Riçard Hollbruk deklaron: Kosova mund te mbijetoje e pavarur

[StormAngel]

Aksioni i nenshkrimeve per pavaresine e Kosoves: Nenshkrimet – vullnet i popullit

Partite dhe qytetaret shqiptare mendojne se nenshkrimet do ta pershpejtojne procesin e pavaresise,ndersa partite maqedonase thone se iniciativat e ketilla duhet te trajtohen haptazi qe mos te paraqiten frustracione ne relacionet nderetnike
.
Fushata per mbledhjen e nenshkrimeve per pavaresine e Kosoves e prire nga Liga Qytetare shqiptare-amerikane po vazhdon ne te gjitha mjediset ne Maqedoni te banuara me shqiptare. Sipas organizatoreve, kjo iniciative qytetare do te vazhdoje edhe ne viset te banuara me joshqiptare per t’i binde ata qe t’i bashkangjiten ketij aksioni per zgjidhjen sa ma te shpejte te statusit perfundimtar te Kosoves. Ne kete drejtim tani me ekipe te aktivisteve jane shperndare dhe me sukses po grumbullojne nenshkrime.



Reagimet e politikaneve ne lidhje me kete aksion jane paksa te matura, pa dallim a jane te pozites apo te opozites, ose cilit kampus politik i perkasin ata.

Per nenkryetarin e Parlamentit te Maqedonise, Hisni Shaqirin, ceshtjen e pavaresise se Kosoves ne supet e veta do ta bartin strukturat udheheqese qe do te dalin nga zgjedhjet e lira parlamentare te 23 tetorit, dhe e gjithe kjo sipas tij ka mare fund, ngase Kosova ka derdhe mjaft gjak dhe fale Ushtrise Clirimtare e cila objektiven e vet te luftes e ka kanalizuar ne drejtim te pavaresise se Kosoves. Kur eshte ne pyetje aksioni i mbledhjes se nenshkrimeve, nenkryetari i Parlamentit eshte i mendimit se kjo iniciative eshte per t’u pershendetur, ngase sipas tij, cdo iniciative qe eshte ne funksion te pershpejtimit te zgjidhjes se statusit perfundimtar te Kosoves duhet te pershendetet. Ai shton se lufta e kosovareve kunder makinerise soldateske te Millosheviqit ka qene dhe eshte vendimtare per pavaresine e Kosoves, sepse thekson Shaqiri, askush nuk mund te jetoje me iluzione se Kosova mund t’i kthehet Serbise, kurse format tjera, jane nje lloj solidarizimi me Kosoven.



Stojan Andovi, deputet nga radhet e liberaleve, grumbullimin e nenshkrimeve per zgjidhjen perfundimtare te statusit te Kosoves e vlereson si nje iniciative qytetare qe kudo mund te haset, nderkaq rreth statusit te Kosoves, ai eshte i mendimit se kjo ceshtje do te zgjidhet ne Keshillin e Sigurmit te OKB-se.



Tito Petkovski mendon se ceshtjet qe prekin ne relacionet nderetnike sic eshte kjo iniciative ndikojne tek njerezit tane qe te kete shume frustrime, andaj ai vlereson se per keto probleme duhet te bisedohet haptas, cdo iniciative qytetare te sqarohet qe njerezit ta kuptojne qellimin e te mos ngrejne emocionet dhe poqese kjo arrihet te sqarohet, Petkovski thote se njerezit nuk duhet ta kundershtojne iniciativen ne fjale.



