Kosove: Fillojne Kercenimet Para Zgjedhore

[Arb]

Zyrtarët hetues i sqarojnë kërcënimet e fundit
enigmatike

Kush e kërcënon me vrasje publicistin Nazmi Lukaj ?

Këto kërcnime janë mjete të pandershme të luftës politike, janë mjete të terroristeve dhe të vagabondëve (të klaneve politiko – kriminale të zonës së Dukagjinit), të atyre që nuk e kanë burrërinë, kapacitetin dhe kurajon të dalin dhe të përballohen në mënyrë civile me çdo kundërshtar, ose me të vërtetën.

Pas botimit ditë më parë në “Pavarësia” të lajmit për kërcënimin e publicistit Nazmi Lukaj, një burim zyrtar ndërkombëtar ka dhënë sqarime se kush po përpiqet të krijojë kaos ose t’i përgjakë duart me gjakun e veprimtarëve dhe patriotëve të zonës së Pejës, e të Dukagjinit në tërësi. Zyrtari ndërkombëtar ka folur edhe rreth pistës së hetimeve që po bëhen rreth kërcënimit ndaj publicistit Nazmi Lukaj, dhe ka zënë në gojë emrat e disa prej përgjegjësve të mundshëm.

KUSH FSHIHET PRAPA KËTIJ KËRCËNIMI?

Zyrtari hetues ndërkombëtar ka pohuar:“Rasti i kërcënimit ndaj publicistit Nazmi Lukajt lidhet me rastet e mëhershme të planifikuara ndaj figurave politike të LDK-së. Kërcënimet ndaj tij lidhen me faktin se profesioni i gazetarit në Kosovë, gjatë fushatës parazgjedhore, ndonjëherë është i rrezikshëm.

Sepse shumë prej tyre kanë guximin të bëjnë tema kritike. Nga ta, për këso temash shquhet edhe publicisti Lukaj”. Zyrtari hetues thotë në vazhdim se gazetarët kërcenohen, porse këto kërcënime janë mjete të pandershme, janë mjete të terroristëve dhe të vagabondëve, të cilët nuk e kanë burrërinë, kapacitetin dhe kurajon ta përballojnë në mënyrë civile çdo kundërshtar, ose të vërtetën.

Së këndejmi, dihet se publicisti Nazmi Lukaj ka marrë kërcënime serioze. Për ta ndalur në punën e tij, kërcënusesit që disa herë e kanë kërcënuar familjen e tij, duke kërkuar prej saj që ta ndalë Nazmiun që të mos shkruajë tema kundër kriminelëve dhe shërbimeve sekrete, dhe që të mos e përkrahë më LDK-në.

Përndryshe, i kanë thënë, do të pësoni edhe ju, e jo vetëm Nazmiu. Burimi ndërkombëtar për “Pavarësinë” ka thënë se” kërcënuesit e dhunshëm ,që u përpoqën ta frikësojnë dhe ta kërcënojnë Nazmi Lukajn, ndoshta janë duke parapërgatitur kaos dhe trazira gjatë fushatës zgjedhore në Kosovë.” Para dy muajve, dikush telefonoi në shtëpi e më tha: “ A je nëna e Nazmiut?”.

I thashë, po. Më tha:”Më vjen keq që po ta jap këtë lajm, por në Nazmiun sot kanë bërë atentat disa persona, deri sa po kthehej për Prishtinë.

Nazmiu është në gjendje të rëndë dhe gjendet në shok dhomë. Nuk dihet a do të shpëtojë a jo”, thotë nëna e Nazmiut, Shyta.

”Duke menduar se vërtet është lajm i vërtetë, për dy orë kemi qajtur tërë familja. Nuk besonim as kur dr. Adem Hajdaraj (vëllai i deputetit Smajl Hajdarajt të ndjerë, me të cilin publicisti Nazmi Lukaj ka qenë shumë i afërt-plotësim yni)- na tha se “Nazmiu është në Prishtinë shëndosh e mirë”, shton ajo.

“Edhe kur fola me Nazmiun, pas dy orësh, më bëhej se isha në ëndërr”. (Pasi Nazmiu e kishte pasë telefonin të mbyllur, për dy orë familja e tij ka menduar se vërtet në të kanë bërë atentat).

Nazmiut kërcënime të tilla i kanë bërë edhe pas shkrimeve që ka pasur për deputetin Smajl Hajdaraj dhe kolonel Tahir Zemën, me të cilat e ka denoncuar me tërë forcën krimin politik, duke kërkuar nga SHPK-ja dhe Policia e UNMIK-ut që t’i godasë përfundimisht shërbimet sekrete.

