshtu, ceshtja e drejte e Kosoves u internacionalizua definitivisht dhe perfundimisht.

Dhe keshtu, Bota Perendimore Euro-Atlantike e zbuloi Personalitetin me te cilin do te punoj gjate gjithe nje dekade, deri ne Pavaresine perfundimtare te Kosoves. Perendimi e pranon partner pune vetem dr. Rugoven, asnje tjeter! Po, Ibrahim Rugoven - njeriun me te preferuar te Fuqive te Medha! Njeriu qe Kosoven e beri qender politike te botes! Njeriun e Uashingtonit!

Dhe ne fund, para nje muaj, pritja madheshtore qe iu be Presidentit Rugova ne Shqiperi, dhe deklaratat e te gjithe lidereve te Shqiperise, pa perjashtim, e vulosen Personalitetin suprem politik dhe intelektual, prijesin historik te Kosoves.

Ishte viti 1967, vjeshte. Ishim studente. Bashke me Shaqir Shaqirin dhe Jusuf Gervallen, ne nje dhome konvikti, bisedonim me Rugoven e Ri. Ai tha se, "edhe Naimi thoshte se Dielli lind ne Perendim."

"Ne jemi djep I Botes Perendimore," na tha qe atehere. Na tregoi per takimin e tij me themeluesin e arsimit Shqip, Ernest Koliqin, njeriu qe hapi shkollat e para ne cdo qytet dje ne cdo fshat me te madh te Kosoves. Rugova I ri, Koliqin e kishte vizituar ne Rome, se bashku me dr. prof. Zejnullah Rrahmanin.

Pas pesedhjete vitesh komunizmi, hapin e pare drejt djepit te Shqiptarizmit, Perendimit, e zune nje dege e vogel studentesh te Universitetit te Prishtines.

Ibrahim Rugoves iu deshten tridhjete vjet udhe qe ta bej Kosoven te vendoset ne themelin e trashegimise, dhe te tradites se saj Perendimore.

Sot tere bota e di se Kosova eshte Shtet Perendimor. Shtet qe nen udheheqjen e Liderit te saj suprem, arriti Pavaresine e saj ne vitin 2005.

Prishtine, 19 Tetor, 2005.

[Brari]

luftaret nuk ndahen oj Nate..
por vrasesit ndahen..
atyre nuk u jepet vota..
se Zoti te vret..

Le te jet Vota sot per Sabeten e Uken ..per Nanen e Drinit e shpirtin e Xhem Mustafes e jo per 40 milion eurshat.. e te pabeset e pritave qe bredhin bordelesh..e dalin ne ekrane me kostume Armani..

Arb.. e ju atdhetare te Kosoves ju uroj nje Fitore..