NGA EUROT E SURROIT TE MALI I RUGOVES
Politikanët kosovarë: Po, ne jemi miliarderë
Politikanët e Kosovës pohojnë se janë milionerë. Procesi i deklarimit të pasurisë, i kryer pak javë para zgjedhjeve parlamentare të 23 tetorit në Kosovë, ka diferencuar si më të pasurin Veton Surroin, e ndër më të varfrit kryeministrin Bajram Rexhepi.
LAJMI
Presidenti, kryeministri e politikanët, të gjithë janë më të varfër se ai. Plot 40 milionë euro është pasuria e analistit kosovar Veton Surroi, e shpërndarë në biznese, prona dhe shtëpi. Përkthyer në lekë del që Surroi të ketë mbi 5 miliardë lekë pasuri. Miliarderë duket se janë edhe politikanët e tjerë kosovarë. Deklarimi i pasurisë, i organizuar nga KQZ-ja dhe OSBE-ja nën presionin e UNMIK-ut, e ka detyruar atë, ashtu si dhe politikanët e tjerë kosovarë, të pohojë se është vërtet milioner. Tepër transparent, lideri i partisë së re kosovare "Ora" ka deklaruar se pasuria shumëmilionëshe i vjen nga kompania mediatike "Koha", shtypshkronja, si dhe pronat e trashëguara e ato të blera në Prishtinë.
Pasuria
Më i pasuri mes politikanëve kosovarë ndiqet nga kryetari i Aleancës për Ardhmërinë e Kosovës, Ramush Haradinaj, me rreth 2.2 milionë euro, si dhe ish-kryeministri dhe kryetari i Partisë së Re të Kosovës, Bujar Bukoshi, me një milion euro. Haradinaj ka pohuar se ka një vilë superluksoze në Prishtinë, ndërsa Bukoshi ka deklaruar se pjesa më e madhe e pasurisë vjen nga bizneset e tij. Ndërsa më i varfri mes politikanëve rezulton të jetë pikërisht kryeministri Bajram Rexhepi, me një shtëpi në Mitrovicë që vlen 150 mijë euro, dhe një apartament në Prishtinë, që nuk kushton më shumë se 30 mijë euro. Më i pasur se Rexhepi është kryeparlamentari i Kosovës Nexhat Daci, i quajtur ndryshe edhe "pasaniku i botës akademike". Me 466 mijë euro pasuri, të vënë kryesisht nga bizneset, por edhe pagat e pronat e familjes, Daci renditet i katërti në listën e më të pasurve.
Vila e Rugovës
Presidenti i Kosovës Ibrahim Rugova zë vetëm vendin e pestë në listën e më të pasurve. Financat e tij arrijnë në 403 mijë euro, kryesisht shtëpi, apartamente dhe prona në vendlindjen e tij, Istog. Presidenti i Kosovës ka deklaruar se është pronar, madje edhe i një mali në Istog, por ka fshehur nga deklarimi i pasurisë shtëpinë e tij luksoze në Prishtinë. Vila pesëkatëshe në lagjen e pasur Velanie nuk figuron në asnjë prej formularëve të deklarimit të pasurisë së nënshkruar nga Rugova. Vetë presidenti nuk ka dhënë asnjë hollësi lidhur me mospërfshirjen në formular të vilës që prej tij përdoret si rezidencë presidenciale, edhe pse ajo nuk është pronë e shtetit.
Shqipëri 2100 USD, Kosovë 800 USD
Shifrat e bëra publike venë në dukje një diferencë të theksuar në nivelin e të ardhurave për frymë të popullsisë. Një numër i madh veprimtarish ekonomike në Kosovë kanë mbetur të mbyllura prej vitesh. Pensionistët që nga viti 1999 nuk marrin asnjë të ardhur, duke qenë se Beogradi refuzon të bëjë pagesat e tyre, ndërsa UNMIK-u mohon detyrimin e tij në këtë çështje. Pavarësisht nga pagat prej 200-300 eurosh në sektorin shtetëror, FMN në raportin e vet më të fundit llogarit rreth 800 dollarë amerikanë shifrën e të ardhurave mesatarisht për frymë të popullsisë në vit. Ndërkohë, Qeveria shqiptare deklaron një nivel të pritshëm prej 2.000-2.100 USD/frymë për të ardhurat mesatare në vendin tonë për vitin në vazhdim
----------------------------------
E ne anen tjeter te medaljes eshte:
47 % të kosovarëve jetojnë me më pak se 2$ në ditë, sipas UNDP-së
15:50 ET PRISHTINË (KosovaLive) – Programi për Zhvillim i Kombeve të Bashkuara (UNDP) në Kosovë publikoi të enjten “Raportin mbi Zhvillimin Njerëzor në Kosovë”, përmes të cilit jepen analiza dhe rekomandime për përmirësimin e kushteve të jetesës së kosovarëve dhe mundësitë për zhvillim.
Përgjigju Duke Cituar
Postuar më parë nga StormAngel
Krijoni Kontakt