Edhe para pak ditësh, pasi është kërcënuar vetë Nazmiu, dikush tjetër ka thirrë në telefon në familjen e tij.

Dhe i ka thënë nënës së tij: ”Thuaji Nazmiut se i ke sekondat e fundit të jetës. Shtrenjtë do t’i kushtojnë shkrimet kundër shërbimeve sekrete dhe përkrahjes që po ia bën LDK-së.

Ose ndikoni te ndjali të ndalet, ose bashkë me të do t’ju vrasim edhe juve të gjithëve”.

Por, që të mos dëmtohen hetimet lidhur më këtë rast, burimi ndërkombëtar ka cekur vetëm ndonjë emër të mundshëm që ka urdhëruar të kërcënohet publicisti Lukaj.

Sipas tij, kërcënuesit janë pjesëtarë të klaneve politiko – kriminale të zonës së Dukagjinit.

A EKZISTOJNË GRUPACIONE APO ORGANIZATA SEKRETE ILEGALE NË KOSOVË, SI SHIK ETJ ?

Në pyetjen se a ka të dhëna se në Kosovë ekzistojnë organizata ilegale sekrete, sikurse SHIK-u i Kosovës, zyrtari hetues tha se në çdo vend ekziston rrjeti i krimit të organizuar.

Ai është e përfshirë në të gjitha llojet e aktiviteteve kriminale, si në prostitucion, pornografi, trafikimin e drogës, reket, trafikim armësh, falsifikime etj.

Do të ishte mirë që Kosova të ishte e çliruar nga këto dukuri, por nuk është kështu.

Në Kosovë ekzistojnë organizata kriminale me sistem mjaft të organizuar, dhe kjo për shkak se nuk janë formuar njësitë speciale për t’i luftuar këto lloje të krimeve-ka thënë ai.

“Ju më pyesni se a ekzistojnë organizata sekrete, sikurse shërbimet sekrete të huaja, të cilat punojnë në Kosovë për ta destabilizuar këtë?

Nëse ne hetuesit do t’i njihnim këto organizata, do t’i shkatërronim dhe do t’i arrestonim agjentët e tyre.

Ne nuk do të tolerojmë organizata sekrete, të cilat punojnë kundër popullit të Kosovës, dhe të cilat i sfidojnë autoritet e ligjëvenëse”, ka shtuar zyrtari në fjalë.

ORGANET HETIMORE DUHET TË NDËRMARRIN NJË LUFTË MË TË ASHPËR KUNDËR GRUPACIONEVE SEKRETE

Nga ana tjetër për opinionin publik të Kosovës ende mbetet mister se kush mund të jenë kokat e krimit që po planifikojnë kërcnime ose vrasje të reja?!!!

Kush janë ata që po përpiqen t’i përgjakin qytetarët e Kosovës, e cilët janë përgjegjësit e kërcënimeve?

Kërcënimet dhe vrasjeve politike të mëparshme, që ndodhën në Kosovë, kishin të bënin me mardhëniet e njërit kah politik (LDK-së etj.) dhe tjetrit (PDK,AAK, etj), mes individëve rivalë, figura politike, dhe të cilët me veprime të ndryshme individuale po përpiqen të krijojnë efekte të ndryshme politike, me përfundimet që vetë këta individë mendojnë t’i arrijnë.

Një gjë e tillë po dëshmohet edhe këto ditë, kur tashmë në sipërfaqe kanë dalë publikisht kërcnimet ndaj publicistit Nazmi Lukaj, ose ato të mëprashme ndaj figurave politike të LDK-së.

Në periudhën e pasluftës në Kosovë, janë krijuar grupacione sekrete, siç SHIK-u i Kosovës dhe grupacione të tjera, të ngjajshme. Këto grupacione ishin ose vazhdojnë të jenë pjesëtarë- njerëz të prapë, të gatshëm për të kurdisur kudo komplote dhe për të jetuar vazhdimisht ata vetë në mes të këtyre komploteve.

Në shumë raste është dëshmuar se këto grupacione sigurimcash kanë marrë rolet e hetuesve, të agjentëve, të komandantit dhe xhelatit, dhe janë njerëz pa miq dhe shpesh edhe pa farefis.

Në pjesën më të madhe pa profesion, pa edukatë dhe mjeshtër për të kryer survejime dhe vrasje.

Aktualisht në Kosovë, megjithse të shpartalluara, aty këtu, në qetësi vazhdojnë dyluftimet në mes të këtyre grupacioneve dhe autoriteteve ligjëvënëse.

