Riçard Hollbruk deklaron: Kosova mund te mbijetoje e pavarur

[StormAngel]

Kosova duhet të jetë e pavarur

Frankfurt, 13 shtator MIA. – Riçard Hollbruk, këshilltari i kandidatit amerikan për kryetar Xhon Keri, deklaroi se Kosova duhet të jetë e pavarur me arsyetim se krahina “mund të mbijetojë”.

Në intervistën për “Frankfurter allgemajne cajtung”, për ta vërtetuar tezën e tij, Hollbruk deklaroi se shtete të vogla janë edhe Estonija, Malta, Luksemburgu dhe Maqedonia. “Atëherë pse jo edhe Kosova?”, vlerëson Hollbruku.

Ai porositi serbet se duhet “t’i ngritin duart nga Kosova” nëse duan të hynë në Evropë.

“Ata (serbet) duhet të zgjedhin ndërmjet Brukselit dhe Kosovës, sepse nëse edhe më tutje insistojnë dhe duan që ta marrin Kosovën, në fund nuk do ta fitojnë as njërën, as tjetrën, shtoi Hollbruku.

[Shmeki]

Ata veq e kan kuptuarë se nuk ka gjë me prej Kosovës ne tersi...,por po bejn zhurem për t'a coptuarë noj pjesë si Mitrovicën veriore,dhe Kosoven lindore/preshev,bujanovc... ketu o qellimi i tyre

[StormAngel]

Daci: Detyre paresore e perberjes se ardhshme te Kuvendit eshte shpallja e pavaresise

Kryesia e Kuvendit sot eshte takuar ne nje restoran buze liqenit te Batllaves. Anetaret e Kryesise kane percaktuar rendin e dites per senacen e ardhshme te Kuvendit, e cila do te kete me teper karakter solemn, Ne pjesen e pare te saj do te marrin pjese personalitet e jetes politike te vendit dhe te UNMIK-ut. Poashtu u njoftua se Kuvendi do t'u jape medalje.

Prishtine, 15 shtator - Puna kryesore qe duhet te beje Kuvendi i Kosoves ne mandatin e ardhshem eshte shpallja e pavaresise. Po qe se nje gje te tille nuk do ta beje legjislatura e ardhshme, atehere parlamenti nuk ka se pse te ekzistoje. Keshtu u shreh sot kryeparlamentari Nexhat Daci pas nje takimi te Kryesise se Kuvendit te Kosoves.

U vendos qe seanca e ardhshme e Kuvendit te Kosoves te mbahet te shtunen me 19 shtator dhe me teper do te jete seance solemne, nderkaq seanca e fundit do te mbahet me 27 shtator.

Ndryshe Kryesia e Kuvendit sot eshte takuar ne nje restoran buze liqenit te Batllaves. Anetaret e Kryesise kane percaktuar rendin e dites per senacen e ardhshme te Kuvendit, e cila do te kete me teper karakter solemn, Ne pjesen e pare te saj do te marrin pjese personalitet e jetes politike te vendit dhe te UNMIK-ut. Poashtu u njoftua se Kuvendi do t'u jape medalje personaliteteve qe konsiderohen te rendesishem per proceset politike ne Kosove.

Ne pjesen e dyte do te behet vetem shqyrtimi dhe ndoshta edhe miratimi i nje projektligji.

Kryeparlamentari Daci punen e parlamentit e vleresoi relativisht te suekssshem, duke numeruar ligjet qe jane miratuar gjate kesaj ligjislature. Ai tha se Kuvendi ka permbushur objektikvatt qe i ka shtruar ne fillim te punes se tij.

I pyetur nese do te kandidohej perseri ne krye te kuvendit, Daci tha se tani eshte heret te flitet per kete ceshtje, por shtoi se nuk do te kurseje perpjekjet dhe energjine per mbarevajtjen e proceseve qe po zhvillohen ne vendin tone.

[Albo]

Deklarata e Hollbrook eshte teper pozitive per interesat tona kombetare, por sic thote populli, midis te thenes dhe te beres kalon nje lume i tere. Arsyet perse une jam skeptik mbi qendrimin e Hollbrook dhe krahut te majte politik te cilin ai perfaqeson ne politiken amerikane:

1. Hollbrook drejtoi bisedimet per planin e paqes ne Dayton ne 1996 ku iu dha fund luftes ne Bosnje. Nje paqe qe edhe sipas vete Hollbrook nuk e ka zgjidhur plotesisht konfliktin, vetem e ka shuar ate. Trupat paqeruajtese te NATO jane ende ne Bosnje.