Tetove: Disa mije qytetare kane vene nenshkrimet


Iniciativa e Liges Qytetare Shqiptaro-Amerikane, eshte mirepritur edhe ne Tetove. Punktet kane vepruar ne vendet me te frekuentuara te qytetit, sic jane qendra e qytetit, lokalet e dy universiteteve, lokalet e Shoqates se ish te Burgosurve Politike Shqiptare etj. Eshte i madh edhe numri i atyre qytetareve qe drejtohen ne mjetet e informacionit publik te karakterit lokal, duke pyetur se ku mund ta vene firmen e tyre. Ne lokalet e Shoqates se ish te Burgosurve Politike Shqiptare, ka kujdestari te perhershme nga ora 10-13, ku sigurohen materiale dhe informata te duhura dhe aty edhe mund te nenshkruhen qytetaret, ndersa aktivistet e angazhuar ne terren, i njohtojne qytetaret me qellimin e fushates “TANI”, qe eshte duke u zhivilluar paralelisht edhe ne shtetet fqinje. Sta qe duan ta japin nenshkrimin, kete mund ta bejne edhe ne adresen e internetit www.aacl.com. Interesim i vecante eshte manifestuar ne fshatrat me te medhenj te komunes se Tetoves dhe ne ato rurale.



Aksioni zhvillohet vullnetarisht nga aktiviste te disa shoqatave qe e firmosen solemnisht fillimin e fushates “TANI” per pavaresine e Kosoves, ku pos te tjereve, u gjend dhe vula e PDK-se, e vetmja parti qe e perkrahu publikisht iniciativen e Liges Qytetare Shqiptaro-Amerikane ne perkrahjen e Rezolutes 28 qe ka te beje me krijimin e rrethanave nderkombetare per pavaresine e Kosoves.


Sipas informatave qe dje na i dhane te autorizuarit e kesaj fushate nga Liga Amerikano-Shqiptare, Xhelil Bajrami dhe Arben Llalla, fushata eshte duke u zhvilluar me sukses ne te gjitha viset ku jetojne shqitaret, sidomos ne Tetove, Shkup, Diber, Kercove, Gostivar etj., te gjithe e kane pranuar si nje aksion te vetin dhe organizatoret priten me admirim nga popullata. Deri dje jane siguruar disa mijera nenshkrime. Faza e dyte do te zhivillohet ''shtepi ne shtepi''. Nje angazhim te vecante dhe kontribut jane duke dhene anetaret e Shoqates te
Burgosurve dhe te Demtuareve Politike Shqiptare ne Maqedoni (selia te cileve eshte shnderruar ne qender te Fushates), si dhe Shoqata Gjenerata e Re e Shqiptareve ne Maqedoni. Probleme nuk ka pasur askund edhepse ne shtypin e perditshem maqedonas, ate te gazetave dhe elektronike, ka pasur pronocime negative. Jane evidentuar nenshkrime edhe te turqve, romeve dhe maqedonasve.



Kecove: Kosova e pavarur – stabilitet afagjate



Fushata nderkombetare per mbledhjen e nenshkrimeve per pavaresine e Kosoves me sukses po realizohet edhe ne Kercove.Qindra qytetare kercovare brenda dites nenshkruan peticionin me te cilin kerkohet pavaresia e Kosoves .



Koordinatorja e peticionit ne Kercove, Laura Arifi thote se eshte nje kenaqesi e madhe qe te jesh ne krye te nje trupi punues ku deshira e qytetareve eshte shume e madhe qe sa me pare ta nenshkruajne peticionin qe e organizon Liga shqiptaro-amerikane. Peticionin e kane nenshkruar edhe disa maqedonas si dhe disa qytetare te komunitetit turk.” Qytetaret e Kercoves e pershendesin aksionin dhe ne vazhdim japin disa nga pershtypjet e tyre.



Lulzim Limani – agjent “Po, e kam nenshkruar peticionin dhe mendoj se pavaresia e Kosoves eshte mire per ne shqiptaret dhe per te gjithe popujt qe jetojne ne kete pjese te botes. Kerkohet perkrahje jo vetem nga ne por edhe nga etnitetet tjera, ngase pavareia e Kosoves eshte nje shtylle per nje stabilitet afatgjate. Mbeshtetja kesaj fushate, do te thote te japesh kontribut per stabilitetin e Ballkanit, per nje ardhmeri me te sigurt dhe per paqe.