Kërcënimet bërë këtyre ditëve publicistit Nazmi Lukaj, ose edhe ndonjërit prej anëtarëve të LDK-së, është edhe një fakt se këto grupacione sekrete po përpiqen ta shuajnë rezistencën e rivalëve partiakë të tyre.

Vetëm një reagim efikas i KFOR-it, Policisë së UNMIK-ut dhe të SHPK-së do ta parandalojë rrezikun për krime të reja.

Andaj organet gjyqësore-hetimore dhe ndëshkimore duhet ta ndërmarrin një luftë më të ashpër, në shkallë të gjërë, kundër anëtarëve të grupacioneve në fjalë, për të zotëruar përfundimisht qetësia në vend dhe për t’i parandaluar vrasjet e reja me motive politike.

Pavaresia

[rapsodi]

Cfarë lidhje ka me zgjedhjet kercnimi që i bëhet një gazetari!! A nuk janë gazetarët personalitete mbi partiake???

Në artikullin e postuar nga i nderuari Arb nuk thuhet asnjë fjalë se kercnimet ndaj gazetarit Lukaj dhe familjes se tij , janë të nderlidhura me zgjedhjet në Kosovë.

Në cdo shoqëri ku demokracia është e brishtë, ekzistojnë grupe interesash që i pengon ecja përpara e proceseve demokratike. Gazetarët duhet të rreshtohen në rreshtat pararojë të ecjes drejt një shoqërie demokratike duke u vënë në pozita mbipartiake, e jo të trumpetojnë për një forcë të vetme politike.

tung

[Brari]

rapsod..

gazetari ka te drejte te "trumpetoje" ndac per partite ndac per mbi partite..
Ne rastin e nazmi Lukes nuk eshte ceshtja se per ke "trumpeton" gazetari por se dikush ne Kosove "trumpeton" jo me pende por me kallash..

ketu duheshe te ndaleshe ti Rapsod.. ne postimin tend te pare ne Forum..
Mirpo ti per fat te mire ( fat i mire se zbulove llojin tend) e kalove kryetemen e ceshtjes..pra Kercenimet per likujdime e Vrasjet mbas shpine.. e kerceve ne tela ciftelie vallen e cinikut.. te atij qe Jeta e Njeriut nuk i ben pershtypje..
Pra ti rapsod qe ne postim te pare u rreshtove ne krah te Kercenues-kallashave..

Nazmi Lukaj eshte HERO i Dites ne Kosove sepse Ai lufton me pende per triumfin e Asaj DEmokracie te Brishte qe doni ta mbysni ju soji i Krimineleve..

I urojme jet te gjate guximtarit e gazetarit demokrat nazmi Lukes dhe familjes se tije e urojme kapje te shpejte e denim shembullor te bandave te PDK-AAK-se e sorrollopit tjeter enverist..

...

[Arb]

Kryetari Rugova ka bërë thirrje për fushatë të qetë dhe në frymë tolerante Zgjedhjet 2004

Në ditën e parë të fushatës elektorale kryetari i Kosovës, Ibrahim Rugova ka bërë thirrje për fushatë të qetë dhe në frymë tolerante.

Hapja e fushatës zgjedhore është momet me rëndësi për Kosovën. Zgjedhjet do ta forcojnë rendin demokratik në Kosovë.

Janë të rëndësishme për njohjen e pavarësisë së Kosovës, për zhvillimin ekonomik dhe krijimin e të mirave për të gjithë qytetarët dhe për integrim në BE, NATO dhe miqësi me SHBA-të.

Jam i bindur se ne të gjithë do të angazhohemi për zgjedhje të qeta, të lira dhe demokratike e fer, sepse Kosova e ka dëshmuar këtë në zgjedhjet e mëparshme.

Duke patur parasysh rëndësinë e tyre ju bëjë apel të gjithëve të votoni sipas dëshirës, bindjes dhe vullnetit tuaj qytetar”.

RTK

[Doktorr Sakica]

rronfte rugove, gjithmone ka fitu dhe do te fiton a doni me dite pse... se kurr ne jete nuk ka sha ndonje nga partit tjera vetem e ka kqyren punen e ti dhe te kosoves dhe per ata shqiptaret e duan rugoven. keshtu eshte burri fjal pak e pune shume, jo si grat e kqia duke e mush gojen m*t, shaj ata e shaj k´ta

[Arb]

Edhe kjo është fushatë parazgjedhore!