2. Hollbrook eshte njeri prej keshilltareve kryesore te kandidatit per president, senatorit Xhon Kerry, ku ky i fundit po ben fushate ne SHBA per nje "politike ndryshe nga ajo e Bush" qe angazhon me shume aleatet evropiane dhe nuk u jep urdhra atyre. Angazhimi me i madh i aleateve evropiane ne Irak do te thote nje angazhim me te madh te aleateve edhe ne Ballkan. Per shtete si Franca qe sponsorizoi krijimin e Jugosllavise ti ndezesh driten jeshile ne Ballkan do te thote te minosh interesat tona kombetare. Francezet e kane bere te qarte qe ata nuk besojne ne nje Kosove te pavarur dhe se faktori shqiptar eshte faktor stabiliteti ne rajon. Kete e deshmuan me se miri me diktatin e BE ndaj Malit te Zi dhe krijimin e mini-Jugosllavise se re, ne unionin Serbi-Mali i Zi.

3. Hollbrook beson se Kosova e pavarur mund te mbijetoje, por nuk beson se Iraku mund te mbijetoje dhe objektivi i demokratizimit te Irakut eshte politike e drejte dhe realiste per amerikanet. Hollbrook ne kete pike eshte ne nje linje me Shirak dhe Shroder: demokracia dhe nje shoqeri e lire nuk mund te zerre rrenje ne nje shoqeri islamike. Edhe Kosova ka nje popullsi 90% muslimane, mos valle edhe shqiptaret nuk jane te zote te ndertojne nje shtet demokratik?! Pergjigjia eshte "mundet te mbijetojne".

Eshte e veshtire ne kete kohe fushate elektorale te besh dallimin midis retorikes elektorale dhe premtimeve te sinqerta. Por nje gje eshte pozitive, edhe pse te majtet ndjekin nje politike te jashtme paqetuese ne mbrojtje te status-quo dhe aspak agresive, ne rastin e Kosoves ata ndjejne nje pergjegjesi historike personale. Allbright, Hollbrook dhe Klinton duan te shohin deri ne fund ate qe ata nisen.

Albo

[Labeati]

Eshte e veshtire ne kete kohe fushate elektorale te besh dallimin midis retorikes elektorale dhe premtimeve te sinqerta. Por nje gje eshte pozitive, edhe pse te majtet ndjekin nje politike te jashtme paqetuese ne mbrojtje te status-quo dhe aspak agresive, ne rastin e Kosoves ata ndjejne nje pergjegjesi historike personale. Allbright, Hollbrook dhe Klinton duan te shohin deri ne fund ate qe ata nisen.

Me duket naive mendimi jot qe Klinton apo Hollbrook e duan Kosoven e pavarur per shkaqe "personale".
Ata jane politikane profesioniste dhe mbrojne interesat e partise dhe SHBA ne plane afatgjata.
Ata nuk mund te lejojne ringjalljen e nje Jugosllavie (lexo Serbije) te re, qe te sundoje popuj te tjere, duke krijuar burime te reja luftrash ne Ballkan e Europe.

Serbet ta shofin me dylbi Kosoven se koha e Car Dushanit ka ikur pergjithmone, do apo nuk do Franca e Rusia, se ka edhe Angli e Amerike, por mbi te gjitha ka nja 7-8 milion shqiptare ne Ballkan.

[dodoni]

Paralelizmat Kosovë Irak nuk mund të ngrihen sepse nuk qëndrojnë dhe nuk kanë absolutisht asgjë të përbashkët.

Pastaj, thënia se Kosova është 90% muslimane nuk është i saktë për ditët e sotme. Struktura fetare e popullsisë në Kosovë ka ndryshuar shumë ashtu si edhe në gjithë Shqipërinë. Përderisa të gjithë gjyshërit e ish-muslimanëve kanë ditur të praktikojnë fenë dhe kanë praktikuar fenë shumë shpesh, sot mbi 90 përqind e kësaj pjese të shqiptarëve nuk ka qenë kurrë në objektet fetare të tyre, pastaj nuk mund të gjesh asnjë njeri nën 25 vjeç me emër musliman. Pastaj mund ta marrim shembull vetëm qytetin e Gjakovës me 100-200 mijë banorë, ku edhe përpara ka qenë i banuar 30 përqind me katolik, tani janë hapur dhe janë në hapje edhe 10 kisha protestane. Poashtu edhe në Prishtinë e qytetet tjera. Pastaj kemi edhe shumë ateistë, agnostikë etj.
Ta themi se Kosova është 90% muslimane në ditët e sotme përveç që nuk është e saktë është edhe antikombëtare, pra, antiinteresave tona (edhe pse nuk duhet të jetë kështu, poqese e vështrojmë nga aspekti human i çështjes). Sot këtë term vetëm serbët janë duke e përdorur pasukses (dhe as që do të kenë ndonjëherë) që ta largojnë përkrahjen amerikane e europiane ndaj ne shqiptarëve. Prandaj, ne nuk duhet ta deklarojmë këtë kurrë, edhe sikur të ishte e vërtetë e jo më që nuk është e vërtetë aspak, bile shumë larg të vërtetës me kilometra.

