A po i përgaditet Sudanit fati i Irakut?

[altin55]

A po i përgaditet Sudanit fati i Irakut?

Si duket Sh.B.A.-të kanë marrë vendim për coptimin e Sudanit, denimin e tij për shkak të refuzimit të hegjemonisë amerikano-izraelite mbi rajonin, strehimi i disa organizatave islamike militante që ishin opozitë e qeverive të vendeve të tyre. Andaj deklarata e Pauellit, i cili është ministër i punëve të jashtme të Amerikës, ku ai akuzon qeverinë Sudaneze dhe paramilitarët arab se janë duke bërë gjenocid në Darfur është hap i parë drejt realizimit të këtij vendimi.

Skenari amerikan i cili ishte si hyrje në okupimin e Irakut dhe futja në kaos të gjakderdhjes, në të cilin jeton tani, zbatohet tani edhe në Sudan. Vendimi i akuzës është marrë, kurse këshilli i sigurimit ka marrë vendim fillestar për akuzë kundrejt qeverisë sudaneze, kurse hapi i ardhshëm është denimet ekonomike, bllokada ajrore, e vijon pjesa tjetër e njohur e tregimit.


Administrata amerikane dëshiron që Darfurin ta shndërron në Kurdistan të Sudanit, ta nxjer nga çadra zyrtare sudaneze, duke i krijuar autonomi të veçantë, me preteks të mbrojtjes së banirëve të Darfurit nga paramilitarët arab dhe helikopterët sudanez, të cilat i paskan sulmuar rebelët e Darfurit nga qielli. Kjo mënyrë është e provuar dhe suksesi i garantuar, domethënë shndërrimi i Darfurit në rajon ku ndalohen fluturimet ajrore, u ndalohet rreptësisht aeroplanëve sudanez ti afrohen këtij rajonit, mu ashtu si ndodhi në veriun dhe jugun e Irakut, normalisht se duke e zgjëruar këtë rajon, që të kaplojë edhe rajone tjera të Sudanit, ndoshta edhe tërë Sudanin.


Këtu shohim një mllef të qartë kundër arabëve fillimisht e pastaj edhe kundër muslimanëve. Ajo që na e tërhjek vëmendjen është koncentrimi i perendimit kundër arabëve. A nuk u vërejtë përqëndrimi i vëmendjes në praninë e teroristëve arab në kidnapimin e fëmijëve dhe vrasjen e tyre ne Buslan, pastaj bashkëpunimi i shpejt mes Rusisë dhe Izraelit në luftën kundër terorizmit arabo-islamik?!


A është i rastësishëm dallimi i qëllimt mes banorëve arab dhe joarab të Darfurit edhe pse të gjith janë musliman, me një ngjyrë, formë, dukje, varfëri, vuajtje dhe padrejtësi të qeverisë qendrore?!


Ai që përcjell përqëndrimin e Sh.B.A.-ve, Britanisë, shteteve perendimore tjera mbi "gjenocidin" arab në Darfur dhe paramilitarëve të qeverisë arabe, i shkon ndërmend se Xhanxhevidët janë sykaltër dhe të bardhë, të cilët i vrasin afrikanët e zi. Unë e sfidoj secilin amerikan ose britanez që të bëjë dallimin mes një banor të Darfurit që është arab dhe një që është afrikan. Të gjith janë arab, të gjith janë afrikan dhe të gjith janë musliman.


Po ka shkelje të të drejtave të njeriut në Darfur, krime neveritëse që kanë ndodhur me dije të qeverisë dhe tolerim prej tyre, ashtu sikurse ka edhe rebelim kundër hegjemonisë së qeverisë qëndrore dhe padrejtësisë së saj, që është rebelim i ligjshëm, sepse kërkon drejtësi për banorët e Darfurit dhe marrje e të drejtave për participim në qeverisje dhe hisen e tyre në zhvillim.