Skënderaj, 18 tetor - Dje rreth orës 2. 2O të mëngjesit është sulmuar me breshëri plumbash selia e Degës së LDK-së në Skënderaj, e cila është sulmuar nga ana e përparme e saj.

Në bazë të sasisë së plumbave të shkrepur që dëshmonin gëzhojat e gjetura në vendin e ngjarjes dyshohet se në sulm kanë qenë të përfshirë dy ose më shumë persona.

Njësiti i hetuesisë nga policia rajonale në Mitrovicë ka dalë në vendin e ngjarjes ka bërë incizimin e zyrës dhe terrenit përreth si dhe ka mbledhur gëzhojat e plumbave.

Si pasojë e këtij sulmi janë dëmtuar xhamat e zyrave dhe një kompjuteri i kësaj zyre. Ky akt kriminal ka shqetësuar pa masë qytetarët e kësaj komune.

Kjo është hera e dytë që sulmohet kjo zyrë pasi që një sulm i ngjashëm ka ndodhur edhe para zgjedhjeve të kaluara.

Po ashtu po në atë kohë dje në mëngjes është sulmuar shtëpia e Brahim Rrecit, anëtar i Kryesisë së kësaj Dege ku është vendosur fotografia e presidentit Rugova me senatorin Bob Dol, e cila po ashtu është shpuar me 46 plumba.

Kosovaret

[Labeati]

Une mbase po nderhyj pa vend se nuk jam prej Kosove, por njilloj edhe ne zgjedhjet qe bahen ne Shqipni jane klane e grupe trafikantesh qe duke mos pase besimin e popullit mundohet te imponohen me dhune (ne Shqipni edhe me korrupsion e blerje komisioneresh).

Meqe ne Kosove prezenca e UNMIK e zvogelon korrupsionin zgjedhor, i jane kthyer mikut te perhershem (kallashit).

Keto funderrina kriminele te pa-afte me prodhue ide e zgjidhje, per interesa private, rrezikojne fatin e gjithe vendit si ne Kosove apo ne Shqipni, duke na paraqite para botes si te pacivilizuem, te pa-afte me ba zgjedhje e shtet normal.

Me kete soj tarafit na rreshtohena me Afganistanin. Fatkeqesi e madhe per kombin po te vijne ne pushtet keta kriminela pa atdhe.

Uroj qe Kosoves te mos i vijne per hise shoku i Nano hajdutit (qe shkon ne buzuqet e Athines diten kur u varrosen 15 femijet, apo ne pishinat e Stambollit kur mbyten gomonet me emigranta), po as shoku i Berishes qe e ka mendjen te dekoratat e medaljet e nen hunden e tij vidhen paret e shqiptareve e shkatrrohet vendi.

Rugova ndoshta nuk ka shume ne dore, po ka fituar respektin e politikaneve te botes jo me servilizem e as e ka frike kush, por se eshte intelektual, ka horizont, i thjeshte, e don popullin e vet dhe nuk perdor dhune (e cila bjen prap dhune).

[Llapi]

Po de "sigurimcat" e rugoves u munduan tua mveshin ket "sulum"partive kundershtare por nuk ju shit ama bash hiq dhe me ket ldk-ja veq se tregoi se eshte para kapitulimi dhe veshtir se do te pranon humbjen qe do te psoi me 23 tetor.

[Arb]

Une mbase po nderhyj pa vend se nuk jam prej Kosove, por njilloj edhe ne zgjedhjet qe bahen ne Shqipni jane klane e grupe trafikantesh qe duke mos pase besimin e popullit mundohet te imponohen me dhune (ne Shqipni edhe me korrupsion e blerje komisioneresh)............

I nderuar Labeat,

Mbase nuk kam pasur rastin te lexoj asnje nga ato 279 mesazhe te postuara ne Forum, por ky mesazh qe sapo lexova nga ju, me bindi se keni nje ze te drejte dhe te paster kombetar.

Ju lumte per kete mesazh te shkurter qe ka te bej me Fushaten Paraelektorale ne Kosove.

[Arb]

Po de "sigurimcat" e rugoves u munduan tua mveshin ket "sulum"partive kundershtare por nuk ju shit ama bash hiq dhe me ket ldk-ja veq se tregoi se eshte para kapitulimi dhe veshtir se do te pranon humbjen qe do te psoi me 23 tetor.

Llap, i bindur edhe te ne humbjen e LDK-se.

Mbaje veten o Burre deri ne fillim te javes tjeter, kur edhe mesojme per rrezulltatin perfundimtar te ketyre zgjedhjeve.