Pastaj Francën mos e futni në rradhën e armiqve sepse nuk është e vërtetë që ata janë armiq tanë. Në Rambuje u mbajt atëherë konferenca për Kosovën, ishin ndër të parët që u pajtuan me Amerikën për bombardimin e Serbisë dhe çlirimin e Kosovës, e poashtu edhe tani janë një ndër aleatët tanë kryesor. Harroni Francën e 1912-tës, sepse tani jemi më 2004.

Edhe Rusia pamvarësisht lidhjeve që ka me Serbinë, nuk janë armiq tanë ashtu sikur i paraqesim neve. Ata para disa ditësh i larguan edhe trupat e tyre ushtarake prej KFOR-it, Kosovës. Rusia është duke punuar që të ec vetë përpara sepse e ka kuptuar që jo vetëm nuk është në gjendje e nuk do të jetë më kurrë superfuqi por e ka kuptuar dhe e kupton edhe gjendjen e saj ekonomike momentale. Kështu që, atyre pothuajse nuk i intereson fare për serbët. Ata po të duan të ndihmojnë aleatët e tyre, kanë mjaft aty fare pranë tyre dhe shumë më të afërt edhe për nga gjuha, traditat e vlerat tjera si Bjellorusia, Ukraina etj. Por ata nuk janë në gjendje të ndihmojnë veten e tyre në këto momente historike e jo më aleatët e tyre. Ata gjithë kohën po kërkojnë ndihma e fonde nga Amerika, BE e institucionet ndërkombëtare. Kështu që, Rusisë nuk i intereson fare për serbët, pastaj edhe me neve ata kurrë nuk kanë pasur ndonjë problem që të kenë ndonjë ndjenjë armiqësie ndaj nesh.

Unë jam i bindur që edhe republikanët e Bushi do ta zgjidhin problemin e Kosovës jo më larg se vitin e ardhshëm (mos të harrojmë këtu shumë republikanë që janë angazhuar shumë në çështjet tona kombëtare sikur Bob Dolle, Henry Hyde e shumë të tjerë) dhe atë ose pavarësi si fazë kalimtare ose direkt ribashkim me Shqipërinë. Por, Demokratët kanë qenë dhe janë shumë më afër nesh shikuar nga të gjitha aspektet.

Sidoqoftë, Dardania është në gjendje të jetë edhe shtet por nuk ka nevojë të jetë shtet kur ne shqiptarët e kemi një shtet tani dhe nuk na duhet dy shtete. Pra, Dardania do të ribashkohet me Shqipërinë.

[Albo]

Labeati, une e ndjek politiken amerikane me shume se sa ndjek ate shqiptare dhe te siguroj se e di perse shkruaj. Partizania me e madhe e luftes ne Kosove dhe forca shtytese qe i coi interesat amerikane ne nje linje me ato shqiptare ishte sekretaria e shtetit Madelain Allbright, e cila ne femijet refugjate te Kosoves pa veten e saj 50 vjet me pare kur ajo dhe familja e saj mori rruget qe ti shpetonte Holocaustit. Bill Klinton ndezi driten jeshile per nderhyrjen ne Kosove pasi ajo ishte forma me e mire per te hequr vemendjen e opinionit publik amerikan nga Monika Lewinsky dhe per te ndrequr imazhin e tij ne syte e opinionit nderkombetar dhe te historise. Disa muaj me pare kur kamandanti i NATO, Wes Clark vuri kandidaturen per president, ne media dolen edhe memot e kabinetit te Klinton per komandantin qe "ti jepte fund sa me pare luftes me cdo cmim", pasi bombardimet nga ajri mbushen plot 2 muaj. Clark dha doreheqjen e tij dhe doli ne pension fale perplasjes me kabinetin e Clinton qe nuk e lane te bente luften sic dinte ai.

