Kosove: Fillojne Kercenimet Para Zgjedhore

[dodoni]

Edhe kjo është fushatë parazgjedhore!

Skënderaj, 18 tetor - Dje rreth orës 2. 2O të mëngjesit është sulmuar me breshëri plumbash selia e Degës së LDK-së në Skënderaj, e cila është sulmuar nga ana e përparme e saj.

Në bazë të sasisë së plumbave të shkrepur që dëshmonin gëzhojat e gjetura në vendin e ngjarjes dyshohet se në sulm kanë qenë të përfshirë dy ose më shumë persona.

Njësiti i hetuesisë nga policia rajonale në Mitrovicë ka dalë në vendin e ngjarjes ka bërë incizimin e zyrës dhe terrenit përreth si dhe ka mbledhur gëzhojat e plumbave.

Si pasojë e këtij sulmi janë dëmtuar xhamat e zyrave dhe një kompjuteri i kësaj zyre. Ky akt kriminal ka shqetësuar pa masë qytetarët e kësaj komune.

Kjo është hera e dytë që sulmohet kjo zyrë pasi që një sulm i ngjashëm ka ndodhur edhe para zgjedhjeve të kaluara.

Po ashtu po në atë kohë dje në mëngjes është sulmuar shtëpia e Brahim Rrecit, anëtar i Kryesisë së kësaj Dege ku është vendosur fotografia e presidentit Rugova me senatorin Bob Dol, e cila po ashtu është shpuar me 46 plumba.

Kosovaret

Unë nuk jam anëtar i asnjë partie por mendoj se ky akt është i dëmshëm jo vetëm për Partinë Demokratike por edhe gjithë kombin.
Kjo zonë ka votuar mbi 95 përqind për Partinë Demokratike, atje edhe sot anëtarë të Lidhjes Demokratike kanë probleme për tu futur si civil në rradhë të parë e jo më të futen të armatosur e të bëjnë gjë të tilla.
Kështu që ky akt shihet shumë qartë se është bërë ose nga struktura të Partisë Demokratike, ose nga simpatizantë të kësaj partie. Urojmë të jetë e dyta.
Nëse është bërë nga vet strukturat e Partisë Demokratike atëherë Partia Demokratike duhet ti shkarkoj dhe arrestoj vet ata që kanë bërë akt kriminal.
Nëse është bërë nga simpatizantë të saj, atëherë Partia Demokratike në rradhë të parë për interesat e saj e pastaj edhe për ato kombëtare, duhet t'i denoncoj hapur këto krime, duhet t'i luftojë ata që kanë bërë këtë akt kriminal dhe ti arrestoj apo ndihmoj policisë në arrestimin e tyre sa më parë.

Në Dardani zgjedhjet (me përjashtim të këtyre veprave kriminale politike) janë mbajtur mirë gjithmonë dhe nuk kemi pasur asnjëherë kontestim të tyre, kështu që nuk kemi aspak dyshim se ato edhe sivjet do të mbahen të rregullta si gjithmonë. Por Partia Demokratike duhet të denoncojë krimin, të luftojë atë, dhe të ndihmojë në krijimin e një klime sa më pozitive e demokratike në vend.
Poashtu edhe partitë tjera. Pastaj edhe shtypi partiak duhet të ndihmojë në krijimin e kësaj klime pozitive e demokratike e jo ti fryj përçarjes dhe tu jap motive atyre hedhurinave e mbeturinave kriminale për të bërë vepra të tilla kriminale.

[Llapi]

dodon
Ti vet po e din qe ky akt eshte i damshum per vet Partin Demokratike e perse pra te kryejn ket akt antaret e PDK-se apo simpatizantet e saj qe gjithashtu e din qe me se shumti i siellin dame PDK-se???
Me qudit se si e paske harrue sherbimin famkeq serb qe vepron ne Kosove!
E sa i perket qe antaret e ldk-se kan probleme te futen ne ket zon je gabim sa je i madh se jo vetem antaret e ldk-se por atje jan edhe sigurimcat e rugoves ne krye me fadil e gani gecin e disa oficer te KOS-it e ishe puntor te UDB-es qe tani jan ne ekipin e sigurimit te rugoves.