Zyfer Rrushaj – jurist i diplomuar: “Te gjithe i japim perkrahje iniciatives se Liges shqiptaro –amerikane per shpalljen e Kosoves nje shtet i pavarur dhe demokratik. Le te jete kjo nje nxitje plus per faktorin nderkombetar per statusin perfundimtar te Kosoves .Te gjithe duam te jetojme ne paqe dhe stabilitet, pavaresia e Kosoves do te kontribuoje per kete.



Jeton Sejdini - “ Te caktosh kufijte nje shteti , do te thote ta nxjerresh ate nga nje zgjedhe e huaj , nga nje okupim diktatorial sic ishte ai serb .Nga mesi i vitit 2005 fillojne bisedimet per statusin perfundimtar te Kosoves. Atehere duhet nje vullnet i mire nga ana e faktoreve nderkombetare qe te shpallim Kosoven nje shtet te pavarur dhe demokratik ku do t’i gezojne te drejtat te gjithe qytetaret, pavaresisht perkatesise etnike.



Te dielen nenshkrimet u mblodhen ne fshatrat e komunes se Zajazit dhe te Osllomese.

Nga:
S.Demiri - E.Shala - D.Dikena

[StormAngel]

Bugajski: Kosova per nje ose dy vjet do te jete e pavarur

"Pa marre parasysh pjesemarrjen e tyre, Kosova, per nje ose dy vjet do te jete e pavarur. Ky eshte drejtimi ne te cilin ecen Kosova", tha Bugajski, njofton "Zeri i Amerikes".

Uashington, 14 tetor - Drejtori i Qendres per Studime Strategjike Nderkombetare ne Uashington, Janush Bugajski mendon se eshte ne interesin e serbeve te Kosoves te marrin pjese ne zgjedhjet e ardhshme ne Kosove.


"Pa marre parasysh pjesemarrjen e tyre, Kosova, per nje ose dy vjet do te jete e pavarur. Ky eshte drejtimi ne te cilin ecen Kosova", tha Bugajski, njofton "Zeri i Amerikes".


Nderkaq duke folur per minoritetet, Bugajski thote se menyra me e mire qe te kycen dhe te realizojne te drejtat e tyre, mes tjerash, eshte pjesemarrja ne zgjedhje, te marrin nje numer vendesh ne parlament dhe ne kete menyre te krijojne ndikimim direkt ne punen e qeverise, sidomos ne sferen e mbrojtjes se te drejtave njerzeore dhe minoritare, ne decentralizim, ne autonomine dhe shume ceshjte te tjera qe kane rendesi thelbesore per serbet e Kosoves.

Marre nga Flaka

[Llapi]

Doris Pak: Zgjidhja e statusit të Kosovës "mund të ishte një pavarësi e mbikqyrur prej BE-së"


Doris Pak, kryesuese e Delegacionit të PE për EJL duke referuar në një konferencë në Berlin


Në intërvistë për DW eurodeputetja Doris Pak pas zgjedhjeve në Kosovë thekson, se ato ishin organizuar në mënyrë të shkëlqyer. Sipas saj, pavarësisht nga bojktoi i serbëve këto zgjedhje ishin të lira dhe korrekte. Pjesëmarrja e ulët ka të bëjë edhe me zhgënjimin vecanërisht të të rinjve për papunësinë dhe gjendjen e vështirë ekonomike, thotë Pak, duke shtuar se këtej e tutje cështja e privatizimit dhe e shtetit ligjor duhet të avancojë më shpejt se deri më sot.

A mund të flitet për zgjedhje të sukseshme, në një kohë që vetëm një në dy kosovarë votoi dhe serbët pothuajse i bojkotuan zgjedhjet?