Fale Kosoves dhe fale Allbright qe u be sekrete e shtetit ne mandatin e dyte te Clinton, Hollbrok beri nje kthese 180 grade nga Daytoni tek Rambujeja. Ne Dayton Kasapi i Ballkanit pozoi perpara kamerave nderkombetare me Hollbrook, i cili me ate mareveshje i shtoi jeten rregjimit te Milloshevic. Kurse 3 vjet me vone, Hollbrook perseri e ruajti miqesine e tij me Milloshevic, diplomati i vetem amerikan qe "nuk kish nevoje per vize te vizitonte Beogradin".

Hollbrook eshte si puna e Arber Xhaferrit shqiptar. Edhe Xhaferi 3 vjet me pare ishte ne qeveri me maqedonasit dhe e kish per nder te quhej "politikan i moderuar" ne krahasim me "shqiptaret ekstremiste" qe benin thirrje per lufte. Sot Arben Xhaferi, pasi e katandisi partine e tij ne 5% te elektoratit, eshte politikani i vetem shqiptar qe flet per "Shqiperine Ethnike".

[dodoni]

Së pari, çështja Lewinsky ka qenë shumë kohë para luftës dhe është mbyllur më 1995 apo 1996 dmth. dy vite para luftës. Më kujtohet fare mirë rasti sidomos nga shou i Jay Leno, të cilën e di fare mirë se e kam parë në Prishtinë. Ndërsa unë nga 1997-1999 kam jetuar në Tiranë. Kështu që kjo punë ka qenë para 1997, pra ose 97 ose 96. Kurse lufta është bërë më 1998.

Është fakt që Olbright ka meritën kryesore dhe ka qenë kontribuesja më e madhe në çlirimin e Dardanisë por kjo punë ka qenë shumë e madhe dhe për këtë që të gjithë kanë dhënë kontribut si Klinton, Hollbruk, Hill, Clark etj. Kjo nuk ka qenë punë që mund të bëhej vetëm nga një person i vetëm.

Hollbruk ka pasur probleme me hyrje dalje në shtetin e Millosheviqit, dhe poashtu më kujtohet fare mirë fjalimi i tij së bashku me Solanën kur i dhanë Nato-s (Klarkut) detyrën për të zgjedhur problemin e Dardanisë sepse siç thanë ata "Millosheviqi nuk njeh gjuhën e dialogut por vetëm atë të forcës".
Hollbrukun dhe askënd asgjë nuk mund ta shtyj të bëj këto deklarata për Dardaninë, por ai e njeh këtë problem shumë mirë dhe sikur të gjithë ata që e njohin problemin edhe ky bën këto deklarata. Poashtu, mund të them lirisht se është një nga diplomatët më të mirë botëror sot për sot.
Po të kontaktosh shqiptarët e Amerikës dhe organizatat e tyre dhe po t'i pyesësh për Hollbrukun ata e thonë se po e kemi mik shtëpie, aq shpesh i viziton ata dhe ka kontakte me ta. Kështu që nuk është vetëm premtim elektoral fare, por është tamam ajo çfarë ai ka në gjendje ta bëj. Po të ishte ai në pozitë qysh sot do ta zgjidhte këtë problem pa as më të voglin dyshim dhe Dardania do të ishte Shqipëri tani. Por do të bëhet jo më larg se vitin e ardhshëm pamvarësisht se kush fiton zgjedhjet në Amerikë, edhe pse mendoj që demokratët është më mirë të fitojnë për neve.

Arbër Xhaferri gjithmonë ka qenë për Shqipërinë Ethnike edhe kur ishte në pushtet e edhe tani. Ekziston plani dhe marrëveshja e tij me një nga politikanët kryesor sllavo-maqedonas të asaj kohe, për ndarjen e Maqedonisë midis Shqipërisë dhe Bullgarisë. Pra, kjo së bashku me shkrimet e deklaratat e tij të asaj kohe, dëshmojnë fare qartë se ai gjithmonë ka qenë, është dhe do të jetë për Shqipërinë Ethnike.

[edspace]

Raporti i Keneth Star doli në shtator të 1998 dhe ishte prezantimi para kongresit që e solli çështjen në qëndër të vëmëndjes. Para se të dilte raporti, skandali i Klintonit ishte vetëm në revista e gazeta.