Qeveria e shpëtimit i ngrëni fëmijët e vet, dështoi në bashkëpunimin me veriorët, që ishte baza përkrahëse kryesore, e larguan liderin shpirtëror dhe e futën në burg, si ka mundësi që të veprojë më mirë me banorët e Darfurit?!


Problemi ynë me këta pushtete arabe diktatoriale dhe të paafta është se ata bëjnë çmendurinash, i shkelin të drejtat e njerëzve, japin pasqyrë të keqe për arabët dhe muslimanët, i vëndojnë në ballafaqim me perendimin, e pastaj kërkojnë prej nesh, si arab që të jemi në krahun e tyre, sepse Amerika i ka armiq dhe dëshiron ti ndajë dhe ti okupon.


Pse këto qeveri nuk i respektojnë të drejtat qytetare, të sillen me qytetarët me drejtësi dhe barazi, ta ndalin krimin dhe të koruptuarit, ti referohet dialogut për të eliminuar mosmarveshjet me hasmit e tyre, e jo të përdorë armë, aeroplan dhe vrasje?!


Amerika e ka në shënjestër Sudanin edhe secilin shtet arab që nuk ecë plotësisht në karavanin e tij, të cilin nuk e qeverisin bashkëpunëtorët e tij, mirëpo a nuk është e drejta ynë që të kërkojmë nga qeveritë e shteteve arabe të vënduara në shënjestër që të sillen si qeveri me përgjegjësi për sjelljen dhe raportin e tyre me qytetarët e vet, që të qëndrojmë edhe ne në krah me ta dhe të qëndrojnë edhe qytetarët e tyre me ta kundër Amerikës?!


E humbën Palestinën dhe i duartrokasim rezistencës, e humbëm Irakun dhe e lavdërojmë rezistencën irakiane, vallë a duhet ta humbim edhe Sirinë dhe Sudanin dhe ta ngushëllojmë vehten me ekzisitmin e rezistencës që përballon okupimin e këtyre dy vendeve!


Skenari Amerikan në Sudan është i trishtueshëm, e nëse arrin sukses do ta shndërron në një vend të dështuar siç është Iraku, Afganistani, ku do të dominon kaosi gjakderdhës. Amerika ku ka hyrë ka shkatërruar. Shtetet e dështuara nuk e dëmtojnë vetëm veten, por edhe shtetet fqinjë. Andaj rrënimi i Sudanit dhe shndërrimi në kaos, dhunë dhe teror domethënë kalimi i këtyre cilësive katastrofale në nëntë shtete përreth, në kokë të të cilëve është Egjypti, ku kryetari dhe qeveria e tij janë në një gjum të këndshëm, sikurse zjari të jetë larg bishtit të rrobave të gjëra egjyptijane.


Shtetet perendimore, sidomos Franca, Gjermania dhe Britania duhet të ndërhynë për ti dhënë fund kësaj ngutjeje amerikane. Kombet e bashkuara duhet të jenë referencë dhe të sillen me këtë dosje pa presion, duke themeluar komision i cili do të mbledh informatat në mënyr ëtë paanshme, për të njohur realitetin e asaj çka ndodh atje, e që pastaj të mer vendim në frymë të rezultateve në të cilat kanë arritur, kurse ne si arab dhe musliman ta respektojmë këtë vendim.


Ndoshta kjo që ndodh në Darfur dhe reagimet ndërkombëtare ia hapin sytë pushteteve totalitare arabe që të marin mësim, sepse koha e shtypjes së qytetarit, ose dallimit mes qytetarit të klasës së parë dhe atij të klasës së dhjetë, ose të familjeve pushtetare dhe të afërm dhe qytetarit të thjeshtë, ka ikur pa kthim.


Ka mbetur të themi se Amerika është shteti i fundit që meriton të flet për gjenocid, sepse ata këtë e bëjnë për çdo dit në Irak, okupon shtete, trishton njerëz duke mos respektuar asnjë ligj ndërkombëtar, ai është shumë më i keq se qeveria e Sudanit, për rëzimin e të cilit është duke planifikuar.