"Unë besoj, se zgjedhjet ishin organizuar në mënyrë të shkëlqyer, gjë që nuk mund ta them për vende të tjera fqinjë në këtë rajon. Problemi në Kosovë është, se natyrisht që njerëzit janë tmerrësisht të zhgënjyer, pasi vitet e fundit ka ndodhur shumë, madje as që ka mundur të ulet papunësia kuota e së cilës është aktualisht 70%. Të rinjtë në Kosovë, që përbëjnë 70% të popullsisë, pra popullsia nën moshën 35 vjecare, nuk besoj se janë ata që patjetër kanë shkuar të votojnë."

A mund të konsiderohet bojkotimi i zgjedhjeve nga serbët si dështim i idesë për një Kosovë multietnike?

"Së pari, duhet të shohim, që kishim dy lista të serbëve që kandiduan, dhe disa prej tyre u votuan. Ky bojkot u organizua nga jashtë, pra nga Beogradi dhe kisha ortodokse. Unë besoj, megjithatë, se nuk ka përse të mos i vlerësojmë si të lira dhe korrekte këto zgjedhje për shkak të bojkotimit. Aq më tepër që dihet, se serbët në bazë të kushtetutës në cdo rast kanë 10 vend etë garantuara në parlament. Nëse ata duan të bashkëpunojnë, atëherë mund ta bëjnë këtë."

Vitin e ardhshëm dueht të fillojnë bisedimet për statusin e Kosovës. Pozicionet e palëve janë mëse të qarta: shqiptarët duan pavarësinë, ndërsa serbët janë kundër saj. Si mund të jetë zgjidhja e cështjes së Kosovës?

"Do të ishte mirë nëse unë do të mund t´i përgjigjesha kësaj pyetjeje. Por unë di që ky është një problem që i preokupon prej vitesh shqiptarët e Kosovës, të paktën qëkurse unë kam qenë disa herë atje qysh prej vitit 1989. Ne duhet të gjejmë një zgjidhje, e cila t´u ndihmojë serbëve që të ruajnë prestigjin, por ama nga ana tjetër shqiptarët nuk duhet të lihen nën qeverinë serbe. Ketë gjë nuk mund t´ua kërkosh shqiptarëve."

E pra a do të mund të pengohej pavarësia?

"Kjo mund të ishte një pavarësi që të mbikqyrej prej BE-së. Të gjithë tani janë drejt rrugës për në BE, ndaj unë besoj, se ndoshta në një periudhë kalimtare pak a shumë duhet të instalojmë një mbikqyrje të fortë për një Kosovë pak a shumë të pavarur."

Ju thatë që Kosova ka vështirësi ekonomike. Nga ana tjetër dihet që BE-ja në kuadër të administratës ndërkombëtare është angazhuar fuqishëm në këtë sektor, atëherë përse calojnë gjërat dhe cilat janë gabimet e bëra në këtë drejtim?

"Ndoshta i vetmi gabim është fakti që Kosova është një vend pasardhës i ish-Jugosllavisë. Në këtë kuptim cështja e privatizimit është shumë e vështirë. Në një situatë të tillë është pothuajse e pamundur të investosh atje, sepse nuk ke sigurinë nëse ekziston apo kujt i takon prona private. Çështjet e pronësisë mund të zgjidhen vetëm me ndihmën e Beogradit."


Nils Nauman
--------------------------------------------------------------------------------------------------------

Klaus Rajnhard thotë se BE-ja dhe OKB-ja sa më parë duhet të hapin çështjen e pavarësisë së Kosovës

Berlin, 26 tetor - Lidhur me zgjedhjet në Kosovë është prononcuar dje edhe ish-komandanti i KFOR-it Klaus Rajnhard, i cili tha se Bashkimi Evropian dhe OKB-ja sa më parë duhet të hapin çështjen e pavarësisë së Kosovës. Sipas tij, Bashkimi Evropian duhet të angazhohet shumë më fuqishëm në Kosovë, sepse nuk mjafton që shqiptarëve dhe serbëve t'u thuhet vetëm se duhet të ulën së bashku dhe të kërkojnë ndonjë zgjidhje. Rajnhard thotë se ata kanë nevojë për ndihmë nga jashtë dhe kjo ndihmë duhet të vijë nga Bashkimi Evropian, i cili deri më tash është treguar tepër i përmbajtur, ka theksuar gjenerali Rajnhard.