Skandali dhe gënjeshtra e Klintonit nuk kishte shmangje sepse doli para kongresit dhe ai nuk rrezikoi jetën e ushtarëve amerikanë për të hequr vëmëndjen nga problemet personale. Klintoni ndoqi politikë për principet demokratike që themeluan Amerikën dikur. Klintoni pushoi konfliktet e Ballkanit, Afrikës, pothuajse arriti paqen midis Izraelit dhe Palestinës. Klintoi mbajti nën kontroll Korenë e veriut dhe Irakun duke ditur shumë mirë qëllimet e tyre. Pra Kosova ishte vetëm një nga kontributet e Klintonit dhe nuk ishte bazuar mbi problemet e tija personale por nga politika e jashtme që ai ndoqi gjatë 8-vjetëve si President.

Shumica e njerëzve që këshilluan Klintonin të ndihmonte Shqiptarët janë ende vërdallë dhe vitin tjetër mund të japin të njëjtën këshillë për Kerrin por problemi është se a do ti dëgjojë Kerri.

Bushi mund ta fitojë Kosovën me arrogancë kundër evropës, ndërsa Kerri premton bisedime dhe marrëveshje. Rusia, Sërbia mund të jenë të dobët nga ana ekonomike por kanë miq e aleatë, mbase më shumë se Shqipëria e Kosova. Evropa dhe Amerika nuk duan Kosovë të pavarur për tu bërë mirë Shqiptarëve apo për një Shqipëri të madhe. Evropa do vetëm stabilitet dhe një evropë të bashkuar ndërsa Amerika do influencën e saj në Ballkan për vlerat ekonomike dhe bazat ushtarake në rajon që do jenë të rëndësishme në të ardhmen për të kthyer lindjen e mesme drejt demokracisë e kapitalizmit.

Të gjithë kanë interesat e tyre dhe po afron koha që të mësojmë se cilat interesa do jenë më të forta. Aty do duken miqtë dhe armiqtë e vërtetë të Shqiptarëve. Çfarëdo vendimi të marrë komuniteti evropian, do jenë Shqiptarët që do shprehin miratimin përfundimtar. Sërbët nuk janë në gjëndje të bëjnë luftë ndërsa Shqiptarët janë të gatshëm të fillojnë konfliktet kundër çdo vendimi copëtues. Siç përmëndja dhe më lart, lufta nuk është në interes as të Evropës dhe as të Amerikës por në të njëjtën kohë ata duan të jenë të kujdesshëm që pavarësia e Kosovës të mos ngjallë konflikte të tjera në Maqedoni e Mal të Zi.

Ka ardhur koha të paguaj Evropa për copëtimin e trojeve Shqiptare.

[dodoni]

Po keni të drejtë se raporti përfundimtar u bë në shtator të 98-tës por vendimi për bombardim Serbisë dhe çlirim të Dardanisë u morr në mars të 1999, pra disa muaj pas publikimi të këtij raporti përfundimtar dhe pas faljes që amerikanët i bën Klintonit.

Poashtu pajtohem me juve se Klinton e bëri këtë bazuar në politikën e jashtme që në atë kohë pothuajse zgjidhi gjithë problemet më të mëdha ndërkombëtare.

Kurse nuk pajtohem me juve që Serbia ka më shumë aleatë në Europë se neve. Kjo nuk është e vërtetë aspak. Të gjithë e shohin Serbinë sikur një shtet i sëmurë nga mentaliteti shovinist i shumicës së popullsisë atje mbjellur nga ish-klasa politike. Ata i shkaktuan Europës një dekadë luftash me gati gjysmë milioni njerëz të vrarë e masakruar, pa marrë parasysh dëmet ekonomike të shkaktuara nga ta në dekadën e fundit të shekullit të kaluar që Europa dhe Amerika i kanë paguar.

Jo vetëm këshilltarët e Kerrit por edhe vet Kerri është deklaruar haptas për pavarësinë e Dardanisë dhe bile ka premtuar se do të angazhohet edhe për të drejtat e shqiptarëve në gjithë rajonin dhe investimet në Shqipëri. Poashtu edhe Bush ka deklaruar se problemi i Dardanisë do të zgjidhet në vitin e ardhshëm duke pasur parasysh gjithë opcionet e mundshme, edhe ribashkimin me Shqipërinë. Kështu që Dardania në vitin e ardhshëm do të ribashkohet me Shqipërinë ose do të pavarësohet si fazë kalimtare drejt ribashkimit me Shqipërinë.