[dodoni]

Ajo është zona që kanë votuar me më shumë se 95 përqind për Partinë Demokratike, kështu që nuk mund ta bindësh askë që dikush nga LDK-ja ka sulmuar veten e tyre aty.

Për këtë më së miri mund të na bind vet Partia Demokratike dhe simpatizantët e saj që janë më shumë se 95 përqind e gjithë banorëve atje. Pra, edhe nëse nuk e kanë bërë këta, është shumë e lehtë për ta që të gjejnë autorët e krimit apo edhe ta ndihmojnë në gjetjen e tyre.
Pastaj PDK-ja përveç kësaj duhet të denoncoj krime të tilla menjëherë, megjithëse vetëm me denoncime nuk i beson askush por edhe të dëshmoj qartë se nuk është pas këtyre krimeve duke luftuar ato haptas dhe ndihmuar policinë në kapjen e atyre që kanë bërë këto krime (pa marrë parasysh kush e ka bërë).

[Llapi]

Ok dodoni une nuk desha qe ta bindi askend sepse ket pun e din edhe femijet qe askush nuk punon ne dam te vetin pra as PDK-ja por nejse edhe qe ate zon e sundon PDK-ja nuk i ka kompetencat e plota si nuk i ka as kosova ne pergjithsi prandaj me qudit se si thua te zbuloi rastin .

[dodoni]

Ka shumë që punojnë në dëm të vetin, dikush me dije e dikush me padije.
Prandaj edhe PDK jo vetëm që nuk duhet të punoj vetë në dëm të vetin por as të mos lejoj dikë tjetër që të punoj në dëm të saj (me metoda dhe akte kriminale si kjo).
Është e pamundur që dikush nga këta 95 përqind të mos ketë parë ndonjëgjë, apo të mos dijë se kush e ka bërë krim. Apo edhe nëse është e mundur që nuk di kush gjë për këtë krim, atëherë për krimin e parë (sulmin e parë) në këtë zyrë, apo për vrasjen e atyre para një viti në Skenderaj, pra dikush nga këta 95 përqind të simpatizantëve të PDK-së ka parë ndonjë gjë në këto krime edhe nëse nuk i ka bërë vet. Dhe këto fakte duhen dhuruar SHPK-së dhe UNMIK-ut që pastaj do të bëjnë arrestimin e tyre dhe nuk do të lejojnë që ata kriminelë të punojnë më kundër PDK-së në zonat/bastionet e PDK-së. PDK deri tani nuk ka bërë asgjë, bile as denoncuar por në shkrime të saj në njëfarë mënyrë i ka përkrahur këto krime duke shkruajtur se këta njerëz nuk kanë qenë të mirë e kështu e ashtu. Prandaj edhe nuk ka marrë votat e shumicës asnjëherë dhe nuk do të marr votat asnjëherë, përderisa nuk ndryshon. Edhe në luftë, asnjë nuk është futur për Thaçin apo për atë e për këtë individ. Janë futur për lirinë e Dardanisë dhe ribashkimin me Shqipërinë, dhe jo për Dardani me krime e sulme politike.

Pra, mbi PDK-në bie përgjegjësia më e madhe për këtë rast dhe raste si këto, dhe ajo duhet të reflektojë, duhet ti denoncoj krime si to, duhet ti luftoj krime si këto, duhet të ndihmoj policinë në arrestimin e njerëzve sikur këto, nëse me të vërtetë do të ardhme politike në politikën shqiptare.

Poashtu shtypi partiak, duhet të jetë shtyp demokrat dhe civilizues dhe jo shtyp që krijon, nxit përçarje dhe jep motive kriminelëve për të bërë akte kriminale, sepse kjo është antishqiptarizmi më i madh i këtyre kohëve në Dardani.
Duhet të jenë tolerant dhe jo të përdorin çfarëdo mënyre e çfarëdo mjeti në luftën politike për pushtet. Duhet të konkurrojnë në mënyrë të ndershme dhe me ide, plane, programe, projekte konkrete e specifike që të fitojnë votat e shumicës dhe të triumfojnë mbi kundërshtarët politikë.

Për punën e kompetencave, edhe pse ato pak apo aspak luajnë rol në këtë çështje, ato seicilën herë e më shumë po i marrim dhe poashtu edhe zgjidhja e statusit ribashkimi i Dardanisë me Shqipërinë do të bëhet shumë shpejt.