-------------------------------------------------------------------------------------------------------

"Dejli telegraf": Pavarësia duhet të jetë statusi përfundimtar i Kosovës

Londër, 26 tetor - "Dejli telegraf" në një shkrim kushtuar zhvillimeve të fundit në Kosovë dhe zgjedhjeve parlamentare, shkruan se pavarësia duhet të jetë statusi përfundimtar i Kosovës. Bisedimet mbi këtë çështje duhet të realizohen me qëllim që t'i jepet fund gjendjes së pakuptimtë në Kosovë sa më shpejtë që të jetë e mundshme. Sipas kësaj gazete çdo zvarritje në këtë aspekt, konstaton kjo gazetë vetëm sa do të shtojë tensionet ndëretnike në Kosovë.

[Llapi]

Ollbrajt: Nëse fiton Keri, Amerika do të jetë më e pranishme në Ballkan


Uashington, 30 tetor (Kosovapress) Time: 10 : 46

Në rast të fitores së senatorit Keri në zgjedhjet presidenciale të 2 nëntorit, Shtetet e Bashkuara të Amerikës do të jenë më shumë të pranishme në Ballkan, ka deklaruar ish-sekretarja amerikane e Shtetit, Medelin Ollbrajt.

-----------------------------------------------------------------------------------------------------


Fitorja e Kerit do ta përshpejtonte zgjidhjen e statusit të Kosovës


Prishtinë, 31 tetor (Kosovapress) Time: 09 : 10

Në një editorial për të përditshmën kroate “Jutarnji list”, ish-ambasadori amerikan në Zagreb, e më vonë në Beograd, Wiliam Montgomery, shkruan se në rast të fitores së Kerit të martën, administrata e tij do të insisitojë në zgjidhjen më të shpejtë të statusit të Kosovës, e ai status ,sipas të gjitha gjasave, do të jetë pavarësia në kufijtë e sotëm të Kosovës.

[King_Gentius]

Hi forumista,

Politikanet me bindin kur thone se Kosova mund te jete e pavarur. I vetmi problem qe ndoshta shume nuk kane menduar eshte nese Kosova mund te qendroje e pavarur ekonomikisht, sidomos ne periudhen fillimtare. Dikush duhet te pergatise nje report financiar qe te shikojme se sa ndihme i duhet vendit te kaloje periudhen e tranzicionit. Shpresoj Europa dhe SHBA te jape fonde ne kete drejtim.

Peace.

[Llapi]

Tetë opsionet e një plani për Kosovën të Instititutit amerikan të Paqes

Gjenevë, 11 dhjetor - Qendra për Studime Ndërkombëtare me seli në Gjenevë ka publikuar planin për statusin përfundimtar të Kosovës të cilin e ka hartuar Institituti amerikan i Paqes. Ky plan titullohet "Statusi përfundimtar i Kosovës: opsionet dhe kërkesat transkufitare", në të cilin vetëm dy mundësi hidhen poshtë si jorealiste: pavarësia momentale, dhe kthimi i Kosovës nën sovranitetin e Beogradit. Ja tetë opsionet e këtij plani në formë të shkurtuar që i ka botuar një gazetë serbe:
1. Statusi i pakufizuar i protektoratit ndërkombëtar: "UNMIK-u dhe BE vazhdojnë të forcojnë autonominë e Kosovës, por pa qëndrim të qartë për statusin përfundimtar.
2. Kantonizimi, decentralizimi: enklavat serbe kanë pushtetin de fakto, jo edhe de jure. Shqiptarët mund të kërkojnë të njëjtat të drejta në Maqedoni, në jug të Serbisë.
3. Një federatë e brishtë: Beogradit i mbetet sovraniteti nominal, por Kosova funksionon si shtet i pavarur, edhe pse pa karrigën në Kombet e Bashkuara (si Mali i Zi). Shqiptarët nuk do të pranonin të merrnin pjesë në çfarëdo qeverie në Beograd.
4. Komunuelt: Beogradit i mbetet sovraniteti nominal, por Kosova e merr karrigën në OKB. Serbët do të refuzonin anëtarësimin e Kosovës në OKB, ndërkaq shqiptarët sovranitetin nominal.
5. Vendimi në panelin ndërkombëtar për të cilin do të përcaktohej data e saktë: në panel do të përcaktohej statusi përfundimtar i Kosovës për një kohë të caktuar (p.sh. tri vjet). S'ka pavarësi të garantuar. Edhe serbët edhe shqiptarët do të mund ta refuzonin këtë.
6. Pavarësia e kushtëzuar: pa ndryshimin e kufijve Kosova shkon drejt pavarësisë, duke demostruar sundimin demokratik, respektimin e të drejtave të minoriteteve dhe politikë të përgjegjshme në rajon. Garancionet që Kosova nuk do të kthehet nën Beogradin e përcjell kërkesa që Kosova nuk do të tentojë të zgjerojë kufijtë e saj apo të destabiilizojë fqinjët.
7. Pavarësia brenda kufijve ekzistues me njëfarë date: pas periudhës së caktuar me marrëveshje (me siguri tri vjet) Kosova do të bëhej shtet. Serbëve do t'u garantoheshin të drejtat ndërkombëtare dhe vetëqeverisja e gjerë lokale.
8. Pavarësia me ndarje: komunat veriore - Zveçani, Zubinpotoku dhe Leposaviqi, si dhe Mitrovica veriore do të shkonin në Serbi. Komunat e tjera do të konsideroheshin të Kosovës së pavarur. Komunat me shumicë shqiptare në Serbinë jugore do të bëheshin pjesë e Kosovës. Trepça do të shkonte me Serbinë, ndërsa një pjesë e vogël do të mbetej nën kontrollin e shqiptarëve.

[Llapi]

Hashi Thaçi tha se për statusin final nuk duhet të bisedohet me Beogradin, por të respektohet vullneti i popullit të Kosovës



Kryetari i PDK-së, Hashim Thaçi u shpreh për dialog me fqinjët, por kundërshtoi çfarëdo bisedimesh që kanë të bëjnë më statusin politik të Kosovës, duke shtuar se duhet të respektohet vullneti i qytetarëve të këtushëm, për shtet të pavaruar. Ai, këto komente i bëri pas takimit me Fernando Gjentilinin, duke komentuar kërkesën e shefit të UNMIK-ut, për dialog të drejtpërdrejt të Prishtinës dhe Beogradit.

Hashim Thaçi me këtë rast ka shfaqur bindjen se do të ketë një vlerësim pozitiv nga Grupi i Kontaktit lidhur me standardet, por kjo nuk duhet të na krijojë kurfarë vetëkënaqësie sepse duhet edhe më tepër ta rrisim përgjegjësinë tone të angazhimeve institucionale politike e qytetare, në mënyrë që ta kemi një Kosovë demokratike ku çdo qytetar pa dallim të përkatësive etnike, të jetojë i barabartë.

Posted by: Sb Blue Sky & Radio Kosova Staff on Dec 22, 04 | 11:53 am

[Llapi]

Bugajski: Standartet të pamundura për tu përmbushur
Intervistoi Rudina Dervishi
21 dhjetor 2004


Një analist i shquar i çështjeve të Ballkanit thotë se bisedimet me Beogradin nuk do të jenë vendimtare në përcaktimin e statusit përfunditar të Kosovës por nëse Gjykata e Hagës do të ngrerë aktpadi ndaj kryeministrit Ramush Haradinaj, pala serbe do ta përdorë atë si justifikim për të vonuar procesin e negociatava. Eksperti i Qendrës për Studime Ndërkombëtare dhe Strategjike, Janush Bugajski tha se standartet janë të pamundura të përmbushen në kushtet e tanishme dhe se pavarësia e Kosovës është një proces që kërkon angazhim më të madh nga qeveria dhe populli i Kosovës. Me zoti Bugajski bisedoi kolegia Rudina Dervishi.

Zëri i Amerikës: Zoti Bugajski qeveria e Kovosës ka në krye një kryeministër të ri, zotin Ramush Haradinaj ndërkohë që ka patur debate lidhur me emërimin e tij në këtë post. A mendoni se ekziston ndonjë rezik në negociatat me Beogradin, në negociatat e ardhshme?

Janusz Bugajski: Nuk mendoj se bisedimet me Beogradin do të jenë vendimtare në përcaktimin e statusit përfundimtar të Kosovës. Ky vendim duhet të merret nga komuniteti ndërkombëtar. Kemi parë se Beogradi gjithmonë ka përdorur justifikime për të mos zhvilluar bisedime apo për të fajësuar palën shqiptare se nuk po vepron dhe negocion me qëllim të mirë. Por shumica e bisedimeve trajtojnë çështje që nuk janë kryesore për të ardhmen e vendit. Ata do ta përdorin çështjen e Haradinajt, në se ai akuzohet nga Gjykata e Hagës, nuk e dimë në se do të ndodhë një gjë e tillë, për të akuzuar autoritetet kosovare si antiserbe, jo të besueshme dhe jo të ligjshme. Zoti Haradinaj ka vepruar drejt duke bërë deklarata se është i gatshëm për të biseduar me Beogradin por edhe për të përfshirë më shumë pakicat serbe në Kosovë. Përsa i takon çështjes së krimeve të luftës, ajo është vetëm në dorën e Hagës, por përgjigja ime do të ishte në se serbët do të bisedojnë në se duan të bisedojnë dhe në se nuk duan, do të gjejnë një justifikim.

Zëri i Amerikës: Strategjia standarte para statusit, a mendoni se është ende e vlefshme në një kohë që serbët vazhdojnë të bojkotojnë institucionet dhe grupet e punës për zbatimin e standarteve?


Janusz Bugajski: Është problem pa rrugëdalje, pasi nuk mund të përmbushësh standartet pa patur bashkëpunimin të plotë, pikë së pari nga pakica serbe dhe së dyti duke mos patur fuqinë për të implementuar standartet, që qeveria tani për tani nuk e ka. Mendoj se nga tani e deri në verën e vitit të ardhshëm do të ketë një lloj sintetizimi për fushat ku duhet të punohet më shumë dhe për standartet kryesore që duhet të plotësohen. Mbi këtë bazë do të bëhet vlerësimi në verë i përparimit të arritur në Kosovë. Mendoj se është e padrejtë të presësh që një qeveri që nuk ka autoritet të plotë, nuk ka bashkëpunimin e pakicës të realizojë çdo gjë që i është vënë përpara. Mendoj se do të ketë një lloj procesi konsolidimi të fushave kryesore ku duhet të përqëndrohen. Nga ana tjetër gjatë muajve të ardhshëm qeveria duhet të tregojë vullnet të mirë në arritjen e disa objektivave veçanërisht për të drejtat e pakicave.

Zëri i Amerikës: Si do ta këshillonit ju qeverinë e re të Kosovës për tu përballur me këto sfida?

Janusz Bugajski: Do ti këshilloja të ishin shumë të hapur. Të thonë se jemi shumë dakort të plotësojmë këto standarte por të ndalen pikë për pikë në secili standart dhe të thon:; për të realizuar këtë standart na duhen këto kompetenca, ky lloj autoriteti, ky lloj bashkëpunimi dhe kjo shkallë përfshirje e komunitetit ndërkombëtar. Kështu mund të fillojnë të punojnë për ato standarte që mendojnë se mund ti realizojnë gjatë këtyre pak muajve që kanë mbetur pasi disa të tjera do të duan ndoshta më tepër kohë. Qeveria duhet të jetë shumë e ndershme me komunitetin ndërkombëtar për ato çfarë mund të arrijë dhe në të njëjtën kohë të tregojë vullnetin e mirë si ndaj ndërkombëtarëve edhe pakicave se po përpiqet të bëj diçka. Nuk mund ti detyrosh me forcë pakicat të hyjnë në institucione në se nuk pranojnë. Atëherë kjo detyrë mbetet e komunitetit ndërkombëtarë dhe jo e tyrja.

Zëri i Amerikës: Roli i Shteteve të Bashkuara në procesin politik të Kosovës ka qënë sipas mendimit tuaj në nivelin e duhur, a do të presim një rritje të këtij roli vitin e ardhshëm?

Janusz Bugajski: Shtetet e Bashkuara kanë luajtur rol sigurisht por unë do të doja që ato të luajnë një rol më të madh sesa deri tani. Me fjalë të tjera të luajnë një rol më të dukshëm në marrjen e vendimeve për Kosovën. Shumica e popullsisë së Kosovës respekton Shtetet e Bashkuara, vazhdon ta shohë me dyshim Bashkimin Evropian dhe nuk ka edhe aq besim tek Kombet e Bashkuara. Kjo do të thotë se Shtetet e Bashkuara kanë ndikim shumë të madh dhe kapital të madh politik në vend që mund ta përdorin për të zgjidhur çështjen e statusit përfundimtar dhe ta çojë përfundimisht Kosovën në rrugën drejt integrimit në Nato dhe Bashkimin Evropian. Do të presim deri në pranverë për të parë një rol më të madh të Shteteve të Bashkuara. Mendoj se Amerika do të kërkojë të jetë më e përfshirë në proces dhe kjo është një fushë ku mund të arrihen kompromise midis Shteteve të Bashkuara dhe Bashkimit Evropian. Në bisedat me zyrtarët e Bashkimit Evropian dëgjon se ata kërkojnë që Shtetet e Bashkuara të luajnë një rol më të madh dhe jo ti përjashtojnë ato nga procesi.


Zëri i Amerikës: Kosovarët presin me ngut pranverën e vitit 2005. Cilat janë parashikimet tuaja, çfarë do të sjelli 2005sa për Kosovën?

Janusz Bugajski: Unë nuk do të prisja pranverën, pasi lulet nuk çelin po nuk i kultivove. Ata duhet të përgatiten ashtu siç thashë edhe më parë, që kur ndërkombëtarët të fillojnë të vlerësojnë standartet të shohin vendosmërinë dhe vullnetin e mirë të qeverisë për të përmbushur pjesët më të rëndësishme të këtyre standarteve dhe të vazhdojë ti përmbushë ato pas pranverës. Pavarësia e Kosovës nuk do të ndodhë menjëherë. Ky është një proces dhe qeveria dhe populli i Kosovës duhet të përfshihen në këtë proces.

[sdb]

o0o Llapi,

te lutem mos na sjelle materiale te marra nga Interneti (rasti yt www.KosovaPress.com), sepse ketu nuk eshte Blog ore... por eshte Forum! Ku cdo anetar i Forumit shpreh mendimin e tij mbi temen qe eshte hap.

Do qe te jem i sinqerte me ty!? Une persoanlisht nuk i lexoj keto postimet (lexo Artikuj - Copy&Paste) e tua, sepse me lodhen syte!
Kush i lexon keto artikuj (copy&paste), le ta ngrit kemben!?

pershendetje,
sdb

[Llapi]

sdb

Po qysh me paska shkue ftyra ne shoke e posht me ty kokem korit keq qe nuk te paskum vet hiq bre eu.